الأخبار
أخبار إقليمية
صراخ طالبات بسبب «the voice» يستدعي دورية شرطة
صراخ طالبات بسبب «the voice» يستدعي دورية شرطة
 صراخ طالبات بسبب «the voice» يستدعي دورية شرطة


03-24-2014 11:50 AM

الخرطوم:
تسببت صرخات هستيرية وعالية لحد بعيد لطالبات داخلية مدينة داؤود عبداللطيف الجامعية للبنات، في استدعاء دورية للشرطة لمعرفة أسباب تعالي صرخات الطالبات. التي وضح لاحقاً أنها بسبب برنامج تلفزيوني،في الوقت الذي استنكر فيه أهل الحي سلوك الطالبات، بينما أوضح خطاب رسمي من شركة «غروزفينور» معنون للطالبات - أن وجود المدينة الجامعية بالحي يتطلب الانتباه لسمعة الحي وأن لايكون نقمة، وأضاف البيان أن التعبير عن الفرحة بإحدى فقرات البرنامج كان أقوى من احتمال أهل الحي، وسط احتجاج للأسر التي تقطن الحي. لأن التعبير بالفرحة كان في وقت متأخر من الليل نتج عنه وصول دورية للشرطة نسبة لرفع الأصوات وطول زمن ذلك. ودعا البيان الطالبات إلى المحافظة على لائحة الداخلية والاحترام المتبادل.

الإنتباهة


تعليقات 26 | إهداء 0 | زيارات 14463

التعليقات
#952325 [ابوكديس]
5.00/5 (1 صوت)

03-24-2014 10:43 PM
الناس دى كلها بقت ماعندها انسانية لوسكنو جنبهم عذابه يقولو مانافعين وينادو سيد البيت يقولو ليهو اطرد الشباب ديل من بيتك اما الداخليات بتاعت البنات الواحد فيهم لو راجل او امراة لوداخل يشوف فى الداخلية ولو وخارج كذلك

والحاجة الغريبة قال سمعت الحى ؟ يعنى صرخت الطالبات سمعوعها ناس الحى المجاور

بدل مايفزعوهم جابو ليهم 999

التسوا فى بنات الناس من ارهاب واستدعاء الشرطة تلقو فى.......

[ابوكديس]

#952305 [شمال و جنوب فى محنة]
5.00/5 (1 صوت)

03-24-2014 10:18 PM
اصبحت تعليقاتنا في الراكوبة تحمل انحطاطنا اكثر من رغبتنا في ايصال صوت الحق فاما ان نلتزم بالهدف المنشود او فلتقلق الراكوبة موقعها نحن هدفنا من التعليق ان يصل صوت الحق و لكننا صرنا كالاطفال لا نعى ماذا تعنى الحروف التى نجمعها نرجو من كان يرجو الخير لهذا الوطن ان يكون موضوعى في طرح رائيه فما كل ظاهرة سالبة تعالج بالتهكم

[شمال و جنوب فى محنة]

#952256 [حاج ابكر]
5.00/5 (1 صوت)

03-24-2014 09:34 PM
الداخليه مزدحمه جدا لو كل واحده قحت كح كح الصوت حيكون عالى جدا و اى زول عاش فى مدينه مزدحمه مثل القاهره بيعرف الحاجه دى كويس بعدين بنات مغتربات و متغربات خلوهم يفرحوا شويه يا ناس الحى برضوا اعتبرهم بناتكم بعدين ياخونا الكوره دى ما كولها كواريك بس البنات كان ليقو ليهم شيتن يكوكو بيهو الدنيا تنقلب (كوركن فكن حلقومكن بس بالنهار علشان الجيران و كده يا بناتى الله يديكن العافيه)

[حاج ابكر]

#952223 [مالك الحزين جدا جدا]
1.00/5 (2 صوت)

03-24-2014 08:44 PM
بنات عديمات أدب وحياء ,, وأبائهن لم يربوهن ,, لانهم غير متربين ,, وفاقد الشىء لايعطيه ,, ياخساره على التربيه ولايسعنا إلا أن تقول لاحول ولاقوة الابالله

[مالك الحزين جدا جدا]

ردود على مالك الحزين جدا جدا
European Union [رماة الحدق] 03-25-2014 01:44 AM
اخى مالك ..
ربما بنت خالتك في هذا السكن او بنت اختك

هذا السكن فيه اكثر من الفين بنت هل تستطيع ان تحمل هذا الوزر مع الفين اسرة يلا خم وصر ..
رسولنا الكريم وصانا بان نقول خيراً او نسكت

ولا تنسي ايضاً بان هذا متنفس طبيعى لبناتنا المحترمات ديل وان الشباب ايضاً يعبرون عن فرحتهم عندما الهلال يحرز هذف في المريخ او العكس ( ولا البكوركو ديل برضو ما متربين وما عندهم اباء )

امهات المستقبل في سكن داؤد عبد اللطيف لا تكترثو لهذا الضجيج فانه يوجد حاقدين على اوضاعكم الماديه الجيدة فاذا وصلو لدرجة الاعتداء عليكم يوجد اخوه سوف يحموكم بدمائهم الطاهره .. لاتهتمو بالصفيح الفارق وركزو في العلم مع قليل من الترفيه ولاتنسوا الحملات السياحية لانه يوجد بينكن من لا يعلمن شى عن السودان .

حفظكم الله ورعاكم

United States [ابوكديس] 03-24-2014 10:28 PM
كيف تسىء بنات الناس واباهم كمان


#952153 [ابوزهرة]
5.00/5 (2 صوت)

03-24-2014 07:22 PM
ياجماعة سوؤال لكل مرتادى الراكوبه
هل نحنا كلنا بنفهم فى الدين الاسلامى
ولا دينا دة موجه للمشاكل
وكل من هب ودب يجيب ليهو ايه
ويستدل بيها
اللهم احفظ دينك من كل المتاسلمين
اللهم دمر كل من جعل دينك مطيه لاكل الناس بالباطل
والتشبث بالسلطة
ومتى يجى اليوم
الى يحكم فيه بالاعدام زى مصر ماعملت فى الاخوان
على كل المتأسلمين تجار الدين
واولهم الرقاص واخرهم الكلب الجربان نافع
والمعتوه امين حسن عمر
والا اصغر كلب بيهتف للحراميه
وشكرا

[ابوزهرة]

#952139 [بادي أبو شلوخ]
3.00/5 (4 صوت)

03-24-2014 07:00 PM
زمان كانت البنات المراهقات يصرخن بهستيريا في الحفلات الحية للفيس بريسلي والخنافس مثلاً.

طيب الشتر ديل الزي الغراب العاوز يقلد الطاؤوس بيصرخن في شنو؟؟ والحفل منقول على التلفزيون؟؟طيب لما كانوا بيصرخن معنات الكلام ده ما كن سامعات كلمة واحدة من غناهو وحتى لو سمعن ما بكونوا فاهمات لأنو الجنى قالوا بغني بالإنجليزي يا مرسي.

[بادي أبو شلوخ]

#952109 [Hamdi]
0.00/5 (0 صوت)

03-24-2014 06:27 PM
منتظرين فتوى....هل نايل حلال أم حرام؟

[Hamdi]

#952103 [جركان فاضى]
3.00/5 (2 صوت)

03-24-2014 06:14 PM
كان النميرى يمطر يوميا داخليات الطلاب والطالبات ..يمطرهن بالبنبان خمسة مرات فى اليوم..واحدة بعد صلاة الصبح..واحدة الظهر وواحدة العصر ثم المغرب والعشاء...وكانت هتافات الطلاب تدوى وتجلل الاماكن..وصرخات الطالبات تفجع القلوب...الكل كان يناضل ويشيل هم النضال...اما مايحدث فى داخلية داؤود عبد اللطيف فانه السقوط الداوى لشبابنا...صراخ فى برامج اللهو وضياع الوقت...رؤوس خاوية من اى قيم خير وجمال

[جركان فاضى]

#952095 [النوبي]
4.00/5 (3 صوت)

03-24-2014 06:04 PM
ياهوووووووووووي انتو مالقيتو غير الجكس المساكين ديل تفشو غلكم عليهن.. يعني عشان تفاعلن مع برنامج عاملين علهن ثورة ؟؟. يخس عليكم كده شوفوا الاول الحرمية الناهبين البلد والمطلوقات في الشوارع وبعدين اتكلموا على ديل ! عالم وهم .

[النوبي]

#952071 [الديمقراطي]
0.00/5 (0 صوت)

03-24-2014 05:29 PM
هاااااجماعة ورونا نايل دا جاب البرنجية في شنو ؟

[الديمقراطي]

#952037 [عباس محمد علي]
4.00/5 (3 صوت)

03-24-2014 04:51 PM
أولا هو مسمي نفس (نايل) بالإنجليزي و يغني بالإنجليزي ولابس إنجليزي و عايش في دبي الإنجليزية يعني هو متبريء من كل ماهو سوداني و في الحلقة قبل الأخيرة غنى بالإنجليزي و لكنه ختم بغنوة سودانية و لكن للأسف نسبها لمطرب مصري وتناسى وتجاهل تصحيح من أحد الحضور ب(شرحبيل أحمد) و أنا شخصيا صوت ليهو ليس حبا في البرنامج ولا في نايل بس لأنها صارت قضية راي عام و أنا أحب مشاركة كل ماهو راي عام و لكن صاحبنا سقط ولم يفوز والحمدلله على ذلك !!!!

بخصوص بنات الداخلية يظهر أنه قبل هذه الحلقة وما عارف إيه عملن عقب إعلان فوز وهم و خسارة نايل إحتمال أرسلوهم لغرف الإنعاش المركز و وقفوا ليهن سيارات إسعاف جنب الداخلية و بعدين يا جماعة كتر خير الزول العمل داخلية للبنات بعد ما نفض الكيزان و رئيسهم البشير يده من دعم مجانية التعليم والإعاشة كل من عنده إنتقاد يوجه للمتسبب في إنتشار الداخليات في الحياء السكني في العاصمة والولايات و تغريغ الداخليات المعروفة قبل الإنقاذ اين هي و ماذا حل بها؟؟ وأتركوا الطالبات في حالهم لنهم بناتنا و بنتاكم وليست بنات الكيزان لأبناتهم كلهن يدرسن خارج السودان بقروشنا و قروش الشعب وخلو بناتنا يعانين في داخليات الحياء تحت الإدارة الكيزانية

[عباس محمد علي]

#951992 [عود عُشر]
0.00/5 (0 صوت)

03-24-2014 04:16 PM
لو كان خرجن في مظاهره طلبا للحريه والحقوق المدنيه كان ضربتوهن بالرصاص وأخرصتم أصواتهن لكن لما انطلقن وصرخن بسوء وصعلكه نبهوهن تنبهيه لأن الإنطلاقه بتعجبكم يا كيزان والشرم..

[عود عُشر]

#951988 [لهذا السبب...]
0.00/5 (0 صوت)

03-24-2014 04:14 PM
ما هو عشان كدة....

مفروض داخليات الطالبات.... والطلاب....تكون مفصولة عن الأحياء السكنية.... وتحت اشراف الجامعة

المعنية... يعني زي جامعة الخرطوم كمثال....

مش يخلوها استثمار.... والمستثمر ما بهمو.... غير جمع الفلوس وبس.....

[لهذا السبب...]

#951945 [عاصم]
5.00/5 (1 صوت)

03-24-2014 03:51 PM
لا تتوقعوا انفراج في الحالة السودانية مادام الوضع وصل إلى هذا الحد في المجتمع الأسري السوداني ليس هناك واعز ديني ليجعل الاسرة تحمل أبناءها وبناتها على الاتجاه الديني من حفظ كتاب الله والجلوس إلى حلقات العلماء وتحصيل الفقه والحديث وإزكاء الروح بالروحانيات الإيمانية المستقيمة المعتدلة لا المتشددة وترك السعي وراء تعلم الغناء والسفور والرقص والاختلاط الذي يقود إلى الرذيلة، انظر الآن أغلب شباب وشابات السودان يتسارعون للغناء وتعلمه وأدائه أما كان من الأفضل تعلم القرآن وتحسين الصوت به أما كان من الأفضل تعلم الحديث للعمل به أما كان من الأفضل التبحر في الفقه للأخذ به أما كان من الأفضل السعي لنيل الثواب من الخطو إلى حلقات العلم والنور الإيمانية في المساجد وغيرها من دور العلوم الدينية؟؟؟؟!!! والحديث في ذلك يطول ويطول . اعلم جيدا أيها المواطن السوداني ما ضربنا الله تعالى بهذا البلاء إلا حيدنا عن الطريق القويم ولن تنفرج الحالة ولن يرضى الله عنا إلا إذا عدنا إليه بتوبة نصوحة وصدق وهذا هو سبب بلائكم وليست الحكومة يقول الله تعالى (إن تنصروا الله ينصركم)وهو وعد من الله لنا مشروط بشرط مقدم على الوعد فانصروا الله بطاعته ينصركم ولن يخذلكم ووعد الله حق وصدق .

[عاصم]

ردود على عاصم
[ابوحواء] 03-24-2014 11:45 PM
الله يديك العافية ..


#951922 [كركاب]
3.00/5 (2 صوت)

03-24-2014 03:37 PM
الجكس رايح ليه فاكرين الشفت بتصله الصيحات دى
وما عارفين الولد المفتح بقى اسطايله غير
الجكس الاغبش ذى (المرورو) ما لقين حق البوش مش كان سكنوا فى مدينه..
اعمى ومسكو العكاز ما فارزنو

[كركاب]

#951919 [ابو وضاح]
5.00/5 (1 صوت)

03-24-2014 03:35 PM
ياجماعة انتو حق الجار وين يا امة اولا

[ابو وضاح]

#951848 [أسامة عبدالرحيم]
3.50/5 (4 صوت)

03-24-2014 02:48 PM
أخوانا المعلقين البيتكلو عن عورات البنات ديل مالهم؟؟ فقدوا المنطق؟؟
بنات فرحانات وبيكوركو جوة الداخلية.. دي علاقتها شنو بالعورة.. آآآه قصدهم صوت المرأة عورة!!

وعموماً جميل جداً أن بنات السودان يفرحوا لفرح شاب سوداني فاز في The Voice.. وجميل جداً أنهم يحبوه كمان.. خليكم إنفتاحيين شوية وأطلعو من الغابة العايشين فيها دي.. مافيها حاجة انه بنات الداخلية يزغردن عشان نايل أو حتي مهند بتاع المسلسل التركي.. هسع لو البنات طلعو في حدائق عامة وفي الشوارع وهن يهتفن لنايل كان قلتو عليهن شنو؟؟ فاحشات وفاسقات وزانيات يعني؟؟!!

وبعدين الجيران زعلانين في شوية زغاريد وصوت عالي نابع عن فرحة إعلان نتيجة دقيقتين مالهم وهم في نفس الوقت ما بيفتحو خشمهم في السهرات والحفلات البتحصل في الحلة من المغرب للساعة 11 مساء بمكبرات الصوت كمان..؟؟

عالم كارهة لصوت البنات حتي وهن جوة داخلياتهن!!!
شوية شوية يصل الكبت في السودان لمستوي السعودية ونشوف البنات لابسات شوالات وخيم سوداء في الشارع.

[أسامة عبدالرحيم]

ردود على أسامة عبدالرحيم
European Union [حامدي من دار حامد] 03-24-2014 03:51 PM
مافي سوداني فاز يازول السوداني خسر الرهان وفازت المصريه وهم !!

United States [very sudani] 03-24-2014 03:46 PM
و علي قولك والله أمبارح الكواريك بتاعت مباراة ريال الريال و البارسا تصم الآذان ,بس بقت علي البنات, يعني الناس دي بتعامل البنات خاصة بنات الداخليات ديل كأنهن من كوكب آخر..

[كفاية] 03-24-2014 03:38 PM
سوداني فاز بي شنو ؟ جائزة في العلوم او الطب او الهندسة او اختراع علمي والله دي هيافة وقلة شغلة

[DABAIWA OKOBAM] 03-24-2014 03:35 PM
يا اسامه اتقي الله الشوالات القاعد تستهزاء بيها دي هي الحجاب قال تعالي ( ياأيها النبي قل لازواجك وبناتك ونساء المؤمنين يدنين عليهن من جلابيبهن ) اعمل حسابك ماتستهزاء بالحجاب


#951837 [عاصم موسى احمد]
0.00/5 (0 صوت)

03-24-2014 02:41 PM
خلاص غلبتكم كدا كدا بقيتو فى بنات الداخلية ناس الكوره مابكوركو والمكرفونات فى السوق شغالة والغناء والكوراك عملتو ليهو صالات ياخى خلو الناس فى حالة

[عاصم موسى احمد]

#951829 [SESE]
4.13/5 (4 صوت)

03-24-2014 02:30 PM
ليس هناك ما يستدعي استنكار اهل الحي لسلوك الطالبات في تلك الليلة اذا كانوا فعلا احياء ويتفاعلون مع الاحداث لأن نايل لم يكن يمثل نفسه بل وقف يمثل السودان ويمثل الغناء السوداني المتوفي منذ تاريخ الميلاد ولم يسمع به احد في الدنيا وعندما تأتي المناسبة يلومون قصور الاعلام ولكن حتى الاعلام قد نفض عن نفسه الغبار منذ اكثر من 15 سنة وصارت للسودان اكثر من 10 قنوات فضائية ولكن لا زال الغناء السوداني في ديار (لقد اسمعت اذ ناديت حيا ولكن لا حياة لمن تنادي) وسيظل كذلك الى يوم يبعثون ما لم يسخر الله له اولاد مثل نايل لديهم العلم والثقافة والمعرفة باللغات فينقلوه الى العالم في شكل جرعات صغيرة تقدم من ضمن ما يقدمون من اعمالهم الفنية الكبيرة لعل ذلك يكسبه شئ من التعريف والاعتراف بالضبط كما يفعل الفنانون الجزائرون والمغاربة الكبار امثال الشاب خالد والشاب مامي والشاب فضيل والشاب رشيد فقد رأيتهم يتفاعل معهم العالم عندما يغنون بالعربي وأيضا يتفاعل معهم عندما يغنون بالفرنسية والامازيغية ويعزفون موسيقى الري الخاصة بهم........

جيل الشباب الواعي دائما يتفاعل مع الشباب بدون تمييز بنين وبنات وعلى رأسهم الخريجين والخريجات وكذلك الذين لا يزالون في مدرجات الجامعات وقد رأت البنات في تلك الليلة ان نايل كان يمثل بلدهن وايضا يمثل آمالهن واحلامهن وآلامهن لذلك تفاعلن معه وتمنين له الفوز حتى يتفاخرن به لدرجة ان الواحدة كان يمكن ان تضيف الى التعريف بنفسها انها من بلد الفنان العالمي نايل لذلك كانت صدمتهن كبيرة عندما اصطك حلمهن بخروج نايل من النافسة وصحين من الحلم الجميل على وقع الواقع الأليم.....

الاحداث تصنع على مدار الساعة في كل مكان وحتى في السودان لذلك كان نايل الحدث الاهم طيلة ايام المنافسة ولم يحس بذلك فلا محالة انه ميت ميت ميت.......

[SESE]

#951793 [الجيك]
4.00/5 (4 صوت)

03-24-2014 01:55 PM
العندو بنت في الداخلية دي من دربوا دا يمشي يمرقها
الله يهدي الجميع

[الجيك]

ردود على الجيك
European Union [ابوكديس] 03-24-2014 10:48 PM
يوديها وين ؟وكم هى نسبة صحة هذا الكلام

United States [أبوالكجص] 03-24-2014 04:02 PM
ليه عشان فِرحت وعبرت عن فرحتها جوا بيتها (الداخلية) بي زغروده. ما هو المهرجانات العامة شغالة جوا صالات الأفراح وآخر زغاريد ورقيص حتى على مستوى المسئولين ونحن في دي ما عندنا شناف لكن بالطريقة دي شايفين إنو تناول مثل هذه المواضيع يتم بمكيالين (حلال علي وحرام على الباقيين) وبعدين ناس الإنتباهة المتخلفين ديل أصلو ما عندهم نقل أخبار غير أخبار الفارغة والمقدودة حسع عليك الله دا خبر يستاهل يجيبوهو في الصحف.


#951777 [Tango]
3.19/5 (6 صوت)

03-24-2014 01:39 PM
عادي . ما يصرخن كان صرخن . ما بنسمع الصريخ كان من كل البلد في الكوره .
نا حقارين بس . ان شاء الله يقلبو بيت بكا زاتو

[Tango]

#951755 [بيكانتو]
0.00/5 (0 صوت)

03-24-2014 01:22 PM
مدينة جامعية داخل حى

[بيكانتو]

ردود على بيكانتو
European Union [رماة الحدق] 03-25-2014 01:57 AM
سيمو ما تتكلم ساي عمارة وحدة كيف ..

دى كمية ابراج قريبة للسفارة السعودية امشي شوفها وبعدين افتى

European Union [ابوكديس] 03-24-2014 10:50 PM
الصحيح كان الداخلية تكون فى الكلية الحربية ولاشنو?

United States [سيمو] 03-24-2014 02:22 PM
هى عمارة واحدة بس يا بيكانتو وبسموها مدينة،، عجائب الإنقاذ


#951751 [مسكين]
5.00/5 (2 صوت)

03-24-2014 01:18 PM
ما هي علاقة الشركة بالموضوع؟
صراخ البنات لا يجب أن يكون مستهجناً لهذه الدرجة ، دعهن يخففن من بعض الكبت

[مسكين]

#951721 [بت قضيم]
3.50/5 (2 صوت)

03-24-2014 12:55 PM
ما الدلوكة بتاعكم ده قادي اضانه وعامل لينا حمى ووجع راس مرات خطابات ووثبات مافيش حد احسن من حد واهو الود نايل وثب لي ذى فويس

[بت قضيم]

#951715 [DABAIWA OKOBAM]
4.85/5 (11 صوت)

03-24-2014 12:51 PM
هذا ما كسبناه من فنان الراب الاول في العالم (المستر بايل ) الفتيات يصرخن باعلي صوت لا المستر بايل فاز او خسر في منافسة ( the voice ) فالبنت التي صوتها عوره تصرخ باعلي صوت في منتصف الليل حتي تفزع جيرانها مما ضعاهم لاستدعاء الشرطه خوفا من ان يكون قد حدث لهن مكروه اين هؤلائي من قوله تعالي ( فلاتخضعن بالقول فيطمع الذي في قلبه مرض ) لعمري هذا ماكان يسعي له الغرب واعداء الاسلام من دعات العلمانيه اللهم احفظ بلادنا من الفتن ماظهر منها ومابطن

[DABAIWA OKOBAM]

ردود على DABAIWA OKOBAM
European Union [ساب البلد] 03-24-2014 08:20 PM
******** سبحان الله اي واحد يفتح ليه اقرب مصحف و هاك يا اقتباس ******** الاية عكس الحدث ***** الشي صراخ و كواريك ******* اما "الخضع في القول" دا شغل المكالمات الليلية غنج ** دلع ** قبل ما تهاجم اعداء الدين و العلمانين امشي اقرا تفسير ابن كسير و الجلالين عشان تستفيد *******

United States [عبود المصحح] 03-24-2014 06:55 PM
ياخ انت بتجربك الحاجات جربكه شديده (الخضوع بالقول ) يعنى بمعنى لين كده وحبة استغفر الله العظيم شخلعه .. والبنات بيقولو ليك صرخن ... صرخن يعنى خلعن الجيران مابوظو اعصابهم.. بطل جربكه وبعدين شنو مستر بايل دى ومدام عامل فيها متدين وبتستدل بالدين فالملافظ سعد وممكن تنصح نايل ده بالشايفو صاح بدون تجريح ..

European Union [سودانى] 03-24-2014 05:05 PM
يا اخى قال ليك بيصرخن ويكوركن تقوم تجيب اية ( فلا تخضعن بالقول ) وهو عكس الصراخ وتكسر رقبة الاية عشان تثبت وجهة نظرك ؟
رجاء بطلوا عبث واستهتار بايات الله واطرحوا وجهات نظركم دون محاولة ارهاب الناس بالدين ويستحسن تفهموا الدين فهما معقولا على اقل تقدير قبل ان تفتوا به

الله يهديك

European Union [السنجاوي] 03-24-2014 01:50 PM
تصرف مرفوض ويجب مراعاة الآخرين
ــــــــــــــــــــــــــــــــــــــــــــــــــــــــــ
ضعاهم قال الصحيح دعاهم
ودعات بالتاء المربوطة كدة دعاة اربطوك في شجرة
والاستدلال بالآية في غير محله


#951666 [حلايب سودانية]
4.63/5 (8 صوت)

03-24-2014 12:14 PM
انا لله وانا اليه راجعون اللهم استر عوراتنا واحفظ واهدى بناتنا الى الصراط المستقيم

[حلايب سودانية]

ردود على حلايب سودانية
European Union [ابوكديس] 03-24-2014 10:53 PM
المات منو؟

الله يهدى الضربو ل999

ماعارفي دى برضو عوره



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة