الأخبار
أخبار إقليمية
والي الخرطوم يستعجل جياد لتصميم سيارات الدستوريين
والي الخرطوم يستعجل جياد لتصميم سيارات الدستوريين
والي الخرطوم يستعجل جياد لتصميم سيارات الدستوريين


04-13-2014 11:56 AM
الخرطوم: حوازم مقدم
اتفقت ولاية الخرطوم وشركة جياد على توفير (300) عربة تاكسي ضمن مشروع التاكسي البديل و(200) ميني بص كمرحلة من مراحل برنامج الـ(1000) ميني بص التي ستدفع بها الولاية هذا العام في قطاع النقل والمواصلات وتوفير 70 تراكتور و140 مقطورة تستخدم في نقل النفايات ويجري التفاوض حول تحديد احتياجات الولاية من وسائل النقل الصغيرة داخل الأسواق لتسهيل عملية التسوق واعتمدت جياد في المرحلة الأولى توفير كوابل لإنارة الشوارع بطول 25 كلم على أن تتواصل الدفعات حتى يصل المشروع إلى نهايته كما جرى اتفاق بين جياد وهيئة المياه تقوم بموجبه جياد بتوفير المواسير المطلوبة لخطوط وشبكات المياه والصرف الصحي وفي المقابل فإن مجموعة جياد تسلمت قطع أراضٍ مميزة من ولاية الخرطوم مقابل هذه الشراكة تعمل على تطويرها عقارياً وتوجيهها الوجهة الصحيحة بحسب المخطط الهيكلي.
في الوقت ذاته استعجل والي ولاية الخرطوم عبد الرحمن الخضر جياد لتوفير العربات المقرر تسليمها للدستوريين بالولاية وإحلالها محل السيارات المستوردة تنفيذاً للقرارات التي اتخذتها ولاية الخرطوم في إطار خفض الإنفاق الحكومي
وبجانب العمل على تصنيع وأثاثات المدارس وإجلاس الطلاب حسب الاحتياجات المطلوبة للعام الدراسي الجديد ووجه الخضر بتجهيز هذه الاحتياجات قبل وقت كافٍ من بداية العام الدراسي الجديد.
وكشفت الولاية عن تفاوض يتم بينها وبين جياد حول توفير احتياجات صندوق الإسكان والتعمير من الأبواب والشبابيك لتستخدم في مشروعات الإسكان الشعبي والفئوي والاستثماري.


الجريدة


تعليقات 15 | إهداء 0 | زيارات 5378

التعليقات
#972926 [ممغوص]
0.00/5 (0 صوت)

04-14-2014 04:44 PM
طيب ياجماعه جياد دي حتوزع العربات دي مجانا وﻻ بقروش الشعب؟

[ممغوص]

#972180 [ود كترينا]
0.00/5 (0 صوت)

04-13-2014 11:48 PM
***(...فى الوقت ذاته استعجل والي ولاية الخرطوم عبد الرحمن الخضر جياد لتوفير العربات المقرر تسليمها للدستوريين بالولاية وإحلالها محل السيارات المستوردة تنفيذاً للقرارات التي اتخذتها ولاية الخرطوم في إطار خفض الإنفاق الحكومي...) انتهى
***استبدال اللاند كروزرات والبرادو والبى ام دبليو بتاعت الوالى بسيارات جيادBYD
***طبعا زى ماحصل فى الولاية الشمالية...بدل يرجع الوالى العربات للمالية حيقوم يبيعها للدستوريين بأسعار اسمية وح تكون البى أم دبليو تمنها تمن ركشة!!!
***سألت الفريق أول بكرى حسن صالح...سعادتك BYD اختصار لشنو فقال لى باسما...اختصار لجملتين ...والجملتين موجهات منى للدستوريين...وهما:-
1-BYD : BY YOUR DONKEY !
2-BYD :BE YOUR DRIVER !

[ود كترينا]

#972135 [مغترب قهراااان]
5.00/5 (1 صوت)

04-13-2014 10:20 PM
راكب انفنتي ياريس وشعبك مالاقي ياكل ولا لاقي ملجأ ولا لاقي مأمن .. هو الاسلام د غيرو ونحن ماعارفين

[مغترب قهراااان]

#971999 [أزهري عبدالرحيم]
5.00/5 (1 صوت)

04-13-2014 06:52 PM
أذكر في الأعوام ما بين 1982-1987 كنا ضباطا بشرطة قسم المدينة بحري حوالي 9 ضباط برئاسة مقدم ( عليه الرحمة ) وكان مدير شرطة بحري كلها برتبة عقيد ثم عميد فيمابعد ، ما دفعني للتعليق أن كل هؤلاء الضباط كان يتم ترحيلهم بعربة لاندروفر وهي العربة النوبتجية ( النبطشية ) الوحيدة التي نعتمد عليها في ارسال يومية الحوادث يوميا 5 صباحا وكذلك لنقل المصابين والجثث ويتحرك بها المتحرين لمكان الحادث ووووالخ..... وكان العمل يسير بصورة ممتازة بالرغم من قلة الامكانات اذ كان ايمان افراد الشرطة والضباط بأهمية ما نقوم به وانزال ما تعلمناه فى الكلية وترجمة اهداف الشرطة وواجباتها اكبر من ان تحده قلة الامكانيات وكان الضابط يطبق صلاحياته وفقا للقانون دون خوف او وجل من متنفذ او ملتح ولا حتي وزير الداخلية او مدير الشرطة طالما الإجراء قانوني وكنت تحس بهيبة الشرطة ومكانتها ونفتخر ايما افتخار بنجاحنا في ضبط الأمن وانجازنا في البلاغات حتي لو كانت غامضة كل ذلك بعربة واحدة والآن انظر ودقق في الشارع العام وأمام اقسام الشرطة لتلك الفارهات والتي تغسل وتلمع يوميا سواء أكانت حكومية أو خاصة لضباط او ضباط صف بل وجنود لم تتعدي خدمتهم اصابغ اليد الواحدة والمحصلة صفر عمليا مع وجود كل تلك الامكانيات الهائلة والسبب ان الاصل من انخراط هؤلاء النفر في سلك الشرطة ليس لتلك المهمة المقدسة ولكن للنفع الشخصي البحت والمحصلة تدهور المهنية وانفراط عقد الامن وتفشي الفساد وانعدام الطمأنينة حتي انك لو اضطرتك الظروف للجوء للشرطة عوملت وكأنك الجاني استهتار وتعالي وعدم انضباط وربما اوذيت وشتمت من نفر شرطة كل مؤهلاته كاكي وبوت وبندقية اما ما تحت الكاب تركيبة غريبة من قلة الأدب وانعدام الذوق وتعال وغطرسة في الفاضي وخلو ذهن من فهم او معرفة بالقانون
هذا غيض من فيض وقس علي ذلك في كل دواوين الحكومة التي تركها الانجليز ( الكفار ) عامرة باﻻنضباط والمعرفة والمهنية والنزاهة وها هو والي الخرطوم يكرس جهده مع جياد لاستعجال عربات الدستوريين
( عشان يعملوا بيها شنو لمصلحة المواطن؟ وهم ذاتهم الدستوريين ديل شنو؟ وما معني هذا المصطلح العجيب
لك الله يا وطني )

[أزهري عبدالرحيم]

ردود على أزهري عبدالرحيم
European Union [Quickly] 04-14-2014 07:48 AM
ياخي الآن حتى لو بقيت لوآء اركان حرب وما تابع للمؤتمر الوثني ,,,,, تركب هواء وتأكل هواء

United States [مواطن] 04-13-2014 09:27 PM
أحييك ... فعلا الشرطة السودانية قبل مجئ الاسلاميين للحكم كانت لها مكانة في قلوب الشعب السوداني ولها هيبة وتحقق شعار ( الشرطة في خدمة الشعب ) عكس اليوم فساد وتعالي على المواطن
السوداني وارهاب له ...

United States [مواطن] 04-13-2014 09:26 PM
أحييك ... فعلا الشرطة السودانية قبل مجئ الاسلاميين للحكم كانت لها مكانة في قلوب الشعب السوداني ولها هيبة وتحقق شعار ( الشرطة في خدمة الشعب ) عكس اليوم فساد وتعالي على المواطن
السوداني وارهاب له ...


#971895 [ود الركابي]
0.00/5 (0 صوت)

04-13-2014 04:32 PM
بركة الله يركبو الطياره الماليزيه وبله الغايب زاتو مايعرف مكانهم هم ابهاتهم كانو راكبين عربات .وجه القروش العاوز تدفعه للعربات دي لزيادة مكائن غسيل الكلي او للا دويه للفقراء والمساكين .ياسيادة الوالي هل عندك علم انه في اسر كثيرة جدا بتاكل وجبه واحده في اليوم في السودان هل ده كلام معقول الواحد كيف يقدر ينوم في بيته وجاره جوعان بس قول لي كيف اكون مسلم وجاري مالاقي حق الدواء سيادتك فكر كويس واعمل بما يرضي الله الشعب السوداني غير ملزم بشراء عربات للدستوريين العاوز يخدم وطنه كفايه عليهو راتب الحكومه اهو كمان بالملايين كافي ليهم وذياده ماعندنا سكن ولاعندنا عربات امشو اشترو ليكم عربات بالتقصيدالمريح .بلدنا تعبانه وماعندنا قروش والبسيط الموجود يصرف للضعفاء والمساكين وهم كثر ربنا يلطف بيهم ويرزقهم ياقادر ياكريم شعب عظيم ما يستحق العيشه دي لعنةالله للكان السبب نشوف فيكم يوم قريبا باذن الله تعالي .الله لا يوفقكم قادر ياكريم

[ود الركابي]

#971836 [نكس]
5.00/5 (2 صوت)

04-13-2014 03:30 PM
اديني حاجة واحدة عملوها الدستوريين يستاهلو عليها عجلة ناهيك عن العربات - دي بلد فقير دي والله شر الامور ما يضحك - للشعب رب يحميه - حسبنا الله ونعم الوكيل

[نكس]

#971821 [انصاري]
5.00/5 (1 صوت)

04-13-2014 03:21 PM
ببرغندا.. لا أكثر..

[انصاري]

#971791 [بيكانتو]
5.00/5 (1 صوت)

04-13-2014 02:45 PM
سيارات و اسلاك كهرباء ومويه وعقارات و اثاث مدرسى وابواب و شبابيك و الاسبوع الفات طائرات كلوا من جياد

طيب الباصات الصينية لزومها شنوا؟

[بيكانتو]

#971715 [عمر النابه يس]
5.00/5 (1 صوت)

04-13-2014 01:48 PM
دي السيارات الحيورثوها نهائيا وهم في طريقهم للزوال ليه ما يركب اتوس وهي بنفس مستوي البلد الاقتصادي .....عالم مفترية ولا يهمها الناس تموت جوعا .....كم دستوري هم ...اكيد اكثر من 1000 قاتلهم الله جميعا ........

[عمر النابه يس]

#971712 [سوداني مظلوم]
5.00/5 (3 صوت)

04-13-2014 01:47 PM
مستعجلين تشتروا العربات المستورده من المزاد و تتملكوها برخص التراب... تركنوها و تركبو جياد الجديدة الحتغيروها كل سنة و تشتروها لاساطيلكم.
يمهل و لا يهمل

[سوداني مظلوم]

#971669 [كفاية]
0.00/5 (0 صوت)

04-13-2014 01:06 PM
الدستوريين ديل ما شبعوا لسه ؟ طيب العربات المستوردة التي يستعملونها ما هو مصيرها هل ستعود للحكومة ام ستملك لهم بجانب الجديدة ؟ واين التقشف ؟

[كفاية]

#971625 [ابومحمد]
0.00/5 (0 صوت)

04-13-2014 12:33 PM
جميل ان تدعم الصناعات الوطنية ولكن نحذر في مسالة
اسيبدال عربات الدستوريين والوزاء بعربات
من انتاج جياد نحذر ان تملك العربات المستوردة المستعملة
للدستوريين والوزراء بل يجب ان تسخر لخدمات اخرى
لمصلحة الشعب او تباع في مزاد عام وتوجه عائداتها
للمصحلحة العامة وكفانا استرزاق من هذا الشعب المغلوب على امره

[ابومحمد]

#971585 [بت قضيم]
0.00/5 (0 صوت)

04-13-2014 12:07 PM
كدا سيب دا كلو ورينا الحراميه بتوع الولاية حصل ليهم شنو اوع اكون عالجتوا الموضع باسلوب ولاية الجزيرة ( رجعوا الملهوط وعفا الله عنما سلف )

[بت قضيم]

#971575 [الحجاج]
5.00/5 (1 صوت)

04-13-2014 12:04 PM
انتى يا والي الخرطوم - استعجعل لصلاح حال البلد مش تستعجعل عشان تركبوا عربات همكم ، ما اصلا انتم راكبين الشعب وعرباته اليس بكاف ذلك ولمتى انتم جالسين فاكرين سويتو ليكم بلد انتم والله ما سويتو إلا كروش كبار فقط من السحت واللحث من جيب المواطن المسكين والذي الآن يعاني الامرين .

شوفوا طريقة تبلعكم وزيلكم من سدة الحكم دا الفاضل ، والآن كل الدول العربية حاصرت البلد ايضا مع الغرب كله وليس هناك حل ان تغادروا لكن سيتم حسابكم بالنفر ايها الاوغاد اكلتم اللين والاخضر واليابس وعاوزين سيارات جديدة من جياد نسال الله ان يرينا فيكم يوما اسودا يا فاشلين .

[الحجاج]

#971568 [مجنون]
0.00/5 (0 صوت)

04-13-2014 11:59 AM
انتو كان بتعملوا كدة من زمان كان بقيتو ناس وكان بقت بلد

[مجنون]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة