الأخبار
أخبار إقليمية
إضافة سنة دراسية لمرحلة الأساس في العام 2016م



04-10-2014 09:58 AM
الخرطوم: ندى رمضان
أعلنت وزارة التربية والتعليم الاتحادية أن العام الدراسي (2015- 2016) موعداً لتغيير السلم التعليمي بالبلاد. وأكدت أن التغير في المرحلة الأولى يستهدف مرحلة الأساس بإضافة عام دراسي لتصبح (9) سنوات عوضاً عن (8) سنوات فيما أبقى على المرحلة الثانوية (3) سنوات، وقال مدير المركز القومي للمناهج والبحث التربوي البروفيسر الطيب حياتي أن التغيير لن يطال تلاميذ الصف الأول للعام الدراسي الجديد، مشيرة إلى أن الوزارة قاربت من الانتهاء من تأليف مقررات الصف الأول أساس لتكون على نظام المواد المنفصلة، وكشف حياتي عن حوسبة المناهج الدراسية وتصميمها إلكترونياً .

الجريدة


تعليقات 35 | إهداء 0 | زيارات 6875

التعليقات
#970335 [منذر]
0.00/5 (0 صوت)

04-11-2014 09:31 PM
دا قرار اسمو اطلعووووا الشارع ماذا دهاكم ايها الشعب السوداني
دي اسمها اولادكم كلهم يطلعوا خايبين بعدين كيف نجمع مراهق محتام مع طفل ؟؟!
بطلوا البرودا والركون والخنوع الانتو فيهو دا وما تنظروا لي مسألة حكومة ومعارضة ومفاوضات
والكلام الفارغ دا قوموا الى ثورتكم يرحمكم الله
شرزمة زي ديل نخليهم ينظروا في بلد زي دا

[منذر]

#969901 [رشيد ماجد]
0.00/5 (0 صوت)

04-11-2014 09:43 AM
صحيح ان المناهج ضعيفة ولا تؤدي لمخرجات صحيحة وتأهيل مناسب للواقع المعاش ولابد من وضع هذه المناهج بين ايدي خبراء الوزارة القدامى عسى ولعل الحال ينصلح
اتعلمون ان طالب يذكر ان عاصمة غرب دارفور هي عطبرة وان الدولة المجاورة للسودان من الشرق هي آسيا وليست اريتريا كما جاء في امتحان الجغرافيا لهذا العام

[رشيد ماجد]

#969670 [SONIA]
1.00/5 (1 صوت)

04-11-2014 12:25 AM
Thanks Dr Hind that is good suggestion all Sudanese teachers should be honest and explain their concern about the education system in Sudan the teachers should guide but not to be guided

[SONIA]

#969587 [Dr HIND]
5.00/5 (2 صوت)

04-10-2014 09:32 PM
Shame on you all Sudanese teachers if do not reject this idea . All Sudanese teachers please say and comment loudly is it acceptable to leave child of 6 years age with 15 years almost young chap with ????? Please not in UK and Ireland the education system goes like this Junior school children starts age 4 or 5 years old and children spend two years then move first and second class in same school . Then children move to nearby bulding of Senior school that in the same school yard but they have different break time so that not to mix with younger children and spend 4 years ( 3rd to 6th class) No exams to secondary school as all pupils are transferred to Secondary school
. where they spend 6years before they sit for Leaving certificate exam that enable them to join third level university or institute they select depending on their marks . In total they spend from age 4 but mostly age 5 not less than 14 years before they join universities . Are those in charge of education system MATURE PSYCHOLOGICALY ??? I doubt .. It should be extra year to secondary school so that 8 years primary and 4 years secondary or better 4+4+4 . Teachers Please WAKE UP PLEASE BE HONEST AND COMMENT TO THOSE DO KNOW NOTHING EXCEPT FINANCIAL AND POLITICAL AND SOCIAL CORRUPTION !!!!!!!!. I DO NOT CARE ABOUT GAZA CHILDRE BUT IAM VERY WORRIED ABOUT ALL OUR LOVED SUDANESE CHILDREN ANY WHERE WEST , EAST MID , SOUTH AND NORTH SUDAN MAY ALLAH KEEP YOU SAFE ALL DARFOUR ,KORDOFAN AND BLUE NILE CHILDREN AND ALL CHILDRE ALL CHIDREN ameeeeen .

[Dr HIND]

#969469 [ايوب]
5.00/5 (2 صوت)

04-10-2014 06:05 PM
الناس دي في ورطة
هم دايرين يرجعو للسلم
القديم وما قادرين عارفين
السبب شنو لانو بعض
المدارس عملوها جامعات
والبعض الاخر داخليات
طيب لو قلنا يرجعو بفصل
المراحل الثلاث ابتدائي ومتوسط وثانوني الابتدائي موجود والثانوي ايضا
لكن المتوسطة دي هل
عندهم الامكانات لبناء
عدد خمسمائة مدرسه
في كل السودان دي تبقي
صعبه عشان كدا شافو
اقرب حل زيادة فصل
وكدا في نظرهم المساة
اتحلت لكن هيات

[ايوب]

ردود على ايوب
European Union [Amin] 04-11-2014 01:15 AM
اتفق معك تماما


#969411 [wronged]
1.00/5 (1 صوت)

04-10-2014 05:01 PM
هههههههههههههههههههههههههههههههههههههههههههه
والله عجائب وغرائب يعنى في هيئة اسمها تربية وتعليم !!!!؟؟؟؟
لا اعتقد ذلك بس علي ما اعتقد انها هيئة البهائم والحمير مع احترامي لبعض الاساتذة الوفيين
لان البروفيسر اللي ذكر في المقال يعتبر طرور عايم في الخور , لانهم ساهموا في ضياع المناهج
التعليمية الممتازة واستبدلوها بمناهج مؤتمر وطنى ولست مناهج للتعليم هي فقط لتدريس
خطط الاخوان المسلمين ( الانقاذيين ) .والان اصبح الطالب في الاساس والفي الثانوي
والفي الجامعة والامي واحد , اذا دخلت الجامعة وعملت اخبارات في الاملاء تجد 100% لا يعرفون
الاملاء ولا يعرفون كيف يعبروان بمنطق علمى فقط يعرفون مصتلحات المؤتمر الوطنى وفالحين
في حمل السواطير وقتل اخوانهم , منذ دخول الانقاذ ماااااااااات التعليم
ومات كل المؤسسات التعليمية الزراعية والسياحية والفكرية اصبح كل المفاهيم
الدائر في رئؤوس الشباب ان المؤتمر الوطنى إله بالنسبة لهم وينفذون اوامره الخاطئة
اين التعليم ؟؟؟؟؟؟؟؟؟؟؟
قبل امس منعوا تلميذ في مرحلة الاساس من الامتحان بسبب ملابسة ملونة (ابيض +ازرق)
بالاضافة منعوه من الخروج لدخول الحمام لانه كان في حاجة الا الحمام وهي حق مشروع
لكل فرد , وهي حالة طارئة وهي عامل انسانى , لكن لا انسانية
كيف يطلقون انها وزارة تربية وتعليم ؟؟؟ اليس مناقض في حد ذاتها
والان يقولون عايزين يضيفوا صف جديد هههههههههه
انا اقول للبروفيسر المشكلة مافي زايدة الفصفوف بل المشكلة في المناهج الاخترتوها
انتم يا فاشلين ..................

[wronged]

#969407 [عادل الامين]
0.00/5 (0 صوت)

04-10-2014 04:59 PM
كويس دي بداية اعادة البلاد الى سيرتها الاولى في التعليم
كمان لو لغيتو الولايات الكثيرة المسيخة ورجعتو الاقليم الخمسة القديمة يكون 90%من مشاكل السودان اتحل
عشان يتوفرالمال الكافي لاستعادة مجانية التعليم والداخليات...والمستشفيات يوجد كفاءات مهولة من ابناء الاقاليم في الخارج قادرين على اعادتها الى سيرتها لاولى
استفدنا شنو من ال25 ولاي والوزراء الاكثر من المزارعين ديل ... في السودان عل حساب الاطباء والمدرسين
اتمنى ان تطلق الراكوبة نداء عودة الاقاليم..قبل ما تنبهل البلد في السهلة ..
لا وثبة ولا حوار
ولا كتاحة ولا غبار
ترجع الاقاليم يرجع السودان

[عادل الامين]

ردود على عادل الامين
European Union [ودالناموسيه الغرباوى] 04-10-2014 07:01 PM
مثل هذه التعليقات سوف يستفاد منها الجميع بل هى مصلحة للعام فارجو من القائمين على امر هذه البلاد العمل بتعليق الاخ عادل امين
نسبة الصرف الحكومى جله مصالح خاصة ولموظفين من غير وظيفة رجعوا لينا السودان لاقاليم وكذلك المراحل التعليمية السابقه مع مراءة مناهج التعليم
حقيقة تقال ان الطالب فى الجامعة او خريج تجده لايجيد الكتابة ولا القراءة بل وعدم التعبير فى بعض الاحيان
حليل زمن مادة الانشاء والاملاء فى المرحلة الابتدائية
حليل مدرستنا فى الثمانينات
مدرسة القيادة النموزجية الابتدائية بنين
ومدرسة كررى المتوسطة بنين
والفاشر الثانوية بنين
حليل زمن الاستاذ مايلاقيك فى الشارع ولا فى السوق الا وعوقبت امام طابور الصباح فى اليوم التالى وامام جميع زملائك التلاميز
حليل زمن مادة المطالعة والمحفوظات تزكرنى مادة المحفوظات باستاذنا الجليل ((عبدالله عشانا ))
لقد ضربنى ضربا مبرحا فى قصيدة النخلة الحمقاء فى الشرح
اين هذا التعليم فى زمننا هذا ؟


#969374 [صديق الشيخ حمد النيل]
5.00/5 (3 صوت)

04-10-2014 04:24 PM
نخبز ونعجن على كيفنا والما عاجبو اليطلع الشارع .....طالب فى الصف الأول عمره 6 سنوات وآخر فى الصف التاسع وعمره 15 سنة ...خطأ تربوى جسيم وهذا لعمرى معالجة الخطأ بالخطأالأفدح.....البلد دى ما عندها وجيع

[صديق الشيخ حمد النيل]

#969365 [الديمقراطي]
0.00/5 (0 صوت)

04-10-2014 04:15 PM
يا ناس التربية ـ يا معلمين ـ يا افاضل ـ بالله عليكم استمعوا للمواطن مرة واحدة ـ و لو ما واثقين

في كلامه اعملو استفتاء ـ

يا ناس الشعب كلو قالها بالفم المليان عاوزين واحد من اثنين ـ اما 4/4/4 او 3/3/6

و ده يعني ضرورة عودة المرحلة المتوسطة .

يا معلمي السودان الافاضل نسالكم بالله الرجوع الي ضمائركم و عقولكم و اخلاقيات مهنتكم ان تفيدونا عن

جدوي تدريس ابناء و بنات السودان مادة ((( العلوم العسكرية ))) هذه المادة المرتبطة بالقتل و القمع

و تحويل المجتمع من مدني الي عسكري ؟ و التفاخر بمعرفة انواع الاسلحة و الذخائر و الرتب العسكرية .

والله هذه المادة هي قمة التخلف و التحجر و الانغلاق و الدعوة الي العنف و الجمود . بالله عليكم ازيلو

هذه المادة و اكنسوها من مناهج و عقول ابنائنا و ازيلوها و ازيلو مظاهرها من الشارع العام .ازيلوها

الي الابد . و خلو اجيالنا القادمة تكون محبة للسلام و ليس الحرب . فقد هرمنا نحن هرمنا هرمنا هرمنا.

[الديمقراطي]

#969329 [ابوعبد الله]
0.00/5 (0 صوت)

04-10-2014 03:44 PM
انا معلم مرحلة متوسطة سابق نرجو اضافة سنه تاسعة نعم لكن بشرط ان تكون الصفوف من سابع وحتى تاسع منفصلة عن باقي الفصول المعلمون الذين يدرسون الفصول الخيرة يجب ان يكونوا خريجي كلية التربية التي دخلوها من الثانوي وليس الذين تم ترفيعهم من المدارس للكليات .يجب ان تكون نسبة المعلمين الذكور اثر من 80% في مدارس الاولاد وخاصة الفصول الاخيرة.

الاهتمام اكثر بمادتي الحاسوب واللغة الانجليزية


bakry114@hotmail.com

[ابوعبد الله]

ردود على ابوعبد الله
European Union [ود النور] 04-10-2014 05:52 PM
بارك الله فيك يا استاذ. شخصت الداء ووجدت الدواء. عودة المرحلة المتوسطة مع عودة كوادرها المتبقين من القدامى الموجودين فى الاساس و الثانوى. مع اضافة كوادر جديدة متخصصة من كليات التربية.


#969323 [حد بيعرف احسن م الحكومه!!]
4.00/5 (1 صوت)

04-10-2014 03:37 PM
(1) الا يستحق ألأفوكاتو "سبدراتهن" وكل من كانوا وكنّ معه على قمة الوزاره من المطبلين وحارقى وحارقات البخور الذين و("اللاتى" وقد جاء فى الخبر ان اسم الموصول الخاص بذوات الثدى "اللاتى"قد تم تغييره الى "اللتنّ" فى اطار صياغة ألأنسان السودانى) شاركوه جريمة انحطاط الحياة فى السودان عن طريق العبث بالتعليم (سواء كانوا لا يزالون فى الخدمه او تركوها..ان تتم محاسبتهم جميعا على ما فعلوه بالتعليم من دمار وتخريب متعمّد؟ آل ايه آل اعادة صياغة ألأنسان السودانى"..
(2) ليه توقف تدريب وأبتعاث المعلمين منذ ذلك العهد المشؤوم؟ وليه تعدلت المناهج الدراسيه الى ألأسوأ الذى يريدون العدول عنه ألآن والعودة به الى ما كان .. ليه قالوا "لآ" للجغرافيا!! وهى اساس العلوم ألأدبية والعلميه ان لم تكن اساس كل المعارف والعلوم .. آل ايه آل "ألأنسان والكون"!!!
(3)لماذا راحت المرحلة المتوسطه ادراج الرياح ولم يسمع صوت دهاقنتها اللى كانوا مستميتين فى الدفاع عنها ايام العهد الديموقراطى واضحوا (فص ملح وداب)وتواروا واحتجبوا من بعد الثلاثين من حزيران المشؤوم.. هل آمنوا بما جاءهم به "ألأفوكاتو" من "افك" نبأ نزول الوحى عليه ان تكون سنوات السلم التعليمى ألأصلح للبسودان "وترا .. فردية العدد لا زوجية"ويقوم على احدعشر مرتكزا .. ولم يتبينوا ألأمر ساعتها فاصابوا اهل السودان جميعا بالجهالة التى تم التحذير منها!!
(4) ولنسألن اهل ألأنقاذ جميعا ومعهم سبدرات ومن لف لفه (ونحن ادرى)هل درسوا وتعلموا كووولهم فى مثل هذه البيئة التعليمية اللاهية العابثه؟ لو سئل كل من جلس على مقعد مسؤولية تعليمية او غيرها " هل يوم واحد طلب منه ان يأتى بكرسى او مقعد من منزله او كان اجلاسه أرضا او حمل كل كتبه وكراساته على ظهره وكتفيه طوال اليوم الدراسى؟ (كمثل الحمار يحمل اسفارا وهو لها كاره وعما تحتويه ذو جهالة ظلت تستبين على مر الزمان.. ألآن حصحص الحق واحس القوم بالجرم العظيم ويسعون الى العودة بعقارب الساعة الى الوراء!! لعلها تكون كقّارة لهم ولكن هيهات ثم هيهات!!
(5) اليس اسناد امور التربية والتعليم الى كل الذين اسندت اليهم دون استثناء كان هو العبث بعينه؟ هل سمعتوا يا ناس ان وكيل وزارة التربية والتعليم فى اى زمان او مكان صار "نقيبا للمعلمين" واستحق حافزا بلغ قدره 165 مليون جنيه .. آل ايه آل اشراف على امتحان الشهادة السودانيه!! يا سلام بالليل!! و كمان انبرت السيدة حرمه المصون للدفاع عن هكذا عبث!!! الله يخزيكم ويخزى اهلكم!!

[حد بيعرف احسن م الحكومه!!]

#969209 [المتغرب الأبدي]
0.00/5 (0 صوت)

04-10-2014 01:59 PM
ورد في صحيفة الانتباهة 27 مارس 2014 أي قبل اسبوعين فقط ما يلي:-

(كشف المركز القومي للمناهج والبحث العلمي إعادة مواد الجغرافيا والتربية الإسلامية والرياضيات والتربية الوطنية واللغة العربية والتاريخ، والعمل بنظام الـ «9» سنوات بدلاً عن الـ «8» سنوات، بدءاً من العام القادم)

والآن الخبر يقول اعتباراً من العام بعد القادم ..

[المتغرب الأبدي]

#969184 [البعشوم]
0.00/5 (0 صوت)

04-10-2014 01:46 PM
عملتو شنو يعني ؟؟ قولو أنحنا فشلنا .. وراجعين للسلم التعليمي القديم .. لأنكم بكرة حتفصلو الفصول زي زمان ..

[البعشوم]

#969159 [ابو عمر]
0.00/5 (0 صوت)

04-10-2014 01:32 PM
إنتو أساسا خلاص ماشين و أهو البشير فى إجراءات التسليم و إنشاء الله الحكومة الوطنية المنتمية للشعب سوف تعيد نظام 6 - 3 - 3 الناجح للعمل به

[ابو عمر]

#969133 [الغاضبة]
0.00/5 (0 صوت)

04-10-2014 01:15 PM
دقيقة يا جماعة، الحكومة الطلعت القرار العبيط دا ح تزول قبل حلول 2016، وعندها سيتغير كل شيء للأفضل، الصحة، التعليم وغيره ان شاء الله

[الغاضبة]

#969108 [‏*‏ الفن و الادب *]
1.00/5 (1 صوت)

04-10-2014 12:54 PM
وهل لا زال الآن يوجد وزارة اسمها التربية والتعليم في السودان وإذا كان موجود المطلوب كتاحة جوا الوزارة _ الكيزان دمروها من بدري يا احبابنا والحكاية اصبحت جايتة ذي المراءة عاوزة تلد وما لقوليها الداية الحكاية جاتت جاتت‏(ذي مثل الثعلب الفضي ) وكرا عليا يا يمة ووووب علينا التعليم إنتهى استعدوا لثورة الحرية اليوم وليس غدا ثورة ثورة

[‏*‏ الفن و الادب *]

#969085 [radona]
5.00/5 (1 صوت)

04-10-2014 12:38 PM
ادركوهم وقدموا لهم النصح قبل ان يقع الفاس في الراس
انهم بصدد ارتكاب خطا تربوي مدمر تماما
فقط سؤال واحد لاغيره
كيف يستقيم ان تضع مراهق محتلم مع طفل في السادسة او السابعة في عمره في مرحلة دراسية واحدة ؟
قبل الاجابة يتوجب الانتباه بانه قد تفاقمت في الاوانة الاخيرة جرائم الاغتصاب بحق الاطفال حتى ان المحاكم بها 3000 قضية قيد النظر وماخفي اكثر بكثبر وتم طيه خوفا من الفضيحة والعار ومن البديهي ا انه عندما يكون مراهق محتلم مع طفل دون السابعة فانه سيتعرض للتنمر والتحرش ولن يسلم الامر ابدا في مجتمع سادت فيه بعض الظواهر السيئة التى من ابرزها الاغتصاب واللواط حتى من قبل دعاة وائمة مساجد واساتذة وسائقي ترحيل وبذلك تكون الحكومة وباذن منها قد اضافت شريحة جديدة هي الاخطر والمدمرة تماما لمابقي من فضيلة وطهر ولكن لم تنظر الحكومة للامر الا من ناحية اقتصادية بحتة دون مراعاة للتربية والتعليم على ايتها حال
نحمل الحكومة الوزر ونشكوهم لله

[radona]

#969079 [ودالنيل تمساح]
0.00/5 (0 صوت)

04-10-2014 12:33 PM
نسال الله السلامه يارب من هؤلاء العصابه الحاكمه
ياعالم كل دول العالم السلم التعليمى فيها كما هو
فى مراحله اما المواد بتتطور حسب تطور الحياة مع التكنلوجيا
انحنا نرجع لورا خطوتين وبعد نعرف نفسنا تايهين تانى نجى لمحل زمااااان
يعنى شنو من 6 ابتدائى الى 3 متوسطه الى 3 ثانوى= 12. عملتوها 8ابتدائى و3 ثانوى 11 وبعد الشمس غابت وصحيتو من غفوتكم وضيعتوا سنة تعليميه بحالها اخرتوا فيها كم من الاجيال تااااانى تجوا تقولوا لالالا احسن زمان وعشان تغطوا فضيحتكم تقولوا لالا نزيد الابتدائى سنه من 8 تكون 9 ابتدائى +3 ثانوى = 12 زيما بيقولوا فسر الماء بعد الجهد بالماء. فى داعى للكلام ده كله انتو فاكرين حتعيشوا كم سنة تانى ؟
اما المواد كل وزير يعدل حسب هواه يجيب مواد ماانزل الله بها من قبل
وماعارف التلميز حيقابلها وين او حيستفيد منها شنو
مدارس تعبانه التعليم عموما رجع 25 سنة لوما جاملتكم نفس مدة حكمكم التعليم رجع بيها ورا
ياناس تانى حرام عليكم. طلاب الجامعات اهلهم تعبوا فيهم مش الحكومه اهلهم ربوهم وبتمنوا فيهم
مستقبل مشرق لاهلهم وللدوله وللعالم اجمع يجوا العصابات ديل داخل الجامعات سكاكين ومسدسات
ومطاردات وقتل باسم المعارضه الطالب فى الجامعه كانه فى مكان حرب مافى امان
الجامعات قسمتوها دى جامعه فلان ودى جامعه علان اى واحد من العصابه الحاكمه رطب من عرق الشعب الغلبان ده وبنى ليهو بيت مخلخل كده يقوم ياجره لوزارة التعليم ويقول بقى مبنى جامعه
الهدف برضو عشان يتم باقى اللبع بتاعه بس . لافى فحص للبيت هل هو لائق لجامعه ام لا ابدا لافى لجنه مراقبه ولا حاجه. وبعد ده الطالب الجامعى البكره حيكون قياده فى الدوله ابدا شتتوا افكاره
منعوا طلاب الجامعات من التحدث او النقاش فى السياسه. ده كلام غريب جدا الجامعه دى هى المكان الوحيد البتاهل فيهو الطالب الجامعى عشان يكون سياسى محنك مش سياسى فاقد للمنطق كمان وزرانا المانافعين وعلى راسهم نافع المانافع تربيه تعبانه الفاظ غير تربويه . ياوزراناانتو حتموتوا لوما اليوم اليوم البعده طيب الجيل الحيمسك بعدكم وين؟ انا بقول ليكم صفر مافى جيل جيل الانقاز زيما بتقولوا ده جيل مدمر تماما ودى خطه طبعا رسمتوها عشان حتى مايخلفكم ويرجع الناس يقولوا ياحليل زمن الانقاز. لكن ماحتسمعوا الكلام ده الا من المتخلفين زيكم لان حكمكم اسوا حكم على تاريخ السودان العظيم على المستوى الاجتماعى او المستوى التربوى. والمضحك نظام مغلف بمسميات اسلاميه لكن الحمد لله كما قال الله _ من كان فى ضلاله مده الرحمن مدا. ضللتوا الشعب وربنا زادكم ضلال.
لكن لكم يوم وانه ليوم اسود زى وجوهكم لانو الله لا يضيع دعوة المظلوم

[ودالنيل تمساح]

#969067 [ابومروه]
5.00/5 (1 صوت)

04-10-2014 12:26 PM
يا ناس التربيه نحن لا علماء و لا فلاسفه بس الاعتراف بالذنب فضيله ارجعوا لنظام سته ابتدائ وثلاثه لكل من المتوسط و الثانوي و بطلوا تنظير و كمان يرجع الزمن ساعه و بالمره لو رجعتونا الي ما قبل الانقاد تكونو انقذتونا

[ابومروه]

#969065 [عبيد الله]
0.00/5 (0 صوت)

04-10-2014 12:25 PM
رحم الله هذه البلد والله كانت من احسن البلدان منهجا وتعليما ومخرجاتا . زمان كنا في ثالتة ابتدائ بنحل كتاب ( حساب التلميذ ) وهسع خريج الثانوي مابحل حساب التلميذ . اليس فيكم رجل رشيد واحد بس . يامعتصم وياأمين حسن عمر ويا مين مش عارف أخخخخخخخخخخخخخخخخخخخخخخخخخخخخخخخخخخخخخخخخخخخخ والله السودان بلد وفيها أدمغة بس حظها زي الزفت الله يكرم السامعين . ياخ رجعوا التعليم زي ماكان وبلاش تجارب في اولاد الناس . زي بتاع امس القال دخول الحمام ممنوع في الامتحان . ديل فاقد تربوي وجايين يتحكموا في اولاد الناس . تفي عليهم .

[عبيد الله]

#969057 [nona]
0.00/5 (0 صوت)

04-10-2014 12:17 PM
كل يوم بمر تزيد قناعتى بان متخذي القرار فى السودان لا يعلمون ولا يفقهون لقد دمرت كل البنيات التحتية نتيجة القرارات الخاطئة من الكوادر الخطاء وذلك بسبب سياسة التمكين لان التعيين بالولاء وليس الجدارة فنرى مثل هذه القرارات الخطيرة المدمرة
الم يسمع متخذ القرار بالمشاكل النفسية التى صاحبت وجود اطفال فى الحلقة الاولي مع المراهقيين فى الصف الثامن
حسبنا الله ونعم الوكيل

[nona]

#969038 [معلم بالمعاش]
5.00/5 (3 صوت)

04-10-2014 12:03 PM
يا عالم يا هووو .. كيف يستقيم عقلآ أن نربي طفلآ يبلغ الستة أعوام وسط فتيان مراهقين في السادسة عشر من العمر دون أن نخلق فيه عقد نفسية مع أحساس بالضعف و الخوف قد يلازمه طيلة حياته !!!!
مع صعوبة تنفيذ فكرة الفصل بين الفصول الصغري و الكبار ..
اذ أن الحل المنطقي و السهل تطبيقه هو بناء فصل رابع بالمدارس الثانوية .. و كفي الله المؤمنين شر القتال ..

[معلم بالمعاش]

#969037 [كفاية]
0.00/5 (0 صوت)

04-10-2014 12:01 PM
طيب كان ترجعوا للنظام القدييييم داك مرحلة اولية ومرحلة وسطي ومرحلة ثانوية اربعة سنوات بكل مرحلة لانه اثبت نجاحه
وبعدين حكاية وجود تلاميذ في الصف الاول والثاني مع تلاميذ في الصف الثامن والتاسع دي تجي كيف ؟
الموقف الامثل هو الرجوع للنظام القديم وبالعدم فصل المدرسة جزئين من الصف الاول حتى الخامس في جزء ومن السادس للتاسع في الجزء الاخر

[كفاية]

#969029 [العنطـــــــــــج]
5.00/5 (6 صوت)

04-10-2014 11:56 AM
تخلف ليس الا,,,, الكيزان ديل اغبي من مشي علي وجه الارض. بي جاي يقولو ليك محاربة الظواهر السالبه و ليوم الليله بانــــــة احمد بركات ما اتلقت و ماتو من الاطفال من ماتو نتيجة الاغتصابات جرائم بالآلاف.
و قبل فتره صبيان الفيديو الفضيحه كلهم مجرد اطفال,,,,,,, اجيال سنه تامنه ديل ــ و اللوم ما عليهم ـــ هم ضحايا اطالة مرحلة الاساس,, ياخي الناس دي نضمت و هرجت قالو ليكم ما ممكن زول في سنه تامنه لو بقي شاطر و ما مربت بكون عمرو اقل شي ١٤ سنه ما ممكن يكون في نفس حوش المدرسه و نفس الطابور و نفس البوفيه مع اطفال عمرهم سبعه سنه!!!!!!
يا اخوانا الكيزان ديل يسووا ليهم شنو تاني؟؟؟؟؟؟
اللواط والسفور و السفاهه و لفليف الشعر و النياصه و اللبس البناتي ده كلو بجي كيف؟؟ ما هو انت لازم تكون مهيأ نفسيا عشان نفسك تقبل لبس زي البنات و تتجمل و تتمكيج,,,,, اهه التهيأه النفسيه دي بتجيبه خلبتة الرجال مع الشفع ديل,,, و الشافع لما يحصل تامنه بكون عايز يطبق ماضيه في الشفع المعاهو.
يا كيزان السجم و الرماد ,,,,,, عوووووووووووووووووووووووووووووووووووووووووووووووووك ,,,, انتو فاتحين ليهم كر و حضانه بي جاي تفرخ ليكم في العيال الما شادين حيلهم و بي هناك شغالين ما عارف مكافحه و سن قوانين و جلد و امريكا تتدخل ووووووووو.
بني كويزه,,,, عليكم دينكم و عليكم الله مره واحده اسمعوا البجم البكوركو ليكم ديل و مره واحده في حياتكم فكروا اول هل انتو بتعالجو جذور المشكله الفلانيه وللا في آثارها؟؟؟؟؟
ياخي حرام الانسان ربنا اكرمو بنعمة العقل يكون غبــــــــــــــــــــــــــــــــــــــــــــــــــــــــــــــــــــــــــــي للدرجة دي,,,,, و الله غبائكم ده يهيج المراره و يتاور القرحه و يعمل حساسيات و ضربة قلب و ذبحه صدريه!!! ياخي ارحمونا شويه بالله.
لازم لازم لازم يرجع النظام القديم و ابتدائي متوسط و ثانوي لأنها دي مراحل عمريه محدده و قريبه من بعضها و بتأسـس لاجيال متواصله و عندها علاقات سليمه معافاه و مبنيه علي ذكاء اجتماعي متفوق.
اما قصة تلموهم كلهم و كمان تزيدوهم سنه تاسعه و يتلمو الرضع مع العنقاله, دي تبقي كارثـه بيئيه اجتماعيه تربويه و انتو كده فتحتو حضانات لمخلوقات علي النعمه خرطمية جهاز امن و طاره ما يحلو ليكم كفاويهم.
و ارجو الراجيكم يا عواليق, انتو اصلا الحكم ده لا حقكم لا استحقيتو, و دي اقل نتيجه, خمو و صرو.

[العنطـــــــــــج]

ردود على العنطـــــــــــج
European Union [البيان الواضح] 04-10-2014 12:36 PM
ياأخي الكيزان ليست أغبياء في هذه النقطة بالذات ، الكيزان يريدون تدمير السودان وقد فعلوا هذا بالتعليم وبغيره . فهذه أمور مخطط لها ، هذا هو التخطيط الماسوني اليهودي لخراب السودان على أيدي الكيزان ، والبرنامج ماشي تمام التمام .


#969028 [حميد]
0.00/5 (0 صوت)

04-10-2014 11:56 AM
ارجو من وزارة التربية والتعليم النظر في القرار الذي لا يساعد الطالب علي الاجتهاد في الدراسه وان يعيدو النظر في القرار الخاطي وان اضافة سنة ليس في مصلحة الطالب من النحية النفسية اماذ الوزارة لا تراجع النظر في اضافة المرحله المتوسطة

[حميد]

#968998 [ود احمد]
0.00/5 (0 صوت)

04-10-2014 11:31 AM
نحن من الذين كنا نعارض اولا دمج المرحلتين في مرحلة واحدة وفي مبنى واحد من ناحية علم نفس النمو خطأ فادح
ثانيا تقليص عدد السنوات من 9الي 8 كان ايضا خطأ لا يغتفر
ثالثاً التعريب غير المدروس والغاء الادب الانجليزي في المدارس
رابعا تغير الزمن العالمي لتوقيت السودان وما يسمى جورا وبهتانا البكور
الذي نريده ايها التدميريون لقد طفح الكيل ويجب ان ترجعوا كل ما دمرتموه الي موقعه
خامسا يجب ارجاع المال المسروق وحينها نقل لكم عفا الله عما سلف وان لم تفعلوا فالحساب قادم لا محالة فيجب عليكم ان تبرؤوا ذممكم اليوم قبل الغد وتتذروا للشعب بعد ارجاع الحقوق الادبية والعينية وكل اصناف التنكيل بالشعب والا فسوف تروا

[ود احمد]

#968992 [فيصل]
5.00/5 (1 صوت)

04-10-2014 11:27 AM
قالو في واحد مسطول بني بيت وما قدر يقفله بعدين راقد في عنقريب في البيت البناه والشبابيك والابواب فاتحه جات طيرة دخلت من الباب وبنفس السرعه خرجت من الباب الاخر قام هو نظر لفوق وقال ليها اسي عملتي شنو انتي
اسي انتو عملتة شنو يا اهل التعليم ما من زمان كانت سته سنوات والمتوسط ثلاثه والثانوي ثلاثه يعني جبتو الديب من ديله علي حسب قول اولاد بمبه جهل وتخلف وعدم درايه ياحليل مدارس حنتوب وخور طقت والموتمر والسني ودمني الثانويه وياحليل جنينير والريدر ياحليل الجغرافيا البشريه وجغرافيه والوطن العربي يا حليل تاريخ السودان والوطن العربي وتاريخ ارويا كنا نعرف الحضارةالاوربيه قبل ان يعرفها اهلها يا حليل كدناب وتيل ان تلوستي يا حليل سهام والهام البقن حبوبات والله يرحم زيدان الكسلان والذئب والبجعه وانا بدر وانا امل وانا ولد وانا بنت البنت بنت البلد والولد ولد البلد البلد بلد البنت والولد الان البلد بلد المؤتمر الوطني والكيزان الما عندهم دين ولا ايمان اللهم اخذهم اخذ مقتدر

[فيصل]

#968986 [kassalwy]
0.00/5 (0 صوت)

04-10-2014 11:23 AM
كل يوم يعلنون فشلهم - و اخيرا اقتنعوا بانهم فشلوا فى التعليم و لكن بعد ايه

[kassalwy]

#968972 [زول ساي]
0.00/5 (0 صوت)

04-10-2014 11:14 AM
اصبحنا فئران تجارب لجماعة الاسلامي السياسي .... الثورة قادمة باذن المولي عز وجل لكنسكم انتم ومناهجكم .... لم يسلم قطاع الا وتاذي من هؤلاء المتعجرفين ... ولكن سيصبح الصبح وستشرق شمس الحرية في وطني المسلوب ...... وغدا لناظره قريب

[زول ساي]

#968966 [ليكم يوم]
0.00/5 (0 صوت)

04-10-2014 11:09 AM
يا أولياء الأمور رايكم شنو ؟؟

[ليكم يوم]

#968964 [أبو الكلس]
5.00/5 (1 صوت)

04-10-2014 11:07 AM
مراهقين في اعنف حالات الشبق والشهوة

مع أطفال صغار وضعاف في حوش واحد

ما منكم من رجل رشيد ؟؟!!!

[أبو الكلس]

#968955 [مندهش]
0.00/5 (0 صوت)

04-10-2014 11:03 AM
التخطيط في السودان ذي حلة العذابه يقطعوا البصل واللحمه والطماطم ويضعوها على النار وكل واحد منهم يجي يفتح غطاء الحله ويضيف ملح او شطه على حسب ما يناسبه . طيب اولا لماذا عملتوا مرحلة الاساس 8سنوات والحين عايزين ترجعوها 9 سنوات .اتخيل لي ان هنالك واحد من تجار الدين عايز يخرج اولاده او بناته سريع سريع ولقد حصل والحين عايزين يرجعوها لسابق عهدها

[مندهش]

#968947 [هندسة يا]
0.00/5 (0 صوت)

04-10-2014 10:58 AM
اولادنا حقل تجارب
ايها الجهلة؟
التعليم بالذات لاينفع فيه الا المنطق العلمي البحت
الكيزان كالكلاب المسعوره جاطو كل شي والاجيال تدفع ثمن بلاده كوز
اسال الله ان ينتقم منكم

[هندسة يا]

#968918 [الصبار]
0.00/5 (0 صوت)

04-10-2014 10:46 AM
لعنة الله على ادارة بلد مثل السودان وخاصة ناس وزارة التربية والتهديم الاخلاقي التي صحبت تغيير المناهج طيلة سنوات الانقاذ العجاف وهي 24 سنة العجاف التي مر بها السودان ، تدمرت فيه كل المشاريع والمثل والاخلاق ووصلت حال بلادي لحد الكفاف بسبب هؤلاء Tryants الطغاة الذين يحكمون حتى اليوم .

التعليم انتهى جايين تغيروا اليوم يا جهالنا يا متعلمينا من الذي قام بتغيير تلك المنهاج والقى المواد التي كانت تدرس في النظام القديم كان ارقى نظام ومواد كانت غنية وثرية بتعلم الشعوب كلها انت يا سيادة الوزير درست بالمنهج القديم اسال ابنائك إن كانوا يتلقون دروسهم بالمنهج الحالي شوف تلاميذ من خارج معرفتك واسال كيف حالتهم معظم التلاميذ اليوم لا يعرفون حتى الكتابة بالعربي وهو يكون في الصف السادس او الخامس
لماذا القيتم مادة التربية الوطنية من المنهج احيوانات انتم ارجو يا اغبياء للنظام القديم وبطريقتكم هذه ستجعلوا من السودان مثل الدول الخلجيية انسان بدون عقل .

ولا يعرف حتى فك الخط لعنة الله على من غير تلك المناهج حيا او ميتا ً.

ارجعو للنظام والمناهج القديمة ونظام 6-3-3 وبلاش فلسفة فارغة يا اغبياء .

[الصبار]

#968883 [المهند]
3.00/5 (3 صوت)

04-10-2014 10:30 AM
هام وعاجل
ان تكون مادة التربية الوطنية ضمن المقررات من الصف الاول ابتدائي وحتى نهاية الثانوي بعيدا عن الامور السياسية لكي نغرز في ابناءنا حب الوطن ونصبح من الدول المتحضرة والتقدمة مثل اليابان

[المهند]

ردود على المهند
European Union [Amin] 04-11-2014 01:32 AM
وحات الله حب الوطن ما داير درس عصر

العطاء يولد الإمتنان والإمتنان بولد المحبة


الطفل ما بعلموه يحب أمه ،،لكنه يشعر بعطائها ومحبتها وتفانيها في رعايته ،، فيبادلها العطاء

في الدول زي اليابان ما بدرسوهم حب الوطن .. بشربوه وبأكلوه وبلبسوه ليهم



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |الصوتيات |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة