الأخبار
أخبار إقليمية
حاج ماجد سوار وايدام يبحثان التعاون المشترك بين جهاز المغتربين ووزارة تنمية الموارد البشرية والعمل
حاج ماجد سوار وايدام يبحثان التعاون المشترك بين جهاز المغتربين ووزارة تنمية الموارد البشرية والعمل
حاج ماجد سوار وايدام يبحثان التعاون المشترك بين جهاز المغتربين ووزارة تنمية الموارد البشرية والعمل


بشرا المغتربين بتفعيل وإنفاذ عدد من الخدمات والحوافز التشجيعية وحفظ حقوقهم بالمهجر
04-10-2014 12:57 PM

بحث جهاز تنظيم شئون السودانيين بالخارج ، ووزارة العمل وتنمية الموارد البشرية ، التعاون المشترك بين الجانبين والسبل الكفيلة لتقنين الوجود السودانى بالخارج بما يحفظ حقوق السودانيين بالمهجر ،
جاء ذلك خلال لقاء السيد وكيل وزارة العمل وتنمية الموارد البشرية الطاهر سليمان ايدام بمكتبه بالوزارة امس الاول السفير حاج ماجد محمد السوار ، الامين العام لجهاز تنظيم شئون السودانيين بالخارج ، حيث اكد السيد الوكيل على اهتمام وزارته بقضايا السودانيين بالخارج ، مثمناً فى هذا الخصوص جهود جهاز المغتربين ورعايته لهذه الشريحة ، معلناً استعداد الوزارة لتعزيز التعاون القائم بين الجانبين من خلال اللجنة المشتركة ، كما استعرض اللقاء نتائج اتصالات الوزارة بمنظمة العمل العربية فى مجال الخبرات ، مبيناً اهمية انتاج دليل الخبرات السودانية بالخارج لتعريفهم وتوظيف خبراتهم فى مجالات التنمية بالبلاد ، اضافة الى انتاج دليل للمغتربين لتعريفهم بالدول التى يرغبون فى العمل بها لتيسير التعامل وحفظ حقوقهم والانخراط فى مجتمعاتها مشيراً الى ضرورة مراجعة القوانين والتشريعات واللوائح الخاصة بالعمل بالخارج .
من جانبه اكد الامين العام لجهاز المغتربين اهمية التشاور والتعاون مع وزارة تنمية الموارد البشرية والعمل مؤمناً على ما طرحه السيد الوكيل ، ومبيناً انه بصدد اتخاذ بعض الاجراءات لصالح المغتربين من بينها اعادة تشكيل مجلس ادارة الجهاز ليضم فى عضويته الجهات ذات الصلة بقضايا المغتربين مثل بنك السودان المركزى والمجلس القومى للسكان وزارة التعليم العالى ، وقال : اننا وضعنا اولويات للعمل من بينها احصاء السودانيين بالخارج لتقديم الخدمات اللازمة لهم ورعايتهم بالطريقة العلمية وجذب استثمارات ومدخرات المغتربين واقرار الحوافز التشجيعية لهم بالتنسيق والتعاون مع وزارة المالية والاقتصاد الوطنى ، مشيراً الى شروع الجهاز فى التحضير للمؤتمر العام السادس للسودانيين بالخارج ، وملتقى العاملين فى مجال الجيولوجيا والتعدين بالتعاون مع وزارة المعادن .
واكد سوار على ضرورة تبادل المعلومات وتحجيث الاحصائيات وتأهيل المغتربين قبل مغادرتهم ، كما اشار الى شروع الجهاز ايضاً فى مراجعة قانون تنظيم شئون السودانيين بالخارج .
وكشف الامينالعام لجهاز المغتربين عن اتفاق بين بين الجهاز ووزارة المالية والاقتصاد الوطنى لتقديم دراسة بمقترحات للحوافز التى يمكن تقديمها للمغتربين بغية تشجيعهم على تحويل مدخراتهم الى السودان وتفعيل خدمات التأمين الاجتماعى والصحى غيرها من الخدمات التى تقدم للسودانيين بالخارج .
واعرب الامين العام لجهاز المغتربين عن سعادته بالكفاءات السودانية بالخارج الذين يتبوأون مناصب رفيعة فى عدد من المنظمات والمؤسسات فى الدول المختلفة ، اضافة الى ما يبرز فى الاعلام من نماذج سودانية فى الامانة والتميز فى عدد من المجالات .
الى ذلك ابان الامين العام لجهاز المغتربين انه سيتابع الجهود المبذوبة لتأسيس صندوق العودة الطوعية للمغتربين ، مشيراً الى ان اعداداً كبيرةً من المغتربين العائدين نهائياً او جزئياً ، قد استفادت من قرار اعفاء الامتعة الشخصية ، كما استفاد العائدون نهائياً من قرار استثناء سيارات العائدين من شرط الموديل .


جهاز المغتربين


تعليقات 39 | إهداء 0 | زيارات 4961

التعليقات
#970425 [صديق حسين عوض]
0.00/5 (0 صوت)

04-12-2014 01:16 AM
انتا يا حاج - سافي - عفوا ماجد سوار ما بتشبع؟ بطنك دي بير ارتوازيه؟ الله لا كسبك عافيه - يعني دخلتا في مشكله المدينه الرياضيه عقدتها اكتر - اطلع من شئؤن المغتربين الكادحين و شوف ليك صيد اسهل منهم

[صديق حسين عوض]

#969996 [بدر نورالدائم]
0.00/5 (0 صوت)

04-11-2014 12:47 PM
اسوا ناس مره على اداره جهاز المغتربين هما كرار وماجد وكل واحد يفشل يعين فى جهاز المغتربين

[بدر نورالدائم]

#969684 [السيد موسى البدرى]
0.00/5 (0 صوت)

04-11-2014 01:59 AM
الاخ سوار كل واحد مسك الجهاز قال نفس كلامك ولم يستفيدوا من مدخرات المغتربين العفش او الاثاث والسيارة لماذا تقرن بالخروج النهائى متى يستمتع بها المغترب انا عايز لمن اجى فى اجازة استمتع بسيارتى مش لمن اجى شايل العكاز ارجو ان تفهموا ماذا يريد المغترب اولا.

[السيد موسى البدرى]

#969673 [جمال]
0.00/5 (0 صوت)

04-11-2014 01:31 AM
اكيد ناوين شر مين المغترب الداقس دا

[جمال]

#969655 [سعد الحلفاوى]
0.00/5 (0 صوت)

04-11-2014 12:34 AM
السلام عليكم ورحمة اللة
الحكومة اى ناس الانقاد كلهم كدابين انا لى تجربة اشتريت قطعة ارض سكنية عرفونى بان موقعها بالقرب من كبرى المنشية اشتريتها بما يعادل 11 الف دولار سنة 93 وعندما رجعت تابعت الاجراءات وجدتها القطعة خلف حى الوحدة اى كرتون كسلا لو ارسلت هدا المبلغ نقدا الى السودان كنت اشتريت بارقى الاماكن بوسط الخرطوم اما بخصوص اعقاء المغتربين من فرق الموديل اقول لكم مافى واحد مغترب يقدر يدفع جمارك حتى الاستثناءت بتطلع لهم باسم منظمات خاصة بهم اما سوار رجل متهم باختلاس اموال من وزارة الشباب السؤال كيف يتم رجل متهم السؤال ايم ابراء الدمة الجى تحدث بها البشير حامى الحرامية

[سعد الحلفاوى]

#969575 [الطاهر احمد]
0.00/5 (0 صوت)

04-10-2014 10:15 PM
سلام للجميع

معلق واحد بس صدق الكلام دا مافي.

قالو (والعهدة على الراوي) زمان في حاكم ظالم اسمو ود نميري ( ما عارف عندو علاقة بالمخلوع نميري والا لا) معتاد كل ما يلقى زول عندو حصان والا حمار كويس يقلعو منو، الناس عملت حسابا وبقت تدس حاجتا، أها قام أشاع انو مات، الناس جات للعزا راكبة الحصين والحمير الكويسة طوالي ظهر ليهم وصادرا منهم، أها لما مات موت الصح زول جا للعزا مافي والجا جا كداري وقال قائلهم " ديك كملت والا شنو؟!تلقاها عند الغافل". الناس طبيعي عندها مناعة ضد الكذب والاستبهال حتى ولو صادف مرة صدق.

[الطاهر احمد]

ردود على الطاهر احمد
European Union [ود الركابي] 04-11-2014 11:20 AM
جزيرة ود نمير عندنا في الشمالية حكى ليه عنها الوالد يرحمه وانا صغير وهذه الجزيره علي اسم جد الرئيس السابق جعفر النميري يرحمه الله 0 كع كرع


#969454 [مراقب سياسى]
0.00/5 (0 صوت)

04-10-2014 06:42 PM
إن كانت هناك أية نوايا حسنة لمصلحة المغتربين والسودان عموما فلابد من إنفاذ الآتي دون تأخير:

1- إلغاء كل الضرائب والزكاة والأتاوات الأخري( المغترب السوداني هو الوحيد الذي تفرض عليه ضرائب وخلافه).
2- أن تتم مساواة الرسوم التي تفرض علي المغتربين بتلك التي تفرض علي مواطني الداخل( جوازات،تصديقات،تأشيرات الخ)فكلهم مواطنون ينتمون لبلد واحد
3-إعطاء حوافز وتسهيلات علي تحويلات المغتربين(سكنية،إستثمارية، معاشية.......الخ باسسس ونظم يتفق عليها)
4- تشجيع وتجميع المغتربين للقيام بإستثمارات جماعية في جميع الأنشطة الإقتصادية ومنحهم الحوافز لتشجيعهم علي إستثمار مدخراتهم وإنشاء شركات تعمل في التجارة والتصدير والإستيراد لحل مشكلة بعض السلع الإستراتيجية والضرورية كالأدوية .

هذه رؤوس مواضيع ويمكن تكليف جهة عادلة للقيام بدراسات عاجلة وطرحها علي الجميع من أجل مصلحة السودان ومغتربيه ( البقرة التي يطلب منها إشباع نهم الجشعين لشرب الحليب دون أن يوفر لها العشب الضروري والماء)

[مراقب سياسى]

#969427 [سوداني]
0.00/5 (0 صوت)

04-10-2014 06:15 PM
قال تاهيل السودانيين قبل سفرهم
ههههههههههههههههههههههههه
انا مغترب لي 15 سنة والاجهزه الطبية اللقيتها من 15 سنة .السودان عاوز ليهو 150 سنة عشان يجيبها
البركة في الدورات والكورسات العملتها على حساب الشغل . والله ما قصروا واي دول في العالم الحمدلله يكون فيها كورس او دورة ما بقصروا معاي بسفروني طوالي

[سوداني]

#969381 [أبوالكجص]
0.00/5 (0 صوت)

04-10-2014 05:34 PM
كلام عائم زيّو وزي ماظل يُكتب في هذا الشأن.

[أبوالكجص]

#969358 [ابو ياسر]
5.00/5 (2 صوت)

04-10-2014 05:06 PM
بالله عليكم الله شوفوا جنس المحن دى نحن مغتربين لينا 25 سنة وراجين سوار وايدام يحلوا لينا مشاكلنا انا عايز اعرف ناس الانقاذ الزفت ديل بجيبو الاسامى دى من وين ( سوار - ايدام - كرتى - الهد - الدولب كبشور - ابوقردة - عفاف تاور ام نخرين + سامية البايرة .... الخ والله لاخيرا فى التهامى بتاع الحفلات ولا فى سوار الحمار ، عايزين منكم تخلونا فى حالنا ومشاكلنا وضغطنا وسكرنا ونحن تركنا ليكم البلد اسرقوا وانهبوا كما يحلو لكم بس انسونا لو سمحتم ماعايزين منكم شى وربنا موجود وكفيل بينا وندعوه ان ينتقم منكم جميعا يا كلاب .

[ابو ياسر]

#969318 [تينا]
0.00/5 (0 صوت)

04-10-2014 04:33 PM
الكلام كلو مبيناو وموجها ومثمنا وووو دا شنو دا ... وفى النهاية كلام من أجل الكلام وبس ... بختك يا ماجد سوار بعد ماركنوك فترة ما لقوا حتة يختوك فيها جابوك على جهاز المغتربين الهامل ودى فرصتك عاد (((ما مغتربين وكدا))) ... شوفوا ليكم شغلة ثانية المغتربين (((فتحوا))) خلاص ...

[تينا]

#969297 [حبر على ورق]
5.00/5 (2 صوت)

04-10-2014 04:07 PM
يا دااااااااااااااااااااااااااااااااااااب
لتقديم دراسة بمقترحات للحوافز

ضيعت زمني في قراءة المقال ده عايز تعويض عليه ، شنو كل ما يجي واحد شابكنا دراسة دراسة كانه الناس بدت الاغتراب السنة دي عايزين يضعوا ليه خطط تامين وحماية وماكلة ودراسة ووعود وكذب ياخ انا لاقيت مغتربين ليهم 40 سنة بسعموا بنفس الاسطوانة المشروخه دي تقول لي دراسة وبطيخ مع انه السودانين بحبوا البطيخ بس المثل فرض نفسه هنا ما علينا انا مغترب لي 5 سنة تعالوا لي اديكم درس ودراسة جدوى شاملة كاملة ومجان عن طلبات المغتربين ما تجيبوا لي دفتر ايصالات تحصيل جبايات . جهاز شئون العاملين بالخارج وبضع في الدراسة والخطط الان يوظفوا الناس وبدلات السفر تشتغل سنة سنتين ويفرتقوا ويجوا غيرهم دراسة وبدلات وسنة سنتين مافي فايده . عايزين مرة واحده في حياتنا نلقى حاجة ملموسة كفاية تنظير وبيروغراطية في تعقيد الاجراءات .

[حبر على ورق]

#969290 [Elmansoor]
5.00/5 (4 صوت)

04-10-2014 04:01 PM
والله ضحكتني بموضوع تأهيل المغتربين دا. والله احنا لو كان تأهيلنا منكم كان كشونا زمان

[Elmansoor]

#969269 [جلكساوي]
5.00/5 (1 صوت)

04-10-2014 03:48 PM
هههههههههههههههههههه

والله ضحكتني يا ماجد سروال

قال شنو ...
" واكد سوار على ضرورة تبادل المعلومات وتحجيث الاحصائيات وتأهيل المغتربين قبل مغادرتهم "

عاوزين تخارجوا العالم من البلد وتقعدوا فيها براكم

الله لاكسبكم يا كلاب ياكيزان يا أخوات الشيطان

[جلكساوي]

#969251 [الولايات المتحدة السودانية]
5.00/5 (1 صوت)

04-10-2014 03:33 PM
معقول قراد يلصق 25 سنة ويمص فى دمنا ونحنا بس نجعجع كدا !!!
والغريبة بتناقشوا فيهو !!!
ياخى الكيزان ديل كلهم حرامية وقراد ومصاصين دماء !!! نقاش ومنطق وجدل شنو ؟؟

[الولايات المتحدة السودانية]

#969243 [البوال وداير بامبرز]
0.00/5 (0 صوت)

04-10-2014 03:23 PM
يا ناس هويييي ما تختونا كرهتونا السودان قلنا نتخارج جايين لاحقننا

افيدكم علما يا ناس جهاز المغتربين نحنا دقينا خروج نهائي من السودان وكان ما اتخارجتو يا عفنانين مافي زول جايي البلد راجع

[البوال وداير بامبرز]

#969229 [المهاجر الاول]
0.00/5 (0 صوت)

04-10-2014 03:15 PM
1/ سوار المفروض تسأل نفسك عن الاموال التي اخذتها عندم كنت وزيرا للشباب والرياضة.
2/ قلت بتهتم بقضاياالسودانين بالخارج من المفترض ان ترعى شؤن المشردين والمهجرين والفقراء والمساكين.
3/ من المعروف ان مهمتك جمع العملة الصعبة اذا كانت لدى المغتربين عملة صعبة والتمتع بها داخل وخارج السودان.
(وانا نصحيتي ليك اتركوا المغتربين في شأنهم ..طلعوا ليكم من البلد هجروا اولادهم واهلهم ولا ذلتم تطاردهم ) .
(((بالله ياسوار وكل من شاكلت سوار هل شفت كوز خرج من السودان ..اللهم الا اذا كان لدراسة او سياحة او استيراد بضايع (سيارات + معادن).

[المهاجر الاول]

#969223 [أبوعلي]
0.00/5 (0 صوت)

04-10-2014 03:12 PM
جهاز المغتربين
أم:
كانون شوي المغتربين

[أبوعلي]

#969222 [Nader]
0.00/5 (0 صوت)

04-10-2014 03:11 PM
بشرا ?????? حتى اللغه يا انقاذ السجم

[Nader]

#969218 [مغترب]
0.00/5 (0 صوت)

04-10-2014 03:09 PM
اطلعوا منها يا جهاز المغتربين وهي تتعدل،،،

[مغترب]

#969203 [بتاع بتتييخ]
0.00/5 (0 صوت)

04-10-2014 02:57 PM
حرمنة جديدة لاكن منو الغافل البثق فيكم ؟ يااكلة السحت ؟

[بتاع بتتييخ]

#969200 [Ammar]
0.00/5 (0 صوت)

04-10-2014 02:55 PM
والسبل الكفيلة لتقنين الوجود السودانى بالخارج بما يحفظ حقوق السودانيين بالمهجر
السؤال قاصدين حقوق المغتربين بالداخل التي هي من واجب الحكومه بعد هذا الكم من الضرائب و الجبايات في جهاز المغتربين انو يدو المغترب ده و لو شيئ بسيط.
ولا قاصدين حقوق المغتربين بالخارج لو قاصدين حقوق المغتربين بالخارج لا ياخي ما تخافوا نحنا حقوقنا محفوظه 100% وسط حكام غير مسلمين لكن والله بخافوا الله في حق الناس.
ومنو حاج ماجد سوار ولا ايدام عشان يتدارسوا وضع السودانيين بالخارج و هذا زمانك يا مهازل فأمرحي الله يلعنكم طفشتوا البلد كلها بره و بعد الناس خلت ليكم البلد برضو عاوزين تلاحقوهم بره

[Ammar]

#969197 [شروم كداد الدوم]
0.00/5 (0 صوت)

04-10-2014 02:54 PM
هانت والله ... ما لقيناها عند ودالعرب

[شروم كداد الدوم]

ردود على شروم كداد الدوم
European Union [بتاع بتتييخ] 04-10-2014 06:23 PM
ياعابر ..... اسي البتيخ زمبو شنو ؟

European Union [عابر طريق] 04-10-2014 06:00 PM
اتفق مع اخي العوض واقول ليك انك انسان فيك جاهلية .. ونوعك دا هو الغتس حجرنا وخلى الناس تتمرد .. اي عرب واي بطيخ بتتكلم عنه رسولنا الكريم صلى الله عليه وسلم قال لابنته السيدة عائشة اني لا اغني عنك من الله شيئا ) او ما معناه .. وتجي تقول شنو وتقول لي منو؟؟ من يحكم امريكا الان ومن اين اتى ؟؟ اتقوا الله يا عالم في انفسكم قبل الاخرين .. وتخيل لو ربنا جابك من نفس منطقة الوزير المعني هل تعليقك سيكون بنفس الكلمات البذيئة الدنيئة .. استغفر وتب الى ريك ايها الشروم كداد الدوم.

European Union [العوض] 04-10-2014 05:08 PM
كلامك فيهو ريحة عنصرية بغيضة وبواقي جاهلية وشوية عنطزية ابدا ماتكرر كلامك دا تاني وخليك انسان من غير عنصرية


#969189 [راجع للوطن]
0.00/5 (0 صوت)

04-10-2014 02:48 PM
لنفترض جدلا أن احدا ماغير وردى لحن دجاجى يلقط الحب ويجرى وهو فرحان.
هل سيتغير شىء فى القصيدة...حاج ماجد سوار ملحن جديد لقصيدة دجاجى يلقط الحب.
نحن نريد أن نكون احرارا فى وطننا مثل السعوديون يستجلبون السيارات من اميركا وهى مستخدمة بشرط ان تكون مفحوصة ومثل العراقيون ومثل اللبنانيون ومثل سائر العالم.هل الافضل تلوث البيئة ام خنق المواطنين وافقارهم...لما>ا تسمح لنا السعودية بتلويث بيئتها بسياراتنا القديمة ولايسمح لنا وطننا الهبوبو هابة.

[راجع للوطن]

#969168 [محمد]
0.00/5 (0 صوت)

04-10-2014 02:37 PM
دا سكران - شنو جذب مدخرات المغتربيت وتعريف الدول بكفاءة السودانيين بالخارج ؟؟؟؟؟؟؟؟؟؟؟؟؟؟؟؟منو القال ليك منو نحنا دايرنك تجذب مدخراتنا أصلاً , يجذبك أنت وحكومتك مثلث برمودا يارب يا قادر ياكريم

[محمد]

#969167 [الحجاج]
0.00/5 (0 صوت)

04-10-2014 02:37 PM
يا ماجد سوار لقيت اعتليت كرسي جهاز المغتربين وهو ادارة صغيرة لاشك تدر اموالا طائلة ، والكل يعلم بها بالله اكشفوا للمغتربين كم من الملايين التي ادخلها الجهاز من جيب المغترب المسكين واين ذهبت بالتفصيل خلال فترة قيام هذا الكيان وماذا قدم للمغترب صاحب تلك الاموال سواء كانت عملة حرة او سودانية اكشف لنا ذلك لو كنت من المخلصين لله ثم الوطن .

ثم نريد منك ان تعطوا فرصة للمغترب بادخال سيارة لكل مغترب تعفى من نصف الجمارك جزاء له عما قام به وما دفعه للوطن حتى يستطيع العيش بها لمواصلة عيش اسرته في العمر مرة .

او يعطى اي مغترب أعفاءه من الجمارك سيارة مرة واحدة في عمره في حال تحويل مبلغ مالي بالقنوات الرسمية للدولة ويكون ذلك الاعفاء مراعيا فيه دخل كل مغترب على حده. تشجيعا لهؤلاء المغتربين او منحهم قطع اراضي باسعار الدولة فقط .


وان يشمل ذلك حتى الذين غادروا الغربة حافظا لهم على ماقدموه للدولة خلال فترة اغترابهم بذلك تكونوا انصفتم المغترب انصافا حقيقيا ، او اعفاء ابناءه من الرسوم الحكومية بالجامعات .

وذلك كحاف لهم وتشجيعا لهم من الدولة هل بالامكان ذلك حتى فعلا سوار حقيقي .

[الحجاج]

#969162 [صافى النيل عدلان]
0.00/5 (0 صوت)

04-10-2014 02:33 PM
قرأت كل ما جاء ولم أخرج بشئ كلام فارغ لا قيمة له، ولا عزاء للمغتربين سيظلوا هم البقرة الحلوب’ وهم الذين يكفلون الكثير من الأسر داخل السودان، ويتبجح هؤلاء بأنهم سيعفون الأمتعة الشخصية (الدولاب والسرير) والعربات من (فرق الموديل)!!!!! الإستحوا ماتوا !!!!

[صافى النيل عدلان]

#969157 [المر الحجازي]
0.00/5 (0 صوت)

04-10-2014 02:31 PM
ياخي اتلهي إنت وهو بلا مدخرات بلا زفت
حاج ماجد ده مش الضرب استاذو كف ؟!
بالله الماعندو احترام لأستاذو كيف هيحترم عامة الناس .

[المر الحجازي]

ردود على المر الحجازي
[عصام العوض] 04-12-2014 04:11 PM
الذي يصفع استاذهـ بالكف كأنما الذي يصفع والدهـ بالكف إن كان هذا الخبر صحيح فنصيحتي لك أيها الأخ المقترب ألا تقترب من جهاز المقتربين بالمرهـ كما يقول أهلنا السعوديين وإلا جهز نفسك علي واحد كف او لطمه فوالله والله قد نجوت انا كاتب هذا المقال من لطمه أو كف ومن احد موظفي ضرائب المقتربين بفرع ودمدني في ديسمبر 2013 فلولا عناية الله لكنت فارقت الحياة ولو احد يكذبني فليسأل مدير فر ع المقتربين بودمدني الأستاذ المحترم / لأنك حتماً لن تصبر ولن تحتمل ما يجري داخل أروقة الجهاز هذه الأيام. الأمين العام الجديد أن كان يريد إصلاحاً حقيقياً وتقديم خدمة للمواطن خارج الوطن (اعتقد كلمه أفضل من كلمة مقترب) الا يصرح ولا يكرر ولا يتلاعب بالكلمات الرنانه فغيرك كان أشطر . يا مولانا كما يقول اهل الجهاز والله أربعين سنه ولا احد يعلم بعدد العاملين بالخارج أؤكد لك لا وزير الخارجية ولا وزير العمل ولا وزير الإسكان ولا وزير الماليه ولا وزير الإستثمار ولا حتي مصلحة الإحصاء ولا أي محافظ من محافظي البنك المركزي العشرين اللذين مروا في حياتي وانا من مواليد الستين من القرن الماضي وبالضرورة رئيس الجمهوريه . لا احد من هؤلاء الرجال يعلم بكم عدد العاملين بالخارج . في العام 1998 كنت موظفاً بجهاز العاملين بالخارج وعضواً في سمنار إقتصادي عقد بوزارة المالية والاقتصاد الوطني وبمشاركة المستشارين الاقتصاديين ببعض سفارتنا بالخارج وكنت قد سالت وكيل وزارة المالية الدكتور / حسن أحمد طه في ذلك الوقت عن إمكانية استغلال توصيات هذا السمنار والإعلان عن مشروع لتقديم حوافز للإخوهـ العاملين بدول المهجر فالرجل أمن علي أهمية هذا المقترح ولكن فأجاني إن كنا نعرف العدد الحقيقي للعاملين بالخارج فالدكتور كان منطقي جدا فقال لنفترض أننا خصصنا قطعاً سكنيه أم زراعيه ولو خصصنا إعفاء سيارات للعاملين بالخارج , فكم قطعة أرض ستخصص للعاملين بالخارج وكم سيارة ستعفي , الا يوجد أكثر من مقترب في بيتك أو منطقتك . هل لديكم عدد فعلي للعاملين بالخارج . وحقيقة الأمر لا أحد يعلم بعدد العاملين بالخارج ناهيك عن مؤهلاتهم أو تخصصاتهم إلا الله . مع العلم بانك تستطيع ان إحصاء المساكن والسكان لدوله في يوم واحد, وأن نسبة الخطأ تكون منخفضة جداً فالأخ الأمين العام الذي يريد أن يؤهل المقتربين وانه يريد أن يدربهم ويوجههم علي الدول فليبدأ بحصرهم ولأذكره بأن أمولاً طائله قد صرفت في حصر العاملين بالخارج ولكنها بطريقه فاضحه لم ترقي نتائجها للنشر مش كدهـ يا حسن بابكر


#969147 [Huyam]
0.00/5 (0 صوت)

04-10-2014 02:25 PM
المغتربون لايتعشمون منكم خيراً دعوا المغتربين وشأنهم كفاية سرقتم أموالهم بالباطل بفرض المكوس الجزية والزكاة والضرائب ودم الشهيد وعرق الشهيد ودمعة المظلوم وترعة ودالحداد و قنواتكم الفضائية الهزيلة التي تروج للسفاح الشاويش والأدهى والأمر حينما عجزتم إكتشاف ضريبة جديدة وضعتم في إيصالات الجباية رسوم أخرى !!! ألم يكفيكم هذا ياكلاب وماذا قدتمتم للمغترب حينما صمد وكافح ودفع دم قلبه لدعم نظام الشاويش ... إتقوا الله يالصوص .. ألم يكفي عناء المغترب باللهث والجري في سد رمق عائلته وأهله المظلومين تحت رعايتكم وتحمله لكل ألم الغربة والبعد عن الأهل والأصحاب.
أرجوكم أرجوكم دعوا المغترب وشأنه وكفاية مص دماء .. نراكم تتذكروا المغترب فقط كل ألمت بكم مصيبة من شح الدولار والريال ، ولماذا عند مايحول المغترب دم عرقه بالدولار أو الريال واليور ...الخ في بنوككم فاقدت المصداقية يتم صرفها بالعملة المحلية المهترئة !!!! أليست هذه أكل أموال الغلابة بالباطل ، كل الجنسيات تعامل أبناءها وتحترمهم إلا أنتم أيها المحنوطون الجاثمين على صدورنا .. فلتذهبو للجحيم وغداً توجد بارقة أمل في رعاياكم الكسالى بالداخل ليكنسوكم كنساً واحذروا دعوة المظلوم وأنين المرضى والجرحى ودعوات المظلومين !!!!!!!!!!!!

[Huyam]

#969142 [سوداني]
0.00/5 (0 صوت)

04-10-2014 02:21 PM
حاج ماجد = الدباب = وزير الشباب والرياضة = سفير السودان في ليبيا = الأمين العام لجهاز شؤون السودانيين العاملين بالخارج.
يا خي سيبنا ولا تحصينا ولا عاوزين حوافزك .. وما في ليكم تحويلات ...انت مؤهلاتك شنو؟

[سوداني]

#969134 [مغترب]
5.00/5 (2 صوت)

04-10-2014 02:16 PM
(((( انه سيتابع الجهود المبذوبة لتأسيس صندوق العودة الطوعية للمغتربين ))))

الليله نو علينا عايزين ياكلوا قروشنا . دابرندا يا النبي نوح . سيدي الحسن راجل جبال التاكا تلحقنا وتنجدنا منهم
ديل مال النبي اكلوا لامن مال المغترب

اعملوا حسابكم من الزول الاسمه حاج زفت ده . ده ضرب استاذه في الجامعة باقيلك ده تاني بيحترم زول

[مغترب]

#969125 [بحر الصمت]
0.00/5 (0 صوت)

04-10-2014 02:09 PM
كضابببببببين مهما اختلفت الشخصيات السياسة المتبعة ضد الشعب السوداني واحدة

[بحر الصمت]

#969124 [السر موسى]
0.00/5 (0 صوت)

04-10-2014 02:08 PM
والله المغتربيت بقو اشطر منكم واشد منكم
ده كان زمان

[السر موسى]

#969123 [المهند]
0.00/5 (0 صوت)

04-10-2014 02:06 PM
واكد كل من السيد سوار والسيد الوكيل
اضافة الى انتاج دليل للمغتربين لتعريفهم بالدول التى يرغبون فى العمل بها لتيسير التعامل وحفظ حقوقهم والانخراط فى مجتمعاتها واكد سوار على ضرورة تبادل المعلومات وتحجيث الاحصائيات وتأهيل المغتربين قبل مغادرتهم ، كما اشار الى شروع الجهاز ايضاً فى مراجعة قانون تنظيم شئون السودانيين بالخارج .

بلد مافيها وجيع بدلا من توفير سبل العيش الكريمة للمغتربين وعودتهم للوطن يدرس التعيس وخائب الرجاء في كيفية جلب الدولارت والعملة الصعبة في حلب المغتربين

[المهند]

ردود على المهند
[مغترب قهراااان] 04-10-2014 08:40 PM
بالضبط كدا ايها المهند


#969112 [دارفور كادقلى]
0.00/5 (0 صوت)

04-10-2014 01:59 PM
وكشف الامينالعام لجهاز المغتربين عن اتفاق بين بين الجهاز ووزارة المالية والاقتصاد الوطنى لتقديم دراسة بمقترحات للحوافز التى يمكن تقديمها للمغتربين بغية تشجيعهم على تحويل مدخراتهم الى السودان وتفعيل خدمات التأمين الاجتماعى والصحى غيرها من الخدمات التى تقدم للسودانيين بالخارج .

حذارى --حذارى ---حذارى وللمرة الألف (حذارى) من هذا الفخ والمصيدة الكبيرة . حولوا مدخراتكم اموالكم لأهلكم بأي طريقة وانتم عارفين الطرق (احذروا المقلب الا هل بلغت الهم فأشهد).

[دارفور كادقلى]

#969109 [ود البلد]
0.00/5 (0 صوت)

04-10-2014 01:55 PM
صندوق العودة الطوعية للمغتربين ، الزول بدأ بالصندوق للماكلة
كما استفاد العائدون نهائياً من قرار استثناء سيارات العائدين من شرط الموديل ،،
يا سعادة الوزير مافي مغترب استفاد من هذه المقولة وانما المستفيد الاول والاخير الجهاز والعاملين عليها ،،

[ود البلد]

#969101 [sasa]
0.00/5 (0 صوت)

04-10-2014 01:48 PM
((من دقنو وافتلو)) حد يشرح للجيل الحالى معنى المثل لوتكرمتكم يامعشر الراكوباب

((فاقد الشئ لايعطيه))

((مواعيد عرقوب))

((ااعاهدك وهذا اثر فاسك))

واهم من يصدقك ياوزير الغفلة

[sasa]

#969062 [افريقى]
0.00/5 (0 صوت)

04-10-2014 01:21 PM
حاج ماجد محمد السوار ( حلوة السوار دى ) والله انتا سور بيت ما تنفع قوم حريقة فيك وفى حكومتك يا دباب يا وهم

[افريقى]

#969050 [عادل]
3.00/5 (2 صوت)

04-10-2014 01:12 PM
حنك بيششششششش

[عادل]

ردود على عادل
European Union [ودالباشا] 04-10-2014 02:34 PM
يا ما انخدعوا ناس ذهبوا للوطن نهائى كان التعامل دون استثناء ومنهم من ترك سيارته يأكلها الصدأ فى الميناء والمحظوظ باعها بثمن تاااافهه وتخارج حتى المتأجرات لبعضهم فى الجهاز اجبروهم على دفعها تخيلوا



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة