الأخبار
أخبار السودان المحلية
نفى مصادرة صحيفة الميدان وأكد عدم تدخله في ندوة حركة غازي.. جهاز أمن حزب البشير يعلن إطلاق سراح الموقوفين السياسيين
نفى مصادرة صحيفة الميدان وأكد عدم تدخله في ندوة حركة غازي.. جهاز أمن حزب البشير يعلن إطلاق سراح الموقوفين السياسيين
نفى مصادرة صحيفة الميدان وأكد عدم تدخله في ندوة حركة غازي.. جهاز أمن حزب البشير يعلن إطلاق سراح الموقوفين السياسيين


04-08-2014 11:35 PM
الراكوبة اعلن جهاز الامن والمخابرات اطلاق سراح كافة الموقوفين بطرفه الذين لم تثبت في حقهم تهم جنائية ترتبط بالحق العام أو الخاص طبقاً لتوجيهات رئيس الجمهورية في لقائه الاخيرة مع قادة الاحزاب بقاعة الصداقة في مؤتمر المائدة المستديرة.
وقال مدير ادارة الإعلام بالجهاز في بيان امس"الثلاثاء" ان الموقوفين اخلى سبيلهم لتعزيز مناخ الحريات وتهيئة الاجواء للحوار السياسى فى هذه المرحلة من تاريخ البلاد التى تتطلب تحلى جميع الاطراف بالمسئولية والقيام بالواجبات الوطنية من اجل الاستقرار والسلام والتنمية.
و انكر مدير إدارة الإعلام مصادرة الجهاز لعدد صحيفة (الميدان) لسان حال الحزب الشيوعي السوداني مبدياً إستغرابه من تلك الانباء.
وفيما يتعلق بندوة حركة الإصلاح الآن بزعامة غازي صلاح الدين امس الاول بجامعة ام درمان الأهلية أكد مدير الإعلام بالجهاز أن الحرس الجامعى وإدارات الجامعات هي المسؤولة عن إدارة المناشط داخل الجامعات وليس جهاز الأمن بالتالى فإن أي قرار يلى النشاط بالجامعات تتخذه إدارة الجامعة بما يتوافق مع إستقرار الجو الأكاديمي ومصلحة وسلامة الأبناء الطلاب.


تعليقات 32 | إهداء 0 | زيارات 9085

التعليقات
#968549 [سودانى شديد]
0.00/5 (0 صوت)

04-10-2014 06:48 AM
تهم جنائية و لسه محبوس !!!!! طيب ماااااا فى واحد كده محكوم من محكمة جنائية دولية و طلع ليهو أمر قبض كمان و لسه حايم و يبرطع و يعمل حفلات و مؤتمرات!!!

[سودانى شديد]

#968295 [mohamedhada]
0.00/5 (0 صوت)

04-09-2014 07:50 PM
الأخوة السوريون عندهم مثل يقول :::يا راجي الدبس من ________ النمس
و اللبيب بالأشارة يفهم

[mohamedhada]

#968276 [حيدر م]
5.00/5 (1 صوت)

04-09-2014 07:17 PM
من تثبت بحقهم تهم تتعلق بالحق الخاص هو ليس شان جهاز الامن إنما من حق المتضرر مباشرة الإجراءات اما الحق فهي عبارة فضفاضة لإفراغ قرار الرئيس انها مهزلة

[حيدر م]

#968199 [ابو الصديق]
4.00/5 (1 صوت)

04-09-2014 05:47 PM
زمان كان فى الانداية امراة تدق الدلوكه وتغنى

وتشكر فى الزبائن كان الزبائن بنقطوا ليها القروش

واخر اليوم تكون شاربه مريسة وشبعانة لحم طرف ثوبه

ملان قروش تسمى يلغة الصعاليق معرصة امبارح حسين خوجلى

ذكرنى هذه المراة وهو يتكلم عن الامن وعن ايام الاتحاد

الاشتراكى التى كان فيها مخبر فى الامن 0ش.طالب ونقده

الذى قدمه لاركان النقاش فيه رائحة الامن ونتانتهم وهو

المرشد الواعظ كل يوم..اه يازمن حثالة اليشرفى السودان

مرشدون ووعاظ...اللهم لا اعتراض فى حكمك

[ابو الصديق]

ردود على ابو الصديق
United States [جركان فاضى] 04-09-2014 07:12 PM
صدقت يا ابو الصديق..فقد قام النميرى بتجنيد كل صعاليك ودنوباوى فى جهاز الامن...واداهم المسدسات واصبحوا يستبيحوا فى خلق الله...فكم شيخ وقور ابيضت لحيته صفعوه على خده الوقور...وكم مهرجان سياسى فرتقوه...وكان الواحد منهم يمشى فى الشارع زى ديجانقو...ايام لها ايقاع عند حسين خوجلى


#968110 [Abomajda]
0.00/5 (0 صوت)

04-09-2014 04:20 PM
الان المؤتمر الوطني واجهزته المنبثقة منه في محك واختبار حقيقي اما الراي العام السوداني الذي صبر عليهم اكثر من ربع قرن من الزمان فهل يستطيع عطار المؤتمر الوطني اصلاح وتعطير وتاطير ما افسدته اجهزته القمعية والدموية والتي ما زالت تضرب بيد من حديد في مواطن الهامش السوداني وانا هنا اتذكر كلام المرحوم الزبير محمد صالح في احد لقائاته العفوية بقوله ( والله العظيم انحنا ما جينا عشان سلطة او مال انحنا جينا عشان المساكين الغبش ) سؤال بريئ اريد القراء الاجابة عليه ما هي الدلالة التى اراد منها البشير في تقديم خطابه الاول الوثبة يوم27/1/2014 ولقاء المائدة المستديرة بتاريخ السادس من ابريل 2014م هل هي تحمل دلالات سابقة ومؤشر جديد ؟؟؟؟

[Abomajda]

#967972 [ابراهيم الجريميكي]
4.00/5 (1 صوت)

04-09-2014 02:15 PM
بس قولوا لينا وين البروفسور عمر هارون

[ابراهيم الجريميكي]

ردود على ابراهيم الجريميكي
[قرفنا1989] 04-10-2014 05:00 AM
حكايه البروفسر عمر هارون ذى حكايه الطائره الماليزيه مامعروف مصيرها وين إلا يستعينو بشيخ بله الغائب


#967923 [عزة]
0.00/5 (0 صوت)

04-09-2014 01:36 PM
صبر

[عزة]

#967910 [عايش في ادغال دارفور]
5.00/5 (1 صوت)

04-09-2014 01:29 PM
الله يستر

[عايش في ادغال دارفور]

#967855 [زول ساي]
5.00/5 (1 صوت)

04-09-2014 12:52 PM
ابصق علي الزيف المعلب في المتاجر والشوارع وابصق علي الكذب النسف في الدنيا تاريخ الروائع

تف تف تف تف علي وجوه القتلة الكذابين

[زول ساي]

#967814 [انصاري]
4.00/5 (3 صوت)

04-09-2014 12:25 PM
يا جماعة يعملوا ليكم شنوا..!!؟ جهاز الامن الحمل الوديع ..أ.. لا قتل ..ولا أغتصب..ولا سجن..ولا عذب...ولا كذب...

(1) صحيفة )(الميدان).. (برآها)....قالوا جنت!!؟.. ولا عضاها كلب" حماكم الله".. قامت حجبت روحها من عيني.. بعد ما صدرت..وأبت تتوزع!!؟؟

..."جهاز ما عمل ليها حاجة يا جماعة".....هو في حد بفهم أكثر من الحكومة..!!؟؟" (ود عطا المولي. (كبير أخوانه)!؟ الأمنجية..!؟... قال ليكم ما صادرناها..ولا وقفناها..!!؟؟.. ولكن شبه لكم..!!؟

(2) والندوة بتاعت ناس "غازي صلاح الدين" برضوا (الأمن بريء)!!؟؟ دي شكلة عائلية بين أهل العروس والعريس..!!؟؟ "يعني الأمن الدخلوا شنو بين القشرة وبصلتها...

(3) أي زول يقطع قنبوروا...ويصدق..!!؟؟ إنوا (حرس) الجامعات.. دة مؤسسة مستقلة تماماً ما عندها أي علاقة.. مع الحكومة..حتى الضباط رؤساء الحرس الجامعي ـ بالجامعات.. من الشرطة الأمنية (إستخبارات البوليس)..وجهاز الأمن ـ (ش الطلاب)...والعساكر والشوشية لابسين مدني..هدوم الشغل..زيهم وزي الطلبة ..والاساتذة والموظفين الإداريين.. وهم (شهادتي لله)!!؟؟ محايدين تماماً ـ زي (سويسرا).. بالظبط..!! مات لخبطوا الكيمان...!!وتسيأوا الظن في الأمنجية...إن بعض الظن إثم..!! وليس كله بالطبع...

[انصاري]

ردود على انصاري
United States [الصوت] 04-09-2014 06:08 PM
حاسدنهم على النزاهة والنظافة يا انصاري .... عشان ليقوهم مساكين وما بمشوا الا في ضل الحيطة .. يقوموا

يقشوا فيهم (( المخاته )) ... الله يجازي الكان السبب ....


#967787 [حسكنيت]
3.00/5 (2 صوت)

04-09-2014 12:06 PM
شهداء سبتمبر قبل كل شئ

[حسكنيت]

#967730 [عكر]
1.00/5 (1 صوت)

04-09-2014 11:31 AM
اريد ان اكتب كتاب بعنوان ....((السودانيون وذاكرة السمك )) هل من معين ...؟؟؟

[عكر]

ردود على عكر
United States [كاكا] 04-09-2014 03:47 PM
حدد لينا نوع السمك ( بياض بلطي قرقور ) عشان نعينك


#967579 [ابوقنبورين]
3.25/5 (3 صوت)

04-09-2014 10:21 AM
(( متهمين )) بتهم جنائية !!!!!!!!!!!!!!!!!!!!
المتهم يا عطا برئ حتى تثبت إدانته ، ديل معتقلين منذ شهور وسنوات بدون محاكمات وبدون ان يعرفوا لماذا اعتقلوا ،
والمتهمين بتهم جنائية الجابم شنو في جهاز الأمن ؟؟؟
التهم الجنائية دي محلها القضاء والشرطة !!!!!
وبعد دا عايزين الناس تعفو عنكم كدا .. ودي عمايلكم ؟؟؟؟
بالله بالبساطة دي .. لا والله سنأخذ حقنا قصاصاً .. ولا عفى الله عما سلف ، ذلك العفو الذي جعلكم تتمادون في غيّكم عندما أمنتم العاقبة .

[ابوقنبورين]

ردود على ابوقنبورين
European Union [البعشوم] 04-09-2014 07:54 PM
قريت تعليقك يا ابو قبورين، هبشت راسي مرتين !!

United States [الصوت] 04-09-2014 06:13 PM
[[والمتهمين بتهم جنائية الجابم شنو في جهاز الأمن ؟؟؟
التهم الجنائية دي محلها القضاء والشرطة !!!!! ]]
@@@@

ما هو دا السؤال المجنن بوبي ....!!!


#967576 [ابومحمد]
5.00/5 (2 صوت)

04-09-2014 10:20 AM
(( اعلن جهاز الامن والمخابرات اطلاق سراح كافة الموقوفين بطرفه الذين لم تثبت في حقهم تهم جنائية ترتبط بالحق العام أو الخاص ))

كفاية لعب على الدقون
اصلا العندهم تهم جنائية ديل مفروض يكونوا مع الشرطة مش الامن

[ابومحمد]

#967560 [عن قريب]
2.00/5 (1 صوت)

04-09-2014 10:11 AM
و الحرس (الثوري) الجامعي ده شنو ؟؟؟ غير احد ازرع جهاز الأمن زيو وزي اتحادات الطلاب ، والإتحاد العام للطلاب الذي ترك قضايا الطلاب والبلاد وجوعها وتردي التعليم بها .
وتفّرغ لـ (محو اسرائيل من الوجود) حسب شعارهم .. ولافتات (الدلاقين) المعلقة بجامعتنا .
يقال ان ارتفاع اسعار السيخ بالبلاد هذه الأيام يرجع لان ناس الإتحاد ديل اشتروا كل الشيخ في البلد من أجل هذه المهمه المقدسة !!!!!

[عن قريب]

#967548 [سادومبا]
1.00/5 (1 صوت)

04-09-2014 10:01 AM
طيب يا ناس جهاز الأمن .. ليه تعتقلوا المتهمين بتهم جنائية اصلاً ، اليس هذا من صميم عمل القضاء و الشرطة ؟؟؟؟
ولو قبلنا ذلك ، لماذا لا قومون الآن ـ إن كنتم جادين ـ بتحويل هؤلاء المتهمين (جنائياً) لجهات الإختصاص (للشرطة والقضاء) .

[سادومبا]

#967543 [بت قضيم]
3.00/5 (2 صوت)

04-09-2014 09:58 AM
الشيوعي ما بكذب والكيزان اكبر كذابين ومنمحرفين اخلاقيا والامن من الكيزان يعني زيهم كذاب ونعيدها مرة اخرى والحاضر يكلم الغائب الشيوعي ما كذاب والكوز اكبر كذاب ونصاب

[بت قضيم]

#967491 [Abdo]
3.00/5 (2 صوت)

04-09-2014 09:11 AM
و الحرس الجامعي و إدارات النشاط الطلابي دي تابعة لمين ؟؟؟ أوع تقول لإدارات الجامعات ؟؟ صدقنا كان كدي ،، عطا براءة

[Abdo]

#967454 [حامد الجاك]
3.50/5 (3 صوت)

04-09-2014 08:25 AM
اقتباس

اعلن جهاز الامن والمخابرات اطلاق سراح كافة الموقوفين بطرفه الذين لم تثبت في حقهم تهم جنائية ترتبط بالحق العام أو الخاص طبقاً لتوجيهات رئيس الجمهورية في لقائه الاخيرة مع قادة الاحزاب بقاعة الصداقة في مؤتمر المائدة المستديرة.

طيب اوقفتوهم ليه لمن ما عليهم تهم جنائية ترتبط بالحق العام او الخاص ..ز المفروض حسب هذا التصريح يتم معاقبة رئيس جهاز الامن على ذلك , ويفترض ان يطالب الشعب بذلك للتأكد من صدقية النظام ...

[حامد الجاك]

#967453 [عباس السكروتي]
4.85/5 (6 صوت)

04-09-2014 08:23 AM
جهاز الأمن مستقوي على المواطنين العزل وعامل فيها أسد في الخرطوم وعلى التنظيمات السياسية, ولو سألتهم عن مسئوليتهم المهنية كجهاز أمن قومي عن سلامة المجتمع أو أمنهم الصحي أو الأمن الزراعي أو الأمن الإقتصادي ، فحدث ولا حرج, ليس لهم رؤية ولا حتى فهم لهذه الجوانب من الأمن القومي ككل، بس فلاحتهم في حبك المؤامرات وبث الفتن وزعزعة الإستقرار وتمزيق النسيج الإجتماعي للبلد من خلال تأليب القبائل على بعضها البعض ومن خلال العبث في المواعين التاريخية التي جمعت المواطنين وشكلت منظومة المجتمع السوداني بانتماءاتهم الصوفية والقبلية والحزبية والفكرية والتي تشكل السودان بأبعاده السياسية والدينية والثقافية والتي تزكي روح الإنتماء لمثل هذا التنوع الرائع للإنسان السوداني، مثل هذا المفهوم يغيب تماما عن عساكر وضباط جهاز الأمن والذي كان المنوط به حماية هذه المواعين وتحصينها لتنمو وتزدهر لمزيد من الإنصهار من خلال التعرف على الآخر، آفة السودان هو مثل هذه العقلية الأمنية البليدة.

[عباس السكروتي]

#967440 [usama]
3.50/5 (3 صوت)

04-09-2014 08:04 AM
الحرس الجامعي ههههه ناس الامن ديل جادين ناس الحرس الجامعي ديل شنو ما من الامن واغلبهم جاهلين,,,كلنا قرينا في الجامعات بنعرف الحرس الجامعي بالاسامي منهم الطيب ومنهم الخبيث,,
يعني الحرس الجامعي عندو فوات جاهزة للتدخل لفض اركان النقاش ؟؟؟؟؟؟؟؟......؟؟؟؟؟؟؟

[usama]

#967437 [MOJAHID GUSOOMA]
5.00/5 (1 صوت)

04-09-2014 07:57 AM
ياnagatabuzaid و AburishA شكلكم معلقين سالبين ثابتين ما بتشوفو ليكم شئ موجب ابداً ياخى غيرو نظاراتكم السوداء دى و تفألو خير شويه تجدوهو

[MOJAHID GUSOOMA]

ردود على MOJAHID GUSOOMA
United States [AburishA] 04-10-2014 07:33 PM
هع هع هااااع تفاءلوا خير شوية تجده.. اخوي مجاهدي فسومة..خير من جهاز الامن زي حلم ابليس في الجنة.. لم نكن معلقين سالبين..لكن لايوجد شيء واحد ايجابي لهذا النظام والجهاز.. الا كان قتل الابرياء.. والفساد والمحسوبية..وحرق القرى..واغتصب النساء..وسبي الفتيات.. أوليس قوات الدعم لسريع(الجنجويد) هي تابعة لعمليات الجهاز حسبما صرح مدير الجهاز!!! أنا (واعوذ بالله من كلمة أنا) لا اتحدث من فراغ.. بل من منطلق (الجمرة بتحرق الواطيها) واظنك فهمت..
أما عن الاخت المناضلة بت ابوزيد.. هي تعتبر من أميز الاقلام المناضلة في هذا الموقع.. ولها من التعليقات ما يُشرف..

** الاخ جركان فاضي.. لك التحية اخي الفاضل وشكرا لك وأرجو ان نكون عند حسن الظن.. البعض قد لا لايعرف ان هذه التعليقات هي التي يتناولها الرأي العام العالمي.. ومتخذي القرار حيث تساعدهم في اتضاح الامور.. لك وافر التقدير والاحترام..

** الاخوين (حسكنيت) و (الصوت) لكما خالص المودة.. اخشى ان يكون هذا المجاهد قد ضل الطريق..ليته يجاهد لاحقاق الحق..لكما المودة..

United States [الصوت] 04-09-2014 06:20 PM
صحيح انت MOJAHID ...!!!

United States [حسكنيت] 04-09-2014 12:02 PM
زح إيدك بعيد ، وأمشى شوف مدافع الدلاقين وين

United States [جركان فاضى] 04-09-2014 09:29 AM
يا mojahid ان الاخت nagatabuzaid والاخ AburishA هم من خيرة معلقى الراكوبة...وكل تعليقاتهم فى الصالح العام...صالح الشعب وليست فى الصالح الخاص...وهم يخشون على وطن يكاد يضيع من بين ايديهم...وانت يا اخى متفائل وبلدك ملاية حروب وجيوش خارجية وحصار اقتصادى وتجويع للناس و انعدام كثير من الادوية خاصة الادوية المنقذة للحياة...وماكينات غسيل الكلى لاتعمل...واتمنى من الله يا مجاهد ان ينتقم منك الله وتصاب بفشل كلوى عشان تشبع فى التفاؤل


#967416 [ahmed]
5.00/5 (2 صوت)

04-09-2014 06:40 AM
[ إقتباس] اعلن جهاز الامن والمخابرات اطلاق سراح كافة الموقوفين بطرفه الذين لم تثبت في حقهم تهم جنائية .
قال لي صديق أن الشعب السوداني أصبح مغيباً ولم أستطيع تصديق ذلك ومنذ ذلك الوقت أصبحت أراقب المقالات والتعليقات وتيقنت أن الشعب السوداني أصبح ليس فقط مغيباَ بل حتي إنه أصبح لا يعرف حقوقه أيضاً .فأبسط قواعد القانون إن المتهم برئ الي أن تثبت إدانته وهنا في الخبر يدل علي أن جهاذ الأمن يعتقل الناس حتي تثبت برائتهم عجباَ يا بلدي أصبح اللصوص والقلة والمغتصبون يدينون الشرفاء !!!!!

[ahmed]

#967381 [الدنقلاوي]
4.72/5 (7 صوت)

04-09-2014 02:24 AM
نفس الفلم
لو الندوة في الجامعة يمنعوها ويقولوا منعها الحرس الجامعي
ولو في حي (ولو داخل دار حزب) يمنعوها ويقولوا منعتها اللجنة الشعبية
ولو في استاد يقولوا منعها اتحاد الكورة ولا النادي
وهكذا...
يعني الموضوع كلو تغيير من حجوة الترخيص إلى حجوة المنع عبر "الجهة المختصة"
يعني الناس تتكلم ولا تعمل ندوة وين؟ في ...
وسيظل نصف المعتقلين السياسيين في السجون بدعوى أن عليهم اتهامات جنائية
فمن خرج في مظاهرة متهم بالتخريب الجنائي
ومن انتمى للجبهة الثورية متهم بمحاولة تقويض النظام بالعنف
لن يغير الضبع عادته في أكل الجبف إلا إذا مات
فأقتلوا الضبع

[الدنقلاوي]

#967357 [Naser]
4.87/5 (11 صوت)

04-09-2014 01:36 AM
الشينة منكورة.
ما كلكم امن.
في زول ما امنجي معاكلم في اجهزة الدولة فقط تبادل ادوار. ما تممسحوا لينا ريالتنا دي

[Naser]

#967355 [nagatabuzaid]
5.00/5 (9 صوت)

04-09-2014 01:29 AM
ممكن يلصقوا لاى واحد تهمة تكسير ونهب الرباطة للصيدليات ممكن يلصقوه فيهم فيكونوا مطلوبين جنائيا ديل اكبر مجرمين فى العالم وهم ومخافة الله على خطين متوازيين لا يلتقيان ابدا ولا تصدقوهم وتدفقوا مويتكم على الرهاب

[nagatabuzaid]

ردود على nagatabuzaid
European Union [AburishA] 04-10-2014 07:46 PM
فعلا يا بت ابزيد.. وقالوا الما بيخاف من الله...أعمل حسابك منو !!! أقول البصدقهم يجب ان يتحسس (عقله) !!!


#967345 [AburishA]
4.44/5 (7 صوت)

04-09-2014 12:54 AM
**شامهيل...طامهيل...موري ..كواري..فواري.. كجحلمظ..شصضطظؤذحعفز...

ان الموقوفين اخلى سبيلهم لتعزيز مناخ الحريات وتهيئة الاجواء للحوار السياسى فى هذه المرحلة من تاريخ البلاد التى تتطلب تحلى جميع الاطراف بالمسئولية والقيام بالواجبات الوطنية من اجل الاستقرار والسلام والتنمية.
***هجمني النمر***هجمني النمر****

[AburishA]

ردود على AburishA
United States [AburishA] 04-10-2014 07:42 PM
الافاضل..بت ابزيد..المشروع.. الصوت..لكم التحية..

**حسب قاموس الشيطان في بلاد السودان... ومعجم ابليس الابالسة في ترجمان انتهاكات جهاز الامن المخالفة.. فان طامهيل تعني (كضابات) باعتبار ان فعايل الجهاز ليس عمل (رجال)..لكم المودة

United States [الصوت] 04-09-2014 06:27 PM
وكان مغالط في الترجمة دي يا اخوي المشروع .. اسأل شيخ بله الغايب ....

United States [المشروع] 04-09-2014 06:32 AM
يا نجاة شامهيل معناهنا كضابين
وبرضو طامهيل معناها كضابين
دي لغة بلاد الجن الاحمر التي كل مفرداتها متشابهة
وبعدين الحرس الجامعى وجهاز الامن الهدف كلها مسميات لشئ واحد اسمه قهر الناس بأيدي الحركة الاسلامية

United States [nagatabuzaid] 04-09-2014 01:22 AM
اترجمه ليك ( كضابين كضابين كضب السواد والرماد كضبا كاضب كضب الحجار والجبال )


#967322 [عصمتووف]
3.50/5 (3 صوت)

04-09-2014 12:10 AM
مشكلة جهاز الامن اصبح اكبر مصنع لصناعة القتل واستباحة كل شئ بل وصل لتفريخ الكذب اوصي بمنحهم شهادة الجوده (الاوزو)
يعني الميدان اصبحت الجبنه البيضاء خطفها الغراب ام فلول الغازي عام 76 الشهير بالمرتزقة والحالي ان شاء الله تتيفوهم تف الشرموط

[عصمتووف]

#967319 [ابومروه]
1.00/5 (2 صوت)

04-09-2014 12:07 AM
نتمني ذلك و يستمر الاصلاح و يتوافق اهل السودان لما فيه خيرا للبلاد و العباد

[ابومروه]

ردود على ابومروه
European Union [عم عبدالرحيم] 04-09-2014 06:32 AM
زما نيل المطالب بالتمني... دي حقائق على أرض الواقع .....


#967313 [ابو محمد]
4.00/5 (3 صوت)

04-08-2014 11:49 PM
اجرام منظم

[ابو محمد]

#967312 [alshifit]
3.00/5 (2 صوت)

04-08-2014 11:49 PM
اها نكروكم حطب شن الدبارة مع هؤلاء السفلة؟

[alshifit]

#967308 [خالد حسن]
4.69/5 (5 صوت)

04-08-2014 11:47 PM
ونحن حانصدقك ياكلب الامن

[خالد حسن]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة