الأخبار
أخبار إقليمية
حزب الترابي : يؤكد أن توحيد الحركة الإسلامية أحد اهتماماته
حزب الترابي : يؤكد أن توحيد الحركة الإسلامية أحد اهتماماته
حزب الترابي :  يؤكد أن توحيد الحركة الإسلامية أحد اهتماماته


قال : نحن الآن نتحدث عن وحدة السودان
03-24-2014 08:15 PM

الخرطوم (سونا) ـ أكد الاستاذ كمال عمر ، الأمين السياسي لحزب المؤتمر الشعبي أن توحيد الحركة الإسلامية واحد من اهتماماتهم ومن ضمن استراتيجيتهم، مبيناً أن في خطتهم توحيد كل التيارات الإسلامية، ومنها حزب الأمة، والاصطفاف حول مصلحة الوطن.
وقال لدى مخاطبته المنبر الدوري الذي نظمته أمانة الشباب بالحزب حول الوضع السياسي الراهن بدار الحزب اليوم "نحن لا نتكلم الآن عن وحدة الحركة الإسلامية بل نتحدث عن وحدة السودان"، داعياً إلى تكامل الجهود بين القوى السياسية والإعلام.
وأشار كمال عمر إلى رغبتهم في صناعة دستور يعبر عن كل مكونات الشعب السوداني ولا يتحدث عن أيدلوجية، موضحاً أن قضية الدستور قضية محورية جعلتهم يقبلون الحوار.
ودعا إلى التكاتف في قضية الحوار، نافياً وجود أي خلافات داخل حزبه على مستوى القيادات.


تعليقات 8 | إهداء 0 | زيارات 1621

التعليقات
#953185 [العنطـــــــــــج]
5.00/5 (3 صوت)

03-25-2014 06:21 PM
يا كوتش, امال ليه البشير اتغدي بيكم, مش عشان نويتو تتعشو بيو؟؟
بعدين فاقد الشيء لا يعطيه, انتو ناس ما عندكم دين, وطني علي شعبي علي افقي كلكم مصابين بامراض و عقد نفسيه تجاه القياده و التسلط علي رقاب الناس.
و ازيدك من الشعر بيت, زول بتفوه بي الالفاظ القلتها لكمال الجزولي لا جدوي من اي كلام يقولو تاني, انتو ناس بتكتلو ضلكم لما مصالحكم تمشي اما لو حصل العكس فيا ويل من انتقدكم. حاجه كده اشبه بالشيزوفرينينا و عندكم لكل مقام شخصيه و اخلاقيات محدده, يعني لو الواحد مشي اماكن قذره و الفاظها بذيئه عااااااادي بجاسف, و كمان لو خش الجامع عاااااادي بجاسف. دي سفاهه ما بعدها سفاهه, الواحد فيكم يمسك المايك يكاد يجزم انو جبريل عن يمينه و محمد عن يساره في اشاره لرضا المولي عن مساعيكم, و تصل لدرجه تصدقو انو امة الطير دي بتصدق كلامكم. يعني عشان اتباعكم ناس الكميه و لا النوعيه ديل تفتكرو السودان كلو بطبل ليكم؟؟ شوف يا كوز يا موهوم يا من تفك الكضبه و تصدقا, انتو انضمو و ارغو فينا لمن تصحو يوم علي الواقع. الواقع انكم اسفه من مشي علي الارض, ناس منافقين و كذابين و دجالين قاعدين في رقابنا ليكم ربع قرن و ما شفنا منكم غير الفشل و تدهور الدوله السودانيه, يعني لو فيكم خير كان ظهر زمااااااان و ما تقول لي نحنا ما حكمنا لأنو انتو و الوطنيين و الفرتكانيين طينه واحده و ايديولوجيه واحده و الما سواهو عمر ما حتسووهو انتو و ان كان فيكم خير كان شفناهو في اولاد عمكم.
اخيرا.... ذاكرة الشعب لا تنسي, و عشان ننعش زاكرتكم ركز معاي. اسوأ فتره ازدهر فيها العنف السياسي بأقذر اساليب التعذيب و القتل كان في عهد ديك العده بتاعكم ده. و انفصال الجنوب رغم انو مسؤولية قرارو علي كاهل البشير الا اننا ما بننسي انو بسببكم و سبب تشددكم ايام التمكين و التمكن, كان بداية تحول الصراع و حرب الجنوب من حرب سياسيه ذات طابع اقتصادي و تنموي الي حرب جهاديه باسم الاسلام... وللا نسيتو ايام ناس فرقة السحر و ناس "اماه لا تجزعي فالحافظ الله,, انا سلكنا طريقا قد خبرناهو" و ايام ناس ابو دجانه و العيدروس و غيرهم من ضحايا الافك و النفاق "في ساحات الفداء", عهد دموي خالص,,, يموت الشباب في الجنوب و شيخكم المشكوك في امره شغال بي جاي مأذون سياسي يعقد ليهم علي حور عين من بنات افكارو, و لما المصالح المشتركه انفصلت و عمر باع ديك العده حصلت رده وصلت لمستوي ان فسخ الديك كل عقود الحور العين و ارسل العرسان الي الكوشه و للأسف ما كوشة الزفاف انما كوشة النفايات بعد ما سماهم (فطايس) بكل بجاحه و قلة ادب و افتراء علي الشعب السوداني والد هؤلاء الشباب الذين غرر بهم و خدعوا شر خديعه دفعوا حياتهم ثمنا لها, جايي تقول لي السودان و ما السودان؟؟
قوووووووووووووووووم لف لفاك قطر انت و الجيف المعاك, قال دين قال!

[العنطـــــــــــج]

#953150 [من المركز]
0.00/5 (0 صوت)

03-25-2014 05:38 PM
الحركه الاسلاميه في السودان وما ادراك ما هي؟ نار حاميه. ما ذا عملت الحركه الاسلاميه غير السباق علي المناصب؟ وسلب حريات العباد؟ والزج بمن خالفهم الرآي في السجون وتعذيبهم؟ وسرق اموال البلاد واستعمالها لحسابهم الخاص؟ ماذا قدمت الحركه الاسلاميه للاسلام في السودان ؟ ليه ما دعيتو الجنوبيين للاسلام باللتي هي احسن؟ نفرتوهم حتي انفصلوا... من ما سطت الحركه الاسلاميه علي الحكم كم عدد الدخلوا في الاسلام في السودان ماهو التقدم في مجال الدعوه؟ كل الحصل كثر النفاق والكذب والسرقه والضحك علي الشعب والتخبط في السياسه الداخليه والخارجيه واللسته طويله..... والله لو محمد ص بينكم لرجمكم بالحجاره لانكم نفرتم العباد ولم تفعلوا شيئا لتحبيبهم لدين الله. فلقتونا بالحركه الاسلاميه وانت اعلم منا كلنا لانك كنت من المعارضين لها لما كان اجتماع الحركه في السنه الفاتت وانت وشيخك ما دعوكم لها. واعلنتم موتها ...
بطلوا نفاق لاننا والله لن نصدق احدا منكم ابدا

[من المركز]

#952875 [قوز دونقو]
0.00/5 (0 صوت)

03-25-2014 01:48 PM
يا أخوانا هوووووووووووي دا كلام سوق ساكت و كلام السوق غير كلام الحلة ؟؟ و دايما كلام الحلة هو الماشي ؟؟ و خليكم من اللولوة و(( الخلبطة الأباها المهدي )) السودان خلاص ضاع و الفضل فيه شوية ما هو كتير و الناس زادت الوعي ذات نفسه زاد و كل واحد عارف هو عايز شنو ؟؟ و يبدو أن الكيكة كملت و ما فضل فيها إلا التفاتيف و أحسن حاجة تعملوها خلوا الناس تقعد في الواطة كبار علي صغار رجال علي حريم و خلوهم يناقشوا المسألة من منظورهم هم فقط دون تدخل من حزب أو مسئول أو غيره أفراد الشعب بمفردهم و شوفوفهم عايزين شنو ؟؟ و أكيد هم قادرون علي تنفيذ ما يريدون بس إنتو أبعدوا عن طريقهم ؟؟
و زمان قالوا خدوا الحكمة من أفواه المجانين؟؟
لكن أنا واعي و ما مجنون ؟؟ بس الترابي وزمرته هم المجانين؟؟؟

[قوز دونقو]

#952797 [ابوهاني]
0.00/5 (0 صوت)

03-25-2014 12:29 PM
حيرتونا يا كمال عمر امس القريب كنت تشتم في المؤتمر الوطني وقلت بعظمت لسانك لا تفاوض ولا تعاون مع حكومة المؤتمر الوطني واليوم تظهر بأسلوب مغاير عن ما بدر منك في النهاية ظهرتوا على حقيقتكم والخيانة جارية في عروقكم وانتم والوطني قالب واحد . اللهم ارنا فيهم عجائبك وانتقم لنا منهم انهم طغوا وتجبروا أنهم لا يعجزونك .

[ابوهاني]

#952625 [MAHMOUDJADEED]
0.00/5 (0 صوت)

03-25-2014 09:56 AM
"نحن لا نتكلم الآن عن وحدة الحركة الإسلامية بل نتحدث عن وحدة السودان".

يا زول وحدة السودان شنو ؟!!. انتم تميلون حيث مالت مصالحكم الشخصية .

[MAHMOUDJADEED]

#952364 [محمد خيرى]
0.00/5 (0 صوت)

03-24-2014 11:40 PM
ألأختشوا ماتو.. وكلام ألليل يمحاه ألنهار.. وغريب أمر وأساليب ألسياسة فى هذا ألبلد.. وعلى قول ألناقد ألرياضى ألفذ طلحة ألشفيع (أتفرج ياسلام)..

[محمد خيرى]

#952289 [متابع]
0.00/5 (0 صوت)

03-24-2014 10:03 PM
انت بودي قارد تبع الترابي فقط توحيد شنو؟ قلنا ما في حاجة اسمها حركة اسلامية حركة تحرقكم انت والترابي من سنة 1962 وهو في اللولوة كانت من نتيجيتها كوزنتو البلد ورميتوها في اتون الصراع العرقي والجهوي والتنافس البغيض على السلطة . يا اخي الترابي وجماعته خططوا لضرب الاتحاديين وتفتيت حزب الامة وتفتيت السودان كيف يكون مؤهل للتوحيد انت ما عندك رأس ؟ انتو سخرتوا السلطة من اجل تفتيت البلد الان بقت لكم شينة وجارين وراء التوحيد؟

[متابع]

#952276 [شمال و جنوب فى محنة]
4.00/5 (2 صوت)

03-24-2014 09:54 PM
دستور يحمى الانسان وليس فيه من شريعتكم القاطعنها من راسكم أي شى تتوحدو تشركو ما لينا خص بعدين الحساب ولد و زى ما قال عمك عيسى اى كلب في الحلة دى اكل غدانا و حجرى وحجرك فضونا من عوك عوك عوك فوق الشوك بتاعتكم دى قال توحيد اهل القبلة بعد ما فقدو البوصلة خلاص عرفناكم و حفظناكم

[شمال و جنوب فى محنة]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة