الأخبار
أخبار إقليمية
وزارة التجارة :30 مليون دولار صادرات الصمغ العربي خلال الثلاثة أشهر الماضية
وزارة التجارة :30 مليون دولار صادرات الصمغ العربي خلال الثلاثة أشهر الماضية
وزارة التجارة :30 مليون دولار صادرات الصمغ العربي خلال الثلاثة أشهر الماضية


تراجعت عن الكذبة الكبيرة
03-24-2014 08:30 PM


الخرطوم (سونا) - أعلنت وزارة التجارة أن حجم صادر الصمغ العربي خلال الثلاثة اشهر الماضية بلغ 10 ألف طن بقيمة 30 مليون دولار .
وأضافت الوزارة على لسان الأستاذ عبد العزيز ابو طالب مدير الصادر بوزارة التجارة تعليقاً على ما اوردته بعض الصحف ان حجم صادر الصمغ العربي خلال العام الماضي بلغ 63 الف طن بقيمة 134 مليون دولار مما يعتبر أعلى رقم لصادر الصمغ العربي تم تحقيقه طيلة السنوات الماضية .
وأشارت الوزارة الى الامكانيات الضخمة التى يزخر بها حزام الصمغ العربي من منتجات متنوعة تشمل الصمع العربي والمنتجات الغابية الأخرى ، ويمكن من خلال البرامج الهادفة تطوير حزام الصمغ العربي عن طريق تجويد الإنتاج ومكافحة التهريب لتحقيق عائدات متنوعة بالعملات الصعبة .

طالع ماذا قال كتاب التعليقات بالراكوبة على الخبر في حينه

http://www.alrakoba.net/news-action-show-id-141557.htm


تعليقات 16 | إهداء 0 | زيارات 3924

التعليقات
#953777 [جمال الدين]
0.00/5 (0 صوت)

03-26-2014 11:07 AM
المضحك في صحف كتيرة كتبت الرقم ثلاثة مليارااااااات صمغ دة ولا يورانيوم اغبى صحف

[جمال الدين]

#953100 [ابومحمد]
0.00/5 (0 صوت)

03-25-2014 04:43 PM
الصمغ العربي يستخدم فى جميع الادوية والعقاقير الطبية ويستخدم فى جميع الصناعات الكيماوية وصناعة الاسلحه الثقيلة والخفيفه ويطلب بكميات كبيره جدا فى الدول الصناعية الكبرى ودول الخليج ولانستبع ان يكون الرقم الذي ذكره الوزير صحيحا ولكنه عاد وتذكر انه لم ياخذ الكوميشن الذي لايستحقه بوجه حق فعاد وعدل المبلغ من 3 مليار الى 30 مليون على لسان شخص (لص)آخر ...

[ابومحمد]

ردود على ابومحمد
Saudi Arabia [ohoud] 09-05-2014 04:25 AM
أريد اسم كتاب فيه معلومات عن الصمغ العربي لضروره


#952770 [عابر سبيل]
0.00/5 (0 صوت)

03-25-2014 11:52 AM
الناس دي لوكانت سكتت وما علقو على المبالغة الكبيييرة دي كان الكيزان ديل استمرو في كذبهم ومشو الموضوع عاااادي كالعادة

[عابر سبيل]

#952696 [محمد احمد]
0.00/5 (0 صوت)

03-25-2014 10:56 AM
الظاهر واحد من الشغالين مع الوزير او واحد من المستشارين بهزر مع الوزير قال ليه 3 مليار دولار وقبل ما يقول ليه بهزر معاك، سعادة الوزير قام بسرعة البرق نشرها في الصحف، مافي تفسير غير كده.

[محمد احمد]

#952688 [واحد حلفاوي]
0.00/5 (0 صوت)

03-25-2014 10:53 AM
مشكلة الجماعة المرة دي انو الكذبة من النوع الذي لا يقبل التحسين والتعديل لانها بالدولار وليست بالجنيه ( المنهار )

فلو كانت بالجنيه لكانت هناك مساحة للمراوقة كان يقال بان ما يقصده الوزير ( بالجنيه ) القديم .....

فالدولار ( الامريكي صامد ) كحية سيدنا موسى ( عليه السلام ) يلتهم كل (مسكنات وجرعات ) اخوتنا القطريين وحسنات وصدقات ايران ( الحقيقية والاعلامية ) ....

وقبل ذلك يلتهم صحتنا وعافيتنا وعقول شبابنا و ( ارث ) اجدادنا عبر آلاف السنين .....

[واحد حلفاوي]

#952538 [osama dai elnaiem]
0.00/5 (0 صوت)

03-25-2014 08:38 AM
--- هي بقت علي دي؟ الكذب بدأ منذ 30/06/1989 (هذا للقصر وذاك للحبس) تناقلها الحواريون علي اساس انها كلمة السر التي فصلت بين الحق والباطل بينما هي فعلا قننت للكذب ودلق الاقوال كما سقط المتاع وبعدها استشري الكذب او الحديث غير المسؤول بين المسؤولين وعندما تصدي الصحفي (جراممام) لوزير الاعلام عن الكذب الرسمي ثارت الدنيا ولم تقعد واذكركم بكذبات كثيرات مثل الوحدة الجاذبة وتمزيق فاتورة القمح وتمزيق فاتورة الكهرباء واقامة الحوار الوطني الذي بدا الاعلان عنه في 25/01 ونحن الان في الشهر الرابع وما زال حبل الكذب عندهم طويلا كما النيل وما تمزق فعلا هو الشعب السوداني والمصداقية

[osama dai elnaiem]

#952444 [agrab]
0.00/5 (0 صوت)

03-25-2014 02:08 AM
بعقل كدا لو كان الصمغ العربي يدخل هذا المبلغ من الدولارات ما كان عمارتوا او مبنا الرائاسه قدوا ليهوا جرس دلاله عشان ادو العاملين حقهم

[agrab]

#952429 [ساب البلد]
4.00/5 (1 صوت)

03-25-2014 01:34 AM
************ انا ما في الراجل البكذب ********** انا في ناس "سونا" وكالة السجم ******* ما عندهم محلل ولا مراقب ولا مدقق يا كافي البلا اقطع و لصق ********** علي الاقل يرجعوا "للراجل" يقولوا ليهو يا عمنا "كترت المحلبية" شوية **** يمكن يتراجع قبل ما يتفضح فضيحة السواد و الرماد ***

[ساب البلد]

#952376 [ياسر عبد الوهاب]
5.00/5 (1 صوت)

03-24-2014 11:54 PM
اتا كنت قايل انو مافي واحد يجاري يشيش في الكضب..
يا ما تحت السواهي ...

[ياسر عبد الوهاب]

#952354 [ابومروه]
5.00/5 (1 صوت)

03-24-2014 11:31 PM
ايامك باسطه يا عمر الشريف امسك قوي و لا ح ترجع تاني مكان ما كنت قبل الوزاره و هي ارزاق من رب العباد بيده الملك

[ابومروه]

#952332 [moiez]
5.00/5 (2 صوت)

03-24-2014 10:52 PM
يعني الامركان محتاجين للصمغ عشان هو عامل اساسي في تصنيع الادوية ويعملو حظر لباقي منتجات الدوله عشان م محتاجين ليها وانتو زي الهبل تصدرو ليهم من غير شروط يخ انا قلبني اعبر في الناس ديل اللـــــــــــــــــــــــه يحرقكم ي عواليق

[moiez]

#952329 [الــســيــف الــبــتــــــار]
5.00/5 (1 صوت)

03-24-2014 10:48 PM
والله المنك اركب الظلط و ما اقيف الا فى اديس ابابا لاجىء سياسى ولا اى حاجه المهم تتخارج من الورطه الانتى فيها ؟
يا راجل وزير ديكورى ولا كرورى تتخذ قرار الصباح بفتح باب الاستيراد للسيارات المستعمله ؟
وقبل ما الشمس تمغرب اطلع علينا الدعول و يلغى القرار ؟
طردوك شر طرده من نادى الخريجين بام درمان و الناس كلها رفضت تستمع ليك مما ادى الى رفع ضغطك و دخولك المستشفى ؟
صمغ عربى ب 3 مليار دولار فى ثلاثة شهور هو بترول و لا شنو يا كافى البلاء ؟
غايتوا يا ود الشريف كان استمريت فى الوزارة بعد دا كله الا تكون زول سروال ساكت ؟
زناقص عقل و ما عندك الشجاعه وتقديم استقالتك لحفظ ما تبقى من ماء وجهك اذا كان فيه شىء من مويه ان شاء الله معكره وبطينه ؟

[الــســيــف الــبــتــــــار]

#952313 [bewidered]
5.00/5 (2 صوت)

03-24-2014 10:31 PM
يمكن يقصد ٣٠مليار دولار ( بالقديم)!!!!!!!!!!!!

[bewidered]

#952298 [ساب البلد]
5.00/5 (1 صوت)

03-24-2014 10:12 PM
*********** هع هع هع هع يعني نقصوا كم (صفر) ؟؟؟ ******** علي قول غندور النجر ما بودي قدام **********

[ساب البلد]

#952295 [ود كترينا]
5.00/5 (2 صوت)

03-24-2014 10:08 PM
***طيب ماكلام الوزير عثمان عمر صاح!!!!لأنو 30 مليون دولار (بالجديد)!!!ياها ذاته 3 مليار دولار(بالقديم)!!!بس فالحين فى النقد!!!حساب مابتعرفو!!!!يعنى انتو بتعرفو حساب أحسن من وزير التجارة الخارجية!!!يعنى ده بحاسب من زمن اللحم بيتباع بالوقة!!!كيف يكون غلطان!!!وبعدين الوزير مالكم ومالو عين بتو سكرتيرة ليهو!!!الراجل سنى!!!والأقربون أولى بالمعروف!!!وقبل كده مش حذركم فى نادى الخريجين وقال ليكم يوم هتفتو ضدو(لا وفاق مع النفاق)لما وقف داير يتكلم...مش قال ليكم الما أدبوهو أهلو نحنا بنأدبو!!!ها ناس الزول ده ابعدو منو!!!
***الغريبة الراجل بتاع مجلس الصمغ العربى ...رئيس المجلس...دكتور عبدالقادر عبد الماجد...المفروض تانى يوم يطلع يقول الوزير غلطان!!!مافى زول ح يسألو لأنو الوزبر مامؤتمر وطنى...الوزير من حزب السيد...واحد من أحزاب الفكة...فما فى زول كان ح يسألو...بل يمكن كان يرقوهو!!!لكن طبعا عمك عبد القادر بفصاحتو كلها...(تم)!!!سكت...خايف من بكرى قلاع الضروس وغرار العبوس!!!الطيب مصطفى رئيس صحيفة الانتباهة السابق والتى كان يكتب فيها عبدالقادر ...رئيس مجلس الصمغ العربى يوميا...الطيب مصطفى كان بيقول انو بكتب ب)السكين)!!!أنا أقول أحسن حاجةعملهاالطيب مصطفى بسكينو دى..انو (شلخ) الزول رئيس مجلس الصمغ العربى!!!أيوة...شلخو...وضبح ليهو تور أسود بمناسبة الشليخ...وشلخو..شليخة ليها معنى...الطيب مصطفى شلخ عبدالقادر عبد الماجد رئيس مجلس الصمغ العربى...شلخو فى كل جضم من جضومو الكبار ديل حرف (H)!!آي..كابيتال اتش...وهى اختصار للكلمة الانجليزية(HYPOCRITE)!!!ووافق عبدالقادر شلخه!!!

[ود كترينا]

#952252 [بت قضيم]
4.00/5 (3 صوت)

03-24-2014 09:24 PM
ما قلنا ليكم الزول ده كذاااااااااااااااااب

[بت قضيم]

ردود على بت قضيم
United States [ركابي] 03-24-2014 10:13 PM
هههههههههه الكضب ظاتو عندو اسس تخضع لشوية منطق يابت قضيم لكن معالي الوظير دلللللل بتاعتو المنغولي ما بصدقا



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة