الأخبار
أخبار إقليمية
من بندقية كلاشنكوف.. عبد الكريم يطلق الرصاص على الطالبة «يسرى» داخل الجامعة ثم ينتحر
من بندقية كلاشنكوف.. عبد الكريم يطلق الرصاص على الطالبة «يسرى» داخل الجامعة ثم ينتحر
من بندقية كلاشنكوف.. عبد الكريم يطلق الرصاص على الطالبة «يسرى» داخل الجامعة ثم ينتحر


اغتيال طالبة بجامعة الفاشر بعد نقاش حاد ..
04-03-2014 11:32 AM
اُغتيلت طالبة بجامعة الفاشر كلية التربية تدعى «يسرى» بعد أن أطلق عليها مسلح النار صباح أمس قبل أن ينتحر داخل الحرم الجامعي.وقال شهود عيان إن الحادث وقع الساعة الثامنة والنصف صباحاً، حيث قام مسلح يرتدي زياً مدنياً ويحمل بندقية «كلاشنكوف» يدعى عبد الكريم بالدخول إلى الحرم الجامعي ودار نقاش حاد مع الطالبة، وأثناء جلوسهما بالقرب من قاعة صديق ودعة أشهر الجاني سلاحه وأطلق رصاصات على الطالبة، ثم انتحر بإطلاق النار على نفسه.

الانتباهة


تعليقات 69 | إهداء 0 | زيارات 25438

صفحة 1 من 212>
التعليقات
#962869 [موسى الحاج]
0.00/5 (0 صوت)

04-04-2014 01:21 PM
كلاشنكوف وجامعة وكلية وطالبة وقتل الحاصل شنو حكومة فاشلة

[موسى الحاج]

#962766 [jas]
0.00/5 (0 صوت)

04-04-2014 11:10 AM
سبحان الله ربنا يرحمهم ويغفر لهم ثقافة سيئةدخلت البلاد توليد مليشيات داخل حرم الجامعات ودي سنة غير محمودة

[jas]

#962681 [عادل الامين]
0.00/5 (0 صوت)

04-04-2014 08:40 AM
ومنذ متى يدخل المدنيين يحملون سلاح الى الجامعات؟؟؟

[عادل الامين]

#962664 [سامي]
3.00/5 (1 صوت)

04-04-2014 08:00 AM
يازول خليك زي جحا وريحك رأسك ودماغك كمان. مالك ومال الناس والتسوي كريت في القرض تلقي في جلده . ربنا يرحم البنت ونحن ماعرفين القصة بالضبط .

[سامي]

#962593 [وادي صاولي]
1.75/5 (3 صوت)

04-04-2014 01:44 AM
دي العنصرية ذاته لانو اخوان ازرق والبت حمراء رفضوا اهل البت الازرق وايضا هنالك خيان من البت لانه هي مخطوبة ولم تقول الصراحة لود الناس وهو في نهاية المطاف مات شهيد الحب اذن بعد ده اي بت تعمله حسابه لنفسه من الموت السريع ذي دا

[وادي صاولي]

#962548 [واحد ما فاهم حاجة]
3.00/5 (1 صوت)

04-04-2014 12:04 AM
مصفوفة اقصد ملحوظة ملحوقة ( الكلاشنكوف وينو! مايكون لهطوا ولا يظهر في جامعة تانية, هوى يابنات اضارن ,,,كترابة حب اولو قبر!

[واحد ما فاهم حاجة]

#962547 [Abdallah Adam Ibrahim Aldai]
0.00/5 (0 صوت)

04-04-2014 12:01 AM
ولا حولة ولا قوة إلا بالله
إنا لله وإنا إليه راجعون

[Abdallah Adam Ibrahim Aldai]

#962544 [واحد ما فاهم حاجة]
5.00/5 (1 صوت)

04-03-2014 11:55 PM
بصراحة الناس ماقصرو في تعليق التعاليق من مرحمت المراحيم الي نعل سنسفيل الانقائذين! انا شايفها كذبت ابريل لا دم ولا جرح ولا اثار فرفرة !!!! الغريبة انا لابس النظارة قعر كباية,

[واحد ما فاهم حاجة]

#962509 [أ.س]
3.00/5 (2 صوت)

04-03-2014 10:34 PM
البعد عن الدين و الاختلاط يجب انشاء جامعات للبنات و جامعات للبنين للاسف السوداني ضعيف امام النساء

[أ.س]

#962464 [ود اللفة]
3.00/5 (2 صوت)

04-03-2014 09:28 PM
علي وزارة التعليم العالي أن تضع ملصقات تنصح فيه البنات من عدم دخولهن في علاقات غير متكافاءة ينتج عنه مثل هذه الحوادث، ووبعدها (العفش داخل البص علي مسئولية صاحبه)

[ود اللفة]

#962460 [ود الركابي]
5.00/5 (1 صوت)

04-03-2014 09:19 PM
صاحبنا ده ظاهر عليهوا اول مرة ياخد ليهو شاكوش تلاقي سفسفة منو كترة كنجالات غبي

[ود الركابي]

#962441 [المهاتما]
2.00/5 (1 صوت)

04-03-2014 08:28 PM
انا شخصيا اعمل في الفاشر واعرف هذا الشاب الخلوق ودهشت لما قام به ربنا يرحهمهم ويغفر سيائتهم والغضب يعمي العيون ولكن ليس هذا الحل

[المهاتما]

ردود على المهاتما
United States [ود تربو] 04-04-2014 11:08 PM
يا المهاتما زولك دا مات كافر عديييييييل الا الله يرحمو بسعير او ويل

United States [سوداني اصلي] 04-04-2014 07:09 PM
خلوق انت داير تدخل خلوق دي في جملة مفيدة من زمان ولقيت الموضوع فاحببت ان تشارك

خلوق ايه يا عمنا الدين بهذب وبربي والانسان لو فكر في أن يقتل شخص معناه فيه خلل ما بالك بشخص يقوم بقتل شخص وقتل نفسه ويسمى خلووووووووووووووق

حاول تغير المصطلح دا لانه غير مقبول

European Union [عصمتووف] 04-04-2014 04:09 PM
ده خلوق انه متوحش وهمجي ******* الانسان الخلوق صبور وقابل لا متصاص الاهانات وكل شئ


#962432 [أراد هذا المنتحر أن يجسد حكاية فيلم هندي]
3.00/5 (3 صوت)

04-03-2014 08:11 PM
لهما الرحمة والمغفرة؟
الكلام دا يكون عبرة لاي بنت اهلها منتظرنها وودوها الجامعة عشان تدرس وتتعلم وتشتغل وترفع الاسرة وما دوها للكلام الفراغ والعلاقات مع كل من هب ودب حتى لو زملائها في نفس القاعة،، فليس كل الناس اسوياء وعاقلين ويعرفون حدودهم ومقدراهم، لماذا العلاقات الاجتماعية المفروض تكون بواعي شوية..
السؤال هنا هي كالآتي:
ما علاقة المنتحر بالمقتولة؟ هل هي علاقة زمالة يعني الزول الممدد وراقد دا زميلها في الجامعة أم محاضر في الجامعة أو من السيكورتي؟ ما العلاقة الرابطة بين هذه القتيلة وقاتل نفسه؟
حتى لو رفضنا أنه زميلها أو استاذها أو من السيكورتي فعلى فليس معنى هذا أن هناك العلاقة بين الطرفين دائما تمدد وتصبح علاقة حب وعلاقة زوجية بالغصب أو بالمسائل المرضية التي قام بها المنتحر؟

لماذا هذا الجماعة دائماً احداثها كدا،،، حصلت قصة قرأتها هنا في الراكوبة بين موظفة مسجلة في الكلية وطلاب آخر اتضح من العلاقة أن هذه الموظفة تتعامل بانسانية راقية مبتسمة وتخدم كل أنسان وتتونس مع كل انسان فصاحبنا ظن على حسب تفكيره وعواطفه المكبوتة أن هذا حب من طرف الموظفة فكان أن طلبها أو أو أباح لها بحبه فرضت هذه الفكرة من الاساس وقالت له أنها تتعامل معه على اساس انه أخ، فلم يعجبه ذلك فصفى حساباته بيده بطريقة وضيعة وقذرة.
بعدين غير كدا الواحدة تحاول ترتبط بشخص يقاربها فهما وفكرا ورغبات وطموح وشخص بيكون مقتنع بان مسائل الزواج دي مسطرة من عند الله وتحكمها عادات ومورووثات وخيارات اهل

جامعات كتيرة وكلام فراغ لا تهش ولا تنش... بنت من اقصى السودان تهاجر لكل تدرس في اقصى السودان؟ كلام غريب وعجيب.
بعدين المنتحر لو ما ميت كان الواحد قال ليهو كلمتين الزواج ما بالرجالة ولا بالعافية؟
وحتى لو فرضنا أننا عملنا بمبدا حديث الرسول صلى الله عليه بمعناه(من جاءكم من ترضون دينه وخلقه فزوجوه) فانت خلقك ودينك وين في الحتة لو كان اصلا موجودين لما فكرت في قتل نفس وقتلت نفسك. لذلك فالبنت عندها حق لو رفضت ترتبطك بكل وانت بهذه القذارة.
بعدين زيي القتيل دي العينة اللي بتلاقاها حارسة قناة ذا افلام معجب بالبطل الذي دائما ما يفوز بمحبوبتته.
فاراد أن يعيش الدور بكل تفاصيله من فوارق واجتماعيات وافكار وغيرها.. لذلك شعر أنه البطل والقتيلة هي المحبوبة التي تشاركه الدور؟
الكلام درس لكل بنت تحاول تنقي في علاقاتها الاجتماعية ليس العلاقات الاجتماعية بالكم ولا كان بالكيف؟؟

[أراد هذا المنتحر أن يجسد حكاية فيلم هندي]

ردود على أراد هذا المنتحر أن يجسد حكاية فيلم هندي
United States [أراد هذا المنتحر أن يجسد حكاية فيلم هندي] 04-04-2014 07:06 PM
شكرا الاخوان [قصة حقيقة] وسوداني اصيل ووليد على المرور ياحاج وليد ماهي قصة واضحة وباينة زيي الشمس ما اظن دايرة ليها درس عصر

الاخ قصية حقيقية لقد استمتعت بقصتك الحقيقة وقرأتها وقد المتني واثرتني كثيرا،، الله يستر على اختنا ويحفظها ويعوضها خير منه.. المفروض لا نعارض رغبة الاهل مهما كانت الظروف،،
شكرا الاخ سوداني اصيل على مرورك وعلى تعليقك

[waleed] 04-03-2014 11:15 PM
انت تتحدث وكانك ملم بتفاصيل الموضوع ومن زاوية محددة كانك متاكد مما تقول .... هل انت فعلا متاكد؟
نسال الله الرحمة للمتوفية ولا ادري والموضوع يجب الا يناقش قبل التحقيقات ومعرفة الدوافع

United States [سوداني اصيل] 04-03-2014 10:11 PM
كلام والله يا ود دكام كلامك في الصميم الله يديك العافية
صاح في ناس ما بتعرف الهظار واللاطفة يعتبر أي ضحكة أي ونسة اي حاجة زايدة عن اللزوم حب عشان كدا بخش تقيل جدا يعني في خلط وعدم فهم للعلاقة الاجتماعية
شخص يصفي اموره بالطريقة دي دا دليل على أنه مريض

United States [دي قصة حقيقية حصلت وانا بعرف بطلتها] 04-03-2014 09:53 PM
فعلا يا حبة كلام في المليان وفي محلو وزيي ما قلت العلاقات الاجتماعية ما بالكم ولكنها بالكيف
احكي ليك قصة ليس قصة بل واقعة حقيقة اعرفها ابطالها اعرف البنت معرفة شخصية جيران في الحي
اعرف بنت تزوجت من أحدهم بنفس الطريقة بتاعت الحب ووقفت الف احمر امام أهلها وهي بنت اسرة معروفة جدا بياض وجمال بنت تشتهي فيها النظارات تزوجت وكل اهلها رفضوه إلا هي لانها كانت تحبه لا أدري أن كان بوعيها أو بدون

المهم في القصة أن انجب منها بنت ولكنه مرمطط بها الارض شخص متعقد من ضلو انطوائي معقد معقد لابعد درجة،، المهم البنت دي من العذاب والغلب والاحتقار اللي شافته منه طلبت الطلاق روحها اتسلت عن عشان تطلق منها
الغريب ان حياتها معه صارت ججيم كان لا يثق في أي رجل تتحدث معه، مانعه أن تحادث أي راجل هل تتوقع أن يكون انسان سوي؟؟!! البنت من الهموم صارت زيي المترار وفقدت هيبتها وصحتها وجمالها.
شخص نحرها واماتها وهي حية.. قابلتها ذات مرة وقالت رغم وعي ورغم كبر سني لكن طلعت بنتيجة واحدة أن ما يقوله الاهل دائما على حق فهم يرون بقلوبهم ونحن نرى بعيوننا فقالت لي لقد طأطات راس اهلي وفي النهاية هم الناس الوحيدين الذين لقيتهم وقفوا معاي.. وهي الان في طور المعافاة نزلت لعملها واصبحت صاحبة مسئولية وام لطفلة منه
فهذا لم يقتلها بكلاشنكوف وأنما قتل عواطفها وقتل انسانيتها وقتل كل حاجة حلوه فيها** انسان تحدت كل اهلها ولكنه لم يقدر الندل هو ليس ندل بل مريض مريض ومريض ومعقد وما مصدق أنها ترتبط به إلا إذا لم يكن بها سبب دي اللي كان بسبب قلق ومرض وقرف. شفتوا النتيجة المتهورة نهايتها بتكون كيف


#962423 [AburishA]
5.00/5 (2 صوت)

04-03-2014 07:57 PM
** ولو انه حادث فردي..الا انه مؤسف للغاية....

** في الجامعة مافي أمان...في المسجد مافي أمان...في البيت مافي أمان.. في الشارع مافي أمان.
** لاحول ولا قوة الا بالله...اللهم أرحم موتانا وموتي المسلمين...
** ونعوذ بالله من شرور أنفسنا وسيئات أعمالنا..
** أللهم نعوذ بك من كآبة المنظر.. وسؤ المنقلب.. با أرحم الراحمين..
** اللهم أحفظنا جميعا..يالله..يالله...يالله.

[AburishA]

ردود على AburishA
European Union [عصمتووف] 04-03-2014 09:27 PM
اوافقك لكن من الافضل الواحد يعيش مع ووسط الحيونات المفترسة ولا البني ادم السوداني الوحش من اين اتت قوة القلب وتحجر وغلظة الكبد لقتل انسان من اين استمدوا تلك الادبيات دفاع شعبي زي مدرسي غسيل مخ يتم في اماكن مجهوله هل تصدق انا شخصيا لا اشاهد ذبح دجاجة دعك من خروف كل شئ ولا القتل والاغرب قتل الاطفال والنساء الضعيفات قبل ايام احتفل العالم بعيد الام وممكن تكون هذه المرحومة اما يوم ما هل هي الضحية لهذا العيد بعد ما مر مرور ايامنا الاعتيادية والله بعد الحادث المؤسف ولا اريد ان ادخل واوجهة اتهامات لهم وهم بين يدي اللع عراف الاسرار الواحد بعد كده يصادق ويسكن جوار اشرس اسد ولا ضبع ولا تمساح اخير من الغدارين متقلبي المزاج الحمقي مثل هذه الحواديث كنا نسمعها في بلاد بره وما كنت متوقع ان تحدث هنا واللوم علي النظام الذي فشي ثقافة القتل القتل القتل والرجالة بدلا عن المسامحة ماذا تنتظر من افراد وحكومة ترضع تلك الثقافة المرفوضة دينيا واجتماعيا الله لا كسبك ي البشير ويخرب بيتك الاول والثاني والسري الاخر


#962419 [ساب البلد]
0.00/5 (0 صوت)

04-03-2014 07:52 PM
********* حسبنا الله و نعم الوكيل ****** الرحمة و المغفرة للمغدورة ******* الصبر و السلوان لذويها ******* اللهم ارحم اهل السودان و ارفع عنهم بلاء الكيزان ********

[ساب البلد]

#962365 [قرد الطلح]
5.00/5 (2 صوت)

04-03-2014 06:41 PM
السودان تفككت فية الاسر بشكل كامل واتت الازمة الاقتصادية الطاحنة اكملت الباقى اصبحت العلاقات تربط بالمادة فقط حتى مسالة الزواج تم اقحامها فى دائرة المادة والكارثة الكبرة فسوة التعليم العالى اى ف س و ة اخرت ريح منتنة بدل ان تخرج كوادر ملتزمة اخلاقيا وهذا الحادث يشبة حادث طالبة جامعة النيلين العام الماضى يا بنات حواء ابعدو من التلاعب بالمشاعر وابعدو عن الاستغلال المادى عبر المشاعر الانسانية

[قرد الطلح]

#962359 [ابو طارق]
0.00/5 (0 صوت)

04-03-2014 06:36 PM
اللهم استرنا فوق الارض وتحت الارض ويوم العرض لا حول ولا قوة الله بالله انا لله واليه راجعون لا تعليق على الموتى اسال الله الرحمة لموتانا ومتى المسلمين

[ابو طارق]

#962346 [ابو صادق]
5.00/5 (1 صوت)

04-03-2014 06:23 PM
القاتل هو من جعل حمل السلاح بهذه الصورة

القاتل هو القاتل الاكبر

إنا لله وإنا إليه راجعون .. ولا حولة ولا قوة إلا بالله

[ابو صادق]

#962335 [ابوزهرة]
5.00/5 (1 صوت)

04-03-2014 06:11 PM
لاحول ولا قوة الا بالله
اللهم ارحهمم برحمتك اللتى وسعت كل شئ
اللهم الطف بنا يا ارحم الراحمين
يا ناس ادارة الراكوبه رجاء اسحبو الصور
فاللموت حرمة واكرام الميت دفنو
ولا حول ولا قوة الا بالله

[ابوزهرة]

#962322 [Quickly]
0.00/5 (0 صوت)

04-03-2014 05:56 PM
استفاد شنو يعني ؟!
ياكدا يان نموت سوا؟؟؟ مافي حل تاني او وسط ؟؟؟
خربانة من كبارها,,,,, نفس الاسلوب وقوة الرأس
صورة مصغرة عن مشاكل السودان
الله يرحمهم

[Quickly]

#962306 [زول الله]
5.00/5 (2 صوت)

04-03-2014 05:34 PM
لهما الرحمة و المغفرة فكلاهما بين يدي رب رحيم.. ما كان في داعي لنشر الصور بهذه الطريقة.. البنت برضو بنت ناس وعندها اهل.. و ما تنسو للميت حرمتو..ربنا يستر علي بناتنا كلهم.. انا لله وانا اليه راجعون

[زول الله]

#962295 [سودانى ساكت]
4.91/5 (7 صوت)

04-03-2014 05:14 PM
عشت معها علاقة حب ثلاث سنوات ..عندما تقدم لها عريس من اهل التمكين..وافقت .. لم اصدق هاتفتها ردت معليش فهمتنى غلط كنت معتبراك اخو..الغريبة ضحكت وقلت لها ربنا يوفقك..هسى عرسوا فيها ثلاثة..قابلتها قبل عام مع اولادى وزوحتى تعرفها تماما لاننى حكيت لها القصة.. قالت لزوحتى انت محظوظة. فردت الحمدلله كشفنا فاضى..وكادة نساء

[سودانى ساكت]

ردود على سودانى ساكت
European Union [ابو الدقيق] 04-04-2014 12:51 AM
هسى عرسوا فيها ثلاثة... عليك الله ...وضح !! يعني اتزوجت واتطلقت ثلاثة مرات ؟؟
اكان كــــــــــــــــدة ...الله بريدك ..
معليش انا طلعت من الموضوع الاساسي ...ونسيت اترحم علي ارواح المغدورة ... والقاتل
بس حكايتك استحضرت ...حكاية مشابهه بالكربون ..بطلها احد معارفي ..
ارتبط بواحدة ...في علاقة جادة فترة من الزمن ! واتخلت عنه في اللحظات الاخيرة ..من اجل عيون عيون واحد من اهل التمكين .
اخونا واصل حياتوا ...واتزوج واحدة بت اصول ذات دين ,,وعائش في سعادة "ربنا يحفظهم"
وما تسأل ماذا صـــــار " للعوبة البياعة"....
اتزوجت واطلقت ... وصارت مشهورة ب**** " غايتوا ربنا يديها"


#962288 [المحترم]
5.00/5 (1 صوت)

04-03-2014 05:02 PM
لا حول ولا قوة الا بالله اللهم استر يالله

[المحترم]

#962286 [Amin]
5.00/5 (1 صوت)

04-03-2014 04:58 PM
ده ما حب .. دي شهوانية مريضة
وهو إنسان غير سوي

لهما الرحمة

[Amin]

#962260 [أسمر جميل فتان]
5.00/5 (3 صوت)

04-03-2014 04:16 PM
حقيقة من فواجع ما نسمع الواحد ما عارف يعلق على شنو والا على شنو

واحد ضرب المعتمد كف والثاني ضرب ما عرف مين!!!

والثالث عمر المسدس في وجه!!!

والرابع اتعارك مع مش عارف مين!!!

وفتاة تضرب والدها بعكاز!!!

وواحد يطلق النار على زوجة خاله والثاني يطلق النار على مين ما عارف!!!!

في شنو؟؟؟!!! خلاص يعني الناس ما قادره تستحمل بعض ؟؟؟!!!! طيب ما تقلبوها وتريحونا وترتاحون!!

اللهم لطفك بنا وبعبادك المؤمنين .... آمين استغفر الله العظيم واتوب اليه
وانا لله وانا اليه راجعون ... اللهم تقبلهم قبول حسن واجعل مثواهم الجنة
ودمتم

[أسمر جميل فتان]

#962258 [محمد خضر بشير]
5.00/5 (1 صوت)

04-03-2014 04:15 PM
اللهم أغفر وأرحم المغدورة و عوض شبابها الجنة

[محمد خضر بشير]

#962257 [sky painter]
4.85/5 (6 صوت)

04-03-2014 04:12 PM
حب و قتل هل يجتمعان؟هل من احب شخص بصدق يمكن ان يشهر سلاحه عليه في يوم من الايام؟انا اعتقد ان الحبيب الصادق يتمنى الحياة و السعادة لمحبوبه و لو مع غيره...الشعرالغنائي السوداني مليئ بادب الشواكيش...رائعة الراحل محمد احمدعوض :القسمة ما معروفة,....يقول في جزء منها يدوم سعدك مع غيرى و تملى شبابك العافية...و رائعة زيدان ابراهيم :في الليلة ديك ...و رائعة اخرى:حان الزفاف و انا حالي كيفن بوصفو...يا ريت هواك لي ما انقسم و انا قلبي ريدك نزفو...الحب و القتل لا يجتمعان ابد الا اذا داخل الحب انانية و حب تملك الغير

[sky painter]

#962255 [تينا]
5.00/5 (1 صوت)

04-03-2014 04:10 PM
لا حول ولا قوة الا بالله ... ربنا يرحمها ويعوض شبابها الجنة ... ولماذا نظر اليه شهود العيان وغيره وهو يحمل سلاحا وما دور الحرس الجامعى وسكوتهم جميعا فى وقت النقاش الحاد وهو يحمل هذا السلاح داخل الحرم الجامعى ولم يحركوا ساكنا الى أن قتلها ؟؟؟! وكما قلت أخى (((جيمس بوند))) كانت على علاقة عاطفية معه طيب لماذا رفضت الزواج منه ؟؟؟ ... وملاحظتكم صحيحة اخوانى (((هدهد وركابى))) فعلا لا توجد ءاثار دماء على الجثتين ... شيىء يحير ... لطفك يارب ...

[تينا]

#962254 [abuahmed]
0.00/5 (0 صوت)

04-03-2014 04:09 PM
فوضي يرتدي زيا مدني شكرا يابشير علي الجنجويد الله يرحمك يا وطن يا شعب قال مشروع حضاري البنات والبنين في زحام مع بعضهم البعض قال جامعة قال ثورة التعليم الواطي ارجعوا للدين الحق منعول ابوك جامعة

[abuahmed]

#962248 [jakoma]
0.00/5 (0 صوت)

04-03-2014 04:01 PM
الان نحن نحصد ثمار العنف التي زرعها الشيخ الفاسد واعوانه،والماساة ان صور القتل اصبحت لا تدهش..الي اين نحن ذاهبون:-)

[jakoma]

#962231 [من الحب ما قتل]
5.00/5 (3 صوت)

04-03-2014 03:41 PM
دا كله من الونسة والانفتاح مفروض البنت من الاول ما تديهو فرصة يعرض عليها نفسو ولاتعشمو في الزواج ياجماعة الزول دا انصدم بكون في الاول ادوهو الامل وعاش علي كدا فجاة اهل البنت رفضوهو او ماكانو عارفين علاقتو بالبنت المهم الزول دا شكله مصدوم من شاكوش في نص الراس وبالتالي الشيطان لعب في راسو يعني بالعربي ما اتحمل الشاكوش المفروض الانسان يؤمن بالقسمة ويرضي بما قسمه الله له ويطرد الشيطان بعيد ويعيش باقي حياتو مع اي واحدة من بنات حواء اللي الله كترهن ديل ويقعد يكتب فيها الشعر ومال الشعراء ديل بقو شعراء كيف ماكلو من الشواكيش دي . انا لله وانا اليه راجعون. مصائب اخر زمن غايتو!!!!!!!!!

[من الحب ما قتل]

ردود على من الحب ما قتل
European Union [Awe] 04-03-2014 07:39 PM
المهم...لما ادوني شاكوش ...اضرب ف البنقو و أسكر و اخرش.....المهم...لما ادوني شاكوش ...اضرب ف البنقو و أسكر و اخرش...المهم...لما ادوني شاكوش ...اضرب ف البنقو و أسكر و اخرش...نسينا... و خليت الفارغه...هع هع هع هع هع...


#962226 [أبوجنزير]
4.00/5 (5 صوت)

04-03-2014 03:37 PM
قبل الإنقاذ ومجيء وجه الشوم العميد عمر حسن أحمد البشير كان الشعب السوداني لا يحمل سلاحاً إلا الشرطة والقوات المسلحة وتسبب بنشر السلاح والدفاع الشعبي وتدريب كل شخص على الكلاشينكوف والآن كل السودانيين يحملوا السلاح علني أو سري وكل من قتل منذ عام 1989م ذنبه على البشير وشيطان المؤتمر اللاوطني .

[أبوجنزير]

#962220 [نفس القصة القديمة]
2.50/5 (2 صوت)

04-03-2014 03:26 PM
الصور تحكي نفس المسلسل البايخ (زرقة وعرب )

[نفس القصة القديمة]

#962213 [waiting for godot]
5.00/5 (1 صوت)

04-03-2014 03:13 PM
الكلاشنكوف دا ماحاجة بتتخبى تحت القميص.. كيف يعني استطاع ان يدخل به (الحرم) الجامعي دون ان يوقفه حرس الجامعة!!!!...هل من يملك اجابة؟!

[waiting for godot]

ردود على waiting for godot
United States [محمد علي] 04-03-2014 05:37 PM
مين القليك الجامعه فيها حارس دي كانت مدرسه متوسطه


#962207 [سلطانة]
5.00/5 (1 صوت)

04-03-2014 03:06 PM
ربنا يرحمك ي اختي يسري يا رب اجعل قبرها روضة من رياض الجنةة و اسكنها مع الصديقين و شهداء و يا رب الطف علينا و استرنا و احفظنا يا رب العالمين

[سلطانة]

#962203 [امل]
3.00/5 (3 صوت)

04-03-2014 03:04 PM
يا جماعه الحادث كان امام باب الداخليه يعنى لم يكن الحدث داخل الحرم الجامعى!!!!

[امل]

#962198 [جيمس بوند]
0.00/5 (0 صوت)

04-03-2014 03:02 PM
حسب معلوماتي من مصدر مقرب أن الطالب على علاقة عاطفية بالطالبة..وقد تقدم لذويها طالبآ الزواج منها ورفضوه ..ثم تحدث مع الطالبة ورفضته هي بدورها ..وقد هددها بالقتل قبل يومين من الحادث .
ومن الحب ما قتل ..

[جيمس بوند]

ردود على جيمس بوند
United States [?] 04-03-2014 08:08 PM
طيب وين المشكلة يعني لو رفضوه؟ ولا ود عمك دا داير يعمل فيها فيلم هندي البطل الهناي يتزوج الاميرة


#962185 [ابن كردفان]
0.00/5 (0 صوت)

04-03-2014 02:48 PM
لا حولة ولا قوة الا بالله العظيم ، الى متى يعود اهل البلد الى اخلاقكم القديمة
الله ارحمهما

[ابن كردفان]

#962172 [kamuzu]
5.00/5 (2 صوت)

04-03-2014 02:33 PM
هذا نتاج ما يحصل في دارفور يامتمردي دارفور
كان الله في عوننا جميعا

[kamuzu]

#962159 [osamabasheer]
5.00/5 (1 صوت)

04-03-2014 02:22 PM
الله لايرحم البشير والرقاص ونافع وعلى عثمان والترابى هم سبب البلاء الذى نعانى منه اليوم وسبب توفير السلاح ؟وتوهان وضياع الشباب اللهم لاترفع للمؤتمر الوطنى راية آلا قيام الساعة ؟الشاب والفتاة ضحية الآنقاذ الللا وطنى

[osamabasheer]

#962137 [ابوغفران]
5.00/5 (1 صوت)

04-03-2014 02:04 PM
(تلك صورتها...وهذا انتحار العاشق) . لها الرحمة والمغفرة

[ابوغفران]

#962126 [ابواحمد]
5.00/5 (1 صوت)

04-03-2014 01:52 PM
الله يرحم الطالبة ويغفر لها بلد فوضي واحد يدخل الجامعة ومعاه كلاشينكوف

[ابواحمد]

#962125 [بت قضيم]
5.00/5 (2 صوت)

04-03-2014 01:52 PM
من سيئات الانقاذ منذ حلولها على هذا الوطن نذعت الرحمة من مواطني هذا البلد المكلوم فصرنا نرتكب كل المعاصي دون ضمير يؤنبنا لان ضمائرنا تحجرت فصار الابن يقتل امه او ابيه دون واذع ضمير صار القتل شئ عادي لمن يتتبع اخبار الجريمة في الصحف صار العنف هو ثقافتنا التى نلجا اليها في الحوار انه الغضب الالاهي انها غضبة الله حينما عدمنا شيخ العارفين الاستاذ الشهيد محمود محمد طه انها لعنة الله علينا

[بت قضيم]

#962116 [madibo]
5.00/5 (1 صوت)

04-03-2014 01:39 PM
الجامعات اصبحت اخطر من الغابة. الامية في السودان اصبحت افضل من التعليم الوهمي تبع ثورة التعليم الكيزاني.

[madibo]

#962113 [النوباوى]
0.00/5 (0 صوت)

04-03-2014 01:36 PM
قبل سنه قتل شرطى محبوبته فى شارع على عبداللطيف
لانها رفضت الاقتران به

فما هو الجديدوعادى فى دارفور

[النوباوى]

#962103 [nashaby]
0.00/5 (0 صوت)

04-03-2014 01:26 PM
لا لا لا لا لا لا لا لا تعليق .

[nashaby]

#962102 [ركابي]
5.00/5 (1 صوت)

04-03-2014 01:23 PM
ربنا يرحمها ويعوض شبابها الجنة وانا لله وانا اليه راجعون
دي شنو الفوضي دي الكلاشنكوف بقي في يد الناس زي الموبايل .....الغريب الجثتين مافيهم اي اثار دماء !!!!!!!

[ركابي]

#962097 [ودالمر]
0.00/5 (0 صوت)

04-03-2014 01:20 PM
لا حول ولا قوة الا بالله لهم الرحمة والمغفرة انشاء الله

[ودالمر]

#962090 [مواطنx]
0.00/5 (0 صوت)

04-03-2014 01:16 PM
بدينا مرحلة الأنزلاق للهاوية،"كلاشنكوف جوا جامعة"!!!،اذا قتل الجنجويد للمواطنين وحرق قراهم ودمار الحركات يعتبر تفلت أمني،طيب خلاف حاد ما معروف سببه شنو أيا كان،انتهى بقتل وانتحار داخل حرم جامعي،بسموه شنو في علم الأجتماع السياسي وعلم النفس الجنائي؟!!شكلة كوتشينة!!
وأكيد الموضوع حتمرر عادي وما ححصل اي شي لضمان عدم تكراره!!وأكيد الأعلام السوداني المسيس ما حنقل الحادثة دي لأن مثل هذه الحوادث لا تهمه،يهمه فقط تقديم السفاهات والتضليل، حسبي الله ونعم الوكيل.

الله يرحم المغدورة ويسكنها فسيح جناته ويلهم أهلها بالصبر على هذه الفاجعة.

[مواطنx]

#962083 [الصبار]
0.00/5 (0 صوت)

04-03-2014 01:09 PM
اللهم لا رحم هذا الشاب وادخله نار يخلد فيها حتى قيام الساعة .

ما سبب ان هذه البنت تموت بهذه الطريقة؟

اين ادارة الجامعة وكيف يسمح لاي كلب بدخول السلاح للحرم الجامعي ؟

المسئولة تقع على عاتق ادارة الجامعة؟ ليس هناك حزم يجب منع السلاح بمختلف انواعه عن حرم الجامعات السودانية في جميع انحاء السودان خليكم مسئولين يا ادارة الجامعة لا يسمح بدخول كافة انواع الاسلحة إلا في وجود شرطة فقط

[الصبار]

#962079 [aldufar]
3.00/5 (1 صوت)

04-03-2014 01:07 PM
لماذا اصلا يسمح بدخول السلاح للحرم الجامعي ، ليس هناك ضبط وربط بالجامعة الخطأ خطا ادراة الجامعة هناك خلل واضح ما سبب البنت تموت بهذه الطريقة ؟


والله لا ترحم هذا الشاب الذي اقدم على هذه الجريمة النكراء الدخلية على المجتمع السوداني .

اللهم لا ترحمه اللهم لا ترحمه . اللهم ادخله نارا خالدا مخلدا فيها .

[aldufar]

ردود على aldufar
[المتغرب الأبدي] 04-03-2014 03:24 PM
لماذا تدعو عليه ؟؟
قل الله يرحمه ولن تخسر شيئاً ..
ورحمة الله وسعت كل شيء ..


#962074 [omera]
4.82/5 (5 صوت)

04-03-2014 01:01 PM
من الحب ما قتل

[omera]

#962068 [سوداني وافتخر]
4.00/5 (1 صوت)

04-03-2014 12:59 PM
لاحوله ولاقوه إلا بالله
لا تعليق ؟؟؟؟؟؟؟؟؟؟

[سوداني وافتخر]

#962066 [Benyo]
4.00/5 (2 صوت)

04-03-2014 12:59 PM
انا لله وانااليه راجعون

[Benyo]

#962054 [هدهد]
5.00/5 (5 صوت)

04-03-2014 12:52 PM
الشي تمثيل ولا شنو ، لا توجد نقطة دم واحدة على الأرض وكذلك على المتوفيين

[هدهد]

#962052 [رحولة]
2.50/5 (2 صوت)

04-03-2014 12:50 PM
هذه حادثة مؤسفة جدا( انا لله وانا اليه راجعون)...................
هذهالحاثه هى ليست الاولى ولكن هناك مشكله لابد لنا ان نناقشها بستفاضة وهى الرفض الاسرى بسبب القبيله سوى كان من اهل الفتاة او الشاب وهذه الظاهره فى جميع ولايات السودان والغريب كمان حتى فى العاصمة,فارجوا من الصحافيين والكتاب الى مناقشة هذه الظاهرة.

[رحولة]

ردود على رحولة
United States [مش مهم] 04-03-2014 03:44 PM
الزوج من شروطه القبول والا أخد عرض أكتاف وأتخارج وغطى قدحك، هسع أبوه جابو بغط القدح
شيئ تاني القاتل دا بروح خسر الدنيا والأخر


#962050 [الوطن العزيز]
4.25/5 (5 صوت)

04-03-2014 12:49 PM
هذه ما تحصل الا فى دارفور الله يعينكم ناس دارفور ولهما الرحمة

[الوطن العزيز]

ردود على الوطن العزيز
European Union [1320248aqz] 04-04-2014 12:53 AM
انا لست عنصريا فقط قارنت ان هذا لايحدث فى الشمالية لسيادة قيم التسامح وليس فى ذلك عنصرية ابدا الا فى مخيلت يا متعقد لانها الحقيقة فى دارفور ممكن يموت الانسان لاتفه سبب كم من راكب فى المواصلا مات بالسكين منهم بسبب جنيه باقى بعدين عليك الله ناس دارفور يحملون السكين فى اى ماكن لتعمق روح الشر عالجو الموضوع دارفور بلد القران يجب ان يسود فيها التسامح وقيمة الحياة

European Union [ابن الهامش] 04-03-2014 07:59 PM
يا الوطن العزيز جذوره تكتب هكذا و ليست جزوزو الثانية من جزارة اما باقي كلامك ما فهمته . هي ثقافة تقوم ان لا قيمة للحياة و استحيل ان هذا يحدث في الشمالية . بعد عنصريتك دي كلها انت امي جاهل بتكتب كلام ركيك ما بتفهم انت امنجي كلب عايز تثير الفتة علي الاقل احترم الخبر و راعي لحرمة الميت بلا يخمك انت و محمد عطا

[الوطن العزيز] 04-03-2014 06:43 PM
بتاع جامعة النيليين اكيد جزوزرو من دارفور يا اخ شوف الناس البتموت بالسكيين فى الخرطوم كل يوم كل القتله من \دارفور ما فى داعى لدفن الرؤس هى ثقافة تقوم ان لا قيمة للحياة واستحيل هذا يحدث فى الشمالية ابدا والف ابدا

United States [محمد علي] 04-03-2014 03:37 PM
ده حاصل في كل السودان، بس انت غافل

[المتغرب الأبدي] 04-03-2014 03:22 PM
الظاهر ذاكرتك خربة ..

أقدم شاب على إطلاق الرصاص من سلاح ناري علي طالبة بجامعة النيلين - كلية الحاسوب ، وأفاد شهود عيان بان المتهم اطلق رصاصتين على الطالبة وكان ذلك امام كلية الحاسوب بجامعة النيلين، ثم حاول الانتحار أيضاً بإطلاق رصاصة على نفسه إلا أنه لم يمت ..
وفي وقت لاحق توفيت الفتاة بينما لازل الشاب يتلقي العلاج وهو في حالة خطرة بالمستشفي ..


#962049 [الديمقراطي]
4.50/5 (2 صوت)

04-03-2014 12:47 PM
ومن العشق ما قتل كما يبدو...............

[الديمقراطي]

#962043 [ودالطيب الهادي]
0.00/5 (0 صوت)

04-03-2014 12:44 PM
اللهم ارحمهما واغفرلهم

[ودالطيب الهادي]

#962038 [محمد عبد الرحمن محمد]
3.00/5 (3 صوت)

04-03-2014 12:41 PM
قال ايه الترابي رجل المرحلة والله عجيبه والله ماعرفنا القتل الا في عهد الاسلامويين الله يقلب هذه الصفحة بأي طريقه علشان نرتاح

[محمد عبد الرحمن محمد]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة