الأخبار
منوعات سودانية
إدارة الهلال تدعو لاجتماع طارئ اليوم وتصدر بيانا ضد حكم مباراة الأهلي شندي
إدارة الهلال تدعو لاجتماع طارئ اليوم وتصدر بيانا ضد حكم مباراة الأهلي شندي
إدارة الهلال تدعو لاجتماع طارئ اليوم وتصدر بيانا ضد حكم مباراة الأهلي شندي
الحكم المساعد أثناء إسعافه إلى المستشفى


بعد الاحداث المؤسفة التي شهدتها المباراة
04-05-2014 11:58 PM

دعا الأمين العام لنادي الهلال السوداني اللواء السر أحمد عمر ، أعضاء مجلس ادارة ناديه لاجتماع طارئ اليوم السبت ، وذلك لمناقشة الاحداث المؤسفة التي صاحبت مباراة الفريق امام الاهلي شندي التي خسرها الهلال بهدفين في الدوري السوداني الممتاز مساء أمس باستاد الخرطوم.

وكانت مباراة الهلال وضيفه الاهلي شندي قد شهدت أحداثا مؤسفة عندما تعرض الحكم المساعد الطريفي يوسف لإصابة بالغة في رأسه بحجر من قبل الجماهير على إثرها تم نقله إلى مستشفي الخرطوم الامر الذي دفع حكم المباراة للاستعانة بالحكم الرابع.

وفى ذات السياق ، أصدر مجلس ادارة نادي الهلال بياناً في ساعة متأخرة من مساء أمس استنكر من خلاله اختيار طاقم تحكيم مغمور لا يرقي لإدارة مباراة قمة كمباراة الهلال والأهلي شندي ، وأدان تصرفات وقرارات طاقم التحكيم التي أثرت بصورة مباشرة فى نتيجة المباراة ، وأضاف البيان أن قرارات طاقم التحيكم اتسمت بالأخطاء التحكيمية الظالمة الأمر الذي أثر على معنويات اللاعبين واستفز الجمهور ، "ونحن إذ نرفض مثل هذا الاسلوب في التعامل مع مباريات الهلال ، ونؤكد اننا قادرون على حفظ حقوق الهلال بخيارات مفتوحة ، ونؤكد قناعتنا بأن كرة القدم نصر وهزيمة ولكن فى إطار القوانين وحسن إدارة اللعبة."

كووورة


تعليقات 8 | إهداء 0 | زيارات 5692

التعليقات
#964820 [جعفر النميري]
0.00/5 (0 صوت)

04-06-2014 04:40 PM
نحن المريخان فريقنا سيء جداً لا يستحق أن يُصرف عليه جنيه لأنهم فاشلون وكلمة (عالمي) خلعتهم ومنذ تلك التسمية إلى اليوم لم ينتصر على فريق بل أصبحوا عالة وعِلة ، وأقترح أن يتم صرف اي مبلغ على فريق أهلي شندي لأنه يستحق.

أما أنتم أيها الهلالاب فهذه الأحداث ليست بغريبة عليكم وهي عادتكم إما الفوز أو الرمي بالموز (أقصد بالحجارة)، آخر مبارة دخلناها ولم ندخل بعدها مبارة إلى اليوم هي المبارة الشهيرة بين الهلال وأهلي مدني(مباراة البمبان)....

[جعفر النميري]

#964702 [الزعييم]
0.00/5 (0 صوت)

04-06-2014 02:45 PM
لك الله ايها المسكين لكن هذه عاقبة من لا يقف مع الصفراب الرشاشات الوصيفاب الخمساب الستاب انشاء الله ح ياخذو ليك حقك ناس مازمبي او الترجي اوزعييييم السودان في الوري الممتاز

[الزعييم]

ردود على الزعييم
[ودالناموسيه الغرباوى] 04-06-2014 06:53 PM
كلمة زعيم بالمنطق كدة ملك حر للهلال لانه الممثل الشرعى لكافة السودان وموقعة الان ياغافل دورى الثمانية (8) مش طلع من 8×8= ............................................................
الوصيفاب دباجة حكر لفريق الباير اقصد الفريق بتاع العرضة جنوب
هل بتعرف مامعنى دورى الثمانية ؟ اقوى فرق القارة الافريقية وهم 8 بعدما كانوا 64 فريق يعنى بالحساب 64-8 = 56 من ضمن ال 56 اللطارو فريقك المريخ خليك زول نصيحة حتى لو مع نفسك شوية
مين يستحق الزعامة ؟ طبعا الهلال بلا منازع
شوفوا ليكم دورى محلى ومااظن تعملوا شئ


#964619 [العجب العجيب]
0.00/5 (0 صوت)

04-06-2014 01:35 PM
ياهليلاب لما التحكيم كان عادل قعدتو تجقلبوا وظهرت عدالة السماء وظهرتو على حقيقتكم هليليب ومهلهلين . اوالله حقو تخجلوا من موقفكم دا . طول عمركم التحكيم واقف معاكم ويهديكم الانتصار تلو الانتصار ويديكم بلنتيات وهمية ولا وجود لها ابدا . لما الايه انعكست بينتو على حقيقتكم , وكلامي لابو احمد البشير والله انت اعقل هلالابي يلاقيني في الرشاشات ديل كلهم وياريت لو المتعصبين ديل يحزو حزوك انت . لك إحترامي والله ياكابتن
قلتو لي شندي كيييييييف

[العجب العجيب]

#964592 [abobaker]
0.00/5 (0 صوت)

04-06-2014 12:56 PM
ديل دائما لم ينهزمو اقرب شماعه ليهم الحكام ما بيعترفو انو فريقهم تعبان ومتهالك

[abobaker]

ردود على abobaker
[ودالناموسيه الغرباوى] 04-06-2014 06:55 PM
لو تعبان كان طلع من 8×8 = اكمل .........................................................


#964504 [matrex]
0.00/5 (0 صوت)

04-06-2014 11:34 AM
وأدان تصرفات وقرارات طاقم التحكيم التي أثرت بصورة مباشرة فى نتيجة المباراة ، وأضاف البيان أن قرارات طاقم التحيكم اتسمت بالأخطاء التحكيمية الظالمة الأمر الذي أثر على معنويات اللاعبين


لما الحكم نقض هدف الملعب المالى ....وين كنت يا مجلس

[matrex]

ردود على matrex
European Union [سوداني جداً جداَ] 04-06-2014 12:42 PM
الملعب المالي...؟؟؟

يأخي الناس في شنو؟ وأنت شايت وين؟


#964460 [جركان فاضى]
0.00/5 (0 صوت)

04-06-2014 10:59 AM
امين عام نادى الهلال يبرر لضرب الحكام!!!!! شوف المهزلة...يا اخى هناك هيئة تحكيم تحاسب الحكام فما انت الذى تحاكم الحكام...ومشكلة الهلال ان ادارته ولاعبيه مرعوبة دائما من المشجعين...واغلبهم كرور وفاقد تربوى ومتعصبين...ويسمعون افراد الادارة واللاعبين الفاظا لاتحتمل...وهذا ما جعل لاعبى الهلال يقدمون عروضا جميلة خارج ارضهم...اما فى ارضهم فان تبويظ الاعصاب يشل تفكيرهم ويعكر صفوهم...من مشجعين لا اتمنى ان اقف وسطهم يوما فى حياتى

[جركان فاضى]

#964421 [ابواحمد بشير]
0.00/5 (0 صوت)

04-06-2014 10:32 AM
نحن الهلالاب ندفن رؤسنا فى الرمال فريقنا تعبان وتاهل بشق الانفس والفريق الحالى مافريق بطوله حارس واحد - دفاع فيهو واحد بيلعب بى راسو يعنى زكى لو فى مهاحم زكى يخلص المباراة - وسط فيهو ارتكاز واحد والتانى ماقادر يجرى وظيفة المحور يتطلب لاعب مقاتل شرس - صانع الالعاب مافى بعد البرنس -المهاجمين احسن الخطوط فيهم لاعبين ممكن يمثلو السودان فى سباقات العدو - المشكلة دورى المجموعات فيهو 6 فرق عربية واللعب مع العرب بيختلف من الافارقة - على الادارة تجهيز الفريق والبعد عن التبريرات ولنا عودة .......

[ابواحمد بشير]

ردود على ابواحمد بشير
European Union [سوداني جداً جداَ] 04-06-2014 12:39 PM
"صانع الالعاب مافى بعد البرنس "

يا ربي صنع كم هدف في المريخخخ


#964222 [المارد الأحمر وبس]
1.00/5 (1 صوت)

04-06-2014 02:27 AM
بدل ما تستكر أفعال جماهيرك جاي تنتقد في الحكام، ياخي إنت ضربوكم إثنين زي السم ، وفريقك ده مهزوز وجماهيرك لا ترتقي بأسلوب المشجع، طاقنك إثنين بتجعجع مالك ،ده كلو نتائج المليار الدخلت جيوبكم والله خسارة زاتو ، التقول جبتو كأس أفريقيا ما يدوب مرحلة المجموعات وصدقني فريقك ده طاير طاير موش لو ادوكم مليار لو أدوكم عشرة مليار ، فريق كل يوم في مستوى وفريق مهزوز ، قوم لف كده عليك الله، المارد الأحمر وبس.

[المارد الأحمر وبس]

ردود على المارد الأحمر وبس
[ودالناموسيه الغرباوى] 04-06-2014 07:06 PM
المابتلحقها جدعها
شوفوا ليكم كورة شراب

United States [ابويوسف] 04-06-2014 11:51 AM
قوم لف ليكم لسان يتكلم يا فريق البوالين شفع الروضة ديل يا تمهيداب امشى العبو مع النسور ولا الصقور انتو طبعا لسه مرحلة المجوعات كثيرة عليكم ذاكرو كويس وتعالو و3 نقاط بنعوضو فيكم يا حمام يا ميت

European Union [التمهيداب] 04-06-2014 09:04 AM
انت عامل زي الشافع البدقوهو يقعد يجعر ويبكي ويمشي ينادي ابوهووو .علي الله انتو ما بتخجلو يا وصيفاب طايرين من التمهيدي وبي المزيكا كمان وتتفلسفو علي الفارغة



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة