الأخبار
أخبار السودان المحلية
الخطيب لمدير مكتب طه : علي عثمان لوداير يشرب شاي "أحمر" حبابو .. لكن حوار لا!!
الخطيب لمدير مكتب طه : علي عثمان لوداير يشرب شاي "أحمر" حبابو .. لكن حوار لا!!
الخطيب لمدير مكتب طه : علي عثمان لوداير يشرب شاي


03-28-2014 07:32 PM
الراكوبة تفيد متابعات (الراكوبة) عبر مصادرها الخاصة أن مدير مكتب نائب رئيس الجمهورية السابق علي عثمان محمد طه أجرى إتصالاً هاتفياً بالسيد محمد الخطيب السكرتير العام للحزب الشيوعي السوداني تحت غطاء رغبة علي طه في زيارته له بمنزله وتناول (كباية شاي) معه، وقد رد الحطيب لمدير مكتب طه بقوله: (لو داير يشرب (شاي أحمر) حبابو ، ونحن كسودانيين تمنعنا قيمنا وأخلاقياتنا صد ضيف يرغب في زيارتك بمنزلك، لكن ــ والكلام للخطيب ــ واضح أن الغرض من زيارة علي عثمان أنها (رسمية) ولبست إجتماعية وهو يريد مواصلة التحرك تحت الغطاء الإجتماعي الذي بدأه مع الأستاذ فاروق أبوعيسى للوصول لغاية حزبه الحاكم السياسية المتمثلة في محاورة الأحزاب المعارضة للخروج من عنق الزجاجة الرازح فيه الآن، وأضافت مصادرنا أن سكرتير الحزب الشيوعي السوداني أبلغ مدير مكتب طه عن رفضه مقابلة علي عثمان وأبلغه بالحرف: (نحن في الحزب الشيوعي موقفنا واضح ومعلن وأنتم تعرفونه، فما جديدكم حتى نجلس معكم لمناقشتكم ومحاورتكم)؟!. ..

وأكدت المصادر أن الأستاذ صديق يوسف مسؤول التنظيم بالحزب العريق رفض هو الآخر طلب علي عثمان طه لإدارة حوار مع الحزب الشيوعي.


تعليقات 28 | إهداء 0 | زيارات 9831

التعليقات
#957027 [تاتاي في الخلا]
0.00/5 (0 صوت)

03-29-2014 08:36 PM
(يا أحمراني اللون)

فيما يلي تعليق لي على كلام المتداخل الأول (المشتهي)، حول كباية الشاي (الأحمر) بتاعة سكرتير عام الحزب الشيوعي أعلاه، وأوجهه ليس له وحده وإنما لكل الذين تبعوه من المنتشين.

يقول المشتهي (للسليقة) عن الحزب الشيوعي أنه:

(منارة الوطنيه والكرامه وعزة النفس والقناعة ....)

-*- ألف حرام عليك يا رجل، لا ضير، لأن مثلك يقول ما شاء له الهوى، هوى المزايدات، فالكلام في شأن هذه (المحركات العاطفية) عادة ما يكون مجاني وبدون قروش، وما أحلى (المزاد) عندما يكون (بدون فلوس)، لأنه وبلا شك سيكون مزادا مضحكا.

وأنه (عصىٌّ على الرشا وقيم على المبادئ وطهارة اليد واللسان) .

-*- يجوز لك أن تهز وتعرض وتناضِم بهذه الجزئية إلى يوم أن يكون للحزب الشيوعي (السوداني) سلطة عامة يشكل بها حكومة أو يكون فيها مسؤولا عن دولاب إدارة الدولة، وهذا لم يحدث في السابق ولا أظنه سوف يحدث يوما. الرشى تقدم لصاحب سلطة أو نفوذ أو لمن يمثلهما لكي يقدم للراشي مصلحة مادية تمييزية حقيقية وذلك من خلال موقعه أو وظيفته، لكن انتو عندكم شنو عشان يرشوكم بيه عشان يكون معيار لاختبار أمانتكم والتزامكم؟ وهذه المعادلة وبهذه الكلمات البسيطة -لو تدري- أيها (المشتهي)، - تقودك إلى واحدة من أهم القوانين التي تستند عليها النظرية الماركسية في تفسيرها للتطور الاجتماعي وصراع الطبقات واسمها نظرية (وحدة وصراع المتناقضات)، وطبعا مافي مجال نشرحها ليك هنا، أبحث عنها في قوقل ولا بد إنك واجدها، ثم عد إلى هنا إذا أردت.

(لو جاء طلب الزيارة "للسندكالى" او "ابوفته" لنفدت الخراف من الاسواق استعدادا لليوم العظيم)

-*- "دارة "السندكالي" و دارة "أبو فتة" (الرجعيتين) ما غريبة على الحزب الشيوعي (التقدمي) ولم ينفض منهما يده حتى الآن، يعني انتو ما أخير منهم، فلماذا التهكم عليهما الآن؟ قليل من النظر والمراجعة يفيد، لكن تقول لي منو؟ أمركم عجيب والله أيها التابعين للحزب (الطليعي) ولكن من دون أي (إحسان).

ثم ينشد المشتهي ما أحب:

.. (حزبا فى القلب مدارنك .. للشمس حتمشى مبارنك .. . إلخ).

-*- أعضاء الحزب المرتهنين (لإشارة) حزبهم، يدارون الحزب (في القلب)، ولكن هل تنشأ الأحزاب لأن (تدارى) في القلب أو في (المخلاية) أيها الرفاق، أم لأن تكون إطارا لصولة أعضاءها في ميادين السياسة؟ وهل يمكن لحزب أن ينهض أو يرنو للشمس وكل عضويته ليست سوى (تبيعة) مهيضة؟

-*- الحزب يا رفاق يُقاد بإرادة واعية وقادرة على قراءة الحاضر ومواجهة التحديات التي يطرحها للمستقبل، ولا يقود خبطا بعقابيل المسلمات الشيوعية الماركسية، لكن طبعا نظرية (الحزب) عندكم حاجة تانية، جاية من (هناك)، فالمفهوم الليبرالي للحزبية ما بيعرف عينة الكلام البتكتبوهو دا.
ما بتتغيروا أصلو، تثيرون الإحباط في كل خطوة تخطونها أيها (الزملاء) الأعزاء، وأصبحتم تحتفون بالأهازيج هكذا دون عظة أو تدبر.

(مَبارات) أشعار محجوب شريف دي ما حتوديكم إلا (للخور) مش للشمس.

(الحزب الشيوعي فخر للشعب السودانى): أبدا لا وطبعا لا.
(فخر للطبقة العاملة الثورية) : احتمال نص نص، لكنه في النهاية كلام (لايوق) ليس إلا.

----------------------------------------------------------------------------------
التكنلوجيا وعصر المعلوماتية يا رفاق شقلبوا الدنيا كلها وأعيدت على ضوءهما صياغة وترتيب كل مفاهيم السياسة والاقتصاد والأخلاق والامن والثقافة والتطور الاجتماعي وتركتم أنفسكم على (المَتيَمَة) القديمة. ايوة وحاة خوتكم.

أخرجوا من الجحر، تكتب لكم الحياة.

[تاتاي في الخلا]

#956692 [ودامدرمان]
0.00/5 (0 صوت)

03-29-2014 01:58 PM
حان دورك يا الحزب الشيوعي لتحكم السودان مع الجهة الثورية وليذهب سواكم الى مزبلة التاريخ ولكن بعد القصاص ثم القصاص ثم القصاص فقد كانت مواقفكم واضحة دومايتشرف بها كل سوداني حر

[ودامدرمان]

#956685 [احمد]
0.00/5 (0 صوت)

03-29-2014 01:51 PM
والله عجايب حتى الحزب الشيوعى عاملين ليهو قومه وقعده وزيطه وزمبريطه(عش رجبا ترى عجبا)

[احمد]

ردود على احمد
United States [sasa] 03-29-2014 03:48 PM
السفيه نبذ الباشا

انت شايت وين ياسى احمد لعك لا فى العير ولافى النفير مخموم


#956527 [bullet ant]
0.00/5 (0 صوت)

03-29-2014 11:40 AM
شاى كتير على غراب الانقاذ

[bullet ant]

#956459 [سفيانوف]
0.00/5 (0 صوت)

03-29-2014 10:31 AM
لا ادري لماذا يكون مثل هذا الحزب الدخيل حتى الان في الساحة السياسية السودانية في كل مراحل الديمقراطية لا يستطيع ان يقنع الجماهير ثانيا ان هذا الحزب و في كل البلدان التي يحكم بها يضرب بيد من حديد على كل المعارضين و لا يؤمن اصلا بفكر أي حزب اخر و يظل في السودان جاسم على صدورنا يتزعمه مجموعة من العجائز الذين يعرفون تماما فشلهم في اقناع الشعب السوداني و يتمسكون بأفكار بالية و قديمة ,,, و الاهم من كل هذا هل ينكر افراد هذا الحزب انهم يوما هم من احتوى النميري و هم من خطط و نفذ انقلاب هاشم العطا ؟؟ و اخر ما اقوله ان هذه الحكومة تقوم بمفاوضة تلك الاحزاب التي لا وزن لها مثل البعث و الناصري و هذا الحزب الفاشل و هي في الاساس تريد احزابا معينة في الحوار اما الباقي تكملة ديكور ,,,,, و من حسن حظ الشعب السوداني ان معظم اعضاء اللجنة المركزية من كبار السن الذين اما رحلوا من هذه الدنيا او اصابهم الخرف ,,,,,

[سفيانوف]

#956383 [حسن سليمان]
5.00/5 (1 صوت)

03-29-2014 08:32 AM
قايتو يا شيخ علي الشعب السوداني ده بجهز ليكم جنس مقلب لا يعلم به الا الله

مقلب حيكون دولي يوم حتنوموا وتقوموا وتحصلوا الشعب السوداني ده نصه شيوعيين والنصف الثاني جبهة ثورية وكان شغلتوا مكينة كفار وما كفار حتحصلوا الثلاثيين مليون كلهم شيوعيين والدنيا تبقالكم زي علبة الصلصة
وفي الليلة ديك ههههههههه الضحك شرطكم

[حسن سليمان]

#956343 [تاتاي في الخلا]
2.00/5 (1 صوت)

03-29-2014 03:46 AM
.

[تاتاي في الخلا]

#956333 [كاسترو عـبدالحـميد]
0.00/5 (0 صوت)

03-29-2014 03:03 AM
نعم هـذا هـو موقف المناضل عـلى محمود حـسنين . لا تفاوض مع هـذا النظام لأن اى تفاوض معناه اطالة عـمر النظام.

[كاسترو عـبدالحـميد]

#956313 [امدرماني سوداني]
0.00/5 (0 صوت)

03-29-2014 02:11 AM
كوز امنجي وتكون قاتﻻ او عارف منو القتلو الشهداء في سبتمبر يا كوز يا حاقد لكن قريبا حا تشوف الانتقام الجد يا سخ.

[امدرماني سوداني]

#956271 [خالد حسن]
4.88/5 (4 صوت)

03-29-2014 01:06 AM
حارنك نحن ودارنك الما من شعبنا مامنك
للشمس حاتمشي مبارنك عشقا جوانا اتارنك
الشيوعيون وطنيون عهدناهم يقدمون مصلحة الوطن والشعب علي اي مصلحة
نثمن علي موقف الحزب الشيوعي وحزب البعث والمؤتمر السوداني هذه هي الاحزاب التي تخدم قضايا الوطن ولاتُباع ولاتشتري بأي ثمن
عاش نضال الحزب الشيوعي والشعب السوداني وياها المحري فيكم السير علي طريق نقد وعبد الخالق وجوزيف
هذه المواقف ستصبح رصيدا لكم فلاتخزلونا
وعلي يشرب حنظل وسم زعاف ان شاءالله

[خالد حسن]

ردود على خالد حسن
United States [سفيانوف] 03-29-2014 12:44 PM
و الله انت بتردد في كلام عفى عنه الزمن ...فاني اسالك بعض الاسئلة و اتمنى ان تكون صريحا مع نفسك في اجابتها اذكر لي أي دولة يوجد بها الحزب و هو مسيطر على الحكم و يسمح بممارسة الديمقراطية ؟؟ تتحدث عن الديمقراطية كم سنة ظل نقد سكرتير للجنة المركزية للحزب اين الديمقراطية ؟؟ هل تنكر ان هذا الحزب هو من ايد و ناصر النميري و نفذ انقلاب هاشم العطا و رفع الرايات الحمراء في شوارع الخرطوم ليفرض افكاره و بالقوة و تتحدث عن الديمقراطية ؟؟ كم سنة مرت على تكوين الحزب و في كل مراحل الديمقراطية هل استطاع ان يحصل على مقاعد تبرهن قبوله في الشارع السوداني ؟؟ سوى مقعدين الاول الى نقد و الثاني الى عز الدين على عامر و الاثنين في الخرطوم و هل الكادحين الذين يتشدق الحزب بالكلام باسمهم في الخرطوم ام في الاقاليم ؟؟ مثل هذه الاحزاب الدخيلة هي التى اخرت مسيرة الديمقراطية و التداول السلمي للسلطة لعدم وجود و قيام احزاب من داخل ابناء الشعب تعرف همومه و مشاكله و ليس احزاب فشلت حتى عند من ابتدعوها و اخيرا اقتنعوا بعدم الفائدة من افكارها ,,, اتمنى ان يمر علينا يوما و لا ارى أي اثر لهذا الحزب و كل الاحزاب اليسارية الدخيلة التى جلبها السودانيين الذين درسوا بالخارج و اعجبوا بأفكارها ...اخيرا اتمنى ان يتسع صدرك لما ذكرت فنحن في راكوبة ظلها يسع الجميع و اصبحنا مدمنين عليها كل يوم و نحي كل القائمين عليها ,,,,,

European Union [الولايات المتحدة السودانية] 03-29-2014 08:43 AM
ياقريبى البينضم لى أحزاب زى دى نهائى ما ببيع !! لأنو بكون زول راس وواعى ومرحمن وميقن ... هنا مابنفع يخموك .. عقلك فى راسك تعرف خلاصك
لامصاحف على أسنة الرماح .. لا بسملة ينطق بها غازى نصرانى لتخدير المساكين


#956262 [كاكا]
5.00/5 (1 صوت)

03-29-2014 12:42 AM
علي عثمان بشرب السم

[كاكا]

#956241 [مهدي إسماعيل]
0.00/5 (0 صوت)

03-28-2014 11:49 PM
ليتني أستطيع الإطمئنان واليقين بأنكم سوف تثبتون على هذا الموقف الرائع.
يا رفيقي: إن في دمي لوجهك إنتظار وفي يدي دمُ إليك شده الحنين.

لا تكونوا كالكرام على مائدة اللئام، وإن النصر لصبر ساعة. شدوا الضُراع.

[مهدي إسماعيل]

#956205 [حركة تغيير السودان]
4.25/5 (3 صوت)

03-28-2014 10:32 PM
الحزب دائما عملاق وشامخ وحزب سوداي اصيل يحمل قيم الدين الاسلامي ولايتاجر بهاحزب وطني له فكر ومواقف شجاعة لاينكسر ةولايتغشي ولاينافق /لذلك ظل محبوبا للشعب السوداني وسيظل هو الحزب المدافع الاول عن حق الشعب/اما الموتر البطني وحركتهم الشيطانية الماسونية مسمنها كذبا ونفاق الحركة الاسلامية فهولاء منافقين ومجرمين وحرامية وقتلة ولهم يوم نحاكمهم ونحاسبهم علي كل الجرائم

[حركة تغيير السودان]

#956198 [المتغرب الأبدي]
4.25/5 (3 صوت)

03-28-2014 10:22 PM
الله أكبرررررررررررررررررر
لا حوار مع هؤلاء المجرمين ..

[المتغرب الأبدي]

#956181 [متابع]
0.00/5 (0 صوت)

03-28-2014 09:33 PM
يا الخطيب خليكم ثابتين على موقفكم ما تدقسوا .. اخيركم لا شاي احمر ولا شاي اخضر ابعد من الشر وغنيلوا يدخل جوا الدار بعد شوية يطلع بتصريح صحفي (جاهز الان التصريح الصحفي) انه عمل وناقش وتم الاتفاق ..
عشان كدا لا على و لاغندور ولا مصطفي اسماعيل ولا جن احمر ديل ما عندهم كلمة اطلاقا .. عايزين بأي طريقة يأخذو منكم موافقة للإنتخابات القادمة .. رغم انها حا تكون ناقصة اكثير من عشرين دائرة لن تقام فيها الانتخابات ..

[متابع]

#956179 [شوشرة]
0.00/5 (0 صوت)

03-28-2014 09:29 PM
يا أخونا الحزب الشيوعي دا لو ادوه فرصة تانية ح ينجح يا ربي والا ح يكونوا ذي الكيزان

[شوشرة]

#956171 [فريد]
5.00/5 (1 صوت)

03-28-2014 09:17 PM
عاش كفاح الشعب السودانى
عاش كفاح الحزب الشيوعى

[فريد]

#956158 [لن ترتاحوا يا لصوص]
3.00/5 (1 صوت)

03-28-2014 08:52 PM
الحزب الحاكم اصبح ( يتحايل ) للحوار مع احزاب المعارضة بالامس فاجا فاروق ابو عيسى بزيارة بدعوى الاطمئنان على صحته ..واليوم كباية شاى المغرب مع الخطيب سكرتير الحزب الشيوعى الذى لقنه درسا لن ينسى .. وغدا بدون شك زيارة ابراهيم الشيخ رئيس حزب المؤتمر السودانى فنجان جبنة بعد الفطور ..!! الحزب الحاكم بقى يتسول الحوار ..انتو ما تمشوا للسيدين تاكلوا الفتة بالشية ولا قنعانين من خيرا فيهم ..ماليكم حق الجماعة اعلنوا استعدادهم للحوار مبكرا ..تفتحوا ليهم كدة ؟؟ ووتتحايلوا لمقابلة المعارضة ويتم طردكم من حزب لاخر يا شيخ على ؟؟

[لن ترتاحوا يا لصوص]

ردود على لن ترتاحوا يا لصوص
United States [سفيانوف] 03-29-2014 02:15 PM
و الله انا اشوف احسن تطول بالك الناس ديل قالوا بسلموها المسيح الدجال .... وان كان على الاحزاب الحالية فلا تستطيع ان تقنع الشعب بطرح جديد ,,, و الاهم يا حبيبي ان الحكومات العسكرية السابقة كانت لا تستند الى أي ايدولوجية سياسية معينة بمعنى اوضح انها مغامرة من احد ضباط الجيش و يكتب لها النجاح و يقوم بإدارة البلاد بواقع التعليمات و الاجتهاد الشخصي لكن الانقاذ اصبحت تمثل فئة عسكرية ممزوجة بأفكار حزب اسلامي يعني خلطة عجيبة جدا عشان تعرف تركيبتها تمام يمكنك الاتصال بالشيخ بله الغائب لمزيد من التفاصيل ...و لك احترامي و تقديري ايها الغالي


#956157 [ابوشامة]
3.00/5 (2 صوت)

03-28-2014 08:51 PM
الحزب الشيوعي قتل 49 من أبناء شعبنا الاطهار الابرار ،عزل في معتقل دار الضيافة، وكانت اول نقطة سوداء في تاريخ الحراك السياسي السوداني بعد الاستقلال , فا يا تري ما هم فاعلون هذه المرة؟؟؟

[ابوشامة]

ردود على ابوشامة
European Union [بكري الصديق] 03-29-2014 05:16 PM
قلت لي قتلوا 49 بس ، يعني حزب كامل وقاتل 49 شخص في السودان والله ده حزب من الملائكه

[اطلال الماضي] 03-29-2014 10:46 AM
الحزب الشيوعي قتل 49 من أبنا شعبنا. فكم قتل حزب المؤتمر الوطني من ابناء شعبنا؟ وكم شرد؟ وكم اعتقل؟ . وكم وكم وكم أم الاطهار هم من يقتل من المتأسلميين فقط فالتذهب وزبانيتك الي الجحيم

European Union [الرماد الكال حماد] 03-29-2014 08:14 AM
إن شاء الله يقتلونا كلنا ياخي نحن لله كده بنحب اولاد نقد ديل كده بس كده بس كده بس كييييييييييتنه فيكم يا كيزان

والاهم انهم لا سرقونا ولا ذلونا ولا خلونا في العشش وسكنوا العمارات بفلوسنا

ثانياً مافي زول بكره الكيزان ويكون كعب

European Union [عصام الدين] 03-29-2014 01:39 AM
اولا مجزرة بيت الضيافة لم يثبت حتى الان تورط الحزب الشيوعي فيها ، فقد كان بإمكان الشهيد هاشم العطا إعدام النميري ومن معه في المعتقل ثانيا هناك روايات تتهم صلاح عبد العال والذي شوهد وهو يقود رتلا من الدبابات نحو القصر ،

United States [كوز كنافه] 03-29-2014 01:31 AM
ياخ ده فبركة كيزان واخوان مسلمين وناس مايو ولو عندك عشرة من ناس الحزب الشيوعي في الحكومه اظن كنت بقيت بالميت كدي مثل دوله ماليزيا لانني اعرف ان هذا الحزب من اشرف واطهر الاحزاب وكل شخص عضو فيه انظف من الاخر فاعطوهم فرصه ليثبتو لكم مانقول


#956155 [جمال بري]
5.00/5 (1 صوت)

03-28-2014 08:49 PM
والله ديل بقو ذي ناس كيرلا تتنازل ليهم يركبوك تديهم بالجزمة يجرو وراك

[جمال بري]

ردود على جمال بري
United States [تاجوج] 03-28-2014 10:44 PM
اخ جمال معافى عنك ديل مش بركبوك ديل لو شافو راسك قوى يجلدوك و لوشافو امكانياتك يحلبوك


#956148 [البرلوم]
5.00/5 (3 صوت)

03-28-2014 08:32 PM
شاي (أحمر) دي حلوة

[البرلوم]

ردود على البرلوم
European Union [عصمتووف] 03-28-2014 10:22 PM
وشعارنا الاحمر وقلوبنا البيضاء


#956141 [ناصر سيف الدين]
4.75/5 (3 صوت)

03-28-2014 08:20 PM
واحلالي القبلي شال شبال لمع برق المهيرة

قيرة قيرة يا مطيره

يا رزاز الدم حبابك

لما يبقى الجرح عرضة ولما نمشي الحزن سيرة

من دمانا الأرض شربت موية عزبة

كل ذرة رملة شربت حبة حبة

موية أحمر لونها قاني

فتقت ورد الأغاني

تهدي لى اسمك رمزاً للوطن كنز المحبة

قيرة قيرة يا مطيرة يا شهيد الشعب أهلاً

مش بتطلع كل يوم الشمس أجمل

وكل يوم النخل أطول زيدو قامة

وياما شفتك ياما ياما

لما شفت البدر طالع فى سما الوطن ابتسامة

[ناصر سيف الدين]

ردود على ناصر سيف الدين
United States [nagatabuzaid] 03-28-2014 09:51 PM
جميل-الله-يديك-العافية


#956138 [alshifit]
5.00/5 (1 صوت)

03-28-2014 08:14 PM
سبحان الله بعد كل هذه العنجهية والصلف والغرور اصيحوا يتسولون الحوار وكمان معاها احتيال (شراب شاى واجتماعيات) شدوا العلوج.

[alshifit]

#956133 [seems]
4.38/5 (5 صوت)

03-28-2014 08:00 PM
عضوية وجماهير الحزب تثمن على موقف سكرتير العام للحزب الشيوعى وصديق يوسف بأن لا حوار مع قتلة الناس الا عبر آليه لتفكيكهم بحكومة انتقالية قومية لا تستثنى احد وهو ما ظلت تنادى به قوى الاجماع الوطنى وان اي حوار مع النظام الوثنى ان لم يفضى الى - بسط حرية التعبير والتنظيم وتفكيك منظمة الامن الوطنى والاستخبارات والانتقال السلمى لهبوط النظام ودولته الماسونية وانفاد دستور وطنى تقوم على الهوية الوطنية لكل السودانين ومن ثم انتخابات نزيه - فهو حوار الطرشان لا ترضى به الا المهرولين من شعبى واصلاح وامة وكذلك احزاب الفكة التى تشارك النظام فى قهر مواطنيه
فهذا موقف واضح وجلى وكما قال سكرتير الحزب ان يرد طه ضق حنك وكباية شاي فأهلا به وحبابه عشرة لكن هذا الترحيب لن يثنى جماهيرنا من القصاص من علي وامثاله الذين افسدوا النسيج الاجتماعي وهوية شعبنا البطل

[seems]

#956130 [ربيع]
5.00/5 (3 صوت)

03-28-2014 07:57 PM
حارنك نحنا ودايرنك

[ربيع]

#956128 [الشايل المنقة]
4.50/5 (2 صوت)

03-28-2014 07:55 PM
...ما مشكلة خلى يجى ويجيب معاه حرمو ,تتونس مع حرمكم بى هناك ,وانتو فى الصالون تتكلم معاه فى الكورة والملاريات والطايرة الماليزية الإختفت وبس ,لانو ذا قيم شكلو قرب يعمل اووفر وكدة..خلى بلبن..!!

[الشايل المنقة]

#956127 [كوز]
3.50/5 (3 صوت)

03-28-2014 07:54 PM
هو الخطيب ده يطلع مين عشان يقول الكلام ده ، وياعلي امثال الحثاله ده ماتفاوضو وماتنزل من مستواك بالاشكال دي ، ديل حزب شيوعي كافر وماعندهم دين اصلا . ديل عالم وهم .

[كوز]

ردود على كوز
European Union [الولايات المتحدة السودانية] 03-29-2014 08:49 AM
الراجل دهـ إنتوا ما فهمتوهو !! الزول دهـ ساخر وحاقد على الكيزان لى درجة ,,, ريحتها ظاهرة ... ومديدتو نيران مولعة ... ينفع ثيردباك التجمع (والله قون واحد مايجى )

European Union [التـفـتيحه] 03-29-2014 12:43 AM
الناس دايره تشاكل بس

الزول ماعندو موضوع وكتب اسمو(كوز) عشان الناس تعلق

والناس ماخزلوه كل واحد شال سيفو وقام يحارب

((بعدين الحكايه واضحه ..مفروض الناس تفتح مخها شويه))

European Union [الــســيــف الــبــتــــــار] 03-28-2014 10:27 PM
لأخجل من نفسك و أسمك كوز ؟
الكيزان بايديهم و اضنينهم نطو من المركب وانت الحرسها شنو ؟
وخليك دائر فى حلقتك المفرغه و البرمجه البرمجوك ليها بنى كوز وخلوك جسد بلا عقل ولا تستطيع أن تفرق بين الحق و الباطل و ماتعرف الا الكاش واتجاهك واحد اقتل اسحل دمر فجر اشتم فانتم الموعدون بالجنة التى عرضها السموات و الارض ؟
وشيخك دا بالله شيخ حرامى و نصاب و رجل خرع وحاقد و جبان ومجرم ؟
والحثالة منه وتقيف وانت تابع له ؟

United States [المتغرب الأبدي] 03-28-2014 10:25 PM
بالله حسع أحسن الكيزان ولا الشيوعيين ؟؟
أقسم بالله شيوعي واحد أفضل في نظري من ألف كوز ..
على الأقل ما سرقوا مالنا ولا اضطروا 75% من الشعب للهجرة والـ 25% الباقين بيفكروا في الهجرة ..

European Union [من المركز] 03-28-2014 09:06 PM
انتم بقيته متل رب العباد داخلين في قلوب البشر تكفروا الدايرين تكفرو . وتدخلوا الجنه الدايرنو.

United States [سوداني وافتخر] 03-28-2014 08:39 PM
يامعلقين في وسطنا عميل اسمو كوز كمان .

European Union [بت قضيم] 03-28-2014 08:37 PM
ياكتكوت يا وسخ في اوسخ واعفن منكم يالصوص والله خفير في دار الحزب الشيوعي انظف وانقى من حثالتكم وعصابتكم الملوثة اياديها وتاريخها بدماء شهداء السودان يا حثالة يا قمامة


#956123 [المشتهى السخينه]
4.49/5 (12 صوت)

03-28-2014 07:45 PM
الحزب الشيوعى السودانى هو منارة الوطنيه والكرامه وعزة النفس والقناعه .هو حزب عصى على الرشا وقيم على المبادئ وطهارة اليد واللسان. لو جاء طلب الزيارة للسندكالى او ابوفته لنفدت الخراف من الاسواق استعدادا ( لليوم العظيم ) ..حزبا فى القلب مدارنك .. للشمس حتمشى مبارنك .. فخرا للشعب السودانى والطبقه العامله الثوريه.

[المشتهى السخينه]

ردود على المشتهى السخينه
United States [ديموقراطية] 03-29-2014 10:13 PM
التحية للشرفاء والمجد كل المجد للسودان

عارفنك نحن ودارنك ... وماشين في السكة نمد

United States [سامي] 03-29-2014 05:31 PM
ياخوي الشيوعي دا مع ثوار الغرب مابينفع

United States [عماد عثمان - جدة] 03-29-2014 11:32 AM
الشيوعية أهلها قالوا فاشلة تجى انت تقول منارة .... قوم شوف ليك سخينة أحسن لك.

United States [ود الفاشر] 03-28-2014 10:07 PM
ههههه يا زول اتاريك كنتا راصدو

United States [nagatabuzaid] 03-28-2014 10:00 PM
-ان-ما-شيوعيين-الحقيقة-بنقولها-الشيوعيين-هم-النزاهة-تمشى-على-رجلين-هم-الوطنية-والاخلاص-العفةلساناويداوفكراليس-بالضرورة--ان-تكون-رفيقالكلمةالحق

United States [كوز] 03-28-2014 09:28 PM
الطيور علي اشكالها تقع ههههههه واحد مشتهي سخينه والثاني زول سخن ههههههههههه وشويعين كمان استغفر الله واتوب إليه ، عفوا لقد زكرت غزاره في فمي الا وهي الحزب الغزر حزب الطيور الزكرتهم قبل شويه دول اعوذ بالله غراب وحمار رحبو بي بعض .عالم غريب.

[zoalcool] 03-28-2014 08:33 PM
المشتهي السخينه انت اتاريك زميل ما كنته عارفك مرحبتين حبابك عشت ابو الزمل بالحال العليك بالفال بالامل



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية



الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة