الأخبار
منوعات سودانية
سوق سنار "الله لا وراك"
سوق سنار "الله لا وراك"
سوق سنار


03-24-2014 11:21 PM
تصوير – محمد عبد الباقي

زحمة، زحمة، خنقة خنقات، دفسيبة، حابل بنابل، مجموعات الكارو تجرها الحمر مستنفرة ومسرعة كأنها فرّت من قسورة، تتداخل مع العربات، مع السابلة، وتنهض من تحت كل هذه المعمعمة دومات غبار وتيارات أتربة، إنه سوق عاصمة السلطنة الزرقاء سنار (الله لا وراك)!!

اليوم التالي


تعليقات 7 | إهداء 0 | زيارات 3255

التعليقات
#953330 [حال وحال]
0.00/5 (0 صوت)

03-25-2014 09:16 PM
تقوم ليك سنة في نص ضهرك مالك ومال سنار باخي الكارو مالو ما كل البلد كوارو الغبار في امريكا في كترينا ياخي با ختصار قوم شوف ليك شغلة قال صحفي ومصور يا حاقد ما تصور الحاجات السمحة اكيد عيونك فيها رمد وعدساتك مغبرة ومطششتشة الله ﻻ كسبك

[حال وحال]

#952877 [امين السناري]
0.00/5 (0 صوت)

03-25-2014 01:48 PM
قال صحفي قال !!!!! سنار يا عميان رغم التهميش والاهمال المتعمد بتمثلك الان في الاندية الافريقية للطائرة ( النهضة سنجة ) سنار الخزان (قومي)كهرباء وري مشروع الجزيرة ، سنار حظيرة الدندر (قومية) ، سنار مصانع السكر (قومية) داء ما الاستعمار زاتو بدل الانجليز كيزان ولكن سوف تصفو الليالي بعد كدرتها اللهم اجعل لنا مخرجاً من حثالة لا يعرفون الا لغة السلاح

[امين السناري]

#952841 [mnzool]
0.00/5 (0 صوت)

03-25-2014 01:01 PM
انا من ابن سنار ولدت وتربيت فيها اعرفها كما اعرف اسمي واجزم بان الصورة ليست من سنار ولا عربات الكارو ولا المنظر الخلفي ولا لون التربة فاتق الله ايها ال .........؟

[mnzool]

ردود على mnzool
Hong Kong [الشريف] 03-25-2014 04:04 PM
ي منزول الصورة شينة و الشينة منكورة بس الصورة من سنار بامارة العمارة اللبنية الفي السوق ربنا يصلح حال البلاد و العباد


#952681 [عاصم موسى احمد]
0.00/5 (0 صوت)

03-25-2014 10:48 AM
ربما يكون هذا جزء من السوق او خارج السوق اوشارع الموره انا لست من ولاية سنار ولكن كانت هى المحطة التى ارتاح فيها من تعب السفر وهى محطتى منز 8 سنوات وهى اكبر سوق اللخضر والفاكهه وارخصها وجوافة ام بنين التى تنتج طوال العام وروعة جناين الدرب التحت فوق ربوع سنجة ما اروع سوق سنار ولكن الكاتب صور شى معين ولن يصور سوق الملابس وسوق الخضروات والاجهزة الاكترونية ودكان اسماعيا الضل الذى تجد فيه اى شى من زمن الناس لاتعرف المولات نتمنى لسنار التقدم والرجوع لروق السنارية وعهد عماره دنقس وعبد الله جماع الزين اسسو مملكة الفونج وان يحدو حدو الملك ودعدلان وان يقولوها جهراً فلا يقرنك انتصارك على الجعلين والشايقية فنحن المولك وهم الرعية اما بلغك فان سنار محروسة التحية الاهل سنار شرقا وغربا والتحية لسنجة عبدالله وابوحجار ود النيل وابو نعامة

[عاصم موسى احمد]

ردود على عاصم موسى احمد
European Union [Suisse.Soudan] 03-25-2014 08:23 PM
يا حسانى عاصم دا بيكون ما عنده حرف ال ذ فى الكيبورت ودا بحصل بكثرة

United States [الحساني] 03-25-2014 01:39 PM
أخي الكريم عاصم .. والله لا تدري كم آلمني كتابتك لكلمة منذ (منز) ياخي حتى بالشكل كده ماجاية.. نحن السودانيين معروفين بنطقنا الغير صحيح لعدة أحرف مثل (ث) (ذ) (ق)ولكن أن نخطئ في كتابتها! فهذا لم يكن موجود .. ولكن في عهد المشروع الحضاري هذا وخريجيه ...فالله المستعان ..


#952674 [العوض]
5.00/5 (1 صوت)

03-25-2014 10:40 AM
يعني الكارو في العاصمة الفساد الاولي في العالم مافي كارو + دفيسيبه + جقريبه في الخريف + غبار

+ تلوث ركشات + تردي خدمات صحيه + زحمة سكان زحمة عربات عطالة وبطاله وسرقات ونهب وعصابات تاني

عاوز ياعبد الباقي ولا ازيدك كاتب ليك كم كلمة وعامل نفسك صحفي انت قريت (سنة تامنه ) ولا كنت ما

الكيزان لمن شفته ما ادوك طريقة ( لهت ) قلته احسن ابقي صحفي وبعدين الصوره دي مافي سنار الصورة

شكلها في سوق ليبيا موقف صابرين والله دا لو اسلوب الصحفيين والصحف اليوميه خلاص تاني نتظر 75 سنه

عشان الله يفكنا من حكومة سجم الرماد الوطني المهم المشكلة مافي قوة حكومة العكسر والكيزان

المشكلة في ضعفنا واستسلامنا لحكمهم قالوا لعنتر كيف تهزم الاعداء قال رايت قي عيونهم انهم

يعرفون اني عنترا ولذلك هزموا انفسهم قبل ان اهزمهم. نحن نراهم اقوياء لكنهم ضعاف عند قوة الحق

[العوض]

ردود على العوض
United States [hasco] 03-25-2014 07:04 PM
الزول ده اكون اشترا موبايل جديد وقعد الخبط قال صحفي بعدين تامنة شنو دي ثقافة الرادي


#952659 [الحجاج]
0.00/5 (0 صوت)

03-25-2014 10:26 AM
هو اصلا عندنا اسواق كان البلد ما فيه نظام بلدية مثل الدول -- شوفوا كيف الدكاكين في البلدان التي من حولنا تعمل بمواصفات مش تعمل عشة وتقول بقالة يا مطعم يا بوفيه يا مستوصف يا عيادة بالطريق العاوزة انت فقط وفي النهاية تمنح تصديق من قبل مكتب الصحة حرام عليكم يا بلد تقولوا لدينا اسواق البلد ما فيه إدارة من كبارها خربانة ،

يجب على مكتب الصحة ان يشترط على انسان اذا اراد ان يقوم بنشاط تجاري مهما كان عليه ان تكون هناك مواصفات من قبل مكتب الصحة والبلدية وبعد ان يلتزم صاحب المحل بالمواصفات التي تعطى له من قبل الصحة يجب معاينتها من قبل السلطات المحلية وان تكون مستوفية لشروط الصحة والدفاع المدني انت قايلين عملتو ليكم بلد يا حكومة انتم عملتو خرابة اسمها السودان كانه عشة قديمة شوف كيف المطاعم والعاملين عليها والاسواق الله لا يوريك الاسواق كاننا في العصر الحجري .

لعنة الله على مسئولينا كبار وصغار بلد هامل فيه سلطة امينة مخلصة وطنية الكل قليل منهم مخلص .

[الحجاج]

#952372 [Mohammed]
5.00/5 (1 صوت)

03-24-2014 11:50 PM
نهر النيل
عاشق السودان
**************

الظاهر نسيت العدسة مقفولة لمان كنت بتصور هههههههههههههههههههههههههههه
قال تصوير محمد عبد الباقي المرة الجاية افتح العدسة وماتدقس ذي الدقسة دي.

[Mohammed]

ردود على Mohammed
[ساب البلد] 03-25-2014 01:53 AM
******** يكون صور ب "لسانو" هههههههههههههه *********



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة