الأخبار
أخبار إقليمية
«6» طائرات لضبط المرور بالخرطوم
«6» طائرات لضبط المرور بالخرطوم
 «6» طائرات لضبط المرور بالخرطوم


04-09-2014 12:01 PM
الخرطوم: هبة عبيد
كشف والي الخرطوم عبد الرحمن الخضر عن توقيع شراكة مع جياد لتزويد الولاية بـ «6» طائرات للعمل في ضبط حركة المرور وتسهيل الرقابة وعمليات الرش ومتابعة حركة السيول والأمطار.


تعليقات 61 | إهداء 0 | زيارات 10890

صفحة 1 من 212>
التعليقات
#969487 [bent alnil]
1.00/5 (3 صوت)

04-10-2014 07:24 PM
الإنقاذ فريدة بين الحكومات الوحيدة التي لا تحتاج إلى كوميديان و إنشاء قناة في اليوتيوب عشان تسخر منهم و الناس تضحك لأنهم بث مباشر بضحكوك براهم تصريحات و تصرفات تتفرج بس ...

[bent alnil]

#969362 [طه]
1.00/5 (3 صوت)

04-10-2014 05:12 PM
الناس ديل قالو لو طرتو م بنخليكم

[طه]

#969257 [حرقة وألم]
1.00/5 (3 صوت)

04-10-2014 03:40 PM
انتوا زمان مش كنا بنغني ونقول

طيارة جات بي فوق شايلة القنابل فوق
جات تضرب الطاحونة ضربت وليد كلتومة والناس بكوا ارررووووك

[حرقة وألم]

#969064 [‏*‏ الفن و الادب *]
1.00/5 (3 صوت)

04-10-2014 01:23 PM
شباب ماشأ الله عليكم جميعا والله تعليقاتكم حلوه ومضحكة _ نعم هكذا ابناء السودان والله احسن شعب في الحياة ولولا هذه الحكومة لرفعنا السودان عالية العلا وربطنا بيننا اعظم الحضارات شكرا شباب بلدي شكرا شباب بلدي

[‏*‏ الفن و الادب *]

#968974 [وهج الشمس]
0.00/5 (0 صوت)

04-10-2014 12:14 PM
احسن لينا يقرصنا الباعوض ويتلما فينا الذباب ملاريا وعلاجها معروف ... بدل ما تقع فينا طيارة تكسر بيوتنا ورؤسينا .. هسع نعقد وين جوة ولا فى العريشة بره .. حيرشوا متين بالصباح ولا الظهر ولا العصر ..
يا جماعة نطير وووووووووووووووووووووووووووين من بلادة ناس الانقاذ دى رش رشوا .. سيول اسمها حفروا وافتحوا مجارى هكذا تتابع امور السيول بالمصارف وليس بالمراقبة بالطيارات تطير عيشتكم يا رب .. مصرين يخلونا نراقب بالنظر بعد ده عين فى الارض وعين فى السماء ما تقع فينا طيارة ونعقد نسك اللجان للتعويضات .. محن تمحن المحن ذاتها !!!

[وهج الشمس]

#968946 [bullet ant]
0.00/5 (0 صوت)

04-10-2014 11:56 AM
ضحكتونا يا دجالين
اولا فقط الهيلكوبتر تستطيع القيام با لاشياء المتناقضة التى ذكرت
مراقبة مرور و النزول فى اماكن وعرة و زرقاء اليمامة لمراقبة السيول و الامطار
خبر كيزانى لمعانقة الضباب و الدخان
اقتراح ان يقود الطائرة اللمبى با شراف البشير مساعد الطيار

[bullet ant]

#968851 [الزول]
0.00/5 (0 صوت)

04-10-2014 11:06 AM
يا ود الخضر الله لا خضر ضراعك , أنت قايل نفسك فى لوس انجلوس , عليك الله يا حرامى قروش الطائرات دى مش كان اولى بيها المرضى الماعندهم حق العلاج ولا الكومشن عالى . الغريب انو الدلوكة عمر البشير دا لا بسمع ولا بشوف ,, ليكم يوم ( القذافى , بن على , مبارك )

[الزول]

#968767 [المتوكل علي الله]
0.00/5 (0 صوت)

04-10-2014 10:15 AM
المفروض يكون هنالك طائرات لأنقاذ الجرحي في الحوادت وليس للرقابه علي المرور يعني تكون اسعافات

طائره تحلق علي المواطن الذي حصل له حادث في الخلاء او الصحراء افهموووووووووووووا يابشر



يعني يسمي اسعاف طائر

[المتوكل علي الله]

#968727 [أبوعبدالله]
0.00/5 (0 صوت)

04-10-2014 09:58 AM
هذا ام الفسسسسسسسسسسسساد

[أبوعبدالله]

#968503 [المنجلك]
5.00/5 (1 صوت)

04-10-2014 02:21 AM
كل يوم يتضح كذب ونفاق الكيذان واهدار اموال الدولة فى مشاريع وهمية للاستهلاك الاعلامى لا تعود بفايدة للوطن ويجب التحقيق فى جياد والصافات والتصنيع الحربى فقد استهلكت هذه المشاريع موارد مادية ضخمة كانت كفيلة بأنشاء بنى تحتية مثل الصرف الصحى والمستشفيات والمدارس
1- الخبر لايذكر نوع ال6 طائرات
2- الصافات لاتمتلك طائرات مفيدة لاغراض مدنية وهى عبارة عن مركذ تجميع واعادة صناعة
3- جياد تواجه صعوبات مالية فهل هذه صفقة من الوالى مع جياد لاستخدام التجميع الايرانى الحربى فى جياد لاغراض مدنية.

aircraft from Sudan. The SAFAT-02 is a light helicopter for training and the SAFAT-03 is a

basic fixed-wing trainer. The aircraft are products of the SAFAT Aviation Complex (Stand W472), which was established at Khartoum Airport in 2004.

SAFAT began overhaul and maintenance activities in 2006, and now has more than 700 personnel working in 14 hangars and 50 specialized workshops. As well as its central workshops the company has three centers for heavy aircraft maintenance, helicopter maintenance and aircraft development/manufacturing.

The heavy aircraft division performs periodic maintenance under a joint venture with TAE from the Ukraine, working on a range of Antonov aircraft and Ilyushin Il-76s, plus the Tecnam P92-JS and P2002-JF light aircraft. The helicopter center handles Mi-8/17/24 and BO 105 work, while the SAFAT plant also performs work on the Sudanese air force’s Shenyang F-6 and Nanchang A-5 fighters.

SAFAT’s directorate of aircraft manufacturing and development (DAMD) was created with the objective of establishing a local industry that could meet some of the nation’s aviation needs, especially in the field of training aircraft. The first product, the SAFAT 01, was a light aircraft based on the Piper Super Cub. It was shown off during the complex’s official opening in June 2009, and was built to instill confidence in the country’s ability to construct and fly aircraft.


That confidence has led to the construction of the SAFAT-03. This two-seat side-by-side trainer was based on the Serbian UTVA 75 design, and an initial batch was built for local training needs. SAFAT has subsequently introduced a new standard for future SAFAT-03 production.

SAFAT is also assembling a light utility/training helicopter, the Safat 02, based on the Aerokopter AK1-3 from Ukraine. This helicopter has a 2.5-liter Subaru EJ-25 engine that runs on automobile gasolinee

Sudan is offering a two seat trainer aircraft for sale. Based on a Serbian design (UTVA 75), the SAFAT-03 is a one ton aircraft with a cruising speed of 175 kilometers an hour and can stay in the air about four hours per sortie. Sudan obtained components for the aircraft from Ukraine and Serbia. No weapons can be carried, unless there is only one pilot. Basically, Sudan personnel assembled the SAFAT-03 from mostly imported components. Sudan is also offering the Ukrainian AK1-3 light helicopter, as the SAFAT-02. This one is also assembled in Sudan from imported components.

Sudan established an aircraft maintenance company seven years ago, and after several hundred locals acquired skills and experience at maintaining military and commercial aircraft, it was decided to try aircraft manufacturing. If the SAFAT-02 and SAFAT-03 don't sell, they are also being used by the Sudanese military for training. Not a lot was invested in the aircraft production effort, as it's mainly an assembly operation. This is something maintenance personnel are familiar with, as aircraft often have to be partially disassembled to make repairs.

Sudan touts the two aircraft as Sudanese designs, but almost all the design and engineering was imported, along with the components. Some changes were made to the external appearance of the aircraft, but that was it.

[المنجلك]

ردود على المنجلك
United States [سودانى شديد] 04-10-2014 07:33 AM
I wish for everyone to read the report in English as it is very valuable and contains lots of important information, this so-called Safat is a very strange utility and most of doubts are walking around it


#968490 [المنجلك]
0.00/5 (0 صوت)

04-10-2014 01:39 AM
الخبر ناقص «6» طائرات نوعها شنو
two seat trainer aircraft for sale. Based on a Serbian design (UTVA 75), the SAFAT-03

[المنجلك]

#968452 [bent alnil]
5.00/5 (1 صوت)

04-10-2014 12:16 AM
طيارة المرور البرا صفارة .... يا حليل بريش ... و راحت على سارة الضارة ... و ناس الركشات الكشة بقت طيارات ...
صافات دي السنة الفاتت كانوا قاشرين بيها فى معرض دبي الدولي للطيران ... كانت زي اللعبة وسط المعرض... تكون ما اتخارجت لانها غير مطابقه للمعايير الدولية ... هيكلها مصنوع من علب الصلصة .. قام الخدر اقترح ترش الجراد و تسك السيل و تشتغل كلب بوليسي تشم ريحة الصواريخ الإسرائيلية لأنه المنظار أقصد الرادار ما شغال ...

[bent alnil]

#968382 [ود الدكيم]
5.00/5 (1 صوت)

04-09-2014 10:19 PM
سافات دي كلها حتسف التراب.

[ود الدكيم]

#968369 [يوسف]
0.00/5 (0 صوت)

04-09-2014 10:04 PM
من باب اولي ان تكون طائرة واحدة وتستخدم في الاجلاء السريع لحوادث المرور علي الخط السريع اوالسفري

[يوسف]

#968351 [hassan]
0.00/5 (0 صوت)

04-09-2014 09:25 PM
طيارات جياد دي وقعت في بورتسودان

شكلهم عملو فيها تصليحات دايرين يجربوها في الخرطوم

وبعدين يودوها دارفور

[hassan]

#968322 [الحقيقة]
3.00/5 (1 صوت)

04-09-2014 08:42 PM
وين الشوارع عشان تعملوا مراقبة كلها أزقة أعملوا صرف صحي ونظافة أحياء ووفروا مصاريف المراقبة لعمل بنى تحتة ذي بقية الدول وحرام تقتلوا في الناس ساي بطياراتكم البتقع من قولة تيت ..

[الحقيقة]

#968308 [عصمتووف]
5.00/5 (4 صوت)

04-09-2014 08:17 PM
بعد كده كل واحد ينوم بعين واحده ويكون ماشي عيونة في السماء العمر ما بعزقة

[عصمتووف]

ردود على عصمتووف
United States [Abu] 04-10-2014 08:57 AM
Thanks many..... Indeed we were in a need for a laugh, and you have done that.... Thanks once again???


#968304 [الديمقراطي]
0.00/5 (0 صوت)

04-09-2014 08:12 PM
الرش ده مقصود بيهو رش البمبان
يعني الطلع مظاهرة و الما طلع
كلو يترشا .

[الديمقراطي]

#968290 [Ahmad Ali]
3.00/5 (1 صوت)

04-09-2014 07:43 PM
انا بقترح: حقو يدو منهم واحده لسودانير عشان تراقب بها المجال الجوى لباقى الخمسه طيارات، مش كل يوم تقع طياره فى راس بيت، و كمان بدل ما قاعدين ساكت لا شغل و مشغله.. (طائره فى الجو ولا خمسه فى رسان البيوت)....

[Ahmad Ali]

#968286 [سلطان]
5.00/5 (5 صوت)

04-09-2014 07:37 PM
يا الخدر الله لا خضر ضراعك دي الكومشن فيها كم؟؟

طيب أفرض الطيارة شافت الزحمة في كبري شمبات أو المك نمر فهل ياترى يقوم الطيار بتمرير هذه المعلومات عن طريق محطة إذاعة أرضية أم يقوم بتنزيل القزاز ويكوك ليهم "تلبوا في البحر".

يا الخدر شيل طياراتك ديل وأمشي رش البعوض القطع ناس أم دوم قطيع.

[سلطان]

#968274 [سيد اللبن]
5.00/5 (2 صوت)

04-09-2014 07:14 PM
ههههههههههههههههههههه لا خلاص التقول زحمة بومباي

[سيد اللبن]

#968268 [سوداني متابع]
5.00/5 (1 صوت)

04-09-2014 07:09 PM
أهم شي بس تحاسب من مكنات اللحام !!!!

[سوداني متابع]

#968250 [كوز كنافه]
4.00/5 (2 صوت)

04-09-2014 06:44 PM
الشغله لامرور ولاشي الشغله مصالح ونسبه في البيعه لكوز كبير وهي شن الخرطوم البيخسرون قروشنا فيها انا ماعندي حمامات وصرف صحي تقولي طيارة

[كوز كنافه]

#968241 [ود امدرمان]
4.00/5 (2 صوت)

04-09-2014 06:32 PM
قوله ياووالي ياغبي الطايرة لرش البعوض والجراد اما حركة المرور يتو المرقبة بكميرات من اعلي
بعدين دوار طيايرات لسودانير المدمرة بيد الانقاذ الغبا مركب في الكيزان

[ود امدرمان]

#968186 [سوداني وافتخر]
2.00/5 (1 صوت)

04-09-2014 05:33 PM
يا اخوانا ماتستعجلوا اخوكم عبدالرحمن عامل ليكم مفاجاء بمناسبة عودة المايسترو الترابى ولاعب الارتكاز على الحاج للملاعب الصفراء والحمراء بعد غيبة واحد بداعى الإيقاف بلكرت الأحمر والأخر للإصابة وبمناسبة فوز المشير هي الفريق القومى بدورة رئاسية جديدة ودى دعوة للناس البيحبونا وبيشجعونا وفرنا ليكم المواصلات طيران كمان ومساكن في القمر يلا طيروا السماء السابعة

[سوداني وافتخر]

#968183 [طيارة ولا ماكينة مستندات دي]
4.25/5 (3 صوت)

04-09-2014 05:29 PM
رش ومراقبة مرور وسيول وشنو ما عارف دي طيارة ولا ماكينة أربعه في واحد

فاكس + طابعة + تصوير مستندات + سكنر

غايتو جنس غايتو

[طيارة ولا ماكينة مستندات دي]

#968180 [Sarah]
4.00/5 (4 صوت)

04-09-2014 05:26 PM
الثلاثة مهام دي تتبع لثلاثة جهات مختلفة يعني مافي شىء بلم المرور بالرش ومافي شىء بلم الرش بالسيول ومافي شىء بلم السيول بالمرور وبعدين ضبط كيف يعني ؟ كيف تضبط المرور بالطيارة؟ وكذا الحال مع اليول؟

[Sarah]

#968152 [صديق حسين عوض]
5.00/5 (1 صوت)

04-09-2014 04:55 PM
اخ يا بطنيييييييييييييييييييييييييي والله يا ود الخدر تنفع كوميدي و حا تفوت تشالي شابلن نفسو حكومه فيها اكتر من 300 كوميديومستعدين للترفيه اي وقت تشاء - خليكم شويه جاديين
- معقولا عاد بس؟

[صديق حسين عوض]

#968136 [إسماعيل آدم]
1.00/5 (1 صوت)

04-09-2014 04:41 PM
لتحسين حركة المرور أفتكر الكاميرات و الرادارات التي تم نصبها تكفي تماماً!

أما لرش الذباب و البعوض فهو عمل جيد و لكن توجد شركات من الأفضل الإستعانة بها عن طريق العطاءات الشفافة لتقليل التكلفة و توفير الموارد!

الإسعاف نحتاج إلي هليكوبتكر للتمكن من الإقلاع و الهبوط في أي مكان و لتفادي الشوارع المزدحمة!
و كذلك لأعمال المراقبة و قد تكفي صور فضائية قليلة التكلفة و تتم الآن علي مدار اليوم و يمكن لجهات الإختصاص أن تفيد في هذا العمل خاصة لرصد السيول و الأمطار -الإرصاد الجوي به محطة لإستقبال صور الأقمار الصناعية!
و يوجد قمر صناعي بتاع الفنان الأمريكي - كلوني - يراقب السودان بإستمرار و يمكن إستخدام صوره لمثل هذه الأعمال و قدشاهدتُ صوره لمصنع اليرموك قبل الضربة و بعدها و يمكنكم مشاهدة ذلك في الإنترنيت.وهي صور دقيقة جداً و مفيدة لأغراض أُخري

قبل إتخاذ أي قرار لابد من إستشارة الناس البعرفو - لذلك علي السيد المعتمد و غيره من المسؤلين إنشاء إدارات للعلوم و التكنولوجياء للإستعانة بآرائهم قبل إتخاذ أي قرار مكلف و ربما يكون غير منتج -يمكن أن تكون هذه الإدارات في الواقع الإفتراضي Virtual Reality يعني الإستعانة بالمعلومات المتوفرة عن الخبراء السودانيين في مجالات العلوم و التي قامت بجمعها الدولة و جددتها مرات و مرات و الإتصال بهم عبر الموبايل أو البريد الإلكتروني - كما يوجد خبراء لديهم مواقع في النيت -يمكن التواصل معهم مباشرةً و بأقل تكلفة.
و نسأل الوالي عن مشروع الحكومة الإلكترونية و المركز القومي للمعلومات ! ماذا تم شأن الحكومة و كيف يفيدكممركز المعلومات لمثل هذه القرارات الخطيرة و الفطيرة

[إسماعيل آدم]

#968127 [مهدي إسماعيل]
2.50/5 (2 صوت)

04-09-2014 04:33 PM
وبعدين يا ود الخضر "بريش يمشي وين؟!)

[مهدي إسماعيل]

#968116 [كاكا]
4.50/5 (2 صوت)

04-09-2014 04:26 PM
اذا كان في كل لفة او اشارة مرور عندكم شرطي مرور شايل دفتر المخالفات وعجزنو تنظموا الحين داير تنظمها من الجو طبعا الطيارة حتجي مطفية النور عشان المخالف ما يشوفها او تجي في ارتفاع منخفض عشان مايرصدوها بالبلاك بيري

[كاكا]

#968111 [ملحق الخبر..!!]
4.00/5 (8 صوت)

04-09-2014 04:20 PM
سقط سهواً عند كتابة الخبر الجزء التالي:

(والمساهمة في عمليات البحث عن "الطائرة الماليزية" المفقودة منذ أكثر من شهر ولم تنجح الجهود الدولية في الوصول إليها، لكن خبراءنا يعتقدون أن طائراتنا ستصل إليه في أول رحلة طيران ..!!)

لذا وجب التنبية .. مع تحيات ..

(بص الوالي)

أوع وآحد يضحك..!!

[ملحق الخبر..!!]

#968072 [طارق الباز]
5.00/5 (1 صوت)

04-09-2014 03:39 PM
للعمل في ضبط حركة المرور وتسهيل الرقابة وعمليات الرش ????? اركز على حاجة واحدة علاقة المرور برش الجراد شنو؟؟

[طارق الباز]

ردود على طارق الباز
European Union [سوداني متابع] 04-09-2014 07:07 PM
يمكن ضبط مرور الجراد قبل رشه , أو رش المرور !!! . ما هو كلو طبيخ يا نفيسة هاهاهاهاها


#968043 [متابع]
4.50/5 (3 صوت)

04-09-2014 03:10 PM
هو في بنزين طيارات عشان تراقبوا سيارات ؟ الزحمة في الخرطوم معروف محلها وين ؟ بعدين سيول شنوا التي تراقبوها بالطائرات

[متابع]

#968040 [المشكلة في الصحفية....]
4.82/5 (6 صوت)

04-09-2014 03:10 PM
أسا الخبر ده ... نتمو خيال يعني؟

بالله لاحظو صياغة الخبر....أول شي قال توقيع شراكة... يعني ما شراء... شراااكة.... طيب دي معناتها

ولاية الخرطوم....مشاركة جياد.... في صناعة الطائرات دي!!.... طيب مشيناها

متين جياد.... بقت تصنع طيارات؟.... مشيها برضو.... ما ممكن عنهم عربات بايرة سوو ليها جناحات!

ضبط المرور+الرقابة+الرش+السيول والأمطار.... أها

رقابة شنو؟

ضبط المرور كيف؟

السيول والأمطار.... برضو كيف؟

والله الصحفية بالغت.... والصحيفة شذت....

[المشكلة في الصحفية....]

#968034 [كفاية]
5.00/5 (1 صوت)

04-09-2014 03:05 PM
دا كلام فارغ دا نحن في نيويورك ؟ الناس ما لاقية مواصلات انتوا تشتروا في الطيارات ؟ الموضوع فهلوة ساكت وعمولات للمشتري

[كفاية]

#968032 [ود كركوج]
5.00/5 (3 صوت)

04-09-2014 03:02 PM
كدي نضف عاصمتك القذرة زيك واعمل فيها نظام صرف صحي وبعدين تعال اتكلم عن مراقبة المرور بالطيارات. انا كل يوم باقتنع اكتر انو الكيزان ديل جن شرير متخفي في هيئة بشر.

[ود كركوج]

ردود على ود كركوج
European Union [Esam Elamin] 04-09-2014 05:53 PM
والله صدقت الكيزان انتهوا من البلد سرقوهها نهبوها قتلوا الالاف من البشر ، باعوا الارض والعرض ، استباحوا كل شي ، اصبحنا ياعزيزي اضحوكة يتندر علينا كل من هب ودب ، حتى اعراب الخليج اللذين كانوا حفاة عراة يلتحفون الارض والسماء حينما كان السوداني عزيزا ، اخذوا يألفون النكات ويضحكون علينا ، الله لا كسبك يابشير الشؤم ، الله لا كسبك انت وكل لصوص الافساد اخوان الشيطان ، إلهي ارنا في عمر البشير ومن شايعه عظيم قدرتك ، امييييييييين .


#968007 [بتاع بتتييخ]
2.50/5 (2 صوت)

04-09-2014 02:47 PM
والطيارة دي ما عندها علاقة بالصواريخ الاسرائيلية ؟ ....
تانى الكشة حاتبقى بالهليكبتر ؟؟؟

[بتاع بتتييخ]

#967986 [ايو الهول]
3.00/5 (1 صوت)

04-09-2014 02:24 PM
6 طيارات يا ود الخدر...ههههههى ....تطير عيشتك ..ضحكتنا....

[ايو الهول]

#967975 [Huyam]
4.00/5 (1 صوت)

04-09-2014 02:17 PM
عجباًياكلاب المؤتمر الوثني أنتم برجليكم ماقارين تمشو وأين هي الشوارع المسفلتة والواسعة والمنظمةحتى تتم عملية المراقبة بالطائرات وطياراتكم عبارة عن جراد والحوداث التي حصلت تعكس الواقع يامفترين أولا وفروا المواصلات لرعياكم!!!!!

[Huyam]

#967969 [الكوز الفى الزير التحت الراكوبه]
4.25/5 (3 صوت)

04-09-2014 02:14 PM
يعنى تانى الواحد لو ماشى الخرطوم لازم يلبس خوزه .

[الكوز الفى الزير التحت الراكوبه]

#967942 [هرقل]
3.00/5 (1 صوت)

04-09-2014 01:46 PM
دا اسمو شرطى مرور شغال بالنظر
ههههههايكا

[هرقل]

#967935 [usama]
5.00/5 (2 صوت)

04-09-2014 01:41 PM
دي عشان مراقبة الاحداث الجاية

[usama]

#967930 [wadhammad]
4.99/5 (23 صوت)

04-09-2014 01:38 PM
الواحد كان بعمل حسابو من حوادث الشارع حسي معانها الواحد يراقب الواطة والسماء يعني لوما دقشتك عربية تقع فيك طيارة... والله جنس محن

[wadhammad]

ردود على wadhammad
United States [Bit Messamis] 04-09-2014 05:09 PM
هههههههههههههههه.....ههههههههههههه....هههههههههههه, و ألله يا ود حماد ضحكتنا....الضحك المحتاجين ليهو من جنس المحن الرافة فوق روسينا. غفر ألله لك و لوالديك

United States [ام كرتبو] 04-09-2014 02:53 PM
هههههههههههههههههههه والله ود حماد تستحق لقب ظريف المدينة عن جدارة ..غفر الله لك ولوالديك

United States [abdelazij mekki] 04-09-2014 01:53 PM
هههه

سبقتني بس تعبيرك اظرف


#967920 [محمد]
3.88/5 (5 صوت)

04-09-2014 01:35 PM
الطيارة بى كم - داير أشترى لى واحدة

[محمد]

#967904 [الخزين]
4.94/5 (6 صوت)

04-09-2014 01:27 PM
ركب أنوار عشان عبد الرحيم يشوفا بالليل خخخخخ

[الخزين]

ردود على الخزين
European Union [Abdo] 04-09-2014 03:27 PM
هههههههههههههههههههههههاي ،،، رائع لكن يالخزين ،،، ضحكتني في الزمن الباكي


#967885 [قرفان جداً]
5.00/5 (1 صوت)

04-09-2014 01:13 PM
أولاً الطيارات دي طيارات رش ولا هيلكوبتر ؟
ثانياً ازدواجية القرار دي مابتنفع في اي شي ..
فهمونااااااااااااااااااااااااااااااااااااااااااا؟؟؟؟؟؟

[قرفان جداً]

#967884 [ibram]
5.00/5 (5 صوت)

04-09-2014 01:13 PM
قلبي يحدثني أن هذه الطائرات مهمتها أمنية بحتة لمراقبة الحشود الجماهيرية والمظاهر المسلحة المناوئة و قد تكون مرتبطة بغرفة عمليات الكترونية تساعد النظام على التدخل السريع و ذلك بعد اطلاق الحريات المزعوم

[ibram]

#967880 [البديو عبدالله]
4.00/5 (3 صوت)

04-09-2014 01:08 PM
الافضل ان يتم استخدامها في الاسعاف ونقل الحالات الطارئة , واتمنى ان لا تكون نغمة على المواطن بالسقوط على منازلهم .

[البديو عبدالله]

#967876 [حزين جداً]
5.00/5 (4 صوت)

04-09-2014 01:03 PM
السيد / الوالي الملاكم والمصارع . في البلاد المتحضرة يتم ربط جميع خطوط سير السيارات بكاميرات . وتشاهد العواصم الثلاث في شاشة جهازك وأنت بمكتبك .

تعلم وتابع تطور التكنلوجيا .

بالجد ضحكت لهذا التفكير الغبي .

لرش الناموس والحشرات ما قلنا شئ ولكن لمراقبة حركة المرور ههههههههههههههههههههههه شئ مدهش .

بس حزين جداً .

[حزين جداً]

#967862 [قرفان خالص]
4.25/5 (10 صوت)

04-09-2014 12:56 PM
ضبط حركة المرور وتسهيل الرقابة وعمليات الرش ومتابعة حركة السيول والأمطار.

طيارة بتاعة رش يعني !!
وبتعمل كل العمايل دي مجتمعة رش مبيدات ومراقبة مرورية ومتابعة سيول ..!!!؟
طيب فعلا امريكا روسيا قد دنا عذابها ..
ههههه هاااااااااااااااااااااااااااااي

محن الكيزان ورش في زمان الرقاد قش

[قرفان خالص]

ردود على قرفان خالص
European Union [الغاضبة] 04-09-2014 03:04 PM
الأخ قرفااااان خااااالص

عودا حميدا،
Ten In One
ممتاز ومعاها دفاع بالنظر وغيرو من المهارات الخارقة لحكومة الانقاذ


#967844 [المغترب والمشترق كمان]
5.00/5 (2 صوت)

04-09-2014 12:44 PM
وحيث أن الشكوك تدور حول موظفي مكتبه، فعلى الأخ الخضر أن يتأكد مية المية وبالوثائق المعلنة للناس أن ثمن الطائرات الستة لن يساوي ثمن ستين طائرة. وأن تكون كل هذه الطائرات صافات ويقبضن. والا تكون أي واحدة منهن " ميتة وطائرة."

[المغترب والمشترق كمان]

#967835 [اسامة]
5.00/5 (3 صوت)

04-09-2014 12:38 PM
عايزين تحلوا مشاكل المرور والسيول والأمطار من الجو ؟
يعني عايزين تطلعوا بينا الجو ؟ والله دي ما سبقكم عليها زول .
اها كم تكلفة هذه الطائرات وما هي نسبة العمولات ؟
اقترح عليكم ان تأخذوا نسبة العمولات مقدما والغوا موضوع شراءها وذلك حفاظا على أرواح السكان .

[اسامة]

#967833 [زول سوداني]
5.00/5 (1 صوت)

04-09-2014 12:36 PM
هاهاهاهاهاهاهاها .. جنس كضب غايتو .. لا تعليق !!!!!!!!!!!!!!

[زول سوداني]

#967830 [خليك رايق]
4.50/5 (2 صوت)

04-09-2014 12:35 PM
الزول الفاسد وحرامي أراضي الخرطوم ده !!!! بحلم كتير

[خليك رايق]

#967829 [حسكنيت]
3.50/5 (2 صوت)

04-09-2014 12:34 PM
خليتوا المواتر ..وعايزين تجونا بى فوق

[حسكنيت]

ردود على حسكنيت
European Union [قاسم] 04-09-2014 01:55 PM
رش من فوق والعجيب انو اغراضوا ما واضحة وزاتو ها تنزل وين! ها يعملوا ليها محل بميدان جاكسون ولا السكة الحديد .


#967821 [ahmed]
5.00/5 (1 صوت)

04-09-2014 12:30 PM
تعلموا الحلاقه على رؤوس اليتامى. وزعوا البضاعه البايره ده بأي طريقه (يا ربي الcommission كم.
مسكييييييييين يا بلد.

[ahmed]

#967815 [البطحانى]
4.00/5 (1 صوت)

04-09-2014 12:26 PM
الله يهديكم ماناقصين كوارث جوية

[البطحانى]

#967806 [المتغرب الأبدي]
4.75/5 (4 صوت)

04-09-2014 12:22 PM
أولاً:- هل هذه الطائرات من جياد ؟؟

ثانياً:- أفهم جيداً استخدام الطائرات في عمليات الرش ومكافحة بعض الآفات كالجراد والذباب وغيره .. لكن ما لا أفهمه هو كيف تفيد الطائرات في ضبط حركة المرور ؟؟ هل ستساعد في فك الاختناقات مثلاً في الطرقات في ساعات الذروة ؟؟ كيف ؟؟
وهل ستكون هذه الطائرات في الجو على مدار الساعة متنقلة بين المدن الثلاث (الخرطوم - بحري - أم درمان) تراقب الطرق والشوارع ؟؟ وأين هو البنزين والوقود الذي سيكفيها ؟

ثالثاً:- فيما يتعلق بحركة السيول ومياه الأمطار :- دور هذه الطائرات هو تحذيري فقط مثل : يا ناس هووووي .. عووووووك السيل جااااكم ..

[المتغرب الأبدي]

ردود على المتغرب الأبدي
European Union [عمرابي] 04-09-2014 01:42 PM
يا متغرب يا أبدي .. أهداء وخليك رايق شوية
وأفهما صاح ..

بالنسبة للأولى (بتاعة إختناقات المرور) فلطيار حيقول ليهم يا ناس الواطة
تقاطع الجمهورية مع المك نمر في واحد بتاع كارو خاشي الشارع بالقلبة .. ألحقوه ما يكشو
بتاع دفار (حماية المواطن).. وأهو برضو إسمو تطور .. طيارات بدل كاميرات مراقبة وإنتشار شرطي في الشارع مترجلين وراكبين (تخفيفا للزحمة وكدا) ..

بالنسبة للرش .. الطيار حيقول لي ناس الواطة .. ألحقو رشو مزارع المسئولين لأنو في أسراب جراد وحشرات زاحفة من جنوب تكساس في إتجاه الفلبين .. يقوموا ناس الواطة يكلمو ناس الرش
.. ويقوموا ناس الرش يدورو طياراتوم ويرشو المزارع والقرى المجاورة .. ويبيدوا الحشارت علي المفروض يكونوا مواطنين .. وبي كدة تنضف البلد من الحشارت المهاجة والمحلية .. والحسابة بتحسب

أما التالتة دي الما وقعت لي وما قدرت أفهما .. متابعة حركة السيول والأمطار .. (إرصاد يا معلم .. ودي ما دايرة ليها طيارات ولا أجهزة .. إذا كنا نحن بنصد طيارات العدو بالنظر .. بغلبنا نتابع حركة السيول والأمطار بالشم .. ولة بس بعزقة قروش ساي ..

آمل أن يكون النقد بناء ومفهوم للعامة .. لأنو الكلام دا كبير على فهمنا شوية ..

European Union [بيكانتو] 04-09-2014 01:28 PM
* ايوا هذه الطائرة من جياد بعد امتلأت الارض سيارات نملأ الجو طيارات
* هذه الطائرة تفك اختناقات المرور بتركيب مكبرات صوت ومخاطبة الساقين وتنبيههم
* هذه الطائرة تعمل بالوقود للإقلاع فقط فى الجو تتزود بالطاقة الشمسية / الرياح
* هذه الطائرة بها رادارات و اجهزة استشعار فائقة الحساسية و انف ذكية لشم دعاش المطر


كده كيف

إتخيل ده الكلام اللى قالوه للوالى و اقتنع

زى الباصات الصينية


#967801 [الرايق]
4.00/5 (1 صوت)

04-09-2014 12:19 PM
هو جياد بتصنع طيارات كمان؟
شيء رائع.

[الرايق]

ردود على الرايق
United States [بيكانتو] 04-09-2014 01:30 PM
قريبا خدمات التاكسى الجوى



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة