الأخبار
منوعات سودانية
غسال عربات: "الشغل ما بغطّي.. لكن كدا كدا بنجازف"
غسال عربات: "الشغل ما بغطّي.. لكن كدا كدا بنجازف"
غسال عربات:


04-04-2014 12:33 AM

بحري- رباب محمود

يطلق عليه شيخ الغسالين.. كان يعمل بالقوات النظامية بعد تركه العمل بها، قادته الظروف منذ العام 2000 للعمل بغسيل العربات بمنطقة الأملاك بالخرطوم بحري أمام الهيئة القضائية.. (اليوم التالي) انتهزت سانحة الجلوس إلى العم عبد الحميد دريه، المنحدر من منطقة جبال النوبة، وتحديدا من مدينة الدلنج، ودردشت معه في هذه المساحة.. سألناه أولاً: هل أنت مبسوط بهذا العمل؟ فقال: (الحمد لله)، ووصف العمل بأنه جيد وما في بديل، و(بنشتغل عشان ناكل عيش).. دعونا من نثار المفردات، وإلى مجمل الحوار:

* غسيل العربية كان بي كم لمّن بديت الشغل..؟

- كنت بغسل العربيّة بي ألف جنيه بالقديم.

* وهسه..؟

- هسه بغسل العربية ما بين (10) لي (15) جنيه.. في ناس بيقولو ما عندنا وبيدوني من (5) لي (7) جنيه، وتانيين ما بزيدو من الـ(10) جنيه، لكن كمان في البيدينا (20) جنيه، ومرات (30)، لكن ديل بسيطين.

* زباينك منو..؟

- زبايني فيهم القاضي والمحامي والسمسار والموظف وغيرهم.

* وزباينك ديل معاهم ليك كم سنة تقريبا..؟

- يعني عندي زبائن ثابتين من 2004م.

* طيب من 2004 دي؛ ماركات العربات الاتغير منها شنو؟.. يعني الفرق بين عربات زمان وهسه شنو..؟

- زمان كل العربات كانت صغيرة، وشكلها واحد، وغسيلها أسهل.. كانت (البيجو، الهيلمن).. هسه العربات كبيرة؛ (البرادو، لاندكروزر، النيسان، التوسان) وديل غسيلهم صعب.

* وأصحاب العربات بيستأمنوك على الجواها..؟

- كل زبائني بيثقوا فيني وبيدوني المفتاح، والعندو أي شيء مهم جوه العربية بوصيني عليها ويقول لي: (خلّي بالك منها) وقد تصل المبالغ إلى (60) ألف جنيه، وبعض الأحيان بكون داخل العربية جهاز لاب توب، وحاجات زي دي.

* هل حصل إنو واحد من الزباين لامك في نضافتك لي عربيتو..؟

- كل زبايني بيثقوا في غسيلي، وما حصل زول فيهم قال لي غسيلك ما نضيف.

* بتغسل كم عربية في اليوم..؟

- بغسل من عربيتين لي سبعه عربات.

* والشغل مغطّي..؟

- ما بيغطي طبعا؛ مصاريف البيت، والأولاد في المدارس، والجامعات، لكن "بنجازف كدا كدا".


اليوم التالي


تعليقات 5 | إهداء 0 | زيارات 1905

التعليقات
#963012 [عصمتووف]
0.00/5 (0 صوت)

04-04-2014 04:05 PM
الامانة والصدق راس المال لكل من اراد ان يمتهن مهنة كالراعي السوداني ا تاه الله من فضلة من العيب علي الانسان الاستعجال لسرقة رزقة حالة الراعي كان يكتفي بال200 ريال لكنه بفضل الله اولوف الريالات غالبية غسالي السيارات لصوص فانا دائما اختار الاكبر سنا برغم من عجزة وعدم تنظيف بعض الاماكن افضل من ان تفقد شئ حتي لو شريط غنائي

[عصمتووف]

#962785 [الرمدان كر]
0.00/5 (0 صوت)

04-04-2014 11:27 AM
انت يا شيخ الغسالين احسن كثير من زبائنك


لانهم اغلبهم كيزان و سارقين قوت الشعب


و ربنا ينتغم منهم

[الرمدان كر]

#962708 [جاوس]
0.00/5 (0 صوت)

04-04-2014 09:27 AM
ارفع لك القبعه يا شيخ الغساليين لو جيت هاليفكس هنا بتغطي معاك لاني مرات بشتغل غسيل عربات بخمسين باوند في اليوم يعني خاشه علي قريب سبعمائه جنيه سوداني عموما احييك مره اخري وربنا يوسع رزقك ان شاء الله.

[جاوس]

#962700 [عادل]
0.00/5 (0 صوت)

04-04-2014 09:20 AM
ربنا يعينك ياحاج ويرزقك من واسع ابوابه

اميييييييييييييييييييييييييييييييييييييييييييييييييييييييييين

[عادل]

#962687 [ود النقرة]
0.00/5 (0 صوت)

04-04-2014 08:57 AM
هذا احد ضحايا المشروع الحضاري ،،،،

[ود النقرة]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة