الأخبار
أخبار السودان المحلية
الصراع يحتدم بين النيابة وجهاز الامن بسبب شحنة قمح شركة (البرير) الفاسدة
الصراع يحتدم بين النيابة وجهاز الامن بسبب شحنة قمح شركة (البرير) الفاسدة
الصراع يحتدم بين النيابة وجهاز الامن بسبب شحنة قمح شركة (البرير) الفاسدة


04-01-2014 01:38 PM
الراكوبة - تصاعدت تداعيات الصراع بين جهاز الامن من جهة والنيابة وشركة البرير من جهة اخري علي خلفية احتجاز جهاز الامن لشحنة قمح منع جهاز الامن خروجها من الخرطوم بحجة انها "فاسدة" وغير مطابقة للمواصفات.

وقالت مصادر اعلامية ان وكيل النيابة بمدينة بورتسودان شطب البلاغ المقدم من الامن الاقتصادي ضد شركة البرير قبل اكتمال التحريات وقبل وصول نتائج الفحص المعملي لعينات القمح بمعامل هئية المواصفات والمقاييس.

وفي المقابل هدد مدير امن الولاية بالاستقالة ومغادرة موقعه إذا غادرت شحنة القمح "الفاسدة" إلي الخرطوم، وياتي رفض مدير جهاز الامن لتحرك الشحنة من بورتسودان للخرطوم رغم ان وكيل النيابة وجهَّ "بالافراج عنها" في سياق صراع معلن بين الطرفين.
واقترحت شركة البرير بعد المشادات بين الامن والنيابة "تسليمهم الصالح من القمح لاستخدامه كأعلاف للحيوانات وإبادة الفاسد".

وتورط جهاز الامن نفسه من قبل في عدد من فضائح دخول السلع الفاسدة للسودان عبر شركاته ومن اشهر تلك القضايا السكر الفاسد الذي قام والي الخرطوم عبدالرحمن الخضر بتوزيعه علي اهالي الولاية قبل عامين في شهر رمضان.


تعليقات 31 | إهداء 0 | زيارات 12697

التعليقات
#1453426 [خالدأحمدسرحان]
0.00/5 (0 صوت)

05-01-2016 12:05 AM
ليه تقول تورط هذه ليست الكلمة المناسبة وبما أن القمح فاسد يكون جهاز الأمن أدي واجبه تجاه الوطن والمواطن

[خالدأحمدسرحان]

#961544 [صبرا]
0.00/5 (0 صوت)

04-03-2014 12:06 AM
هو صراع فاسد بين رجل أعمال فاسد وجهاز فاسد في بضائع فاسدة .. وسوق فاسدة من أجل ارباح فاسدة
ببساطة كدا .
يعني حق اريد به باطل .
الجهاز نفسه بيتاجر في (الفاسدة) .. و كمان النبي (الخِدر) بيتاجر في (الفاسدة) ..
فضّل منو ..
أمبارح الحرامي جمال الوالي والليلة (زير) الماليه ما عايز يكشف عن (الصدقات) التي تصّدق بها بها امير قطر علينا .



لا حول ولا قوة الاّ بالله .

[صبرا]

ردود على صبرا
European Union [nagatabuzaid] 04-03-2014 06:25 PM
وبشر-الصابرين-الذين-ان-اصابتهم-مصيبة-قالوا-انا-لله-وانا-اليه-راجعون-----الله-يصبرنا-عليهم


#961474 [ودالبلاد]
2.00/5 (1 صوت)

04-02-2014 10:45 PM
السودان ظريف وداير مصاريف والسودان جميل وناسو جومال
وذى ماقال (ابوعمه كمال ترباس ظرؤف بتعدي وماتهتمو للايام )

[ودالبلاد]

#961464 [ود كترينا]
0.00/5 (0 صوت)

04-02-2014 10:31 PM
***المؤلم حقيقة فى هذه القصة هو الحديث الذى نشره أحمد يوسف التاى بصحيفة الصيحة عن التهديد الذى وصلهم من أحد رؤساء تحرير الصحف الخرطومية ان قاموا بنشر قصة فساد قمح سعود البرير رجل الأعمال ورئيس اتحاد اصحاب العمل والذى كان يصيح قبل أيام بأنه لاسيولة فى البنوك السودانية...برز الثعلب يوما فى ثياب الواعظينا...صحيفة الصيحة كانت هى الصحيفة التى نشرت الخبر فى صفحتها الأولى وكتب الموضوع المحرر حافظ الخير...ذكر التاى فى نفس العدد أن حافظ الخير تلقى اتصالا فى اليوم السابق لنشر موضوع فساد قمح سعود البرير...تلقى حافظ الخير كما كتب التاى اتصالا فى اليوم السابق للنشر من ريس تحرير صحيفة الاهرام اليوم محمد عبدالقادر..التاى أشار تلميحا الى عبد القادر ولكنه تعمد كشفه حين ذكر أن محمد عبد القادر قد تلقى الأوامر من رئيس مجلس ادارة الأهرام اليوم عبد الله أحمد دفع الله الرئيس السابق لمجلس ادارة الصحافة...وجه دفع الله بعد علمه بالأمر من جهات عليا وجه رئيس تحريره عبدالقادر للاتصال بحافظ الخير قبل نشر الخبر فى الصيحة لحثه على عدم النشر...التاى ذكر الاتصال الذى تم حرفيا...قال محرر الأهرام اليوم مخاطبا محرر الصيحة عبر الهاتف...يا أخى نما الى علمنا أنكم تعتزمون نشر خبر عن فساد شحنة القمح المملوكة لآل البرير فى عدد الغد...يا أخى الجماعة ديل(يقصد آل البرير)حكومة عدييييييل...ومصالحهم مربوطة مع مصالح تنفيذيين سيوبر هم الدولة نفسها...ونشركم للخبر سيضر بمصالح جهات نافذة فى الدولة لاقبل لكم بها...فيا أخى تجنبوا التهلكة وتجنبوا النشر ولن يعلم أحد بالموضوع ومن ستر مؤمنا ستره الله..فأحسن ياخى تخافوا على عيالكم البتربو فيهم ديل...وأنا عارفك ياحافظ انك صحفى مجتهد وأمبارح بالصدفة كنت بتكلم مع رئيس مجلس الادارة عنك وانك كصحفى مميز لازم نضمك بعقد فوق المجزى لكوكبة كتاب الأهرام اليوم...وأنا والله بتهمنى مصلحتك ياحافظ أخوى وحسب خبرتى مادايرك تندفع بدون ماتعرف الضرر الحيقع عليك من النشر...على أى حال فكر فى عقدنا وانشاء الله نسمع عنك كل خير...وهى فى الآخر محبة فى الله والسلام...
***أها ياخوانا....دى السلطة الرابعة...بعد التنفيذية والتشريعية والقضائية...الصحفى بدل يقول لزميلو أدينى معلومات زيادة عشان نحنا اهرام خوفو ماسالين فيهو...ادونا المعلومات ننشرها نحن كمان فى الأهرام اليوم لأنو نحن عين الشعب وان شفنا الغلط بننشر أبوهو...عشان الشعب يعرف منو السلم عيالو الحوت!!!بدل يقول الكلام ده يهدد زميله الأصغرمنو سنا وخبرة بانو اذا نشرت الكلام ده حنوديك ورا الشمس...تانى تدفعو اتنين جنيه لجريدة!!!!

[ود كترينا]

#961444 [nagatabuzaid]
5.00/5 (1 صوت)

04-02-2014 10:02 PM
خرجت-من-الراكوبة-غشيت-حريات--لقيت-خبراشينبالحيل-خبر-السواد-محجوب-شريف-مات-استغربت-ما-وجدت-الخبر-فى-الراكوبة-اتصلت--باصدقائى-الجميع-فى-الدفن--بعد-المغرب--ااااااااه-ياوطن--كل-يوم-مكلوم-بفقد-ابناءك-العمالقة-محجوب-شريف-فى-اخر-قصيدة-له-كان-ينعى-نفسه-لك-الرحمةيا-ودمريم-وابومريم-ومى-والفقدليس-فقدك-وحدك-ياشريكةعمره-اميرة-الجزولى-انه--فقدنا-فقد-السودان-انه-فقد-امة-ياحبيبة-والعزاءلكل-شرفاء-السودان-والعزاء-لكل-ذرة-من-تراب-السودان-العزاء-لنا-فى-العفيف-النظيف-لاهو-الخاين-ولا-السراق-رحلت-جسدالكنك-باقى-فى-الوجدان-فى-كل-شبر-من-تراب-السودان-سيكون-تشييعك-ملحمة-يخلدها-التاريخ------------عاش-نضال-الشعب-السودانى---فليسقط--حكم--كل--طاغيةوجبارفليسقط-حكم-العسكر-المجدوالخلودلذكراك-وذكرى-الابطال-الراحلين--واه-من-وجع-الوطن

[nagatabuzaid]

ردود على nagatabuzaid
[nagatabuzaid] 04-03-2014 03:59 PM
لك-الشكر-الخالص--العزيز-ابو-ريشة--والفقدكبير--ونصيحتك--افادتنى-كثيرا--مع-تحياتى

United States [AburishA] 04-03-2014 01:23 AM
لك التحية ايتها الانسانة بت ابزيد.. لفقيدنا الرحمة ولنا جميعا خالص العزاء.. الموضوع نزل متزامن في حريات والراكوبة..يبدو انك ما عملتي تنشيط للراكوبة Refresh ارجو دايما تعملي رفريش كل نصف ساعة .. مرات الانسان بيقرأ في اخر موضوع ولما يعمل Refresh بسكون نزل كذا موضوع جديد..
** امير قطر كراعو حارة علينا جاء بجاي ,, واعز انسان عندنا رحل بجاي..


#961391 [محمد]
0.00/5 (0 صوت)

04-02-2014 08:34 PM
يا شباب الشعب السودانى محصن واللة لو اكل خر صانة ما تعملينا شى قال دقيق فا سد كمان ما احلاهو

فى الخبز والعصيدة

[محمد]

#961299 [الانقاذ قد دنا عذابها]
0.00/5 (0 صوت)

04-02-2014 06:55 PM
(من جهة اخري علي خلفية احتجاز جهاز الامن لشحنة قمح منع جهاز الامن خروجها من الخرطوم بحجة انها "فاسدة" وغير مطابقة للمواصفات.)
(وفي المقابل هدد مدير امن الولاية بالاستقالة ومغادرة موقعه إذا غادرت شحنة القمح "الفاسدة" إلي الخرطوم، وياتي رفض مدير جهاز الامن لتحرك الشحنة من بورتسودان للخرطوم رغم ان وكيل النيابة وجهَّ "بالافراج عنها" في سياق صراع معلن بين الطرفي
انان عايز افهم الشحنه في بورتسودان ولي الخرطوم لان الحديث متضارب في هذا الخبر وهن كلهن 1000 كلمه.
ثم ثانيا لو سلمت هذه الشحنه لاستخدامها كاعلاف ستذهب راسا للمطاحن ومنها مباشرة الي الافران ل لتخبز وتوزع للبني حيوان.لكم الله يااهلي المستكينين للهوان

[الانقاذ قد دنا عذابها]

#961230 [wad kosti]
0.00/5 (0 صوت)

04-02-2014 05:59 PM
يا جماعة الرغيف في السودان شكله غير.ابيض بياض مو عادي كانه ما مصنوع من القمح. السر شنو؟

[wad kosti]

#961185 [AburishA]
3.00/5 (1 صوت)

04-02-2014 05:22 PM
** بغض النظر عن التفاصيل..فان المتابعة والكشف عن الواردات الفاسدة هي من ضمن مهام (الأمن الاقتصادي)..


((وفي المقابل هدد مدير امن الولاية بالاستقالة ومغادرة موقعه إذا غادرت شحنة القمح "الفاسدة" إلي الخرطوم))
** اذا صح هذا التصريح: فان ذلك (يحسب له)..ويستحق الدخول به موسوعة جينيس!!!!!!

[AburishA]

#960959 [ودالركين]
0.00/5 (0 صوت)

04-02-2014 02:51 PM
نحن ناكل بس صالح فاسد اين المواصفات وما دخل الامن بهذا الامر ام اختلط الحابل بالنابل بعدين الماطن السوداني ده ما تخافوا عليه عوجة بتجيه مافي اصبح مطعما من كل السموم ربع ياكل فى النيم القمح الفاسد بعمل ليه شنو اللهم اصلح حالنا يالله واقطع دابر المفسدين آكلي مال الشعب المتلاعبين بقوته ياكريم

[ودالركين]

ردود على ودالركين
United States [بت البلد] 04-02-2014 07:08 PM
الأمن (الاقتصادي )يا ود الركين خلي بالك لما بين القوسين ...

United States [الانقاذ قد دنا عذابها] 04-02-2014 07:04 PM
هناك اداره تسمي الامن الاقتصادي من ضمن مهامها الكثيره والمهمه جدا متابعة الجوده والمواصفات لكل ماهو صادر ووارد ومنتج محليا للتاكد من مطابقته للجوده والمواصفات السليمه في مثل هذه الحاله لسلامة المواطن .وهذا من صميم عمل هذه الاداره.مع تحياتي


#960880 [shersh]
0.00/5 (0 صوت)

04-02-2014 01:43 PM
اقترح ان يكون فى كليةجامعية باسم ادارة الفساد...عشان يتقنن ويكون له خريجين جامعيين ويعلمو الناس كيفية ادارة الفساد والتسهيلات والرشاوى

[shersh]

#960837 [radona]
5.00/5 (1 صوت)

04-02-2014 12:53 PM
من الواضح هنا ان الاطراف المسئولة عن ادخال هذه السموم
1- المدعو سعود البرير
2- وكيل النيابة
3- الامن الاقتصادي
هذا فيمايتعلق بشحنات القمح الفاسد
اما السكر الفاسد فان المسئول هو
1- المدعو عبدالرحمن الخضر بشخصه وممثلا لولاية الخرطوم بحكم منصبه كوالي
هذا الامر لا يحتمل تكوين لجنة او تسويف او مماطلة باعتباره فسادا عاديا
لان هذه مثل هذه السلع الفاسدة تعتبر سببا في الاصابة بمرض السرطان الذي انتشر في الاوانة الاخيرة بصورة مكثفة انما هذا يرقى الى مستوى المحاكمة بارتكاب جريمة القتل العمد
يجب تقديم الاشخاص اعلاه للعدالة الناجزة فورا وبدون ابطاء او دغمسة او جغمسة بتهمة القتل العمد لكل مواطن مات متاثرا بمرض السرطان من تاريخ دخول السكر والقمح الفاسد
ونحن نترقب ونتابع عن كثب رد فعل الحكومة حيال ذلك وسنظل نتابعه متابعة حثيثة

[radona]

#960827 [حرية]
5.00/5 (2 صوت)

04-02-2014 12:46 PM
ناس الامن يحفظوا الامن ولا بقعدوا بتاجروا؟ ديل فلاحتهم في المواطن الأعزل ومخليين الأجانب داخليين ومارقيين علي كيفهم نيجريين؛ ماليين ،نيجريين؛تشاديين؛ أحباش ؛أرتريين؛ صوماليين وهلم جرا بلد همله ما عندها سيد والدول العربيه بقولوا لينا أنتم ورئيسكم كلكم عبيد

[حرية]

ردود على حرية
[ahmed] 04-02-2014 01:57 PM
يا الحرية
مالك نسيتي إسرائيل البتخش وبتمرق وحتي الدفاع بالنظر سابوهو عشلن ما فاضيين من اللغفي


#960704 [ابو شربيك]
5.00/5 (4 صوت)

04-02-2014 11:02 AM
صدقوني أنا منذ زمن حرمت بيتى
من اي منتج مكتوب فيه مجموعة
شركات البرير استخدمت اللبن
المكتوب فيه ليدو عمل إسهال
كل ناس البيت عشان كده ما
فى مواصفات بتحميك احمى أسرتك
بنفسك بلا برير بلا فاسدين

[ابو شربيك]

#960696 [عماد الدين الطاهر]
5.00/5 (2 صوت)

04-02-2014 10:54 AM
انا اشك انو الصراع كان من اجل المواطن اوالوطن الصراع صراع شخصى بين قوتين نافذتين فى الدولة وامكن كل زول عاوز يفرض سلطته يعنى ممكن يكون مجرد اختلاف فى الراى بين شخصين ودا امر بقى عادى

[عماد الدين الطاهر]

ردود على عماد الدين الطاهر
United States [ساب البلد] 04-02-2014 12:04 PM
******* صراع في العمولة يمكن !!! ********


#960674 [habbani]
0.00/5 (0 صوت)

04-02-2014 10:34 AM
البلد لو فيها سياسيين كان وقفوا مع بتاع الأمن دا وسيروا مسيرات سلمية

[habbani]

ردود على habbani
United States [zool sakit] 04-02-2014 02:40 PM
الاصح انك تقول : لو البلد فيها رجال عندهم نخوة وشعب قوي كان سيروا مسيرات لغاية بورسودان .. و مدير الامن يكون بطل قومي


#960669 [ابولكيلك]
5.00/5 (1 صوت)

04-02-2014 10:31 AM
اقطعوا رأس الفساد اليوم قبل موت السودان الوطن.

[ابولكيلك]

#960622 [إلا الحقارة]
5.00/5 (1 صوت)

04-02-2014 09:53 AM
اتقوا الله ولا حول ولا قوة الا بالله

[إلا الحقارة]

#960570 [العميد المرفود]
4.00/5 (3 صوت)

04-02-2014 08:34 AM
ياجماعة التالف للحيوان الهو انا وانت يوزع للافران ونحن نأكل ام الصالح يعملو به الباسطةوالبسبوسه لناس المؤتمر هنا في مخ مش في فردة جزمه

[العميد المرفود]

ردود على العميد المرفود
United States [ودالزين] 04-02-2014 07:01 PM
دي بالغت فيها يا سيادة العميد


#960405 [ابو خالد]
3.50/5 (2 صوت)

04-01-2014 11:11 PM
يكون وكيل النيابه جاته تعليمات عليا وبتاع الامن داير يقول نحن هنا ما هى خربانه من كبارا تلاقى الشحنه حقت واحد من التماسيح الكبار وعامل البرير كبرى عشان الرخصه التجاريه حا تطلع يعنى حا تطلع غصبا عن اى زول مسئول

[ابو خالد]

#960368 [ابوقرون]
5.00/5 (1 صوت)

04-01-2014 10:05 PM
يا جماعة دا سعود مامون البرير

[ابوقرون]

#960136 [احد ضحايا الالغاذ]
4.63/5 (5 صوت)

04-01-2014 04:46 PM
طبعا معتز البرير شغلو كلو غش في غش وهو صديق الرئيس وحا يدخل القمح الفاسد الخرطوم وحاناكله رغيف من المخابز
الله يلعنه دنيا واخرة يرشي ناس التعليم العالي ويرشي ناس الصحة واليوم يرشي ناس المواصفات

[احد ضحايا الالغاذ]

ردود على احد ضحايا الالغاذ
United States [zool sakit] 04-02-2014 02:42 PM
المقصود هو سعود مامون البرير مش عمه معتز


#960074 [أبوديك الديناري]
5.00/5 (2 صوت)

04-01-2014 03:31 PM
غايته ما بعرف وكيل نيابة بورتسودان ده منو لكن لو الشحنة داخلة بسواكن وكيل النيابة بتاعها ياسر الكان في الأبيض ده زول هطلة ساكت وما عارف شغل معذور

[أبوديك الديناري]

ردود على أبوديك الديناري
[سواكني غيور] 04-01-2014 07:35 PM
حقيقة مملكة الفساد..يعني الهطلة دا قاطعين بيهو المسافة البعيدة من الابيض عشان يشتغل في سواكن..لا حول ولا قوة الابالله.تلقي لسان حالو يقول.صب دمعي وانا قلبي ساكن..حار فراقك يا سواكن..بقيت بحور فساد يا سواكن


#960065 [beskanof]
5.00/5 (4 صوت)

04-01-2014 03:22 PM
انا لله وانا اليه راجعون اتمني ان توضع نتائج التحقيقات وتنشر وتملك للمواطنين بصوره واضحه ، لانه يتملكني اسف وندم شديد واريد ان اقدم اعتذاري لاعز الاخوه الذي ذهب مغاضبا الي السعوديه بعد ان بح صوته معي تنبيها لفساد الزمره الحاكمه والطغمه التي تواليهم وكنت ادافع بغير علم ولكن الان يتكشف لنا كل يوم مواضع الفساد والخلل والذي اشره انه لا ثردع في حين تقام الحجج 87والمحاكم لنشال في السوق العربي فلك العذر اخي ان صح كل ما ينشر هنا

[beskanof]

#960055 [كفاية]
5.00/5 (2 صوت)

04-01-2014 03:16 PM
واقترحوا تسليمهم الفاسد لاستخدامه كعلف للحيوان كأن الحيوان ليس من مخلوقات الله ثم ثانيا الا تصل المنتجات الحيوانية هذه للانسان في شكل لحوم والبان وبيض ؟!!

[كفاية]

ردود على كفاية
United States [ودالزين] 04-02-2014 07:27 PM
وانت صدقتّهم يا عمرابي ؟ المفروض لما تكون في أي شحنة بضاعةوخاصة مأكولات فيها أي شئ فاسد أو تالف ...المفروض بعد إكنمال التحقيقات وثبوت نتائج الفحص المعملي يتم تدمير وإبادة كل الشحنةبواسطة السلطات المختصة...مش ناس الشركة المستوردة للبضاعة- المشكلة ينقلبو أجاويد ويقولو ليهم ياخوانا باركوها..إحنا بنريحكم منها..أدونا المافاسدنستفيد منو والفاسد ما تخافو بنعدمو ليكم نفاخ النار...أهاهسه إحنا كضبنا عليكم قبال ده..؟

European Union [عمرابي] 04-02-2014 01:35 PM
الخبر قال .... (واقترحت شركة البرير بعد المشادات بين الامن والنيابة "تسليمهم الصالح من القمح لاستخدامه كأعلاف للحيوانات وإبادة الفاسد")

وليس تسليمهم الفاسد لاستخدامه كعلف للحيوان .. ركزوا شوية ما تشيلكم الهاشمية وتتعتروا ساي

European Union [سيبويه العجمي] 04-02-2014 10:16 AM
المتحزم اضحكتني وشر البلية ما يضحك

European Union [المتحزم] 04-02-2014 01:23 AM
انت فهمت الحيونات دي االبقر وكده ؟؟؟!!!! لا ياخوي ديل نحنا الراجل قاصد يوزعوهوا علي الافران تنتجو علف لينا وماح يصنع بيهو بسكويت وباسطه وبسبوسه للناس ياخي افهموا


#960053 [كفاية]
5.00/5 (1 صوت)

04-01-2014 03:16 PM
واقترحوا تليمهم الفاسد لاستخدامه كعلف للحيوان كأن الحيوان ليس من مخلوقات الله ثم ثانيا الا تصل المنتجات الحيوانية هذه للانسان في شكل لحوم والبان وبيض ؟!!

[كفاية]

#960051 [سودانى ساكت]
3.00/5 (1 صوت)

04-01-2014 03:14 PM
والله ناس الامن والنيابة مشكلتكم مشكلة.. بس عارفين القمح هو الفاسد فى السودان ما الحكومة فاسدة وضارة المواطن

[سودانى ساكت]

#960021 [سيمو]
5.00/5 (2 صوت)

04-01-2014 02:57 PM
ياخ انتو البرير ده قاصد معانا شنو وعايز شنو الهلال طفشتنا منه كمان في صحن القراصه حقنا ادخلته وثاني الزول يامل له حرف قراصه يبقي ضحيه ليك مرتين الله ينتقم منك ومن الجماعه الخلف ابوك كان تاجر لكن انت دخلت الحزب الحاكم وصاحبته شواطينه واصبحته اسواء منهم عليك لعنة الله في نفسك ومالك

[سيمو]

ردود على سيمو
United States [nagatabuzaid] 04-02-2014 10:40 PM
يا-حامد-عوض-نجترة-الكرش-والبمبار-ما-عيب-عيب-تجارة-الحاجات-التانية-ودى-فضفااااااضة
اما-ماذكره-سيمو-فهوصحيح-والببارى-الجداد-بدخل-الكوش--والببارى-حزب-السجم-الوسخان-بوسخ-سمعة-ابوه-والارث-الاجتماعى-والتجارى-له-ولاسرته-سمعة-اسرة-البرير-بيضاءناصعة-مفروض-يحافظواعليها

European Union [حامد عوض] 04-01-2014 03:53 PM
تجار الكرش والبمبار


#960017 [ام كرتبو]
0.00/5 (0 صوت)

04-01-2014 02:54 PM
بالله السكر الوزعو الوالي قبل سنتين كان فاسد؟!!! يا للهول ...لكن الحمد لله كان حصتي منه قليلة وفعلاً كانت تنبعث منه رائحة البيض الفاسد..والمفاجأة أن ناس اللجنة الشعبية مارسو الفساد مع السكر الفاسد بتهريبه الي الاسواق وبيعه بالسعر الاسود ...وهكذا السودان يمارس فيه الفساد المركب ...وعلي زكر البرير فهو اصلاً راسمالي طفيلي فاسد ولا يعرف مصدر امواله ولكنه نبت شيطاني ..وجد ضالته في مجتمع السودان الفطير والسازج وتحت تحت سامع انو الناس ديل ( تجار مخدرات كبااار ) الكلام ده صحي يا جماعة ولا اشاعة العندو معلومة يلحقنا بيها جاي.

[ام كرتبو]

ردود على ام كرتبو
United States [nagatabuzaid] 04-02-2014 10:32 PM
يا-ام-كرتبواوزول-ساكت-قال-الله-تعالى-(ومايلفظ-من-قول-الا-لديه-رقيب-عتيد-)اتقوا-الله-اولاد-البرير-اموالهم-من-والدهم-مخمد-احمد-البرير-ونحن-اسرامدرمانيةاهلنا-الكباريعرفون-بعضهم-جيداوتريطهم-علاقات-مصاهرةوترابط-اجتماعى-محمداحمدالبريرحسب-تاريخه-رجل-عصامى-كون-ثروته-بالحلال-وسار-الابناء-على-تهج-والدهم-وقد-تعلمواجميعا-اولاد-وبنات--بنات-البرير-زميلات-والدتى-فى-الدراسة-ارجعوا-لكتاب-الدكتورةبت-حاج-الصافى-عن-نساء-امدرمان----ومصاهرتهم-وزواجهم-من-احسن-الاسر--اما-الراسمالية-الطفيلية-غهم-معروفين-عينهم-فارغة-ومخلوعين-فى-اى-موقع-سيطروا-عليه-نهبوه-وللعلم-ان-قابلنى-اى-من-ابناء-البرير-لا-اعرفه-ولكنها-علاقات-ازلية-قديمة---ماتلحقناااااا-يا-شوقى-بدرى

[زول ساكت] 04-02-2014 02:48 PM
البرير فاااااسد واسالو اي زول شغال في مصانعو .. بستخدم مواد مدة صلاحيتها منتهية.

[كاهل ابوعرب] 04-01-2014 04:13 PM
ام كرتبو لم يكن البرير فاسد في يوم من الايام وأسال اهل ام درمان ولكن الفساد موجود في من يحكمون البلاد وتاكد ان القصة بتكون خلاف مع البرير لاي سبب ... والله لا اعرف البرير ولا حصل مرة قابلته ولكنني اشهد له والشهادة لله عندما كنت طالب في الجامعة وكنت اسكن بالقرب من مسجد في سوق البلح كان يجمع الفقراء المشردين في المسجد يوم الجمعة ويذبح له ويبسطهم ويدخل السعادة في نفسهم فيأكلون اللحم وهم في قمة الفرح بعد صلاة الجمعة ... رجل ذي دا كيف يكون فاسد ... بالمناسبة انا لم اري من ابناء البرير الا بتاع الهلال الاسمو الكيماوي وشفتو في الاستاد وفي التلفزيون وباقي لي دا زول بونيه وشلوت سااااااكت


#960004 [اوبرا]
5.00/5 (1 صوت)

04-01-2014 02:43 PM
واقترحت شركة البرير بعد المشادات بين الامن والنيابة "تسليمهم الصالح من القمح لاستخدامه كأعلاف للحيوانات وإبادة الفاسد".
هو اصلا كان في صالح من القمح لي مستخدمو كأعلاف للحيوانات ؟؟؟

[اوبرا]

#959988 [بت قضيم]
5.00/5 (2 صوت)

04-01-2014 02:29 PM
يا جماعة الخير يمكن يكون الفساد ده في السودان وباء حامل لفيروس الفساد يعدي الامة ونحن ما جايبين خبر الكل مصاب بفيروس الفساد وانتشر وعما القرى والحضر وما جايبين خبر فلو في مصل تطعيم فاسرعوا بالتطعيم الحقونا عوك ياناس جماعة الخير الحقوناااااااااااااا

[بت قضيم]

ردود على بت قضيم
United States [nagatabuzaid] 04-02-2014 10:08 PM
يلبت-قضيم-رحل-قبل-قليل-العفيف-الشريف-النضيف-شاعرالشعب-محجوب-شريف-تاركا-الدنيا-للحرامية-واللصوص-الفاسديم-رحل-اللاخاين-ولاسراق-لهالرحمة-والان-المقابر-ملخمةخالدة-النظيف-العفيف-صوتنا-صوت-الشعب-المهيب-الان-يشيع-فى-موكب-مهيب-فلتسقط-حكومة-الفساد-والفاسدين

United States [الباحث عن الحق] 04-01-2014 04:59 PM
اصبح الفساد سرطان انتشر في الامة يا بت قضيم ولو تتذكري عندما تم تصنيف السودان كأكثر الدول فسادا في العالم لذلك للاسف لا يوجد مصل تطعيم سوى استئصال النظام بأكمله من جذوره وهنا يأتي دور الشعب السوداني .

European Union [عابر طريق] 04-01-2014 04:58 PM
اضحك الله سنك يا بت قضيم .. الفساد اينما حللت موجود ,, ابقى صحي قول الشاعر:

نعيب زماننا والعيب فينا ..... وما لزماننا عيب سوانا



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة