الأخبار
أخبار إقليمية
موسي هلال : انا اعمل في محورين اصلاحيين .. المحور الاصلاحي الاجتماعي بدارفور و الاصلاح السياسي بالنسبة للحكم في السودان
موسي هلال : انا اعمل في محورين اصلاحيين .. المحور الاصلاحي الاجتماعي بدارفور و الاصلاح السياسي بالنسبة للحكم في السودان
موسي هلال : انا اعمل في محورين اصلاحيين .. المحور الاصلاحي الاجتماعي بدارفور و الاصلاح السياسي بالنسبة للحكم في السودان


اتمني ان يكون طه ونافع والجاز واسامة ذهبوا بصورة حقيقية
03-27-2014 01:02 PM
حاوره بكبكابية: خالد الفكي

لم يكن اللقاء بزعيم المحاميد موسي عبدالله هلال سهلاً، فالرجل وبحكم تنقله في بادية المحاميد بشمال دارفور يصعب الوصول عليه وقتما تريد كما الحال عندما يكن في الخرطوم التى فارقها قبل اكثر من (7) اشهر ، الا ان رغبة سكنت دواخلي في الظفر بحوار صحفي مع هلال الذي ظل مثار جدل عقابيل الخلاف الشهير بينه والوالي عثمان كبر وسخطه علي المركز الذي اعلنه اكثر من مرة ، الحس الصحفي جعلني مرابطاً امام بوابة مكتب معتمد محلية كبكباية مستأنساً بالتعرف علي حسان ورفاقه المُوكل اليهم حماية الشيخ موسي كما يحلو لهم ، وفي داخل المكتب كان برفقة هلال العقيد امن(م) مالك عبدالله حسين رئيس لجنة الامن والدفاع بالبرلمان بعد ان تطاول زمن انفراد الرجلين ببعضيهما في اجتماع استمر لاكثر من (3) ساعات لمناقشة تداعيات الاحداث بدارفور والنظر في ماهية مسببات الخلاف بين الاول وكبر.. انفض سامر الاجتماع ولم ينفض من خاطري بريق الظفر بـ(هلال) في ما اتمني ورغماً عن ضيق الوقت الذي لم يمكنني من طرح كل ما في مخيلتي من اسئلة الا ان وعداً ضُرب بلقاء ربما يأتي في حينه.


بدءاً ماذا جري في اجتماعك مع مالك؟
اولا اشكر اخواني في لجنة الامن والدفاع الوطني .. اعضاء المؤتمر الوطني في البرلمان لحضورهم وجلسهم معي للتفاكر حول قضايا الوطن والهموم الكبيرة للسودان الحبيب ، وتفاكرنا في الموضوعات المتعلقة باهداف الزيارة وبحمد الله توصلنا الي نقاط احسب انها نقاط ايجابية انشاء الله تترجم خيراً للبلد


ماهي مطالب من المركز؟
ماعندي ليه اي مطالب

طيب ماذا تفعل الان من عمل؟
انا اعمل في محورين اصلاحيين .. المحور الاصلاحي الاجتماعي لاهلنا في دارفور كمجتمع ، بجانب محور الاصلاح السياسي بالنسبة للحكم في السودان ، وهذه محاور عملي منذ قدومي من الخرطوم حتي الآن وساظل .


اذن ماهي رؤيتك للسلام في دارفور؟
السلام بدارفور ماضي ، ولكن يوجد مهرجلين احسب انهم يصنعون مشاكل وفتن والهدف من وراء ذلك عدم الاستقرار واعتقد انهم يصطادون من وراء المياه العكرة وفيهم ناس في السلطة نفسها ، ولكن السلام اسم عظيم لله رب العالمين وباذن الله سيكوم ماضي رغماً عن انف اي مرجف .


وماذا الانصال مع الحركات المسلحة من اجل السلام؟
اتصالاتي بالحركات ماضية وارجو ان تُفضي الي سلام واستقرار للسودان باذن الله


ماهو رايك للاصلاح في المؤتمر الوطني عقب اطلاق الحزمة الاصلاحية ؟
انا افتكر ان المؤتمر الوطني مازال يحتاج الي اصلاح حقيقي وبحجم اكبر

عفوا للمقاطعة
في الاشخاص ولا السياسيات؟
في السياسيات وليس الاشخاص واحياناً يشملهما الاثنين ، بسبب ان هناك اشخاص متمترسون في مواقعهم طيلة 24 عاماً وليس لديهم مايقدموه غير زرع الخلافات وتصفية حسابات سياسية في البلد وإثارة الفتن ، واعتقد ان مثل هؤلاء لايصلحون كأشخاص وام الاصلاح الحقيقي يكون في السياسيات، واشار الي ان مثيري الفتن السياسية غير مرغوب فيهم خلال المرحلة الراهنة والمقبلة .


ولكن الا اتوافقني انه علي مستوي الاشخاص ترجل علي عثمان ونافع وعوض الجاز واسامة عبدالله واعتبر الامر في اطار الاصلاح ؟
اتمني ان يكون هؤلاء ذهبوا بصورة حقيقية وليس هم الذين ينظروا ويخططوا سواء كان علي مستوي الحزب او السياسيات علي مستوي السودان .

اذن ماذا تقول بدخول الشباب الي مقاعد الحكم؟
الشباب هم الذين يُناط بها الامر في الحاضر والمستقبل .. ولكن دخول الشباب يجب ان يكون مصحوباً باهل الحكمة ، واعتقد ان دخول الشباب دخول ايجابي

.
الشيخ موسي ماهي دواعي تشكيل مجلس الصحوة؟
اري ان منبر وجسم سياسي ضمن الاجسام السياسية التى تعدد وكثُرت في السودان حتي وصلنا الي مايقارب لــ(80) حزباً مع وجود (40) حركة ، وبالتالي كما يُقال في المثل " ضرا ابوك كان بقي فاري شيل ليك منو عود"، ونحن عازين نشيل عودنا .


يعني المجلس يمكن ان يكون حزباً في المستقبل؟
هو منبراً سياسياً و لا استبعد ان يكون حزباً يتحالف مع واحد من الاحزاب السياسية الكبيرة الموجودة في البلاد ، يعني كل التقديرات ممكنة . افهم من حديثك انك ربما تدخل بالمجلس الانتخابات؟ ممكن .. ليش شيخ موسي سوداني والانتخابات سودانية والبلد سوداني ، شنو البمنع .


هل هذه اشارة للانسلاخ من المؤتمر الوطني؟
الانسلاخ عن المؤتمر الوطني وغيره سؤال تكرر كثيراً ، وهذه ليس المرحلة التى اقرر فيها ، اما كراي سياسي فالامر مشروع.


كيف تقرأ التقارب بين المؤتمر الوطني والمؤتمر الشعبي ؟
اعتقد ان الحزبين وجهان لعملة واحدة ، وهذا التقارب المفروض يحدث من زمن طويل لولا المرجفين داخل المدنية والحزبين ما المفترض حدوث انفصالاً بين الحزبين ، ولكن للاسف داخل تلك التيارات السياسية من يفتعل المشكلات وطبعا نجد ان نتائج الغبن السياسي تفكيك الاراء والقدرات ويجب ان لايكون هذا مطلب في اي بلد ، واذا نظرنا الي الولايات المتحدة الامريكية كدولة كبيرة بها جزبين رئيسيين يتنافسون علي السلطة ، ومن هنا اعتقد ان علي الجميع الرجوع الي صوت العقل وان يكون هناك توحيد للمنابر السياسية .


شيخ موسي مهو رايك في ملتقي ام جرس(2) المختتم اليوم الخميس؟
للاسف ليس لدي خلفية عن ام جرس(1) او (2) ، وبالامس علمت ان حسن برقو ومحمد بشارة دوسة يقفون علي راس الاعداد لملتقي في منطقة ام جرس التشادية، واكد انه لم تأتيني اي دعوة او اشارات من جانب برقو اودوسة، ولكن الجانب التشادي اتصل علي واعلمتهم باني لم اخطر من قبل القائمين علي الامر في السودان لذا لا استطيع المشاركة .


اذن هل تتوقع لام جرس (2) ان يحقق سلام بدارفور؟
كما قلت ان لا اعلم ماهي القضايا المطروحة ، ولكن يقيني ان مشكلات السودان يجب ان تُحل بواسطة السودانيين انفسهم. دعنا نتجه الي التفاوض بالمنطقتين


هل برايك ستكون الجولة المقبلة هي الحاسمة ؟
اعتقد ان اي حوار يحمل المصداقية والجدية والحلول الواضحة واحترام لاراء الاخرين يمكن ان يحقق اهداف ايجابية ، ولكن اذا كان الحوار دبلوماسي ومغلف مع عدم الجدية والحقائق لن يُفضي الي نتائج مثمرة ، و من هنا ادعو طرفي النزاع في الحكومة وقطاع الشمال بالرجوع الي صوت العقل وايجاد الحلول لمشكلات البلد سريعاً.


حول خلافك مع كبر .. هل تعتقد ان ابعاد (كبر) سيدفع بالسلام الي شمال دارفور؟
بلاشك ان الذي خربه كبر كثير ، ولكن اري ان الذي صنع كل المشكلات والفتن والتفكك الاجتماعي بابعاده تكون تجاوزت (50) % من مايجري وامتصيت غضبة المواطنيين ، وهذا يمكن الناس من التراجع من مايجأش بالدواخل ، والتفرغ للاسهام في تجميع المجتمع الذي تم تفككه من قبل سياسيات كبر بشمال دارفور.


وماذا بشأن مبادرتك لرتق النسيج الاجتماعي بجبل عامر؟
المبادرة تستند علي ان الرجوع للحق فضيلة ، وعندما دفعنا بالمبادرة طرح تساؤلاً حول من المسبب الرئيس لازمة جبل عامر ، فضلا عن من المستفيد من استمرار المشكلة واطالة عمرها بينما يقتل الناس بالآلآف ، وتناقشنا مع الاهل لماذا الموت بالجملة وهنا من يريد ان يحكم بقوة السلاح ، وبعد كل ذلك تم تحديد السبب والمسبب علمنا ان الحرب ليس بها غالب ومغلوب والخسائر علينا كلنا كابناء عمومة ليتم حسم الامر والمعالجة .


شيخ موسي حركة مناوي والعدل والمساواة لهما تحركات في شمال دارفور ماهي جهودك لايجاد التسوية السلمية؟
اعتقد ان تحركات العدل والمساواة محدودة، ام بالنسبة لحركة مناوي وهجومها علي المحليات الشرقية لشمال دارفور ، في ظني ان جاء نتاج لردود افعال تجاه سياسيات الوالي كبر وتوليده للفتن بمناطق ابوزريقة والمناطق التى يتواجد فيها (الزغاوة) ، مما اوجد فتنة بين الميما والتنجر والزغاوة ، وتلك المشكلات عمرها تخطي العام ، وبالتالي الهجوم علي الطويشة واللعيت ومليط رد فعل غاضبة من حركة تحرير السودان جناح مناوي للتشفي لاهاليهم ، كما ان الهجوم فيه رسالة اخري للحكومة من قبل الحركات المتمردة ، وحال عدم التحرك السريع والحسم لتدارك الموقف من خلال الخراب والدمار الذي جري بالمحليات الشرقية، وفي اعتقادي انه ليس من مصلحة الدولة الجزم علي شخص هو يدفع بالبلاد نحو هوية الاقتتال القبلي ، ولابد ان الفت ان الحديث ليس عن شخص كبر ولكن حول سياسياته الاقتصادية والامنية او المتعلقة بالتوظيف في الولاية ، وربما عدة اشياء تجعل مواطن شمال دارفور مغاضباً علي الوالي كبر كما تم مواجهته في مليط والكومة ، وبعد كل هذا اذا لم يذهب عن المنطقة فليتوقع الجميع مالايحمد عقباه. بعد مبادرة البرلمان


هل يمكن ان نري شيخ موسي في الخرطوم؟
وجود شيخ موسي في الخرطوم ليس بالشرط القوي ، وانا هنا موجود وسط البلد ، والخرطوم انا لابزيد ولابنقص فيها ، ولو كنت بزيد ولابنقص فيها ماكانت غادرتها الي شمال دارفور .

هل من مانع لحضورك الي العاصمة؟
ليس هناك مايمنع تواجدي الي الخرطوم ، ولكن " شنو يعني اذا مشيت او مامشيت". وهذا تقديري للخرطوم وتفكيرهم حولنا.

الاهرام اليوم


تعليقات 31 | إهداء 0 | زيارات 12265

التعليقات
#956212 [ود الحلال]
0.00/5 (0 صوت)

03-28-2014 10:43 PM
بعد فشل

خليل
مني
عبد الواحد
يطل الهلال مطلا لينغذ دارفور من عبث الحركات

[ود الحلال]

#956188 [ود الحلال]
0.00/5 (0 صوت)

03-28-2014 10:00 PM
موسي المنتظر
ما بله الغائب والطائره الماليزيه

[ود الحلال]

#956175 [Zubair]
0.00/5 (0 صوت)

03-28-2014 09:21 PM
This Man is a killer & he is wanted, but the fact that he looking at his own benefit out of the seen, so please let’s remember well he is part of the game created by the ruling Govt.of killing, kidnapping...ect…so please mark this notice the same man tomorrow will batch up, will be paid in both terms cash + passion & will go back to his job of killing people….

[Zubair]

#955937 [doctor]
5.00/5 (1 صوت)

03-28-2014 02:22 PM
صمت رهيب في ضل الدولة السودانية من اناس هم موجودون ويتصفون بالجراءة والشجاعة و لاكن للاسف صامتون لماذا لانهم لم يجدوا من يثيرهم ... العرب الرحل لولاهم لما كانت دولة السودان الان .... كلنا نعلم وحان الاوان كي نكشف الحقائق .. زنفتح ملفات المسكوت عنة عن سودان الداخل والخارج من ابناء الرحل ..... هذا زمانكم فلا نتردد ولا نكون كالجبناء .. نحن اسياد غي ارضنا سوداننا.. في كسلاء بورسودان القضارب ربك الجزيرة كوستي عطبرة دنقلا ارض غرب السودان وليست دار فو لان هذا الاسم لايعنبنا. لان فور قبيلة .. ايضا الابيض االدمازين..... كل من ينتمي للعرب الرحل .... هو انسان العزة والكرامة والكبرياء اكتبوا ما هو حبيس الصمت ولا تترددوا

[doctor]

ردود على doctor
European Union [ودتاج الدين] 03-29-2014 12:32 AM
كمان DECTOR ..؟؟؟؟؟
كدي امشي شوف ليك رايب اشربو يا..........
للاسف العرب الرحل بقوا تجار دم وقتلة وانا هنا اقصد الابالة فقط لان الرحل البقارة ناس واعيين لا يحاربون بالوكالة


#955914 [سلطان]
0.00/5 (0 صوت)

03-28-2014 01:15 PM
ده عاوز يكون الحاكم المطلق لكل ما تبقى من السودان .
ده مش نفس الراجل اللي زوج بنتو للتشادي؟؟ خلاص نكون الولايات المتحدة السودانية التشادية.

[سلطان]

#955911 [سوداني]
0.00/5 (0 صوت)

03-28-2014 01:12 PM
موسى هلال يبحث عن مصلحته التي تضمن استمراريته في المشهد السوداني،لذا نراه يمارس لعبة الغموض هذه،الرجل الآن يخوض مرحلة النضوج السياسي!!وهي مرحلة كان لابد لذاته خوضها!!بعد أن بات يدرك جيدا أن نجمه قد سطع بالسودان!!خاصة بعد زواج ابنته بالخرطوم والملايين التي أصبح يمتلكها أضف السلاح،وبعد أن تأكد بأنه الفتى المدلل وحصان طروادة النظام بدارفور،ولكن عليه ألا ينسى ماذا سيكون وزنه الحقيقي في سودان مابعد الكيزان،لذا عليه ألا يضع آمالا كبيرة وألا ينخدع بالقوة البسيطة التي يمتلكها فهي يمكن تجريدها بين ليلة وضحاها في سودان مابعد الكيزان.
والقانون سيحاكم كل من أجرم بحق السودانيين.

[سوداني]

#955786 [الحقاني]
5.00/5 (1 صوت)

03-28-2014 09:53 AM
لو مازال البعض منا يفكر في نوعية الرئيس القادم جنسة وقبيلته وولايته وتعليمه لن نتقدم !!!
علينا أن لا نعلق آمالنا في اصلاح البلد على شخص واحد او حزب واحد.
نريد ان تحكمنا دولة المؤسسات ذات السياسات التي ترضي الغالبية وبعد ذلك لا يفرق كثير ان يحكمنا عقار اوعبد الواحد او الحلو عرمان اوهارون اوحتى نافع
اللهم عليك بناس النهب المصلح والمسلح واهدي العنصريين واصلح حال البلد التي سميت جورٍأ (السودان الانجليزي المصري سنة 1898)

[الحقاني]

#955669 [د.أحمد]
5.00/5 (1 صوت)

03-28-2014 02:08 AM
موسى هلال يمارس سياسة الغموض الخلاق على الجميع "حكومة،مجبهة ثورية،معارضة،عامة"!!!
السؤال هنا الذي يطرح نفسه الى متى سيظل يمارس هذه السياسة؟وهو يعي جيدا بأن البلد مقبلة على مفترق طرق،ما الدور الذي سيؤديه في المرحلة المقبلة؟!!دور وطني شامل أم دور موكل اليه من قبل النظام؟!!

[د.أحمد]

#955494 [AburishA]
5.00/5 (3 صوت)

03-27-2014 10:25 PM
** في هذا الحوار.. ان اجابات موسى هلال في المواقف التي اتخذها او ينوي اتخاذها.. ويريد المتابع أن يعرفها نجد ان اجاباته لها(اكثر غموضا) مما يجهد القاريء في التحليل والتأويل... فهل ممكن أن تكون تلك الاجابات المبهمة وحمالة الوجوه(تكتيك...دبلوماسية...أم اصلا مافي اجابات)..

** لا أفهم ما هي معايير وكيفية الخروج على النظام عند ناس النظام... وهو يحارب النظام...وما زال مستشارا في ديوان الحكم اللامركزي!!! ان ذلك جعلني على يقين بأن كل ما يخص الشأن الدارفوري نجده مخالفا لطبيعة الاشياء !!

** اعتقد ان الاجابات أدناه قد تحمل في طياتها الكثير.. سواء وردت بصيغة الزعل أو التحدي او الحردان..أو..أو..

*********ماهي مطالبك من المركز؟
ماعندي ليه اي مطالب

*********" ضرا ابوك كان بقي فاري شيل ليك منو عود"، ونحن عازين نشيل عودنا .

((( فيما معناه يعني ما نمرق من المولد بدون حمص )))))

[AburishA]

ردود على AburishA
European Union [AburishA] 03-28-2014 02:27 PM
اخ يوسف لك التحية ونوّر الله ايامك.. الحقيقة هي كما انت سوداني فان موسى هلال هو ايضا سوداني.. ان الجنسية السودانية بمفهومها الشامل هي نتاج نظم وقوانين انسانية تنظيمية لا اكثر.. اذن نحن رغم كراهيتنا للنظام ومعارضتنا له..ورغم استنكارنا لافعال موسى هلاله ورهطه.. الا انه يجب ان ننظر الى الامور بواقعية ومن شتى الزوايا.. لان هدفنا هو انشاء دولة المواطنة والعدل والكرامة.. وليست دولة الهيمنة والاقصاء والوصاية التي ظللنا نرزج في جحيمها منذ الاستقلال..نحن نقول السودان لكل السودانيين ..لاتفرقة ولا تمييز.. كما لنا حقوق فان علينا واجبات.. شكرا لتبادل الرأي اخ يوسف.

[yousif] 03-28-2014 10:13 AM
والله نورتنا عن معنى هذا الكلام اللغظ ، نحن نوبا يجب أن يعرف موسى هلال وأى طامع تشادى أن السودان تسمى بهذا الإسم لوجود أسياده النوبه ، وإن شاء الله قادمون ومش فى كبكابيه وكتم بل سوف نطارتكم داخل تشاد حتى النيجر ومالى


#955427 [مواطنx]
0.00/5 (0 صوت)

03-27-2014 08:07 PM
موقف موسى هلال مرهون بالمتغيرات التي يحدثها الحراك المعارض بالسودان،نتمنى أن تتوحد جميع الحركات المسلحة حتى لا يحدث انفلات أمني مصاحب لفراغ سياسي،بعد ذهاب هذا النظام..

[مواطنx]

ردود على مواطنx
European Union [AburishA] 03-28-2014 03:30 PM
لك التحية اخ مواطن اكس..تجدني مهتما في التداخل وتداول الاراء معك لما تتمتع به من تحليل عميق وربط للاحدات بصورة موضوعية.. وهذا هو الاهم لرسم خارطة طريق للخروج عن ما نحن فيه مأساة..
تعليقك سليم عن رهن موقف موسى هلال بالمتغيرات.. مما يجعل موقفه غامضا..والتمويه بمسك العصا من النص.. اعتقد ان مثل هذا الموقف الذي اصبح فيه الانتصار لقضية عموم السودان قاب قوسين او ادني.. سوف لن يصب في صالح قضية دارفور الكلية.. بل قد يخلق نوعا من الربكة للحركات المناضلة وان تقاطعت المصالح.. كما ان التردد وعدم الثقة فيه من قبل الحركات فد يؤثر في العمل الميداني..أرى من الاوفق ان تعمل الحركات جاهدة لجذبه لصفوفها.. أو تحييده على أسوأ الفروض.. واضعين في الحسبان كل المياه التي تعبر تحت الجسر والمآلات المتوقعة التي نعلمها اخي مواطن اكس.. لك المودة


#955392 [Blal elfngry]
2.00/5 (1 صوت)

03-27-2014 07:12 PM
الشيخ موسى هلال رجل له مواقف وراى واضح وسديد ويقراء جيد وحديثه عن العدلوالمساواه صحبحوهو يعتبر رد لكوادر العدل والمساواه التى ظلت تصوب سهامها تجاهه تاركه المركز وكان معركتها مع موسى هلال وليس المركز العالمين ببواطن الامورقالو ان مجلس هلال تلقى دعوة من الرئيس التشادى مباشرة و هلال اعتذر لان الدعوة لم تاتى من المنظمين من الطرف السودانى

[Blal elfngry]

#955387 [موجوع وطن]
5.00/5 (1 صوت)

03-27-2014 07:07 PM
(كان برفقة هلال العقيد امن(م) مالك عبدالله حسين رئيس لجنة الامن والدفاع بالبرلمان بعد ان تطاول زمن انفراد الرجلين ببعضيهما في اجتماع استمر لاكثر من (3) ساعات) ضع نقطة و أقفل الكرس و إنتهي الدرس.

[موجوع وطن]

#955381 [حالم بوطن أحلى]
0.00/5 (0 صوت)

03-27-2014 06:48 PM
الله يسمع منك في اللي قلت عليهم انشاء يكون ذهبوا بلا عودة

[حالم بوطن أحلى]

#955343 [Abuali]
5.00/5 (2 صوت)

03-27-2014 05:58 PM
ياخى دى بلد عجيبة زول زى موسى هلال انتهازى و مرتزق يعمل شنة و رنة و يفتشوا علية لى لقاء صحفى و كمان سبق صحفى ... اللة لا غزا فى الكيزان بركة

[Abuali]

#955301 [باسطة]
5.00/5 (1 صوت)

03-27-2014 04:42 PM
سعى وراء المادة، نبش في كل الخزائن المفتوحة و المقفولة و الله أعلم ، من ليبيا شال من الخرطوم شال و من الرئيس التشادي شال ، و هو يعلم أن المال يأتي بالسلاح و المرتزقة و من ثم القوة و السيطرة.

نفس خطوات الهمباتة بل أن الهمباته أرفع شرفاً في خصوماتهم

هذا الرجل مجرم بكل ما تحمل الكلمة من معنى

[باسطة]

#955296 [مرقنبو قرنبو]
5.00/5 (1 صوت)

03-27-2014 04:36 PM
"" ضرا ابوك كان بقي فاري شيل ليك منو عود"، ونحن عازين نشيل عودنا .""
الصحفى على الجنجويدى موسى فاقد تربوى بجدارة

[مرقنبو قرنبو]

#955289 [ود شندي]
0.00/5 (0 صوت)

03-27-2014 04:32 PM
كجنق كجنق مجنكق ,,,, في زول فاهم حاجة ؟؟؟؟؟؟؟؟؟؟؟؟ موسى هلال انت مع الحكومة و لا ضدها حيث لا وجد منطقة وسطى بين الجنة و النار ؟؟؟؟؟؟؟؟؟؟؟؟؟؟؟

انت لو راجل ود رجال ما قول رايك عدددييييل انا متمرد او انا مع الحكومة


سخشي من الخوف ... شيخ عرب و خايف ؟
لكن انا ما نسيت انت افراد حرسك كلهم بديات .... صحيح خواف وليد خواف

الاختشو ماتو

[ود شندي]

ردود على ود شندي
United States [دارفوري] 03-28-2014 01:29 AM
انت منو الحرقت دارفور


#955282 [سم الا رقط]
5.00/5 (1 صوت)

03-27-2014 04:16 PM
والله غايتو قضية دارفور دي معقدة لكن البعرفو انا كبر وموسي هلال بحرقو ماتبقي منها مفروض كبر دا بعد كدا يشوف له شغله تانية داير يعيش عمرو كلو والي ولاية شمال دارفور الي متي يعني دا افشل والي مره علي ولاية دارفور شغال بقانون الكنكشه كمان يا انا يا الحريق والله بشر زي دا غريب اطوار ياخي
بعدين موسي هلال دا يحترم نفسه اسلوب الهمجية دا مابنفع بطل حركات العنترية دي انت قايل نفسك فوق القانون واللا شنو حركات العنجهية دي مفروض تكون هيبة الدولة هي السائدة في دارفور والما عاجبو يجيبوهو الخرطوم مكلبش سواء كبر واللا موسي هلال الوطن اكبر من الاشخاص ياسيادتكم

[سم الا رقط]

#955279 [د / يوف]
0.00/5 (0 صوت)

03-27-2014 04:12 PM
هذا الرجل يريد علاج نفسى يا هلال ابقى قابلنى فى المصحة

[د / يوف]

#955263 [خضريس]
5.00/5 (1 صوت)

03-27-2014 03:55 PM
سبحان الله
موسي هلال (هلاك )
عاوز يحل مشكلت دارفور
طيب صدقناك حل نفسك اولا لانك انت اساس مشكلة دارفور

[خضريس]

#955240 [جبرون جبر الدار]
1.00/5 (2 صوت)

03-27-2014 03:34 PM
و الله موسي هلال ده لو تقولوا فيه شنو ،هو اعرف الناس بمشاكل اهل دارفور له نظرة جيدة لحل كل المشاكل . بعدين جننتونا جبل عامر ما جبل عامر ، انتو يا البراعيص ، ده مشاكل بين اهل و بكره هم بيعرفوا يحلوها . بااله لا جلابى او واحد مقطوع او واحد من بقايا السعية يدخل فيها.

[جبرون جبر الدار]

ردود على جبرون جبر الدار
European Union [ود شندي] 03-27-2014 04:40 PM
موسى هلال دا يا جبر الدار واحد نهبي الزبير الله يرحمه ربطو قفا و جابو لينا بورتسودان مكلبش ... خليناهو حفر العطرون لمن سروالوا كمل .... فكيناهو بعد احداث دارفور شان يمشي يفش غبينتو فى اهلو ..... عوير و ما فاهم شئ غير يقول نحن العرب اكتر ناس ( يعنى ما عارف حتى إنو الصينيين ربع سكان العالم ) .... و اقول ليك لو ما لقينا موسى هلال كان ما قدرنا نحرق دارفور

فاهم دا اخر من يفهم


#955233 [هانت الزلابية]
5.00/5 (1 صوت)

03-27-2014 03:30 PM
سفاح ونهاب ومرتزق يتحدث عن الاصلاح .... يا حليلك يا بلدي يا سودان ..

[هانت الزلابية]

#955201 [ركابي]
5.00/5 (1 صوت)

03-27-2014 03:11 PM
اه يابلد

[ركابي]

#955195 [sudani]
4.97/5 (8 صوت)

03-27-2014 03:02 PM
اللبيبة بالاشارة تفهم ....موسى هلال تمرد على المركز ..لكن الحكومة تتردد في ضربه بالطيرانكما يفعل كالعادة ممع المجموعات الاخرى خوفا من التحاقه بالحركات و بالتالي انسلاخ الرزيقات من الحكومة و هي القوة الوحيدة التي تعتمد عليها الحكومة بعد سلاح الطيران العسكري لمواجه الحركات في الميدان. على كل حال الحكومة متورطة مع هلال..لو تركه يفعل ما يشاء و لو ضربه يخنق الحكومة ..لان النيجة في حالة شن هجوم على هلال هي:اولاد الغرب/او عرب الغرب ما حيمشوا الحرب و الدواس و يجب على ابناء الشمال النيلي تجربة حظهم و هذا سوف يدفع الحكومة فاتورة غالية جدا.

[sudani]

#955178 [ود دريب الريح]
5.00/5 (7 صوت)

03-27-2014 02:46 PM
الله يجازي الكان السبب رجل بهذه المحدوديه والبساطه بقدرة قادر صار الامر الناهي في سودان الفوضي صار يحلم بان يكون نائب رئيس للجمهوريه وبيحلم ان يكون والي ومالو ما كان قبل كده وما زال مستشار للحجكم المحلي وهو فاقد تربوي علي حسب معلوماتي من الذين زاملوه انه لا يحمل غير شهادة الميلاد وهذه محل شسك. لم افهم شيئا مما قال ولم يجيب علي اي سؤال بشكل يجعل القارئي يدرك ما يريده غير عموميات يمكن لبائعات الودك في سوق امسوقو بالفاشر الاتيان بافضل منها.لكنها محن وعجايب الانقاذ والجبهه الاسلاميه المافونه. وحتي اعلام زمن الغفله مشارك في الجريمه ماذا يستفيد اهل السودان من لقاء مع واحد ما عارف كوعه من بوعه. ولكنه زمن صحافة الهندي عزالدين وبقية غلمان الجبهه الاسلاميه الملس. حسين خوجلي والصادق الرزيقي وضياء بلال وفعلا قد عد كلب الصيد من الفرسان فامرحي واسرحي يا مهازل.

[ود دريب الريح]

ردود على ود دريب الريح
European Union [ودتاج الدين] 03-29-2014 03:26 AM
احييك يا ود دريب الريح
والتحية عبرك لبائعات الودكـ في امدفسو
وكلامك صاح وفي محله

United States [سودانى فى الغربة] 03-28-2014 11:04 PM
ما قلت الا الحق!
بارك الله فيك.


#955150 [مجدي]
3.50/5 (2 صوت)

03-27-2014 02:19 PM
موسى هلال دا واحد وسخ سفاح.زجاي يعمل فيها حسي بطل..سبحان اله امكن طموحه وصل ان يكون الرئيس القادم...هي بلد هاملة فلعلا..من انت يا موسى هلالي يا نجس يا حقير .زيدك كله دم ..و حتشوف الدم يوم الدم

[مجدي]

ردود على مجدي
European Union [ود الابيض] 03-28-2014 12:28 AM
كككاااك كاك.
الجداد الالكتروني ظهر
(فرق تسد)

[الدود أبوكفة] 03-27-2014 04:29 PM
أولا خلي عندك ادب ومافي داعي تسرح بلسانك في الناس.
ثانبا يعني الآن اللي حاكمك ده عمر بن الخطاب ولا عمر بن عبدالعزيز ماهو البلد طلعت هاملة فعلا بدليل انه واحد بتلاليش زي ده قاعد فوق كبدتك ربع قرن من الزمان ولو عاش حيكمل القرن كله.

United States [الجنجويدي] 03-27-2014 04:05 PM
مثلك حكمه البشير 24 عاما وهو لا يملك ايضا شهادة ما المانع ان يحكمه موسي هلال علي الاقل ابوه كان ناظر . بس الفلاحه في الشتائم والمهاترات الرجل ان يوقف الاقتتال والحرب مهما كان علمه . لو كان العلم الذي ان تقصده ينفع كان نفعنا علم الترابي ونافغ وحمدي . لكن اقول لك القلم لا يزيل بلم . ومن حكمة الله ان جعل الرسول محمد صلي الله عليه وسلم امي ولكن بحمته اعلم خلق الله


#955138 [زول مقهور]
5.00/5 (1 صوت)

03-27-2014 02:13 PM
ابدا ماهنت ياسوداننا يوما علينا!!!!!!!!!!!!!!! لم اقرا الحوار؟؟؟؟؟

[زول مقهور]

ردود على زول مقهور
European Union [AburishA] 03-27-2014 09:41 PM
لك التحية اخ (زول مقهور) كنت تقرأ الحوار اذا كان بالامكان.. العلم بالشيء خير من الجهل به..

**تعقيب مع التحية..على تعليق الاخ (ضل النملة):
ضحكتني داير تلحقهم كلهم الماليزية...
اعتقد ان الاهم هو ليست المؤهلات العلمية لمن يحكم.. بل سياسة النظام الذي يحكم.. ومدى التزامه واحتكامه للمؤسسية والدستور والقانون هذا اذا كانت هناك اصلا مؤسسية واحترام للدستور.. او وجود دستور في حد ذاته!!!بالطبع ان ذلك لا ينطبق على الحكم الديكتاتوري اوالشمولي!
** في الشق الثاني.. وعلى سبيل المثال في النظام السوداني.. ان عدد البروفيسورات والدكاترة على رأس الاجهزة السياسية والتنفيذية اكتر من (صوف) الرأس.. الا أن السؤال الذي يطرح نفسه هو: ماذا قدموا!! فالمسألة لدينا اصبحت كيف يحكم وليست فيمن يحكم..قد تجد البروف والدكتور في مجال تخصصه ممتاز.. اما في المجال السياسي او الادارة قد يكون ضعيفا ان لم يكن ساقطا..
ان الكثير من رؤساء دول العالم الناجحة قد تجد مؤهلاتهم العلمية عادية او متواضعة.. الا اننا نجدان حسن الادارة والاحتكام للمؤسسية هو العامل الفيصل للنجاح..لك خالص المودة..

European Union [ضُلْ النملة] 03-27-2014 07:14 PM
السودان ده بقى يجيب أمراض ما بتتعالج ابدا.......ناس موسى هلال وعبدالواحد ومناوي وود الصادق المهدي وود الميرغني وعمرالبشير.... ووووالخ....عايزين يحكموا ليهم ناس بروفيسرات في القانون والإقتصاد والعلوم السياسية والدراسات الدبلوماسية؟؟؟؟...تحكموا كيف؟؟؟؟...نحن عايزين سودان خالي من العنصرية والجاهلية ...ويكون فيه التنافس الشريف حسب التعليم والكفاءة حتى يجني المواطن السوداني ثمار صالحة ومفيدة..والرجالة بالعلم وديل كلهم ناس فاشلين.... لو مافاشلين كلهم في عشرة سنوات ما إزدادوا من العلم درجة؟؟؟؟؟؟إنت ما إتعلمت لنفسك عايز تحكم المتعلمين بالجاهلية بتاعتك دا كلام دا 000؟؟؟؟؟.....إنتو والله تستاهلوا طيارة ماليزا بس لكن......؟؟؟


#955137 [ahmad]
4.00/5 (1 صوت)

03-27-2014 02:13 PM
اعتقد ان تحركات العدل والمساواة محدودة، ام بالنسبة لحركة مناوي وهجومها علي المحليات الشرقية لشمال دارفور ، في ظني ان جاء نتاج لردود افعال تجاه سياسيات الوالي كبر وتوليده للفتن بمناطق ابوزريقة والمناطق التى يتواجد فيها (الزغاوة) ، مما اوجد فتنة بين الميما والتنجر والزغاوة ، وتلك المشكلات عمرها تخطي العام ، وبالتالي الهجوم علي الطويشة واللعيت ومليط رد فعل غاضبة من حركة تحرير السودان جناح مناوي للتشفي لاهاليهم


كلام عديل وواضح ومافيهو اي لف ودوران ...

[ahmad]

#955121 [Abdo]
4.00/5 (1 صوت)

03-27-2014 02:01 PM
في واحد فهم شئ ؟؟؟

[Abdo]

#955117 [الأبراهيمي]
4.50/5 (2 صوت)

03-27-2014 01:59 PM
لعبة من المؤتمر الكيزاني على عدة محاور منها قطع الطريق على الجبهة الثورية ،
واليوم يرسلون على عثمان (مجمد أم منتهى صلاحيته لا أدري ) لفاروق أبو عيسى وهل تحرك على هذا واسطة خير لإرضاء بكري صالح النائب الأول الجديد أم تدخل في إختصاصاته؟
وهل ينال على عثمان ( طلقة في رأسه) على وزن Shoot & Kill جزاء حشر نفسه في كل شيء بعد أن ترك الجمل ؟
يكفي إتفاقية نيفاشا المخزية كلها تنازلات بسببك (ضيعتو السودان) بعد السقوط في الهوية عاوزين تودونا وين تاني ؟ كفاية كفاية كفاية كفاية .

[الأبراهيمي]

ردود على الأبراهيمي
[سودان وضااااااااع] 03-28-2014 07:06 PM
يا ابراهيمي يا اخوي والله بكري حسن صالح وعبدالرحيم محمد حسين وعمر البشير ، هؤلاء لا يستطيعون ادارة سوبر ماركت .. (تنظيم الاخوان العالمي هو القائد الحقيقي الى هذا الهلاك ،، وكلهم لهم يوم بإذن الواحد الاحد القهار ،، المهم أن نتضامن نحن كشعب ونتكافل ونسامح بعضنا وننبذ العنصرية على مستوى قواعد الشعب المكلوم تماسكوا وتعاضدوا بصدق وتصافوا وتوحدوا قلباً وقالباً لنبني سوداناًحراً ينشر العدل في جميع ارجائه ،وممنوع ذكر القبيلة وبالقانون وممنوع الواسطة بالقانون نريدان نكون قمة الشفافية واياكم اياكم يا اخوتي المظلومين أن تتغمسوا عنصرية هذا النظام الجاهل لان العنصرية والفساد في حد ذاتهما تخلف انقضى من ايام الجاهلية ،، لابد أن نرتقي أدباً واحتراماً وصدقاً في التعامل الطيب والراقي وكل انسان مظلوم عندما ينفعل لمظلمة بكلام جارح فعذرا له لانه اخونا ومظلوم كما نحن ويمكن انتقاده باسلوب راقي واشعاره بتضامننا معه في مظلمته ،اللهم برحمتك وبلطفك وبنصرك انصر شعب السودان المظلوم المكلوم ،، اللهم نصرك اللهم نصرك اللهم نصرك


#955080 [عصمتووف]
3.50/5 (2 صوت)

03-27-2014 01:29 PM
مدام كل واحد لدية فكرة او اصلاح خاص به تخمر في جمجمته حتي ضاقت ويريد تطبيقها علي ارض الواقع وفرضهاعلي الجميع بالقوة المسلحة ماذا نسمي هذا غير الفوضي والارهاب كل فرد من الشعب لدية افكار جاهزه ومعلبة ومتبلة بالبهارات لكن تفتقد للرجال والسلاح والشعب مستحيل يبقي مثلكم في القتل والانانية وفرض الرأي

[عصمتووف]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة