الأخبار
أخبار السودان المحلية
الشرطة ترفض تامين مباراة الهلال والامل عطبرة اليوم بالكاملين والهلال ينسحب منها ويهدد بالانسحاب النهائي من الدوري الممتاز
الشرطة ترفض تامين مباراة الهلال والامل عطبرة اليوم بالكاملين والهلال ينسحب منها ويهدد بالانسحاب النهائي من الدوري الممتاز
الشرطة ترفض تامين مباراة الهلال والامل عطبرة اليوم بالكاملين والهلال ينسحب منها ويهدد بالانسحاب النهائي من الدوري الممتاز


الاتحاد العام اوقف شقيق عمر البشير المرشح لرئاسة نادي الهلال
04-09-2014 12:19 PM
الراكوبة اعلنت الشرطة بولاية الجزيرة رفضها تأمين المباراة المقررة عصر اليوم بين الهلال العاصمي والامل عطبرة بالكاملين وقالت الشرطة في خطاب رسمي وجهته لإتحاد الكره المحلي بالكاملين إنها لن تتحمل أي تبعات، مما يجعل مصير المباراة غامضاً حتي اللحظة خصوصاً وأن مجلس إدارة الهلال اعلن رسميا انه لن يؤدي المباراة.

وكان الإتحاد السودانى لكرة القدم، قد قرر (الثلاثاء) إيقاف نشاط نائب رئيس لجنة التسيير بنادى الهلال اللواء عبد الله حسن أحمد البشير عن مزاولة نشاطه الإداري مع ناديه وإحالته للجنة الإنضباط بالإتحاد لمساءلته عن التصريحات الصحفية التى وردت على لسانه في بعض الوسائط الإعلامية تعليقاً على قرارات اللجنة المنظمة للمسابقات في إجتماعها الآخير بتأريخ السابع من أبريل الجاري. وأكد مجدى شمس الدين المحامى السكرتير العام للإتحاد السودانى لكرة القدم رئيس اللجنة المنظمة للمسابقات بالإتحاد، بأن ما ورد علي لسان نائب رئيس لجنة التسيير بنادى الهلال من تصريحات صحافية بحق الإتحاد السودانى لكرة القدم واللجنة المنظمة للمسابقات تعليقاً على العقوبات التى أصدرتها اللجنة المنظمة في أحداث مباراة الهلال الخرطوم والأهلي شندي في الجولة الثامنة لدوري سودانى الممتاز تعتبر تصريحات غير منضبطة وغير لائقة وغير موضوعية ومخالفة تماماً للقواعد العامة لإتحاد كرة القدم السودانى. وأشار سكرتير الإتحاد إلي أن ما ورد من تصريحات صحافية علي لسان نائب رئيس لجنة التسيير بنادى الهلال مخالف للقواعد العامة وقال بأن الإتحاد العام أصدر قراراً بإيقافه عن مزاولة نشاطه الإداري وإحالته للجنة الإنضباط لمساءلته عن هذه التصريحات وإتخاذ القرار المناسب وفقاً لنصوص القواعد العامة.

في السياق، اعلن مجلس ادارة الهلال انه لن يؤدي مباراة اليوم امام الامل عطبرة لان الاتحاد العام لم يسلم خطاب اداء المباراة للنادي قبل 36 ساعة والعقوبات المرفقة معه.

وهدد نادي الهلال بالانسحاب من الممتاز في حالة ايقاع اي عقوبات عليه.


تعليقات 28 | إهداء 0 | زيارات 11277

التعليقات
#968401 [nagatabuzaid]
5.00/5 (3 صوت)

04-09-2014 10:43 PM
سيادتى ماحية جدا فى الكورة لكن تعليقى العمة البشتنة دى ؟ المخلوق ده المدام ما بتشرف على هندامه لما يكون قادل مارق ولا دى اناقة كافورية الفوق ده طماطم الشركة العربية ؟
كمان لفت نظرى رفض الشرطة يعنى شنو قوات ابو طيرة الايام دى ما عندهم شغلة مافيش مظاهرات ممكن يحرسوا الكورة يرسلو خمس عربات سمبرية مدججة بالسلاح وكم عربية كلجوية مخلوطة بابو مركوب

مسؤولين من الخير اخبار المراكيب شنو

[nagatabuzaid]

#968260 [سلطان]
5.00/5 (3 صوت)

04-09-2014 07:04 PM
كلو ديكن في بلدو عوعاي
ياناس العوقة ده خرخار وبكاي
سوقوهو مع أخوهو العنطج ودوهو لاهاي

[سلطان]

#968217 [دجانقو]
5.00/5 (3 صوت)

04-09-2014 06:14 PM
ههههههههههههههههههههههههههههههههههههههههههها
ههههههههههههههههههههههههههههههههههههههههها
هههههههههههههههههههههههههههههههههههها

هي وين الكوره ال انتو عاملين ليها الجقلبه دي ..

والله شعب مسكين و معلقين مقومين نفسهم في شنو ما تعرف ..

[دجانقو]

#968169 [البر]
0.00/5 (0 صوت)

04-09-2014 05:13 PM
يا جماعة المشكلة ده سببه أهلى شندي لولا أهلى شندي هزم الهلال ما كان حصلت الدجة دي كلها..برافو يا أهلى شندي..حلال عليكم يا أهلى وحرام على هههههههههههه الله يعوضكم.

[البر]

#968144 [جاكوما]
0.00/5 (0 صوت)

04-09-2014 04:45 PM
اولا : حماية الحكام ليست مسئولية نادى الهلال , بل هى مسئولية الامن والشرطة
ثانيا : من الخطأ معاقبة النادى من جراء تصرف مشجع فردى , وربما يكون غير هلالى
ثالثا : لماذا اختار الاتحاد مدينة الكاملين بالذات وليس غيرها, ولماذا لاتلعب
المباراه فى الخرطوم مادام هى بدون جمهور فالامر واحد!!
رابعا . لماذا يعاقب فريق الامل بالذهاب الى الكاملين . من حقه ايضا ان يعترض !!

[جاكوما]

#968109 [عاصم البشير]
0.00/5 (0 صوت)

04-09-2014 04:19 PM
يا مجدى رغم انك خروف لكن حايكون التفاهم بينكم صعب انت ستتحدث عن القانون والانضباط وهو سيتحدث لك على ان البلد بلدهم وهم اسيادها واذا عملتوا ليهو اى حاجة سيقنع شقيقه بالترشيح ويعيدك للمحاكمة على خلفية اراضى ام دوم
غوروا جميعا لمزبلة التاريخ فقد شوهتوا وجه السودان المشرق

[عاصم البشير]

#968105 [nagi]
0.00/5 (0 صوت)

04-09-2014 04:15 PM
والله المفروض ينزلوا عليكم اقسي العقوبات وهو الهبوط الي الدرجة الاولي نادي لا يستطيع قادته حماية الحكم علي ماذا التكبر فريق انهزم داخل الملعب لان الفريق الخصم كان افضل منه ماذا كنتم تريدون ان يقوم الاهلي شندي بالترحيب بكم وفتح مرماه لكم ام ماذا بطلوا الخرخرة والخوف والكلام الفارغ دا والعبوا كورتكم بلاش جقلبة معاكم

[nagi]

ردود على nagi
United States [abbas] 04-09-2014 05:21 PM
مريخبتك طاغية . وإنتوا عملتو فضحيه يجلاجل في ثمانينات القرن الماضي ، غور يا تمهيدابي


#968075 [كمال الشناوي]
3.00/5 (2 صوت)

04-09-2014 03:43 PM
السيد مجدي شمس الدين أضرب بيد من حديد كل الخونة والمرتزقة وكمان بين ليلا وضحاها اصبح رئيس نادي الهلال سبحان الله الله يرحمك يا الطيب عبدالله سبحان والله حرامي كبير زي ده يكون رئيس امة الهلال

[كمال الشناوي]

#968070 [الدهمشي]
0.00/5 (0 صوت)

04-09-2014 03:36 PM
تمشيا مع مبدأ التوريث و ما دام بشة بربي في اولاد المراحيم اتحتمال كبير بجهز في اخوهو للولاية الثانية من الانقاذ والانقاذ سوف تكتسح الانتخابات المزمعة 2015 بكل ارتياح كما قال على عثمان الثروة تتبع السلطة واذا امتلكت قلوب هلال مريخ ستفوز بالرئاسة جاكم بلا يخمكم

[الدهمشي]

#968063 [فراج]
0.00/5 (0 صوت)

04-09-2014 03:32 PM
يا أخي الكنكشة شنو أخوه رئيس الجمهورية وهو عايز يبقي رئيس الهلال ما تخلوا شئ لباقي الخلق دي.

[فراج]

#968046 [بابكرعوض الشيخ]
0.00/5 (0 صوت)

04-09-2014 03:13 PM
ما زالت الأحقاد تترى يا سعادة اللواء كل ما رقي الهلال درجة إنهم حفنة من الحاسدين الحاقدين الجبناء يريدون أن يفردوا عضلاتهم وينشروا أنهم عاقبوا شقيق الرئيس ولا يعلمون أن هذا القرار يزيد الهلال منعة وحصانة وقوة عليكم عدم التأثر بهذا الهراء والتسويف وواصلوا مشاوركم وعدم الإذعان لمن دمروا الرياضة فالهلال في حاجة لتضافر الجهود

[بابكرعوض الشيخ]

#968042 [كجام الكجام]
0.00/5 (0 صوت)

04-09-2014 03:10 PM
لا بارك الله فيكم خليتو اكل المال العام واتجهتوا الى الهلال الله يدمركم من اخوك الطبشيرة ومرورا بيك والى اخر كوز من الكيزان .لعنة الله عليكم الله اكبر عليكم ... يا خونة يا مارقيين..

[كجام الكجام]

#968035 [ود كركوج]
0.00/5 (0 صوت)

04-09-2014 03:07 PM
غايتو ياحاجة هداية عوضك على الله ماولدتي ولادة غير ولادة الهم والندم المافي منها فايدة لمواصلة العمل المنقطع بعد الموت. نسأل الله أن يهبنا واياكم الزرية الصالحة.

[ود كركوج]

#968030 [Wad Albalad 1]
0.00/5 (0 صوت)

04-09-2014 02:59 PM
والله هذا خبر جميل مع اني هلالي شديد جدا الا انني اؤيد السيد / مجدي شمس الدين


واقف معه قلبا وقالبا واشد علي يديه لانه هذه الحركات والتصريحات والابتلاءات التي


ادخلت علي نادي الهلال لتدير شؤونه هؤلاء الناس سيكونون سبب تدمير نادي الهلال وكمان


كل الانديه والكورة عامة وسيناصبون الاتحاد العداء وربما سعي هذا البشير الصغير


لسرعة الانتقام من مجدي شمس الدين وبقية اعضاء الاتحاد وربما استدعي الامر لتصفيتهم


جسديا ؟ اهنئ الاتحاد العام علي هذا القرار الشجاع والقوي بوقف نشاتط اخ الدكتاتور


ود البشير : هم اولاد البشير كلهم كده ؟ ؟ ؟ اول امس اخوه قاعد بيدير في دفة


سفينه مخرومه ونائبه الشيخ حسن الترابي ومامنها فائده .


ممكن الحكم ياخدوه للمستشفي العسكري وتشرف علي علاجه اللواء نور الهدي


سيحان الله لاول مره في الجيشى سيده بلاتبة اللواء وهي زوجة شقيق البشير



منتهي الوقاحة ومنتهي وقمة الواسطه والقريب قريب والبعيد بعي


كان الله في عون السودان من اولاد البشر ونافع واخوان نافع

[Wad Albalad 1]

#968012 [سيمو]
0.00/5 (0 صوت)

04-09-2014 02:50 PM
الإتحاد وراه الفيفا واليقدر يهبشه،، حتى بشبش لازم يلزم حدوده.

[سيمو]

#968004 [بتاع بتتييخ]
0.00/5 (0 صوت)

04-09-2014 02:45 PM
في ستتين انتو ونادي الهلال .... بعدين النادى دا لسا ما اتباع لي قطر ؟؟؟ ولا لي موزة ؟

[بتاع بتتييخ]

#967937 [شاويش قديم]
5.00/5 (4 صوت)

04-09-2014 01:42 PM
يا جمال الوالى ما بتقدر على الواء عبدالله البشر لانه ولى نعمتك
وكل البلاوى الحاصله فى البلد دى سببها هذا الكوز الوضيع المتسلق
اوقفوا هذا الرجل فى حده لانه اصبح خطر على السودان وامن السودان
العب بعيد وسيب الهلال فى حالو انت ومعاك الهطله مزمل كلب الامن

[شاويش قديم]

ردود على شاويش قديم
[كفاية] 04-09-2014 02:28 PM
جمال الوالي ومزمل انت حر فيهم ورأئك فيهم يخصك ولا احد يلومك ولكن ارى في كلامك تلميحا بأن المريخ الكيان وراء هذه الاحداث ولكن هل قام لاعبي المريخ باحراز هدفين في الهلال من احرز الاهداف هو اهلي شندي وهو من احسن فرق الممتاز يمكنه بكل سهولة هزيمة الهلال والمريخ فالهزيمة من فريق بحجم اهلي شندي واردة ولكن لا يمكن ان تكون الهزيمة حارررة لدرجة انها تقوم الدنيا وتقعدها ولو ان لاعبي الهلال قاموا بتهنئة لاعبي اهلي شندي ومدربهم بعد المباراة لما حدثت هذه العنتريات والكلام الفارغ ومسكين الحكم لا يعلم ان هزيمة الهلال جريمة مع ان هذه كرة قدم فيها الفائز والمهزوم الحكاية ما فتونة ساكت


#967925 [ابومروه]
0.00/5 (0 صوت)

04-09-2014 01:37 PM
ده مجدي شمس الدين بتحدث عن عبدالله البشير الليله شيل شيلتك . ما ببقي الا الذي يريده الهلال

[ابومروه]

#967921 [usama]
0.00/5 (0 صوت)

04-09-2014 01:35 PM
اظن في جدول للمبارات ودا حنك من الهلال ماعاوزة خطاب معروف المباريات من اول يوم لاخر يوم واذا تم التاجيل بتم بخطاب ..دا لي زراع للاتحاد وفي الاخر الاتحاد بنصاع للهلال لان الهلال المريخ اكبر من الاتحاد ولاهذا لانتقدم للامام طول ما الهلال والمريخ يهددون بالانسحاب
مرة واحدة بس لو كل الفرق هددو بالانسحاب ولو الاتحاد تراجع عن فرض القاونون علي الهلال والمريخ كانو مشو القصة صح

[usama]

#967913 [الجبلابي الانصاري]
4.85/5 (12 صوت)

04-09-2014 01:31 PM
ياخى ماتلبس ليك عمة بتاعة رجال- حتى العمة بقيتوا تختوا فيها هتش البنات ده - اسه انا اقول ده راجل ولا ديك ...كرهتونا البلد

[الجبلابي الانصاري]

ردود على الجبلابي الانصاري
European Union [Abdo] 04-09-2014 03:18 PM
و الله ما قلت إلا الصدق ، نوع العمم ده ما ظهر إلا في هذا العهد الإنقاذي و يبدو انها دى واحده من صور إعادة صياغة الإنسان السوداني وفق طرح علي عثمان ،، زمان كانت العمة لو الواحدة شغلها بتكون باللون الأبيض ،،، لكن أقول ليك ، ده ديك فعلا ، و أستغفر الله حتى وشه وش ديك و كملها بالعرف الأحمر ،،، و الله هزلت و نحنا خلينا تشجيع الهلال من تدخل فيه عمر البشير و كما كملها بتعيين أخوه في لجنة تسيير ، دى ما بقت كورة زى بقت العمم ما هي عمم و زينوها بالأحمر و الأخضر ،،، محن إنقاذية


#967906 [Garfan]
1.00/5 (1 صوت)

04-09-2014 01:28 PM
يعنى شنو ما ينسحب طز...الغلب ده حاااااااااااااااااااار والخوف طبعا من الجاي

[Garfan]

ردود على Garfan
[عاشق سيد البلد] 04-09-2014 02:37 PM
هووووي يا دلقون انت أرعى بي قيدك

لو انت عارف مدى احتقار الهلالاب لأمثالك

ما كنت جيت حشرت نفسك هنا

طز فيك انت


#967899 [عامر]
3.00/5 (4 صوت)

04-09-2014 01:24 PM
هذا اقوى قرار يتخذ ضد هذا الشخص الذى استغل سلطة اخية فى الحكم فى كافة المجالات واخرها كمان عاوز يدخل الكورة ويدمرها زى ما دمرمرو البلد كلها ... ده كان عاطل فى السعودية وكان حارس شقق ما صدق انو الكيزان مسكو اخوهو ريئس رجع السودان ... وزوجتة تمت ترقيتها لاول مرة فى التاريخ لرتبة اللواء فى استغلال صارخ للسلطة

[عامر]

ردود على عامر
[ليكم يوم] 04-09-2014 02:41 PM
كان طبيب في السعودية

واتفق معاك انهم دمروا البلد

وبرضو معاهم الوالي بتاعكم


#967897 [عامر]
0.00/5 (0 صوت)

04-09-2014 01:24 PM
هذا اقوى قرار يتخذ ضد هذا الشخص الذى استغل سلطة اخية فى الحكم فى كافة المجالات واخرها كمان عاوز يدخل الكورة ويدمرها زى ما دمرو البلد كلها ... ده كان عاطل فى السعودية وكان حارس شقق ما صدق انو الكيزان مسكو اخوهو ريئس رجع السودان ... وزوجتة تمت ترقيتها لاول مرة فى التاريخ لرتبة اللواء فى استغلال صارخ للسلطة

[عامر]

#967896 [سالم عبد الله]
5.00/5 (2 صوت)

04-09-2014 01:23 PM
تماااااااااااااااااام ولعت وإنشاء تولع زيادة

وطالما فيها الجعلي الحمار ده أكيد بتولع وما تنطفيء .

[سالم عبد الله]

#967874 [مريخي فاهم]
3.00/5 (2 صوت)

04-09-2014 01:03 PM
بلد فوضي وأي حاجة فيها .. بالقوة والسلاح والحجارة .. يعني ما بقت عليكم يا هلالاب .. وأنتم جزء كبير من أزمة البلد .. بتقولوا المريخ نادي الحكومة و أنتم الحكومة والاتحاد والتحكيم كهرتونا البلد ذاتها

[مريخي فاهم]

#967872 [دردوق]
4.00/5 (7 صوت)

04-09-2014 01:02 PM
ايوه يا مجدي شمس الدين : اضرب الخونه من المتسلقين و الكيزان

المعفنين !

هي وينا الكوره اصلا ! قال شرطه و كوره و بطيخ

[دردوق]

ردود على دردوق
European Union [sudani] 04-09-2014 07:03 PM
كيزان قال رئيسك عضو برلمان ياوهم


#967841 [كونج اوري بدنق]
5.00/5 (1 صوت)

04-09-2014 12:40 PM
بطلوا لعب وضحك علي الدقون، يعني ايه الحيحصل .دعاية اعلامية

[كونج اوري بدنق]

#967816 [الكاهلية]
0.00/5 (0 صوت)

04-09-2014 12:27 PM
الى الجحيم هليل المحليين

[الكاهلية]

ردود على الكاهلية
[هلال المجموعات] 04-10-2014 02:19 AM
قولي هلال الملاييييين انتي بالمناسبة ماعارفة المحليين من العالميين هو هلال عز اشموخ الان هو الوحيد البفرح الشعب السوداني والان هوالممثل الوحيد للسودان خارجيا ياناس يامريخاب يا الماسكاكم امفريحانة بالبهدلة الحاصلة دي الهلال ياهو الهلال موتو موتكم اخو البشير بزول والبشير بزول ويبقى ابدا الله ثم الوطن والهلال عزة ارفعة امنعة

[شرفوف] 04-09-2014 03:50 PM
ما خرب الكورة في السودان الا المريخاب واتباعهم من الفرق الذيلية وجمال الوالي وصلاح ادريس

European Union [كجام الكجام] 04-09-2014 03:15 PM
الله الوطن الهلال يا الكاهلية الهلال اكبر من قولك هليل المحلية استحى من كلامك واسحبو من فمك دا الهلال عظمة وجاه يا متخلف ,هو لو ما الهلال عندك كورةاصلا انت .



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة