الأخبار
بيانات، إعلانات، تصريحات، واجتماعيات
دعوة عامة من مبادرة الحرية اولا .. حملة لا للحرب
دعوة عامة من مبادرة الحرية اولا .. حملة لا للحرب
دعوة عامة من مبادرة الحرية اولا .. حملة لا للحرب


04-18-2014 09:23 AM
نحنا اولاد وبنات السودان اتفقنا انو السلبية ما بتنفع والبلد بتغرق وكلنا في مركب واحدة لوغرقت حتغرق بينا كلنا..
وكمان الشغل الفوق فوق ما بنفع..
قررنا نعمل شغل يصل للناس.
كل الناس..
عملنا مبادرة اسمها الحرية اولا"..
الحرية اولا" قبل اي حاجة..
حرية التعبير..
والتنظيم..
واي حرية تانية..
الكلام ده موجه للناس المنتمين سياسيا.. وغير المنتمين
ده راينا كشباب..
ومساهمتنا ف الماشي ده ..
المبادرة فيها حملات كتييييرة ..
حتبدا بي لا للحرب ..
ودرب من دم ما بيودي ..
وحتستمر في حملات كتيرة جاية ..
الفرق المرة دي انو نحنا دايرين نخلي الهم همنا كلنا ..
انا ..
وانت/ي
سيد الدكان ..
سيد اللبن ..
سيد الخدار ..
الموظفين والعمال ..
السياسيين ..
والمواطنين ..
والناس الواقفة علي الرصيف ..
عشان البلد دي بتستحق احسن من كدة ..
يلا كلنا يد واحدة من أجل الحرية ..

************************************************

المبادرة مفتوحة لكل الناس المؤمنين بي اهدافها..
وانت من محلك ممكن تساهم معانا بي شنو ؟
مساهمتك ممكن تكون
في مكان شغلك ..
في حيك ..
في جامعتك ..
او لو حتي كنت من سودان المهجر ..

************************************************

شركاء المبادرة :

تحالف شباب قوى الإجماع .. شباب حركة حق .. شباب الحزب الديمقراطي الليبرالي .. اللجنة الشبابية لمناهضة السدود .. تجمع روابط شباب وطلاب دارفور .. رابطة شباب وطلاب جبال النوبة .. شباب الدالي والمذموم .. شباب المناصير .. تجمع شباب السودان الحر .. شباب الخرطوم شرق .. شباب شمبات .. شباب الكلاكلة .. وإنت وأنا وشباب الحلة وكلنا يلاكم نكون شركاء في المبادرة ..

أول خطوة حنبدأ بي حملة #لا_للحرب .. لأنو الحرب سلبتنا أعز ما نملك .. شباب زي الورد .. أطفال زي نور الصباح .. نازحين بالآلاف .. مواردنا كلها موجهة للحرب .. ولسة شغالة تطحن فينا وفي أهلنا .. المستفيد من ده منو ؟؟ أكيد مافينا زول مستفيد .. يلا كلنا ضد الحرب .. يلا عشان عيون أطفالنا ما تضوق الهزيمة ..

شاركونا بآرائكم .. وساهموا بنشر الحملة ..

الهاش تاق الخاص بالمبادرة :

#الحرية_أولا #لا_للحرب

صفحة المبادرة على فيسبوك :

https://www.facebook.com/freedom.first2014

قناة المبادرة على يوتيوب :

https://www.youtube.com/user/freedomfirst2014

للتواصل مع المبادرة عبر البريد الإلكتروني :

[email protected]
— with Emad Ghandi and 48 others.


تعليقات 0 | إهداء 0 | زيارات 4032


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية



الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة