الأخبار
أخبار إقليمية
مواطنو شرق الجزيرة (ودراوة والمحس ود عشيب)يتوعدون بإغلاق طريق ودمدني الشرقي
مواطنو شرق الجزيرة (ودراوة والمحس ود عشيب)يتوعدون بإغلاق طريق ودمدني الشرقي
مواطنو شرق الجزيرة (ودراوة والمحس ود عشيب)يتوعدون بإغلاق طريق ودمدني الشرقي


03-26-2014 12:15 PM
الخرطوم: ندى رمضان
توعد مواطنو شرق الجزيرة (ودراوة والمحس ود عشيب) بإغلاق طريق ودمدني الشرقي في أعقاب ارتفاع معدلات الإصابة بالملاريا بسبب كثافة الباعوض المتوافد م مشروع زائد الخير لتلك المناطق وتخوف الأهالي من
ظهور الفئران بالمنطقة مجدداً، كما حدث العام الماضي وتخوفت مصادر طبية من أن تصل معدلات الإصابة إلى درجة الوباء في إشارة إلى أن مركز صحي المحس يستقبل منفرداً ۸۰ حالة إصابة يومياً وطالبت المصادر الجهات المختصة بالتدخل العاجل ومحاربة الباعوض وتدارك الموقف.


الجريدة


تعليقات 17 | إهداء 0 | زيارات 5855

التعليقات
#955565 [صادق]
0.00/5 (0 صوت)

03-27-2014 11:56 PM
انا افتكر الحل في
1- حل مشكله حقوق الاهالي اولا
2- الزام اداره المشروع بمكافحه الافات
3= تقديم العون في مجال الخدمات في المنطقه

واذا لم يتم ذلك يجب عمل شغل يودي لتدخل السلطات بعيدا عن الاضرار بمصالح الاخرين

بدايه بتكوين لجنه من اناس متفرغين لهذه القضيه يجروا بين اهلهم و رفاعه ومدنى (الخرطوم اقرب ) لكن قسمه اهالى المنطقه كده مسعولينهم فى المدن دى .
اخر حاجه الناس تاخد حقها بيدها ( تقفل = تحرق = تسد ) كلوا متاح بعداك

[صادق]

#954637 [سوداني اصيل]
0.00/5 (0 صوت)

03-27-2014 03:39 AM
السلام عليكم ورحمة الله وبركاته
هل هذه المنطقة لهم قضية امتدت لسنوات هى عمر المشروع الزاعي الذي اغتصبت الاراضي من اهله في عهد الحرامي وكبير مجرمي الانقاذ اللاشريف بدر . والمهم مسلسل طويل جربت كل الحلول وما نفعت وسبب المشروع ازمة بئية حادة لاهل المنطقة - وتم من قبل حرق وابورات المياه - وتظاهر الاهالي في الشارع وتم اعتقال العديد منهم . لقد ناضل المنطقة ضد المشروع نضالا مشرفا.

ولكن ان ياتي بعض افراد من المعلقين ويسب ويكيل السباب لاهل المنطقة هذا ما نرفضه تماما - فلا داعي للسباب .وهذا يدل عن جهلهم او انهم كيزان وهذا حالهم دوما لا يتحدثون الا بفاحش القول

[سوداني اصيل]

#954411 [يوم وراءيوم]
0.00/5 (0 صوت)

03-26-2014 09:18 PM
والمشكلة الكبري ان وزير صحة الجزيرة الهمام قريته في نص المشروع والبعوضة اكلتهم اكل ولمن جانا السنة الفاتت قال مامشكلة البعوض دة ماناقل للملايا ماتخافوا مابتجيكم عوجة!!!هذا هو وزيرالصحة الفاتح مالك لانه قاعدفي مدني وبيته في الحلفايا..واهله ميتين من الملاريا..

[يوم وراءيوم]

#954373 [عادل السناري]
0.00/5 (0 صوت)

03-26-2014 08:18 PM
العلم و الخبرة بتقول البعوض يكافح قي مرحلة طور المائي ( بيض يرقة شرنقة ) و ذلك برش المبيدات و تجفيف المياه الراكدة و استزراع انواع معيتة من الاسماك التي تتغذي عل الاطوار المائية للبعوض --- و اخيرا مكاغحة البغوضة الطائرة باستخدام انواع معينة من المبيدات في شكل دخان كريه الرائحة و استخدام الناموسيات المشبعة و العادية .
ميزانية وزارة الصحة و خاصة ادارة الوبائيات تكاد تكون صفرا كبيرا
علي الشباب جمع التبرعات و ذكوات و الصدقات و تنظيم انفسهم في قروبات التغطية كل المشروع
درهم وقاية خيرا من قنطار علاج

[عادل السناري]

#954347 [سوداني وافتخر]
0.00/5 (0 صوت)

03-26-2014 07:37 PM
اعتصمو مابتعرفو الاعتصام ، طوالي جاريين للقفل يقفل نفسكم انشاءالله.

[سوداني وافتخر]

#954320 [محمد سالم]
0.00/5 (0 صوت)

03-26-2014 06:57 PM
والله صحيح تستاهلوا يحكموكم الكيزان الانجاي يا رمم ما قفلوا المشروع السبب ليكم الاذى ......بلا يخمكم.

[محمد سالم]

#954259 [جركان فاضى]
0.00/5 (0 صوت)

03-26-2014 05:43 PM
يا ودراوة والمحس وودعشيب....اسألكم سؤال: ايهما اسهل قفل ترعة زايد الخير او طريق مدنى الخرطوم؟ الطريق كان قفلتوه الصباح مابتقدروا تقفلوه فى نص النهار الحار وكان قفلتوه العصر ما بتقدروا تقفلوه بالليل...وكان قفلتوه بالليل والنهار العربات بتمشى بالطريق الترابى الجنبو...قفل الطريق ليس حلا....اما قفل الترعة فانه يحتاج لبضع ساعات وكم شوال تملوه بالتراب...انقفلت الترعة ...نشفت الزراعة...طار الباعوض لمنطقة تانية او مات بسبب الجفاف...اليس فيكم رجل رشيد؟

[جركان فاضى]

ردود على جركان فاضى
[يوم وراءيوم] 03-26-2014 09:21 PM
والله كلامك صح ياجركان ..المشروع ده بشرب من البحر بواسطة الطلمبات والتعامل معاهاساهل جالون بنزين ومعاه شوية جوالات خيش وعينك ماتشوف الا الرماد..


#954254 [Nader]
0.00/5 (0 صوت)

03-26-2014 05:37 PM
هناك سؤال مهم ما هى الفائده التى عادت من مشروع زايد الخير على السودان ومنطقة شرق الجزيره وبقية المشاريع الشبيهه من حين تنمية المنطقة وتشغيل العماله والعائد الاقتصادى ووووو ام ان مجرد ان يكون هناك اسم مشروع خلاص افرحو يا طير

[Nader]

#954199 [زعيم الزهاجة]
3.00/5 (1 صوت)

03-26-2014 04:43 PM
البلد دي أي زول بيهدد بي حاجة ،وقاعدين علي الهبشة
تمسك ناس الشرق والغرب طوالي يقولوا ليك دايرين انفصال
،ناس الوسط بقفلوا الشوارع ،ناس نهر النيل إعتصامات ،اما ناس
الشمالية ليهم الله .بلد هاملة وناسها هاملين وحكومتها همبولة.

[زعيم الزهاجة]

#954191 [ابومروه]
0.00/5 (0 صوت)

03-26-2014 04:37 PM
لك الله يا ولاية الجزيره تاتيك المصائب من كل صوب و انسانك اصبح لا حيله له لان الدمار في كل شئ حتي في صحته و اهلك نيام و المركز غائب عنك من سنين كما يقول المجلس التشريعي الذي ياخذ و لا يعطي

[ابومروه]

#954139 [محمد الشيخ]
5.00/5 (1 صوت)

03-26-2014 03:50 PM
عالم ماتستحي

[محمد الشيخ]

#954127 [bent alnil]
5.00/5 (1 صوت)

03-26-2014 03:33 PM
سبحان الله الباعوض ده عايش مع يرقاته في أي شارع الزلط يمكن باعوض محور وراثيا بدل الموية بعيش في الأسفلت
و علاقة الزلط و ما يحلوا مشكلةالملاريا و اي شافع بوريكم مكافحة الملاريا و الفورة ديل جيبوا ليهم الكديس ..
تهديد بس ما بقدرو انتوا امشوا موقف بحري و شوفوهم ناس المحس و الباقين خضارهم و حتى الخبز من بحري لو أتقفل الشارع هم اول المتضررين كل اغراضهم و مصالحهم في الخرطوم و البمرض يمشي وين ما بركب زلط الشرق ده و بسعفوه في الخرطوم ..... خليكم واقعيين حلو مشاكلكم بمنطق و بطلوا دراما

[bent alnil]

#954124 [sudani]
5.00/5 (1 صوت)

03-26-2014 03:29 PM
طالما راضيين ياهل السودات بكرة ياما تشوفوا وخطوة عديلة ياهلنا في ود راوة ولو كل قرية بتقطع طريق وتقيف وقفة احتجاجية لقطعنا دابر الانقاذ واليوم قريب والجماعة الاستمتعوا يواصلوا بس ارجو الراجيهم من الله وليكم يوم والله يمهل ولا يهمل

[sudani]

#954112 [مصعب]
4.00/5 (1 صوت)

03-26-2014 03:11 PM
عندي حل لمشكلة البعوض حل نهائي . بس بشرط يتم تعييني في وظيفه مرموقه . وانا مؤهل بس المشكله ما كوز وكل ما بيالني كوز الحله البكتب التقرير في التعيينات بسب ليه الكيزان.
طير طير يا بشير

[مصعب]

#954045 [الحقاني]
2.50/5 (2 صوت)

03-26-2014 02:16 PM
طيب قفل اوقطع الطريق بيوقف الباعوض او الكلارياء سكان هذه المناطق كانوا يجارون مرة الشكوة من الوصول للخرطوم وعندما جاءهم الطريق اصبح المتهم الاول

[الحقاني]

#954031 [Abdo]
5.00/5 (2 صوت)

03-26-2014 02:05 PM
من اولى اولويات المشاريع الكبيرة أن تقدم خدمات لأهالي المنطقة المحيطة به و عليها في ذات الوقت إصحاح البيئة خصوصا إذا كانت ناتجة عن المشروع نفسه ،،، لكم الله و في ذات الوقت عليكم بما عزمتم عليه ،

[Abdo]

ردود على Abdo
[Quickly] 03-26-2014 04:23 PM
الكلام دا بحصل عند الحكومات البتحترم مواطنيها بتلزم الشركات الاجنبية بتقديم مساعدات وخدمات للمناطق المجاور لمشاريعها وتقديم نسبة من ارباحها لصالح تنمية المنطقة
بس نحن عندنا حكومة الكيزان الحرامية اولاد الكلب ياخدوا الكمشن وتاني ماتشوفوهم

European Union [هبار شروك الليل] 03-26-2014 03:30 PM
دا كلام صاح اي مستثمر اجنبي يعمل مشروع يزرع ويصدر انتاجو للخارج بينما يترك الملاريا والفئران للمواطنين مفروض صاخي المشروع يقوم بدفع تكاليف رش البعوض و
بناء مستشفي كبير للمنطقة ويقوم بمكافحة القوارض كالفئران وغيرها بالتعاون مع وحدة مكافحة الافات الزراعية بي وزارة الزراعة ليش الفوضي يعني
من حق المواطن يقفل الطريق ويولع في المشروع زاتو .روح المواطن اغلي من ارضاء مستثمر


#953993 [عاطف]
1.00/5 (1 صوت)

03-26-2014 01:39 PM
وبعد ما يقفلو الشارع الخطوة الجايه شنو
لو اصلا قفل الشارع بحل مشكله كان قفلنا النيل الازرق لكن المشكله تحتاج الى تمحيص ودراسه
لو فرضنا فرضا ان الزراعه فى مشروع زايد الخير هو سبب المشكله اين الحل ؟؟؟؟
مشروع الجزيرة ومشروع الفاو ومشروع السوكى وو وو كميه من المشاريع الزراعيه هل خرج السكان لقفل الشارع ام تم وضع الحلول المناسبه فى ذلك الزمن من معينات الوقايه وتطوير سبل العلاج الوقائى
فلتكن دعوتنا لتاهيل مستشفى ودراوة والمراكز الصحيه وتوفير العلاج باسعار فى متناول اليد
المتضرر الاكبر من قفل الشارع نحن سكان المنطقه فقط
واذا كان لابد يجب قفل الشارعين اى شارع مدنى الغربى وشارع الشرق ونخليها البره بره والجوه جوه

[عاطف]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة