الأخبار
أخبار إقليمية
وثائق تكشف منح اراض زراعية وسكنية بالخرطوم لـ "64" مسئول بولاية البحر الاحمر على راسهم الوالى



04-09-2014 07:20 PM
بورتسودان:حافظ الخير
كشفت وثائق رسمية عن منح " والى البحر الاحمر محمد طاهر ايلا ووزراءه والمعتمدين واعضاء بالمجلس التشريعى بالولاية تبلغ جملتهم " 64" مسئولا بولاية البحر الاحمر اراضى سكنية وزراعية فى ولاية الخرطوم بناء على الطلب الذى تقدم به نائب رئيس المجلس التشريعى لولاية البحر الاحمر السابق محمد طاهر احمد حسين الشهير بـ" البلدوزر " واكدت الوثائق ان البلدوزر خاطب والى الخرطوم ووزير الزراعة السابق " جودة الله عثمان " بطلبات مكتوبة وممهورة بتوقيعه ارفق معها كشف باسماء " 64" مسئولا بالولاية فى مقدمتهم محمد طاهر ايلا والى الولاية ونائبه ووزير الزراعة ووزير التخطيط العمرانى ووزير الشباب الرياضة ونائب رئيس المجلس التشريعى ووزير الصحة ووزير التربية والتعليم ووزير الثقافة والاعلام ووزير الحكم المحلى ومعتمد سواكن ومعتمد دورديب ومعتمد حلايب ومعتمد عقيق ومعتمد القنب درديب ومعتمد الرئاسة ومعتمد سابق بجانب " 29" من اعضاء المجلس التشريعى وجميعهم فى حكومة ايلا قبل السابقة واكدت الوثائق ان وزير الزراعة منحهم " 10 " افدنة غرب امدرمان فى مشروع " الاسر المنتجة " لكل وحد منهم كما وجه باكمال الاجراءات عاجلا بعد اكمال المستندات وذلك بناءعلى موافقة لجنة التصرف فى الاراضى الحكومية فى اجتماعها رقم " 13" بتاريخ 29 42009موفيما يتعلق بالاراضى السكنية فقد كشفت وثيقة من مكتب وزير التخطيط العمرانى بولاية الخرطوم ما يلى " الاخ مدير الخطة الاسكانية – الموضوع – القطع المخصصة لدستورى البحر الاحمر – الحاقا للتوجيهات السابقة – يمنحوا مهلة للسداد حتى " 25" اكتوبر 2009م

الصيحة


تعليقات 9 | إهداء 0 | زيارات 5553

التعليقات
#969458 [عبداللطيف]
5.00/5 (2 صوت)

04-10-2014 05:54 PM
ومعتمد حلائب ده معتمد من منازلهم ولا شنو عمل شنو وبيعمل فى شنو و وين موظفينو ادارتو فى حلائب وعنده اجازه مفتوحه

[عبداللطيف]

#969090 [احمد طه]
5.00/5 (2 صوت)

04-10-2014 12:41 PM
مالكم متفاجئين كده ، انا برضى لقيت لى قطعه زراعيه فى الخرطوم بحرى وانا موظف صغير

والقطعه كمان بالاقساط

[احمد طه]

#968743 [كجرو]
5.00/5 (1 صوت)

04-10-2014 09:07 AM
حتي ايلا كمان والله خربانة فاكرنك الانظف في البلد بس خاننا التقدير وشكلها كلها بايظة

[كجرو]

#968708 [ود السجانه]
5.00/5 (1 صوت)

04-10-2014 08:47 AM
معتمد حلايب حلايب دي وين في السودان ولا جمهورية مصر العربيه.

[ود السجانه]

#968444 [Quickly]
5.00/5 (3 صوت)

04-09-2014 11:11 PM
في فساد اكتر من كدا نهــارا جهـــارا كمان ؟؟!! اسرحوا وامرحوا
على كيفكم فاكرينها جنينة و غفيرها نايم ؟؟
الاقلام بتكتب والدفاتر بتسجل
بكرة جرد الحساب والحســــاب حيكون ولد
والسلطة مادامت لغيركم عشان تدوم ليكم يااولاد الــ......

[Quickly]

#968440 [ابومروه]
5.00/5 (1 صوت)

04-09-2014 11:03 PM
اراضي زراعيه يتم تحويلها لسكنيه وهاك يا مليارات . ديل ناس البحر الاحمر بس طيب بقية الولايات بما فيها و لاية الخرطوم ست الجلد و الراس ماذا فعلوا فيهم.

[ابومروه]

ردود على ابومروه
[رانيا] 04-11-2014 09:27 AM
ابو مروة تعرف الممثلين والممثلات المصريين الجو في السنين الفاتت كلهم رضوهم بهبات ذي دي .. ناسنا شغالين توزيع في الأراضي من طرف والله المستعان .


#968367 [بت قضيم]
3.00/5 (2 صوت)

04-09-2014 09:01 PM
مالكم والفضايح ده تبادل مصالح يا حاسدين والزيت ان ما كفا البيت بنديهو الجيران والما عجبوا يشرب من البحر الاحمر

[بت قضيم]

ردود على بت قضيم
[رانيا] 04-11-2014 09:30 AM
اكيد ده الحاصل بما إنه شغالين يدوا اراضي ولاية البحر الاحمر لليسوى والما يسوى وحيوطنوا فيها زبالة العالم فليه ما يدوا ديل اراضي على الاقل سودانيين !


#968348 [ود كركوج]
5.00/5 (3 صوت)

04-09-2014 08:20 PM
ويجو اخوانا المغتربين الذين يدعمون اقتصادكم المتهالك مايلقو اي شئ ولا حتى المعاملة الكريمة. بس معليش حايجي يوم و كله حايتقلع منكم يااولاد ال.....

[ود كركوج]

#968330 [سوداني وافتخر]
3.50/5 (2 صوت)

04-09-2014 07:56 PM
لماذا لاتقسم تلك الاراضي علي الفقراء والمساكين اليس هم اولي من وزراء لمدينه شبعو من خيراتها حتي التخمه والله اني اري ان الزحف لقريب ياإنقاذ ومن الساكنين عشوائي البدايه إنشاءالله .

[سوداني وافتخر]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |الصوتيات |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة