الأخبار
أخبار إقليمية
حزب الترابي : نحنا لو دايرين السلطة ما كان قضينا «14» عاماً خارجها وجلسنا في صف المعارضة».
حزب الترابي : نحنا لو دايرين السلطة ما كان قضينا «14» عاماً خارجها وجلسنا في صف المعارضة».
حزب الترابي : نحنا لو دايرين السلطة ما كان قضينا «14» عاماً خارجها وجلسنا في صف المعارضة».


03-25-2014 11:00 AM

الخرطوم: أم سلمة العشا
كشف حزب المؤتمر الشعبي بزعامة د. حسن عبد الله الترابي، عن ترشيحات لأسماء قدمها للحزب الحاكم بشأن عملية الحوار، تضمنت شخصيات وقيادات بارزة لتحكم بمنهجية الحوار. وفي الأثناء نبّه إلى أنه وضع في الاعتبار والحسبان كل الاحتمالات والحسابات لكافة الخيارات، في حال فشل الحوار الذي ابتدره رئيس الجمهورية مع الجميع بشأن الوضع الراهن. وأكد حرصه على رفع درجة نجاح الحوار بين الأطراف، وطالب بتوفير ضمانات ثقة كاملة من أجله بغية التوصل لحل لقضية السودان.وبرر الأمين السياسي للمؤتمر الشعبي كمال عمر عبد السلام، استجابة حزبه للقبول بمبدأ وفكرة الحوار مع الحزب الحاكم دون شروط مسبقة، إلى وجود أزمة تحدق بالبلاد ولا تقبل الاشتراطات بجانب أن الحزب استند على موضوعية كبيرة ومن ثم اتخذ الخطوة، وكشف عمر في منبر الشارع الدوري للحزب أمس، أن لقاء حزبه والمؤتمر الوطني ناقش حلحلة القضايا بصورة عامة، نافياً التطرق لموضوع مشاركتهم في السلطة، مبيناً أن الحديث عنها غير سليم وغير صائب. وقال «نحنا لو دايرين السلطة ما كان قضينا «14» عاماً خارجها وجلسنا في صف المعارضة». لافتاً إلى أن قضية السودان هي الأساس ، قائلاً إن حلحلة المشاكل هي التي جعلتنا ننسى مرارات الماضي مع الحزب الحاكم.

الجريدة


تعليقات 16 | إهداء 0 | زيارات 1935

التعليقات
#954389 [العاليابي]
0.00/5 (0 صوت)

03-26-2014 08:43 PM
بالله عليك شوف هولاء الجزم المنحطين .... هو إنتو طلعتو من الحكومة ياخونه .. ودي كلها تمثيليات يريدها النظام المتهالك ... ولن ينخدع الشعب فيكم ياسفلة ... رينا يأخذكم أخذ عزيز مقتدر وفي الدرك الاسفل من النار ياقتله.. قاتلكم الله أينما كنتم

[العاليابي]

#953430 [ابكجه]
5.00/5 (1 صوت)

03-25-2014 11:13 PM
والله لو فى معارضه حقيقيه ما تقبل بكم حتى ولو كنتم خدامين بسبب اجهاضكم للديموقراطيه ومساهمتكم فى قيادة حرب عبسيه فى الجنوب ادت الى تعميق الجراحات وفصل الجنوب والى تعميق جراحات الوطن حتى اصبحت مهددا لوجوده وحفظ ما تبقى منه.

[ابكجه]

#953166 [سوداني وافتخر]
0.00/5 (0 صوت)

03-25-2014 05:59 PM
المثل بيقول ( كان مسكته ماتفك ، وكان فكيت ماتندم ) هههههههههه بديت تندم يالترابي خليك عادي ده عمر العوير في حد يقدر عليه حتي انته قلبك ( التسوي بي ايدك يغلب اجاويدك ) والصغر كان وقع قالو كترت البطابط عيب ) خليك عادي يالترابي . ههههههه قال مادايرين سلطه قال.

[سوداني وافتخر]

#953055 [عمار]
5.00/5 (1 صوت)

03-25-2014 04:17 PM
جاء الترابي ليرسل روح الانقاذ الى بارئها وهي كما تعلمون في الرمق الاخير وابت ان تموت الا على يد الشيخ الجليل الترابي ههههههههههههههه

[عمار]

#953047 [بت قضيم]
5.00/5 (2 صوت)

03-25-2014 04:12 PM
انتم شغالين بالتناوب والخلايا النائمة منذ انقلابكم على الديمقراطية وقولة شيخكم المشهورة للبشير انت للقصر وانا لكوبر والان حان دوركم بعد خروج على زفت وابو العفين والتركي غازي وهكذا دواليك انتم شياطين الانس وهم اخطر من شياطين الجن

[بت قضيم]

#952957 [taluba]
5.00/5 (1 صوت)

03-25-2014 03:04 PM
لقد تم طردهم من السلطه ومات من مات فطيسا، واليوم يتبجحون.«نحنا لو دايرين السلطة ما كان قضينا «14» عاماً خارجها وجلسنا في صف المعارضة». لو كانت الراكوبه تسمح بلغه الشوارع لنطقت بها.

[taluba]

#952934 [منعم جعفر]
4.50/5 (2 صوت)

03-25-2014 02:47 PM
والله دايرنها وميتين فيها موت ولكنها انتزعت منكم انتزاعا وأهو الايام دي بدوا يغازلوكم تاني ومدوا ليكم الحبل عشان يعلقوكم فيه وللابد ان شاء الله

[منعم جعفر]

#952931 [محمد]
0.00/5 (0 صوت)

03-25-2014 02:45 PM
ما تنسوا ان التسوي كريت في الشعب السوداني تلقاهو في جلدها
وكريت هي الترابي خان الشعب السوداني مع النميري ثم اتى بالبشير وارتدت خبانته عليه

[محمد]

#952927 [ود الابيض]
5.00/5 (1 صوت)

03-25-2014 02:38 PM
واعين والله حزب المؤتمر الشعبي
والتحية ليكم..ولكل احزاب المعارضة الواعية
من الليلة عايزين نبقى كلنا ايد وحده
واحذروا كلكم الامنجية بيظهروا في الصفحات الزي دي عشان يكيلو السباب والاتهامات للاحزاب ورؤساء الاحزاب عشان الشعب السوداني في النهاية يقبل بالنظام دا ويقول اخير لي النظام دا من ديل كلهم.
ارجو من المعلقين كلهم الحذر وتفويت الفرصة عليهم.
وفي النهاية التحية لجميع احزاب المعارضة(شعبي+حزب امة+حزب غازي+الجبهة الثورية+الشيوعي+منظمات المجتمع المدني+وبقية الشعب السوداني الطيب)

[ود الابيض]

#952898 [جدودنا زمان]
4.00/5 (1 صوت)

03-25-2014 02:11 PM
حزب الترابي : نحنا لو دايرين السلطة ما كان قضينا «14» عاماً خارجها وجلسنا في صف المعارضة».


***

لا بالله

هاكم ليها ملفوفة في ورق سولفان..وبعدين أرفضوها
قال ما دايرين قال

والله الجماعة ديل بستخفو بعقول الناس استخفاف شديد
يخيل لي انهم مفتكرين نفسهم الوحيدين العندهم عقول بتفكر

بس قولي ليكم
ليكم يوم
وستبكو
وسنضحك كثيرا

[جدودنا زمان]

#952782 [المتجهجه بسبب الانفصال]
5.00/5 (2 صوت)

03-25-2014 12:11 PM
طيب دايرين شنو بعد ده حلاوة دربس،،،،، لو كنتوا ما عايزين السلطة ما كان تركتوا أحزاب الاجماع الوطني وانفردتوا بالتفاوض مع المؤتمر اللاوطني ،، على العموم هي حفلة للم الشمل ،،،،

[المتجهجه بسبب الانفصال]

ردود على المتجهجه بسبب الانفصال
United States [حمادة( البحب الكت كات)] 03-25-2014 09:48 PM
إنتي من زمن حلاوة دربس!! إسم الحلاوة دي سمعتها عند حبوبتي توتا, الظاهر عليك المجهجهك الشيب اللفي رأسك مش الأنفصال. هاكي الكت كات دي, يمكن ترجعك لعهد لمن الترابي كان بقرأ في حنتوب


#952765 [osama dai elnaiem]
0.00/5 (0 صوت)

03-25-2014 11:47 AM
(«نحنا لو دايرين السلطة ما كان قضينا «14» عاماً خارجها وجلسنا في صف المعارضة»). -- كضبا كاضب انتو عاوزين السلطة زي جوع بطنكم ووقفتكم في الخارج بحسبانها مؤقتة وكمين يوم وشيخكم يرجع للسلطة ولمن المسافة طالت بداتم في تدبير المحاولات الانقلابية الي حين دخول د. خليل لام درمان--- ما تعملوا فيها امينيين كل ( الجماعة) في اي طرف كان فردهم تواق للسلطة وعشان كده جاها بطريق سلم الدين وبعد ما يطلع يزح السلم عشان ما حدي يطلع معاه.

[osama dai elnaiem]

#952762 [محمد احمد صباح الخير]
5.00/5 (1 صوت)

03-25-2014 11:45 AM
انتو اصلا ما دايرين سلطة كدة مشتركة انتو علشامن دايرين سلطة واسعة ومريحة طلعتو منها وظللت تفتشوا فيها 14 سنة ولمن اتاخرت وبقت زى فى استحالة قلتوا المال تلته ولا كتلته

[محمد احمد صباح الخير]

ردود على محمد احمد صباح الخير
United States [ود الابيض] 03-25-2014 02:27 PM
انت دايرهم ينضموا بالعافية؟؟
ياخي قالو ليك نحن ماعايزين نشارك المؤتمر الوطني في السلطة,,
والله انا لو من الجماعة ديل كان طوالي شاركت المؤتمر الوطني عشان كلامكم الشين دا...
انتو مالكم بتسبقوا الاحداث؟؟لمن يشاركوا حتى بعد دا تعالو اتكلموا
ياخوانا الاحزاب السياسية بقت واعية
فعليكم الله قولو خير او اسكتوا بلاش تعملوا فتن


#952756 [مواطنx]
4.50/5 (2 صوت)

03-25-2014 11:39 AM
التصحيح:
"نحن لو ما فرسان هيكل السلطة،ما كنا قعدنا مع المعارضة 14 عام،قضية السلطة هي الأساس،وخطر انهيار هذا الهيكل هو الذي جعلنا نخرج بردائنا الحقيقي أمام الملأ الآن فنحن الفرسان والأساس"!!!

[مواطنx]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة