الأخبار
أخبار إقليمية
الدولار يسجل رقماً جديداً أمام الجنيه وسط ارتفاع الطلب وقلة المعروض.
الدولار يسجل رقماً جديداً أمام الجنيه وسط ارتفاع الطلب وقلة المعروض.
الدولار يسجل رقماً جديداً أمام الجنيه وسط ارتفاع الطلب وقلة المعروض.


03-24-2014 01:34 AM

الخرطوم - الأناضول

قفزت أسعار صرف الدولار في السوق الموازي السوداني بعد مقاطعة عدد من المصارف العربية والأجنبية للبنوك السودانية، مع ارتفاع وتيرة الحظر الاقتصادي على السودان.

ووصل سعر الدولار في السوق الموازي إلى 8.50 جنيه، مقارنة بمستواه نهاية شهر فبراير الماضي عند 8.20 جنيه، وارتفعت معها أسعار العملات الأجنبية الأخرى حيث بلغ سعر الدرهم الإماراتي 2.28 جنيه والريال السعودي 2.23جنيه.

ويحدد بنك السودان المركزي، السعر التأشيري للدولارـ اليوم الأحد، بـ 5.7075 جنيها، ووصل أعلى سعر له 5.9358 جنيها وأدنا سعر عند 5.4792 جنيها.

وقال تاجر عملة بالسوق الموازي، فضل عدم ذكر اسمه، إن أسعار العملات الأجنبية في السوق الموازي صعدت وسط ارتفاع الطلب عليه وقلة المعروض.

وأضاف إلى أن الأنباء الواردة عن مقاطعة بعض المصارف العربية والأجنبية للبنوك السودانية، ساهمت في ارتفاع أسعار النقد الأجنبي بالسوق الموازي.

وأعلنت عدد من المصارف السعودية والأجنبية عن توقف تعاملاتها مع المصارف السودانية منذ بداية مارس الجاري.

لكن بنك السودان المركزي قال نهاية الشهر الماضي، إن لدى المصارف السودانية بدائل وشبكة متنوعة من المراسلين في المنطقة العربية والأوروبية والأسيوية، بما يساعد على تسهيل حركة التحويلات والتجارة الخارجية للسودان.


تعليقات 17 | إهداء 0 | زيارات 25019

التعليقات
#952428 [esan salih]
1.00/5 (1 صوت)

03-25-2014 12:27 AM
أنا أقترح وضع صورة عمر البشير فى الجنيه حتى تحل به البركة و يساوى الدولار.

[esan salih]

ردود على esan salih
[ديموقراطية] 03-25-2014 07:59 PM
ههههههههههاي ههههه


#952398 [اسعاف طاير !!!]
2.50/5 (2 صوت)

03-24-2014 11:25 PM
السعر ده قبل الوثبة وله بعد النطة!!!!

التقول حاكمنا ارنب!!!!!!

[اسعاف طاير !!!]

#952265 [جركان فاضى]
1.00/5 (1 صوت)

03-24-2014 08:39 PM
يقولون قفزت اسعار الدولار...والصحيح وثبت اسعار الدولار...فالقفز يكون بالقطاعى...اما الوثب فيكون بالجملة

[جركان فاضى]

ردود على جركان فاضى
European Union [نطة نطة .. بيت بيت] 03-25-2014 12:28 AM
تمشياً مع (وثبة) المشير ..


#952219 [ودالقبائل]
3.00/5 (3 صوت)

03-24-2014 07:39 PM
وطن لا نحميه لا نستحق العيش فيه .

[ودالقبائل]

ردود على ودالقبائل
European Union [حليلو القام ب ليلو] 03-24-2014 08:39 PM
كلامك 100% نحن لا نستحق في بلد فقدنا فيه أهلية حمايته ونستاهل كدا وبقينا مبلمين ومبكمين.


#952149 [مصباح]
4.50/5 (2 صوت)

03-24-2014 06:16 PM
دا لو وقف في العشرين بعد كدة كويس..عملوها اللصوص سارقي المال العام وآكلي حقوق الشعب المسكين، وبكل أسف عملوها بالخداع باسم الدين.. الله كريم على المساكين بس

[مصباح]

#952059 [عبيد الله]
2.00/5 (1 صوت)

03-24-2014 04:15 PM
يوم بيوم نبيع العملا وثبة وثبة
يوم بيوم نعيش في الخيلا وثبة وثبة
يوم بيوم نصلح بلدنا وتبقى احسن من اي حتا وثبة وثبة
يوم بيوم ( خلونا نصلي العصر بلا لمة )

[عبيد الله]

#951773 [عبد الله]
4.00/5 (2 صوت)

03-24-2014 12:37 PM
بله الغايب قال الدولار حيوصل سعره لحداشر الف عن قريب ههههها

[عبد الله]

#951758 [ASO]
4.50/5 (8 صوت)

03-24-2014 12:24 PM
والله اجزن اشد الحزن عندما اري احد سعيدا انو الدولار حصل كم والريال حصل كم
وهو مغترب ولا ينظر لحاله انسان شغال موظف في السودان راتبو 600ج والاسعار تزيد وراتبه لايذيد
احزن لفرح البعض ان عمله بلده تتهاوي
لو كان الخبر ان الجنيه ارتفع واصبح الجنيه يساوي 4 دولارات من حقنا ان نفرح
لان هذا الحاله ستعيدك الي بلدك ماقائده ان تتغرب سنين طويله وانت عباره عن انسان الي تاكل وتشرب وتعمل وتنزل اجازه شهر للسودان وانت تلعن البلد

[ASO]

ردود على ASO
United States [ديموقراطية] 03-25-2014 08:04 PM
يا خوي انا قاعد في السودان ده لا مغترب ولا عندي دولار ولا جنيه زاتو واتمناهو يحصل 15 جنيه رايك شنو ؟

United States [جركان فاضى] 03-24-2014 04:27 PM
واين يذهب دولار المغتربين ؟الايذهب لاسرهم واهلهم داخل السودان...وهل يستفيد المغترب من ارتفاع سعر الدولار اذا كانت الاسعار سوف ترتفع كلما ارتفع؟...واصلا هل هناك اسرة ليست لديها مغترب؟...سبعة ملايين سودانى فى الاغتراب يمثلون ربع الشعب السودانى...ثم ان من بالداخل لايريد ان يثور على الانقاذ بالرغم من انها اوصلته لحياة افضل منها الموت

United States [كوكاب] 03-24-2014 03:17 PM
معليش ياخي مصائب قوم عند قوم فوائد والله الواحد حزين لحال البلد تخيل قبل عدة سنوات تضررنا نحن كمغتربين لعدة سنين بسبب ارتجال الدولة بسبب تدخلها وتحديد صرف الريال من 750 الى 500 مقابل الريال ورغم تضاعف سعر الريال الا ان الامر لا يسر لان كل السلع ارتفعت الى اضعاف مضاعفة بس الحل الوحيد ربنا يخلصنا من هؤلاء المجرمين .


#951718 [واحد حلفاوي]
5.00/5 (10 صوت)

03-24-2014 11:54 AM
المشكلة اننا كسودانبن ندفع ثمن احلام وتطلعات اخوتنا في ( قطر ) التي ارادت ان يكون السودان معبرا لدعمها (لجماعة الاخوان المسلمين ) حتى لو كان الثمن موتنا جميعا .....

هم يعيشون نعبم الدنيا وبهجتها ونحن نعيش في اوهام ( جهاد الاخوان المقدس ) ......

اخشى ان ياتي علينا العام القادم ونكون قد اصبحنا الاقلية ( المسلمة ) بعد استعار حملات التنصير والالحاد وسط السودانين ....

اللهم اهدي اخوتنا في (قطر ) .....

[واحد حلفاوي]

ردود على واحد حلفاوي
European Union [الابكم] 03-24-2014 07:33 PM
يا زول كلامك ده شنو ده الواحد عندو كلام اكبو بس اسي لو سالناك علاقة قطر وارتفاع الدولار في السودان شنو ...سودان عجيب كل بلاويكم ترموها علي غيركم تركبو الموجة ومحل ما ترسي تمسي ال حلفاوي ال ههههههههههااااااي والله كلام نحن السودانيين صنعنا الطيارات وعلمنا ناس ظعيط ومعيط وحفرنا البحر الاحمر يا ناس فكوها شوية ...وبعدين البلاوي الفي البلد ما يعملها الا ....ال سوداني ال


#951657 [الورل]
3.00/5 (2 صوت)

03-24-2014 11:02 AM
الدولار عمل كم الليلة الصباح يا ناس الخرطوم
طق اضانا 8650 جنيه
ادونا الاكيدة

[الورل]

ردود على الورل
United States [كرياب] 03-24-2014 11:40 AM
الريال المبلغ الكبير في السودان 2300جنيه المبلغ الصغير 2235 جنيه


#951458 [ود السجانه]
5.00/5 (10 صوت)

03-24-2014 08:27 AM
ماذا عند حسين خوجلي من أسرار حتى يتكلم على أي شيء ولا أحد يسأله ناس الأمن معذبين الصحفيين والجرايد كل يوم إعتقالات ومصادرة لمجرد قول أي شيء ولاكن الطفل المدلل لعمر البشير لا يسأله أحد وينتقد الإنقاذ والوزراء ويتكلم عن الفساد والتدهور بأي كلام ما هو سر هذا الرجل !!!!!

[ود السجانه]

ردود على ود السجانه
European Union [قدور] 03-25-2014 12:33 AM
حسين جوغلي ، موظف عند عطا المولي ، والقناة بتاعة عطا المولي .. يا هو دا سر (الرجل) لو حسبناه (رجل) .

United States [كاكا] 03-24-2014 04:31 PM
ده ما ديكور يتحرك بالرموت زي خطب الحمعة تكون مجهزة من يوم الثلاثاءعشان يوهموا الناس انو في حريةوديمقراطية عرفت السر يا حبيبي

European Union [سر حسين خوجلي هو؟] 03-24-2014 01:58 PM
سر هذا الرجل أن النظام أفلس - ويريد أن يقول لكم ما تعرفونه تماما عن النظام من فساد هو يتفق معكم وأيضا كل أفراد النظام يعرفون هذه الحقيقة لأن اللعب أصبح على المكشوف وما من وسيلة يمكن أن تحجب هذه الحقيقة. يريد أن يقول لكم أن التمكين قد تم ومحاولة تغيير النظام ستؤدي لتحطيم مفاصل الدولة قبل أن تتمكنوا من تحطيم المؤتمر الوطني هذا ملخص رسائل حسين خوجلي. تذكركم بما يحدث في العراق و سوريا و ليبيا( التخويف). ولكن وبالرغم من سكوتنا سنصل إلى ما وصل إليه العراق وسوريا وليبيا. لأن دولة التمكين تحمل بذور فنائها في داخلها بالتخلي عن دورها كدولة بإستعدادها أن تبيع كل ما علي أو تحت أرض السودان وأن تصدر شيكات على بياض كثمن مقابل جرعة من الساعات أو الأيام أو حتى السنين.

[عمق الوجع] 03-24-2014 10:38 AM
الفكي بتاعو قوي مطشش ناس الامن منو وعامي ليهم قلوبهم

United States [ود الابيض] 03-24-2014 10:12 AM
انت لسع ماعارف السبب؟
السبب بسيط هو انو الانقاذ دايرين يعملو ليهم شخصية كارزمية تلتف حولها ويصدقوها
والشخصية دي عايزة تقول للناس بالانابة عن المؤتمر الوطني (ياناس نحن عارفين الحكومة دي فاسدة وظالمة ووو...) لكن بس لازم يثبت للناس انو باقي احزاب المعارضة ديل كلهم زبالة وعواليق اكتر من ناس الانقاذ. عشان في النهاية يسودوا هم (فرق تسد)
ناس المؤتمر الوطني الان عرفوا انهم مكروهين من الناس كلها عشان كدا شغالين اليومين دي بمبدأ فرق تسد.
عشان كان قامت انتخابات يفوزوا هم

[fadeil] 03-24-2014 09:31 AM
ربما تكون أسراره عند بله الغائب .

United States [جركان فاضى] 03-24-2014 09:25 AM
حبيبى ود السجانة اسعار الحديد كيف؟...بعدين لا سر ولا حاجة....هذا الحسين خوجلى يرمى السم وسط الدسم..يضلل ذوى الثقافة الضعيفة...فيما يستهجن كلامه الناس الفاهمة...ومثال لسمومه قوله:انتوا قايلين الشباب ديل شغالين بالمعارضة او بالحكومة...الشباب ديل عندهم حاجات تانية فى رأسهم...شوف السم..يعنى الشباب السودانيين ليس لهم هم بالسياسة...شغالين بالفارغة ومقدودة...عشان فتات دنيا فانى يريد ان يحطم كل كبرياء فى شبابنا


#951418 [الارباب]
4.00/5 (3 صوت)

03-24-2014 07:50 AM
25 سنة ......
الخرطوم (سونا)- أكد الفريق أول ركن بكري حسن صالح النائب الأول لرئيس الجمهورية ان خطاب رئيس الجمهورية الذي وجهه للأمة السودانية عبر مجلس الوزراء اليوم يمثل برنامج عمل تنفيذي للحكومة خلال المرحلة القادمة .

قال البروفيسور ابراهيم غندور مساعد رئيس الجمهورية ان خطاب رئيس الجمهورية الذي وجهه اليوم للامة السودانية عبر مجلس الوزراء يمثل خطة عمل كبري للدولة خلال المرحلة المقبلة داعيا الي ضرورة تمليك هذا الخطاب لكل القطاعات وذلك للمساعدة في تحقيق أهداف وثبة الاصلاح الشامل .

الخرطوم (سونا) اكد د. مصطفي عثمان اسماعيل وزير الاستثمار ان خطاب رئيس الجمهورية حول الاصلاح الشامل وعمل الحكومة في المرحلة المقبلة الذي قدمه اليوم بمجلس الوزراء يتكامل مع موجهات خطابه السابق حول الحوار الوطني وليس بديلا عنه .

الخرطوم (سونا) - أكد مساعد رئيس الجمهورية رئيس جبهة الشرق موسي محمد احمد ان خطاب رئيس الجمهورية الذي قدمه اليوم بمجلس الوزراء حول الإصلاح الشامل وموجهات الحكومة للمرحلة المقبلة حوي معظم القضايا الهامة التي تمس جوهر الحياة السياسية والاقتصادية والاجتماعية بالبلاد .

معقول؟!!

[الارباب]

ردود على الارباب
United States [ود العوض] 03-24-2014 10:53 AM
ديل يا ود الارباب ناس الخيال الواسع وازيدك في الشعر بيت ديل برتية كبار المشائخ في الحزب الاسلامي التابع لتنظيم اخوان الشيطان الدولي الذين اذا قيل لا هم لا تفسدوا قالوا انما نحن مصلحون ويبررون لانفسهم كل الموبقات بدون استثناء من سفك الدماء واكل السحت ولا شك ستكون نهايتهم سودة نتيجة ظلمهم للناس

[ابو عبدالرحمن] 03-24-2014 08:38 AM
اوعا تكون الارباب بتاعنا بتاع الهند
كان ياكا انت والله انت زول جعجاع ساي وما عندك موضوع

[جركان فاضى] 03-24-2014 08:31 AM
يالارباب ياحبيبى...انت شايفو ما معقول؟....تعال نتحاور


#951381 [غردون]
0.00/5 (0 صوت)

03-24-2014 06:57 AM
وييييييييين عندهم ؟!!بتكلم ساكت

[غردون]

#951361 [الارباب]
4.98/5 (10 صوت)

03-24-2014 05:35 AM
اني لا ألوم البشير وغيره من (الإنقاذيون) بقدر ما غاضب من أهلهم وبالذات (ابائهم) ....لأنهم ما (ربوهم)!!
كل صعلوك معتوه (ما مربي)...و(منبوذ) في الحلة .....مشي الجامع وبقي اخ (مسلم)!
الذي يقبل بما يحدث بل يتسبب في ما يحدث للبلد والناس (ما أتربي)
ولا يوجد حل معهم سوي تربيتهم بالقوة لأنهم من قوم (يخاف وما يختشيش)
قال حوار قال!!
معقول؟!!

[الارباب]

ردود على الارباب
[الارباب] 03-24-2014 10:40 AM
يا قسم السيد الظاهر انك (مربي) ...
اننا يا اخي نحكم (بساقطين) أخلاقيا عديمي الإحساس (ومرضي) فاتوا مرحلة الكذب علي (الآخرين) وأصبحوا يكذبون علي (انفسهم)!!
انهم (لا يحترمونناولا عقولنا) وشردوا نص الشعب والتص التأني (بيشاور) في عقله ...وانت شايل هم أبوه؟!
معقول؟!

[ابو عبدالرحمن] 03-24-2014 08:40 AM
ارباب يا جعجاع امشي شوف ليك نوم نومو ولا شوف ليك شبكة صلحا يا مهندس الشبكات

United States [محمد حسن] 03-24-2014 08:38 AM
يا الأرباب الواحد لما يكون ساقط أخلاقياً لا يبالي مهما يفعل لذلك تجدهم باردين عندما يكذبون ويصرون على الكذب .. والله فيهم واحد منسق دفاع شعبي لما يقول ( الله أكبر ) تخجل عليه.. مكسور حتى في مشيته دا غير الشماشة وأولاد الحرام اللي لموهم وسموهم قوات التدخل السريع..

United States [عبدالله قسم السيد] 03-24-2014 08:35 AM
دي قلة أدب فاتت الحد يا الأرباب، ما في داعي لذكر آباء الآخرين لأنك بهذه الطريقة تلعن أباك.


#951351 [منصور محمد صالح محمد العباسي]
1.00/5 (1 صوت)

03-24-2014 04:31 AM
بنك السودان لديه خبرة واسعة في التحايل والمعملات المصرفية عبر العالم فلا داعي للخوف ،، حكومة السودان اذكي حكومة في العالم الان تعرف كيف تلعب بالبيضة والحجر مع المجتمع الدولي ،،،فلا داعي للخوف ايها السادة الكرام،،،نحن في في عالم اليوم لا بقاء فيه الا للاذكياء فقط ،،،لو كنا حكامنا في الماضي اذكياء لملكنا العالم ولكن للا سف الشديد كل ح الحكومات السابقة كانو يحكمون السودان بالطيبة فقط ،،،

[منصور محمد صالح محمد العباسي]

ردود على منصور محمد صالح محمد العباسي
United States [seems] 03-25-2014 01:25 PM
تاني ياالجدك العباس- باين عليك دجاحة الكترونية - يااخى قوم اتلم على اهلك العباس لو بيقيلوا بيك مع انهم صنفوكم من الارهابيين - صحيح بنك السودان كان لديه من الكوادر ذات الخبرة الواسعة والمتمكنة من العمل المصرفى امثال مهدى الفكى واحمد عبدالرحمن الشيخ وذاك العقد الفريد من الكوادر العالمية بس انتو جيتو ومكنتوا اهلكم من اصحاب الولاء فضاع كل شى وبيشتغلوا برد الفعل مافى سياسات واضحة فى الحاضر ولا للمستقبل وزمان قلتو لو ما قامت الانقاذ الدولار كان ةصل عشرين جنيه والان اصبح اكثر من 8500 جنيه
فعلا حكومة الانقاذ بتلعب بالبيضة والحجر لانها اغبى حكومة مرت على السودان وبيديروا البلد زى كنتين اليمانى رزق اليوم باليوم لاسياسات ولااقتصاد مثل واحد بس اقوله ليك وزارة الخارجية فيه واحد زى كرتي بعدما كان فيه واحد زى المحجوب ومبارك زروق ماسكين البلد بالحديد والنار قسمتو البلد لنصين والحروب دائرة فى الغرب والشرق والناس جعانة ومرضانة نشفتوا المستشفيات المرجعية ووزير صحة الخرطوم بيستثمر فى صحة الناس ورئيسكم الرقاص مع ابوريالة مطلوب للعدالة الدولية وماقادر يقوم بمهماته الرئاسية ولكن دوام الحال من المحال ولو كانت بتدوم ما كانت وصلت ليكم وما حتدوم ليكم يا الجدك العباس لا والف لا بس مخك جركان معفن مليان بالقاذورات الانقاذية

European Union [ودالباشا] 03-24-2014 02:52 PM
ضحكتنا شديد

ما تنقطع بالله الايام دى بالذات

United States [بت البلد] 03-24-2014 10:51 AM
وشهد شاهد من أهله على التحايل والأكاذيب... بس دا كان زمان داخل السودان لكن الشعب السوداني بقى واعي ....أما دوليا ما عندكم أي وزن وفقدتوا المصداقية والنتيجة حصار وحظر ... يعني القوه دي تاني مابتنفع حتى في الخرطوم جوه ...

United States [mon] 03-24-2014 09:55 AM
طيب يا حدق خلي حكومتك الذكية تكتف الدولار ده. ...ههههههه

[ابو عبدالرحمن] 03-24-2014 09:11 AM
منصور انت كوز والصحيفة دي معارضة ما تدخل هنا تاني بحذرك

[جركان فاضى] 03-24-2014 08:32 AM
البسمع كلامك يقول برشلونة بتلعب مع ريال مدريد


#951347 [العلماني]
5.00/5 (1 صوت)

03-24-2014 04:03 AM
الدولار يسجل رقماً جديداً أمام الجنيه وسط ارتفاع الطلب وقلة المعروض.
قلة المعروض ؟
السودان للأسف الشديد لديه كثرة المعروض من الكيزان الإرهابيين تجار الدين الفاسقين الفاسدين وإنشاء الله قريبا سوف تظهر قائمة أسماء هؤلاء الأرهابيين وعليه سوف يتم التخلص منهم حتى يعم الأمن والسلام ليس في السودان وحده بل في جميع أنحاء العالمخ وبعد ذلك سوف يكون الجنيه سوف يجل رقما جديدا أمام الدولار وسط أرتفاع الطلب وقلة المعرض .
قريبا سوف تظهر قائمة بأسماهم وعليه سوف يتم إعدامهم لأنهم غير صالحين .
نحن الآن لدينا رئيس رقاص هارب سفاح جعل وكل من معه بأسم الدين قلة المعروض من الأدب والأخلاق والوطنية والإنسانية .

[العلماني]

#951341 [ياسر عبد الوهاب]
0.00/5 (0 صوت)

03-24-2014 03:42 AM
هذا وقد افاد مراسلنا ان الأستاذ حسين خوجلي سيقوم بجولة عربيه؟ خليجيه يتفقد فيها رعاياه ويعمل علي ايجاد الحلول لكافة مشاكل السودان وجنوب السودان بما فيها حلايب..دارفور..جنوب كردفان..الفشقة..سد النهضه..مياه بورنسودان..المناصير..مشار...الخ الخ الخ... الصادق..الميرغني..الترابي...
والوثبه ..وقد يرافقه مصطفي عثمان والخابور الوطني كمان..

[ياسر عبد الوهاب]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية

الاكثر تفاعلاً/ق/ش

الاكثر مشاهدةً/ق/ش

الاكثر تفاعلاً/ش

الاكثر مشاهدةً/ش







الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة