الأخبار
منوعات سودانية
خلال مبادرة اطلقها عشاقه في الاسفير... (عودة القيصر)...تفاصيل حفل (استثنائي).!
خلال مبادرة اطلقها عشاقه في الاسفير... (عودة القيصر)...تفاصيل حفل (استثنائي).!
 خلال مبادرة اطلقها عشاقه في الاسفير... (عودة القيصر)...تفاصيل حفل (استثنائي).!


04-15-2014 11:32 PM

قام عدد من معجبي الفنان الشاب معتز صباحي بإطلاق مبادرة كبيرة على المواقع الالكترونية باسم (عودة القيصر) تلك المبادرة التى تهدف الى اعادة الفنان الشاب للمسارح من جديد، والمساهمة في اعادته كذلك للغناء وللصورة القديمة التي احبها جمهوره، هذا وقد تباينت الآراء حول مكان اقامة الحفل الى جانب الدعوات وتفاصيل عديدة، ولعل هذه الخطوة تعتبر من الخطوات التى ينبغي الثناء عليها لاعتبارات عديدة في مقدمتها حرص جمهور ذلك الفنان الشاب على عودته من جديد للتألق ولتقديم المنتوج الغنائي المميز.

السوداني


تعليقات 9 | إهداء 0 | زيارات 3038

التعليقات
#975219 [جدودنا زمان]
0.00/5 (0 صوت)

04-16-2014 05:04 PM
ياخ ده بلوك الغنا لواكة..ويكوجنو كوجين

لما يغني انا بس بتمحن واعاين

والعجب دولاب الطرح اللامي فيهو

كل يوم لافي طرحة شكل

الله يكون في عونا بس

[جدودنا زمان]

#975218 [أبوالكجص]
0.00/5 (0 صوت)

04-16-2014 05:03 PM
عندما تنضب الساحة الفنية من المبدعين يتراءى للسامع الذي يستمع إلى الغناء الموجود بأنه أحلى الكلام وأن المطرب الذي يؤديه هو سلطان زمانه، خاصة إذا أضاف المطرب إلى طريقة الأداء تقليعات هذا الزمن(هذا الجيل مظلوم فهو لم تستمع آذانه سوى لكلمات حرامي القلوب تلّب .. والعيون كاتم صوت .. وشنو المابعرفو داك .. ومؤدين لتلك الكلمات من من لم يره ما سبقهم من الأجيال) كدي يا جماعة شوفو الزول القالو عليهو قيصر دا هل هذا مظهر فنان أم متشعوذ؟ "سِبح ونظارة سوداء يلبسها بالليل وغطاء رأس ما معروف عِمه أم..."

[أبوالكجص]

#975122 [هيثم]
0.00/5 (0 صوت)

04-16-2014 03:28 PM
ياخي ماعندنا شغله بكاظم الساهر يكون قيصر ولا ما يكون ، وما قاعدين نسمعوا ، شوف مذيعات القنوات الفضائيه السودانيه ومذيعات ال اف ام الموهمومات بيستعملوا كريمات التبيض وبيسمعوا كاظم والبقيه ، بس صباحي دا ما ينفع شيال خليك من فنان وكونه يكون عندوا جمور دا ما معناه انه بيعرف يغني دا معناه انه في ازدياد في عدد المنحطين سمعيا

[هيثم]

#974967 [ود الدلنج]
0.00/5 (0 صوت)

04-16-2014 12:42 PM
يا الله يا جماعة ما عندكم موضوع الزول الفي الصورة ده الكل يوم جاي لابس حاجات أغرب من الغرابة ده والله ما بعرف يغني ولا عنده أي علاقة بالغناء ، والله أي مؤدي ومغنية دلوكة أحسن منه بمليون مرة ، لا بعرف يغني ولا حافظ أغنية وفشل عدة مرات في الاستضافات الغنائية مع أمثاله في النيل الأزرق كلهم كانوا يرددون أغنية معروفة هو الوحيد الماقدر يقول في الأغنية كلمتين على بعض. يعني ده ممكن يكون عارض أزياء غريبة ، أو ممكن يكون أي شيء إلى مغني !!!!!

[ود الدلنج]

ردود على ود الدلنج
European Union [عبودي] 04-16-2014 04:15 PM
تعريفك شنو للانحطاط؟ ماهو الانحطاط؟ المنحط هو من يتسبب في اذي غيره بالسلوك اللفظي او المعنوي ، مالك ومعجبي معتز صباحي عبر عن رايك ولا تسب غيرك ، ثم ثانية ماعلاقة الزي بالاذن!!!!!!!!!!! وماذا يغني معتز ؟ وماهي المفردة التي يتغني بها؟ وماهو اللحن؟! هييييييييييييييي بشر غريبي الاطوار


#974770 [عماد]
0.00/5 (0 صوت)

04-16-2014 10:33 AM
قيصر اية القيصر معروف كاظم الساهر ما تبقوا حرامية حتى فى سرقة الاسماء كلو كلو كلو سرقة فى سرقة

[عماد]

#974664 [عبود]
0.00/5 (0 صوت)

04-16-2014 09:36 AM
شاب خلوق وذو صوت شجي وجميل لحن علي كلمات ولا اروع ، لكل فنان زمانه ياليتنا نخرج من عباءة الماضي لا لشيء الا لاقصاء الحاضر كنا وكنا وووووو.شعب محبط ومحبط

[عبود]

#974545 [بركان يغلى من الظلم]
0.00/5 (0 صوت)

04-16-2014 07:22 AM
قيصر شنو والله البلد لو كان فيها امثال الراحلين الرجال العلماء والخبراء فى اللغه وللجنه النصوص واجازة الاصوت بالاذاعه والتلفزيون
امثال محمد صالح فهمى وخوجلى صالحين وعبيد عبد الرحمن وغيرهم من الافذاذ الذين كان لهم الدور العظيم من حسن اختيارهم وتجردهم ان اختاروا اصوات وفنانين قمم على مستوى عالى من الخلق وحسن السيره والعلم والثقافه اللهم
الا ن نسمع قيصر وحرامى تلب والشريف وانا عارفه شرفى وحنه ودخان فى شقه الصافيه وكمان قمصان نوم
شوفوا مصر وبعض الدول اذا سمع ان فنان او اعلامى وجد فى تهمه اخلاقيه يمنع منع بات من الغناء فى جميع القنوات والانديه العامه ويشهر به نحن هنا ناس الشريف وعارفه شرفى وحرامى تلب دقيت لى وما رده وما رده وكمان الان قيصر قيصر شنو يا ابو قيصر معليش قول قصريه

[بركان يغلى من الظلم]

#974531 [abuali]
0.00/5 (0 صوت)

04-16-2014 05:21 AM
هههههههه ياخى دى عالم عجيبة الزول دة ما عندوا اى رصيد كمان عملتوا فيصر و اللة قصرية ما ينفع يا خى قوم لفوا كدة و لا كدة

[abuali]

#974506 [التاج محمد احمد]
0.00/5 (0 صوت)

04-16-2014 03:26 AM
اية قيصر دا كان بغني في حواري جده وراح السودان صار مادح ثم تزحزح الي مؤذن قيصر في زمن الغفله

[التاج محمد احمد]

ردود على التاج محمد احمد
[حواتي] 04-16-2014 06:30 AM
ما مهم غنى وين أخوي التاج .. المهم غنى كيف؟ كويس ولا كعب؟ الواضح إنو غنى كويس بدليل عندو جمهور عريض بطالبو هسة يعود للساحة .. ياخي معتز في تقديري واحد من أفضل الأصوات حالياً في السودان ولو الموضوع عندو علاقة باللقب فياخي المسألة دي طبيعية وما قايمة إلا على الإعجاب .. بعدين ياخي ممكن تكون مؤذن ومادح وفنان وين المشكلة؟ عندك صلاح ابن البادية تشوفو يمدح تقول الزول ده مفروض يكون مداح بس .. يقوم يغني ليك فات الأون أو ليلة السبت تقول بسسسسسس ياهو ده الفنان .. فما جات على صباحي ياخي



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة