الأخبار
أخبار إقليمية
برلماني يطالب بملء المقاعد الشاغرة في البرلمان بأحزاب المعارضة
برلماني يطالب بملء المقاعد الشاغرة في البرلمان بأحزاب المعارضة



04-09-2014 11:55 AM
البرلمان: وليد النور
تقدم عضو البرلمان علي أحمد سليمان بمقترح تمنح بموجبه القوى السياسية المعارضة المقاعد الشاغرة بالبرلمان وتكوين كتلة للمعارضة بالمجلس وطالب سليمان خلال الجلسة أمس الأحزاب العتيقة بلملمة شتاتها وستر عورتها والالتزام بموروثاتها لمواجهة قضية الوطن الحديث وشدد على ضرورة إدخال دماء جديدة لإحياء البرلمان تأكيداً للجدية وكسب ثقة القوى المعارضة بجانب تقوية عود تلك الأحزاب لخوض الانتخابات وطالب المؤتمر الوطني بمنحهم السلطة وإخلاء ما يرغبونه من مواقع وقال سليمان إن المقترح لم يطرح علىي حزبه "المؤتمر الوطني" حتى الآن، وقال "ما عندنا شورى نطرح الأمر"
في السياق طالب برلمانيون بإصلاح حال المواطن وقالوا إن المواطن السوداني يئن من الألم وضمور الموارد وشح الإمكانات بصورة وصفوها بالمدهشة والمؤلمة وطالبوا بضرورة إبراء الذمة وإيلاء الفقراء مساحة أكبر

الجريدة


تعليقات 10 | إهداء 0 | زيارات 1025

التعليقات
#968477 [ali mohmed ali]
0.00/5 (0 صوت)

04-10-2014 12:58 AM
Nonsense

[ali mohmed ali]

#968137 [كاكا]
0.00/5 (0 صوت)

04-09-2014 04:41 PM
شوف الخبث يدخلوهم في الرلمان ويدوهم الفتات من الكعكة وتنتهي مسرحية الحوار طعبا اكيد في اعضاء بعض الاحزاب بدوا يبلوا في ريقهم لمان سمعوا الاقتاح ده

[كاكا]

#968124 [Aboahmed]
0.00/5 (0 صوت)

04-09-2014 04:31 PM
يعني تمومة عدد ساااااي ... المقاعد الشاغره يملوها ليكم وتتموا بيهم العدد......
شفت حتى في الحلول البقدموها ناس بني كوز ساذجين ..... عليك الله ديل يستلموا ادارة بلد ؟؟؟؟؟؟؟
والله البلد هامله سااااااي البديروها عينة الاشكال دي ....عشان كده وصلنا للحاله دي ....

[Aboahmed]

#967985 [jakoma]
5.00/5 (1 صوت)

04-09-2014 02:24 PM
اولا ادخلوا الطريفي الذي لم يحصل حتي ولو علي صوته الانتخابي في انتخاباتكم المزورة يا كوز يا نتن

[jakoma]

#967977 [الحجاج]
0.00/5 (0 صوت)

04-09-2014 02:18 PM
لانت ولا البرلمان بتاعك دا عملتو شنو للوطن والمواطن قاعدين ونايمين في جلساته ، ما فيكم فائدة لانت ولا المعارضة التي تطالب بها ايها العربجي انتم جميعا يجب رميكم في حفرة متقدة بالجمر ، ماذا قدم برلمانك هذا منذ انشائه عليك الله اسال نفسك اي مشكلة قمتم بحلها من خلال البرلمان المهزوم والمأزوم بكم ، انتم وبرلمانكم في نار جهنم لانكم جالسين فيه بدون فائدة فقط مخصصات رايحة في الهوى .

ماادري كيف تحللون رواتبكم يا اهل البرلمان الفاشلين معظمكم اثرى نفسه من جلسته فيه حسابكم يوم ينادي المنادي ويوم تقبرون ايها السفلة المنحطين .


وجودكم وعدمه واحد يا برلمان السودان ،

[الحجاج]

#967878 [بابا حلفا]
0.00/5 (0 صوت)

04-09-2014 01:04 PM
مقاعد يملوها بشنو ؟؟؟
وانتا شغلتك شنو ؟؟؟ تنوم ساي ؟؟؟ الزول دا ممثل ياتو دائره وهل حقق شيئ من ما وعد به من انتخبوه؟؟؟!!!
بتاخد راتب ومخصصات وبدلات وووو
مقابل شنو ماذا قدمت لدائرتك بالله عليك
ما هو عملك ؟؟؟ ربنا يوم القيامه يوم لا ينفع لا الترابي ولا البشير ولا كل متسلط شيئا اما الجبار المتكبر ذا الجلال والاكرام
ناس شغلتهم الدنيا ونسوا الله فانساهم انفسهم
حسبنا الله ونعم الوكيل

[بابا حلفا]

#967865 [radona]
0.00/5 (0 صوت)

04-09-2014 12:58 PM
اول حاجة كدي حلو لينا البرلمان ده لانه ما بيخدم غرض
بعدين نحن ما دايرين اكثر من 100 عضو برلمان بس
لانهم ديل كغثاء السيل

[radona]

#967837 [من المركز]
0.00/5 (0 صوت)

04-09-2014 12:39 PM
كنتم وين من زمان؟ هو انتم علي كيفكم تدخلوا البرلمان اعضاء زي ما دايرين عشان ترضوا المعارضه؟ دا اسمه برلمان الاعضاء لابد ان ينتخبوا!!! هل صاحب الفكره دي عنده اي فكره عن ما هي البرلمانات ؟ وما هي الانتخابات ؟ او ما هي الديموقراطيه؟ كل يوم ناطي لينا واحد بمشروع جديد من راسو!!! يا عضو البرلمان البلد لابد تقوم وتدار علي المؤسسيه مش علي رآي الناس متلك؟ نحن نطالب قبل كل شيء باطلاق الحريات ثم من بعد دستور جديد يتفق عليه وعلي ضوءه تدار البلاد. اول مره اتفق مع كوز د. غازي حينما طالب بابعاد جهاز الامن من السياسه. هو اصلا مين المسئول عن جهاز الامن الذي يبدو لي انه كل واحد فيهم شغال علي كيفو زي البرلمان كل واحد يصرح ويطلق اقتراحات علي كيفو . اما البرلمان كما هو الان نحن لا نعترف به بل هو مصدر صرف اموال الشعب من غير اي فائده!!! الان بيديتوا تطالبوا بمساعدة المساكين من الشعب؟ وهل باقي سوداني غير مسكين؟ اختشوا شويه والا فتشوا ليكم عن جماعه يختشوا ليكم ولو بالقروش.
كان الله في عون السودان والسودانيين

[من المركز]

#967803 [المهند]
0.00/5 (0 صوت)

04-09-2014 12:20 PM
سيدي عضو البرلمان المحترم
عندما دخل ابوالقاسم محمد ابراهيم بدبابته الى جامعة الخرطوم رد عليه احد الطالب ان الجامعة بدخلوها بالشهادات وليس الدبابات

ونحن نقول لك ان البرلمان سوف تدخله المعارضة بالانتخابات النزيهة والديمقراطية القادمة عند فجر الخلاص من نظام الانقاذ

[المهند]

#967785 [بت قضيم]
0.00/5 (0 صوت)

04-09-2014 12:03 PM
المقاعد دي مقاعد سينما ولا مسرح وعاوز تملاها كيف يا كوز طبعا البرلمان وكما تظن ملككم حتى تقررون ملء مقاعده بمزاجكم في حاجة اسمها انتخابات ولا عاوز تملاهو بالتوالي يا متوالي

[بت قضيم]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة