الأخبار
أخبار إقليمية
استقالة معتمد شرق النيل ومحاولات لإثنائه عن القرار
استقالة معتمد شرق النيل ومحاولات لإثنائه عن القرار
 استقالة معتمد شرق النيل ومحاولات لإثنائه عن القرار


المعتمد ينوي التفرغ للعمل الدعوي
03-28-2014 10:14 PM

الخرطوم: صبري جبور

تقدم الدكتور عمار حامد سليمان معتمد محلية شرق النيل باستقالته لوالي الخرطوم الدكتور عبد الرحمن الخضر، وقالت المصادر للصحيفة إن المعتمد تقدم باستقالته لأسباب صحية، فيما رأت مصادر أخرى أن الاستقالة أسبابها بأن المعتمد ينوي التفرغ للعمل الدعوي، وأكدت المصادر أن الوالي رفض الاستقالة، ولكن المعتمد ما زال متمسكاً بها الأمر الذي أدى إلى تدخل نواب شرق النيل بالمجلس التشريعي بالولاية لمحاولة إثناء المعتمد عن الاستقالة، وقام وفد برلماني الى المحلية بقيادة أحمد حسب الرسول بدر بزيارة المعتمد في مكتبه وبحثوا معه القرار.
وقالت المصادر إن النواب أكدوا للمعتمد بأن الوقت غير مناسب لتقديم الاستقالة، لا سيما أن المحلية تشهد حراكاً سياسياً وعقد مؤتمرات قاعدية في المناطق والأحياء والقرى استعداداً للمؤتمر العام بالإضافة إلى تنفيذ البرنامج الانتخابي، الأمر الذي يتطلب وجوده لإكمال متطلبات المرحلة، وأكدت المصادر أن المعتمد متمسك بخطوته ولكنه مباشر مهامه في انتظار قبول الوالي للاستقالة.وفي السياق أفاد مكتب الوالي «آخر لحظة» أنه لم يتسلم استقالة مكتوبة من المعتمد.

آخر لحظة


تعليقات 16 | إهداء 0 | زيارات 5099

التعليقات
#957149 [abdelbasit]
2.00/5 (1 صوت)

03-30-2014 12:37 AM
للذين يرمون الناس بالباطل جزافاً اقول لهم ان د. عمار حامد سلمان رجل كريم من اسرة كريمه جدا من ابناء الجموعيه اعرفه معرفه شخصيه واعرف اخوانه د. ياسر حامد وباشمهندس زهيرزملاء دراسه واخوان اخوان اما عن عمله مع هذه الحكومه فهذه خيارات شخصيه ربما اراد ان يفعل شيئاً ينفع الناس وسط هذا البحر العرمرم من الفساد وفي نهاية المطاف ها هو يقدم استقالته التي لا توجد ادبها في السودان .. شكرا اخي د. عمار علي ارساء هذا الادب وشكرا علي ما قدمته لهذا الوطن الجميل وليوفقك الله في كل خطواتك..

[abdelbasit]

#957136 [ابكضوم !!!]
4.50/5 (2 صوت)

03-30-2014 12:14 AM
ربيان شبعان111مستقيل ماشي وين!!!حتتفرغ للبزنس اللي بسمهو استهبال دعوة!!!!!عشان يكذبوا علي الله!!!والله ذي ماقالوا ابليس زاتو احتار فيكم!!!!!

[ابكضوم !!!]

#956647 [العصيان المدنى]
5.00/5 (3 صوت)

03-29-2014 01:22 PM
يا جماعه الزول ده شكلوا كده شبع لمن جاتو تخمه ومعاهو حق يستقيل يقعد فى بلد الفقر دى لمتين اخير يلحق العملوا بعرق جبينو فى ماليزيا.

[العصيان المدنى]

#956589 [مسكين]
4.75/5 (3 صوت)

03-29-2014 12:27 PM
...
مسرحيات بايخة .... هسة يقولو الجماهير حنستو ( زي السيسي) وجاء راجع تاني لأهمية المرحلة

[مسكين]

#956570 [يوسف ادم]
0.00/5 (0 صوت)

03-29-2014 12:11 PM
الاستقالة فن رائع وثقافة جيدة لايقوم بها الا الرجال حقيقة وكل له اسبابه اتمني من المعتمد المضي قدما فيها , ولكن اصحاب المصالح لايتركون الممصلحين .اخي المعتمد كن ذي عزيمة ولاتلتفت لاصحاب الاغراض والمصالح.

[يوسف ادم]

#956466 [المشروع]
0.00/5 (0 صوت)

03-29-2014 10:46 AM
طبعا طالما هو جزء من نظام معروف كيف اتي وكيف استمر وكيف هي سلوكهافراده وهو جزء من نظام تمكيني بغيض لا يعترف بالآخر من المعارضة او غير المعارضة ولا يعدلون بين الناس ويميزون ناسهم في البر والبحر .. اعتقد والعلم عند الله ان هذه الاستقالة جزء من تمكين آخر وجزء من مسرحية آخرى للرجل مقارنة مع المعتمدين الآخرين.. - امدرمان - بحري - الخرطوم.. عشان كدا اذا كان فعلا هذا الرجل الشاب قدم استقالته فعلا للعمل الدعوي فإن انصحه لوجه الله يا معتمد شرق النيل انصحك لوجه الله تعالى ان تتخلي عن هذه الجماعة من الاساس وليس الحكومة فإن المركب الذي تركبونه هو مركب الظالمين الذين يزكون انفسهم الذين (ضل سعيهم في الحياة الدنيا وهم يحسبون انهم يحسنون صنعاً) .. انت شاب وفي مقتبل العمر وعليك التفكير من الان وقبل بكرا .. لا تغرنك الحياة الدنيا والذين يزينون لك الباطل والذين يجرون من خلفك ووالي الخرطوم وغيرهم فهؤلاء يريديون ان يكثروا اعوانهم باسم الدين وهم ابعد الناس عن الدين ويكفي بعدا عن الدين ان الرجل يجري وراء السلطة ويجري وراء الدنيا فلا تجتمع في قلب امرئ مسلم حب الدنيا وحب الدين - وما جعل الله لرجل من قلبين في جوفه..

[المشروع]

#956370 [الرماد الكال حماد]
5.00/5 (3 صوت)

03-29-2014 07:59 AM
هههههههههههههه كذا الف مسجد ومائة الف داعية في افسد بلد في العالم بفعل هؤلاء الدعاء ، انا عايز افهم حكومة تدفع الناس دفعاً لممارس السرقة والخيانة والكذب والدعارة يعني تخرجهم من الدين بالباب ثم تقوم بدعوتهم بالشباك الى ماذا لا ادري .

قايتو البلد دي فيها جنس محن

[الرماد الكال حماد]

#956329 [القعقاع الفي القاع]
5.00/5 (3 صوت)

03-29-2014 02:59 AM
و مال الحيقوم بالعمل " البغوي" اﻹسمو حكومة الكيزان دا منو؟؟ ياخي ربي فقراتك الكبيرة دي وخليك دعوي فيما بيعملوا كل الكيزان.. فيها شنو يعني؟

[القعقاع الفي القاع]

#956321 [محمود]
4.94/5 (5 صوت)

03-29-2014 02:21 AM
الداعية مفروض يكون زول زاهد نحيف لا يحب الطعام ولا يأكل الا ما يسد الرمق..
وصاحبنا هذا باين عليه تمساح لذا لا يصلح ان يكون داعية..

[محمود]

ردود على محمود
European Union [mohmed abdalla] 03-29-2014 08:06 AM
يا اخى ياسر طلع ليه بعمارة من اول شهر صار فيه معتمد لشرق النيل . ذكر احد اللذين حضرو غمليه الشراء بانه اول مرة يشوف مليار كاش دفعه عمار ثمن المنزل الذى اشتراه


#956273 [خالد حسن]
5.00/5 (5 صوت)

03-29-2014 01:12 AM
ويدأت الفئران تقفز من المركب المثقوبة

[خالد حسن]

#956243 [Sabir]
5.00/5 (1 صوت)

03-28-2014 11:51 PM
غريبه بجد غريبه, عقبال باقي ال.........

[Sabir]

#956237 [أبوعلي]
4.88/5 (6 صوت)

03-28-2014 11:37 PM
ياجماعة الراجل جمع المليارات يعني شبع وجاتو تخمة
خلّوهو يتفرّغ ليمارس الكذب والنفاق لدعم الكيزان باسم الدين

[أبوعلي]

#956229 [سوداني وافتخر]
3.00/5 (2 صوت)

03-28-2014 11:22 PM
مبرووووووووووووووووووك يا معتمد شرق النيل كسبته معانا جايزه عباره عن عربيه ((همر )) لانك إستقلته والاستقاله ثقافه شجاعه فاقدنها في وطنا وتستاهل الجايزه .

[سوداني وافتخر]

ردود على سوداني وافتخر
European Union [عليش بياع العيش] 03-29-2014 12:44 AM
يا فخور انت الورل الجقه دا شجاعه شنو البتقولا عنو دا من اخبث من مشي علي ارض السودان . والاتفه كلعاده انو الوالي ماقبل الاستقاله حثاله علي زباله ابتلا بها السودان . والاخبث انو حايتفرغ للدعوه. ...، دعوه شنو دي ..،،،،،، طيب ماكان تدي وانت معتمد ولا مشغول خالص.


#956226 [الانقاذ قد دنا عذابها]
0.00/5 (0 صوت)

03-28-2014 11:06 PM
يني حوه ماولدت

[الانقاذ قد دنا عذابها]

#956202 [Professor Khalifa Yousif Hassan]
4.00/5 (3 صوت)

03-28-2014 10:28 PM
رغم ان مدير مكتب الوالي لم يستلم استقاله رسميا الا اننا نشيد بشجاعة هذا المعتمد ونتنمني ان تنهال استقالات كل من يري انه طول وفتر ولم يستطيع تقديم شيء مفيد فلماذا لا تشيدوا به لشجاعنه واعترافه بعدم التمكن من اداء عمل مفيد

[Professor Khalifa Yousif Hassan]

ردود على Professor Khalifa Yousif Hassan
United States [حسين] 03-29-2014 11:20 PM
اذا كنت بروفسور فعلا يعني ما بروفسور بتاع لعب وكلام فارغ ماكان ذكرت هذه المرتبة العلمية الرفيعة في غير مكانها.. لكن الواضح انك بروفسور (فشـنك).. وهذا من بلاوي الانقاذ..

United States [عليش بياع العيش] 03-29-2014 12:52 AM
يا بروفيسر خليفه كلمه بروفيسر ودكتور دي في السودان شكلها زي شوارع زقلونا .

غني الفقاره فقري
والطشاش في بلد العمي اشوف
انا عن نفسي دارس جامعه الخرطوم وجامعه خارج السودان لكن ما قادر احس بي اي قيمه لتعليمي لاني من السودان؟


#956200 [بيلى]
5.00/5 (8 صوت)

03-28-2014 10:24 PM
بالله بطلو مسرحياتكم السخيفه دى إنتا لو عندك دم المفروض تقدم إستقالتك ولاتترفد من أيام فضيحة السيول شهر 8 2013 عجزت عن تقديم اى مساعده للمواطنين لولا شباب نفير الشرفاء ومعاهم المنظمات الشريفه وبعد دا أكلتو الدعم الجا من بره كلكم كرور إنتا وواليك

[بيلى]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة