الأخبار
أخبار السودان المحلية
" نايل " يصل الخرطوم - شاهد صور في المطار
" نايل " يصل الخرطوم - شاهد صور في المطار



04-05-2014 06:16 PM
الراكوبة - وصل اليوم الى الخرطوم الشاب معاوية أحمد خالد (نايل) الى مطار الخرطوم عقب مشاركته في برنامج "the voice" الشهير على قناة mbc وخروجه من المرحلة قبل الأخيرة ، يذكر أن " نايل " من ولاية الجزيرة وتحديداً من مدينة ودمدني وكانت مدربته في البرنامج الفنانة شيرين عبد الوهاب.


image
image


تعليقات 46 | إهداء 0 | زيارات 24130

التعليقات
#965492 [kewe]
0.00/5 (0 صوت)

04-07-2014 10:09 AM
دا كلو كوم ...أنا فوق الحلبية دى شوفوها شابطة فوقو كيف...أصلو أكان قالو ليك الحلبة ديل بقعو ساكت كضبو عليك...مكان المحلوالجفاف مابقربو منو أكان فوقو أبوهم زاتو...والكلام دا كلو معناتو انو نايل دا فيهو سِر عجيييييب

[kewe]

#965067 [راي]
2.50/5 (2 صوت)

04-06-2014 08:57 PM
الزوووول دا معلم بعيد عن الغنا وكل شئ زول متزن وقوي وما عندو اضطراب الهوية بتاع العرب والدول العربية ومحاولة بعض الاغبياء من انتقاص هويتنا السودانية , وخاض مسيرة قوية وجادة في البرنامج الما جادي دا , وحقيقة انا احييو على كل ما قام به رغم اني ما من هواة البرامج البلملمو فيها العرب ديل لانها عادة بتكون معنصرة وبمشوها في اتجاه العرب الاكتر مالا زي ارب ايدول وما عارف ارب قوت تالنت ههههه وهلم جرا , اسمع يا عمك مشكووووووووور على ما قمت به وانا كان في الخرطوم وعارفك جاي كان جيت استقبلتك

[راي]

#965024 [طائر الهوى]
1.50/5 (2 صوت)

04-06-2014 07:56 PM
THE MOST BEAUTIFUL VOICES IN PROGRAM THAT SANG IN ENGLISH .
ANY ONE DOSE NOT KNOW ENGLISH SOIL IN HIS MOUTH .

[طائر الهوى]

#964949 [موردة حضارة]
0.00/5 (0 صوت)

04-06-2014 06:41 PM
الزول ده غناي وطموح وماعوج لسانه ابدا

[موردة حضارة]

#964934 [ركوب الخيل]
2.00/5 (1 صوت)

04-06-2014 06:24 PM
قمة المهزلة والله

[ركوب الخيل]

#964775 [Nile]
4.00/5 (2 صوت)

04-06-2014 03:50 PM
هللت اهلا ونزلت سهلا يا نايل

[Nile]

#964770 [محمد البكاي]
3.00/5 (1 صوت)

04-06-2014 03:47 PM
نتمني لك التوفيق في المرات القادمة وهارلك

[محمد البكاي]

#964687 [ما عندكم موضوع]
0.00/5 (0 صوت)

04-06-2014 02:35 PM
كلام فاااارغ..عشان كدة الكيزان بركبوكم ليوم الدين

[ما عندكم موضوع]

ردود على ما عندكم موضوع
United States [مجهوول] 04-06-2014 06:35 PM
هسع الدخل الكيزان هنا شنوووو


#964669 [hasan]
0.00/5 (0 صوت)

04-06-2014 02:17 PM
الشعب عايز يفرح لا سياسه لا رياضه لا فن لا ابداع ولا ولا العقول تحجرت ول

[hasan]

#964597 [ناس فارغة بحق]
3.50/5 (2 صوت)

04-06-2014 01:03 PM
ناس ما عندها شغلة غير الغناء واللعب وللاسف هم اخر ناس على زيل قائمة العالم سواء كان فى اللعب من كرة القدم الى كرة المضرب واخر ناس فى الغناء لانه مافى حد بيسمع لهمفى الدنيا الا قلة قليلة جدا من اهل السودان فقط..

[ناس فارغة بحق]

#964568 [قال مسلمين قال]
4.75/5 (4 صوت)

04-06-2014 12:36 PM
Nile power
نايل بور ختر الختر
كرهتونا السودان و اليوم البقانا سودانيين

[قال مسلمين قال]

#964547 [ahmad]
3.00/5 (3 صوت)

04-06-2014 12:15 PM
هههههههههههههههههههههه شر البلية مايضحك وايه يعني نايل ناس فاضية

[ahmad]

#964483 [عنتر]
4.00/5 (3 صوت)

04-06-2014 11:15 AM
اخخخخخخخخخخخخخخخخخخخخخخخخخخخخخخخخخخخخخخخخخخ يا بلد ترقصي و تطربي على جثامين شعبك الكتلو الجوع و الظلم

[عنتر]

#964440 [جركان فاضى]
5.00/5 (3 صوت)

04-06-2014 10:48 AM
بالله!!!!! انا قايل دى مظاهرات احتفالا بثورة 6 ابريل....تراها استقبال نايل

[جركان فاضى]

ردود على جركان فاضى
European Union [المهاجر] 04-06-2014 11:20 AM
صحي فاضي ....


#964410 [Gogomri Salim KOKO]
0.00/5 (0 صوت)

04-06-2014 10:21 AM
اها اولاد عمي الثلاتة للحراسه ، ها تودوا وين من اهلنا الطيبين ؟ ولله إلا طروجي او كاودا حتن يسلم من جماعة الحجيرات الكريمة . و انتم يا كوكاف دوركم انتهى من المطار استلموا حقكم وادخلو انقولا او ود البشير

[Gogomri Salim KOKO]

#964391 [بلبل الشرق]
2.50/5 (2 صوت)

04-06-2014 10:08 AM
ماعندك سالفة .... إنقلع

[بلبل الشرق]

#964381 [زول ساي]
5.00/5 (2 صوت)

04-06-2014 09:59 AM
هذا زمانك يا مهازل فامرحي

[زول ساي]

#964321 [جيمي]
4.75/5 (6 صوت)

04-06-2014 08:54 AM
نائل رفع. السودان و اسم السودان. وعلم الناس انو في بلد. أسموا. السودان وبة مواهب. حاجات. تاني. لية. لم يتم. اكتشافها. أهنئك. يا. نايل. والي. الامام.

[جيمي]

ردود على جيمي
[saleh] 04-06-2014 07:16 PM
يا اخي مع احترامنا للشاب لكين االسودان اكبر من ان يعرفه للعالم متسابق لم يصل حتي للنهائي في مسابقه شبه مجهوله الهويه ، رحم الله الطيب االطيب صالح الذي لم يستطيع أدبه تعريف السودان للعالم واستطاع هذا الشاب الذي لم يغني حتي اغنيه واحده تنتمي للسودان بهذا الدور الجليل .

[واحد من النـــاس] 04-06-2014 03:15 PM
والله انا شفت الموضوع وقريت التعليقات دي كلهاااا و ماعندي مشكلة مع نايل لكن كمان تقول انو الزول دا ورا العالم انو في بلد اسمها السودان بصراحة كلامك غاظني شدييييييييييييييييييييد ياخ السودان بعيد عن الطير الزيك الحاكمين ديل معروف بثقافتوا ومعروفوا بادبائه وعلمائه معروف بمحافظتوا وبطيبة اهلوا معروف بالكرم والجود م الطرب والرقيص يامتخلف انت شكلك انت نتاج تربية كيزانية اساسا جيتوا تمسحوا عاداتنا وثقافتنا يكفى في عهد سيئ الزكر مات نبلاءا وشرفاء وطني كمدا من امثالك


#964290 [عواد]
5.00/5 (5 صوت)

04-06-2014 07:50 AM
يا جماعة الخير هو فضل فيها وش نقابل بيهو العالم الخارجي ،،،،، نايل دا خرج لينا بعد ما السودانيين فقدوا الامل في شخص يقدم رسالة باسم السودان ،،، كان زمان سيد خليفة وكان وردي وكان مجموعة من الفنانين ، قدموا السودان في ازهى حلته للعالم الخارجي ،، فلماذا تكيلون بمكيالين لشخص حمل اسمكم وتكلم باسمكم ،، يا ما عندكم وش ما العالم ،،،، وين انتاجكم ،، ماذا يستفيد منكم العالم ،،، نحنا اصبحنا في ذيل القائمة في كل شئ ،، هما كله الشحدة ومد القرعة والمابدينا نحاربوا بالتضامن مع عدو له ،، لماذا اصبحتم هكذا ،،

اخخخخخخخخخخخخخخخخخخخخ ،، الشخصية السودانية اصبحت مفرطة وموغلة في التشتت الذهني والنفسي واصبحت تشن الحرب على نفسها وتقتل نفسها بنفسها ،،،، فساد ودمار وقتل وحروب وجوع ونهب وكل يوم تظهر لنا مصيبة والجنيه السوداني كل يوم تزيد عليه المصائب وواصبحنا خارج دائرة العالم السياسي والاقتصادي والعلمي .....

[عواد]

ردود على عواد
United States [ودالمر] 04-06-2014 02:00 PM
يا عواد الراجل شغال يغني اجنبي لحدي اخر لحظه تقول يمثل بلدك كمان تعدوا زي سيد خليفه


#964271 [وجع راقد]
4.63/5 (4 صوت)

04-06-2014 06:24 AM
يا ريت لو رجع من مسابقة حفظ القرآن الكريم ...

[وجع راقد]

ردود على وجع راقد
European Union [ودالبلاد] 04-06-2014 01:35 PM
انت الوحد الكلامك صحيح ؤلوسئلو شيرين عن اى شئ في امور الدين ما حتعرف تجاوب وربنا يرحم امة محمد وجيرنا من شيطين الغناء والفتنة


#964247 [عبدالله الاسد]
5.00/5 (6 صوت)

04-06-2014 03:33 AM
نحن قوم نقف ضد الناجح حتى نسقطه

[عبدالله الاسد]

ردود على عبدالله الاسد
European Union [بت السودان] 04-06-2014 01:57 PM
ما قلت الا الحق يا الاسد ...بارك الله فيك


#964204 [SESE]
3.88/5 (11 صوت)

04-06-2014 01:35 AM
لا ادري ما هو سر عدم قبولنا للإختلاف بل اننا دائما جاهزون لمحاربة كل من يختلف معنا في الرأي او الشكل او اللون حتى ولو كان ذلك لون الغناء ونايل قد اختار لنفسه لونية من الغناء لا يستسيغها الكثير منا وبلغة غير محببة لكثير من السودانيين بسبب انهم لا يعرفها ويعتبرون كل من يتكلم بها أنه انسان متفلقص ومتعجرف ومتعالي ولا ادري كيف ان السودانيين قد خرجوا بقدرة قادر من اللغة الانجليزية كما تخرج الشعرة من العجين بالرغم من 70 سنة قضوها تحت الاستعمار البريطاني وكانت اللغة الانجليزية هي لغة الادارة والتعامل التجاري بل كانت لغة رسمية للدولة....

لو كان نايل قد دخل المسابقة باغنية عجبوني الليلة جو دخلوا البلد طمبجو او تمساح الدميرة الما بقتلوا سلاح او واحدة من اغاني الدلوكة والكرباج لكان وجد مساندة منقطعة النظير من القطيع رغم ان تلك الاغاني لم يسمع بها احد خارج السودان وفي السودان نفسه قد ظلت تكرس لثقافة جهة معينة من البلد دون الجهات الاخرى......

بالرغم من ان نايل قد اختار الاختلاف في الغناء إلا ان روح القطيع لاحقته باغنية الليل الهادي التي ظل يرددها الفنان شرحبيل طول عمره ولكنها لم تجد رواجا إلا لدى من يدعون تذوق الفن الحديث وقد ذكرني ذلك بنكتة عن اهل الشرق عندما اراد ابنهم المغترب الزواج احضر فرقة شرحبيل احمد وكان والد العريس وعم العريس يجلسان في ظل القطية وكانت الفرقة تقوم بتنزيل معداتها وآلاتها الموسيقية وقد استغرب عم العريس فسأل اخوه والد العريس : ادروب تنو ناتو ؟ يعني ما هذا الذي نراه فرد عليه اخوه قائلا : والله كان ناس جمكسين الله تعلم...! ولمن لا يعرف ناس الجمكسين فهذه مشكلته.....

الغناء هو الغناء مهما كانت لغته وان كنا لا نستسيغ إلا لونية معينة بلغة معينة فهذه مشكلتنا ويجب علينا عدم الانكار على نايل خروجة على روح القطيع والتغني بالطريقة التي يجيدها وباللغة التي يجيدها وهو غير ملزم بتريد اغاني مثل حرامي القلوب تلب او الزاهية ام عجن او السايق الفيات او عجبوني الليلة جو كما يجب على الذين يهاجمونه التوقف عن ذلك ويجب عليه هو في نفس الوقت عدم الالتفات لتلك الاصوات المثبطة وليعلم ان الشجرة المثمرة ينالها الكثير من الحجارة بينما لا ينال حجر واحد جارتها العقيمة.......

اما المقابلة الفاترة في المطار سوى من جموع الشعب او اعلام الدولة فهي تثبت التعامل بروح القطيع مع كل من يخالفنا أو يختلف معنا وبالرغم من ذلك فلنايل معجبوه ومشجعوه الذين يأملون ان يكون يوما رقما في الغناء العالمي يخرج بالاغنية السودانية من غرفة العناية المركزة الى المهرجانات العالمية....

[SESE]

ردود على SESE
United States [لم تقل هذا الكلام إلا أن هذا النايل يمثل جنسك ومن نفس القطيع] 04-06-2014 09:37 AM
وانت الذي خارج القطيع،، اراك معجب بهذا المصطلح؟؟ ومن الذي قال لك أن الأغنية السودانية تغنى باللغة الانلجيزية..
ان كنت تسخر من اغنية عاجبوني الليلة جو وتمساح الدميرة،، فهذا تراث واصالة وعنوان لهويتنا الثقافية تمعن انت ونايل جيدا في معانيها لتعرف كيف كانت الاخلاق قديما واين انت الان؟ دا إذا قدرت تفهم معاني الاغنيتنين أو الملحمتين وهي لا تكرس لجهة معينة بل أن تنظر لذلك لأنك شخص مليان عقد والشخص المليان عقد ونقص بنظر لاي حاجة بنفس ما يختزنه أو يختزله.
لم ارى نايل ولم اسمع به إلا من خلال الراكوبة لأنني مؤمن بأن هذه البرامج في الاساس ما الهدف من قيامها في قنوات انشئت اساسا لهذا الغرض،، مسلمون يتغنون ويذبخ مسلو افريقيا الوسطى في الشوارع يغنوا ومسلموا بورما يصفوا،،

تتحدث عن نايل هذا لانه يمثل قبيلتك وانت معرفون بتلك النظرة الضيقة في تعاملكم كقطيع جنساً ولوناً وعرقاً إذا كان هذا النايل لم يمثل قبيلتك المعروفة لما ذكرت هذا الكلام وهذه مشاكل السودان الحقيقة


#964188 [حافظ حمد]
5.00/5 (5 صوت)

04-06-2014 12:48 AM
يا شباب نايل انسان وفنان وطموح خلوا نقدكم هادف بعدين ليس ذنبه انوا ما اتكلم عن السودان لانو ما عاش في السودان فكيف تريدونه ان ينفعل بواقع لم يعيشه ومع ذلك لم يقصر فقد وجه اغنية سياسية لعمر البشير وهي موجودة في صحيفة حريات العيب في العايشين في السودان وقلوبهم مع اطفال غزة وسوريا اكثر مما مع اطفال السودان

[حافظ حمد]

#964149 [ورده]
3.50/5 (4 صوت)

04-05-2014 11:39 PM
جايب لك تلاته بودي قارد اصلو شنو....قايل حتلقا السودان كلو في استقبالك؟

[ورده]

#964148 [ابومروه]
4.00/5 (3 صوت)

04-05-2014 11:38 PM
مبروك يا ناس الجزيره نايل وصل امكن فال خير لتغيير في الجزيره و ودمدني مطروحة الجبين التي اصبحت عابسه

[ابومروه]

ردود على ابومروه
[ام احمد] 04-06-2014 04:46 PM
عذراً انت ما عارف الجزيرة أنجبت منو من الفنانين ياريت تسال اول قبل ما تحكم


#964142 [moiez]
4.94/5 (9 صوت)

04-05-2014 11:28 PM
انتو بتهاجمو لي الزول دا عامل اغاني ضد النظام بدل م تشجعو عشان يدعمكم تهاجمو كدا خليكم ناس واعين لو عايزن طرق عشان تحركو الشارع للثوره دا ممكن يكون طريق

[moiez]

#964075 [المشروع]
4.50/5 (5 صوت)

04-05-2014 09:48 PM
اصبحنا نحبث عن اشياء تعيد الينا الفرح المفقود في الراعي ونايل ؟

[المشروع]

ردود على المشروع
United States [habib] 04-06-2014 09:21 AM
yes U R RIGHT


#964073 [مجروس ق ش م]
2.88/5 (4 صوت)

04-05-2014 09:46 PM
شنو يت جماعة الخير الزول ده حرر حﻻيب

[مجروس ق ش م]

ردود على مجروس ق ش م
European Union [Yousif Mohammed Yousif] 04-05-2014 11:50 PM
هههههههههههههههههه


#964055 [اوبرا]
4.99/5 (7 صوت)

04-05-2014 09:21 PM
الزول دة موش عمل اعنية ضد البشير وعامل ثوري ولا انا غلطان

[اوبرا]

#964030 [ابوجلاجل]
3.22/5 (6 صوت)

04-05-2014 08:52 PM
شنو يعني نايل مجرد زول ماعندو شغلة يقضاها بالطريقه دي الانقاذ حتقعد قرن من الزمان لان الرجرجه والدهماء لايهمهم نظام ظالم متسلط زاق شعبه سوء العذاب ونكل بكل من يقول لا للغلاء ،.. لاللطغيان .

[ابوجلاجل]

#964011 [الدبيب]
1.50/5 (5 صوت)

04-05-2014 08:25 PM
هذا فنان او لم يصل مرحلة فنان انسان مفلس بمعنى الكلمة لان حديثه لم يتطرق الى السودان ويتحدث عنه ويشعر بالخجل انو سودانى اما شعبنا الطيب يمجد من يكره السودان نايل عليك ان تبحث عن مهنة اخرى غير الغناء

[الدبيب]

ردود على الدبيب
European Union [زول ماعندو سيد الا الله] 04-05-2014 11:45 PM
لو بتفهم يادبيب خش شوف نايل المفلس بقول شنو انت المفلس جد

http://www.youtube.com/watch?v=0QxWn_kmKx0

United States [الجيل الجديد] 04-05-2014 11:41 PM
انا اختلف معك تماما لان هذا النايل لم يعوج لسانه نهائيا وتحدث بلهجته السودانية علی الملأ وتغنی باغنية سودانية في مشاركته الاخيرة ..... رأيت كثيرا من السودانيين ضعيفي الشخصية يعوجون السنتهم عن ما يقابلون الخليجيين بل حتی المصريين ..... لأكون اكثر وضوحا عادة ماتختفي شخصيتنا السودانية وتظهر عقدتنا عند ملاقاة العرب .....

United States [محمد] 04-05-2014 11:09 PM
لو كان بيخجل من السودان ما كان نشر خبر سفرو للسودان لكل معجبينو , لو كان بيخجل من السودان ما كان غنا اغنية للثورة الاخيرة , لو كان بيخجل من السودان ما كان غنا اغنية شرحبيل" الليل الهادي" في برنامج ذا فويس , لو كان بيخجل من السودان ما كان لبس فنيلة عليها شعار الحواتة في برنامج ذا فويس.


#963990 [الجرادابى]
4.10/5 (10 صوت)

04-05-2014 08:02 PM
شعب يعطى المجد لمن يستحق ومن لايستحق,,

[الجرادابى]

#963981 [مسطول]
2.03/5 (9 صوت)

04-05-2014 07:54 PM
وصلته ووشك ناعل قفاك وماكسبته شي غير ( مسكة شيرين ) الشهيره ؟؟؟؟

[مسطول]

#963980 [سوداني وافتخر]
1.50/5 (2 صوت)

04-05-2014 07:52 PM
الراجل وصل ومعاه ( 3 بودي جارد ) شفتو الكلام ده كيف والراجل يفتح خشمو خاصه معلقي الراكوبه!!!!!!!!!!

[سوداني وافتخر]

#963976 [كرم]
4.00/5 (7 صوت)

04-05-2014 07:49 PM
والله بقينا ناس بتاعين فارغات حروب في عدة جبهات وغلاء طاحن وتشريدوحالةالبلد حالة والناس ماشه المطار عشان نايل جاي ,,, سبحان الله

[كرم]

#963957 [بركان يغلى من الظلم]
4.44/5 (13 صوت)

04-05-2014 07:25 PM
خخلاص ضاعت عليك صرت كرت محروق لم تجيد اللعبه وفن التخاطب ولم يكن خلفك ناس منتشرين من اجل التصوين وتكوين منتديات وقروبات من اجل دعمك ولم تجد الفرصه حتى من الموسيقيين
شوف البنت وهم ايه قالت بل ظلت تقول اتمنى السلام الى مصر وللجميع دول العالم وكمان قالت لو فزت سوف اهدى السياره الى مستشفى سرطان الاطفال بمصر
انت وجدت فرصه طيبه وعلى طبق من ذهب لم تحكى عن بلادك فنيا وثقافيا ولو بالمختصر المفيد
وحتى عندما غنيت للشرحبيل احمد لم تعطى الراجل حقه بصوره كامله فكان من الافضل ان تقول الفنان الشامل شرحبيل احمد ملك الجاز بالسودان فنان عريق وفنان مميز وهذه الغنيه من اغانيه الرائعه والتى الان اخذها الفنان محمد فؤاد ولاحظ عندما قلت محمد فؤاد شيرين قالت محمد فؤاد فنان كبير ونجم مميز وووووووكان فى وقتها تقاطع شيرين وتقول ليها لا اريد توضيح شى انو هذه الاغنيه ليست لمحمد فؤاد انما لشرحبيل احمد وهى مسجله لاكثر من 50عام لكن محمد فؤاد اخذها وغناءها كما غنى من قبل غنى محمد منير اغنيه الراحل المقيم محمد وردى كما تغنت فرقه ميامى اغنيه الترله والبمبو السودانى
وكان يا نايل تستفيد من الارث الفنى الغزير من كبار قامات الفن السودانى
على الجمال ولا المساء ووو الطير المهاجر جميله ومستحيله حبيبه قلبى اراءك عصى الدمع افريقيا واسياء وبخاف اسال عليك الناس وووو الكثير من الاغانى الرائعه كان لو ترجمتها الى الانجليزيه وتغنيت بها لكن نلت المزيد من التصويت
لكنك ختيت نفسك فى نطاق معين ولم تستفيد من الارث الموروث من اغانى سودانيه مملؤه بالقيم ومعنى الكلمه واللحن والموسيقى الجميله فى سلاسه صياغتها

[بركان يغلى من الظلم]

ردود على بركان يغلى من الظلم
United States [halfaa] 04-05-2014 11:33 PM
سلام الزول دا مفلس ثقافيا دايرين شنو من زول لا يفهم ابجديات الحوار الصحفي او الاعلامي مع اي وسيلة اعلامية كبيرة انسان جاهل ودي اللي دايراها حكوماتنا الرشيدة


#963943 [ابو نمر]
5.00/5 (1 صوت)

04-05-2014 07:12 PM
كيف لقيت السودان بعد ان عبث به الكيزان

[ابو نمر]

#963942 [فرح فون]
5.00/5 (2 صوت)

04-05-2014 07:11 PM
الف الف حمدالله علي السلام ي صديقي نايل

[فرح فون]

ردود على فرح فون
[اوبرا] 04-05-2014 09:22 PM
الزول دة موش عمل اعنية ضد البشير وعامل ثوري ولا انا غلطان


#963940 [بت قضيم]
3.25/5 (4 صوت)

04-05-2014 07:04 PM
لو كان اتصلت بالوالي كان جهبز ليك استقبال بمستوى رئيس دولة لكن معليش يا وهم نايل

[بت قضيم]

#963933 [واحد كده]
3.43/5 (9 صوت)

04-05-2014 07:00 PM
نورت الخرطوم يانايل وكنت رائع في ذا فويس والمفروض كنت توصل لي النهائي
بس عنصرية الجماهير المصريه وفلس الشعب السوداني للتصويت سبب خروجك ..

[واحد كده]

#963931 [سامي]
4.00/5 (4 صوت)

04-05-2014 06:58 PM
ابو النيل يا عجيب

[سامي]

#963929 [عمدة]
4.38/5 (5 صوت)

04-05-2014 06:49 PM
قرأت صباحاً عن شاب امريكي بوسني الأصل(كان مغنياً)رفض الغناء مقابل ملايين الدولارات وتعلم اللغة العربية وحفظ القرآن وصاار امام مسجد(لله درّه)!فحاولت المقارنة مع نايلنا من ناحية الأصل والعائد المادي والإعتزاز بلغة القرآن وحفظ القرآن والأغاني ومآل الحال في العمل! وحتي الآن لم اعرف غريق البحر وللاّ سريع الحصان!!!

[عمدة]

ردود على عمدة
[م] 04-05-2014 09:13 PM
ولا الحصان ولا البحر ( حلوه الطحنيه ) بس ....


#963918 [سلطان]
4.00/5 (1 صوت)

04-05-2014 06:33 PM
ياخ قديتونا!!!!!!!!!!!1

[سلطان]

ردود على سلطان
[اوبرا] 04-05-2014 09:22 PM
الزول دة موش عمل اعنية ضد البشير وعامل ثوري ولا انا غلطان


#963917 [عادل]
4.75/5 (4 صوت)

04-05-2014 06:33 PM
ياخى والله نحن شعب طيب

[عادل]

ردود على عادل
United States [المنجلك] 04-06-2014 12:02 AM
يا اوبرا قديتنا ايوة عمل حاجة بس ضد الوضع فى السودان بصورة عامة وليس البشير وكيزانه انتا جدادة حارقك الراجل دة وصل مطار الخرطوم بدون تعرض الأمن له. ما تخاف بجوهو باللفة بس بيختارو التوقيت المناسب اولاد الحرام ما خلو لاولاد الحلال حاجة

[اوبرا] 04-05-2014 09:22 PM
الزول دة موش عمل اعنية ضد البشير وعامل ثوري ولا انا غلطان



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة