الأخبار
أخبار إقليمية
حوار مع السوداني الفائز بجائزة "مصطفى الأغا"
حوار مع السوداني الفائز بجائزة "مصطفى الأغا"
حوار مع السوداني الفائز بجائزة


ضمن الفائزين بمليون دولار
04-15-2014 12:05 AM

الخرطوم – حسن محمد علي
كم يبلغ حجم الحظ عندك ليتساوى مع الحدث؟ كم تصل نسبته لشخص يفوز بمبلغ (مليون) دولار، إنها ابتسامة في وجه الزمان الكالح تطالعنا في كل مرة لتقضي على قلق الصيف القائظ، وتمنحنا نسمة نفخر (أنوفنا ورئاتنا) بتقاسمها، إنها نسمة تخترق تلك العزلة المفترض أنها مفروضة علينا.
إنهما الصدفة والحظ، معنيان أطلا على شاب في مُقتبل العمر (16) سنة، يقطن حي المُنيرة بود مدني، حيث يعمل والده في شركة (سي تي سي) وتعود جذور أسرته إلى مدينة القضارف، إنه عمر مصطفى محمد الحسن الفائز بجائزة المليون دولار في برنامج (الحُلم)، الذي يقدمه الإذاعي الشهير مصطفى الأغا لصالح قناة (MBC).
صديق واحد فقط
شاب كان كل همه إشباع رغبات اليوم الواحد في الدراسة وكرة القدم وقيادة سيارة والده (البوكس)، غريب بعض الشيء إنه لا يشغل نفسه – حتى - بعصبية (هلال مريخ)، أو تشجيع الريال والبارسا، ولديه صديق واحد فقط، ولا ينتمي لأي مشروع سياسي أو ثقافي أو تيار فكري.
في تمام الساعة الواحدة صباحا كان يغط في سُباتٍ عميق، فيوم من الجري واللهث وراء الأشياء الصغيرة مرهق ومتعب، فجأة وعلى غير العادة يرن الهاتف رنيناً متواصلاً، إنه وقت متأخر جداً بالنسبة لقاطني المدن السودانية. يا للهول الرد يبدو أن (مليون دولار) ستضيع، ستذهب إلى شخص آخر، ويظل السوداني يضرب كفاً بكف، حيث لا تنفعه ندامة الكسعي (لما غدت مطلقة منه نوار).
قربت تطير
ولعل حظ (عمر وأبيه مصطفى) هو الذي جعل موظف قناة (ام بي سي) يصر على معاودة الاتصال بدلاً من اختيار شخص آخر، والد الشاب المحظوظ يفيق من (نومته العميقة) ليرد على المحاولة الهاتفية الرابعة.
المُذيع الكبير، مقدم مسابقة الحلم، مصطفى الأغا يصيح في أذنيه (أنت الفائز بجائزة حقق حلمك البالغة مليون دولار)، ينتفض الوالد لينادي على ابنه عمر، سريعا يكمل البيانات، ليصبح أصغر ملياردير سوداني.
عمر، ليس السوداني الوحيد الذي فاز بهذه المسابقة، فقد سبقه إلى الفوز بها (عوض الله صالح) من بحري. على كل سارعت (اليوم التالي) إلى (عمر) لتدردش معه، عبر هذه المساحة:
• مبروك، فزت بالمليون..هل تملك قنطار حظ ؟
- الله يبارك فيكم، أنا فعلاً محظوظ مرات بلقى قروش واقعة في السكة، آخر مرة لقيت (400 ألف).
• متى بدأت أولى مشاركاتك في برنامج (الأغا)؟
- أنا لي (3) شهور ساكي الشغلة دي، كنت أواظب خلالها على الاتصال بالرقم الدولي المخصص للبلدان التي ليس لها اشتراك في المسابقة.
• الاتصال العالمي غالي كم بلغت تكلفة المكالمات؟
- نحو الألف وتسعمائة جنيه.
• كيف استقبلت خبر فوزك؟
- طبعاً كنت نايم وصحوني بعد أن اتصل الأستاذ مصطفى الأغا، وردد لي قائلاً: يا عمر إنت فزت بأكثر من مليون دولار، رددت على الهاتف بين مصدق ومكذب، ثم مضت على يومين وأنا صاحي لم تغمض جفوني لحظة كنت أفكر فيها ماذا أفعل بالقروش.
• وبعد داك؟
- بقيت قاعد في البيت وأصدقائي وناس الفريق كلهم ماقصروا كتر خيرهم جوني يهنئوني بالفوز.
• بين ليلة وضحاها أصبحت مليارديراً ما هي مشروعات حلمك؟
- أولا أنا أفكر أودي أمي وأبوي الأردن أعمل ليهم فحوصات عامة بعداك أوديهم الحج، الحاجات المهمة عندي في الأول شراء أرض زراعية ومنازل للإيجار ومشروع دواجن وأبقار.
• ومشروعك السياسي؟
- أنا ماعندي أي اهتمام بالعمل السياسي نهائياً ولا أنتمي لأي حزب.
• ومشروعك التعليمي ؟
- أنا حالت ظروفي المرضية دون الجلوس لامتحان الشهادة السودانية هذا العام وسأعاود الامتحان في العام المقبل إن شاء الله.
• ألم تفكر في الزواج بعد هذه الملايين؟
والله كان أهلي وافقوا على الزواج ولقيت البنت المناسبة حأتزوج وبعد داك أكمل تعليمي.
• طيب ياعمر.. كعادة السؤال على الشباب اهتماماتك الرياضية؟
- بالمناسبة أنا ماعندي أي ميول رياضي ولا أشجع أي فريق، ولا هلال لا مريخ، ولا حتى الأندية العالمية.
• وهوايتك المفضلة؟
- بحب قيادة السيارات وخاصة البكاسي.
• هل تهيأت لاستقبال فريق أم بي سي؟
- أنا جاهز وكعادة أهل بلدي سنقوم بإكرامهم على أكمل وجه.
• هل زارك أي مسؤول في الحكومة؟
- لا لا.. لم يزرني أحد.
• شكرا لإفاداتك يا عمر ومبروك المليون دولار.
ضحك، وقال: شكراً لكم

صحيفة اليوم التالي


تعليقات 37 | إهداء 0 | زيارات 18818

التعليقات
#977275 [ابوعثمان]
0.00/5 (0 صوت)

04-18-2014 11:53 PM
حقيقة طلعوا روحي الود وابوه وفي النهاية ابوه يقول رسلوا القروش مافي سرعة بديهة ولاثقافة ولافهم لاكن برضو الف مبروك وفرحنا ليكم

[ابوعثمان]

#976559 [احمد رمزي]
0.00/5 (0 صوت)

04-18-2014 12:41 AM
ربنا يهدي العاصي

[احمد رمزي]

#974785 [رانيا]
5.00/5 (1 صوت)

04-16-2014 10:45 AM
(منقول)

عاجل

السيد مصطفى الأغا

بعد التحية

بناءآ على الجائزة التي تضمنها برنامجك للفائز السوداني من ود مدني
وماتم تداوله سريعا كمقطع فيديو (ساخر/ مضحك /هزلي) عبر وسائل التواصل اجتماعيه
نتمنى أن تأخذ وضعيتك كإعلامي يقظ بديه فطن عندما تتحاور مع المتصلين
ضع في ذاكرتك نقاط مهمه.

1/ اختلاف اللهجات والجنسيات

2/ اختلاف الثقافات

3/ اختلاف الفئات العمرية

4/ اختلاف ردّات الفعل وقد يكون هذا هو الذي أثر فيك جيدا عندما لم تلاقي ردود فعل مبتهجة!



لك الأحقية في ذلك

ولكن ليس لك الحق في الاستهتار بالفائز الكريم وجعله أضحوكة بين ضيوفك بطريقه واضحة جدا


من الجيد أن تعلم بأن وقت عرض

برنامجك متأخر جدا (12pm) بتوقيت السودان ومن الطبيعي بأنه وقت النوم

اﻷب الذي تجاوب معك في البداية ذكر لك اسمه وحدثك بكل لطافه بأن ابنه المشترك في المسابقة وليس هو

فمن الطبيعي جدا بأن يكون ابن ال 16 على مقاعد الدراسة

ومن الطبيعي بأن يكون نائما في وقت اتصالك لذلك تجاوب معك والده.

ولكنك أبيت الا أن تستفزه وتثير حماقته

باستهجانك على أسمائهم (وكأنهم بلهاء)

فأبى هو بطبيعة الحال أن يظهر لك مشاعره تعمدا.

زد علما بأن الشعب السوداني إذا أردت استفزازه فأنت تحفر قبرين

أحدهما لك!!


حتى لا تخسر محبيك من أرض السودان

نحن نتمنى أن تعتذر عن قلة التقدير التي صدرت منك للمتصل السوداني

وبخاصة فعلتك بتمزيقك لورقة رقم هاتفه عنوة وتعمدا ورميها في الأرض




الجالية السودانية بدولة بالإمارات العربية المتحدة
الجالية السودانية بالمملكه العربيه السعوديه

[رانيا]

ردود على رانيا
United States [موجووووووووعة] 04-17-2014 04:04 PM
يا اغا يا مغفل ولدنا دة ما محتاج لجائزتك دة بيمتلك مليون ميل مربع زائد دة ود العز و المهلة انت شينو يا فلسطينى يا متشرد امشى اقدر على اليهود الطاردنك من بلدك مش تقدر على السودانى دة ود الازرق العاتى و ولد الابيض الهادى انت شنو يا شريد يا ما عندك حتى وطن حتى جنسية ما عندك و طبعا طول الليل مساهر لانه ما عندك بيت تلجأ ليه يا اغأأأأأأأأأأأأأأأأأأأأأأأأأأأ يا ساكن المخيمات.


#974665 [mmm]
0.00/5 (0 صوت)

04-16-2014 09:37 AM
عفارم عليكم يا شباب ادوهو في المليان
عشان يعرف مع منو بيتعامل الاهطل دا

[mmm]

#974538 [ابراهيم]
0.00/5 (0 صوت)

04-16-2014 06:15 AM
الجائزة مش مليون دولار الجائزة دي بيقسموها على 7 اشخاص يعني كل شخص بيحصل
170.000 دولار

[ابراهيم]

#974517 [ةةة]
0.00/5 (0 صوت)

04-16-2014 04:09 AM
فضحتنا والله العظيم المقطع نزل في اليوتيوب وكان المركز الاول في المقاطع الشائعة
ووصلت المشاهدات حوالي مليون و 800 الف مشاهد


انا لمن كنسلت طلعاتي مع اصحابي لانهم حا يقعدو يتريقو -_-

[ةةة]

#974432 [kandimr]
5.00/5 (9 صوت)

04-16-2014 12:16 AM
..مبروك..نأمل أن توفر مظلة عمل للأخرين(بعد أنتصار الانتفاضة) واللآن عليك. بنصيحة صديقنا (ساب البلد) غالية ..يستوجب تثمينها..خاصة والسودان إقتصاده مبنى على الجباية وبظلم وتلاحقك حتى لو أبتعدت عن الوطن..وعائد الإستثمار العقارى بالسودان ضعيف ..وضرائبه عالية ومجحفة..وكذلك عدم الأمان فى السودان والجائزة..قد.. تشكل أستهداف..بأختصارالاغتراب و الهجرة (هدف) للفقير والغنى..ففى بلادى يستوى المارق والقديس..ولا تنسوا أستخراج مبلغ للسلاح والذخيرة..زكاة وطهرا للوطن من الجباة..الشمولين ..والطائفين..ليتوفر الأمان ومظلة العمل والإستثمار الحلال..فى الوطن..نجن رفاق الشهداء..الصابرون نحن..

[kandimr]

#974400 [بت قضيم]
0.00/5 (0 صوت)

04-15-2014 11:26 PM
توقع اول مسئول حكومي سيكون وزير الاستثمار الطفل المعجزة

[بت قضيم]

#974385 [أمين حسين]
0.00/5 (0 صوت)

04-15-2014 11:02 PM
في سؤال لفضيله الشيخ صالح الفوزان حول المسابقات التلفزيونيه التي تعتمد على الحظ

مثل مسابقات mbc ((مسابقه الاحلام)) بحيث يكون للمشترك فرصه للفوز بجائزه كبيره

بمجرد ارسال رساله نصيه sms ... وحول جواز هذا النوع من المسابقات او حرمته

اجاب فضيلته قائلا:

الحمد لله و الصلاه و السلام على رسول الله اما بعد .

فما ذكرت من ان هذه المسابقات تدعوا الى ارسال رساله نصيه ثم يكون هناك فرصه

للمشترك بالفوز بجائزه كبيره بحيث يكون العامل الوحيد لنجاح الفرد هو ‘‘ الحظ ‘‘

فهذا حرام بأجماع علماء المسلمين لأن ذلك من الميسر .

قال تعالى :

(( انما الخمر والميسر والأنصاب والأزلام رجس من عمل الشيطان ))

فلا يجوز الاشتراك في هذا النوع من المسابقات

[أمين حسين]

#974209 [ساب البلد]
5.00/5 (1 صوت)

04-15-2014 06:57 PM
******** يا اخوي خلي يحولوا قروشك اي بلد تانية امشي انت و اهلك و استثمر قروشك هناك و عيش ملك ***** و الله لو جاءتك في السودان ناس الطفل المعجرة ما يخلوا ليك فيها التكتح **** و اني لك من الناصحين ********

[ساب البلد]

ردود على ساب البلد
United States [waleed] 04-15-2014 11:40 PM
نصيحتك ناصحة


#974176 [ابوحسن]
0.00/5 (0 صوت)

04-15-2014 06:25 PM
الف الف الف مبررررررررووك وما تنساء تسوي مسجد في قريتكم

[ابوحسن]

#974051 [مواطنx]
5.00/5 (3 صوت)

04-15-2014 04:21 PM
مصطفى الأغا لو كان عاش اسبوع واحد فقط،واشتغل لمدة أسبوع واحد بس شغل الراجل،كان ما اتريق تريقته السخيفة الأستعلائية دي،مفتكر الناس كلها عايشه تحت تكييفات سبلت وعربات فارهة وتنظيم للوقت،وسهر ودلع ودنيا،غبي بصراحة ده حالتو مشى السودان وشاف المعيشه كيف صعبة هناك.

وألف مبرووووووووووك للشاب وأبوه ألف مبروك ربنا يبارك ليهم فيها.

[مواطنx]

#974001 [هجو نصر]
5.00/5 (2 صوت)

04-15-2014 03:18 PM
مبرووووك والبقولوا عليك غبي اليقولوا ! ناس انشتاين ديل بقوا في كل حتة وعاملين زحمة وكركبة شديدة والاغا عايز يخفف دمه اكل عيش بس دمه تقيل . مبروك يا ولد وربنا يزيد

[هجو نصر]

#973966 [سودانيه]
5.00/5 (4 صوت)

04-15-2014 02:37 PM
مبروك لكن انا زعلتا من سخريه الاغا واستهزاءه من كل السودانين في شخصك وشخص ابوك انصح اصحاب الضغط والسكري بعدم مشاهده فديو الاتصال لانه مستفز للغايه

[سودانيه]

ردود على سودانيه
European Union [ابو صديق] 04-15-2014 04:17 PM
انا شفته الحلقة دي بالمناسبة... ومصطفي الاغا بالرغم من انو لطخ الا انو ما استفزا السودانيين ولا حاجه لكن انفعل انفعال طبيعي ضد ثقالة دم الاب والابن..فبطلو العقد .


#973948 [طلق النار]
5.00/5 (3 صوت)

04-15-2014 02:17 PM
برغم من ان مصطفى الاغا مستفز ومراوغ فى الحوار القمعى مع الود وابوه
من المفترض انو اعلامى كبير كان عليه ان لا يتحاور مع البسطاء بهذه الطريقه
الساخره؟؟
لكن اللوم علينا ياجماعه
فهل يعقل ان يستغرق الشاب الفائز اكثر من دقيقتين ليذكر اسمه الصحيح ؟؟
وكل ما يهم هو ( كيفية استلام المبلغ) القرووووووووش كيف ؟؟ ادعو الله صادقا ان لا يتم عمل لقاء مع الفائز من قبل قناة MBC فسنحتاج لوقت طويل حتى ينسى الناس الفيديو وتخف التريقة والاستهزاء بالسودانين وفعلا نحن شعب نايم ((الله ينتقم منكم ياكيزان دا مشروعكم الحضارى ودا الجيل القادم ))

[طلق النار]

#973873 [خال فاطنة]
5.00/5 (2 صوت)

04-15-2014 01:08 PM
الاغا انسان مثقف ورجل واثق عن مايقوم ,فهو ليس بمستفذ كما يري بعد الجهلاء او انصام المتعلمين ,وانما طريقة حديثةlike that=عموما جائزة مباركة عليك=وربنا يحفظك من الحاسدين الذين ظهرا حقدهم وتعليقاتهم الان.

[خال فاطنة]

#973868 [ود الحاج]
5.00/5 (1 صوت)

04-15-2014 01:05 PM
ربنا اديك خيرا يارب

[ود الحاج]

#973831 [أب قرن]
5.00/5 (2 صوت)

04-15-2014 12:28 PM
اللهم أكفنا بحلالك عن حرامك واغننا بفضلك عن من سواك

[أب قرن]

#973815 [احمد]
2.00/5 (3 صوت)

04-15-2014 12:17 PM
هو ده انت رفعت ضغطنا ياخى انت وابوك فضحتونا فضيحه

[احمد]

#973774 [الحالم]
5.00/5 (1 صوت)

04-15-2014 11:50 AM
مصطفى الاغا لسان حاله يقول يعطي الحلق للمالو اذن وكان يتعمد السخرية

[الحالم]

#973771 [ودالماحي]
5.00/5 (1 صوت)

04-15-2014 11:49 AM
فعلا محظوظ لكن دا ما قمار عديييييييييييييييييييييييييييييييييييييييييييييييل
غايتو ما يقوم ينطو ليه ناس الحكومة يقولو ليه كسب غير مشروح
تصادر الأموال لخزينة الدولة!!!!!!!!!!!!!!!!!!!!!!!!!!!11

[ودالماحي]

#973770 [سوداني]
5.00/5 (1 صوت)

04-15-2014 11:48 AM
هذه من ا لأمثلة التي تتجلى فيها قدرة الله عز وجل في أن يسوق الأرزاق لمن يشاء وبغير حساب وكلمة بغير حساب ان ذلك لا يتأتى بالتدبير الآدمي والتفكير و الشطارة والرزق يحتاج خفية ( مثل مصري ) وكذلك هذه بمثابة آية من آيات الله أن الله يفعل ما يريد وكذلك آية ليعلم بها الإنسان بأن الجنة والنار كذلك ليستا حكراً على الأعمال ففي بعضها تتدخل المشيئة الربانية . الحمد لله رب العالمين على نعمائه والصلاة والسلام على رسول الله ( ص )

[سوداني]

#973737 [ahmed]
5.00/5 (1 صوت)

04-15-2014 11:21 AM
اللة يعلم انى غضبت اكثر من فرح عمر .للطريقة التى دار فيها حوار الاقى (المستبد وكانهو الوحيد الذى ينطق بالعربية )وكانهو يقول لضيوفه اضحكو على هذا الشعب.وبالامس حاولت اتصل على حسين خوجلى ليعيد كرامة عمر ووالده من ذلك المتعجرف

[ahmed]

ردود على ahmed
United States [عطوى] 04-15-2014 06:13 PM
الحق انو مصطفى الاغا استحمل الناس ديل كيف انا مش عارف ؟؟ ديل اتقل دم ياخ ديل يمرضو السلحفاة ناس باردين ...
والف مليون مبرووووووووك بس والله فضحتونا بثقالتكم والراجل انا بعتبرو رووحوووو سلبة اتقول شاحتكم ..

[البعاتي] 04-15-2014 04:17 PM
حسين خوجلي حتة واحدة !!!
والله انت بطل (او ممكن تضيف الف بعد الباء)
هوالبعيد كرامتنا من برميل خوجلي منو في الاول ؟؟
قلت لي اتصلت على منو !!!

United States [nasr] 04-15-2014 03:48 PM
حسين خوجلى سيرد للسودانيين كرامتهم ؟؟؟؟سبحان الله ومن الذى أهدر كرامة السودانيين سوى حسين خوجلى والكيزان الانذال.............

European Union [ناصحة] 04-15-2014 02:12 PM
أتمنى ان تكون اتصلت به فعلا ليرد للسودانيين كرامتهم إعلاميا


#973660 [حليم محتار]
5.00/5 (2 صوت)

04-15-2014 10:21 AM
الف مبروك للفائز.. بس المزيع فاشل ومستفز جدا..والله نفسي اعز علي من المليار دولار بتاعتك دي
عايزو يجن يعني شنو مليون دولار في النهايه ورق..

[حليم محتار]

#973632 [محسن ابوحراز]
5.00/5 (1 صوت)

04-15-2014 10:02 AM
اعمل حسابك من ناس المؤتمر الوثني لو لموا فيها بلحسوها

[محسن ابوحراز]

#973623 [mmm]
5.00/5 (1 صوت)

04-15-2014 09:59 AM
يجب ان نتصدى في كل المحافل لمثل هذه الاهانات
العرب واقصد المصريين والشوام يترصدون الفرص للاستهزاء بنا

كونو يقظين في التعامل معهم نحن شعب بسيط يتعامل بعفوية...

هذا الاغا سوف اترصدهو في اي جحر كان فيهي.....

[mmm]

ردود على mmm
European Union [مواطنx] 04-15-2014 09:57 PM
غبي وتافه مصطفى كنت بحترمه بس تريقته مافي ليها داعي تكون قدام الكاميرا وقدام الملايين،وأصلا ما شغله يتفاعل معاه ولا ما يتفاعل معاه،ناس بسيطة جدا وعايشه في ود مدني،الأب مكرووف شغل ليل نهار،والولد الصورة أبلغ،نايمين مامستوعبين هل هم بحلموا ولا دي حقيقة ولا خيال ولا ديل ناس بتكذب علينا،واضح جدا انهم كانوا مامستوعبين الصدمة خلتهم ما عارفين حتى يعبروا،والأبله زعلان وبتريق عشان ما اتفاعلوا معاه،بصراحة اعلامي حقير خليه يجرب العيشة مكانهم وساعتها يورينا هل حكون فارق معاه يكورك زي المجانين ولا يصمت متعجب،ولا خليه يمشي سوريا بلده ويبقى رجل يحاول يعيش هناك،اعلام عربي مستفز للأنسانية،نتوقع منو شنو؟

والمزعلني بجد زعل السودانيين "فضحنا،و..والخ"أمبارح اتشاكلت مع اخوي الصغير بسبب الموضوع ده ههههه،أهم شي يا شباب الشال الجائزة سودااااااااااااااااااااااااااااااني وألف مبروك،والحساد شوام مصاريه غيرو يموتوا بغيظهم..ألف مبروك

United States [رانيا] 04-15-2014 04:13 PM
صدقت وإستهزاؤه كان واضح وحسه لو كان الرابح سعودي ولا إماراتي ولا مصري كان يجرؤ يتكلم كده ؟؟! والغريب في الأمر في ناس بيلوموا الفائز وأبوه وأنا ماعارفة بيلوموه على شنو ؟؟ كلامه محترم ومافيه شئ ... أنا حأكتب لمصطفي الآغا في صفحة إم بي سي عشان أوريه إستهجاني للوقف
وإنتوا كمان أكتبوا في صفحة الإم بي سي تعليقاتكم عشان ما يتخفف تاني الآغا معانا ويستخف بينا .

United States [ABOALKALAM] 04-15-2014 02:05 PM
يااخي المصريين والشوام دخلهم شنوا

ولدكم براهو عبيط نعمل ليهو شنوا


#973573 [gasoma]
5.00/5 (1 صوت)

04-15-2014 09:33 AM
مليون مبروك واهم حاجة والديك ربنا رزقك لتبرهم وتحسن اليهم ولكل ارحامك وربنا يبارك لك ويكفيك فتنة النعم وراقب الله في هذه النعمة

[gasoma]

#973547 [ود جده]
5.00/5 (3 صوت)

04-15-2014 09:15 AM
اسمع انا محتاج لي شوية قريشات كده سلفة ودين وبرجعهم ليك لما ربنا يفرجا اكييييد
قلت شنو ؟؟؟

[ود جده]

#973534 [ابومحمد / دبى]
5.00/5 (1 صوت)

04-15-2014 09:05 AM
الف مبروك ،، ونسال الله ان يكون فى اطار الكسب الحلال لان المساله فيها شبهة،، فقيمة المكالمة المدفوعة تندرج فى اطار التكسب غير الشرعى ( القمار) للقناة ،، فلو ان المكالمة مجانية كان يكون المساله خالية من اى شبهة...
على العموم على ابننا عمر واهله ان يستفتوا اهل العلم قبل القدوم على الاستفاده من هذه الفلوس حتى يتقنوا من مشروعيتها،،

[ابومحمد / دبى]

#973525 [أبوأسامة المهاجر]
3.50/5 (3 صوت)

04-15-2014 09:00 AM
أولاً أنا أعتبر هذا المال حكمه حكم الميسر فهو حرام شرعاً لأنها عبارة عن يانصيب يدفع الناس الملايين للقناة عبر قيمة الإتصال العالية ويذهب جزء من المبلغ إلى الفائزين بالإضافة إلى أموال الإعلانات التي تذهب للقناة.

ثانياً هذا الأغا غبي فلو إسترجعنا طريقة المخضرم جورج قرداحي في برنامج من سيربح المليون لأدركنا غباء الأغا فلقد كان قرداحي يعرف نفسه جيداً ويكرر ذلك حتى يستوعب الشخص الآخر أن المتصل هو جورج قرداحي وأنه على الهواء مباشرة

ثالثاً أن الأغا لخبط الولد وأبيه في ذكر الأسماء.

رابعاً أن الولد صاحي من نوم عميق ولايمكنه أن يجمع بسهولة حتى يصحصح شوية

خامساً موعد الإتصال غير مناسب تماما.

[أبوأسامة المهاجر]

ردود على أبوأسامة المهاجر
United States [رانيا] 04-15-2014 04:22 PM
يا سلام عليك يا أخي كلامك عجبني لمن إتكيفت منه وياريت ناسنا يفهموا الحاصل بدل ما يلوموا الأب لأنه الآغا هو الماعنده سرعة بديهة وأراد أن تكون مادة للسخرية وقد كان .. وأي واحد رسل لي الفديو (واتس آب) بداعي الضحك أديته في التنك لأنه ما ممكن نروج لشئ يقلل من قيمتنا بعدين وين المضحك ؟! يا أخ أبوأسامة شعبنا بقى ما بيفرّق بين البيحترمه والمابحترمه ودي كارثة .

[المنغولي الغبيان.] 04-15-2014 11:22 AM
ماتنسي تدفع إلي علماء السلطان
خمسه ألف دولار،لتفصيل فتوي تحلل لك
الجائزه مبروووووووووووووووووووووووووك.

United States [كركار سم الفار] 04-15-2014 11:03 AM
يا ابواسامة انت خليك مهاجر ومافى حد طلب منك فتوى - احتفظ بفتاويك لنفسك لما تفوز يمكنك الرفض - بصراحة الناس كرهت الدين بسبب الفتاوى المههبة والتى لاعلاقة لها بالدين ولا بالمنطق . ياعالم ياكرور اتركوا الخلق للخالقها .

United States [موردة حضارة] 04-15-2014 10:33 AM
agree with you dear


#973518 [ناصحة]
0.00/5 (0 صوت)

04-15-2014 08:56 AM
أولا ألف مبروك يا ولدي ،،واصل دراستك فالعلم نور ومعرفة ،،،،،وأما المحاور فعليه ألا يمني صغيرنا بالمليون كله فهذا جهل منه وعدم دراية فهو يوزع على الفائزين أيها الصحفي ،،،، هنالك سخرية استفزت مشاعرنا من الأغا كشعب سوداني،،،لكن حقيقة جيلنا يفتقد ثقافة الفوز والدهشة والمفاجآت لأننا شعب لا يعرف سوى الكد و المعاناة والارتزاق من اليمين وعرق الجبين ،،

[ناصحة]

#973506 [أبوديك الديناري]
5.00/5 (2 صوت)

04-15-2014 08:36 AM
لو هو صغير أبوه صغير فضحونا بغبائهما وهبالتهما... عالم طير

[أبوديك الديناري]

ردود على أبوديك الديناري
European Union [ابو صديق] 04-15-2014 04:21 PM
السودان مسكين

United States [نافح الشذى] 04-15-2014 10:43 AM
أبوالديك سلام عليك..إنت بالله هسى من ردودك فرقك شنو من العملوهوا حسب تصورك..إنت من فصيلة الطيور إسمك أبوديك وتعليقك عالم طير..وشايفك رديت برضو فى موضوع حادثة بنت النيل ألأزرق قلت فى زول قرصه....يا أخى راجع نفسك ونفسياتك وأرتقى بردودك...


#973461 [ساب البلد]
5.00/5 (1 صوت)

04-15-2014 07:11 AM
******* الف مبروك للفايز ********* ارجو من الادارة مساعدتي في تنزيل فديو الاغا المستفز ****





http://www.youtube.com/watch?v=8Jg8zccS3LU

[ساب البلد]

ردود على ساب البلد
[منصور محمد صالح محمد صالح] 04-15-2014 05:04 PM
مرحباً يا حبيب ،،،قم بزيارة لليوتيوب وستشاهده هناك ،،لك الف تحية


#973431 []د. على هاشم أسستاذ جامعى]
4.50/5 (5 صوت)

04-15-2014 05:22 AM
هذا (الأغا) مذيع فاشل ،لايملك غير الأدوات الفاسدة ،والسخرية !!
هل رأيتم كيف إستكثر الجائزة (وهى نحو 652 ألف رس) على هذا المواطن
السودانى البسيط ، الذى لا يُجيد (فن الفرحة)،وثقافة الفهلوة القرديَّة كعادة البسطاء
من أهلى الطيبين !يجب أن نهبَ جميعا لإيقاف سيل السخرية التى غمرنا بها هذا (الأغا)، وهو يجهل
أننا شعب ملئ بالعزة والفناعة ،وفوق ذلك (أننَّا أمة ذات حضارة وأخلاق)!
فلتذهب فلوسك إلى الجحيم ،إذا أتتنا مغلفة بكلَّ ماهو قبيح ، أيها المذيع (الأراجوز)...!!!!

[]د. على هاشم أسستاذ جامعى]

#973374 [مهاتير محمد]
0.00/5 (0 صوت)

04-15-2014 02:26 AM
سخر عليه الكثيرون فى اليوتيوب لعدم قدرته على الحوار مع مصطفى الاغا

ولاكن وضح من الحوار انه صغير السن 16 سنه ..الف مبروك ياولدنا

[مهاتير محمد]

#973361 [تينا]
0.00/5 (0 صوت)

04-15-2014 02:00 AM
مليار مبروك يا عمر فعلا لما أخبرك مصطفا الأغا بفوزك كنت بتتكلم ببرود شديد وما أظهرت فرحك واستغرب مصطفى الأغا من برودك وانا كمان استغربت أتاريك كنت نايم ... ربنا يهنيك بهم ويعطيك خيرهم ويكفيك شرهم واعمل حسابك من اللبالى بالك ما (((يكاوشوهم منك))) يقولوا صغير ههههههههه ...

[تينا]

#973360 [رانيا]
5.00/5 (2 صوت)

04-15-2014 02:00 AM
الجائزة ما مليون للفرد بل مقسمة على الفائزين كلهم. .

[رانيا]

ردود على رانيا
United States [رانيا] 04-15-2014 07:57 PM
لمن ( الراجل ) يتطاول على ست يبقى (غير محترم) و (بيتشّطّر) ..
إتعودتوا أسكت ليكم لأني (راقية)مع اليستحق والما يستحق بس حبيت (أغير )وأوريكم كلامكم جارح وبايخ كيف لست ..ليه ما إستحملت المعاملة بالمثل يا سيد الرجال ؟!!

United States [ساري الليل] 04-15-2014 06:30 PM
ذوقك عالي وباين من إسلوبك (تعبان) و (أبو النوم)
والله الأولاد أسلوبهم ما كده الله يكون في العون ....

United States [رانيا] 04-15-2014 01:26 PM
ياساهر يا تعبان أنا (أول) من بارك له في تعليق سابق في موضوع سابق أنا ما منتظره اليعلمني الذوق .

المغترب الأبدي إنت أبو النوم ! وخليك على كده

United States [العوض] 04-15-2014 01:02 PM
خمسة مليون

United States [ساري الليل] 04-15-2014 10:00 AM
أولا من المفترض أن تباركي ليه بالفوز ومافي حد غالطك إنو المليون موزع للفائزين
وبرضو لو إتحول للجنيه السوداني حيكون أكثر من مليار. التقول طالعة من جيبك !!!!!

[المتغرب الأبدي] 04-15-2014 08:48 AM
بل هي مليون دولار كاملة لهذا الشاب ..



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة