الأخبار
أخبار إقليمية
مدير طيران الشرطة يكشف تفاصيل جديدة عن طائرة وزير الزراعة
مدير طيران الشرطة يكشف تفاصيل جديدة عن طائرة وزير الزراعة
 مدير طيران الشرطة يكشف تفاصيل جديدة عن طائرة وزير الزراعة


03-27-2014 12:11 PM

الخرطوم
كشف مدير طيران الشرطة العميد طيار محمد عظيم عن تفاصيل جديدة للطائرة التي كانت تقل وزير الزراعة إبراهيم محمود وعدداً من مرافقيه من ولاية نهر النيل إلى الخرطوم أمس الأول.
وأكد محمد عظيم أن الطائرة مملوكة للشرطة ووزارة الزراعة، مشيراً إلى أن كابتن الطائرة اتصل ببرج المراقبة من مسافة «70» عقدة من مطار الخرطوم طالباً أفضلية في الهبوط لتذبذب في قوة المحرك، وقال بالفعل مُنح أفضلية واتخذت كل الإجراءات التي تتم في مثل تلك الحالات من استعدادات أرضية وغيرها.لافتاً إلى أن الطائرة نزلت بسلام واستطاع الكابتن أن يسيطر عليها إلى أن هبط بمطار الخرطوم. وأوضح محمد عظيم أن وزير الزراعة ووفده لم يشعروا بأي أمر غير طبيعي إلا بعد أن هبطت الطائرة وأبلغهم الكابتن بأن عطباً بسيطاً تعرضت له الطائرة، وقال إن ذات الطائرة حلقت بالأمس اعتيادياً. وأشاد مدير طيران الشرطة بطياري الشرطة مشيراً إلى أنهم تلقوا تدريبات عالية وأن منهم «6» يقودون طائرة الرئيس.

الإنتباهة


تعليقات 24 | إهداء 0 | زيارات 8464

التعليقات
#955722 [Dawod]
0.00/5 (0 صوت)

03-28-2014 06:17 AM
أيام لها إيقاع.
(مشيراً إلى أن كابتن الطائرة اتصل ببرج المراقبة من مسافة «70» عقدة من مطار الخرطوم) دة كلام مدير طيران الهنا والسرور

و العقدة تعادل نظرياً حوالي 1.8كلم/الساعة ، أو 1.1ميل/ ساعة
ودة كلامك.
إذا قلنا العقدة تعادل نظرياً ١.٨ كلم/الساعةx ٧٠ عقدة المدير = ١٢٦ كلم/الساعةو١.١ ميل/الساعة x ٧٠ عقدة=٧٧ ميل/الساعة بس المحيرني إنو المدير بقول إنو الكابتن إتصل ببرج المراقبة من مسافة ٧٠ عقدة مايعادل ١٢٦ كم/الساعة ٧٧ ميل/الساعة. إذا دة سرعة الطيارة أقل من السرعة المسموحة بها في الطرق السريعة في بعض الدول كيف يعني!!! دي طيارة ولا طيرة!!! حاجة تحيير والله..!!!
أنا آمنت ذاتو

[Dawod]

#955524 [منشى]
0.00/5 (0 صوت)

03-27-2014 11:11 PM
دا اكتشفو اريترى و دايرين يتخلصوا منو و لا شنو ؟

[منشى]

ردود على منشى
[منشى] 03-28-2014 04:11 PM
فعلا شوال فارغ.. هذا الشخص من مواليد عيتربه على الحدود الاريتريه السودانيه , بقية افراد اسرته حتى الآن فى اريتريا , و زد على ذلك لغة امه هى الغه التغرينيه الاريترية الاصل .

United States [شوال فارغ] 03-28-2014 12:41 PM
والله تحن بقينا ماعندنا شغلة الا ده قبيلتو شنوا وده من وين كلها عنصرية في عنصرية


ياخي الوزير ده من قبيلة تنتمي الى شرق السودان يعني هو سوداني الاصل والميلاد


اذا انت ماتعترف بهذه القبيلة التى لها جذور ضاربة في التاريخ فى شرق السودان


يعنى كدة الشرق دولة لحاله .. ياخي رئيسنا البشير يقولو له جذور او عرق حبشي يعني فيه


دم من الحبش وهذا ما عيب والحياة اصلا كده .


#955508 [AburishA]
0.00/5 (0 صوت)

03-27-2014 10:46 PM
** وزير الزراعة المفروض يركب ويسافر بواحدة من طيارات (الرش) سم الجراد... (جهة الاختصاص)!!

[AburishA]

#955505 [عزالدين النوبى]
0.00/5 (0 صوت)

03-27-2014 10:44 PM
الف الف سلامه لجميع من كان بداخل الطائره لااريد ان اعلق او ارد على من تلفظ
حاقدا والله يهديكم...ويهدينا.....

[عزالدين النوبى]

#955390 [علي باحش الدكوك]
3.00/5 (1 صوت)

03-27-2014 07:11 PM
أكيد في صفقة بتاعة بيع أراضي زراعية لمستثمرين .. أو توجد صفقة بتاعة بزور أو أسمدة فاسدة .. واحتياطاً حبو يوروا الوزير العين الحمرة من حسع، عشان ما يعمل شفت ووطني وبتاع,,,,,

[علي باحش الدكوك]

#955366 [القمر بوبا]
3.00/5 (2 صوت)

03-27-2014 06:30 PM
أكيد الحادث أرعبك ولاح حولك الموت وتذكرت كل الاعمال الفاسدة التي قمت بها طوال توليك المناصب المختلفة ، وأكيد ستجد نفسك في حيرة مرة اخرى . تترك الانقاذ أم تواصل في أعمال الغباء التي تقوم بها. وهو خيار صعب . ولكن إن أخذت بنصيحتي عليك الترجل فورا وترك عصابة عمر البشير. وقبل أن يزول الهلع من داخلك أرجع وإسغفر وتوب إلى الله . وخذ كل الاموال التي نهبتها وأخرجها في شكل صدقات وإعانات تكون في الخفاء. والزم الحياة الشريفة. وسيبك من عمر البشير ، الرجل فقد صوابه وماعارف من أي باب يخرج ، لدرجة أن يدعو الترابي الفاسد ليشاركو في الحكم . أرجع وشوف أهلك الخاسه والبني عامر. كفايه عليك وزير داخلية فاشل طول فترة عملك . والآن وزير زراعة، ماذا تعرف عن الزراعة؟ عموما بيقولوا خذ النصح من أفواه المجانين, ومسألة الانقاذ على وشك النضوج ، وزي ماشايف كهول النصابين ناس الترابي والسنوسي ، جاءوا يلتفوا حول عمر البشير وهذه الحلقة المتجمعة يسهل الانقضاض عليها بمجهود قليل.

[القمر بوبا]

#955295 [القاعد في البنبر]
3.00/5 (2 صوت)

03-27-2014 04:35 PM
انتو يا اهل الخير محمد عظيم دا هندي ولا باكستاني ولا ايراني

[القاعد في البنبر]

ردود على القاعد في البنبر
[I,dm] 03-27-2014 06:12 PM
الاخ الكريم / القاعد في البنبر
الكابتن / محمد عظيم سوداني ود بلد من أهل السروراب,,,,,
ولك التحية


#955291 [عمار يوسف]
5.00/5 (2 صوت)

03-27-2014 04:34 PM
حمد لله على السلامه- عاوزه كرامه ياالسيد الوزير

[عمار يوسف]

ردود على عمار يوسف
United States [مصعب] 03-27-2014 07:59 PM
وقت بتعرف الوزير معرفه شخصيه كده وتكتب ليه هنا بسمك ما يتوسط لينا بي وزاره وكده


#955272 [ibrahim ibrahim]
2.32/5 (6 صوت)

03-27-2014 04:05 PM
ال knots او العقده من وحدات قياس السرعه و الميل البحري nautical mile لقياسات المسافه في حقل الطيران يا سعادة العميد طيار

[ibrahim ibrahim]

#955252 [سوداني وافتخر]
3.63/5 (4 صوت)

03-27-2014 03:45 PM
70 عقده نفسيه تمسكك انته والوزير.

[سوداني وافتخر]

ردود على سوداني وافتخر
European Union [سودانى أصيل] 03-27-2014 08:08 PM
و الله ضحكتنايالخوى!


#955167 [nouri]
4.25/5 (8 صوت)

03-27-2014 02:34 PM
أفضلية في الهبوط??????ها هاهاهاها.....مطار جاتويك?? ....اهبطوا ساي كلهم3 طيارات في اليوم. بلا قرف

[nouri]

ردود على nouri
United States [هيثم الخلا] 03-27-2014 10:29 PM
أولوية شنو مطاركم ذاتو ما محسوب أصلا، وكما جابت ليها عقد يا اخي ما تقول من مسافة 60 ولا سبعين كيلو، فاكرين نفسكم سايقين AirBus380 طيارتكم دي تلقى كان شايلها الهواء ساكت لمن وصلت المطار كضب ساكت كضب

European Union [ابوريدة] 03-27-2014 03:54 PM
ههههههههههههههههههههههههههههههههههههه ... قال ذبذبة قال ... المحرك عض عديل ... والكتينة اتقطعت ....


#955166 [بت قضيم]
1.00/5 (1 صوت)

03-27-2014 02:32 PM
( العقدة ) ما نعرفه مصطلح بحري لقياس وسرعة السفن وهل هو ايضا يمكن التعامل به كمسافات وسرعة في الطيران نريد ان نفهم فقط جزاكم الله خير

[بت قضيم]

ردود على بت قضيم
United States [أيام لها إيقاع] 03-27-2014 03:55 PM
الأخت الفاضلة بت قضيم ، العقدة وحدة لقياس السرعة في الماء و الهواء ،و تستخدم للسفن و الطائرات ، وليس كما ذكر كاتب التقرير بأنها وحدة مسافة ،،
و تسخدم العقدة لأن الهواء و الماء يختلفان عن الأرض الثابتة التي تستخدم فيها وحدة الكلم/ ساعة أو الميل / ساعة ،، و العقدة تعادل نظرياً حوالي 1.8كلم/الساعة ، أو 1.1ميل/ ساعة


#955149 [المتجهجه بسبب الانفصال]
1.05/5 (11 صوت)

03-27-2014 02:19 PM
الطائرة مملوكة للشرطة ووزارة الزراعة ،، الكلام ده لو سمعتوا الطيارة الماليزية الوقعت في المحيط كانت جات مارقة من الحيرة في علاقات الطيران الوزارية في السودان،،، يا جماعة رجعوا المنهج التعليمي القديم والله فيهو سترة ليكم ،،،

[المتجهجه بسبب الانفصال]

ردود على المتجهجه بسبب الانفصال
United States [AburishA] 03-27-2014 10:43 PM
هيع هيع هاااع يالمتجهجهة...انا زاتي قاعد افكر في الشراكة دي !!!


#955147 [عكاشه]
1.63/5 (4 صوت)

03-27-2014 02:18 PM
الحكايه شنو كل وزير زراعه يركبوه الطيارة يمرق منها

[عكاشه]

ردود على عكاشه
[أحمد محمد] 03-27-2014 03:51 PM
بكرامة بليله مش كدى يا عكاشه ؟؟؟؟!!!!!!!!!!!


#955111 [ساب البلد]
1.00/5 (2 صوت)

03-27-2014 01:56 PM
*********** حاجة غربية ******* نفس الحادث ******* لما المتعافي كان وزير الزراعة ***** تقريبا ***** كانت طيارة تابعة للشرطة ****** نفس العطل بتاع المحرك ****** مات الحرس ***** و طلع منها الوزير ****** طيارة المتعافي قادمة من القضارف ******** طيارة محمود ابراهيم من عطبرة ****** ؟؟؟؟؟

[ساب البلد]

ردود على ساب البلد
[solli] 03-28-2014 09:23 PM
ياخ ما في اي مقارنه غير انهم الاتنين وزراء زراعه وطياره المتعافي بتاعت الشرطه ودي شراكه مع الزراعه يكون عملا المتعافي جنه شراكات وبعدين الحرس مامات مات واحد من طاقم الطائره و2مسؤلين في وزاره الزراعه ونجي مع الوزير الكباتن 2 و4من المرافقين القصه ليه الوزراء يسافرو بالطياره البلد مربوطه بي طرق بالعربات مالو وخاصه الزراعه عشان يتفقد المناطق كلها


#955099 [معتز]
4.00/5 (7 صوت)

03-27-2014 01:46 PM
قولوا للوزير لو مرتو سمحة يطلقها سريع عشان يحافظ على حياته
ههههههههههههههههههه

[معتز]

ردود على معتز
[solli] 03-28-2014 09:26 PM
المشكله وزير الزراعه متزوج 4 ما حيعرف يطلق ياتا


#955075 [very sudani]
3.50/5 (2 صوت)

03-27-2014 01:26 PM
يا عيني علي الاضافة زي ما قال عادل امام,هسع وينها التفاصيل الجديدة

[very sudani]

#955020 [افريقى]
3.00/5 (3 صوت)

03-27-2014 12:45 PM
هههههههههههه وأشاد مدير طيران الشرطة بطياري الشرطة مشيراً إلى أنهم تلقوا تدريبات عالية وأن منهم «6» يقودون طائرة الرئيس.

دى فى الحلم ولا وين

[افريقى]

#955019 [kaaaak]
3.00/5 (2 صوت)

03-27-2014 12:44 PM
العميد طيار محمد عظيماالنور لقيتا مع كيزانك

[kaaaak]

#955014 [ربنا شافك]
5.00/5 (1 صوت)

03-27-2014 12:37 PM
والله يا باشمهندس ابراهيم..ربنا شافك ساكت المرة دي , الدوسانيين ديل حاقدين شديد ووجودك يلهب كل الصفات البغيضة من حسد وكره وحقد,, اتمنى وجودك مع الانقاذ لآخر يوم في حكمها وبعداك تعال الشرق وما تجيك عوجة, اصلُ الدوسانيين ديل بتاعين جعجعة في الفاضي والمليان وغير الكسل والأكل والنوم والظريط (زي ما معروفين عند كل العرب) ما عندهم حاجه.

[ربنا شافك]

#955006 [Petro]
5.00/5 (1 صوت)

03-27-2014 12:32 PM
الطائرة مملوكة للشرطة ووزارة الزراعة!!!!!! والله دة قصة دة !

[Petro]

ردود على Petro
[أحمد محمد] 03-27-2014 03:57 PM
كلنا محتارين!!!!!!!؟؟ أيه اللأمه نهرالسند ووأشنطن؟؟؟


#955000 [مصطفي محمد صالح]
5.00/5 (2 صوت)

03-27-2014 12:30 PM
المشكله ما مشكلة كباتن طائرات بقدر ماهي ...مشكلة طائرات تشتري دون مواصفات فنيه متكامله كل هم المشتري حجم العموله كم ....اما الطكائره صالحه ام غير صالحه للطيران فهذا امر غير ذات اهميه ...كم من الطائرات سققطت وكم من الطكائرات احترقت ...وكم من الطائرات اسكراب الان في حوش الطيران الممدني ..............؟


























؟؟

[مصطفي محمد صالح]

#954997 [سيمو]
3.50/5 (2 صوت)

03-27-2014 12:29 PM
وأن منهم «6» يقودون طائرة الرئيس،،

يبدو أن طائرات النظام عطشانة لدماء طرية،، ما هى متعودة

الجايات ما بتكضب

[سيمو]

#954994 [العوض]
4.00/5 (4 صوت)

03-27-2014 12:26 PM
مرقوا منها المره دي اصلا كدا عندنا بس في السودان الوزير ما يستقيل ولا يقال ولا يحاسب يامات في

حادث ولا وقعت بيهو طيارة الطياره ان شاء الله ماتخلي فيكم وزير بركة من صلي وقال ياالله ودي رسالة

لي اي وزير يعني اصلح نفسك وحاسبها قبل ان تقع بيك طيارة والله يحاسبوك هناك وهناك لا في استناف ولا

في دغمسة ولا اعفاء من النائب العام الا الشعب السوداني كلو يعفي عنك وبعدين ربنا يعفو عنك

[العوض]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة