الأخبار
أخبار إقليمية
قرار جمهوري بتنظيم الأنشطة الحزبية..ديمقراطية أرعى بقيدك ..كل خطوة بأمر سلطات حزب البشير.
قرار جمهوري بتنظيم الأنشطة الحزبية..ديمقراطية أرعى بقيدك ..كل خطوة بأمر سلطات حزب البشير.
قرار جمهوري بتنظيم الأنشطة الحزبية..ديمقراطية أرعى بقيدك ..كل خطوة بأمر سلطات حزب البشير.


تحت شعار أنا ربكم الأعلى ما أريكم إلا ما أرى
04-15-2014 12:02 AM

الخرطوم (سونا) اصدر المشير عمر البشير رئيس الجمهورية قرارا جمهوريا رقم 158 لسنة 2014م بتنظيم الأنشطة الحزبية وذلك عملا بأحكام المادة 58 (1) من دستور جمهورية السودان الانتقالي لسنة 2005 .
وفيما يلي تورد (سونا) نص القرار الجمهوري
قرار جمهوري رقم 158 لسنة 2014 م بتنظيم الأنشطة الحزبية
رئيس الجمهورية
عملا بأحكام المادة 58 (1) من دستور جمهورية السودان الانتقالي لسنة 2005م
اصدر القرار الآتي نصه :-


اسم القرار وبدء العمل به
1/ يسمى هذا القرار , قرار جمهوري رقم 158 لسنة 2014 بتنظيم الأنشطة الحزبية ويعمل به من تاريخ التوقيع عليه .
المبادئ العامة
2/ عند تطبيق هذا القرار الجمهوري تراعى المبادئ الآتية :-
أ/ إن حرية التنظيمات والأحزاب السياسية في اقامة الأنشطة السياسية والفكرية حق مكفول ويمارس وفقا لأحكام الدستور والقانون.
ب/ معاملة الأحزاب السياسية على قدم المساواة وبحياد تام وبما يضمن تكافؤ الفرص بينها .
ج/ احترام القانون والمحافظة على الأمن والسلامة والطمأنينة العامة واجب على الكافة .
د/ عدم قيام أي حزب سياسي بأي عمل من شأنه تأجيج الصراعات واثارة الفتن والدعوة للكراهية والتحريض على استخدام العنف أو دعم الجهات التي تحارب الدولة أو إحداث التوتر بين الطوائف الدينية أو العرقية أو الإثنية المختلفة .
هـ/ يجب أن ينحصر النقد الذي توجهه الأحزاب السياسية في سياق الحراك السياسي على السياسات والبرامج الحالية والمستقبلية على لا يمس ذلك الجوانب الشخصية لقيادات الأحزاب أو رموزها بأي حال من الأحوال.
و/ تمارس الأحزاب السياسية أنشطتها حسب شروط تأسيسها كما جاء في قانون الأحزاب السياسية لسنة 2007 المادة (14) .
الموافقة على الاجتماعات العامة والندوات واللقاءات .
3- (1) لا يكون لأي من الأحزاب السياسية الحق في عقد اجتماعات عامة وندوات ولقاءات داخل دُورها أو مقارها دون الحصول على موافقة مسبقة من السلطة المختصة .
2/ يكون للأحزاب السياسية الحق في عقد وتنظيم الندوات واللقاءات الجماهيرية في الميادين والأماكن العامة .
3/ على الرغم من أحكام البند (2) يجب الحصول على الموافقة من السلطة المختصة قبل وقت كاف لا يقل عن 48 ساعة لأغراض التأمين والحماية وتنظيم حركة المرور .
4/ يجب أن يقدم الطلب بواسطة رئيس الحزب السياسي أو من يفوضه ممهورا بتوقيع وخاتم الحزب مبينا فيه النشاط وزمانه ومكانه .
5/ تتحمل الأحزاب السياسية مسئولية نشاطاتها وما ينجم عنها من اضرار على الأفراد أو ممتلكاتهم أو الممتلكات والمنشآت العامة .

ضوابط استخدام الملصقات والمطبوعات :

4/ مع مراعاة القوانين ذات الصلة والمنظمة لذلك يجوز لأي حزب سياسي استخدام الملصقات واللافتات والمطبوعات وفق الضوابط الآتية :-
1/ عدم وضع الملصقات أو المطبوعات واللافتات المكتوبة على الأماكن الخاصة التي يملكها الاشخاص أو الشركات أو الجمعيات دون موافقة اصحاب هذه الاماكن.
2/ الاهتمام بنظافة البيئة وعدم اللصق العشوائي.
3/ ازالة كافة الملصقات الحزبية خلال مدة لا تتجاوز الاسبوعين من وضعها .
4/ عدم الاعتداء المادي على مظاهر الانشطة السياسية عن طريق الملصقات أو المطبوعات المسموح بها سواء كان الاعتداء بالشطب أو التمزيق أو التشويه أو الازالة أو غير ذلك .
5/ يمنع استعمال الشعارات الحكومية في الإعلانات أو الملصقات أو المطبوعات في سائر انواع الكتابة والرسوم والصور .
6/ يجب أن لا تتضمن الملصقات والمطبوعات أو الصور اي تحريض ضد اي حزب سياسي على اساس الجنس أو الدين أو الطائفة أو المهنة أو اي اثارة للنعرات التي تمس وحدة الشعب السوداني .
7/ يجب أن تحمل جميع النشرات والملصقات والمطبوعات اسم وعنوان مصدرها.
8/ عدم وضع الملصقات والمطبوعات في الأماكن الأمنية والعسكرية والعربات الحكومية.

استخدام وسائل الإعلام

5/ (1) يحق للحزب السياسي استخدام الوسائل الإعلامية المختلفة في مناشطه السياسية .
2/ مع مراعاة احكام البند (1) تكون ضوابط العمل السياسى في الإعلام على النحو الآتي :-
أ / يجب الا يتضمن الخطاب الإعلامي للاحزاب السياسية اي تحريض أو اساءة على اساس الجنس أو الدين أو المهنة أو الاعاقة أو اثارة النعرات القبلية التي تمس وحدة البلاد وتماسك نسيجها الاجتماعي.
ب/ يجب على وسائل الإعلام الرسمية والخاصة أن تلتزم موقف الحياد التام في تغطية المناشط السياسية والفكرية للأحزاب كافة .
ج/ لا يجوز لأي مؤسسة اعلامية رسمية القيام بأي نشاط حزبى أو دعائي يمكن أن يفسر بأنه يدعم حزبا سياسيا على حساب الأحزاب الأخرى .
د/ يجب على وسائل الإعلام الرسمية اتاحة فرص متكافئة ومناسبة لكافة الأحزاب السياسية .
هـ / يجب الالتزام بالقوانين واللوائح والاوامر التي تنظم استعمال التقنيات والرسائل الالكترونية .

المواكب السلمية

يكون لأي حزب سياسي الحق في تسيير المواكب السلمية.
2/ على الرغم من احكام البند 1 يجب الحصول على الموافقة من السلطة المختصة قبل وقت كاف لا يقل عن 48 ساعة لأغراض التأمين والحماية وتنظيم حركة المرور على أن يتضمن طلب الحصول على الموافقة هدف الموكب السلمي وزمنه وخط السير .
3/ يجب أن يقدم الطلب بواسطة رئيس الحزب السياسي أو من يفوضه ممهورا بتوقيعه وخاتم الحزب مبينا فيه النشاط وزمانه ومكانه .
4/ تلتزم الأحزاب السياسية بعدم التعرض للممتلكات العامة أو الخاصة أو الاساءة أو التجريح لأي جهة أو ما يؤدي الى الانفلات الأمني.
5/ تتحمل الأحزاب السياسية مسئولية نشاطاتها وما ينجم عنها من اضرار على الأفراد أو ممتلكاتهم أو الممتلكات والمنشآت العامة .
التزامات الأجهزة التنفيذية
7/ على الاجهزة التنفيذية ذات الصلة تنفيذ واجباتها وفقا لاختصاصاتها وسلطاتها الممنوحة لها بموجب القوانين واللوائح.

مكبرات الصوت

8/ (1) لا يجوز للأحزاب السياسية استعمال مكبرات الصوت قبل شروق الشمس وبعد منتصف الليل .
2/ لا يجوز استخدام مكبرات الصوت أو اقامة الأنشطة بالقرب من دور العبادة والمستشفيات او الاسواق .

سلطات الولايات

9/ (1) دون الاخلال بالمبادئ الواردة في هذا القرار الجمهوري يجوز لأي ولاية اصدار ما ينظم النشاط السياسي في حدود الولاية المعنية.
2/ تكون لجنة من امن الولاية برئاسة الوالي هي الجهة محل الاختصاص في متابعة هذا النشاط.
3/ تكون الشرطة هي الجهة التي تشرف على تنفيذ هذه اللوائح.

المشير عمر حسن أحمد البشير
رئيس الجمهورية


تعليقات 67 | إهداء 0 | زيارات 11837

صفحة 1 من 212>
التعليقات
#974482 [سوداني ممكون و زهجاااااااان و قرفاااااااان]
5.00/5 (1 صوت)

04-16-2014 02:27 AM
لو انتم فعلا" رجال وطنيين,إحفظوا ما تبقًي من ماء وجهكم وإنسحبوا من الحوار .

هذا القرار الكاسح للحريات يجب أن يكون ذريعة و سببا" وجيها بل وكافي جدا" للإنسحاب لعدم جدًية الحكومة لإبداء أي نوايا طيبة(كما يزعم المؤتمر الاوطني) وهذه فرصتكم الذهبية يا ناس المعارضة لتنسحبوا من الحوار وتقوية موقفكم الهزلي!!!!!!

[سوداني ممكون و زهجاااااااان و قرفاااااااان]

#974435 [Quickly]
5.00/5 (1 صوت)

04-16-2014 12:23 AM
بشبش
وصل مرحلة وبقى زي فرعون الذي قال اناربكم الاعلى
بس المحيرنا الناس اللسه المخدوعة دي مااقتنعت ومااتعلمت الدرس من 25سنة لف ودوران وسلفكة
قال وثبة قال
هاك الوثبة دي ههههه

[Quickly]

#974409 [منشى]
0.00/5 (0 صوت)

04-15-2014 11:36 PM
اياكم من الفخ ثم الحذار الحذار من البند 2هـ/ و البند 3 (1) من الماده (14) . ديل بيرجعوا الحاله زى ما هى و الوضع فى محلو و زى ما حصل حاجه .

[منشى]

#974343 [الــســيــف الــبــتــــــار]
0.00/5 (0 صوت)

04-15-2014 09:47 PM
الدستور الانتقالى لعام 2005م ير مفعل اصلا وبعد انفصال الجنوب من المفترض اعادة النظر فيه و بموجب مسودة يشارك فيها ممثلين للاحزاب و النظام و خبراء فى القانون الدولى و الاقتصاد ؟
والكل يذكر الهيلامانه و الضجه التى صاحبت اعلان النظام و مناشدة المعارضة بالجلوس لوضع دستور وليس مسودة ليتم تبيضها و اجراء استفتاء عليها مما ادا الى رفض المعارضة المشاركه فيه وباءت كل المحاولات بالفشل وتجمع السلفيه و النكفيرين ومطاريد الوثنى بتكوين جماعة الدستور الاسلامى ؟
عليه كل القرارات الجمهورية والدستور الانتقالى تتطابق فى المحتوى مقرونة بما ورد فى القانون الجنائى ؟
لا الحوار هو الحل لمشكل الوطن و لا الحريات المرهونه بقيود وبموجب القانون تكون مقيده و لا جدوى من تصريحات البعير فى اللقاء المشؤوم بقاعة الصداقه مبشرا الاحزاب بالحريه المقننه و لا يمنح التصديق الا بعد عناء و دراسة وتحديد نوعية الحطاب و المواضيع بعينها ولا يحق للمتجدث ان يتجاوزها والا يكون عرضه للغقاب و الحساب ؟
اين الحريات و الحقوق التى تضمنها الدستور الانتقالى غير المفعل ولا امل باصدار دستور فى ظل هذا النظام يكون معبرا عن رغبات الشعب والمعارضة والله المستعان .

[الــســيــف الــبــتــــــار]

#974289 [د.أحمد]
0.00/5 (0 صوت)

04-15-2014 08:35 PM
قرار ظالم للأحزاب المعارضة،قرار مستبد،قرار تمويهي،قرار ليس به جديد،قرار من شأنه أن يجعل الأمور أكثر تعقيدا.

السودان ذاهب لمفترق طرق وبسرعة البرق،اما سيسلك طريق ثورة شعبية،أو انقلاب عسكري مسرحي،أو انقلاب عسكري حقيقي،وفي كلا الحالات فليستعد الشعب لمواجهة التبعيات والأعراض المصاحبة لأي مسلك سيسلكه السودان.

[د.أحمد]

#974270 [ذاكرالدبن]
5.00/5 (1 صوت)

04-15-2014 08:06 PM
دا أول الوثبة ... خموا وصروا ....... عشان تصدقوا الحكومة ولا عمر البشير تانى؟ نرجوا أن يفهموا الحزبيين عمر البشير سايقهم لوين عاملين زى غنم إبليس ؟؟؟؟؟

[ذاكرالدبن]

#974212 [مخلص احمد]
4.50/5 (2 صوت)

04-15-2014 06:58 PM
ارجو ان لايودى ذلك للفوضى
علينا ان نستفيد من الدروس السابقة علينا
اخشي ان يحدث ما حدث فى الماضى
المشكلة ان المئتمر الوطنى يقوم بهذا بعد ان فكك وشتت الاجزاب وصارت الاحزاب مقسمة الى مية حزب
وهم حزبهم بالكثير 2 ,,, ارجو من الاحزاب المقسمة ان ترجع الى صوابها وان تتحد وخاصة الامة والاتحادى

[مخلص احمد]

#974210 [عارف]
5.00/5 (2 صوت)

04-15-2014 06:57 PM
ردود على [mohamed]
حسب القرار الجمهوري أعلاه فإن حق التجمع مشروط بالموافقة المسبقة من السلطات والسلطة المعنية هنا هي لجنة الامن التي يرأسها الوالي او المعتمد بالنسبة للمحليات وهم ينتمون لحزب منافس وذو سلطة . أما في القانون البريطاني فإليك ما جاء فيه (بي ضبانتو )من موقع منتديات إستار تايمز :
يعطي القانون البريطاني للمواطنين حق التظاهر السلمي وحق الأفراد في التجمع والتعبير عن أنفسهم بحرية, ويحظر علي الحكومة أو أي هيئة تابعة لها مثل الشرطة التدخل في هذا الحق, وإذا حدث أي تدخل من جانب الحكومة أو الشرطة فمن حق المتظاهر اللجوء إلي القضاء واتخاذ الإجراءات القانونية ضدهم.
أجاز القانون البريطاني في الفقرة 4 من المادة (13) لرئيس الشرطة إذا ما رأى أن هناك من الظروف الخاصة في أي مقاطعة أو جزء منها، أو عدم توافر قوات كافية لتأمين التجمعات ومنع الإضرار بالنظام العام أن يقوم برفع طلب إلى مجلس المقاطعة بإلغاء انعقاد أية تجمعات وذلك لمدة لا تتجاوز 3 أشهر، وللمجلس بعد موافقة وزير الدولة إصدار أمرا إما بوضع شروط لعقد التجمع، أو إدخال تعديلات عليه باستثناء التجمعات التي من المفترض أن يتم انعقادها بمدينة لندن أو في الــ Metropolitan Police District.
حيث أن لمفوض شرطة مدينة لندن أو مفوض شرطة العاصمة بعد موافقة وزير الدولة الحق في اتخاذ قرار بمنع انعقاد أية تجمعات لا تتجاوز 3 شهور إذا ما رأى أن هناك من الظروف ما يجعل انعقاد أي تجمع في أي مقاطعة أو جزء منها خطراً على النظام، والأمــــن العام. إلا أنه أعطي في مقابل ذلك لمنظمي التجمعات المتضررين من تلك الترتيبات الحق في الطعن عليها أمام المحكمة العليا.
كما نصت المادة (14) على أنه يحق لضابط الشرطة (السينور) بهدف الحفاظ على النظام والأمن
العـام، وكبح الفوضى التدخل بإجراء تعديلات علي خطة التجمع وبرنامجه من خلال تحديد موعد أقصى لانتهائه، وحد أقصى للمشاركين فيه انعقاد التجمع، كما يحق له التدخل بإجراء تعديلات على خطة التجمع أو إلغائه إذا كان من شأنه أن يفضي إلى إجبار الآخرين علي القيام بفعل لهم الحق في عدم القيام به أو العكس.
وتعد بريطانيا صاحبة تاريخ طويل في الخروج في تظاهرات سلمية والتعبير السلمي عن الآراء أو المطالبة بتغيير القوانين التي يرونها ضد مصالحهم, ولكن أقر البرلمان البريطاني في السنوات الأخيرة بعض القوانين التي تقيد حق التظاهر وتعطي صلاحيات أكبر للشرطة وذلك وفق قانون مكافحة الجريمة المنظمة لعام2005 ومكافحة الإرهاب لعام2006, وذلك بعد انتشار الجريمة المنظمة والإرهاب بطريقة تشكل خطرا علي الأمن القومي للبلاد, حيث أعطى القانون الإنجليزي الشرطة في حالة خرق القيود المفروضة على التجمع وحدوث انتهاكات جماعية من قبل المشاركين في التجمعات الحق في فضها، وتفتيش أي شخص يشتبه في ضلوعه في القيام بأي أعمال إجرامية أو عدائية تهدد الأمن والنظام العام والقبض عليه، كما أعطى لقوات الشرطة الحق في اتباع تكتيك الـkittling أي تطويق المتظاهرين المشاغبين واحتجازهم، معطياً للمنظمات غير الحكومية ومنظمات المجتمع المدني المعنية بحقوق الإنسان كذلك الحق في مراقــبة سلوك وتصرف المشاركين في التجمعات لتحديد من قام بالخرق والانتهاك وما إذا ما قامت به الأجهزة الأمنية قد مثل تعسفاً من عدمه.كما فرض علي المتظاهرين قيودا شديدة في مناطق معينة للتواجد أو التظاهر بها مثل القواعد العسكرية أو المحطات النووية وداوننج ستريت, مقر رئاسة الوزراء في بريطانيا, وقصر ويست منيستر والذي يضم مبني البرلمان البريطاني وغيرها من المناطق الحيوية والتي تشكل خطرا علي الأمن القومي.

[عارف]

#974208 [ياسر عبد الوهاب]
4.75/5 (3 صوت)

04-15-2014 06:56 PM
علي العين والراس يا ريسنا...يا متيسهم ويمجرسهم كلهم لي حدهم...
بس سوعال واحد

هل يسري هذا القرار علي حزب المؤتمر الوطني ؟؟؟؟؟
الشعبي؟؟؟ مثلا
اللهم اجعل سوعالي خفيف عليهم
ودممتم في حفظ الله..
بركاتك يا كاروري

[ياسر عبد الوهاب]

#974203 [عزالدين الشريف]
4.25/5 (3 صوت)

04-15-2014 06:50 PM
حقا، لقد اصبح الرجل يحدث بلسان "انا ربكم الاعلى" ... اي جنون هذا؟ هل يستحق شعب السودان مثل هذا السخف؟ اننا صناع اكتوبر وصناع ابريل والثالثة ستكنسهم بلا شك ... لقد تناسوا مراسنا وقوة بأسنا ... على شعب السودان وقواه الحية ان تستعد لمعركتها الحاسمة ...

[عزالدين الشريف]

#974116 [ود الشيخ]
5.00/5 (5 صوت)

04-15-2014 05:30 PM
/ تكون لجنة من امن الولاية برئاسة الوالي هي الجهة محل الاختصاص في متابعة هذا النشاط.
3/ تكون الشرطة هي الجهة التي تشرف على تنفيذ هذه اللوائح
.......
طيب يابشة فى قرارك دا المؤتمر الوطنى ماموقعه من الإعراب؟
هل المؤتمر الوطنى يعامل زى الأحزاب الأخرى؟
إذا كانت الإجابة نعم..
بناءا على الفقرة المقتبسة من القرار أعلاه..
نسأل ..أليس الولاة والمعتمدون رِؤساء حزب المؤتمر الوطنى فى مناطقهم؟
طيب ياسيادة الرئيس ورئيس المؤتمر الوطنى ..أين حياد السلطات هنا؟
مع العلم أن الولاة رؤساء مباشرين للشرطة فى الولايات وتأتمر بأوامرهم..
{الحرية ليست مكرمة أوهبة } حتى تعطوها أو تمنعوها..
وقراركم هذا لايزيد الأمور إلا تعقيدا على ماهى عليه..
{مالكم كيف تحكمون}
كسرة:
السيد الإمام الصادق المهدى ننتظر منك تعليقا على هذا القرار الجمهورى..
{أنصارى محتار جدا}

[ود الشيخ]

#974082 [المنجلك]
5.00/5 (2 صوت)

04-15-2014 05:04 PM
حاميها حراميها ماهو الجديد

نريد حرية مقننة بقوانين مستمدة من العرف والدستور ألسوداني وليس الكيزانى.

[المنجلك]

#974076 [ابوالحسن الشايقي]
5.00/5 (1 صوت)

04-15-2014 04:56 PM
والله العظيم الناس اللي جلسوا في مائدة مستديرة الحوار الوطني والتي اريد لها فضح الخوار الوطني عند الاحزاب المعارضه التي شاركت والتي لم تفهم ماذا عنت الوثبه الوثبه عنت قياس مدي قوة وتصميم القوي المعارضه نحو الخلاص من نظام الانقاذ وبناء علي ذلك اكتشاف نقاط الضعف عندها ومن ثم وضع الجميع تحت عباءة الانقاذ يعني بلغة الاطفال الحندكه يعني ياصادق المهدي ومحمد عثمان الميرغني فكفكة نظام الانقاذ لا تتم هكذا سيظلون يتبعون اسلوب الحندكه واسلوب المديده حرقتني لشق صف المعارضه والوثبه هذه مجرد لعبه مقصود بها تجاوز الانقاذ للضغوط والاستهداف الذي تواجهه من محيطها الاقليمي والدولي عموما كل من يمد للانقاذ طوق النجاه الان وهي تواجه السقوط الحتمي فهو خائن لقضية شعب السودان وليعلم شعب السودان ان الحريه تنتزع ولا يمكن للصوص خانوا شعبهم وجوعوه ان يمنحوا الحريه لاحد والحريه تتطلب تضحيات كبيرة وعلي الشعب ان يفهم ان من شاركوا في هذا الحوار يبحثون عن مصالحهم الشخصيه ولا هم لهم بقضايا شعبهم والحل الاوحد ان ينظم الشعب قواه الحيه لنيل حريته وينتزعها انتزاعا والبشير هذا ومن معه مجرد نمور من ورق وسيختفون بمجرد خروجكم الي الشوارع واصراركم علي النصر باذن الله.

[ابوالحسن الشايقي]

#974062 [جاكوما]
5.00/5 (4 صوت)

04-15-2014 04:34 PM
طيب لو قدمنا طلب لعمل ندوه والسلطة قالت لا .. نعمل شنو يابشبش؟؟؟
الناقص فى القرار دا انو نأجر الصيوان و المكرفونات من حزبكم بس

[جاكوما]

#974033 [مواطنx]
4.75/5 (3 صوت)

04-15-2014 03:59 PM
معظم التعليقات تصب في اتجاه واحد،لا يوجد تباين بين معظم التعليقات،وهو ما يعكس حقيقة جوهر هذا القرار الجمهوري.
في حقيقة الأمر مضمون القرار الجمهوري ليس تنظيم الأنشطة الحزبية عملا بأحكام الدستور!.
بل لنقل مضمون القرار الجمهوري هو "حظر جميع الأنشطة الحزبية داخل دورها وخارج دورها مالم تتم مواقفة ومباركة أجهزة الأمن على أنشطة تلك الأحزاب"!!.

هذه هي القراءة الصحيحة لهذا القرار الجمهوري،للأسف طالبت قوى تحالف المعارضة بألغاء كافة القوانين المخالفة للدستور،وهاهو جواب رئيس الجمهورية "لف ودوران+ولعب عيال بمصطلحات القانون ويقرارات صورية الشكل+حوار مسرحي".

ويا للتزامن العجيب قرار يصدر عقب مناداة للحركات المسلحة للحوار وضمانات تطلق هنا وهناك،و وساطات تشكل هنا وهناك،وتصريحات معادية تطلق بلسان أعوج تهدد تارة وتتوعد تارة أخرى،لا ننسى تصريح الأرعن رئيس البرلمان الفاقد تماما للمسؤولية والذي يؤكد فوضى ومجون القانون في هذه البلاد،كما لا ننسى الأبادات والقصف التي تدور الآن في دارفور وجنوب كردفان والنيل الأزرق،واعتقالات تعسفية ومصادرة صحف،ونزاعات بالأسلحة البيضاء والرصاص بين شباب المؤتمر الوطني داخل ندواتهم واجتماعاتهم،ومهاترات ومزايدات بين آئمة الجوامع،واتهامات بين الساسة،وارتفاع مرعب و واضح لمعدل الجريمة بالخرطوم!،وترويج لمصالحات وعفو عن كبائر،و اتفاقيات أمنية تضرم لحماية الحدود بين دول لا نعلم ماهيتها ولا نعلم حتى ماتنتويه لنا تلك الدول لنجد بالمقابل ازدياد الانتهاكات على الحدود من قبل جماعات مسلحة وتجار بشر ومخدرات،و..و..الخ كل هذه الأمور تتزامن مع هذا القرار الجمهوري الذي من شأنه أن يجعل حوار الوثبة حوار جامع!!!.

هي الفوضى والمسخرة،لن أكون موضوعيا وسأقول حزب المؤتمر الوطني يريد للسودان الفوضى والدمار،الحزب الحاكم ومن يشاركه لا يمتلكون أي احساس بالمسؤولية اتجاه الدولة،وما نحن مقبلين عليه هو بلا شك الفوضى،التي ستطيحهم في نهاية المطاف،ويجب على أن أقول أن مشاركة الشعب اليوم في صنع القرار +ادراك (تحالف قوى المعارضة والجبهة الثورية والجبهة الوطنية العريضة) لحجم المسؤولية الحقيقي،مهم جدا وهو الذي سيخرج السودان بأقل الخسائر من اعصار الفوضى الذي أصبح على مرأى الأعين.

ان ما نشهده اليوم من كل هذه الفوضى وما يسمى بحوار الوثبة،ليس انعكاسا لتمسك وتشبث هؤلاء بالسلطة،بل في حقيقة الأمر هو انعكاس لعدم وصول من يسمون أنفسهم بالنخبة لآلية فعالة تؤمن مخرجا سالما من دون محاسبة لقادة المؤتمر الوطني من المشهد السياسي وضمان استمرار مشاركتهم بوئام في الخطوط الخلفية للمرحلة المقبلة،وبكل تأكيد فوضى التصريحات والأعتقالات ومجون القانون وصدام السلطات "تنفيذية،قضائية،تشريعية" ببعضها هكذا أضف الفوضى التي بداخلها أصلا!،بدأ ينعكس على الأرض وسيزداد مع مرور الأيام،لا أعلم ولكن يخيل لي أننا مقبلون على السيناريو الليبي اذا استمر الوضع يتصاعد ويعقد أكثر فأكثر وبنفس الوتيرة.

[مواطنx]

ردود على مواطنx
European Union [وليد] 04-15-2014 07:41 PM
كلام حقيقي،ودعني أكن أكثر تحديدا وأضيف لك يا مواطنx،جزء كبير مما نشهده اليوم من هذه الفوضى والمهزلة هو انعكاس لعدم الوصول لحل فيما يخص قضية البشير نفسه!،الرجل لا يريد أن يترأس البلاد وفي نفس الوقت يريد الضمانات ويبحث عن تلك الضمانات على الصعيد الداخلي والخارجي،وكذلك في نفس الوقت نجد أن الأنقسام اليوم داخل المؤتمر الوطني ليس انقساما جذريا!،بل انقساما على هذه القضية بالذات البعض يرى أنه آن الآوان لرحيله وليضحي بكذا رأس حتى يضمن بقائه بلا حساب،والآخر رافض تماما لهذا المخرج وهذا السيناريو ويحاولون عبثا اخراج مسرحيات "تحالف اسلاميين،حوار وثبة،وملتقيات،وغيره من المسرحيات" التي تزيد الأمور تعقيدا،وآخرون يودون ضمانات بأن يبقى الجيش على السلطة،والمعارضة رافضة لكل هذه السيناريوهات وتريد أن يقرر الشعب مصيره،هذا هو الوضع اليوم بالسودان ونعم ستزداد الفوضى وأي تدخل دولي في الشأن السوداني اليوم بهذا الضعف وهذه الفوضى من شأنه تمزيق السودان،ومن المعطيات يبدو لي أن المؤتمر الوطني يريد هذا التدخلالدولي أكثر من غيره!


#973977 [albrado]
5.00/5 (2 صوت)

04-15-2014 02:51 PM
قرار جمهوري لم يحمل جديد

كل القوانيين المقيدة للقرار قوانيين بعد الانقاذ

الرجوع للجهات الامنية والوالي وغيره ... مثلها مثل

تصاريح اقامة حفلات الزواج تماما ... يعني ما فضلوا الا يعطوا

المتحدث في الندوة ورقة مكتوبة يقرؤها علي الحضور

يا جماعة الحوار والقرارات وغيرها للصرف المحلي ولوسائل الاعلام

وخلاصة التجارب خلال ربع قرت اكدت مافي مخرج للسودان وللشعب السوداني

الا باقتلاع الاخوان المسلمين ومحو اثارهم ومخلفاتهم وعلي الشعب السوداني

دفع قيمة هذه الفاتورة مهما كانت القيمة .... والطريق واضح وضوح الشمس

في كبد السماء

دعم الجبهات الثورية بالرجال والعتاد ماديا ومعنويا والاعتصامات

والعصيان المدني والا كل واحد يفتش بلد

[albrado]

#973924 [منحنى النيل]
5.00/5 (2 صوت)

04-15-2014 02:00 PM
القرار الجمهورى عاليه بيذكرنى بمقولة واحد مستهبل بقول لواحد جعان شديد
الاكل قدامك العيشه السالمه ماتكسرا والمكسوره ماتاكل منها واكل لامن تشبع
لو بتتذكرو قبل كم يوم واحد من ناس المؤتمر الوطنى صرح رداّ على قوى المعارضه التىتطالب بالحريات اولا
قبل الحوار(ياسلام عليكم نديكم الحريه عشان تسقطوا حجرنا)

[منحنى النيل]

#973923 [سيف الله عمر فرح]
5.00/5 (2 صوت)

04-15-2014 02:00 PM
ليه عايزين يحصروا النقد فى السياسات والبرامج الحالية والمستقبلية فقط ؟ ، ومسح الماضى بإستيكة المشير عمر حسن البشير ؟ .

هل عشرات الآلآف الماتوا فى دارفور ماتوا فطايس ؟ . ناس مجدى محجوب ورفاقه ، وشهداء كجبار وبورتسودان ، وجامعات السودان ماتوا فطايس ؟ .. هل من الدين أن نركل القصاص خلفنا ؟ .

ليه عايزين يحرموا الحديث عن جرائم وفظائع ارتكبت فى الماضى القريب ، سواء كانت فى الأنفس أو فى الممتلكات بقرارات جمهورية ؟ .

السودانيون عايزين يتحرروا من ظلم وفساد نظام قائم بطرق سلمية !، ومش عايزين يقننوا ويشرعوا ظلمه وفساده بقرارات جمهورية .. الظاهر الرئيس البشير ومستشاريه مش عارفين مشكلة السودان التى جعلت بعض الناس يحملون السلاح ضد الدولة شنو ؟ !!! ، وقيل أن معرفة المشكلة هى نص الحل .

يا ريس حاول أن تجرد حزب الجبهة القومية الاسلامية ( بأسمائها المختلفة ) التى باسمها انقلبت على نظام ديمقراطى من جميع آليات التمكين التى وهبتها لهم خلال 25 سنة ، وساوى وأعدل بينهم وبين الأحزاب السياسية الأخرى .. لو فعلت شيئآ كهذا ثق أنك ستكون حبيب الشعب رغم ما فعلته بالشعب السودانى .

[سيف الله عمر فرح]

#973872 [منذر]
5.00/5 (2 صوت)

04-15-2014 01:08 PM
فهمووونا ياناس ,,,دى من ضمن الحريات ولا ايه القصة,,,,بشة ده ماوقعليهو معنى الحرية ولا شنو,,,,عشنا وشوفنا العجائب

[منذر]

#973838 [خليك رايق]
5.00/5 (2 صوت)

04-15-2014 12:34 PM
أخذ الإذن من مين ؟
طبعاً الحكومة.
ومن هي الحكومة؟

إنها حكومة المؤتمر أو إن شئت قل حكومة الإخوان المسلمين .

أليست هي أيضاً حزب كبقية الأحزاب الأخري؟
نعم ... ولماذا أخذ الإذن منها؟

هنا يختل الميزان فالحكومة حكومة حزب لذلك من المفترض تكوين حكومة قومية أو إنتقالية تشارك فيها كل الأحزاب وتفكيك حكومة الحزب الواحد الحالية التي تعطي علي كيفها وتمنع علي كيفها, ثم بعد ذلك تأخذ الأحزاب كلها من دون تمييز الإذن من الحكومة القومية أو الإنقالية.

[خليك رايق]

#973828 [radona]
5.00/5 (2 صوت)

04-15-2014 12:26 PM
العبرة ليست في القانون والدستور وصياغتهما
العبرة في السلطات التقديرية التي لدى بعض الاشخاص المنوط بهم تطبيق القانون
ياتي ذلك تحت ظل اعتراف النظام الحاكم بتطبيقه سياسة التمكين بامعان شديد والتي ابدى رغبته التخلى عنها ولكن ذلك لا يعني ان المتمكنون مازالوا يتمترسون يرصدون كل شاردة وواردة بحيث اذا تحدث اي حزب عن الفساد مثلا يمكن ان يتم تقدير ذلك ضمن اثارة الكراهية وكيف انفصل جنوب وماذا كانت التداعيات وما كانت المآلات التي تشهد البلاد الانهيار الاقتصادي نتيجتها ولماذا لم تصرف عائدان البترول منذ 1999م حتى 2011م واين ذهبت هذه الاموال وكيف يتم محاربة الفساد وكيفية استرداد الاموال العامة من الفاسدين وكيف دمرت السكة حديد وسودانير وسودان لاين ومشروع الجزيرة لذلك نطلب تفسيرا عن ماهو متاح وغير متاح

[radona]

#973788 [حيدر الضو]
5.00/5 (2 صوت)

04-15-2014 11:58 AM
اصلاً ما في احزاب دي مجموعات ناس حاير بيها الدليل عاوزين الشباب يعملوا حزب جديد له مبادي واخلاق

[حيدر الضو]

#973781 [حية الوادي]
5.00/5 (1 صوت)

04-15-2014 11:54 AM
3/ على الرغم من أحكام البند (2) يجب الحصول على الموافقة من السلطة المختصة......
2/ على الرغم من احكام البند 1 يجب الحصول على الموافقة من السلطة المختصة.......
هل استخدام عبارة (على الرغم...)بهذا الأسلوب صحيح أفيدونا يا أيها النحاة؟

[حية الوادي]

#973758 [شبتاكا]
5.00/5 (3 صوت)

04-15-2014 11:42 AM
ونحن ناس حزب السودانيين ومن ما شيخنا عمل شغلة رئيس وحبيس ونحن عارفين نسوقكم كيف ..... وبديناها من بيوت الاشباح ووريناكم الويل وسهر الليل والراسو قوى بنسكنه المقابر.....والخدمه المدنيه والعسكريه نضفنها بكشوفات الاحاله للصالح العام ونسوناها كما وكيفا وغيرنا لكم مناهج التعليم وشغلنا الذرارى بصيحات الموضه ووسائل الكيف....والمرافيد فتحنا لهم اسواق السمسره وكترنا لهم الطواقى والعراريق والسراويل الصينيه وجرايد بالصوره والقلم وخلبناهم يسمسرو من الابره وحتى اسبيرات الادميين المشلحيين و كترنا لكم من فضائيات الهشك بشك و غنيوات ناس طرطور وزرزور والرضيه بت الشريف وبطلنا زراعة القطن والعيش لكن اتعهدنا زراعة الخوف وفكينا فيكم الجن الراكب حمار وموتر وعجله او اللافى بكراعين وخلينا عاليها واطيها واى واطى نضفناهو وبقيناهو مسعول ....يعنى صراحة كده بيقتو قزاز....وهسع عملنا لكم الوثبه وعزمناكم للمائدة المدوره عملا بنصيحة شيخنا كارتر ونحن قوى اجماع حاقديكم وجبهتهم الثوريه ما بتخوفنا لكن صراحة القاطع قليبنا السيسى المصرى والمدعوم من الخليجيين وده شلع لينا ناسنا المصريين وحرمهم من التمكين واصلو رغم جبهته المحكوكه طلع ماسورة وفشل خطط عمنا نافع وابو عيون دفاعيه ويستفزنا كل يوم بموضوع انو حلايب بقت مصريه ونحن شكيناهو لناس الامن وصهينا منو حتى سوق حلايب الامدرمانيه فكيناهو وشلعاناهو بخطة دفاعيه لانو وزيرنا المرشوش دوام عيونو تعبت من البحلقة الجويه..........المهم حاقدنكم ابو يلبو عزومتنا وعاملين فيها مضوكرين وعلى الطلاق طلاق يودر حريماتى التلاته ما فى ود مقنعه يقدر يقلع مننا السلطه لانكم اى هزه قزازكم ده بتكسر وتانى ما بيتلمه وزمان بن على قبل ما يفهم قال نفس الكلام ووليد القذافى مده اصابعه وردد نفس النغيم وود صالح اليمنى قال القطر فاتكم وعمنا حسنى قال يا انا يا الطوفان ......لكن ديل كلهم ما زينا ونحن صحى سكرانيين بنشوة السلطة لكننا رساليين ما خليناها تخمر شدىد....وتصبحون على خير

[شبتاكا]

#973742 [الكاهلى]
5.00/5 (2 صوت)

04-15-2014 11:25 AM
يتزامن هذا القرار مع وعود للجيش والشرطة برفع المرتبات وتمليك المنازل
وتحريض وتجهيز للجنجويد يعنى بالواضح البشير والترابى ... فى سروال واحد والعتبانى
ممثل بارع وسيعود تحت مسمى اشواق الاسلاميين والامة وحزب الفتة سيصبح من احزاب الفكة
وكانك يا عبيد ماغزيت ... حاكم البلا

[الكاهلى]

#973738 [عشم باكر]
5.00/5 (2 صوت)

04-15-2014 11:22 AM
وبرضو تقول لي وثبة وموتمر حوار

[عشم باكر]

#973716 [الحرية لنا ولسوانا]
5.00/5 (2 صوت)

04-15-2014 11:06 AM
عندى سؤال محدد هل الصادق والميرغنى موافقين على المرمطة دى؟؟ حتى اجتماع داخل دارك الا تاخذ اذن .. زمان قبل الوثبة الاحزاب كانت تقيم ندوات داخل دورها ..الان بعد دخول الترابى الا تستاذن بعد شوية يقولوا ليكم ما تفتحوا دور الاحزاب الا بعد اخذ اذن من الترابى ..مرة اخرى الصادق والميرغنى داخلين فى اللعبة مع الترابى ولا عندكم راى

[الحرية لنا ولسوانا]

#973704 [صديق الشيخ حمد النيل]
5.00/5 (1 صوت)

04-15-2014 10:57 AM
كان ما كان فى قديم الزمان شراب لذيذ ومنعش إسمه (حريه)

[صديق الشيخ حمد النيل]

#973687 [mohmed abdalla]
5.00/5 (2 صوت)

04-15-2014 10:43 AM
دع الامور كما كانت سيدى الرئيس ولا داع للاحراج . الوضع الان افضل

[mohmed abdalla]

#973684 [فاروق بشير]
5.00/5 (2 صوت)

04-15-2014 10:41 AM
الكارثة ان القانون يناقض الدستور.
والمدهش الغريب ان نصوص الدستور المشرقة التى تبيح الحريات هي ما تمسك به جون قرنق, فرضا على البشير.
لذا حذرنا مرارا من المساس بهذا الدستور العظيم.

[فاروق بشير]

#973678 [mohamed]
5.00/5 (1 صوت)

04-15-2014 10:38 AM
والله القرار دا مافيهو اي عيوب الناس البتقول دا كلام فارغ او كبت للحريات ديل ما بعرفو سياسة راجعو الدستور البريطاني بتلقو الكلام دا منقول منو بي ضبانتو ما تفلقونا بي عدم فهمكم للامور بي منظورا الصحيح ساي

[mohamed]

ردود على mohamed
European Union [ابو الامين] 04-15-2014 04:11 PM
معليش يااخي الدستور البرطاني هو الدستور الوحيد في العالم غير مكتوب من وين جبت المعلومة.

United States [دردوق] 04-15-2014 12:41 PM
ديك بريطانيا .ودا السودان !!! تقول لي بضبانتو عليك الله هسي في

ضبان غير الكيزان ديل


#973677 [usama]
5.00/5 (2 صوت)

04-15-2014 10:37 AM
ومن أخطر السلطات التي يتمتع بها الأمن في ظل القانون الحالي هو أن أفراد الأمن لهم سلطة القبض والاعتقال وهي سلطة بوليسية في الأصل، مما جعل هناك إزدواجاً كبيراً في السلطات، باختصار قانون الأمن مكنه من ممارسة سلطات تفوق الإطار المسموح به للأمن بموجب دستور النظام، أضف إلى ذلك أن أفراد جهاز الأمن لديهم حصانة مطلقة لاتخضع لأي معايير أخلاقية أو قانونية، بما يشكل إنتكاسة كبيرة لمبدأ سيادة حكم القانون ويوسع من دائرة إنتهاكات حقوق الإنسان.

[usama]

#973671 [ودالشريف]
5.00/5 (1 صوت)

04-15-2014 10:30 AM
عجبا لكم يا سارقي السلطة وتبا لكم ولتعلمو ان الحرية تنتزع لا تعطى فهى حق مكفول رغم انف البشير وعصابته انتم لستم اهل حوار ولستم جادين فى حلحلة ما اوصلتم له البلاد واذا حكمتم بين الناس فاحكمو بالقسط فاين انتم من ذلك وملصقاتكم فى كل مكان فى الاماكن العامة والخاصة ودون اذن وانتم تقيمون الندوات وتحتلون المساجد لانكم فوق القانون وتريدون منا ان نلتزم بقانونكم والله ده ياهو قانون قرقوش زاتو لذا على الشرفاء من ابناء بلادى ان لا يصدقو اكذوبة الفاسدين بان هناك حوار لا حوار دون اللغاء كافة القوانين المقيدة للحريات والعفو العام ووقف اطلاق النار فى كل انحاء السودان وادارة الحوار من طرف محائد يتوافق عليه اهل السودان لاننا لا نثق فى هذا الكاذب الفاسد مغتصب السلطة ومن صنع المشكلة لايمكن ان يكون هو الحل احزرو خداع المؤتمر اللاوطنى فانهم تجار دين وفاسدين ولايهتمون للسودان ولا اهله كل مايهمهم البقاء فى السلطة ولو احترق السودان والنضال يحتاج تضحيات ولابد من الحرية والديمقراطية وكنس الكيزان لمزابل التاريخ وان طال السفر

[ودالشريف]

#973633 [habbani]
5.00/5 (2 صوت)

04-15-2014 10:03 AM
ما قلنا ليكم الطيارة فيها بورى قلت لا عشان تانى تهرولوا كلما البشير قال تعال يا جرقاس

[habbani]

#973610 [بت قضيم]
5.00/5 (2 صوت)

04-15-2014 09:53 AM
اقول ليك حاجة يا بشبش بلو واشرب مويتو

[بت قضيم]

#973587 [Abdo]
5.00/5 (3 صوت)

04-15-2014 09:41 AM
(هـ/ يجب أن ينحصر النقد الذي توجهه الأحزاب السياسية في سياق الحراك السياسي على السياسات والبرامج الحالية والمستقبلية على لا يمس ذلك الجوانب الشخصية لقيادات الأحزاب أو رموزها بأي حال من الأحوال)
شفتو كيف ؟ واحد يتعرض لينا فيما سلف من سياسات مافي ،،، عفا الله عما سلف بأيدينا ،،، واحد يتعرض لثراوتنا الشخصية و ما خميناه مافي ،،، ممتاز ،،، فصل و ألبس يا عمر انت و أشياعك ، لكن حق العباد محفوظ عند رب العباد ،،،

[Abdo]

#973574 [الموضوع اكبر من كدة]
5.00/5 (1 صوت)

04-15-2014 09:34 AM
تاكد يا بشة هذة ليست هدية منك او منحة .... هذا تكتيك لاطالة عمر نظام الظلم والهلاك والاغتصاب والتهب والسلب والفساد .و كل الاحزاب شغالة معاكم من زمان الحصل شنو ؟؟؟.. ولكن الصلاة يوم القيامة مابتنفع... الموضوع اكبر من كدة ... انهيار دولة واقتصاد دولة لا تملك موارد... واضطهاد وظلم وطرد للشعب.. ورعاية وحماية المفسدين بالقانون..والحصانة

[الموضوع اكبر من كدة]

#973554 [تجاني مصطفي]
5.00/5 (2 صوت)

04-15-2014 09:18 AM
ما الجديد ... لاشئ المهم انو انكشف ذلك المافون اللعين القذر المدعو الترابي لمن كانوا يظنونه معارضاَ جد .. جد .. اصحوا ياناس ياهوووووه اتحدوا ايها السودانيون تحت حزب جديد عملاق وسطي يستوعب 90% من الشعب السوداني الرافض للمثلث اللعين ( ترابي -- مهدي -- ميرغني ) اصحوا ياناس اصحوا ياعالم فقد فاض الكيل واستفاض الظلم وبلغت الروح الحلقوم

[تجاني مصطفي]

#973553 [السودان]
5.00/5 (1 صوت)

04-15-2014 09:18 AM
نـظـام الـحـكـم التعددي

* بقلم: مصطفي أبوجوخ
* المقدمة

بدأت رحلة حياتي في دولة الكويت ثم انتقلت إلي السودان وانتهي بي المطاف في كندا. خلال هذه الفترة عايشت النظام الديمقراطي والنظام الاميري البرلماني والنظام الديني فوجدت كل هذه الانظمة معتلة وعاجزة عن تحقيق العدالة والحرية والرفاهية والامان فشرعت بعون الله في وضع تصور لنظام حكم حديث يعرف بـ(نظام الحكم التعددي) قادر على تحقيق العدالة والحرية والرفاهية والامان.

* التعريف

نظام الحكم التعددي هو "حكم الجميع الذي يسمح بتطبيق عدة قوانين في ذات المواضيع الخلافية والاماكن الجغرافية وفقاً لانتماءات الاشخاص الطبيعية والمعنوية". ويعتبر نظام الحكم التعددي أكثر عدالة وحرية ومرونة .

* توضيح النظام التعددي

في النظام التعددي يتمتع كل شخص بحرية اختيار احد القوانين المجازة للحكم بها في قضاياه الشخصية، أما الاشخاص العاجزين عن الاختيار فيحاكمون بالقانون الوضعي.
يشترط لاجازة القانون أن يكون عادلا في مجمله ومنطقياً في تفصيله وشاملاً في مواضيعه وقابل للتطبيق.

في حال كان أطراف القضية الخلافية يحملون ذات الهوية القانونية فإنهم يحاكمون بذات قانون هويتهم. أما إذا كانوا مختلفين فإنه يحكم في القضية في محكمة المدعي عليه/عليهم التخصصية وفقاً لقانون المدعي عليه/عليهم إذا كان المدعي عليهم يحملون ذات الهوية القانونية. أما إذا كان المدعي عليهم مختلفين الهوية القانونية فإنه يحكم في القضية في المحكمة المشتركة التي تشمل مجموعة من القضاة ينتمي كل منهم لأحد قوانين المدعي عليهم.



* القيادة الجماعية

تتكون القيادة الجماعية من ثلاث اشخاص أو اكثر في قمة الهيكل الإداري يفضل أن يكون عددهم فردي يتخذون القرار بالأغلبية أو بالقرعة في حال تعادل الاراء.
يفضل نظام الحكم التعددي أستخدام هذا النوع من القيادة في اصدار جميع الاحكام القضائية وإدارة السلطة القضائية والعسكرية والسياسية لأن قرارات القيادة الجماعية أفضل واجود من قرارات القيادة الفردية والزوجية.

* الديمقراطية العلمية

الديمقراطية العلمية هي "الديمقراطية التي تشترط توفر معاير علمية معينة في المرشح والناخب بدلاً عن العمر والاهلية مثل نيل درجة علمية واجتياز امتحان الذكاء ولا تسمح بالاقتراع الا للاشخاص المؤهلين للترشح للمنصب".
يفضل نظام الحكم التعددي أستخدام الديمقراطية العلمية لاختيار قيادة السلطة القضائية والعسكرية والسياسية.

* الهيكل الاداري

(1) هيكل السلطة القضائية و السياسية المحلية


المحكمة التشريعية العليا
(تتكون من قاضي منتخب أو أكثر بالتساوي من كل محكمة تخصصية وتحكم في المسائل التشريعية).


المحاكم التخصصية



البرلمان
(يتكون من اعضاء يمثل كل واحد منهم دائرة جغرافية يتم تحدديها وفقاً للتعداد السكاني وينتخبهم مباشرة الناخبين المؤهلين للتصويت وفقاً لشروط الديمقراطية العلمية).


رؤساء الدولة
(ينتخبهم مباشرة الناخبين المؤهلين للتصويت في الدولة وفقاً لشروط الديمقراطية العلمية).




الوزراء الاتحاديين والولائيين
(يعينهم البرلمان من بين الاشخاص الاكفاء المتقدمين لشغل الوظيفة).


(2) هيكل المحاكم التخصصية


المحكمة العليا
(تحكم هذه المحاكم ومستوياتها في الموضوع و الاستئناف وفق القانون المجاز "-علي سبيل المثال لا الحصر الوضعي، الشيعي، السني، المسيحي، اليهودي ...الخ-)


محكمة الاسئناف
(على سبيل المثال "محكمة الاستئناف الوضعية").


محكمة الموضوع
(على سبيل المثال "محكمة الموضوع الوضعية").



النيابة والشرطة المحاماة وحرس الحماية
(على سبيل المثال "النيابة و الشرطة الوضعية"). (على سبيل المثال "المحاماة و حرس الحماية الوضعي").











(3) هيكل السلطة القضائية والعسكرية العالمية

محكمة الامن الدولية
(تشمل قاضي أو أكثر بالتساوي من كل دولة ينتخبهم مباشرة الناخبين المؤهلين للتصويت في الدولة وفقاً لشروط الديمقراطية العلمية، وتحكم في القضايا الدولية وقضايا الامن وفقاً للقانون الدولي).


قادة الجيش الأممي
(تشمل قائد أو أكثر بالتساوي من كل دولة ينتخبهم مباشرة الناخبين المؤهلين للتصويت في الدولة وفقاً لشروط الديمقراطية العلمية).


الجيش الاممي
(يكون بنسبة مئوية من التعداد السكاني لكل شعب).


* الخاتمة

نظام الحكم التعددي يؤدي إلي العدالة والحرية المنشودة، أما الرفاهية والامان فيتحققان بتوفر أراضي سكنية للجميع ومناطق مشيدة للمعوقين والسجناء على حدا ورواتب لغير العاملين ومجانية القضاء والصحة والتعليم والطاقة والمياه والنقل والاتصالات وتكوين جيش اممي بنسبة مئوية من التعداد السكاني لكل شعب.

إن اريد إلا الاصلاح ما أستطعت ، وما توفيقي الا بالله
واخر دعونا أن الحمد الله رب العالمين.

[السودان]

#973550 [مدحت عروة]
5.00/5 (1 صوت)

04-15-2014 09:16 AM
فى بريطانيا اللى هى اقدم ديمقراطية لا يوجد قانون للاحزاب او الصحافة والاصل فى العمل السياسى والصحفى هو الحرية ولكن هناك قانون وقضاء مستقل هذا القانون لم يضعه حزب او جماعة اتوا بانقلاب عسكرى مسلح ضد حكومة ديمقراطية شرعية مثل انقلاب الحركة الاسلاموية او الانقاذ !!
اصلا انحنا مما تركنا نظام الحكم الديمقراطى البرلمانى التركوه لنا البريطانيين وتابعنا انظمة الحكم العسكرية والشمولية بقينا اقل درجة من الزبالة والوساخة والتخلف والانحدار وفى جميع المجالات واوسخ واقذر هذه الانظمة الشمولية هى نظام الانقاذ او الاسلام السياسى الذى وخلال 25 سنة من الحكم لم يحافظ على وطن متحد مستقر سياسيا يتداول فيه الحكم بصورة سلمية ولا ازدهار اقتصادى او تعليمى او طبى والانكى انه وبعد 25 سنة جيش وامن وشرطة ومليشيات حكومية تقاتل فى مواطنين سودانيين كل جريمتهم انهم يريدون نظام حكم ديمقراطى جديد يكون فيه العدل والمساواة ودولة القانون والمؤسسات وبالتراضى الوطنى هم السائدين ولا تقاتل محتلين او معتدين لاراضى الوطن!
اقسم بالله الذى له ملك السماوات والارض ان نظام الانقاذ او الحركة الاسلاموية عار على الوطن والدين والله على ما اقول شهيد!!!!
اما حكاية ان المعارضة المسلحة انها عنصرية فهذا قول باطل لان المعارضة المسلحة تدرك قبل غيرها ان فى ذلك فنائها ونهايتها!!ما انتو عارفين ان الانقاذ او الحركة الاسلاموية اكذب منهم الله ما خلق!!!!!!!!!!!

[مدحت عروة]

#973513 [abubaker]
5.00/5 (1 صوت)

04-15-2014 08:50 AM
صمت دهرا ونطق كفرا (يعني ياتصريح من عندنا يامافي حاجة )

[abubaker]

#973470 [ابو عبد الله]
4.75/5 (5 صوت)

04-15-2014 07:29 AM
3- (1) لا يكون لأي من الأحزاب السياسية الحق في عقد اجتماعات عامة وندوات ولقاءات داخل دُورها أو مقارها دون الحصول على موافقة مسبقة من السلطة المختصة .
2/ يكون للأحزاب السياسية الحق في عقد وتنظيم الندوات واللقاءات الجماهيرية في الميادين والأماكن العامة .
3/ على الرغم من أحكام البند (2) يجب الحصول على الموافقة من السلطة المختصة قبل وقت كاف لا يقل عن 48 ساعة لأغراض التأمين والحماية وتنظيم حركة المرور

القرار اشتمل على المنع اكثر من الاباحة _ مازالت هذه السلطه تعتقد ان الحرية منه ومنحة يقدموها وقت ما يشاءون ووفق ضوابطهم ومخاوفهم _ ولكن هيهات

[ابو عبد الله]

#973445 [العراب]
4.00/5 (2 صوت)

04-15-2014 06:38 AM
هذه هي اللحظة الثورية التي تكلم عنها لينين...
بس التمن حايكون غالي.،.
اليوم.،.
تبدأ الاعتصامات في الميادين العامة...

[العراب]

#973430 [ممغوص في زمن الهزيمة]
5.00/5 (2 صوت)

04-15-2014 05:22 AM
يعني كيف تكون حرية قبل ما نتفشى نبذ في ناس الحكومة السمان ديل
وبعدين التصريحات دي شكلها بجيبوها من النظام العام

ايييييييين سيفي

[ممغوص في زمن الهزيمة]

#973422 [Mahir]
5.00/5 (3 صوت)

04-15-2014 05:00 AM
قرار جمهوري جديد بتنظيم الأنشطة الحزبية 158 لسنة 2014م

(لا جديد فية غير المزيد من كبت الحريات )...

ب/ معاملة الأحزاب السياسية على قدم المساواة وبحياد تام وبما يضمن تكافؤ الفرص بينها .

( كذب )

د/ عدم قيام أي حزب سياسي بأي عمل من شأنه تأجيج الصراعات واثارة الفتن والدعوة للكراهية والتحريض على استخدام العنف أو دعم الجهات التي تحارب الدولة أو إحداث التوتر بين الطوائف الدينية أو العرقية أو الإثنية المختلفة .

( زريعة حتى يتم القبض على النشطاء السياسيين من ابناء الهامش )..

هـ/ يجب أن ينحصر النقد الذي توجهه الأحزاب السياسية في سياق الحراك السياسي على السياسات والبرامج الحالية والمستقبلية على لا يمس ذلك الجوانب الشخصية لقيادات الأحزاب أو رموزها بأي حال من الأحوال.

( يعني بالله ياجماعة انسو موضوع ال 25 سنة الفاتت دي وعفا الله عما سلف )

لا يكون لأي من الأحزاب السياسية الحق في عقد اجتماعات عامة وندوات ولقاءات داخل دُورها أو مقارها دون الحصول على موافقة مسبقة من السلطة المختصة .

( يعني بي مزاجنا يا نديكم تصريح او ما نديكم)

والباقي كله كلام فارغ وخارم بارم.....

[Mahir]

#973404 [abuali]
4.75/5 (3 صوت)

04-15-2014 04:22 AM
اول حاجة كما يقول القانونيين الدستور ابو القوانين انت جاى يا برعى عشان تنظم الدستور بالقانون يعن قلبتو الهوبة .... بعدين يا برعى ياتو قانون دة الحايكون اعلى من دستورك يا روح امك .... و بعدين انت ما احترمت دستورك دة الضمان شنو تحترم طراشك دة يا شاطر ... انت قايلنا سنة اولى سياسة و لا الترابى الجايب الدكتوراة بتاعتة فى الاوامر الجمهورية اداك الاستشارة المهببة دى و قال ليك اعمل ليك قرار جمهورى مهبب زى دة عشان تاكل بعقلنا جلاوة زى ما بقول اخوانا المصريين القالبين عليك الهوبة اليومين ديل انت و جماعة الاخوان المسلمين و بعد ما حاطت عليكم عايزين تبقوا فيها ديمقراطيين بعد ما نهبتوا البلد و عايزين مخارجات تحت دعاوى البلد فى خطر و اتفاق السودانيين و المشاكل المستعصية كل الاستهبال بتعكم ...انتو عايزين مخارجة لعملتكم السودة طوال ال24 عاما قديمة العب غيرة

[abuali]

#973400 [أبوشيماء]
5.00/5 (1 صوت)

04-15-2014 04:06 AM
بعض السودانيين من المعلقين وغيرهم يعتقدون أن الحرية تعني السماح بالفوضي العارمة والفنجطة والعربدة والنطيط في الشوارع عريانين وتوزيع الاهانات والشتائم يمين وشمال ويا سلااااااااااام حرييييية.

أعقلوا شوية يا أهلنا.. أعتقد قرارات بشة معقولة جداً.. لازم يكون في لوائح وقوانين ومحاذير وهلمجرا وده حاصل في الدنيا كلها.. الحكاية ما حكاية (يلا حرية أمشو أعملو الدايرنو).

مثلاً لازم الحزب الداير يعمل ندوة أو موكب أو مسيرة يبلغ الشرطة عشان تحمي ناس الندوة ديل زاتهم قبل غيرهم.. لو الشرطة ما عارفة بندوتك أو موكبك ده فالناس ح تركب بعض في الشوارع.

وبرضو لازم تبتعد الاحزاب في ندواتها عن الدعوات العنصرية والنعرات القبلية ونشر الكراهية وثقافة العنف وإلأ الحكاية ح تبوظ.. وأنا كمان مبسوط من الفقرة البتقول ان الحزب المعني ح يكون مسؤول عن أي خسائر تحصل للمتلكات الخاصة او العامة عن طريق ناسو، عشان كل حزب يتحمل المسؤولية ويخاطب جماهيره بلغة مناسبة مش يقول يهيجهم بكلام من شاكلة (ضبحوكم وأكلوكم وأمشي شيلو حقكم بيدكم ورجالة في رجالة ووو).

وفي نقطة لم يذكرها البيان وكان مفروض تذكر لأهميتها، وهي إبتعاد كل الاحزاب السياسية عن توجيه النقد للقوات المسلحة وإتهامها بإتهامات تقلل من روحها الحماسية، ودي مافيها لعب أبداً أبداً أبداً، لدرجة أن الرئيس بنفسه أوقف صحيفة الإنتباهة بتاعة خاله الطيب مصطفي لما إتهمت القوات المسلحة بإتهامات عنصرية.. الرئيس ما بيجامل في دي حتي خالو أخو أمو.

والخلاصة هي أنو ده قرار رسمي لتحريك وعد البشير الاخير ببسط الحريات للأحزاب ووسائل الاعلام.. يعني البشير يا جماعة لأول مرة وفي بوعده الشفهي بقرار جمهوري، وبكرة إنشاءالله نشوف التطبيق حيكون كيف، وكل حزب ح يعمل شنو وحيقول شنو في الميادين العامة.

نفسي الناس تعقل وتنظر للأمور نظرة واقعية وتتفاءل شوية.. البشير لم يتكرم علينا بشوية حريات بمزاجو ده غصباً عنو وبسبب ضغوطات شباب الشعب السوداني علي نظامه في مظاهرات كتيرة سابقة.. خلونا ناخد نفس طوييييييل ونأخذ الامور بعقلانية ونقول الحمدلله تعبنا جاب نتيجة وربنا يوعدنا بتحقيق كل طلباتنا وتطلعاتنا - شوية شوية.. ربنا خلق السماوات والارض في سبعة أيام يا شباب فلازم نطول بالنا (شوية).

وأنا بكرر كلامي الكتبتو أمس (أنا ما برتاح لتصريحات المتشائمين الما بشوفو خير في أي حاجة ديل).. الحوار الوطني بدأ وماشي كويس، ودايرين أراء من الشباب عشان يدفعوا الحوار للأمام بدلا من كلمات الاحباط الدائمة من خشمكم دي.. علي سبيل المثال، الأستاذ عثمان ميرغني أمس كتب في جريدة السوداني وقال أن وجهة نظر الحزب الشيوعي في البقاء خارج الحوار الوطني هي حاجة كويسة عشان يضغط الحكومة من الخارج، والحكومة لازم تنفذ مطالب الشيوعي وغيرهم من الرافضين للحوار والمتمثلة في إعلان وقف إطلاق النار من طرف واحد (طرف الحكومة)، وعثمان ميرغني رأئو أنو لو الحكومة أعلنت ده فالشيوعي حيدخل الحوار الوطني وكمان الحركات المسلحة حتنظر للحوار علي أنه جاد وتشارك برضو.. عشان كده أنا بقول للحكومة: أعلنوا وقف إطلاق النار وإبتعدوا عن خطوط التماس مع الحركات المسلحة خطوات للخلف عشان الحوار ده يمشي خطوات للأمام.

تحياتي

[أبوشيماء]

ردود على أبوشيماء
European Union [خالد حسن] 04-15-2014 11:44 PM
ياكوز ماتعمل لينا فيها فهيم
الفنجطه والفوضي عملتوها انتو في الديمقراطية الثالثه كل يوم وبسبب ومن غير سبب طالعين مظاهرات
في زول منعكم؟
هسع لو كنتو في الطرف الاخر كان منظرات الكيزان قوموا الدنيا وماقعدوها ناس علي عثمان في البرلمان البسمعهم كده يقول القبه تحت فكي طلعوا كلها كدايس
شبكونا شريعه ضروري يالكاروري والاسلام هو الحل لاشفنا اسلام ولاشفنا حل
الانقاذ دي تمشي وهي ماشي ان شاءالله تاني مافي حزب ديني بتقوم ليه قومه في البلد دي
علمانيه ولو كره تجار الدين
قوم كاكي ياجداده

European Union [أبوشيماء] 04-15-2014 06:22 PM
@سليمان جابر
المشكلة شنو؟ منطقي جدا انو الاحزاب تأخذ الموافقة من الشرطة.. أنت لو عندك حفلة زواج في البيت الان بتأخذ موافقة من الشرطة.. الحكاية دي لضبط النظام فقط لاغير.

@fato
طبعاً الحرية حق ومافي خلاف علي دي.. لكن أختلف معاك في نقطة انو القانون ينظم الحرية.. صدقني أو لا تصدقني: في ناس ومجموعات في البلد دي منتظرة الحرية عشان حاجة واحدة بس وهي نشر الفوضي.. والقانون لازم يكون ليهم بالمرصاد.

@سيف الله عمر فرح
شكراً علي إحالتي لمقال خالد أبوأحمد وبقرأه الان. لكن أختلف معك في حيادية أمن الولاية وأختلف معاك جداً في تصفيقك غير المنطقي لمالك عقار.. عقار كان ضد مصلحة هذه البلاد وكان يجييش في جيشه الشعبي ويخوف به الخرطوم ويريد أن يبسط سلطته علي جبال النوبة وكردفان كلها بالقوة العسكرية، وكان يتطاول علي الرئيس بمقولته الشهيرة جداً (أنا عندي جيش زيك وعندي قصر زيك).. ده كلام غير مسؤول من والي ولاية تتبع للبلد مش في بلد تانية، ناهيك عن أفعاله في الدمازين التي لا يعرفها غير أهل الدمازين.. وأسألهم بنفسك. وبعدين يا أخي الحكومة كانت واقفة مع مالك عقار وسلمته الحكم في النيل الازرق طوعاً وإحتراماً ورغبة في سلام دائم وعادل وكان مفروض يقدر ده وينفذ طلبات الخرطوم بفض العلاقة مع الجيش الشعبي والحركة الشعبية لتحرير السودان.. مافي حاجة أسمها حركة شعبية لتحرير السودان بعد فصل الجنوب يا أخي الكريم.. هو لو داير الحركة الشعبية كان ينفصل معاهم ويمشي جوبا بعد إنفصال الجنوب.. الحكاية ما رجالة وقوة عين.. لكن مالك عقار أخذته العزة بالإثم وإفتكر أنو أقوي وأرجل من الشعب السوداني كلو، وأنت براك شفت النتيجة أنو القوات المسلحة طردته شر طردة من الولاية.. الأمور لو بالسلام والاحترام أهلاً وسهلاً.. أما لو رجالة وحقارة وقوة عين فالقوات المسلحة موجودة.

United States [سليمان جابر] 04-15-2014 11:52 AM
اصعب شي في هذا القرار لا يسمح للاحزاب بعمل ندوات اواجتماعات داخل دورها الى بعد موافقة السلطات وهذاالقرار انتقاص للاحزاب وقبله تعقد الندوات من غير الرجوع للشرطه

European Union [fato] 04-15-2014 10:31 AM
ياأبو الشيماء أولا الحرية حق من غير إصدار أوامر جمهورية ومجودة فى الدستور الذى جلس على أنفاسه بشيرك هذا كاتما على الشعب حق من حقوقه النى كفلتها الدساتير الدينية والمدنية فى كل الدنيا.ثانيا الشعب السودانى ليست هذه المرة اﻷولى لكى يتذوق حلاوة الحرية فقد كان فى ظل أنظمة تتنفس بالحرية ولم يسلك سلوكا شائنا بمثل ماتقول يننطوا عرايا.هذا عيب عليك هذا القول.ثالثا منحة بشيرك هذه مقيدة للحرية أكثر من عطاءه.لكن أقول لك الحرية تنتزع ولا توهب.

European Union [سيف الله عمر فرح] 04-15-2014 10:25 AM
ابوشيماء ، إما أنت ..... ! أو تفتكر من يختلف معك ........! .
نفس القرارات دى هى الحاكمة طول عمر الانقاذ بعد دستور التوالى . أى حزب لما يسجل رسميآ ، قبل الموافقة بالتسجيل ، بيسمعوا المؤسسين هذه القرارات . لا جديد يا شاطر ، الهيمنة هى الهيمنة نفس الملامح والشبه لحزب اخوان الشيطان .

ابوشيما لا يفوتك مقال الصحفى خالد ابو احمد مخاطبآ الصحفى حسين خوجلى ( لا خطوط حمراء للجيش وللأمن ) ، بعد سياسات التمكين لمدة 25 سنة .

يا ابوشيماء ليه ما عايز تستوعب أن الوالى وأمن الولاية ليسوا محايدين ليعدلوا بين الأحزاب المختلفة بنزاهة . جميع الولاة يمثلون حزب الشيطان ، الوالى الوحيد الذى نجح فى انتخابات ابريل 2010 خارج قفطان حزب الشيطان ، هو مالك عقار ، الرئيس شالو بدون وجه حق دستورى .

يا ابوشيماء ، انت لو فاكر الاعلام الحكومى ( المقروء والمسموع والمشاهد ) محايد ونزيه بين الاحزاب السياسية ويمكن الوثوق فى أمانته !! ، والله العظيم إلا تكون كوز زى دكتور نافع على نافع و .......... ! .

يا ابو شيماء خصوم الانقاذ يطلبون المساواة والعدل بينهم وبين حزب المؤتمر الوطنى ، ولا شىء غير هذا !! ، فلا تظلمهم لأن الله حرم الظلم على عباده .


#973398 [الجاب ضقﻼ يتلولح]
5.00/5 (1 صوت)

04-15-2014 03:45 AM
القرار دا لي منو يا ديك العده
مفروض تكلم كﻼب اﻻمن بتاعك
وناس الشرطه والبوليس والدعم السريع
واﻻسامي اﻻكتر من الناسزاتو
وتقول ليهم عليكم الله يعني لو سمحتم طبقو هذا القرار
انا شخصيا عارف انك ما فارز حاجه واجهزك ما فارزه حاجه
والله معني قرار جمهوري ما فارزا
ميه مره قلنا ليكم الزول ما فاهم حاجه
افهمونا ياخي

[الجاب ضقﻼ يتلولح]

#973396 [ahmedali]
5.00/5 (1 صوت)

04-15-2014 03:41 AM
البشير اقسم بانك اعفن من مرحاض ياقاتل لعنة الله عليك وعلي الترابي اللو..............ي وباقي المخانيث امثال علي عثمان ونافع والطفل الخائب مصطفي وابوريالة والمسطول الزبالة تفه عليكم ياوسخ

[ahmedali]

ردود على ahmedali
European Union [دارفوري] 04-15-2014 10:01 AM
( ما يلفظ من قول الا لدية رقيب عتيد ) صدق الله العظيم


#973390 [Keemo]
4.50/5 (2 صوت)

04-15-2014 03:20 AM
لا اريكم الا ما اري ............. المشير فرعون
بالله عليكم وفي ذمتكم هل نحن نعيش في دولة؟ أنا أسأل هذا السؤال الاستنكاري، لانو، مثلا، الملك حمورابي (1793 - 1750 ق.م) اصدر قانونا في، ذلك الزمان، عرف بـ (شريعة حمورابي) نشر بموجبه العدل في مملكته وصار مرجعا لكثير من القوانين في زماننا هذا. وأكيد ما كانت هناك مدارس ولا جامعات ولا (كليات حربية)!!! ولكن، خلف من بعدهم خلف ......، أضاعوا واعتدوا علي كل شئ حتي علي التراث (متي استعبدتم الناس وقد ولدتهم أماتهم أحرارا).
هذا القرار المسمي، عبطاً، بالجمهوري، ينطبق عليه مثل يتداوله السودانيون كثيرا عندما يستدلون علي شخص يريد أن يجمع بين ضدين في نفس اللحظة. ولكنني لا أذكره حتي لا يتهمني البعض بقلة الادب.

[Keemo]

ردود على Keemo
[Keemo] 04-15-2014 10:10 AM
.......... وقد ولدتهم أمهاتهم أحرارا).
معذرة.


#973386 [moy ako]
4.50/5 (2 صوت)

04-15-2014 03:14 AM
القرار الجمهوري ناقص يا ودهديه مادام لم يفصل اي محلات الصيوانات تخدم الندوات العامه وتلتزم بتقديم المويه البارده والشاي وعلى ان تبلغ الجهات الامنيه قبل 48 ساعه وفقا للقانون (اي قانون؟)

كسره: الحريه لاتمنح ولكن تقتلع.

[moy ako]

#973378 [زنجرابي]
5.00/5 (2 صوت)

04-15-2014 02:35 AM
الان والآن فحسب قد علم كل السودانيون ان الثورة المسلحة هي الحل الأوحد وان لغة الرصاص هي اللغة التي يفهمها و يخشاها ((الانجاس)) واصبح التغيير المسلح ءامر حتمي لا مفر منه فلكل حدث جديث ولكل مقام مقال ففي ربع قرن اختلفت المفاهيم و اختلف البشر واصبح السودان غير السودان والسودانيين غير السودانيين فنحن الان امام مليشيات مسلحة لا تجدي معها التظاهرات والاعتصامات ... فهي بالنسبة لهم فترة اعداد وتدريب لقناصة النظام وحسن ادائها في قنص الشباب العزل بالطلقات التي لا تفرق بين طفل او شاب او شيخ .و الان العمل المسلح هو الاوجب والنصر ات والفجر قريب.

[زنجرابي]

#973366 [حاتم]
5.00/5 (2 صوت)

04-15-2014 02:07 AM
عديل كدا قول ما داير نشاط...الحريه ﻻ تتجزا
كﻻمك تحصين ليكم من مهاجمتكم بدواعي الفساد المستشري هناك رب عادل سيقتص من الظلم الحادث

[حاتم]

#973359 [الوطن العزيز]
5.00/5 (3 صوت)

04-15-2014 01:59 AM
الحكومة ازنقت ارجى الراجيك

[الوطن العزيز]

#973358 [خالد حسن]
5.00/5 (4 صوت)

04-15-2014 01:55 AM
عمر البهيمة انت قايل نحن بنستجدي منك حريتنا ياعسكري عشان تشترط
حريتنا بإذن الله بناخده رغم انفك وانف الكيزان وكل اسلاموي
وحينها سنخلعكم خلع من ارض السودان ياحمار
ابلد مخلوق علي وجه الارض هو هذا البشير لايتعلم ولايتعظ

[خالد حسن]

#973357 [ياسر عبد الوهاب]
4.88/5 (4 صوت)

04-15-2014 01:54 AM
ها ها ها ها ها ها ها إلي ما لا نهايه...

[ياسر عبد الوهاب]

#973356 [أرسطو]
4.57/5 (5 صوت)

04-15-2014 01:54 AM
< يجب الحصول على الموافقة من السلطة المختصة قبل وقت كاف >
مازلنا فى المربع الأول - يعنى الجماعة يحتفظوا لأنفسهم بسلطة السماح أو المنع - طيب ماذا تغير عن الوضع القائم الآن ؟؟؟؟

[أرسطو]

#973339 [Naser]
4.75/5 (4 صوت)

04-15-2014 01:26 AM
ما شاء الله الجديد شنو في القرار دا؟
تصديق و ما حتنالوا.وجملة ممنوعات وقيود يعلم بيها الله.
المشكلة عمرها ما كانت في القانون المكتوب ولا نصوص تلك القوانين.
اشكالنا دائما في التطبيق. فإذا تساوي الناس أمام القانون عرفوا العدالة وإن كانت القوانين سيئة.
العبرة بالتطبيق وغدا لناظره قريب.

[Naser]

#973330 [بت حبوبتها]
5.00/5 (3 صوت)

04-15-2014 01:09 AM
"اقامة الأنشطة السياسية والفكرية حق مكفول ويمارس وفقا لأحكام الدستور والقانون "

أسمع كلامك أصدقك .. أشوف عمايلك أستعجب !!!!

[بت حبوبتها]

#973329 [مواطنx]
5.00/5 (1 صوت)

04-15-2014 01:09 AM
أضيف أيضا ان تم تسيير المواكب السلمية دون مضايقات وعربدة جهاز الأمن،يجب أن تكون من أهم الأوليات الترويج وبقوة لوقف الحرب والأبادة حتى نستطيع صنع السلام الحقيقي،الضغط والوعي الشعبي مهم جدا على الحكومة،بل واجب علينا جميعا سنسأل يوم الحساب،ماذا قدمنا اتجاه اهالينا بجنوب كردفان والنيل الأزرق ودارفور ،والجبهة الثورية كانت واضحة وصريحة جدا في بياناتها الموجهة للشعب السوداني أجمع. هنا يكمن دور الشعب هذا هو سلاحنا الذي يكسر كل قيد أن نوقف الحرب بتكاتفنا جميعا،هذا واجبنا علينا أن نؤديه.

[مواطنx]

ردود على مواطنx
[Elmansoor] 04-15-2014 10:24 AM
عفارم عليك الشعب لازم يكون مهتم بأطراف بلاده قبل مركزها عشان يقدر يحافظ عليها وعلي ساكنيها من الشعب لأزم نهتم ونقيف مع الضحايا ونمنع الحرب وأول مسيرة مفترض تخرج لوقف اطلاق النار واعانة السكان بالغذاء والدواء والمسكن. لا دين في هذا فهي ابسط حقوق الانسانية



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة