الأخبار
أخبار إقليمية
أيلا : لا وجود لبوادر تمرُّدٍ بالشرق
أيلا : لا وجود لبوادر تمرُّدٍ بالشرق
أيلا : لا وجود لبوادر تمرُّدٍ بالشرق


04-08-2014 12:17 AM

كذب والي البحر الأحمر محمد طاهر أيلا، تقارير تحدثت عن وصول دفعة سلاح لشرق السودان بالتنسيق مع الجبهة الثورية، نافياً وجود بوادر تمرد، ووصف من روجوا لها بناسجي الخيال والأحاجي، مقراً بمطالب للشرق تجاه المشاركة السياسية.


وقال أيلا خلال تكريمه من قبل رابطة طلاب البجا، يوم الإثنين، إن السلاح إذا وصل لمنطقة جبيت أو بورتسودان، فهذه مسؤوليته المباشرة التي ينبغي ألا يتوانى في التصدي لها.


وذكر أيلا أن أهل الشرق أدرى بالطرق والوسائل التي تحقق لهم مطالبهم. وأضاف "نحن لم نكن خونة في يوم من أيام ولسنا جبناء ولا نهاب ولا نخاف، لذلك نقول للذين يتحدثون عن أن الشرق سيتمرد هم ينسجون الخيال والأحاجي، ونقول لهم إذا أردنا التمرد، فسنعلنها أمام الجميع، فنحن لسنا ممن يهابون الموت".


ونبه لضرورة استخلاص العبر لما حدث بدارفور خلال العشر سنوات الماضية بسبب الحرب، وما يحدث في سوريا والعراق.


وأشار أيلا لعلاقته مع إريتريا في تأمين الحدود. وقال إن ما يقوم به تجاه مواطني الولاية لا يخشى فيه أحداً.


وعدَّد الوالي مختلف أدوار أهل الشرق في حماية الحدود. وقال "نحن في هذه المنطقة عندما جاء الغازي وفُرض علينا القتال، كان أهلنا في الشرق هم الذين حموا السواحل بدمائهم، وحينها لم يترددوا في حماية الوطن".


شبكة الشروق


تعليقات 8 | إهداء 0 | زيارات 2699

التعليقات
#967282 [رانيا]
3.00/5 (2 صوت)

04-08-2014 10:54 PM
يا عزيزي وإن إتمردتوا الجايب خبركم مين? الجماعة بيعدوا في المليار حسه ما فاضيين! خدوا راحتكم

[رانيا]

#967193 [بجاوي]
3.00/5 (2 صوت)

04-08-2014 08:31 PM
ليس كل من ينفصل من الدوله الام يفشل! واقرأوا التاريخ . ماليزيا.سنقافوره
ودول الخليج ال6 بل وكثير من الدول الاوربيه والاسيويه.
فقط تحتاج الى اراده سياسيه وعمل .واستقرار .وانسجام في مكونات مجتمعك لتنهض, وموارد ومنافذ وعقول وهمه وقائد يلتف الناس حوله

[بجاوي]

#967059 [اريتريا]
1.00/5 (1 صوت)

04-08-2014 06:03 PM
واشارة ايلا عن علاقتة بأسياس احسن( بدل اريتريا لانو الاريترين يعيشو لاجين فى ديارك ياايلا بسبب صديقك الحميم اسياس

[اريتريا]

#966856 [بجاوي اصيل]
2.00/5 (3 صوت)

04-08-2014 02:15 PM
من اين اتيت بالكلام هذا ياايلا انت مرتاح في الكرسي واهل الشرق يموتوا من الجوع ويعانوا من الفقر والجهل وانت عايش في الرفاهيه مهرجان البحر الاحمر ومشغل شركاتك في الولايه فابشر ياايلا انت والحكومات العنصريه التي توالت علي حكم السودان الذين تعمدوا تهميش الشرق ونهب ثرواته وافقار اهله ابشروا فان انفصال الشرق قادم لا محالة وان طال الزمن وان دولة البجا قادمه قادمه قادمه
بجافوق بجا فوق بجا فوق

[بجاوي اصيل]

ردود على بجاوي اصيل
European Union [سوداني حر] 04-08-2014 04:04 PM
نحنا النوبة نعمل شنو ؟؟ ونحنا اتأمرت علينا كل حكومات السودان مع مصر وهجرونا من ارضنا

وهمشونا لا مدارس ولا مستشفيات

ولو في حاجة فدي بي مجهودنا الشخصي بنيناها



علي العموم خيانة الوطن بقت حاجة عادية

United States [سوداني حر] 04-08-2014 04:00 PM
ااه يا وطن مسكين وقت بقطعوا فيك كده

كل واحد داير يقطع من لحمك عشن قبيلتوا ترضي


ااااخ يا سودان وين الرجال

لو كانت المظالم بتبرر تقطيع الوطن كان نحنا الحلفاوين اول ناس تطالب بالانفصال

لكن في ناس غبية فاكرة انو الانفصال بحل مشكلة


ما عارفين انو الجبان البسيب بلده عشن يعمليهوا بلد صغيرة علي قدروا حيفضل طول عمره جبان

بكره يا بجاوي تقسم دولة البجا بتاعتك دي بيت بيت وقبيلة قبيلة

انا سوداني نوبي وولائي للسودان كله شمال شرق غرب وجنوب


#966813 [دقنه]
4.18/5 (7 صوت)

04-08-2014 01:44 PM
سر يا إيلا وعين الله ترعاك. لو سلام جاهزين لو حرب جاهزين ونحن عارفين البيحصل كلو وراصدينا وكت تجي لحظة الصفر عارفين نعمل شنو

[دقنه]

#966428 [كاكا]
4.07/5 (5 صوت)

04-08-2014 08:50 AM
خليك قاعد في الطراوة

[كاكا]

#966424 [أبوعلي]
3.38/5 (5 صوت)

04-08-2014 08:42 AM
وقتما يشتدّ ضغط الفيضان المائي
ينهار السدّ الترابيّ في عدّة أماكن
تخور قوى الضعفاء حرّاس السد وينهار تماما
تعود المياه إلي مجراها جارفة الأوساخ النتنة
ترتوي الأرض وتتسمّد بالطمي فتخضرّ وتزدهرالحياة

[أبوعلي]

#966321 [AburishA]
4.19/5 (6 صوت)

04-08-2014 02:30 AM
قالوا العود لو ما فيهو شق ما بقول طق ...

[AburishA]

ردود على AburishA
European Union [ودالباشا] 04-08-2014 05:48 AM
سيرة العيدان دى بتخوف وتخلى الحمى تطلع فى الراس



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية



الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة