الأخبار
أخبار إقليمية
بنك السودان يطبق قانون الامتثال الضريبي على الحسابات الأميركية
بنك السودان يطبق قانون الامتثال الضريبي على الحسابات الأميركية
بنك السودان يطبق قانون الامتثال الضريبي على الحسابات الأميركية


03-31-2014 05:50 PM


حدد بنك السودان المركزي الأول من يوليو القادم موعداً للبنوك التجارية لتطبيق قانون الامتثال الضريبي على الحسابات الأميركية. وقال خبراء مصرفيون إن القانون مطبق في كل دول العالم ويفرض الضريبة على المواطنين الأميركيين حسب بلد الإقامة.


وأشار الخبير المصرفي اللبناني أنطون داغر خلال ورشة "قانون الإمتثال الضريبي على الحسابات الأميركية الخارجية"، التي عقدت يوم الأحد بالبنك السوداني الفرنسي، إلى أن القانون يفرض عقوبات تصل إلى اقتطاع 30% من الأموال المستثمرة في المصارف الأميركية من قبل المصارف التي لم تستجب للقانون.

من جانبه، قال المدير العام للبنك السوداني الفرنسي محجوب شبو، إنه بموجب القانون يتوجب على كلّ المصارف الالتزام بالقانون.


وأشار إلى أنه في حال عدم التطبيق والامتثال، فإن المصارف السودانية ستواجه ضغوطات عالمية تصل إلى حد الإيقاف عن التعامل مع المصارف المحلية، وأكد أن محافظ بنك السودان وجه كل المصارف التجارية السودانية الالتزام بالقانون.


وقال محافظ بنك السودان السابق صابر محمد الحسن، إن القانون الضريبي الأميركي يلزم المصارف التعامل به.


وأشار صابر إلى أنه وفي حال عدم التعامل وتطبيق القانون يتم تضييق الخناق على المصارف المحلية من خلال الضغط على المراسلين بعدم التعامل مع المصارف السودانية، وأضاف أن تطبيق القانون يساعد على تخفيف الضغوطات المطبقة على المصارف السودانية.


وكالات


تعليقات 13 | إهداء 0 | زيارات 4157

التعليقات
#960046 [sasa]
0.00/5 (0 صوت)

04-01-2014 03:11 PM
شيلو شيلتكم يا امريكان ...

زعم الفرزدق يوما بانه سيقتل مربعا **** فابشر بطول سلامة يامربع

[sasa]

#959983 [أبوسارة]
0.00/5 (0 صوت)

04-01-2014 02:22 PM
إسم القانون بالإنجليزية :
)Foreign Account Tax Compliance Act ( FATCA

[أبوسارة]

#959976 [أبوسارة]
0.00/5 (0 صوت)

04-01-2014 02:16 PM
إجراء عادي و حلقة من حلقات تطور نظام الرقابة علي الأموال و معرفة حركة الأموال و تدفقها من مكان لآخر. و الهدف هو تتبع عمليات التهرب الضريبي و غسيل الأموال.

[أبوسارة]

#959559 [الحجاج]
0.00/5 (0 صوت)

04-01-2014 09:29 AM
والله يا ناس بنك السودان غلبكم التسوو نتيجة لجهلكم المقنع ومصرون على انكم اعرف من غيركم ودا خطأ جهلكم بالمسائل الاقتصادية اعطوها لناس اكفاء من بني سوداننا والبلد مليء بهم وهم طبعا ليسوا من الموالين لنظام القشير والطيزان الفسقة وخارج تشكلية الحكم الظالم بلا شك عليكم اذا اردتم اصلاح الحال الاصلا ما انصلح منذ سطوتكم على هذا الحكم الاخذ بارئهم لانهم ادرى واعلم بمجريات الاقتصاد العالمي وليس السوداني عليكم بهم وهم موجودين بالسودان على الدولة البحث عنهم لاصلاح الاقتصاد وانقاذ العباد من الوضع الحاصل المنهار تماما .

[الحجاج]

#959401 [Kushoko]
0.00/5 (0 صوت)

04-01-2014 02:16 AM
والله كلام الطير في الباقير ما شايف اي ضرر لأمريكا بالعكس حا تستفيد زي ما حصل في حكايه الحرب علي الإرهاب لما سيء الذكر قوش اداهم كل ملفات الإرهابين اللعندهم وزاد عليها حبتين هوادة ولحدي الان منتظرين رد الجميل وبعدين تعالو منو الامريكي ولا الامريكي السوداني المخبول اللي عايز يتعامل مع السودان وفي السودان مع الكيزان كمان

[Kushoko]

#959374 [الكيزان من بغايا الأندلس]
0.00/5 (0 صوت)

04-01-2014 01:21 AM
أها...

أي زول عندو الجنسية الأمريكية يشيل شيلتو...

والله السنة القبل الفاتت بس بعرف في أسرتنا خمسة جاهم اللوتري...

[الكيزان من بغايا الأندلس]

#959369 [المتجهجه بسبب الانفصال]
1.00/5 (1 صوت)

04-01-2014 01:14 AM
يا دوب امريكا تعبت ودنا عذابها والاقتصاد الامريكي سيهتز ويحتاج لسياسة Bailout شاملة هذه المرة وربما زيارة أوباما للخرطوم لمناقشة هذه الازمة الكبيرة،، سياسة المكاواة المحلية البتعملها الحكومة مع ناس الاحزاب والحركات المسلحة والمعارضين سيتم تدويلها بعد مؤتمر ام جرس وان شاء الله امريكا ستخرس،، ابشروا ايها السودانيون رأى البشير انه أوتي مفاتيح البيت الابيض وسيحرر القرم بعد ام جرس فليفرح السودانيون في نيوجرسي وستطبق الانقاذ نظام "فاتكا" من أم جرس لي نبراسكا ،،،

[المتجهجه بسبب الانفصال]

#959355 [mix]
0.00/5 (0 صوت)

04-01-2014 12:36 AM
امريكا روسيا قد دنى عذابها هههههه

[mix]

#959288 [الــســيــف الــبــتــــــار]
5.00/5 (3 صوت)

03-31-2014 10:46 PM
يتيح قانون فاتكا الذى أقر فى عام 2010م للسلطات الامريكية أن طلب من المؤسسات الماليه الاجنبيه ابلاغها عن أى عميل لديها يكون من مكلفى الضرائب بالولايات المتحده الامريكية ؟
وهو خاص بالامريكان فقط و فى حالة التستر و عدم الابلاغ او تذويد الحكومة الامريكية ببيانات اى مواطن امريكى مكلف بالضريبه يعرض المؤسسات لعقوبات ماليه اعتبارا من اول يوليو والغرض من القانون لمكافحة التهرب الضريبى لمواطنى امريكا اريتو حالنا و عندنا دولارات و ندفع و نحن راضين ؟
وهل يوجد امريكى يمتلك حساب فى بنوكنا الما عندها التكتح لا دولار و لا روبيه الا الجماعه المساكين الاخدوا الجنسية الامريكيه برضوا مافى ليكم فكه من المتاعب ؟
وبك السودان المركزى عايز اتجمل و هو مفلس ...

[الــســيــف الــبــتــــــار]

#959282 [سوداني داىش]
3.00/5 (1 صوت)

03-31-2014 10:32 PM
يا جماعة الخير هوا لو بنفهم كان حكمونا ثلأثين سنة!!!

[سوداني داىش]

#959281 [مرقنا... وادسينا تاني]
5.00/5 (2 صوت)

03-31-2014 10:29 PM
والله متفائلين الجماعة خالص خالص ، عاملين لها ندوة ، اساساً لا أظن هناك اميركان بيتعامل مع السودان منذ المقاطعة الاقتصادية في أوائل النسعينات والقانون ( فاتكا) يلزم البنوك والبنك المركزي بشكل خاص الافصاح عن الشركات أو الاشخاص الاميركان الذين لديهم استثمارات في الدول بالتبليغ عنهم لإقتطاع الحق الضريبي الامريكي، طيب نحن مع شنو؟ من يتعامل معنا واكبر الشركات فشلت في اصدار امر بشأن الحخر الاميريك علي السودا لإستيراد الصمغ العربي من السودان مما جعل اكبر شركة ذات دخل قومي تنهار هي والاقطان ..قوموا بلا لمه

[مرقنا... وادسينا تاني]

#959227 [نادر التاج أبوحموش]
0.00/5 (0 صوت)

03-31-2014 08:55 PM
والله ما فاهمين أي حاجة ،الفهم حاجة يا أخوانا يفهمنا لأنو والله أعلم زي الحصل في فهمنا دا خلل ،،يا مثبت العقول يارب!!!!!!!!!!!!

[نادر التاج أبوحموش]

ردود على نادر التاج أبوحموش
United States [نادر التاج أبوحموش] 04-01-2014 01:05 AM
الأخ جاوس تحياتي وشكراً للمرور ،،،لكن عايز أقول ليك لو الموضوع كدة يبقى يحلها الشربكها لأنو بالصورة دي تبقى المسألة لا (حكت) "بكسر الحاء وفتح الكاف وسكون التاء" لا (بقت) "برضو بكسر الباء وفتح القاف وسكون التاء" ،،، وشكلنا كدة لو ربنا مد في العمر حنشوف كتير كتير وكتير جداً من زي دا ،،مودتي لكافة الراكوباب،،،،،

European Union [جاوس] 03-31-2014 11:40 PM
الاخ نادر الجماعه دييل عايزيين يفرضو ضرائب علي موظفي السفاره الاميركيه في الخرطووم وبعض الشركات اي حسابتها وتعاملاتها زي شركه شلمبرجير اوفر سي والله اعلم


#959213 [الصليحابي]
0.00/5 (0 صوت)

03-31-2014 08:35 PM
كلام غير مفهوم ، احتاج إلى توضيح أكثر..

[الصليحابي]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة