الأخبار
أخبار إقليمية
نظام البشير منزعج لعدم وصول دعوة للبشير حتى اليوم من أجل السفر الى بروكسل
نظام البشير منزعج لعدم وصول دعوة للبشير حتى اليوم من أجل السفر الى بروكسل
نظام البشير منزعج لعدم وصول دعوة للبشير حتى اليوم من أجل السفر الى بروكسل


اتهم الاتحاد الاوروبي بالسعي الى "احداث شرخ" في الموقف الافريقي
03-31-2014 12:58 AM
(أ ف ب) - اتهم السودان الاحد الاتحاد الاوروبي بالسعي الى "احداث شرخ" في الموقف الافريقي بعدما رفض الاتحاد دعوة الرئيس السوداني عمر البشير الى قمة الاتحاد الافريقي والاتحاد الاوروبي التي تعقد في الثاني والثالث من نيسان/ابريل في بروكسل.

واصدرت المحكمة الجنائية الدولية في العامين 2009 و2010 مذكرات توقيف بحق البشير بتهمة ارتكاب جرائم حرب وجرائم ضد الانسانية وابادة في اقليم دارفور بغرب السودان.

وقالت وزارة الخارجية السودانية في بيان نقلته وكالة الانباء السودانية الرسمية "حتى تاريخ اليوم 30 اذار/مارس 2014 لم تصل دعوة للسيد رئيس الجمهورية للمشاركة في القمة".

ودعيت الى قمة بروكسل تسعون دولة اوروبية وافريقية على ان يشارك فيها 65 رئيس دولة وحكومة.

واتهمت الخارجية السودانية الاتحاد الاوروبي ب"ممارسة اساليب المراوغة ومحاولات شراء الوقت لاحداث شرخ في الموقف الافريقي الموحد"، وذلك عبر "الانتقائية في توجيه الدعوات لمثل هذه الملتقيات".

وكان ممثل لبروكسل اعلن في وقت سابق ان للاتحاد الافريقي حرية دعوة الرئيس السوداني رغم ان الاتحاد الاوروبي رفض توجيه دعوة اليه.

وقال مصدر في الاتحاد الاوروبي الجمعة ان الاتحاد دعا "حكومة السودان" رغم ان قضية مشاركة البشير او عدم مشاركته تظل عالقة.


تعليقات 43 | إهداء 0 | زيارات 9668

التعليقات
#959455 [Abouzid Musa]
0.00/5 (0 صوت)

04-01-2014 06:32 AM
لا اعتقد بان وزارة الخارجيه صادقه فى احتجاجها هذا !!!
وذلك لان البشير لا يستطيع ان يذهب الى / بروكسل / او
أي دوله / أوربية / ولكن هي مناورة ديبلوماسية لإحراج
بروكسل ( وغيرها ) مما يدعوا الراى العام الاوربى
للتساؤل . !!!

[Abouzid Musa]

#959393 [albrado]
0.00/5 (0 صوت)

04-01-2014 01:53 AM
يا جماعة ملاحظين علي عثمان شكله بقي كيف؟؟؟؟

اعوذ بالله من الشيطان الرجيم

ده كله من اكل اموال اليتامي والمساكين ودعوات الارامل

والمظلومين ... ما مصدقين باعوا كل شئ وامتلكوا العمارات

والسيارات الفارهة واولادهم حياة الرفاهية في كولالمبور باموال

اليتامي والمساكين وابناء السلبل والغارمين والمؤلفة قلوبهم

باسم الدين وكلمة لا اله الا الله ونسيوا ان للكون من يديره فنسيوا

الله خالق السموات والارض فانساهم انفسهم ...

من شكلهم ظاهر هو ونافع علي نافع والعياذ بالله .. اللهم لا شماتة

دي الدنيا والاخرة كمان لسع

[albrado]

#959371 [ahmed]
5.00/5 (1 صوت)

04-01-2014 01:16 AM
جنس بجاحة

[ahmed]

#959354 [ودالباشا]
5.00/5 (1 صوت)

04-01-2014 12:32 AM
اضربوا طناش خلوا الهضربه
حركاتكم دى الشفع بقوا يضحكوا عليها

[ودالباشا]

#959338 [منشى]
5.00/5 (2 صوت)

04-01-2014 12:04 AM
بالله دى حاله .. اخير منها التنحى و الانتخار عديل كدا ... يعنى هسه الزول دا احساسو شنو ... ناس غرباء يمنعوهو من قتل ناسو فى بلدو عشان يحترموا يرفض و يصر على القتل و التنكيل و و لامن يقولوا ليه خلاص ابيت تخلى كتل شعبك يبقى ما تجى لينا فى اى مناسبه يقوم يقول الناس ديل حاسدينى و دايرين يعملوا شقه و فرقه ... يا خى الشقه و الفرقه اللى انت عملتو فى شعبك دى فى زول بيعمل زيها فى العالم غير الزول بتاع سوريا و من قبلو زول العراق و قذافى .

[منشى]

#959293 [طائر الهوى]
5.00/5 (1 صوت)

03-31-2014 10:56 PM
لسان حال البشير :
(القمه دي فى السنه كم مره اول امباررررح القريبه دى ما كان فى قمه شنو هى شغله ولا بس دايرين يحرجونا ساكت مع المواطنين .اه نعمل شنو و نقول شنو اسعدى كان عملوها فى تشاد ولا اريتريا ولا اثيوبيا ما كان الواحد حضرة عملنها لى فى سقط لقط )

[طائر الهوى]

#959086 [بادي أبو شلوخ]
5.00/5 (3 صوت)

03-31-2014 05:49 PM
غايتو عمر البشير بكون متكيِّف جبنة أكتر من المرفعين "ظات نفسو"

يقال أن الأسد ملك الغابة بدأ في توزيع المهام للحيوانات في مملكته وقال للمرفعين أنت عليك حراسة الغنم وفرح المرفعين فرحاً شديداً في دواخل نفسه بهذا التكليف ولكنه خاف أن يقوم أحد الحيوانات بتنبيه الأسد بأن المرفعين سوف يقوم بإفتراس الغنم وعشان يثبت حسن النية أمام الجميع قال مخاطباً الأسد:"يا جناب الملك أعفيني من مهمة حراسة الغنم لأنو الغنم ديل عيونم حُمُر وأنا بخاف منهن"وصبح ألمثل يضرب للمنافق الذي يظهر خلاف ما يبطن.

قال إيه "اتهم السودان الاحد الاتحاد الاوروبي بالسعي الى "احداث شرخ""
شرخ؟؟؟ يشرخ..............

[بادي أبو شلوخ]

#959066 [الحج لدول الاستكبار]
5.00/5 (1 صوت)

03-31-2014 05:21 PM
تذكرت إنتظار دعوة نافع لامريكا ومعه البشير والبكاء والعويل واللوم لمحور الشر الشيطان الاكبر ..
والله مافي شيطان أكبر الإ أنت.
دشدش وبشبش الله عقلك ياشكسبير ، قصدي يابشكير ..
سورّي يابشير .
الله يفضحك دنيا وآخرة..
آمين يارب.

[الحج لدول الاستكبار]

#959020 [زهجان من الضبان]
5.00/5 (2 صوت)

03-31-2014 04:34 PM
حليلك يا ابراهيم عبود لمن جون كينيدي رسل ليك طائرته الخاصة و وصلك بنفسو لحدي مقر اقامتك

[زهجان من الضبان]

#958994 [محمود]
0.00/5 (0 صوت)

03-31-2014 04:15 PM
راجعوا انفسكم لمازا لم تاتيكم الدعوة؟ لاستقامتكم ام لاعوجاجكم؟ الاجابة واحدة من الاثنين

[محمود]

#958990 [ديموقراطية]
5.00/5 (3 صوت)

03-31-2014 04:08 PM
قووووول اتقدمت دعوة....بيقدر يمشي ؟

[ديموقراطية]

ردود على ديموقراطية
United States [الفينا مشهودة] 04-01-2014 05:19 AM
ولاهاى كمان فركة كعب ساعة بس ويوصل


#958941 [وحيد]
5.00/5 (2 صوت)

03-31-2014 03:24 PM
الخواجات ديل ما فاهمين اللعبة ... يرسلوا ليهو دعوة و نشوف رجالته ...

[وحيد]

#958902 [دنقل ود النوبه]
5.00/5 (2 صوت)

03-31-2014 02:52 PM
المسافه بين بروكسل وامستردام ساعتين او اقل بالسياره..تحدى الجميع وامشى ولكن لا تنسى مذكرة لاهاى

[دنقل ود النوبه]

#958900 [شلاقة]
0.00/5 (0 صوت)

03-31-2014 02:52 PM
بدر مدر يا رواسي نحن بعاد لحقنا القيفة
انت مدبج ونحن نقاسى فى برد امشير والموج والزيفة
مركبك الماليها مطارق تمشي تقيف تسرح بى كيفه
مرة مغارب ومرة مشارق وانت تخاف الريح وحفيفه
ساوها زينة وفوقها بيارق وانت مدبج توب وقطيفة
فيها المات والضاربه الفالق والسلمين فى حالة مخيفة
كل الناس ترزح في كفة وانت وناسك فوق الدفة
الدايشين والراسهم لفة والشاخصين فى المدى للضفة
صوف افضالك فوقهم جوة فوق الموية وريقهم جفة
من العطش النص اتوفى وباقى النص الفضل جيفة
....
ضاقوا المر والحال استعصى الشغال واللاحق الحصة
الواصال للرحم اتقصة والهداي مو لاقى الفرصة
الرساي سافر ما وصى خلى محمد واحمد وحفصة
الاطفال العرفو القصة سدت جوة حلوقهم غصة
من الجوع الدم اتمصة واصبح كل الحلم رغيفة
.....
كل الراكب شاف احلامه دون احساس ماتت قدامه
فنُ كتابه وكسر اقلامه لا الوالدين لا جار ما لامه
ناس الحلة القعدوا وقاموا اصر والح يمشى كلامه
هزموهو اخوانه البى الجوع نامو وكم خريج ما لاقى وظيفة
.......
يا الفكيتها وقلت لها سيرى وعارف انه الدنيا دميرى
لا فى ضفاف لا شفنا جزيرى لا فى الحيرى ولا في الطيرى
كسرت جناحها وقلت لها طيرى اتملكت الكانت ميرى
يا السودت الناصع وجيرى ايد الحق صابونى وليفة
......
قبلك كم متعلم وقاري عكس الريح فكولو الصارى
مشدوهين متعشى وحارى ريسها شلته والبحارى
كم سنوات علام البارى واقفى وهم شايفنها جارى
بقينا هلاك والقيف متضارى لا حجار لا دوحة وريفة
.....
حسك عينك ما تتمادى وتنسى الراكب عنده ارادة
الاهوال الشافها وخاضها كان فى مدرسة والا عيادة
شفنا الايد الكان اجوادة يا مبتورة يا شحادة
وياما رقاب كانت سدادة علمت الله من التعريفة
......
يا ريسنا قدر مديرك فك الدفة وادها غيرك
احفظ نفسك ترضى ضميرك وقف اوع تواصل سيرك
كان طاوعتنى شن بيضيرك عرض اكتافك وفك البيرك
لا هنى شكرا وكتر خيرك وكل انسان في الارض خليفة

[شلاقة]

#958891 [ابواحمد]
4.50/5 (2 صوت)

03-31-2014 02:46 PM
ياريس اركب طيارتك وامشي بدون دعوة يعني شنو البيحصل !!!! بالله انت ماشي تعمل شنو دي قمة اقتصادية وانت اقتصادك في الحضيض خليك قاعد في السودان بلا فضايح

[ابواحمد]

#958871 [الكلس]
5.00/5 (2 صوت)

03-31-2014 02:27 PM
كرتى لاعب صالح ورقو ودة كرت بيضعف بيه موقف البشير لصالحو (كرتى)ويعرض نفسو للمجتمع الأوروبى والدولى كبديل خالى من اللوثة بتاعة المحاكم (وكمان شايفين ياهديك المرأة على الطلاق أرجل من الأسد الأفريقى وقاعدة فى عاصمة النصارى فى روما بكرة تلفح توبها وتجينا فى بروكسل(فنادق 5نجوم على حساب أولادالديوم والمايقوما بالنص!!!!

[الكلس]

ردود على الكلس
European Union [Sudani Original] 04-01-2014 03:03 AM
the best comment eva, shokran Alkalass


#958804 [العريان]
5.00/5 (1 صوت)

03-31-2014 01:43 PM
والله بتبالغ يابشة كفاية عليك تشاد والحبشة وارتريا

[العريان]

#958755 [البعشوم]
5.00/5 (6 صوت)

03-31-2014 01:09 PM
أفو ، أسد أفريقيا كمان بخاف ؟ أمشي يا زول غصباً عنهم .. وقول ليهم أها، أنا جيت !!

[البعشوم]

ردود على البعشوم
Hong Kong [zahi] 03-31-2014 03:03 PM
انا جيت انا جيت سمح انا يا يمه و بسكويت


#958724 [جمعة الكتاحة]
5.00/5 (2 صوت)

03-31-2014 12:43 PM
السودان اصبح مشلول

[جمعة الكتاحة]

#958616 [الــســيــف الــبــتــار]
5.00/5 (7 صوت)

03-31-2014 11:23 AM
لا تنزعج يا الاسد النتر وخلى المرافعين خوف افو ؟
انت هين و لا لوين معقول رجل افريقيا الاول و سيد الرأس و الساس وحكيم زمانك منو الذيك كان فهم و لا علم و لا خبير استرتيجى و لا عسكرية و لا استباحة لدماء البشرية و لا الحكم بالذندية ولا الفقه و الشريعه الاسلاميه مجضمه جضيم و مشبع بروح الانتقام و وفرض النظام وعدم الاحترام اهانة كرامة اى انسان مهما كان و مافى قلبك رحمه لا طفل ولاشيخ ولا وليه ؟
دعوتك بتصل و ما ذى ناس قريعتى راحت انتا دعوتك فى أى بى ؟
فلا داعى للانزعاج واصبر نحن ما صابرين عليك خمسة و عشرين سنه الحصل شنو ما هو ليس فى ناس دايشه و ما عايشه .....

[الــســيــف الــبــتــار]

#958607 [زول سوداني]
4.88/5 (5 صوت)

03-31-2014 11:15 AM
قال الله تعالى : " وان شكرتم لازيدنكم " صدق الله العظيم
الحمد والشكر لله .. مزيدا من الذلة والاهانة للبشير وعصابتو :::::::

[زول سوداني]

#958562 [المشروع]
5.00/5 (7 صوت)

03-31-2014 10:51 AM
اقتباس( اتهمت الخارجية السودانية الاتحاد الاوروبي بممارسة اساليب المراوغة ومحاولات شراء الوقت لاحداث شرخ في الموقف الافريقي الموحد)

سبحان الله نفس الشئ الذي تفعلونه في السودان..وللأسف مع السودانيين ؟
عليكم الله يا على عثمان ما بتخجل من نفسك

[المشروع]

#958482 [المهاجر زهجا]
4.97/5 (12 صوت)

03-31-2014 09:54 AM
البشير اجبن من انو يسافر لبروكسل دي محاوله لشحن بطاريته التي نفدت او بالاحري باظت عدييييل كد

[المهاجر زهجا]

#958480 [bullet ant]
5.00/5 (12 صوت)

03-31-2014 09:52 AM
الحمار ده عارف المسافة بين بروكسل و لاهاى؟
مستحيل يمش ما قال بيجى مالو ما جاء هاها

[bullet ant]

#958479 [البعاتى]
5.00/5 (2 صوت)

03-31-2014 09:52 AM
على مجلس الامن ان يقوم بواجباته كامله بالغاء القبض على البشير الهارب من وجهه العداله ..خاصه وان المجلس هو من حول ملف قضية دارفور الى الجنائيه......

[البعاتى]

ردود على البعاتى
United States [ادريس زقلونا] 03-31-2014 02:29 PM
نعم نحن مع الغاء القبض على البشير يا بعاتى لكن ديل بسمعوا كلامك يلغوا القبض عليه والا هم مصرين عليه - المسافة بين بروكسل ولاهاى كما هى بين الغين والقاف - عجبا لجيل الانقاذ فى الاملاء


#958475 [تنين]
5.00/5 (1 صوت)

03-31-2014 09:50 AM
ما هي مصلحة الاتحاد الأوروبي في السودان؟ image

[تنين]

#958414 [fato hashim]
5.00/5 (13 صوت)

03-31-2014 09:08 AM
لوفرض وجهت له الدعوة فأبصم على العشرة فأنه ان يذهب وذلك لجبنه

[fato hashim]

#958396 [المشتهي الكمونية]
5.00/5 (14 صوت)

03-31-2014 08:57 AM
حركات كيزان ساكت ، البشير لو ضرب ليهو رئيس بلجيكا ورئيس الاتحاد الأوروبي ورؤساء أوربا كلها وقالوا ليهو تعال ماتخاف برضو ما بمشي ، دا أجبن من فار ، فلاحتو بس يشيل عصايتو ويرقص ويتعاور

[المشتهي الكمونية]

#958308 [المنجلك]
4.79/5 (7 صوت)

03-31-2014 06:19 AM
انتو بتستعبطوا ولا شنو القانون قانون ولا احد يعلوا فوق القانون ولا فاكرين اوربا دى السودان.

[المنجلك]

#958299 [caeser]
5.00/5 (4 صوت)

03-31-2014 05:24 AM
حتي و لو وصلت الدعوة حايقدر يمشي ولا دي حركات ناس الرأس الدبلماسي ؟

[caeser]

#958296 [كابتن الماليزية]
5.00/5 (6 صوت)

03-31-2014 05:03 AM
** أيوه .. أيوه ... لازم يدهوه .. أمال أيه ؟؟
يعنى هوه عشان قال قبل كده في القضارف أنو موضوع الهوية ده محسوم : (عربية).. وما بيعترف بالافارقة ولغوستهم..
وما أدراك ما جنجويد .. وأبو سريع...

أيوه لازم يدعوه .. وبما أنو (خط هيثرو) تعيش إنت ..

نحجز ليه في (الماليزية)..

[كابتن الماليزية]

ردود على كابتن الماليزية
United States [الفينا مشهودة] 04-01-2014 05:24 AM
اوسكار يا كابتن. بالله الزول دة ركبوا الماليزية وانشاءالله بلة الغايب يجيب خبرو بعدين


#958288 [من المركز]
5.00/5 (3 صوت)

03-31-2014 04:19 AM
معقول نحن عشنا وشاهدنا المهازل دي. المشكلة انه الناس ديل لسع بيستعبطوا علي أنفسهم. اللهم دمرهم واخذهم أخذ عزيز مقتدر ولا تبقى منهم احدا

[من المركز]

#958270 [IHassan Alamin]
4.13/5 (4 صوت)

03-31-2014 03:14 AM
الأخ السيد القاًىد ان اجراءت المحكمة الجناىية نحوك لن تتغير والأمر سينفذ، أنا اعتقد انك حكيم و لا تستمع لهؤلاء الذين يصوروا لك انك يمكن ان تحضر اجتماع من دون تنفيذ فلماذا يااخي العزيز تعرض نفسك لهذا الموقف المحرج هناك كثير يحبون لك الخير.

[IHassan Alamin]

#958269 [gadafee]
5.00/5 (3 صوت)

03-31-2014 03:11 AM
يا بعشوم
هو صحبك فييييي امجرس البعيدة
يعني لو قدموا ليهو الدعوة و باقي ليهو طوالي يلفح مركوبوا و يقوم جاري ولا كيف
احسن ما يعشم في اروبا الا يمش مكلبش
رئيس قال ---كاااااااااااااااااااااااااااااك

[gadafee]

#958268 [esan salih]
5.00/5 (10 صوت)

03-31-2014 03:10 AM
الصورة بتاعت الأولاد الأفارقة البضحكوا نسيتو تختوها يا ناس الراكوبة.

[esan salih]

#958265 [jackssa]
5.00/5 (6 صوت)

03-31-2014 03:02 AM
... يريدون لكم الخير لأنه لو بشه عتب باب بروكسل ... أكل نيم ... ويصبح في داخل قفص لاهـاي..

[jackssa]

#958261 [Sudani]
5.00/5 (4 صوت)

03-31-2014 02:35 AM
a criminal person like omer Albashir should not move free .he should be behind bars.

[Sudani]

#958260 [النيل أبونا والجنس سودانى]
5.00/5 (10 صوت)

03-31-2014 02:34 AM
لاهاى بروكسل بالقطار حوالى 4 ساعات تقريبا وبعد ده وزارة الخارجية بتتبجح على الاتحاد الاوروبي. ياريت لو تكرمت الراكوبة ونزلت كاريكاتير عمر دفع الله للبشير ودأم زقدة عندما أطلق ساقيه للريح
وما كمل المؤتمر فى نيجيريا .

[النيل أبونا والجنس سودانى]

#958252 [ربش]
5.00/5 (2 صوت)

03-31-2014 02:19 AM
إقتباس ....اتهمت الخارجية السودانية الاتحاد الاوروبي ب"ممارسة اساليب المراوغة ومحاولات شراء الوقت لاحداث شرخ في الموقف الافريقي الموحد"، وذلك عبر "الانتقائية في توجيه الدعوات لمثل هذه الملتقيات".
ياخي تخخخخخ ...

[ربش]

#958247 [albrado]
5.00/5 (12 صوت)

03-31-2014 02:11 AM
شئ غريب .. غلطانيين في حق الكيزان الاوربيين من الواجب كان يدعوه

عشان يجلس وسط رؤساء العالم بعد كل الارتكبه من جرائم ويرسخ عقيدة

الارهاب والقتل والتمكين وبيوت الاشباح والسرقة .. حقا ليس بعد الكفر

ذنب

[albrado]

#958245 [ساب البلد]
5.00/5 (10 صوت)

03-31-2014 02:10 AM
********* هلا مرحبا ***** اسد افريقيا ****** بروكسل و لاهاي ****** زي الخرطوم مدني ***** هنا لا في رشوة زي ناس الكنغو ولا يحزنون **** اتمني ان يتجرا البشير ***** دا نفخ ساكت زي حكاية امريكا ما ادتني تاشيرة **** عليكم في اهانة اكتر من كده ***** علي الاقل كيزان السجم يتخلوا من الخرع ده و يبقوا محترمين شوية قدام العالم *****

[ساب البلد]

#958238 [la siaf]
4.96/5 (7 صوت)

03-31-2014 01:59 AM
هو كان جاتو الدعوة بقدر يمشى .... كان راجل. وممكن تكون اساسا الدعوة وصلت لاكن الكيزان عاملين السناريو دة ساكت،

اها كان الدعوة ما جات للكبيرالصغار ذاتهم ما يمشوا

[la siaf]

#958232 [ممغوص في زمن المهازل]
5.00/5 (14 صوت)

03-31-2014 01:53 AM
كل سفرة تبقى حكاية
يا خلف الله ما عذذذذذذبتنا

[ممغوص في زمن المهازل]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة