الأخبار
أخبار إقليمية
سامية أحمد محمد تثمن جهود لجنة منع التحصيل غير القانوني
سامية أحمد محمد تثمن جهود لجنة منع التحصيل غير القانوني
سامية أحمد محمد تثمن جهود لجنة منع التحصيل غير القانوني


03-25-2014 07:53 PM

الخرطوم (سونا) - استمعت الأستاذة سامية أحمد محمد نائب رئيس المجلس الوطني لتقرير مفصل من لجنة منع التحصيل غير القانوني برئاسة مولانا بابكر أحمد قشي حول سير عمل اللجنة وما حققته من انجازات وخطتها للعام 2014م.
وثمنت الأستاذة سامية جهود اللجنة ونجاحها في إيقاف أكثر من 14 جهة حتى الآن كانت تحصل رسوما غير قانونية خاصة في الطرق القومية، داعية اللجنة لأهمية التنسيق مع المجالس التشريعية الولائية والأجهزة الإعلامية والوسائط المختلفة لتبصير المواطنين وضبط الأداء المالي للدولة وحفظ حقوق المواطنين باعتبار ذلك مسئولية المشتركة.
واوضح مولانا قشي انه قدم تنويرا لنائب رئيس البرلمان حول مهام واختصاصات اللجنة والانجازات التي حققتها بجانب خطة عملها خلال المرحلة القادمة، مبينا أن الطريق القومي اصبح خاليا من نقاط التحصيل بنسبة 95%، مشيرا إلى سير عمل اللجان الولائية واضاف أن اللقاء تطرق إلى اهمية مواءمة التشريعات والقوانين الاتحادية والولائية المتعلقة بالرسوم.


تعليقات 11 | إهداء 0 | زيارات 1180

التعليقات
#954270 [ابو طارق]
0.00/5 (0 صوت)

03-26-2014 05:46 PM
اعلاميا توقيف التحصيل ...فعليا الجماعه شغالين لغف ده شىء انا شفته بعينى الله اكبر عليكم الدوله الوحيده فى العالم قراراتها لا تصل الارض كله والى شغال بطريقته وطريقة اللحس والعساكر براهم والمعتمدين ديل ناس فيفتى فيفتى اللهم عليك بالظالم عاجلا غير اجلا

[ابو طارق]

#954246 [غايتو]
0.00/5 (0 صوت)

03-26-2014 05:32 PM
يا أخوانا السيد الرئيس وآفق على التجنيب المحصل بمعرفة الشرطة وغالبا بايصالات خاصة بهم وليست بايصالات وزارة المالية و قد تم إنشاء عدد كبير من الوحدات السكنية لمنسوبيهم من مال هذا التجنيب .
وخد عندك كمان هيئة الموانى البحرية 11جنيه وفحص الجوازات بالميناء 11 جنيه × عدد المسافرين بالباخرة لجدة وكله بدون ايصال أو بايصال من عنديهم...... و غايتو أهوأدفع أو ما تسافر . إدفع والأمرلله .

[غايتو]

#954141 [فتوح]
0.00/5 (0 صوت)

03-26-2014 03:51 PM
وماذا عن عساكر المرور الذين ينهبون المواطنين فى نقاط التفتيش ... الواحد فيهم يفتش ليك المخالفة تفتيش عدييييل وبعد يجد ضالته يأخذ الأستمارة ويذهب بها الى الخلف بعيدا عن الضابط الذى يحرر المخالفات ويجرى بينه وبين المواطن المسكين مساومات هامسة يرضخ المسكين الى أملا ءات البوليس وألا ذهب الى الضابط ويحرر له مخالفة بمبلغ كبير .... وطبعا ده كله بأتفاق مع الضابط نفسه ....... وبعدين حكومة الكترونية صدعتةو راسنا فى أى دولة لا توجد تحصيل فردى فى الطريق ... أذا كان هنالك مخالفة يتم تحرير المخالفة ورقيا ويسدد فى أحدى البنوك أذ يسدد المخالفة بدون تدخل عنصر بشرى وطبعا الموضوع ده معروف ويمكن حلها بجرة قلم من الوزير ولكن باب رزق حرام مفتوح لهم كيف يغلقونها

[فتوح]

#953714 [دكوه]
0.00/5 (0 صوت)

03-26-2014 10:24 AM
اكثر من اربعه عشر جهه تحصل ايرادات غير قانونيه.....كل هذه الاموال مغتصبه من الغلابه والفقراء والمساكين....
لا حوله ولا قوه الا بالله

[دكوه]

#953623 [ابولكيلك]
0.00/5 (0 صوت)

03-26-2014 09:08 AM
كلامك زين يا بنت ابوكشوه بس عليك بالخمسة فى المائة الباقية ورينا شطارتك فيها .

[ابولكيلك]

#953618 [بهاء]
0.00/5 (0 صوت)

03-26-2014 09:04 AM
يا جماعة مالكم مع الوزيرة دي ؟؟ انتو ياناس الراكوبة اي واحد في الحكومة دي عاوزين تعادوهو ؟ من وين عرفتو انها نهبت من المال العام خليكم منصفين , انا المرأة دي بتحرمها غاية الاحترام , لانها مؤهلة ومقتدرة وخليكم من ظنونكم السيئة دي !! اصلو انتو غير الشتائم ماعندكم حاجة ومافي واحد بسلم منكم

[بهاء]

ردود على بهاء
[دافور كادقلى] 03-26-2014 01:36 PM
كلامك صاح (بس القدوم وأتوب).

United States [دكوه] 03-26-2014 01:10 PM
انسان مسؤل في حكومه منذ سنوات...ويقول اكثر من اربعه عشر جهه تحصل ايرادات غير قانونيه...مش برضوا عليها مسؤليه...وهي مشاركه فى ادارة هذا العبث والفوضى العارمه...دي مش ظنون ده شي بعظمه لسانها...وشوف قالت شنو
لتبصير الموطنين
وضبط الاداء المالي
حفظ حقوق المواطنين...شفت الاستهتار ده كيف...


#953420 [معاويــــــــــــــــــــــــــــــــــة]
0.00/5 (0 صوت)

03-25-2014 10:57 PM
هسع ده موضوع عاوز ليهو لجنه كمان والله ياناس المؤتمر الوثنى حيرتونا عديل وطيب ليش لمان تفرضوها بتنفذوها فورا ومادام اصلا التحصيل ده غير قانونى معناهو فى فوضى فى دواوين الدوله عشان كده كل زول جاب ليهو ماكينة طباعه للعمله وانتهى الامر بان يكون الدولار 8400 جنيه ياساميه عليك الله كفاكى غنى ونهب عمرك فات فيهو الفوات عاين للبيرثك منو شوفى ليك واحد من حرامية المؤتمر الوثنى ده اتلمى عليهو خلينا من ده وده والله لمان تدور ماب تعرفى محل تمشى احسن ليك بلا مؤتمر وثنى بلا لمه معاكى

[معاويــــــــــــــــــــــــــــــــــة]

#953376 [عاوزها مرة لي]
0.00/5 (0 صوت)

03-25-2014 10:09 PM
شوفوا يا ناس مافي زول يتكلم على سامية دي من اليوم وكمان بلغوها هناك في زول ميت فيها في سنة الله ورسولة انا جاهز منتظر الرد عليكم الله كلموها انا صادق في قولي بس مش عارف أمشي لها وين وبعدين عاوز اكتم افواه كل خطيب منكم عن هذه المراة لانها غنسانة طيبوبة

[عاوزها مرة لي]

ردود على عاوزها مرة لي
United States [دارفور كادقلى] 03-26-2014 02:20 PM
ولله تستأهلها لأنها مطلقة وجاهزة كمان وما حاتتعبك كثير لأنه قبل كده كان معرسها وزير من حكومة بورتسودان وطلقها ونحن ما عارفين السبب شنووووووو!

European Union [الــســيــف الــبــتــــــار] 03-25-2014 10:26 PM
جهز ليك أجنه و شاكوش لزوم ما يلزم وقشاية ما تعتر ليك بالمال و الجنون ؟


#953317 [القعقاع الفي القاع]
0.00/5 (0 صوت)

03-25-2014 09:02 PM
دي مش الكضابة بتاع " كل شيئ هادئ في دارفور"؟؟؟؟

[القعقاع الفي القاع]

#953278 [عودة ديجانقو]
5.00/5 (1 صوت)

03-25-2014 08:19 PM
والله يا سمسمه بصراحه الصوره دى ممكن تعمليها حجاب يمكن تفك ليك البوره بتاعتك دى

[عودة ديجانقو]

#953274 [عزة]
5.00/5 (1 صوت)

03-25-2014 08:13 PM
اين ذهبت الاموال السابقة
عفا الله عما سلف مش
شعب طيب بشكل
طيب حقت المصريين

[عزة]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية



الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة