الأخبار
أخبار إقليمية
موظف يعترف بسرقته لـ(زيت ولبن) كان يحتاج لهما في منزله
موظف يعترف بسرقته لـ(زيت ولبن) كان يحتاج لهما في منزله



04-04-2014 10:57 AM

عمر المختار: رشيدة أحمد
اعترف موظف شركة وجهت له المحكمة تهمة السرقة بأخذه لزيت ولبن بودرة من مصنع للحديد والصلب بالمنطقة الصناعية الى منزله؛ وقال انه كان في حاجة اليها وليس بهدف السرقة؛ وكان الشاكي قد أبلغ بأنه فقد أربعة جركانة زيت وأكياس من لبن البودرة فأخبر الشرطة التي دونت بلاغاً بالسرقة ووصلت معلومات للشرطة بأن المتهم الأول هو من سرق البضاعة من المصنع فقامت بمتابعته وتوصلت لتوقيفه أثناء بيعه للمسروقات لأحد التجار فألقت القبض عليهما؛ وأخضعتهما للتحقيق بتهمة السرقة واستلام المال المسروق وبعد أن أكملت التحقيقات معهما أحالتهما النيابة للمحكمة والتي وجهت تهمة السرقة للمتهم الأول واستلام المال المسروق للمتهم الثاني

الاهرام اليوم


تعليقات 9 | إهداء 0 | زيارات 2600

التعليقات
#963516 [kamuzu]
0.00/5 (0 صوت)

04-05-2014 10:05 AM
مسكين انت ومسكين يا بلدي
البسرق زيت وحليب حرامي وبن ستين حرامي والبسرق خط هيثرو (شـــــــــــــــــريف)

[kamuzu]

#963241 [تغريد محمد]
5.00/5 (1 صوت)

04-04-2014 09:49 PM
الله يغفرله وقبل الحكم عليه والتهكم يبجب ان تعرفوا حيثيات الموضوع وهل اول الطرق لسد الحوجة كانت السرفة ام انه حاول بالطرق السليمة ورد وقد تكون حوجته اكبر من زيت ولبن والله اعلم نسأل له المغفرة وحسبنا الله ونعم الوكيل في من اوصلوه لهذه الحالة

[تغريد محمد]

#963193 [ود الكوتش]
0.00/5 (0 صوت)

04-04-2014 08:18 PM
الله يرحمك يا بلد ، تصرف الموظف غلط لكن والله راجل انه اعترف ولو ما الحاله الوصلت ليها البلد ما كان مد يده للحرام
الناس مفروض تفكر في انه ليه وصل للحاله البتخليهو يسرق ، كتار البيسرقو لكن ما بقولو احتجنا للقروش او غيره ، في ناس بتسرق من الطمع وفي الحكايه بقت ليهو مرض وهوايه لازم يسرق و غيره وغيره ، وفي الغلبه يتصرف وقام سرق زي الموظف ده، هو ممكن ما محتاج للزيت او اللبن بس محتاج لقروشهم

[ود الكوتش]

#963187 [رانيا]
5.00/5 (2 صوت)

04-04-2014 08:10 PM
لا حول ولا قوة إلا بالله .. الله يرزقك من حيث لا تدري ولا تحتسب إنت وكل محتاج .

[رانيا]

#963077 [بادي أبو شلوخ]
5.00/5 (1 صوت)

04-04-2014 05:08 PM
عندما كنا صبية درجنا عللى استلاف مركب من مشرع أبي روف وعبور نهر النيل إلى الضفة الشرقية ونأكل ما لذ وطاب من جناين شمبات والكدرو على مرأى من أصحاب الجناين والمزارعين وكانوا يقولون لنا كلوا ما شئتم وما طاب لكم ولكن إياكم أن تأخذوا معكم في المركب شيئاً.
إنها أيام الزمن الجميل.
كان ينبغي على ذلك الموظف أخذ ما يسد رمق عياله.

[بادي أبو شلوخ]

#963047 [ابومروه]
0.00/5 (0 صوت)

04-04-2014 04:40 PM
اربعه جركانات كامله شيل واحده اطعم اولادك معاها كيس لبن حلال لك لكن للبيع ده كلام تاني يا اخونا و تحاكم حرامي في دولة اذا سرق الشريف تركوه و اذا سرق الضعيف اقامو عليه الحد . كل يوم نقرا و نسمع بسرقة المليارات و الحكايه في زياده ربك يهون

[ابومروه]

ردود على ابومروه
European Union [سوداني متابع] 04-04-2014 09:45 PM
كيف حلال ؟؟ . قول يبقي معذر في قانون الشريعة لكن تقول حلال ؟؟ . الواحد ما يفتي و لي الناس في مواقع عامة و يشيل ذنوب لا قبل له بها


#962999 [عصمتووف]
0.00/5 (0 صوت)

04-04-2014 03:51 PM
مقبوله منك لو قلت لدي ضائقة مالية والا كان اكتفي بحمل من كل نوع واحد وليس الجمل بما حمل كلها ( جركانة زيت علبة لبن) لكنك مسكين الناس سرقت اغاثات الي ان انتهت صلاحيتها

[عصمتووف]

#962855 [ود الدلنج]
0.00/5 (0 صوت)

04-04-2014 01:02 PM
لو كان الموظف أخذ الزيت واللبن لبطعم أولاده الجياع والله عليس عليه شيء ولكنه سرق كمية أكبر من حاجة أولاده وباعها وقبض ثمنها فهي سرقة ، والأولى حاجة ماسة .

[ود الدلنج]

#962782 [لا]
5.00/5 (7 صوت)

04-04-2014 11:20 AM
طيب السرقات الكشفه المراجع العام ما تابعوها وله تفلحو في ملاحقه جركانه زيت واكياس من لبن البدره
بالمناسبه اين عمنا الفاتح جبره نتمني ان يكون بخير وما عندو عوجه،شوفو لينا خط هثرو بعد اكتشاف الاربعه جركانات

[لا]

ردود على لا
European Union [صلاح محمدى] 04-04-2014 05:50 PM
لقد اسمعت لو ناديت حيا ولكن لا حياة لمن تنادى, نحن فى وطن اذا سرق فيه الشريف(الموظف الكبير او الدستورى) تركوه واذا نزل الخبر فى الجريدة صادروها, واذا سرق فيه (نشال البص, موظف بسيط ,زول ما عندو ظهر)اقاموا عليه الدنيا ولم يقعدوها ونزلوا الخبر فى الجرايد اليومية.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة