الأخبار
أخبار إقليمية
كمال رزق يطالب برفع الحصانة عن وزير ضبط متلبساً مع فتاة
كمال رزق يطالب برفع الحصانة عن وزير ضبط متلبساً مع فتاة
كمال رزق يطالب برفع الحصانة عن وزير ضبط متلبساً مع فتاة


قال : نحن أصبحنا أمة تالفة بلا دين
04-12-2014 11:55 AM
الخرطوم: وليد النور
سخر إمام وخطيب المسجد الكبير من تسمية دستوريين والحصانة التي تمنح للمسؤولين بالدولة وقال إن التسمية غير موجودة في الإسلام ودعا رئيس الجمهورية إلى إلغائها فوراً متهماً بعض من يتولونها باستقلال النفوذ ويعبثون بأعراض الناس ولا تستطيع السلطات محاسبتهم مطالباً برفع الحصانة عن (وزير ولائي) ضبط مخمور وبصحبته فتاة أجنبية بشارع النيل في سيارته مشدداً على ضرورة رفع الحصانة عنه ومحاكمته وقال إن بعضهم يستغل سكن الدولة ويسكن في منزلين وزاد: هذا يدخل في باب التبذير وتبديد المال متسائلاً: لماذا لا يتم اختيار الولاة والمسؤولين من الولايات التي يقيمون فيها وأردف إن الإسلام لا توجد فيه حصانة دبلوماسية وقال: نحن أصبحنا أمة تالفة بلا دين وقال: لماذا تعطى الحصانة للشخص حتى يفعل ما بدا له دون محاسبة وتساءل رزق في خطبة الجمعة أمس عن كلمة دستوري التي قال إنها أصبحت في الغالب لاستغلال النفوذ وتحقيق الأغراض الشخصية وطالب بتطبيق القانون على الجميع ولا كبيرعلى القانون.



الجريدة


تعليقات 34 | إهداء 0 | زيارات 12932

التعليقات
#971983 [عود عُشر]
0.00/5 (0 صوت)

04-13-2014 06:30 PM
سبحان الله كمال رزق ما عرف إستغلال الكيزان للحصانه السياسيه إلا الآن ؟؟؟ والتي مكنتهم من إرتكاب ما هو أسوأ من الزني بل للواط والسرقه والقتل والفسوق والفجور وين كنت ؟ كنت نايم في العسل بل وصل الحال بهم أن يطلقوا نساء متزوجات ليتزوجوا بهن بل ممارسوا الفاحشه مع سكرتيراتهم والموظفات وكل ذلك من الدستوريين الملتحين يا شيخ كمال وانطبق فيهم قول الشاعر:
وكنت إمروء من جندإبليس حتي إرتقي بي الحال فصارإبليس من جندي
ولو مات قبلي كنت أُحســـن بعده طرائق فسق ليس يُحســــنها بـــعدي
فحقيقة طرائق الفسق التي جاءت بها الانقاذ من أول يوم لن يُحسنها إبليس الي يوم الوقت المعلوم فلقد تفننوا في سرقة المال العام وجباية الضرائب ةالأتاوات ما لم تبلغه حكومات التركيه السابقه وإرتكبوا من الفواحش ما يندي له الجبين وأكاد أجزم أن كل الانقاذيين بدون حياء وبدون عفه فهم من شوهوا الدين ونفروا الناس عنه هذا ما رأيناهو بأعيننا وما خفي أعظم .

[عود عُشر]

#971900 [محمود]
0.00/5 (0 صوت)

04-13-2014 04:35 PM
يا شيخ كمال25 سنة والشعب يبكي انقذونا من الانقاذ اين كنت ولكن نقول بركة الجيت والان مطلوب منك ان تخاطبنا في الاتي:1 سرقة المسؤلين النافذين في الدولة للمال العام 2 المحسوبية في الدولة 3 قتل المتظاهرين الابريا 4 ظلم الحكام للرعية 5 الكذب والنفاق وغش الرعية 6 العنصرية والقبلية التي تبناها النظام وذلك ظاهرا في الجامعات وحرب النظام ضد اهل دار فور جنوب كردفان والمناصير وغيرهم 7 غياب دولة القانون 8 اغتصاب النسا وقتل الابريا وحرق القري ونهب الاموال وحتي حرق المساجد من قبل قوات النظام كما حدث في قرية التكيلات غرب الفاشر كمثال كل هذه النقاط ارجو ان تتناولها من زاوية دينية خالصة لوجه الله

[محمود]

#971764 [Mohamed]
0.00/5 (0 صوت)

04-13-2014 02:26 PM
يا شيخنا، انت ما ناقش ولا أيه!! الجماعة ديل قضيتهم الأولي والأخيرة هي "الجاه" و من لزوميات الجاه "التمنصب" وبألقاب مفخمة "دستوري" في بلد ما فيها دستور من أصلو!! دا كلو لزوم القدلة والفشخرة ولإستعراض النعم والجاه الخ!! دين شنو الفالقنا بيهو!! وبعدين يا سعادة مولانا انت الكلام دا أول مرة تسمع بيهو ولا شنو!!!

[Mohamed]

#971150 [عصابة حرامية وصعاليق كمان!!!]
0.00/5 (0 صوت)

04-13-2014 12:32 AM
دين شنو يامولانه!!كان علي اكل اللحم!ساهلة !!الواحد منهم بقش خشمو!!زحسابو علي الخلقو!!لكن لهف القروش المالية الكروش دي وسيده يموت بالفاق!!ماشايفة!!كلهم البصلوا معاك والبصلو في جامع سنهوري في الصف الامامي وضاربين الدولار والدراهم!! القاعدة جوه والبتجي من السماء!!!! والبلاوي كلها جاية من اكل الحرام!!!!اسه عليك الله عاين للملافح القاعدة قدامك في الصلاة!!! الواحد كان فيهم في البركس عندو سروال معراكة وجلابية صلاة لبنية من كترت الزهرة!!! اسه ملفحة وتوب وبرادو!!!!وساكنين المنشية والعيال بتقره في ماليزيا ولندن!!! قايل حق الشعب السودان بضيع!!!! ومايستغفروا الا الولد يجيبوهوا مربوط من كترت الافيون وذك السكر بره!!!!! ديل امنوا مكرة الله!!!!!ماعندهم حل غير براميل الزبالة!!!!

[عصابة حرامية وصعاليق كمان!!!]

#971140 [عاصم]
0.00/5 (0 صوت)

04-13-2014 12:03 AM
يا جماعة السودان في زمن حكومة الانقاذ لانستغرب على اي ظاهرة سلبية لان من يحكمونا ليس لهم ادنى قيم اخلاقية او انسانية لانهم لم يتربوا في بيوت تحمل ادنى قيم اخلاقية اذا حكمنا ابليس وابناءه ترى يريدنا ان نكون بقيم اخلاقية وانسانية و هو الذي اعلن عداءه لله تعالى فقط نقول اللهم ارفع مقتك و غضبك عنا

[عاصم]

#971103 [suliman]
0.00/5 (0 صوت)

04-12-2014 10:30 PM
لو كان هذا المقال منقول نصا من الجريدة فهي مصيبة لغوية كيف يعقل ان تكتب( استقلال النفوذ وهي بالتاكيد (استغلال النفوذ) إلى متى الاخطاء اللغوية والنحوية لست بعالم لغويات ولكن خطأ لغوي كهذا من صحفي يستحق المراجعة والمحاسبة وحسب علمي يوجد مدقق ومصحح في كل جريدة ولكن ......... وبعيدا عن موضوع المقال وعطفا على الاخطاء وعدم اجادة الحوار وكتابة المقالات اعتقد ان الجميع اصيب بالدهشة وارتفاع ضغط الدم من الفيديو الذي تم تداوله بالامس وبشكل واسع في دول الخليج لمصطفى الاغا والسوداني الرابح في مسابقة الحلم فهل يعقل ان يستغرق الشاب الفائز اكثر من دقيقة ليذكر اسمه الصحيح ؟؟ والادهى والامر عند سؤاله بعدم الرد على الهاتف تكون حجته (كنت نائم) كيف يستقيم هذا الرد مع حالة شخص مشترك في مسابقة تم الاعلان عن سحب اسم الفائز لايام عديدة ويوم السحب تكون (نائم) وكل ما يهم هو ( كيفية استلام المبلغ) ادعو الله صادقا ان لا يتم عمل لقاء مع الفائز من قبل قناة MBC فسنحتاج لوقت طويل حتى ينسى الناس الفيديو وتخف التريقة والاستهزاء بالسودانين وفعلا نحن شعب لايجيد الحوار ويكفينا استهزاء مصطفى الاغا عندما رد الاخ السوداني كنت نائم ورد عليه مصطفى ب والنعم آخ ثم آه وكفى

[suliman]

ردود على suliman
[خالد] 04-13-2014 06:51 PM
بالله يا سليمان لا تكون مثل ناس المؤتمر الوطني - الناس في شنو وانت في شنو - المقال الاخطاء اللغوية - خلي الناس تعبر حتى الكتابة ناس المؤتمر الوطني الزيك ديل لا لامين جاي لا جاي عايز تحجر علي الناس - بعدين الموضوع بتاع التعليم وثورة التعليم العالي بتاعكم ده هو سبب تدني في اي شي حتى الواحد الطالب عندما يتخرج اقسم بالله احسن منه طالب المتوسط في الزمن السابق - بعدين انت خريج وين لغة عربية .
ياخي الله رازق كان نايم كان شنو ما تسبب الاحباط الناس ما ناقصة - الأنواع المحبطة دي من البشر نحنا شبعنا منها .


#971082 [جدودنا زمان]
4.00/5 (2 صوت)

04-12-2014 09:38 PM
كدي يا شيخنا شوف لينا عبد المعز الوزير بتاع كسلا داك اخبارو شنو ؟؟

[جدودنا زمان]

#971050 [المنجلك]
5.00/5 (1 صوت)

04-12-2014 08:10 PM
تخيل دي المناظر بس طيب يا إمام لو شفت الأفلام تعمل شنو

[المنجلك]

#971026 [أدي]
0.00/5 (0 صوت)

04-12-2014 07:25 PM
كمال رزق عرف الأفعال ديه اليوم .. 25 سنة ما كان يعرف !!؟؟

[أدي]

#970979 [عزة]
0.00/5 (0 صوت)

04-12-2014 06:01 PM
احنا كدى الما عاجبو اشرب من البحر يلا بلا لمه لسان حال الانقاذ
شعب بائس وغريب
انتو اكثر من الموت تانى فى شنو
نموت كلنا يعنى شنو

[عزة]

ردود على عزة
United States [esan salih] 04-13-2014 05:09 AM
أعصابك يا حجة زعلانة من منو بالظبط كده فهمينا.


#970959 [ود احمد]
5.00/5 (1 صوت)

04-12-2014 05:30 PM
لا بد ياجماعة من ازالة هذا الكابوس وعندما قال كارل ماركس الدين افيون الشعوب لم يقصد الدين الاسلامي وانما كان يقصد الكنيسة التي ايضا اصبحت تتاجر بالدين لمصالح شخصية وباعت صكوك الغفران في فرنسا لكي تغطي بزخ الملك المطعطرس والحاشية الفاسدة وهذا ينطبق اليوم علي رئيس مطغطرس وحاشية فاسدة وانا ان نقول لابد من اقامة دولة مدنية تسود فيها العدالة كما قال ابن تيمية ان الله يقيم دولة العدل وان كانت كافرة ويهدم دولة الظلم وان كانت مسلمة فهؤلاء ظلموا وانتهكوا الحرمات وما زالوا يقولون هي لله هي لله هي لله
استحوا وغادروا غير مأسوفا عليكم

[ود احمد]

#970951 [ali alfred]
3.00/5 (2 صوت)

04-12-2014 05:18 PM
نعمة قيم الدولة الدينية بالسودان,المسؤولين اصبحوا مسخا حية تمشى على الارض , المحسوبيه والدعاره وقتل المعارضيين والفساد المتفشي في السودان

[ali alfred]

#970890 [adil a omer]
5.00/5 (3 صوت)

04-12-2014 03:48 PM
خلاص الصيف جاء وصراصير الادبخانات طلعت

[adil a omer]

#970888 [semsem Alhajar]
5.00/5 (2 صوت)

04-12-2014 03:47 PM
يا اخوانا ما ملاحظين انتوا الفترة الفاتت دي كتير من الحرامية والمتاسلمين وخصوصآ البرلمانيين بدوا ينسلخوا شوي شوي بعبأة الرشد،والهداية ..والله العظيم الناس دي حست بالكتمة قﻻررربت....
عليكم بالدعاء ي اهل السودان فالمؤلي سبحانه وتعالي عن قريب سوف يركلهم ف مزبلة التاريخ..وان غدآ لناظره قريب..

[semsem Alhajar]

#970884 [ود الركابي]
5.00/5 (1 صوت)

04-12-2014 03:39 PM
يا جماعة الجديد شنو نحن السودانيين اسلامنا كده الاالقليلين مننا بمعن نصلي ونصوم ونعمر واذا لقينا لينا لبعه نلبعه اذا لقينا لينا كاس نكتحه اذا لقينا لينا جكساية نجكسه شوية مال حرام نشفطه اهو غفورا رحيم مكة موجوده والمدينه موجوده والكاش موجود ابو الزفت ... كع كرع

[ود الركابي]

ردود على ود الركابي
United States [IBN ALKHARTUM] 04-12-2014 10:03 PM
إنتة تأخذ الامور بهذة البساطة إنما تدل علي بساطة إيمانك. قال مكة موجودة والمدينة موجودة, مكة والمدينة موجودة للمؤمنين حقاً, مش للناس الكشا مشا زيك وأمثالك, الدين الأسلامي ليس فية هظار ونكات وضحك. كع كرع في رأسك الفاضي.

[سفيانوف] 04-12-2014 06:57 PM
اقسم بالله ضحكت لمن دمعت يا ود الركابي الله اسعد ايامك على اليمن زول نصيحة لكن السودانيين بحبو التظاهر بالاسلام و التدين


#970870 [fm3]
0.00/5 (0 صوت)

04-12-2014 03:02 PM
ما جاب جديد هذا الرجل وماذا عن صمتنا على عصابة اخوان الشيطان الماسونية وشيخهم الهرم مراهق السلطه والاضواء
شعب جعان لكنوا جباااااان

[fm3]

#970868 [منعم جعفر]
5.00/5 (1 صوت)

04-12-2014 03:00 PM
دا اختراع إنقاذي غير معمول به في اي مكان بالعالم. ريئس الجمهورية في بلاد الكفر والفسوق والعصيان ليس له حصانة الا في حدود ضيقة جداً جداً. فإذا وجد مخمورا وهو يقود عربته الخاصة فان اصغر رجل بوليس يستطيع ان يوقفه يحرر له محضر. الرجل العادي يقاضي من يشاء من رجال الدولة بدون اي عناء. لا حصانة لرجل امن او قضاء او سياسي او مسؤول حكومي
الحصانة في السودان تشمل كل من هب ودب ويتدثر بها كل ظالم ومفتري. كل من يقتات علي ظهر الشعب السوداني فهو محصن من المساءلة. هذا ليس تبذير فقط وإنما جريمة منظمة مثلها ومثل المافيا وزعماء العصابات. Blanket يندرج ويتغلف بها كل من رماه القدر في طريق هذا الشعب المنكوب

[منعم جعفر]

#970861 [رجعنا بعد فرقة]
0.00/5 (0 صوت)

04-12-2014 02:50 PM
لا تعليق

[رجعنا بعد فرقة]

#970832 [منشى]
3.44/5 (5 صوت)

04-12-2014 02:20 PM
و بعد دا كلو تلقى الوزير دا فى الاحتفال رافع السبابه و يكبر باعلى صوت و يقول هى لله لا دنيا قد عملنا .

[منشى]

#970831 [abusafarouq]
5.00/5 (1 صوت)

04-12-2014 02:19 PM
سن قانون سموه الدستور حماية لجرائمهم وذبح الاخرين فى أبسط الامور .الجلد الاغتصاب التعذيب والقتل والسجن . ويتركوهم للنهب وممارسة الرزيلة دون مسائلة من أحد أباحو الحرام وحرمو الحلال .

[abusafarouq]

#970814 [أبو حسين]
5.00/5 (1 صوت)

04-12-2014 02:04 PM
يا شيخنا رفع الحصانة مسألة إجرائية في كل العالم ومتى ما وقع صاحب الحصانة في جريمة وفي حالة تلبس فإن رفعها لا يحتاج لكثير عناء وذلك في جميع الدول التي تحترم الإنسان وحقوقه ، وأنتم يا من ترفعون شعارات إسلامية من الواجب عليكم إحترام الأنسان والحيوان وكل مخلوقات ربنا ، وشي غريب تجد كثيرين يحملون جوازات دبلوماسية وهم لا علاقة لهم بالدبلماسية ووزارة الخارجية من بعيد أو قريب وهم تجار شنطة ليس إلا يسخرهم إبالسة المؤتمر الوطني للعمل معهم وسهولة الحركة بين الدول ، شي مغرف أن يحمى مثل هولاء الحشاشين من العقوبة وهم يمارسون الرزيلة في وضح النهار .....

[أبو حسين]

#970797 [بت قضيم]
3.50/5 (5 صوت)

04-12-2014 01:47 PM
باين عليهو فطوه ما اخذ نصيبو في المليار القطرية عشان كدا سخن وقبل عليهم

[بت قضيم]

#970756 [أبوعلي]
3.00/5 (5 صوت)

04-12-2014 01:00 PM
25 سنة وأنت ورفاق الضلال تصولون وتحرّمون وتحلّلون لأجل مصالحكم
واليوم فقط علمت وانتبهت نحو كلّ ماذكرته في هرائك النتن أعلاه
قسما لن يفلت أحد منكم وسوف ترون عواقب ما فعلتموه في هذا الوطن

[أبوعلي]

#970753 [جركان فاضى]
5.00/5 (2 صوت)

04-12-2014 12:59 PM
واخيرا قالها...نحن امة اصبحت بلا دين...طيب وانت عارف هذا الكلام وتنتقد فى الشباب انهم يدمنون مشاهدة المواقع الاباحية فى النت...ماذا ترجو من شباب اصبحوا بلا دين؟...من الذى اوصلهم لهذه الحالة؟...وكيف اصبحوا بلا دين فى ظل حكومة الشريعة الاسلامية؟

[جركان فاضى]

#970750 [habar]
5.00/5 (2 صوت)

04-12-2014 12:55 PM
إنها من المرات القلائل والنادرة جداً التي أتفق فيها مع أحد خطباء وأئمة وعلماء السلطة!

[habar]

ردود على habar
[hassan] 04-12-2014 04:39 PM
شكلو الوزير دة بالزات ما عاجبو

يعني الوزير دة الوحيد العامل مخالفات

ما كلهم سفلة وحرامية ومجاهرين بالمعاصي

يعني ما لقيت الا الوزير الولائي دة


ما لكم كيف تحكمون

United States [القرفان] 04-12-2014 01:37 PM
تتفق معاهو وبس خلاص !!؟؟
ما تشوف سبب الاختلاف كان شنو ..
والمتفق معه هل عاد لصوابه ام لا زال في ضلاله القديم
يعني موش اتفاق وانتهى الكلام وعفا الله عما سلف
ما تنخدع للضلالين والمنافقين اخي


#970747 [عصمتووف]
4.88/5 (4 صوت)

04-12-2014 12:53 PM
وقال إن التسمية غير موجودة في الإسلام ودعا رئيس الجمهورية إلى إلغائها فوراً
جميل جدا واول مره اتفق معك كمل جميلك وكان تاتي باسمة ووزارته ليشهد عذابة طائفة من المؤمنين وهم حولك بالمسجد لحدي الان بستغرب في جموع الطير الذين سصلون خلف هذا الحقير
بعدين مالك ومال الدين انتوا عندكم دين دينكم مختلف عن دين الله المنزل

[عصمتووف]

#970746 [الكردفاني العدييييييييييييل]
5.00/5 (3 صوت)

04-12-2014 12:52 PM
الحاااااااااااااااااااااااااااااااااااااالم ...... احلم ..... كثيار ....نحن في الوثبات والمشاريع الحضارية.... التي قصرت البشرية ..... قاطبة .... عن ادراكها....

اللهم عليك بعصابات ....... الارجاس ..... اقطعهم ...... تك..........
اللهم عليك بعصابات ....... الارجاس ..... اقطعهم ...... تك..........
اللهم عليك بعصابات ....... الارجاس ..... اقطعهم ...... تك..........
اللهم عليك بعصابات ....... الارجاس ..... اقطعهم ...... تك..........
اللهم عليك بعصابات ....... الارجاس ..... اقطعهم ...... تك..........
اللهم عليك بعصابات ....... الارجاس ..... اقطعهم ...... تك..........
اللهم عليك بعصابات ....... الارجاس ..... اقطعهم ...... تك..........
اللهم عليك بعصابات ....... الارجاس ..... اقطعهم ...... تك..........
اللهم عليك بعصابات ....... الارجاس ..... اقطعهم ...... تك..........
اللهم عليك بعصابات ....... الارجاس ..... اقطعهم ...... تك..........
اللهم عليك بعصابات ....... الارجاس ..... اقطعهم ...... تك..........
اللهم عليك بعصابات ....... الارجاس ..... اقطعهم ...... تك..........

[الكردفاني العدييييييييييييل]

#970731 [العريان]
5.00/5 (2 صوت)

04-12-2014 12:45 PM
شكلها دى خطبة تبع الوثبة .. انشا الله ربنا اسلط عليك البلدوزر
بتاع بورتسودان او معتمد سنار السابق

[العريان]

#970730 [مستورة]
4.00/5 (3 صوت)

04-12-2014 12:42 PM
اهل الانقاذ يشربون ويتغذون ويلهون ويستمتعون ويرقصون ويغتصبون وينكحون ويقولون هذا فضل من الله
انعم به علي القوم الصالحين.
خلوها مستورة بس

[مستورة]

#970709 [Ftahallaabderhman]
5.00/5 (2 صوت)

04-12-2014 12:23 PM
لكن لاحياة لمن تنادي

[Ftahallaabderhman]

#970705 [المغترب والمشترق كمان]
5.00/5 (1 صوت)

04-12-2014 12:21 PM
الوزير " زير" . اين الكوز؟؟؟؟؟؟؟؟

[المغترب والمشترق كمان]

#970704 [سعيد]
5.00/5 (2 صوت)

04-12-2014 12:21 PM
مصيبة كبيرة انعدام الوازع الديني والاخلاقي في القياديين نقول للبلد عليها السلام

[سعيد]

#970697 [radona]
5.00/5 (2 صوت)

04-12-2014 12:17 PM
معظم ما يسمى بالدستوريين هم في حقيقتهم عطالى لا عمل لهم ولكنهم بارعون في الفساد باوجهه المختلفة
اوقفوا هذا العبث فورا واعيدوا هيكلة الحكومة الى اقل من 15 وزير و5 اقاليم للحكم واطردوا هذا الجيش العرمرم من الدستوريين الذين لا يزيدوكم الا خبالا وفشلا وفسادا

[radona]

#970693 [إنقاذ سادر في فساده]
5.00/5 (2 صوت)

04-12-2014 12:13 PM
هذا هو ديدن اخوان الشيطان للمتاجرة بالدين وتحقيق مآربهم الحيوانية ومنتهى الانحطاط سكوتهم وممارسة فقه الباطل والذي يسمونه بالسترة تبا للسفلة اخوة ابليس

[إنقاذ سادر في فساده]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة