الأخبار
أخبار إقليمية
الحكم الطريفي يوسف: دخلت في غيبوبة لساعتين ولم أصدق أنني على قيد الحياة
الحكم الطريفي يوسف: دخلت في غيبوبة لساعتين ولم أصدق أنني على قيد الحياة
الحكم الطريفي يوسف: دخلت في غيبوبة لساعتين ولم أصدق أنني على قيد الحياة


04-07-2014 12:15 AM

الخرطوم – نصر حامد

تعرض الطريفي يوسف الحكم المساعد في مباراة الهلال والأهلي شندي أمس إلى اعتداء بالغ الزمه سرير المستشفى بعد أن ظل في غيبوبة لساعتين, "اليوم التالي" حرصت على زيارة الطريفي بغرض الاطمئنان على صحته حيث ظهر بحالة جيدة وروح معنوية عالية رغم الاعتداء الغاشم الذي تعرض له وأجرت معه هذا الحوار الخفيف.

في البداية نريد أن نتعرف على الطريفي أكثر؟

الطريفي يوسف سعد من مواليد الحوش بالجزيرة.

كيف كانت البدايات الأولى مع التحكيم؟

كنت أعشق التحكيم منذ الصغر وقد كنت مولعاً بإدارة المباريات منذ الصغر لذلك اخترت مجال التحكيم في سن باكرة وقد تعرضت لإصابة بالغة في كرة القدم أبعدتني عن الملاعب وحولتني للتحكيم.

ثم ماذا بعد ذلك؟

طلب مني الحكم الدولي بدر الدين عبد القادر أن انضم كحكم لاتحاد كوستي المحلي لكرة القدم فوافقت بلا تردد وأصبحت حكم درجة ثالثة وبعد ذلك تدرجت في التحكيم حتى أصبحت حكماً قومياً عام 2008 وقد جلست لامتحان الشارة الدولية وفي انتظار النتيجة.

هل أدرت مباريات للقمة؟

لم أدر مباراة قمة لكن أدرت عدد من المباريات للعملاقين مع أندية أخرى كحكم مساعد وحكم في الدوري التأهيلي.

هل سبق وأن تعرضت للضرب من قبل؟

لم أتعرض للضرب من قبل طوال فترة عملي في مجال التحكيم وفي أول مرة أتعرض للضرب كانت الضربة قوية جداً.

حدثنا بتفصيل أكثر عن الاعتداء الذي تعرضت له؟

لا أدري من هو بالضبط الذي قام بضربي لكن الضربة جاءت من جهة الجماهير وكانت قوية جداً وأدخلتني في حالة إغماء تام لمدة ساعتين بمستشفى الخرطوم وتم بعد ذلك تحويلي إلى مستشفى مودة حيث تمت خياطة الجرح بست "غرز" وأحب أن اطمئن الجميع أنني الآن بصحة جيدة وعندما أفقت من الغيبوبة لم أصدق أنني ما زلت على قيد الحياة.

أجمل مباراة أدرتها؟

بين المريخ والاتحاد بود مدني.

هل تمتهن التحكيم فقط أم لك مهنة أخرى؟

أنا خريج هندسة جامعة السودان وأعمل مهندساً في شركة سكر كنانة.

مباراة تتمنى إدارتها؟

أتمنى أن أدير مباراة قمة.

لاعب مزعج؟

بلة جابر.

لاعب هادئ؟

مهند الطاهر.

لاعب له مستقبل باهر في مجال التحكيم؟

مهند الطاهر.

هل كنت تتوقع أن تصبح حكماً؟

نعم.

مدرب هادئ؟

برهان تية.

مدرب مزعج؟

محسن سيد وياسر حداثة؟

وجبة مفضلة؟

العصيدة.

هواية؟

القراءة.

قناة مفضلة؟

كل القنوات الفضائية.

قرار موفق؟

العمل في مجال التحكيم.

قرار غير موفق؟

سنحت لي فرصة الحصول على الماجستير من خارج السودان بالمجان لكني رفضت ذلك بسبب حبي للتحكيم.

أمنية تحققت؟

أن أصبح حكماً.

أمنية لم تتحقق؟

الحصول على الماجستير ثم الدكتوراة في مجال الهندسة.

صحيفة سياسية؟

عدد من الصحف في مقدمتها اليوم التالي.

صحيفة رياضية؟

كل الصحف الرياضية.

صحفي سياسي تقرأ له؟

اسحق أحمد فضل الله.

صحفي رياضي؟

مامون أبو شيبة رغم أنه في بعض المرات ينتقد الحكام بمناسبة وبدون مناسبة.

فنان؟

عثمان حسين.

فنانة؟

حنان النيل.

شاعر مبدع؟

اسحق الحلنقي.

اليوم التالي


تعليقات 26 | إهداء 0 | زيارات 5591

التعليقات
#966281 [Abdelazim Mekki]
0.00/5 (0 صوت)

04-08-2014 12:49 AM
صحفي سياسي تقرأ له؟
اسحق أحمد فضل الله.

أمنية لم تتحقق؟
الحصول على الماجستير ثم الدكتوراة في مجال الهندسة.

[Abdelazim Mekki]

#966169 [ابو محجوب]
0.00/5 (0 صوت)

04-07-2014 08:43 PM
سلامات يالطريفي البلد مافيها كورة من الافضل كمل قرايتك

[ابو محجوب]

#966161 [زول ساكت]
0.00/5 (0 صوت)

04-07-2014 08:25 PM
أولا أثبتنا إننا شعب فارغ وأولهم أنا عشان نعلق على حوار ذي دا شوف كم واحد معلق على الكلام دا الم منو فايدة لا كورة ولا اخلاق ولا تحكيم وين الكورة عشان يكون في تحكيم ووين الاخلاق عشان تكون في رياضة من رئيس نادي الهلال ومين رئيس نادي المريخ .فساد وكلام فارغ . أنا كنت في منتخب الخرطوم ولم استمر معاهم الا تمرين واحد والسبب تردي الاخلاق بين الاداريين وكان معانا اخريين تركوا لنفس السبب ووالدي رحمه الله قال لي كلمة اما كورة وفساد او دراسة واخلاق وتركتها وما فيها من مغريات لشاب مثلي في ذلك الوقت وكان عندي قميصين وبنطلونيين واخذني الاداريون للسوق وقالوا اختار ما تشاء من الملابس ورفضت واخترت الدراسة وانا الان احمل درجة الدكتواره وانت ضيعت دراستك بسبب التحكيم وضيعت هيبتك بي الميدان وما غريب ان كان صحفيك المفضل هو دا وضحيفتك هي ديوانت لسع في غيبوبة الله يفتح مخك ذي ما غتح عينك. افيقوا يا ناس .

[زول ساكت]

ردود على زول ساكت
United States [Abdelazim Mekki] 04-08-2014 12:50 AM
والله كلامك سليم


#966090 [محتار]
0.00/5 (0 صوت)

04-07-2014 06:35 PM
تستاهل يفلقوك عليك الله اسحق أحمد فضل الله ده ياهو الصحفي بتاعك البتقرأ ليه هو ذاته والله عايز ليه فلقه

[محتار]

#965964 [فركتو]
0.00/5 (0 صوت)

04-07-2014 04:04 PM
حمدالله علي السلامة ناس الهلال ديل الله يكفيك شرهم من رئيسهم الي اصغر مشجع
ياخى ديل في مباراة الهلال والترجى قام رئيسهم البرير طق ليك الحكم
الجزائري لكمة افقدته الوعي وكلوا عشان الحكم رفض استلام رشوة من البرير
وحسى الدور جاء ليك برضو عشان رفضت تستلم رشوة ياخى ديل لولا التحكيم والرشاوى
ما بمشو اي حتة

[فركتو]

#965876 [ود الحاج]
0.00/5 (0 صوت)

04-07-2014 03:03 PM
تحكيم قال

[ود الحاج]

#965830 [جاكوما]
0.00/5 (0 صوت)

04-07-2014 02:22 PM
الراجل راح ضحية خطأ طوبى ,المسكين ماله علاقة بتسللات الهلال
, المفروض ينفلق حكم الراية الثانى مش هو

[جاكوما]

#965816 [جاد الرب]
0.00/5 (0 صوت)

04-07-2014 02:07 PM
بث تااااااااااااااااااني احكم صاااااااااااااااح ما بتجيك عوجة
لكن كدي اعترف اخدت كم من صلاح ادريس وكم من الوالي ههههههههههههههههههههههاانت ما عاااااااااااااارف مال الوالي دا بقتل اللاعبين ولا نسيت اداهور ترا جاتك سليمة وابعد من ماااااااااااااااااااااااااال الوالي نصيحة مني ليك

[جاد الرب]

#965783 [الضكر]
0.00/5 (0 صوت)

04-07-2014 01:31 PM
عفيت منك ياالطريفي الهراراب ديل لو لقينا بس تاني اثنين زيك كان كل سنه يطلعو وينزلو هههههههه

[الضكر]

#965639 [الزعييييييييييم]
2.00/5 (1 صوت)

04-07-2014 11:59 AM
حمد لله علي السلامه بس تاني اعمل حسابك يو تكون حاكم مباره يكون الطرف التاني فيها الرشاشات تعال لابس خوذة ولوفي تسلل لصالح الفريق التاني اومخالفه اعمل نايم ولومافي اي مخالفة للرشاشات اديهم مخالفه من عندمك وتشوف ليهم هدف بي اي طريقه ده لو انته حريص تعيش باقي عمرك سليم من غير عاهة والا ما تلوم الا نفسك يا الطريفي

[الزعييييييييييم]

#965622 [رمضان]
4.00/5 (1 صوت)

04-07-2014 11:47 AM
حوار سخيف جداً .. و مستوى ضحل
أكلتك المفضلة - فنانك - لاعب - مدرب

[رمضان]

#965587 [Hilalaby]
0.00/5 (0 صوت)

04-07-2014 11:18 AM
اسمه الطريفي وحكم الزول ده بكون جايبنه من الحواشات بتاعت الجزيرة عشان يجي يحكم وبكون ما عنده اي خلفية بتاعت تحكيم .. قال قراء هندسة قال ياخ امش بلا يخمك .. الطريفي زول نصيحة ولا شنو

[Hilalaby]

#965570 [ابومحمد]
0.00/5 (0 صوت)

04-07-2014 11:05 AM
ياخ انت الجابك تحكم مباراة الرعاع ديل شنو
المشكلة مافي التحكيم يا رشاشات ..
انتو مقتنعين انو اللعب مع اهلي شندي ده الهلال

[ابومحمد]

#965565 [ود الكوتش]
0.00/5 (0 صوت)

04-07-2014 11:02 AM
سنحت لي فرصة الحصول على الماجستير من خارج السودان بالمجان لكني رفضت ذلك بسبب حبي للتحكيم,,, تستاهل يفلقوك

[ود الكوتش]

#965553 [بريش منصور]
0.00/5 (0 صوت)

04-07-2014 10:53 AM
على الحكام ورجال الخط إرتداء (خوذة) وذلك لحماية الرأس، طالما أن بعض المشجعين بهذه الشراسة وبهذا التدنى فى الأخلاق وليس كل المشجعين ، وعلى الإتحادات الزام الحكام ورجال الخط بلبس الخوذة..هذا ما وصلنا إليه والله المستعان..

[بريش منصور]

#965517 [ابويوسف]
5.00/5 (1 صوت)

04-07-2014 10:24 AM
استحى على عرضك والله لو انا فى مكانك اعتزل التحكيم بعد التمثيليه الهذيلة دى .. استحلفك بالله جماعة الوالى وصلاح ادريس ادوك كم بلى اخمك واخوم اليوم الحكمت فيهو يا زبالة

[ابويوسف]

#965452 [زول اصيل]
0.00/5 (0 صوت)

04-07-2014 09:37 AM
هذا الجهل رمي الحجارة متى نعقل والعالم اصبح قرية صغيرة فضحتونا يا

[زول اصيل]

#965433 [الحقيقة المرة]
5.00/5 (1 صوت)

04-07-2014 09:27 AM
الظلم ظلمات ... وبيني وبين نفسي أري أنك تستحق ما جري لك ... وهل سألت نفسك لماذا ضربوك بالطوب ؟ والإجابة بالتأكيد تعرفها تماماً .. اعوذ بالله من الظالمين امثالك .

[الحقيقة المرة]

#965431 [ود سيد البلد]
5.00/5 (1 صوت)

04-07-2014 09:25 AM
المرة الجاية الموت ياوسخ يامرتشى

[ود سيد البلد]

#965412 [محمود]
0.00/5 (0 صوت)

04-07-2014 09:10 AM
ما كل طريفي زول نصيحة ، واهو جات معاك بى فايدة وعملت لقاء

[محمود]

#965394 [ابو امنيه وسمعه ابراهيم]
0.00/5 (0 صوت)

04-07-2014 08:55 AM
ولله لوكان كل حكام المباريات بيحكمو بطريقة الطريفي لكان التحكيم في السودان من افضل الدول الافريقيه والعربيه ونحنا محتاجين اربعه من نوع الطريفي يديرو لينا مباراة غمه وشوفو الفرق وفقك الله اخي الطريفي وهذه امانه أن كنت صادق فيها الي الامام وفقك الله وسدد خطاك وكفاره وسلامات والتعويض ما تتنازل عنه نحنا محتاجين لحكام يتخذون القرار برجوله دون النظر لاي حساباتاأو محسوبيه

[ابو امنيه وسمعه ابراهيم]

#965392 [أبوديك الديناري]
2.50/5 (2 صوت)

04-07-2014 08:52 AM
هههههههه ده ذكرني زمنا في جامعة الخرطوم مباراة بين هندسة وزراعة صعاليك هندسة كانوا يهتفون حندقك ياحكم وعبارة تانية يدغمسونها عشان البنات مايفهموها مع إنه بالتدقيق تكون واضحة لأنة في بعض منهم لا يختشي أن يقولها بوضوح .. المهم فعلاً قبل نهاية المباراة هجموا علي الحكم لا إله إلا الله الرجل كان أصلع بنيتين ثلاثة في صلعته والمدرج مازال يتوافد عليه المسكين طلع برج الإنارة والجماعة طلعوا وراهو ربنا لطف به كان يمكن أن يقع من البرج فيكسر عنقه و يلقي حتفه الراجل نزل من البرج تلب قام صوف وعرد بالبوابة بتاعت المين الي خارج شارع الجامعة وأرتال المشجعين تطارده ,,,,, آه يازمن

[أبوديك الديناري]

ردود على أبوديك الديناري
[بنج] 04-07-2014 11:13 PM
سرد بايخ لقصة بايخة


#965384 [ابو خالد الدمام]
5.00/5 (1 صوت)

04-07-2014 08:42 AM
انت تستحق الذبح وليس الضرب بحجر قاتل الله أنّا تؤفك يا آكل الربا

[ابو خالد الدمام]

#965368 [العميد المرفود]
5.00/5 (2 صوت)

04-07-2014 08:13 AM
اصدقائك يعرفون لونك ومامون ابو شيبه وبدر الدين عبد القادر كلهم دلاقين بس المرة الجايه اكتب وصيتك عشان اتحاد الجاكومي دا بوديك في داهيه(5 اهداف منقوضه ياهندسة وتقول لي تحكيم)

[العميد المرفود]

#965355 [ابو فراس]
5.00/5 (1 صوت)

04-07-2014 07:55 AM
بالله عليك احسن تشوف ليك صحن عصيده كارب لانك بعد المباراة كنت مخطط للبتزا فى مطاعم شارع المطار وتسدد الرسوم بتاعت الماجستير المفقود بس الكلام دا ما يكون على حساب سيد البلد اول مرة اعرف انو فى كوستى مواطنين من اصل سنغالى يرضو نقول غلط ماترمو الحجارة فى الميادين خلو الناس تاكل ارزاقها

[ابو فراس]

#965286 [ودالبله]
0.00/5 (0 صوت)

04-07-2014 03:50 AM
بيااخي اصلو فكو فيك دانة.. شنو الماصدقت انك حي ..

[ودالبله]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة