الأخبار
منوعات سودانية
حريق هائل يقضي على حافلة بشارع المطار والعناية الإلهية تنقذ الركاب
حريق هائل يقضي على حافلة بشارع المطار والعناية الإلهية تنقذ الركاب



04-10-2014 06:34 PM

الخرطوم: الواثق عثمان:

أنقذت العناية الإلهية مساء أمس أكثر من 20 راكباً من ركاب حافلة قادمة من منطقة الجريف بالخرطوم إلى السوق العربي بسبب الحريق الذي اندلع فيها خلال سيرها في الطريق بالقرب من المركز الطبي الحديث بشارع المطار. وأكد شهود عيان أن الحريق نتج عن التماس كهربائي في بطارية الحافلة مما أدى إلى اشتعال النيران بداخلها وتحولت المركبة إلى كتلة من اللهب المشتعل وفر جميع الركاب بداخلها الذين أصابتهم حالة من الخوف والهلع جراء هذا الحادث الخطير والمفاجيء.

وأكد أحد الناجين أنه قام بتبليغ السائق خلال سيره أن هناك دخاناً كثيفاً يتصاعد من داخل المركبة ولكن لم يعره اهتماماً ولم يقم بإيقاف العربة، الأمر الذي أدى إلى اندلاع الحريق الهائل وقال إن العناية الإلهية أنقذت جميع الركاب داخل الحافلة بعد الحريق ولم يصب أحد بأذى بعدما تمكنوا جميعهم من الفرار، وأشار إلى أن الحافلة لا توجد بها طفاية حريق مما زاد في اشتعال النيران.

اخر لحظة


تعليقات 6 | إهداء 0 | زيارات 3143

التعليقات
#969956 [Smeir]
0.00/5 (0 صوت)

04-11-2014 12:06 PM
ناس الجرايد ديل دايما بزيدو المواضيع شمار و شطة و دكوة .. كل الحصل انو الحافلة دي كانت وافقة قدام نادي الضباط باتجاه شركة السهم الذهبي و ما كان فيها اي راكب ولا حتى جوارها الا اخونا الصرح دا و السواق (الظاهر استقلوا حافلة تانية).. يعني بتاع الحافلة دا وقف قبل فترة زمنية ليست بالقصيرة قبل اندلاع الحريق .. لو كان في طفايتين بس الحريق كان انطفى لانو بتاع المرور وقف العربات المارة كلها عشان يلاقي طفاية و في النهاية لقى طفاية واحدة ما بتطفي سجارة ( بالمناسبة انا برضي فتشت طفايتي فوق تحت ما لقيتا).. طبعا الراجل الفصرح للصحفي دا ما ساب ليهو زول حايم الا و حكى ليهو نفس القصة و في النهاية قال للسواق و الله لو كان عندي نمرة تلفون صاحب الحافلة كان ضربت ليهو و وريتو الحصل دا كلو

[Smeir]

#969859 [جمال الدين]
3.00/5 (2 صوت)

04-11-2014 09:47 AM
مافيها طفاية بس السواق الحمد لله كان خاتي حبل بدل حزااااام الامان

[جمال الدين]

#969628 [ام احمد]
0.00/5 (0 صوت)

04-10-2014 11:48 PM
السواق دا ما ضربتو كفين ثﻻثه ليه مش نبهوه للحاصل

[ام احمد]

#969604 [الكلس]
3.00/5 (1 صوت)

04-10-2014 11:04 PM
وين طيارة الوالي الخضر جاتكم الحريق بالقرب من مطار الصافات ولا كنت الطيارة في مهمة الرش

[الكلس]

#969570 [الدبيب]
0.00/5 (0 صوت)

04-10-2014 10:06 PM
يا هو ده السودان لن يتغير سبحان الله المواطن مبهدل من كل ناحية الله يكون فى عونكم

[الدبيب]

#969561 [أمين حسين]
0.00/5 (0 صوت)

04-10-2014 09:51 PM
عشان كده ناس المرور مامقصرين معاكم عملوا طفاية الحريق شرط اساسي في الترخيص

[أمين حسين]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة