الأخبار
أخبار إقليمية
الكساد يحوِّل حقول البصل إلى مراعٍ - شاهد صورة نادرة -
الكساد يحوِّل حقول البصل إلى مراعٍ - شاهد صورة نادرة -
الكساد يحوِّل حقول البصل إلى مراعٍ   - شاهد صورة نادرة -


04-03-2014 06:31 PM
حمل اتحاد المزارعين بولاية نهر النيل، الدولة نتيجة الإعسار الذي يتعرَّض له المزارعون بالولاية بسبب فشلهم في تسويق إنتاجهم من محصول البصل هذا الموسم، بعد أن هبطت أسعاره إلى أدنى المستويات.

وأرجع الاتحاد ما لحق بمنتجي البصل من خسائر فادحة لغياب دور الدولة في توفير القدر الكافي من الحماية للمنتجين وانعدام مواعين التخزين وآليات التصنيع التحويلي وفشلها في إيجاد منافذ للتسويق الخارجي عبر الصادر.

وأكد المزارعون بالولاية لقناة الشروق، تكبدهم لخسائر فادحة بسبب تدني محصول البصل هذا الموسم، مؤكدين أنهم تركوا عشرات الأفدنة مرتعاً للمواشي بعد أن انتفت جدواها الاقتصادية.

وكشف المزارعون أن تدني الأسعار لأقل من تكاليف الإنتاج أدخلهم في دائرة الإعسار المبكر بعد ازدياد معدلات الإنتاج فوق حاجة السوق المحلي.

وطالبوا بتوفير الحماية اللازمة لهم كمنتجين ومعرفة مستقبل محصول البصل في التركيبة المحصولية للموسم الشتوي القادم.

شبكة الشروق


تعليقات 23 | إهداء 0 | زيارات 7449

التعليقات
#1165812 [عبدالله اسماعيل]
0.00/5 (0 صوت)

12-08-2014 08:29 PM
بلد من غير دراسة تخطيط تتوقعوا حاجة غير ذلك نهر النيل غير انتاج البصل مثلا عندك الثوم بنستورد من الصين

[عبدالله اسماعيل]

#963032 [فركتو]
3.00/5 (1 صوت)

04-04-2014 04:24 PM
الناس في شنو والحسانية في شنو

[فركتو]

#962905 [ود الضهيبان]
1.00/5 (1 صوت)

04-04-2014 02:00 PM
غايتو على حسب فهمي القدر مخي .....دي سابقة تحسب لينا على المستوى العالمي....

تعني ما راح تكون محتاج تشتري بصل ....وتقطعه.....وتخسر زيت تحمره...

يعني اللحم السوداني دا حيكون ( بصله منه وفيه)....

شوفوا الموضوع من النواحي الايجابية....

كلامي صاح ؟..........ولا أنا ما غلطان؟؟

ود الضهيبان .......فلتة الزمان...

[ود الضهيبان]

#962818 [ابو عمر]
0.00/5 (0 صوت)

04-04-2014 12:22 PM
يفيض النيل نحيض نحن

[ابو عمر]

#962740 [ابو شربيك]
5.00/5 (2 صوت)

04-04-2014 10:29 AM
البلد ده داير زول صاحب بصيره وعارف مصالح
الشعب مش يحكمنا عسكرى عقلو فى بوتو
والسياسيين يمرمطوه زى ما عايزين
من المعروف اكبر سوق للشمال جنوب السودان
الصندل الواحد فى الباخرة النيليه يشيل
2600جوال بصل قفلو الحدود مع الجنوب
وعطلو مصالح التجار بحجة الثوابت
لذلك يا ناس (المؤامرة الوطني )أطلقو
صراح السودان سوف يعيش فى أمن
وأمان ياخى !!!

[ابو شربيك]

#962669 [عثمان خلف الله]
0.00/5 (0 صوت)

04-04-2014 08:10 AM
الحكومه تمول
الحكومه تجيب السماد
الحكومه تسوق
هى دى حكومه ولا داده
وين القطاع الخاص
وين افكارنا نحنا
طول عمرنا ما حانتقدم اذا ده تفكيرنا

[عثمان خلف الله]

ردود على عثمان خلف الله
European Union [adil] 04-04-2014 04:44 PM
بس يا ابوعفان فى مشكله .....كلامك صاح وين احنا ؟؟ الاجابه احنا حاضرين وافكارنا مالها حدود بس وين لى الجبايات والرشوات والساده الموظفين اصحاب النظارات مره لى فوق ومره لى تحت ده ختمه وينو وده توقيعوا وين وداك وده وين وووووووووالخ ... يعنى مهما عملنا مالم نكون مسنودين بطاقه فكريه شفافه لن ينجح الامر وحانكون زى تور الساقيه .. تعرف تور الساقيه لك التحيه

European Union [ابو عمر] 04-04-2014 12:03 PM
لا و ألف لا لمثل هذا الحديث المنحاز المغالط ، لدى الحكومة الكثير إذا كانت حكومة مسؤولة همها مصلحة البلد و المواطن وأبسط شئ فتح التصدير و ترتيب هذا الأمر ، هل المزارع يستطيع أن يفعل هذا بدون إذن الحكومة؟؟؟؟

European Union [سوداني متابع] 04-04-2014 11:40 AM
خلي حكومتك تفكنا من كماشة ناس التمكين و نحن بالقطاع الخاص ح نأكل حكومتك , سيب التنظير ساكت كدي بالله سوق عربيتك الخاصة مش لوري بضائع و أمشي زور بس مدني شوف مشي ساكت في الشارع بدفعوك و يبهدلوك كيف !! تقول لي استثمار قطاع خاص


#962591 [المنجلك]
5.00/5 (1 صوت)

04-04-2014 01:40 AM
الله يعين هولاء المزارعين فى حصاد الهشيم طبعاً تكلفة تصنيع البصل وتجفيفه ليست ذات جدوى اقتصادية طيب مافى زول بيقدر يعرف يعمل منو بمبان صنعوا منو بمبان وبيعو للحكومة اصلو بيجيها مستورد من برة غالباً الصين على الاقل تحصلوا حاجة فى القروش القطرية.

[المنجلك]

#962585 [مسطول]
5.00/5 (1 صوت)

04-04-2014 01:16 AM
تكون دي الوثبه بدت تظهر ؟؟؟؟؟؟؟؟؟؟؟؟

[مسطول]

#962578 [bamt]
4.47/5 (6 صوت)

04-04-2014 01:07 AM
يا اخوان معلوم لدي المزارعين ان السوق الرئيسة في السنين الفائته للبصل كانت الجنوب ودارفور---الجنوب راح ودارفور علي مدي عامين هجرت الحكومه اكثر من 2 مليون وافقرتهم فاصبحوا نازحين---اتكلم عن واقع--فرغم الحرب كنت استغرب من كمية الشاحنات المحمله بالبصل ومتجهة الي دارفورامام منزلي---الوتيرة خفت هذه اﻻيام وتعلمون ما فعلته قوات الدعم السريع ---خلال شهر ونصف دمرت حوالي 60 قريه وهجرت اكثر من مليون اصبحوا نازحين---فيا مزارعي البصل وبقية اهل السودان(مثل المسلم للمسلم كالجسد الواحد اذا اشتكي منه عضو تداعي له سائر الجسد بالسهر والحمي) فهل سهرنا واصابتنا الحمي مما يحدث في دارفور-كردفان-النيل الازرق وقبلهم الجنوب؟----أسألوا مزارعي وتجار البلح والذين لدغهم هذا الثعبان من قبل.
سلمولي علي الطيب خال الرئيس.

[bamt]

ردود على bamt
European Union [سوداني متابع] 04-04-2014 11:46 AM
انت شخص فاهم صاح , ده الكلام اللي بقوله , انو نحن لازم نعرف موقعنا الجغرافي و علاقته بالانتاج و التجارة , يعني ما نفكلر في الاسواق الوربية و الامريكية قبل ما نفكر في السوق الافريقية , مثلاص تشاد بتجيب البصل من وين ؟ و يوغندا و كثير من دول أفريقيا العايشة مجاعات بسبب جهلنا نحن . كان دارفور نفسها ح تشبع كل أفريقيا من منتجاتها , لكن ناس مخها مقلوب بتفكر في الاستثمار في اليابان !! و تنسي الخير جار السودان

United States [عنيد] 04-04-2014 05:34 AM
انت زول رائع ربنا يزيدك علم


#962556 [تينا]
5.00/5 (1 صوت)

04-04-2014 12:26 AM
الله كريم عليكم يا أهل نهر النيل بسبب الحكومة أموركم تعبانة والناس فاكرنكم مرطبين مع الحكومة وبقت عليكم ميتة وخراب ديار ... ورغم ذلك لم تتكاسلوا واجتهدتوا فى الزراعة وبار لكم البلح والآن البصل ... لكن ربنا كريم لن يضيعكم ان شاءالله ... اللهم سوق تجارتهم ولا تجعلها تجارة بائرة يارب .

[تينا]

#962542 [واحد كدة]
0.00/5 (0 صوت)

04-03-2014 11:42 PM
حكومة خريانة اسي ما بتشوف الأسواق الهبطرش البرة دي

[واحد كدة]

#962525 [waleed]
1.00/5 (1 صوت)

04-03-2014 10:58 PM
بيع البصل بما حصل

[waleed]

#962524 [نص صديري]
5.00/5 (1 صوت)

04-03-2014 10:57 PM
سمعتوا في حياتكم خرفان اكلت بصل!! هذا الخبر اتت به الشروق المشبوهة وطبعا لان محرري اخبارها مافي واحد شال طورية في حياتو فرحانيين بخبر يبين هبلهم
البصل عمره ما بيبور كانت له مصانع لتجفيفه وتصديره حتى السبعينات
مثل هذه الاخبار المدسوسة التي غايتها الحقيقية محاصرة المزارعين عشان يقنعوا من اراضيهم لتبيعها عصابة الشحاد للعرب الاثريا في الخليج
فعلا محن سودانية

[نص صديري]

ردود على نص صديري
European Union [نص صديري] 04-04-2014 11:52 PM
في الصميم
فعلا خرفان اخر زمن!!كدي عاين الصورة دي شايف ليك خروف جنب كوم البصل!!!
تقول لي الحوجة الداخلية؟؟ البلد وكت عدد سكانها اقل من الان كانت بها مشاريع ومصانع بصل بمشي وين في رأيك وقتها؟ والحوجة مفروض تقل ولاتزيد بعد توقف المصانع وتحويل المشاريع لزراعة علف الخليج؟
كدي اسأل نفسك سعر جوال البصل ما انهار في السوق نتيجة لي ده ليه؟
شن عرفكم بالزراعة

European Union [فى الصميم] 04-04-2014 12:34 PM
قول بسم الله يا نص تصديرى ، إنت واقع من وين ، أيوة فى خرفان و غنم وبقر بتأكل بصل و يا حلاته الظاهر عليك زول مدن ساااااااكت و بعدين مين القال ليك دى أخبار مدسوسة دة شى حصل على أرض الواقع و بيحصل عااادى فى السودان وغير السودان إذا كان الانتاج أكتر من الحوجة الداخلية و ما فى تصدير ، يا جماعة الواحد يا يعلق بما يفيد أو يسكت بدل الخرافات دى


#962472 [فركتو]
0.00/5 (0 صوت)

04-03-2014 09:43 PM
تدنى الاسعار دى شى كويس جدا

[فركتو]

#962449 [مالك الحزين جدا جدا]
5.00/5 (2 صوت)

04-03-2014 08:46 PM
البصل في السعوديه بيجى من الهند ,, الكيلو ب3 ريال , ومش زى بتاعنا الكبيرده ,, يعنى لو كان الحكومه ساعدت المواطن في التصدير لو كان الكيلو بريال واحد برضو بيكونوا كسبانين

[مالك الحزين جدا جدا]

#962420 [بصل ود الشنبلي...]
0.00/5 (0 صوت)

04-03-2014 07:52 PM
دي على وزن....

قرع ود العباس....

[بصل ود الشنبلي...]

#962415 [مجروس ق ش م]
4.88/5 (8 صوت)

04-03-2014 07:45 PM
بلد عجيبة خرفان تأكل بصل ومواطن ما ﻻقي ياكل برسيم كل حاجه مقلوبه

[مجروس ق ش م]

ردود على مجروس ق ش م
European Union [سودان وضااااااااع] 04-04-2014 08:47 PM
هههههههههههههههههههه علي الطلااااااااااااق ما قلت الا الحقيقة


#962412 [ودالناموسيه الغرباوى]
5.00/5 (1 صوت)

04-03-2014 07:42 PM
كد كويس جدا ويعد رخاء للمعيشة من الخالق لان جوال البصل يوم من الايام وصل 1200 ج طبعا صعبة جدا للمواطن
طبعا جوال البصل سعره اكثر من الراتب الشهرى (( ولالالالالالالالالالالالالالالالالالا تعليق ))

[ودالناموسيه الغرباوى]

#962410 [مالك الحزين جدا جدا]
5.00/5 (1 صوت)

04-03-2014 07:38 PM
وبرضو يقولوا السودانيين كسلانيين مابيزرعوا رغم الاراضى الشاسعه,, إذا هذا هو الحال ,,؟؟

[مالك الحزين جدا جدا]

#962400 [مسكين]
0.00/5 (0 صوت)

04-03-2014 07:23 PM
..
معقول البصل ده ما معفن؟ عقبال أنحن كمان (كشعب) يفرشو لينا التفاح ذي ده ونرقد نعاين ليهو

[مسكين]

#962395 [واحد جبان]
0.00/5 (0 صوت)

04-03-2014 07:16 PM
دى نتيجة طبيعية للفوضى , زمان كان فى قاعدة للمعلومات مشت وين ؟ شنو المفروض ينزرع وكم , البلد لما اتخصخصت كان الغرض تتباع لناس لهم القدرة على تشفيل المشاريع التى خصخصت مرة اخرى لانو الحكومة عجزت عن ذلك لكن للاسف اتباعت المشاريع لمجاهدين لباسهم كان مقدود بغرض التمكين زى ما انتو عارفين وورا الموضوع دا كان الترابى ولهذا يا حبايبى الحلوين انقدت البلد, معليش كلو يتعوض فى الجنة ما تكافو

[واحد جبان]

#962383 [بت قضيم]
0.00/5 (0 صوت)

04-03-2014 07:02 PM
المثل بيقول بيع البصل بما حصل حسنه من الله خير من ارباحكم نادوا المواطن المغلوب عليه لياخذ مايرد والمقابل اجر من الله يا محسنين

[بت قضيم]

#962378 [جعفر]
5.00/5 (1 صوت)

04-03-2014 06:57 PM
في السعودية ، أشوف أسواق العثيم تبيع البصل بأسعار متدنية جدا ( اشتري كيس وخذ كيس آخر مجانا ) وربنا يعوضكم يا أهلي في السودان

[جعفر]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة