الأخبار
أخبار السودان المحلية
ثروة د.نافع وبطانته استفزتهم..حركة تمرد جديدة في البطانة‎ بسبب تأخر العدالة.
ثروة د.نافع وبطانته استفزتهم..حركة تمرد جديدة في البطانة‎ بسبب تأخر العدالة.
 ثروة د.نافع وبطانته استفزتهم..حركة تمرد جديدة في البطانة‎ بسبب تأخر العدالة.


04-13-2014 08:02 AM
الراكوبه أفادت مصادر خاصه للراكوبه أن مجموعه من افراد قبيلة البطاحين قاموا خلال الاسبوع الماضي بالهجوم على جماعة من أهالي د نافع علي نافع واشتبكوا معهم بالعصي والمدي وبعض الاسلحه الخفيفه كالمسدسات وقد أسفر ذلك عن اصابة 6 أشخاص من أهالي نافع بعضهم حالتهم حرجه و تم نقلهم لتلقي العلاج في مكان غير معروف وهناك تكتم شديد على الخبر. حيث قام المهاجمون بأخذ 250 رأسا من المواشي والجمال، تم شحنها في 4 بطاحات.

وقد قال متحدث باسم قبيلة البطاحين للراكوبه أنهم ظلوا ينتظرون أن تتحرك الاجراءات القانونيه ضد قتلة الشهيد عطا المنان والذي تعرض للتعذيب البشع الذي ادى الى استشهاده في شهر فبراير2014 وفقا للتقرير الطبي وان من قام بذلك هم اخوة نافع حيث وجهت التهم الى كل من عبدالرحمن علي نافع والبلال علي نافع ومحمد بابكر محمد احمد.

وواصل المتحدث باسم قبيلة البطاحين قائلا نحن فقدنا الامل في الاجراءات القانونيه واذا انتظرنا فان انتظارنا سيطول، وقال ما تم الان هو مجرد عمل بسيط له مابعده لان قيادات المؤتمر الوطني استغلوا القضاء ويطوعونه كما شاءوا ولايهتمون بالفقراء ولا المظاليم لذلك لم يكن امامنا من خيار سوى أن نأخذ بعض حقنا بأيادينا ومالم يتحرك القضاء فان القادم سيكون اكثر بشاعة اذ لايعقل ان التقرير الطبي والذي نشر يؤكد التعذيب الذي وقع على جسد الشهيد والقضاء صامت بالاوامر التي يتلقاها,وخير دليل على ما اقول ان اخوة نافع المتهمين في مقتل ابننا الشهيد عطا المنان لايتواجدون الان في حراسات الشرطة، انما تم اخذهم عن طريق جهاز الامن والذي يحتجزهم في مكان تتوفر فيه كل وسائل الرفاهيه من مكيفات وتلفزيونات وأسرة وكل وسائل الترفيه وان الزيارات مستمرة من ذويهم بل ان الجناة يعاملون كالابطال.

ومضى المصدر ليقول بعد ان قامت مجموعة أبناء البطاحين بغارتها على أهالي نافع الذين هرولوا مستنجدين بجهاز الامن طالبين منه ملاحقة شبابنا عن طريق طائرة هليكوبتر وتحركت بعض قيادات الاجهزة الامنيه و اتصلت بالجيش ليوفر لهم طائرة هيليكوبتر الا أن قيادة الجيش في تلك المنطقة امتنعت في الانصياع لأوامرهم باعتبار ان ما حدث مشاجرة عادية لا تستدعى دخول الجيش.

يذكر ان والي القضارف وبايعاز من الدكتور نافع كان قد طلب سحب السلاح المرخص للرعاة خوفاً من وقوع شيء مماثل لما حدث وقد احتج الاهالي في القضارف متسائلين عن مصادر ثروة آل نافع وزمرته والصلاحيات المطلقه التي يتحرك بها أهالي نافع الذين شرعوا في استغلال اراضي البسطاء والاستيلاء على اراضيهم بل وتجاوزوا ذلك ليصل الامر الى مرحلة الاغتيالات.


تعليقات 71 | إهداء 0 | زيارات 25473

صفحة 1 من 212>
التعليقات
#972217 [sadig ali]
0.00/5 (0 صوت)

04-14-2014 01:10 AM
يمهل وﻻيهمل !!

[sadig ali]

#972207 [المكتوي]
0.00/5 (0 صوت)

04-14-2014 12:43 AM
رجعنا لعهد النبلاء والاقطاعيات
كل زول عندو قريبو مسئول يركب مكنه اكبر من مكنة المسئول نفسو .الغبن راقد والوجع مفروش مين البشتري
مافي سوداني اصيل برضي الحقاره
عفيت منكم ي اهلي الغبش
هههههههههييييييييييسعع
كع
اعملوا حسابكم الدم م يرشكم

[المكتوي]

#972175 [nagatabuzaid]
0.00/5 (0 صوت)

04-13-2014 11:39 PM
اسمح لى يا جركان مليان بعد التحية والسلام اوجه ليك شوية عتاب تعجبنى تعليقاتك دائما لكن اليوم استفزتك تعليقات البعض فكانت النتيجة عنصرية فاااايحة عدييييل انا معك النافعاب ليس لهم ذنب وليكن الاعتداء على المعتدين لكن الا ترى ان القبيلة متشابكة الصلات والارحام ؟؟ وبغض النظر عن مشكلة اخوة هامان مع البطاحين فلنكن واقعيين ان ذهب اى شخص لاجراء اى معاملات يحمل اسم نافع فى اخر الاسم اواسم القبيلة الا ترى ان الجميع سيتسابق لخدمته ؟؟ مثال نفرض انا وانت وصلنا الى مطار الخرطوم فى لحظة واحدة وان اسم نافع او نافعابى ملتصقا باسمك فى جواز السفر اكيد ستجد الكبكبة والهرولة واخراج حقائبك حتى وان كنت غيراضيا عن ذلك وانا المسيكينة ساكون درجة طيش واكيد حابرطم واحتج واقعد اكتب فى الراكوبة لذلك كنت اريدك فى الحالة دى ان ترد مثل ردود محجوب معنى لاحد المعلقين بهدوء ووجهه ليبحث فى النت عن اسم جده او ما يشبه ذلك بالذات فى هذا الموقف لكن النعرة المختفية فى مكان عميق ثارت وظهرت واقول للكرام المعلقين مثلما علينا ان نبتعد عن المساس بالاباء والامهات علينا ايضا ان نبتعد عن القبائل فعلينا ان لا نمس اهالى حوش بانقا بصفة عامة لمجرد ان زعيم العصابة منهم ولكن جماعة كافورى نظهر كلما نعرفه عن لصوصيتهم واجرامهم المترامى الاطراف نعم المدام القصرية ما هى الا ا لفساد يمشى على رجلين واخوتها استفادوا لمن طفحوا ولكن ماذنب اهل بلدتها و لا يمكن نسىء للمحس لمجرد ان الدفاع بالنظر منهم وهكذا اما ما فعله البطاحين فهو نتيجة الظلم والاحساس بالغبن لانهم ناس رجالة واعتادوا المواجهة رجل لرجل وعزيزهم اغتيل تعذيبا وتكالب جبناء اخوة جبان عليه وان كانوا هم اصحاب مال وعز وسعاية وثروة لما فعلوا ما فعلوه بضحيتهم انفردوا به وترجلوا عليه وهم والرجولة لا يلتقون ابدا مثل ما كان يفعل خائبهم فى بيوت الاشباح مع المعتقلين قد تكون الاسرة جميعها معتوهة وبقية القبيلة بريئة منهم ولك التحية الفاضل جركان ومواقفك الواضحة من البغى والطغيان لها كل التقدير ويا المعلقين فى الراكوبة فلنراعى بعضنا من اجل سودان جميل موحد وليذهب نافع واخوته الى الجحيم غير ماسوفا عليهم ولا حتى من النافعاب الذين كانوا يعيشون فى امن وامان لولا ظهور الشيطان

[nagatabuzaid]

#972169 [محمد أدروب]
5.00/5 (1 صوت)

04-13-2014 11:28 PM
هبشوا البطاحين...يشيلوا شيلتهم..و انشاء الله تتفتح عليهم نار الشرق و حينها ستكون نهايتهم...بس ابقوا 10 على المطار ما يشرد ورل منهم.

[محمد أدروب]

#972165 [بطحاني ضكران]
0.00/5 (0 صوت)

04-13-2014 11:20 PM
حررررررررررم رفعتوا رأسنا يا اهلي، هيــــــــــــــــع عفيت منكم، نجموهم نجام قبورة، الله لا بارك فيهم، نحن تــــــب آآآآآآآآآآ بنرضا الحقارة،، حررررررم نحن حريمنا ارجل منك يا نافع الجبان، حررررم بتنا مجهجهة باكاتاك بالكتابة في راكوبتنا الوسيعة دي .عرفتها ولا اقولك إسمها؟
ياها الضكرانة وسط رجالكم الهشين، تهز وتنتر بي قلمها مي خايفة إلا من الخالقها، الراكوباب كلهم خابرنهاو عاجباهم ضكرنتها وحرارة قلبها على بلدها.
اختنا وبتنا الكلسة أسماء الجنيد شاعرة البطانة وقلبها حديد، تعالي يا الفنجرية الليلة تمي القول في اهلك القوموا نفس نافع وقبيلتهـ حرررم الليلة اشنق طاقيتي وادوبي لي الصباح

[بطحاني ضكران]

ردود على بطحاني ضكران
[ابو مريم] 04-14-2014 01:43 AM
انت كان حريمكم ارجل من نافع بتتفاصح فى النت


#972148 [ود البطانة]
0.00/5 (0 صوت)

04-13-2014 10:51 PM
يا جماعة اسمعوها مني كلمة ..موش البطاحين ديل ..رصاصتين في السماء بفرتقو طوالي ..بعدين ناس سذج وطيبين زيادة عن اللزوم ممكن تقول عبطاء ..أهلي وبعرفهم ..من أبودليق وابرق وإنت ماشي وحتي عد بابكر ..بكرة إجيهم نافع والبشير ومالين بكاسي سكر وضان وخضار من حلة كوكو اكبر مركز تجمع للبطاحين وإشبكوهم ليك جدكم الشيخ طه كان وجدكم الشيخ ابشام قال وجدكم فرتكان قال وكان و و و و و و ...والموضوع إنتهي وأتذكرو كلامي دا كويس ..وحاليأ يوجد بعض المتسلقين من ابناءالبطاحين والذين يتوقون للمناصب الدستورية عاملين فيها مصلحين إجتماعيين ومنتشرين بين القبائل من أجل تهدأت النفوس وماشي كويس المخطط ..إن شاءالله بس إعينوكم الوعدوكم ديل ..

[ود البطانة]

#972142 [kaossua]
0.00/5 (0 صوت)

04-13-2014 10:42 PM
اسماء قبائل ام اسماء اشخاص . حمداب و ننفعاب ههههه عرباب وافروباب و كاوساباب .
سمو زي ما بدكم ياعرب جنوب الفرعانة ههههه عرب الخليج.

[kaossua]

#972066 [المهندس سلمان إسماعيل بخيت على]
0.00/5 (0 صوت)

04-13-2014 08:21 PM
عافى منكم يا البطاحين رجال وأولاد رجال

[المهندس سلمان إسماعيل بخيت على]

#972036 [البعشوم]
5.00/5 (4 صوت)

04-13-2014 07:32 PM
لو ما شلتو حقكم بايدكم ، تبقوا ما رجال

[البعشوم]

#972011 [المنجلك]
5.00/5 (3 صوت)

04-13-2014 07:07 PM
الخبر يؤكد أن السودان لا زال فيه رجال وقد تبرا أهلنا في البطانة من ظاهرة السكوت عن الحق ولبس الطرحة ولنا كل الفخر والسرور

يا كيزان
السودان ياهو دة السودان
عزة وعفوان
ياهو دة السودان
للضيف كرمان
ياهو دة السودان
للحق صنوان
ياهو دة السودان
للوحدة أمان
ياهو دة السودان
البطانة فرسان
ياهو دة السودان
يا كيزان
ياهو دة الطوفان

[المنجلك]

#972000 [جركان فاضى]
3.00/5 (2 صوت)

04-13-2014 06:53 PM
الاخوة المعلقين الكرام...صبوا غضبكم على نافع واخوانه...اتركوا النافعاب فى حالهم...نافع لايمثل النافعاب...النافعاب عندها شيوخها المعروفين...ثم انه لن ولن تحدث مشكلة بين البطاحين والنافعاب...فالبطاحين بطن من بطون الجعليين...والنافعاب جعليين...ولم يحدث فى التاريخ ان قامت حرب بين قبيلة جعلية مع قبيلة جعلية اخرى....نوموا قفا ...لن تحدث حرب قبلية بين الجعليين انفسهم

[جركان فاضى]

ردود على جركان فاضى
European Union [ابوالقاسم سعيد (جنوب كردفان )] 04-14-2014 12:47 AM
ربنا يعينك
شغال تنصح الاخوة الكرام وهم شغالين
اي واحد فيهم حسب فهمو
والله لكن شكلها كده عايزة تكبر
ربك يلطف

European Union [ودالعمدة] 04-13-2014 10:13 PM
يا اخونا نافع ليس بجعلي هو من "عرب " الجعليين كما في الشمالية يقولون عرب دناقالة وعرب محس وعرب شايقية كذلك ابو العفين اتي النافعاب لاجئا مع والده ولا يمت للجعلين بصلة فهو عربي نازح وكانت لا تذكر له سيرة هو وعائلته ولكن في زمن حيكومة الانقاد غفز بواسطة السلطة والجاه وعمل لاسرته اموالا من عرق الشعب السوداني ......كل من يريد ان يسال عن ابو العفين فليسأل اهل المنطقة الاصليين سياتيه الخبر الاكيد


#971929 [كاسبر]
4.00/5 (1 صوت)

04-13-2014 05:16 PM
النار ولعت
منو البطفيها ؟؟؟؟؟!!!!!

[كاسبر]

ردود على كاسبر
[nagatabuzaid] 04-13-2014 10:46 PM
تطفيها الوساطات من نافع السافى تراب جنس شلهته نحن اهل وانا ربيبكم تربية عمتى العرستوها لكن يا نافع التربية مابتنفع وكتين الجينات السجمانة تطفح انت جينات اجرامية غدارة اكان عمتك حية كنت غدرت بيها


#971898 [خالد حسن]
1.00/5 (1 صوت)

04-13-2014 04:33 PM
نصيحة لقبيلة نافع
لكم في قبيلة صدام عبرة يا آل نافع
اصبحت بعد صدام اضعف قبيلة بعد ان كانوا سند صدام واستفادوا من السلطة والمال
فضاقت بهم الارض بعد ان رحبت
فكل حكم الي زوال وتلك الايام نداولها بين الناس وحتي لاتضيق بكم ارض السودان وحتي لاتكون لكن عداءات مع هذا الشعب
اعزلوا نافع واخوته ولاتساندوهم .. فهؤلاء مصيرهم القتل ولو بعد حين فالقاتل يقتل ولو بعد حين .. وحتي لاتضعوا في قائمة الذين يجب تصفيتهم والانتقام منهم

[خالد حسن]

ردود على خالد حسن
United States [جركان فاضى] 04-13-2014 09:29 PM
النافعاب قبيلة جعلية وكذلك البطاحين قبيلة جعلية...وانا شخصيا نافعابى تجدنى اشتم فى نافع والانقاذ كل يوم...بل اننى من اهل نافع لحما ودما...وهناك علاقة مصاهرة كبيرة بين اهلى والبطاحين...كلنا جعليين...بل ان البطاحين كانت لهم سطوة واسعة فى البطانة بسبب دعم الجعليين لهم...والبطاحين فى كل حروبهم ضهرهم الوحيد الجعليين...وهذا ما اردت قوله...يا البعاتى يا حبيبى

United States [مواطن] 04-13-2014 08:55 PM
الشهيد صدام حسين لم يكن قبلي أو طائفي وحتى حزب البعث العربي الاشتراكي الذي انتسب اليه صدام
رحمه الله كان يضم الشيعي والسني والمسيحي ( طارق عزيز مثال ) والكردي ( طه يسن رمضان ) .. الطائفية والقبلية أدخلها الأمريكان للعراق بعد غزوه لتفريق الشعب العراقي وهذا عينه ما فعله ويفعله الكيزان أمثال نافع بالسودان فالكيزان خير من يخدم الأمريكان والصهيونية ...

United States [البعاتي] 04-13-2014 08:00 PM
{ كل نفس بما كسبت رهينة}...

للمعرفة سؤال للأخ جركان فاضي هل النافعاب بيت من بيوت البطاحين، وما علاقة نافع بالبطاحين

United States [جركان فاضى] 04-13-2014 05:49 PM
وما علاقة قبيلة نافع بنافع...هل سمعت ان النافعاب سوف يساندون نافع ضد البطاحين؟...خليه ياكل ناره...نحن لانقف مع المعتدين


#971886 [freedomfighter]
5.00/5 (1 صوت)

04-13-2014 04:19 PM
هوى بطلو البوعار والنفيخ السواى ما حداث

[freedomfighter]

#971879 [shal]
5.00/5 (1 صوت)

04-13-2014 04:08 PM
الحقارة اكعب من الظلم والبطاحين معروفين ما برضوا الحقارة
ومعلوم للكل قصة طه و شيخ العرب عشان كدة الجماعة ديل وقعتم
سودة مع البطاحين

[shal]

ردود على shal
United States [جركان فاضى] 04-13-2014 05:52 PM
يا اخى البطاحين فى الحارة ما بقدروا على النافعاب...لكن الحارة ما وقعت...ونافع ياكل نارو براه... القضية بين البطاحين ونافع...وليست بين البطاحين والنافعاب


#971868 [ودالعمدة]
5.00/5 (1 صوت)

04-13-2014 04:00 PM
ههههههههههههها حدثني من لا اشك في صدقه ان اهلنا البطاحين اغاروا علي مرحات ابو العفين ورواعيته ب اللواري والدفارات والبطاحات والبكاسي اتعبت ضان من ما ادي الي انخفاض اسعار كيلو اللحمة بمدينة تنبول وصل الي 0جنيه فقط وعفيت منهم ولسه التقيل الجاي

[ودالعمدة]

#971866 [ابو حمدي]
4.00/5 (1 صوت)

04-13-2014 03:57 PM
لعنة الله علي تجار الفتن

هؤلاء القوم او البطاحين عاشرتهم فوجدتهم اهل كرم حقيقي وفزع وغاية في الطيبة

نافع واهله لايشبهون البطاحين

[ابو حمدي]

#971838 [منصور محمد صالح محمد صالح]
1.00/5 (1 صوت)

04-13-2014 03:32 PM
الحزب الشيوعي مات زمان وشبه موت،،،مافي حاجة اسمها حزب شيوعي تاني في السودان ،،،خليكي موضوعيين ياناس ،اذا كانت الشيوعية في بلاد الإلحاد انتهت وحلت محلها نظرية الإيمان ،،،ماتت الشريعة من ايام جورباتتشوف وانتهت بغير رجعة ،،ياشيوعي السودان غيرو جلدكم وغيرو اسم الحزب وسمو حزبكم دا باسم تاني لأنو هذا الاسم مكروه ومنفر بالفطرة السليمة ،، بعدين نظرية ماركس ولينين عفا عليها الزمن وأصبحت في خبر كان ،،، التعليق التأني ،،البطاحين مخطييين المفروض انو القانون يأخذ مجراه ،،لا يجب ان نطبق القانون بأيدينا وإلا سنتحول الي شريعة الغابة

[منصور محمد صالح محمد صالح]

ردود على منصور محمد صالح محمد صالح
United States [ساب البلد] 04-14-2014 03:38 AM
******* زي ما قلت اخي "ود ابو زهانة" احسن حاجة يطنوشوه **** بس صاحبنا يجيب كثافتك من ما في ******

[M. Ayyoub] 04-13-2014 11:47 PM
هذا التعليق يوضح بجلاء حصاد ثورة التعليم الانقاذية وحصاد المشروع الحضاري

European Union [بجاوي] 04-13-2014 08:42 PM
ماتت الشريعة من ايام جورباتشوف لكن دي بالغت فيها ما وريتنا سيجارتك دي اشتريتها من وين.

[ود ابو زهانة] 04-13-2014 08:05 PM
ياساب البلد : ده حالتك انت القلنا عاقل تقوم تخلق للسنابر قنابر. ياخى ده مش تطنشوه ده تعفنوهو عديل ومافى زول يعلق على الهباب والتطفيش البعمل فيهو ده.. هو قاصد يكربنكم فما تدوهو فرصة .. أنسوه بس لانه عدمه ووجوده واحد

[البعاتي] 04-13-2014 07:53 PM
الفطرة السليمة خليناها للشيخ المجاهد حاج نور والاجرب إسحاق احمد فضل الله

European Union [ساب البلد] 04-13-2014 06:48 PM
******* يا "منصور" يرحم والديك بطل دروشة **** علاقة غورباتشوف بنافع و البطاحين شنو ؟؟؟ *****

European Union [ككو حليمة] 04-13-2014 05:50 PM
إنت شايت وين يا منصور محمد صالح محمد صالح.... ما هذه الهرجلة؟ أرحمنا بصمتك بالله عليك!!


#971823 [ابوعديلة]
5.00/5 (1 صوت)

04-13-2014 03:22 PM
هناك مساحات شاسعة من أرض البطانة مقفولة فقط لثروة نافع الحيوانية المعدة للتصدير ولا يحق لكائن من كان أن يرعى فى تلك المساحات . هل هذا الكلام صحيح ياأهل البطانة أم هى مجرد فرية ؟

[ابوعديلة]

#971818 [المتجهجه بسبب الانفصال]
0.00/5 (0 صوت)

04-13-2014 03:09 PM
السلطة المطلقة مفسدة مطلقة ،، لعن الله الانقاذ ،،

[المتجهجه بسبب الانفصال]

#971816 [ام احمد]
4.00/5 (2 صوت)

04-13-2014 03:07 PM
قد كان يا ما كان
كان هنا سودان
من خيرة البلدان
خضرة وجمال وجنان
شعب من الشجعان
سمح هو السودان
حلو بلا كيزان
الحطمو الانسان
الهدمو الاركان
للدين والاوطان
الهجرو الحبان
وشردو الاخوان
لا ونسة لا جيران
لا جبنة لا فنجان
سودان مع الكيزان
رجس من الشيطان
لا شكل لا الوان
لا طعم لا ريحان
***** كمان رمدان
لا اسم لا عنوان
كم نام هناك جعان
والنيل كمان عطشان
الزارع الحيران
الطالب العدمان
العامل التعبان
المصنع العطلان
النازح العريان
الخايف الهربان
من قذفة النيران
والراقص الخيبان
يرقص وسط نسوان
لا هام ولا دريان
كم كم أهان نسوان
بالجلد بالسيطان
وكم كم قتل انسان
بالضرب في المليان
وكم كم اباد شبان
في محرقة طرشان
وكم كمم الافواه
بالمال والطغيان
وكم كم كمان وكمان
اسرار طي الكتمان
محفوظ بلا نسيان
ليوم حساب كربان
لا عفو لا نسيان
لا رحمة لا غفران

لا ماما بتحل كوز
لا ولولة نسوان
لا واي ولا لاهاي
لا جقلبة غلمان
حتشوفو لحس الكوع
شاهد عيان وبيان
مش زي نفش ريشا
زي نفخة العفنان

[ام احمد]

#971811 [ود الركابي]
3.75/5 (3 صوت)

04-13-2014 03:00 PM
ياجماعة شامي ليه ريحة عفففنه خالص كلنا سودانيين اولا ثم سودانيين ثانيا ثم سودانيين ثالثا وكلنا اولاد قبائل .وانا بعتبر كل قبيلة 0 رقم واحد . مافي داعي للكلام الفاضي ده 0 تفتكرو هل انه يجي يوم استغني .اخوي الدنقلاوي ولااخوي الجعلي ولااخوي النوباوي ولااخوي الغرباوي ولااخوي الشايقي .ولابقية قبائلنا.حتي انفصال الجنوب ده عندنا فيهو راي مافي واحد جاشاورناعلشان كده ياحلوين .اصبروا الصبر ده مافي زيو.والجماعة الكتلو الراجل مصيرهم المحاكمه والاعدام في كوبر والدوام لله سبحانه وتعاله .لاحكومة بتدوم ولانظام بيدوم.دكتور نافع الليلة عايش بكره بيموت الساعه ديك اخوانه حيعملوا شنو الايشوفو ليهم بلد ماعندها اتفاقية تبادل مجرمين مع السودان .اذا دامت كان تدوم .لشاوسيسكو رومانيا لعلمكم الامن بتاعه كله كان زي اولاد المايقوماواستغفر الله مع انه انا عارف انه ماعندهم ذنب .ولاكانت دامت للقذافي 42 سنه بالله عليكم الله سيبونا من موضوع قبيلتي وقبيلتك نحن سودانيين خلقنا سودانيين وسنموت سودانيين احسن بلد في الدنياواحسن شعب في الدنياوازفت سياسيين في الدنياربناكتب لينا كده والماعاجبه يشرب من البحر الاحمر.الصبر مفتاح الفرج .الصبر مفتاح الفرج الصبر مفتاح الفرج .هذا وعدالله

[ود الركابي]

ردود على ود الركابي
United States [ابو حمدي] 04-13-2014 07:49 PM
الركابي كانك عايش في ود عشيب الامريكية

United States [جركان فاضى] 04-13-2014 05:57 PM
احسنت يا ركابى...كل سودانى سال دم جده دفاعا عن هذه الارض الحبيبة...كل القبائل سواسية فى الدفاع عن ارض الجدود...كل القبائل تحب الوطن....ونحن نحب جميع القبائل السودانية

European Union [bamt] 04-13-2014 04:20 PM
الصبر؟؟؟فرق بين الصبر والاببطاح واللامبالاة---بعدين يا الركابي ياخوي غرباوي دي اسم قبيله؟نورنا الله ينور قلبك --اصل الواحد معلوماته عن قبائل السودان ضعيفة.


#971809 [أسمر جميل فتان]
5.00/5 (1 صوت)

04-13-2014 02:58 PM
سبحان الله وقعت في شر اعمالك يا نافع !!!!
والله جا اليوم الذي تقع فيه يا نافع!!!
ربنا يمهل ولا يهمل... ولكل ظالم نهاية عملت حماية لبعض الناس
والان ما راح تقدر حماية لاخوانك وسبحان الله العزيز الجبار الذي لا ينام!!!

يمهل ولا يهمل!!! اللهم ارنا فيهم يوما اسود!!!
يمهل ولا يهمل!!! اللهم شتت شملهم!!!
يمهل ولا يهمل!!! اللهم فرق جمعهم!!!
يمهل ولا يهمل!!! اللهم قض مضاجعهم!!!

عامل فيها الرجل الوحيد في السودان أهه الليلة جاينك "املأ يمينك!!!" يا نافع جاتك من حيث لا تدري ولا تحتسب!!!

[أسمر جميل فتان]

#971781 [Kudu]
5.00/5 (1 صوت)

04-13-2014 02:36 PM
سوف يكون هنالك ردا عنيفا من بني كوز لترهيب البطاحين ومن جاورهم في تلك المنطقة بحجة بسط القانون الآن علينا كلنا التخندق مع البطاحين وعدم تركهم للرباطة كما تركنا شهداء سيتمبر الذين ماتوا ودماءهم في رقابنا...

[Kudu]

#971771 [nasrmo]
1.00/5 (1 صوت)

04-13-2014 02:29 PM
الحرام بدا يشتغل والله انه لااله الا هو هذا قوله الحق

[nasrmo]

#971744 [زول اصيل]
5.00/5 (2 صوت)

04-13-2014 02:15 PM
البطاحين هم اهل الكرم المابتموتلم نار
هم اهل الحارة المابتركوا الحقار
ليوم الحروب مجهزين الصارم البتار
كان وقع القدر يخلوا الدار البدخلوها دمار
ويانافع عليك اليوم قبل باكر ان تختار
بين تسليم اخوك للقصاص او ارجى اخذ التار

[زول اصيل]

#971739 [omera]
1.00/5 (1 صوت)

04-13-2014 02:12 PM
من الشهامة العفو ونافع اصبح مواطن عادي وعفا الله عما سلف حقنا للدماء

[omera]

#971737 [إبن السودان البار ***]
1.50/5 (2 صوت)

04-13-2014 02:12 PM
إذا كان نافع أمر بإغتصاب مهندس مسؤول بالدولة المرحوم بدرالين إدريس المهندس سابقاً بوزارة والذي أصابه الجنون وإنتحر بعد أن قتل زوجته وعدد من أفراد أسرته ؟؟؟ هذا يعني أن المجرم القذر نافع تسبب في قتل 5 أنفس ول يحاسب ؟؟؟ فكيف سيحاسبه القضاء الفاسد ورئيس الدولة السفاح المطلوب القبض عليه من محكمة العدل الدولية ؟؟؟ فيا أهلنا الطيبين رجال قبيلة البطاحين لا حل أمامكم الا أخذ الفانون بيدكم والقصاص لفقيدكم حتي يرتاح في قبره رحمه الله ؟؟؟ والذي يريد منكم أن يعرف عن تفاصيل جريمة نافع بشهادة الدكتور /فاروق محمد ابراهيم زميل نافع في هيئة التدريس بجامعة الخرطوم ؟؟؟

شهادة الدكتور الوطني المحترم الأستاذ بجامعة الخرطوم الدكتور / فاروق محمد إبراهيم :-
مسألة رجولتك دي خليك منها.. حننتهي منها بعد شوية..المحاكمة..تفاصيل تعذيب واستجواب د.فاروق محمد ابراهيم من قبل نافع على نافع وآخرين ببيوت الاشباح.
جاء في مذكرتك ( فاروق محمد إبراهيم) للرئيس البشير عن مأساة المعتقل بدرالدين ما يلي:
"إنني أكتفي فيما يخص حالتي بهذه الأدلة الدامغة. ومع أن هذا الخطاب يقتصر، كما يدل عنوانه، على تجربتي كحالة اختبارية، إلا أن الواجب يقتضي أن أدرج معها حالة موظف وزارة الإسكان السابق المهندس بدرالدين إدريس التي كنت شاهدا عليها. وكما جاء في ردي على دعوة نائب رئيس المجلس الوطني المنحل الأستاذ عبدالعزيز شدو للمشاركة في حوار التوالي السياسي بتاريخ 18 أكتوبر 1998 (مرفق) فقد تعرض ذلك الشاب لتعذيب لا- أخلافي شديد البشاعة، ولم يطلق سراحه إلا بعد أن فقد عقله وقام بذبح زوجته ووالدها وآخرين من أسرته. كان في ثبات ذلك الشاب الهاش الباش الوسيم الأسمر الفارع الطول تجسيدا لكرامة وفحولة وعزة أهل السودان. وكان أحد الجنود الأشد قسوة – لا أدري إن كان اسم حماد الذي أطلق عليه حقيقيا – يدير كرباجه على رقبتينا وجسدينا في شبق. وفي إحدى المرات أخرج بدرالدين من بيننا ثم أعيد لنا بعد ساعات مذهولا أبكم مكتئبا محطما كسير القلب. ولم تتأكد لي المأساة التي حلت ببدرالدين منذ أن رأيته ببيت الأشباح عند مغادرتنا لبيت الأشباح منتصف ليلة 12 ديسمبر 1989 إلا عند إطلاعي على إحدى نشرات المجموعة السودانية لضحايا التعذيب هذا الأسبوع. ويقتضي الواجب أن أسرد تلك اللحظات من حياته وأنقلها لمن تبقى من أسرته. فكيف بالله نتداول حول الوفاق الوطني بينما تبقى هذه الأحداث معلقة هكذا، بلا مساءلة"

[إبن السودان البار ***]

#971735 [هدهد]
5.00/5 (2 صوت)

04-13-2014 02:07 PM
ياجماعة العربى المشلخ دا طلع اكبر حرامى ومجرم .... الكيزان ديل مافيهم رجل واحد شريف عاقل ؟؟؟ البتحسبو موسى منهم تلقوه فرعون كبير ... لعنة الله عليهم المنافقين سارقى قوت الشعب واللعنة للراقص الفاسد الكلب الذى علمهم السرقة والنهب وسفك الدماء .

[هدهد]

ردود على هدهد
United States [جركان فاضى] 04-13-2014 06:03 PM
يا اخى انت مالك ومال عربى مشلخ...خليك فى نافع...اقتلو احرقو سوى الداير تسوى...ما تمشى ابعد من نافع...عشان ما تحرق دمنا فى قضية لاشأن لنا بها


#971711 [بدر النهار]
5.00/5 (1 صوت)

04-13-2014 01:47 PM
بين لحس الكوع ولحس وأكل وبلع الحرام ياقلبي لاتحزن

[بدر النهار]

#971683 [منشى]
3.00/5 (2 صوت)

04-13-2014 01:19 PM
ما زمان شن قلنا يا المؤتمرنجيه انو اكل حق الناس بالباطل ما بيتهضم ليكم و انتو نشفتوا راسكم و بلدتوا حسكم و ثقلتوا دمكم اللى هسه بقى زى دم القراض .. كريه و تقيل و عفن .

[منشى]

#971676 [الكاهلي]
5.00/5 (1 صوت)

04-13-2014 01:10 PM
البطاحين رجال ما بخلوك

[الكاهلي]

#971660 [امكداده]
2.00/5 (1 صوت)

04-13-2014 12:59 PM
يعنى كل الفصاحة حرامى

[امكداده]

#971609 [ابومحمد]
4.50/5 (2 صوت)

04-13-2014 12:22 PM
ان استغلال السلطة والجاه في تميز فئة على فئات اخرى اوقبيلة على
قبائل اخرى هو الظلم والتسلط وهذا ما لايرضاه
الله فالسودان ملك للجميع والكل سواسيه والعاقبة على الظالمين

[ابومحمد]

#971606 [موجوع وطن]
5.00/5 (6 صوت)

04-13-2014 12:18 PM
هؤلاء لا يرتاح لهم بال حتي يشعلوا كل المجتمعات السودانية بالأحقاد و القبلية و الثارات و هتك الأعراض و سفك الدماء لا يرتاح لهم بال إلا و أن يستنزف كل شبر من هذا الوطن لن يرتاح لهم بال أن يعيش أي مجتمع بعزة و كرامة و أمن وطمأنينة.. و ما كنا نظن أن الأمر سيطال حتي أهل البطانة الذين لم يسجل لهم التاريخ أي إعتداء أو إقتتال أهلي... ما حدث قطرة من موال دارفور اليومي ... فخذوا الحذر فإن معظم النار من مستصغر الشرر.. أرجو ألا تطال ردود الأفعال إلا الجناة... إنهم يريدونها قبلية قبلية ففوتوا عليهم الفرصة و أجعلوها وطنية وطنية....

[موجوع وطن]

#971593 [انصاري]
2.00/5 (1 صوت)

04-13-2014 12:13 PM
(ولكم في الفصاص حياة)...

وإلا؛ كان قول عنترة بن شداد:

حكّمْ سيُوفَكَ في رقابِ العُذَّل واذا نزلتْ بدار ذلَّ فارحل
وإذا بُليتَ بظالمٍ كُنْ ظالماً واذا لقيت ذوي الجهالة ِ فاجهل
وإذا الجبانُ نهاكَ يوْمَ كريهة ٍ خوفاً عليكَ من ازدحام الجحفل
فاعْصِ مقالَتهُ ولا تَحْفلْ به ا واقْدِمْ إذا حَقَّ اللِّقا في الأَوَّل
واختَرْ لِنَفْسِكَ منْزلاً تعْلو به أَوْ مُتْ كريماً تَحْتَ ظلِّ القَسْطَل
فالموتُ لا يُنْجيكَ منْ آفاتِهِ حصنٌ ولو شيدتهُ بالجندل
موتُ الفتى في عزهِ خيرٌ له منْ أنْ يبيتَ أسير طرفٍ أكحل

[انصاري]

ردود على انصاري
United States [انصاري] 04-13-2014 05:15 PM
إلى [سوداني أصيل]

تحياتي

شكراً لمرورك... وشكراً للتصحيح..

أأسف كثيراً للخطأ غير المقصود.. وأشكرك كثيراً للتصويب

خالص تقديري ..ومودتي

[سودانى اصيل] 04-13-2014 02:35 PM
للتصحيح ( وَلَكُمْ فِي الْقِصَاصِ حَيَاةٌ يَا أُولِي الْأَلْبَابِ لَعَلَّكُمْ تَتَّقُونَ ) الاية 179 سورة البقرة


#971586 [محامي]
4.63/5 (4 صوت)

04-13-2014 12:09 PM
أنا والله محامي أمارس المهنة منذ 18 عام، والله الذي يحدث فيما يسمي بالسلطة القضائية والمحاكم أمر محبط يؤدي الي اليأس من العدالة، والله اليوم لدي 3 جلسات في المحاكم لم أذهب الي أي جلسة ليأسي من عدالة القضاء في السودان، فالمحاكم التي تأسست فقط لتمنع الناس من اللجؤ الي العدالة الخاصة وهي أن يأخذ الشخص حقه بيده أصبحت فاشلة في أداء هذه المهمة وبإمتياز، ونصيحتي لكل صاحب حق في السودان أن يسعي لأخذ حقة بيده، ألا قاتل الله جلال الدين محمد عثمان حياً ميتاً، وقبله جلال علي لطفي.

[محامي]

ردود على محامي
[Kamal] 04-13-2014 07:57 PM
أنت شايف الفيل وتطعن في ضلو، أمرك عجيب قال محامي قال، أنت عنقالي

European Union [موجوع وطن] 04-13-2014 02:49 PM
أذا كنت محاميا بالحق فأن للمحامي عزيمة الأنبياء لا تعرف اليأس لا تعرف الركون يضيئون الظلمالت في أهلك الظروف ففي يطرق نضالنا تطول صفوفهم هم الأمضي.. هم الأصوب..هم الترياق.. فلا تيأس.

European Union [jackssa] 04-13-2014 02:16 PM
... نعم يا أستاذ محامي ...العدالة ...أعدمت تعذيريا بذبحها بسكين ميته وامام عباد الله في وضح النهار وتعليقها من رقبتها على خشبة اعدام على ميدان عام , والأمه تصفق وتزغرد ... وسير سير يابشير ... نحن امه خائبة وعائبه وكسوله بأن نترك مثل هؤلاء يتسلطون على رقابنا عنوة وأقتصابا لمدة 25 سنه لقد استقووا وتمكنوا في العباد والبلاد, وما ذال كثيرون منا يتعاطف مع الحل السلمي .... كيف هـذا ؟؟؟؟ التغيير بالقوة المسلحة والقلع من الجذور ... هو الحل الناجع ....وما عدا ذلك كله اطالة لمن ذبحوا العدالة ... تبا لكم ...


#971583 [Carbeeno]
5.00/5 (1 صوت)

04-13-2014 12:07 PM
أحي البطاحين عندهم حكم ود تكتوك البطحاني مثل الحلم والعفو والصبر ولكنهم إذا غضبوا فالويل ثم الويل لمن يغضبوا عليه --

[Carbeeno]

#971561 [انا]
5.00/5 (1 صوت)

04-13-2014 11:55 AM
ههههههههههههههههههه هاكم المائدة المستديرة دى

[انا]

#971553 [عبدالرحمن حسين المرغومابي]
5.00/5 (1 صوت)

04-13-2014 11:48 AM
الله يكفينا شر الفتن , فلا بد من تطبيق العداله ع القتله حتي تنتهي هذه الفتنه

[عبدالرحمن حسين المرغومابي]

#971538 [محمد]
5.00/5 (1 صوت)

04-13-2014 11:30 AM
البطاحيين بطحوا اهل نافع حلوهم مبطحين محبطين

[محمد]

#971519 [خالد]
5.00/5 (3 صوت)

04-13-2014 11:20 AM
وقعت وقعة سوداء يا نافع البطاحين ديل السم القدر غداك يا نافع ... شيل شيلتك ورجع الحق لاهلة والقصاص حق لاهل المظلوم موجود بالقران ومافى كبير على القانون... قال رسول (ص) انما هلك امم من قبلكم اذا سرق القوى تركوهو واذا سرق الضعيف اقامو علية الحد.. نطالب من السلطات تطبيق القانون على اخوان نافع وغيرهم حتى لا تزهق ارواح من الطرفين.. وقد امرنا ربنا سبحاتة وتعالى بالامر بالمعروف والنهى عن المنكر.. فالقتل منكر والظلم منكر.. ولكم فى القصاص حياة يا اولى الالباب.... صدق اللة العظيم

[خالد]

#971510 [ابوبكر]
5.00/5 (1 صوت)

04-13-2014 11:12 AM
يديكم العافية يا اهل البطانة البطاحين ......... بالله عليكم نافع الما نافع واخوانه القتله ديل طبقوا فيهم القصاص (( واهم حاجة لحس الكوع يكون مصور وتنزلوا في اليوتيوب والفيس بوك )) عشان الشعب السوداني يستمتع

[ابوبكر]

#971503 [مدحت عروة]
5.00/5 (3 صوت)

04-13-2014 11:08 AM
شوفوا ثورة الخراب اللاوطنى وصلت السودان الى اين ارضا ونسيج وطنى واقتصادا وامنا والسلاح بدل ما يكون فى يد الجيش والشرطة وبقية القوات النظامية كالسجون وسلاح شخصى لافراد الامن والاستخبارات وما كلهم بقى فى يد كل من هب ودب وتحت سمع وبصر الحكومة!!!
انا ما قلت ليكم من زمان اقسم بالله الذى لا اله الا هو انهم ما رجال دولة وانما رجال عصابات استولوا على الحكم بانقلاب على الشرعية وما شغالين بقانون او مؤسسات وكان الدولة كلها تتبع للحركة الاسلاموية الواطية القذرة بت الكلب وبت الحرام والله على ما اقول شهيد!!!!

[مدحت عروة]

#971500 [الوطن العزيز]
5.00/5 (3 صوت)

04-13-2014 11:07 AM
من المعلوم ان البطاحيين لن يسكتوا ما دام لاياخذ القانون مجراه وحسب معايشتى لهذه القبيلة الشهمه الكريم اهلها يرون فى السكات عار فعلى الحكومة التسريع فى انفاذ القانون ضد القتلة والا فهى لا تفهم هذه القبيلة المقاتلة =اخوكم ابن العبدلاب

[الوطن العزيز]

#971494 [يعقوب ساتي]
5.00/5 (1 صوت)

04-13-2014 11:02 AM
الفتنة قادمة لا محالة علي الحكومة ان تتدخل سريعاً والا فبشر السودان بحروب اهليه اخري ويجب تطبيق القانون علي اخوة الما نافع حتي لا تنعطف الامور

[يعقوب ساتي]

ردود على يعقوب ساتي
United States [جركان فاضى] 04-13-2014 06:38 PM
لاحرب اهلية ولايحزنون...النافعاب لن يقفوا مع نافع الشوم


#971490 [bluenile]
5.00/5 (1 صوت)

04-13-2014 10:59 AM
من امن العقاب ساء الادب و ان غابت العدالة الكل يأخذ حفه بيده الا يعلم هؤلاء الذين لا ندرى من اين اتوا مئآلات الظلم فاليتقوا غضبة الحليم وهذه هى البداية

[bluenile]

#971485 [بلدى جميلة]
5.00/5 (1 صوت)

04-13-2014 10:57 AM
يا ضار على ضار الحس كوعك جوك الما بنحقرو ولا بخلو حقهم لي هوين زيك الله يلعنكم يا سفاحين الانقاذ رجعتو البلد لى زمن التار

[بلدى جميلة]

#971480 [غليان]
5.00/5 (1 صوت)

04-13-2014 10:53 AM
هلا هلا, و الله ما شاء الله, البلد لسة بى خيرها و رجالها, و الله تجيبو الشعرة

[غليان]

#971470 [ودالاسد]
5.00/5 (1 صوت)

04-13-2014 10:47 AM
ثروة نافع هي ثروة الشعب السوداني نافع ماقدم حاجة تلمس باليد ولا تقال في حق السودان والشعب السوداني ولايملك مثقال ذرة قبل دخوله في الحكومة من اين له بالاموال ولم يقدم شي ليكفاء عليه وامثاله كتار علي كرتي ومتعافي والقايمة طويلة.
هل يعقل ان يكافا نافع باموال بياتو حق؟ ماذا قدم لشعب السوداني غير البطش ؟
ثروة د.نافع وبطانته التي يقال استفزت اهل بطانة نافع بطانتو وين ماهو اصلا مشرد وماعندو منطقة بعينها والمعروف ان البطانة كواهلا وشكرية وبطاحين وكمالاب وحسانية . ان سالتم عن جنس نافع يقول ليكم عبيد جعلين وناس تقول جنس ما معروف جاء من الغرب ليسكن في البطانة.
عبدالرحمن علي نافع لايسوي مثقال ذرة في بطانة ولا اخيه البلال
وسعد العمدة الذي يجمع الشكرية في الخرطوم ليكافيهم ان عقدو الصلح مع البطاحين اي ثروة تتكالمونا عنها.
اهل بطانة الغناء عندهم قناعة ومابياكلو حق الناس الغلابة ومساكين.

[ودالاسد]

#971464 [barfty]
3.00/5 (2 صوت)

04-13-2014 10:45 AM
مع انو انحنا شكريه ومعروفه الندية بين الطاحين والشكريه
لكن انا واخوي علي ودعمي وانا وودعمي علي الغريب

ما بنابا الكُتال ونقول جرحنا اتفتق
مرحبتين حباب الشر محل ما بتق
تنقدا الرهيفه ان شاء الله ما تتلتق.

[barfty]

ردود على barfty
United States [جركان فاضى] 04-13-2014 06:40 PM
وانت يا الشكرى...الاتعلم ان البطاحين فرع من فروع الجعليين....فالنافعاب والبطاحين اخوان...وانت الغريب


#971432 [habbani]
5.00/5 (2 صوت)

04-13-2014 10:18 AM
زمان أهلنا قالوا لينا ما تمشوا للحكومة مظلومين ؟ أخد حقك الباين وثابت بى نفسك ما تتكل على الحكومة ترجعوا ليك .. وابعد عن الظلم .

[habbani]

ردود على habbani
[حقاني] 04-13-2014 07:48 PM
وابعد عن الظلم عشنا صابرين


#971413 [kamuzu]
1.00/5 (1 صوت)

04-13-2014 10:01 AM
هذا هو عين الصواب في التعامل مع هؤلاء الاوغاد
ليس هنالك قضاء في ظل هذه الحكومة المتعفنة
والحشاش يملأ شبكتو
عفارم عليكم اهلنا البطاحين

[kamuzu]

#971409 [خال فاطنة]
1.00/5 (1 صوت)

04-13-2014 09:57 AM
الحقوق تاخذ ولاتعطي=ويا ال نافع رفقا بمن لاظهر له=وان دعتك قدرتك علي ظلم الناس فتذكر قدره اللة عليك=جنبو هذا الوطن شرور الحرب والفتن.

[خال فاطنة]

#971384 [خالد البطحاني]
4.82/5 (9 صوت)

04-13-2014 09:44 AM
المُـو بَانِيكْ مـا بِكْسِرلُو فِـيكَ قَصِيرْ
والمكتوبَـه بِتصَادفَكْ مَحَـلْ مَا تْطِيرْ
قَبـراً إِتحَفَرلكْ مـا بِندَفِـنْ فِي الغَيرْ
مـوتَ العِـزه لا عِيشَةَ الذَليلْ وحَقِيرْ



جاينكم بالدور أكربوا ضراعكم بس

[خالد البطحاني]

ردود على خالد البطحاني
European Union [حزينة] 04-13-2014 12:09 PM
أيووووووووووووووي كدي يا يابا

United States [إلا الحقارة] 04-13-2014 12:03 PM
العصبية منبوذة نسال الله ان يعبد عنكم الفتن ويا ناس الحكومة ادخلوا قبل ما يقع الفاس في الراس

[صمت المواجع] 04-13-2014 11:46 AM
وعليك الله بعد ما تقرضهم امشي على اولاد حسن البشير !!!!
والقائمة طويلة ....

حرب عصابات !!!!!!

United States [بلدى جميلة] 04-13-2014 11:17 AM
قول ليهو الحس كوعك يانافع يا جبان والبشير العقيم


#971373 [علي خميس]
4.04/5 (6 صوت)

04-13-2014 09:37 AM
أنتو وهم ... نافع حامي صاحبو عابدين بتاع الأقطان من أي إدانة ... خليك من أخوانو !!!! زمان قالو ليكم جبناهو بضراعنا العندو حق يورينا !!!

[علي خميس]

#971366 [المغبون من الاسلاميين]
3.50/5 (5 صوت)

04-13-2014 09:34 AM
رجال اولاد رجال البطاحين

[المغبون من الاسلاميين]

#971365 [ودبلد]
4.75/5 (3 صوت)

04-13-2014 09:33 AM
يبدو أن نافع ليس هو المجرم وحدة في هذه العائلة. ولكنه مجرم ابن محرم ابن مجرمين. كان الله في عون اهلنا البطاحين.

[ودبلد]

ردود على ودبلد
United States [جركان فاضى] 04-13-2014 06:41 PM
يا اخى خلى اساءتك لنافع...انت لاتعرف الغير


#971363 [المهند]
5.00/5 (1 صوت)

04-13-2014 09:31 AM
ظهر الحق وزهق الباطل

المهندس محمد البوشي الان حتشوف لحس الكوع لناس نافع حيلحسوا لحس

[المهند]

#971359 [نادر التاج أبو حموش]
4.38/5 (6 صوت)

04-13-2014 09:30 AM
مليون تعظيم سلام لأهلنا البطاحين......فما أخذ بالقوة لا يسترد إلا بالقوة...والعين بالعين والسن بالسن والبادئ أظلم....

[نادر التاج أبو حموش]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية



الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة