الأخبار
أخبار السودان المحلية
السودان: مهندس انشاءات يطالب حكومة ولاية الجزيرة بمليار و"400" ألف جنيه.. وسيأخذ حقه بيده..!
السودان: مهندس انشاءات يطالب حكومة ولاية الجزيرة بمليار و"400" ألف جنيه.. وسيأخذ حقه بيده..!
السودان: مهندس انشاءات يطالب حكومة ولاية الجزيرة بمليار و


نصبوا عليه وهددوه بالقتل في فضيحة (دجانقو)
03-24-2014 06:48 PM
الراكوبة ود مدني: الراكوبة

كشفت التحقيقات الخاصة بقضية تطوير غابة أم بارونة بمدينة ود مدني عن تفاصيل جديدة تتعلق بشركة "تكنورايز" التي بدأت تنفيذ الانشاءات داخل الغابة قبل كشف فضيحة مسؤولي الولاية الذين وقعوا عقداً "فاسداً" مع شركة تجانكو بـ(30) مليار جنيه لتطوير منتجع أم بارونة، وتبين أن مالك الشركة المذكورة مقيم في السجن ولا حيلة له.
وقال المهندس ياسر مصطفى صاحب شركة تكنورايز أنه وقع ضحية غش لحكومة ولاية الجزيرة؛ فقد استعانت به شركة تجانكو لتنفيذ أعمال داخل الغابة قبل فسخ العقد المعيب معها؛ وصرف في هذه الأعمال مبلغ "مليار واربعمائة ألف جنيه" بناء على ثقة (تبين أنها في غير محلها) ولا يعرف (تجانكو) من قبل، بل حكومة الولاية هي التي أوقعته في شباكها، وقال أنهم نصبوا عليه لعلمهم بأن شركة تجانكو التي تعاقدت مع وزير المالية صديق الطيب لا تملك "30 جنيهاً" وصاحبها مسجون في شيكات لا تتجاوز قيمتها 60 ألف جنيه، وهم على دراية كاملة بحقيقة وضع السجين.

وقال ياسر لـ(الراكوبة) إذا لم آخذ حقي بالقانون سآخذه بيدي: (أقسمتُ.. يا أنا، يا هُم..) مضيفاً: الفساد في هذه القضية يبدأ من الوالي فهو أس البلوى، مبيناً أنه تعرض للتهديد وألزموه بالسكوت وعدم الذهاب للإعلام إذا أراد الحصول على حقه الذي اعترفوا به ــ حسب قوله. مؤكداً بأن الفساد أصبح أصلاً لدى الحكومة عامة وحكومة ولاية الجزيرة على وجه الخصوص وانهم يفاخرون به، وحديث البشير عن الفساد ومحاربته (استهلاك رخيص).
الجدير بالذكر أن المهندس ياسر مصطفى يتعرض للترهيب اليومي بسبب كتاباته عن الفساد عبر (فيس بوك). ووعد بكشف (بلاوى) الزبير بشير طه كل يوم.
image

image



تعليقات 28 | إهداء 0 | زيارات 10313

التعليقات
#953517 [المحتار]
0.00/5 (0 صوت)

03-26-2014 03:05 AM
بالله يا جماعه فى مليارات قدر دة فى البلد دى.... عشان يلعب بيها الشافع ده.. هو متين اتخرج عشان اشتغل بحجم الشعل ده

[المحتار]

#953447 [ابكجه]
0.00/5 (0 صوت)

03-25-2014 11:57 PM
الحقوا الان يبيعون فى اراضى الجزيره وفتحوا مكاتب فى الخرطوم واعلاناتهم ماليه القنوات الفضائيه فى السودان والله يا ناس الجزيره تانى الا تسكنوا ظهر الترع.

[ابكجه]

#953130 [abuzar]
4.00/5 (1 صوت)

03-25-2014 05:15 PM
يذهب من حيث اتي .... اذا غضب الله علي رجل رزقه من حرام واذا اشتد غضبة عليه بارك له فيه اعوذ بالله من غضب الله

[abuzar]

#953081 [عبدوووف]
5.00/5 (2 صوت)

03-25-2014 04:33 PM
الله يخلف علي ولاية الجزيره انتهت من زمااان ولا حياة لمن تنادي

[عبدوووف]

#953060 [bent alnil]
5.00/5 (1 صوت)

03-25-2014 04:19 PM
طبيعي ان تحدث الفوضى عندما تختلط التخصصات و الحابل بالنابل و يتشابه البقر ... أستاذ الجماعة يشتغل في جامعته
وبتاع الزراعة يمسك زراعته بس شوية نظام .... كيف مهندس و صاحب شركة يتعرض لمثل هذا الاحتيال
الا اذا كنت فعلا خريج التطبيقية ... يعوضك الله

[bent alnil]

#953022 [موسى محمد]
5.00/5 (1 صوت)

03-25-2014 03:56 PM
من يتعاون مع هؤلاء اللصوص لا يمكن أن يكون إلا منهم.
أعمل نايم يا مهندس الغفلة فالناس في مدني يعرفون من أنت.

[موسى محمد]

#952835 [مدني الحبيبة]
5.00/5 (1 صوت)

03-25-2014 12:59 PM
ياسر مصطفى سوسو ، اول حاجة هذا الانسان خريج كلية التطبيقية (قسم الرسم ) وليس مهندس انشاءات ، وكل مواطني ودمدني يعلمون ان السيد عبدالرحمن سرالختم من صنع هذا الاسم ، واستعان به عبدالرحمن سرالختم لتكملة الفساد في اثيوبيا ، لكنى الان فوجئت بعودته مره اخرى لودمدني ، اعتقد انهم فشلوا في ممارسة نشاط الفساد في اثيوبيا ، وعاد مرة اخري لولاية الجزيرة التى صنعته ، كل اعمال ياسر سوسو يشوبها الفساد ، تخيل معي مصد للمياه داخل القصر بتكلفة فاقت 7 مليار بالقديم في عام 2008 وكونت لنجة لدراسة هذا العبث ، ولم نرى اي تقرير حتى هذه اللحظة ، مشروع تنجيل استاد ودمدني ذلك المشروع الفاشل وكان فضيحة للسودان ومدينة ودمدني ايام البطولة الافريقية هذا السوسو من قام بهذا العمل ،

[مدني الحبيبة]

ردود على مدني الحبيبة
[ودمدنى ودقلبا] 03-25-2014 10:02 PM
ههههههههههههه مهندس مين ياسر مصطفي سوسيو معروف لكل ابناء مدنى الشرفاء حرامي ونصاب وإغتني فى عهد عبدالرحمن سرالختم الفاسد .وماذكر سابقا عن اكبر قضية فساد فى عمل سور لحماية شارع النيل من تدفق مباه السيول والفضيان كاكبر فضحية فساد واكبر فضحية هندسية . ياسر لص ولا يختلف عن لصوص الانقاذ والجميع يعرف بانه لم يدؤس الهندسة رسام فاشل ؟؟


#952646 [عاصم موسى احمد]
0.00/5 (0 صوت)

03-25-2014 10:10 AM
يا شبونة المهندس عاين لى عمرو ده وقارن متين جاب قروش زى دى سراق سرق سراق القروش سرقوها من الوالية ورجعت الوالية زيتنا فى بيتنا خليك شوية مرن يا شبونة ماتخلى ناس شبونات وفحل والقصيراب وتباخة والشيخ الحين والدوحة والشريف مختار اسعلو منك

[عاصم موسى احمد]

#952583 [محمد]
0.00/5 (0 صوت)

03-25-2014 09:25 AM
ياجماعة مش شكسبير طلع هو شيخ الزبير بلحمه وشحمه

[محمد]

#952545 [ابولكيلك]
0.00/5 (0 صوت)

03-25-2014 08:44 AM
ايه البحصل ده اوسخ غسيل بانظف ولاية ولا كيف يا بروف يا والى يا حُر عيب عليك شغل الما يتسموا ده ولا كيف .

[ابولكيلك]

#952498 [آدم حسن]
4.75/5 (3 صوت)

03-25-2014 06:31 AM
صرف قروش ( بناء علي ثقة ) ده قضيتوا خسرانة خسرانة .... كيف يكون مهندس و صاحب اعمال زي دي و ما عندو مستشار قانوني ... يفهوا ان لا يقدم علي اي عمل الا بعقودات .....

[آدم حسن]

#952373 [المتجهجه بسبب الانفصال]
5.00/5 (3 صوت)

03-24-2014 11:51 PM
مشكلتنا انعدام سياسة الاغتيالات السياسية للساسة الذين يسيئون الادب لذلك تحيا الانقاذ على ذلك ،،، الامن والشرطة تلفق التهم الاخلاقية لكل من يعارض ،،،

[المتجهجه بسبب الانفصال]

#952348 [محمد علي]
5.00/5 (1 صوت)

03-24-2014 11:24 PM
مليار دا فيهو كم صفر يا ولدي الله كريم

[محمد علي]

#952347 [ابراكوبة]
5.00/5 (5 صوت)

03-24-2014 11:21 PM
يا عالم ياسر مصطفي سوسيو متين بقي مهندس وعمل شركة كمان انا الحاجة البعرفا انو عمل القروش زمن الوالي الحرامي سرالختم وهسي القروش اكلوا منو ناس الولاية يعني محل ما جات مشت الزعل في شنو

[ابراكوبة]

#952331 [صخر عيسى]
5.00/5 (1 صوت)

03-24-2014 10:51 PM
كم مظلوم في بلادي لم يجد من ينصفه لقد استباحت الإنقاذ كل السودان وضاع مشروع الجزيرة أما غابة ام بارونة أين ذهبت قرودها قبل أن نسأل عن مكان البارون والبارونة ز أما أنت أيها الأخ المهندس تابع الإجراءات القانونية بلا تهديد أو تصريح حتى لا تجد نفسك مع الشخص الذى قمت بتنفيذ المشروع باسمه

[صخر عيسى]

#952309 [الدبيب]
5.00/5 (4 صوت)

03-24-2014 10:20 PM
انحنا البلد دى حقتنا والبتكلم بقطع راسو من الاضان للاضان والما عاجبو يلحس كوعو يا مهندس عايز تقنعنا انك ما كنت عارف انو الاجل فى السجن انت عندك شركة وما عارف الحاصل فى السوق وما عارف انو المحلية كانت عاملة عقد مع شركة اخرى ما دام انت جابوك بعطاء من الشركة الفلانية لازم يكون عندك معلومات عن هذه الشركة يا مهندس بصراحة هندستك طلعت شمار فى مرقة وحتى لو عندك حق اى كلام ح نوديك التوج وح نركبك التونسية


قوم لف بلا هندسة معاك وبعدين انت من جيل فرفور الخربتو المستوى التعليمى بلا هندسة انت طلعتة داية هههههههههههههههههه

[الدبيب]

#952260 [زول]
5.00/5 (4 صوت)

03-24-2014 09:37 PM
ياسر سيوسيو عفواً الهندسة دى لقيت وين

[زول]

#952258 [عثمان شبونة]
2.50/5 (4 صوت)

03-24-2014 09:36 PM
كامل التضامن مع البطل ياسر مصطفى ابن ود مدني الفتية.. وهو يتحمل فوق آلامه حيث يعاني من عاهة في رجله بسبب العمل، كما أن الكيزان تركوه على (الحديدة).. ربنا ينتقم منهم. ياسر الآن يقود حرباً حقيقية ضد وكر المأسونية فتضامنوا معه.

[عثمان شبونة]

#952255 [بت حبوبتها]
5.00/5 (2 صوت)

03-24-2014 09:28 PM
يا باشمهندس ياسر, أرى ألا تأخذ حقك بيدك وأن تلجأ للوسائل القانونية ..

نعم, القانون انتهى في بلدنا, ولكن, إن صاحبت الشكوى المعنية متابعة إعلامية فتأكد أنك ستربح القضية, ودونك قضية زي فاضح ضد الصحفية لبنى والمهندسة أميرة وقضية تصوير المظاهرات من قبل الصيدلانية سمر ..كلها قضايا انظلم فيها المشكو ضده وانتصر له القضاء لا أتصور بسبب نزاهة القضاء والقانون لدينا ولكن انتصر بفضل الله ثم بفضل التركيز الإعلامي "المعارض للحكومة" على القضايا المذكورة .. من يوتيوب وفيس بوك وصحف إلكترونية كراكوبتنا الماهلة هذي, وفقكم الله ولن يضيع حق وراءه مطالب

[بت حبوبتها]

#952220 [احمد عبدو]
5.00/5 (1 صوت)

03-24-2014 08:41 PM
الوالى المجاهد كل صباح عندك فضيحة تدل على الخبل وسؤ الادارة والفساد وكلوا ذلك مغطى بادعاء الجهاد وانت وبطانتك أس وأساس الفساد ....وعد منى ومن الشعب الصابر يوم الحساب قريب ..

[احمد عبدو]

#952215 [ابومروه]
4.00/5 (3 صوت)

03-24-2014 08:32 PM
الاخ ياسر من اين باتوك بمليار و خزبنة الولايه خاويه و الوالي يتمسك بوزير الماليه الذي دار حوله حديث كثير حتي من المجلس القيادي بالولايه ولكن اراضي الجزيره اصبحت هي الحلول بيع في كل اتجاه حتي سمعنا بانهم فتحو مكتب بالخرطوم لبيع اراضي الولايه و بالامس سمعنا بناس الكاملين يطلبون الانضمام للخرطوم و قبلهم جنوب الجزيره و فضيحة ام القري و الشايقي و ما ادراك ما الشايقي فليت هذا الحديث ياخذ نصببه في الاعلام

[ابومروه]

#952213 [ابواﻻسﻻم]
0.00/5 (0 صوت)

03-24-2014 08:30 PM
اﻻخ ياسر هذا قليل من كثير الشعب السودانى باسره مظلوم ومنتهك بالظلم خصوصاً الذين ﻻ حول لهم وﻻ قوة انا شخصياً فصلت من العمل بمخلفة دستور وهو اسمى شئ فى الدولة برغم حكم المحكمة العليا بالسودان

[ابواﻻسﻻم]

#952208 [مستشار قانونى]
5.00/5 (4 صوت)

03-24-2014 08:20 PM
(تكنورايز) تتبع للمهندس مصطفى صاحب الصورة ،،، شركة (دجانقو ) تتبع لواحد مسجون على شيكات
المسجون المحتال وقع عقد وما قادر ينفذوا ،، الشطار قالوا أحسن يركبوا الماسورة لواحد تانى عشان ينفذ ليهو من غير ما يعرف ، وبعد داك التسوية والأجاويد ويرجعوا لمصطفى قروشوا بالتجزئة ، بإعتبار ان الاعمال التى نفذت هى اصلا تبع دجانقو واستولى عليها مصطفى ،،،
فساد فى فساد فى فساد
أول شيئ ، قيام اعمال انشائية فى الغابات ممنوع قانونا وفساد لا شك فيه ،، يقوموا يشتغلوا فيهو اعمال ب 30 مليار ؟؟
تكنورايز بتاع مصطفى اتحصل على الشغل ده كيف ؟؟ وين العطاء ؟؟ وين المستشار القانونى ؟؟ وين تسليم الموقع بمحضر ؟؟؟ طبعا مصطفى ما حيكون عندو اجابات لانوا شغلو اصلا ما مرتب ترتيب قانونى جيد ولا شغل ناس الولاية معاهو ..
دجانقو الفى السجن ،، اتحصل على الشغل ب 30 مليار كيف ،، وين الشهادة بالمقدرة المالية ؟؟ ،،، وين خطاب الضمان من البنك ؟؟ وين شهادات الإنجاز بالاعمال السابقة للتأكيد على جديته وقدرته ؟؟؟ فساد فى فساد
بعدين ناس الولاية ،، غابة محجوزة ويمنع عنها كافة الاعمال الانشائية ، وده بنص القانون ،، كيف فكروا يغزوها ويبنوا فيها ؟؟ وين المستشار القانونى ؟؟
القصة معقدة ومركبة ، والمفروض كلهم ناس الولاية دجانقو، تكنورايز ، يترموا فى السجن رمية الكلاب ..

[مستشار قانونى]

ردود على مستشار قانونى
European Union [مستشار قانونى] 03-25-2014 12:49 AM
من وين جبت الكلام ده يا زول يا تفتيحة ،،، ده مهندس وعندو شركة اسمها (تكنورايز) وأخد شغل من الحكومة وأى بصلة بتشتريها الحكومة المفروض بعطاء ،،، افهموا ياعالم ،، بلا عالم بلا زفت

European Union [زول] 03-24-2014 09:31 PM
المهندس في سوق الله يا مستشار يا قانوني.. ما عندو شغلة بالعطاء.. افهموا يا عالم.


#952196 [عزة]
5.00/5 (2 صوت)

03-24-2014 08:08 PM
نحن نحب الفساد
الحسوا كوعكم
شعب جبان

[عزة]

#952195 [الانهيار]
5.00/5 (1 صوت)

03-24-2014 08:08 PM
اقطعو معاهم طوالي .. ديل حرامية ملايات ساكت .. واحد في الوزراء كان مندوب مبيعات

[الانهيار]

#952192 [سوداني مسكين]
5.00/5 (3 صوت)

03-24-2014 08:07 PM
سمك يأكل سمك المهندس كوز رغم عدم معرفتي به اولاً مافي شاب في عمره دا بعمل شركة ولو عملها فهو منهم ثانياً لا تتاح فرصة فيها فايدة لزول سوداني عادي ولو كان اول وانزه واعف واكرم دفعته .... تأخذ حقك بيدك برجلك انت حر اما الفساد الذي تتكلم عمرك وسنك وشكلك يوضحه للجميع

[سوداني مسكين]

ردود على سوداني مسكين
European Union [ساب البلد] 03-24-2014 10:10 PM
********* طيب اذا عدو الكيزان الاول الوداهو ليهم شنو ؟؟؟؟ ******* هو ما عارف الفساد من زمان ******** صاحب الحرامي يطلع شنو ؟؟؟ **************

European Union [سوداني طيب] 03-24-2014 09:29 PM
يا سوداني يا مسكين المهندس ياسر ما كوز بل هو عدو الكيزان الأول في الجزيرة.


#952177 [المتعافي]
5.00/5 (1 صوت)

03-24-2014 07:50 PM
و قال وهو جالسا متأهبا للوثبة

[المتعافي]

#952157 [الكنزي]
0.00/5 (0 صوت)

03-24-2014 07:29 PM
الناس دي مابتختشي كل ثانيه فساد فساد في كل الاماكن والمواقع وبكل المسؤولين بالدوله من فوق لتحت لا حول ولاقوه الا بالله

[الكنزي]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة