الأخبار
أخبار إقليمية
هداف الدوري السوداني من شارع الحرية إلى ظلمة السجون
هداف الدوري السوداني من شارع الحرية إلى ظلمة السجون
هداف الدوري السوداني من شارع الحرية إلى ظلمة السجون


04-19-2014 07:41 AM
الخرطوم - أحمد محمد أحمد


منذ عامين و7 أشهر يعيش معتز كبير، لاعب الهلال وهداف الدوري السوداني لثلاث سنوات متتالية، ومحترف ناديي حتا ورأس الخيمة الإماراتيين السابق، خلف القضبان، حيث يعاني ظلمة السجن والتجاهل والإهمال، بعد أن كان نجماً يشار إليه بالبنان يطارده المعجبين، وتحمله أكتاف المشجعين وتهتف المدرجات باسمه، وترقص طرباً بأهدافه الرأسية التي تميز بها خلال مسيرة حافلة بالعطاء والإنجازات بقمصان أندية مختلفة.

ومن تلك النجومية التي استمرت لسنوات طويلة في الملاعب، بعد اعتزاله عالم كرة القدم، شق طريقه في مجال عمله الخاص وأسس شركة للمقاولات مع بعض الأشخاص، قبل أن تتكالب عليه الديون التي عجز عن الإيفاء بسدادها ليتحول من مدير شركة مقرها شارع الحرية الشهير بقلب الخرطوم ومركز نشاطه التجاري، والذي كان يصول ويجول به وسط مداعبات وطلبات التقاط الصور معه إلى ظلمة السجون، بسبب مطالب تبلغ قيمتها 347 مليون جنيه، ما يعادل 42 ألف دولار فقط، تحت قانون (يبقى إلى حين السداد)، ليكون الشرط الأساسي مقابل إطلاق سراحه تسديد ما عليه من ديون أو إعفاء الدائنين.

وتعود تفاصيل الديون المالية حسب حديثه مع (البيان الرياضي)، إلى إنشائه شركة مقاولات مع اثنين من الشركاء الذين منحهم تفويضاً كاملاً، لكنهما وقعا على شيكات مالية بالنيابة عنه دون سابق علمه، في الوقت الذي عانت فيه الشركة من أوضاع مالية سيئة، وبالتالي تم الخصم من رصيده المالي، ليفاجأ بتلك الديون التي عجز عن سدادها، بالرغم من محاولات بعض المقربين منه مساعدته وحل المشاكل المالية الطفيفة قبل أن يتحول إلى السجن، وحتى هذه اللحظات لا يصدق هداف الدوري السوداني السابق أنه ظل طوال الفترة السابقة داخل السجن لكنه يقول: إنها إرادة الله والبلاء الذي صبرت عليه وسأظل أصبر في انتظار الفرج من عند الله على أيدي أصحاب الخير.

وتعتبر مسيرة معتز كبيرة حافلة بالإنجازات الشخصية، منذ أن كان لاعباً بالدرجة الأولى بمدينة شندي شمال السودان، وهي المحطة التي انتقل منها إلى مريخ بورتسودان الذي قاده للحصول على المركز الثالث في ترتيب الدوري السوداني موسم 1999 في أفضل إنجاز للنادي عبر تاريخه..

إضافة إلى تتويجه بلقب هداف الدوري حينها، ومنه انتقل إلى الهلال ليحصل على لقب الهداف لثلاثة مواسم متتالية 2000 و2001 و2003 وتصل أهدافه إلى 100 هدف في الدوري الممتاز، وفي منتصف عام 2004 انضم إلى نادي حتا الإماراتي على سبيل الإعارة لمدة 10 أشهر شارك خلالها في 21 مباراة وأحرز 22 هدفاً، كما ارتدى قميص نادي رأس الخيمة في يناير 2006 معاراً لمدة 6 أشهر وشارك مع الفريق في 6 مباريات وأحرز 5 أهداف، وسبق لمعتز كبير الفوز بجائز الكرة الذهبية لمجلة الحدث اللبنانية عام 2003 مع مشاركات عدة مع المنتخبات الوطنية.



البيان


تعليقات 23 | إهداء 0 | زيارات 11375

التعليقات
#978285 [مجروس ق ش م]
0.00/5 (0 صوت)

04-20-2014 01:17 AM
بزنس شنو في السودان العاوز ليه مؤهﻻت .ود الجبل والوالي وغيرهم من زوي العمامات الكبيره اتخرجوا من اي جامعة .عشان تكون بتاع بزنس ناجح في السودان ﻻزم تكون حرامي ومرتشي ومؤتمر وطني ويبدو ان معتز كبير ﻻ يمتلك هذه المؤهلات

[مجروس ق ش م]

#978094 [ابووعد]
0.00/5 (0 صوت)

04-19-2014 09:22 PM
فك الله كربته لكن يا جماعة الخير حقو الزول يمد كرعينو قدر لحافو ولو قصر كمان شوية زينا كدا احسن .


الناس الشئ دايرة تطير مرة واحدة كدا .

[ابووعد]

#978035 [عبدالحليم]
0.00/5 (0 صوت)

04-19-2014 08:10 PM
لو كان عربي كان مرقتوللاسف هو من اولاد النوبة

[عبدالحليم]

ردود على عبدالحليم
[بابكر سعد] 04-20-2014 02:25 PM
بطل عنصريه ياجاهل

United States [ابو سامى] 04-20-2014 11:02 AM
قول لو كان كوز السجن ملان بى العرب وهو فى عرب فى السودان تعال السعودية عشان الواحد اعرف نفسو براهو هو عربى ولاعربى حتى ولو من اى دولة اخرى تنبهر بنظرت العروبة


#977957 [nagi]
0.00/5 (0 صوت)

04-19-2014 06:14 PM
اصحاب التعليقات المسيئة فلتقولوا خيرا اوتسكتوا .لاعبو نادي الهلال لها ان شاء الله

[nagi]

#977933 [عبيد الله]
0.00/5 (0 صوت)

04-19-2014 05:20 PM
الجفلن خلهن اقرع الواقفات . انتو يا البره السجون أعملوا حسابكم من الثقة الزائدة ومن البلادة المدوعلة ومن حق الناس الحرام . أصلوا الحرام بيوديك في السقط لقط . تعيش وراء السجون وبعدين يوديك النار . والحلال طيب والحق حق والفضل فضل . نفرض اكلت حق الناس وضيعتوا وسجنوك أي كمية زمن . هل السجن يكفر حق الناس ؟؟؟ ده عليك عليك كان انسجنت مائة سنة برضوا عليك كامل . عشان كدا الموضوع كبير فكر ألف مرة قبل أن تاكل حرام .

[عبيد الله]

#977906 [ابومروه]
0.00/5 (0 صوت)

04-19-2014 04:36 PM
اين اقطاب الكره السودانيه و لاعبيين فرق الهلال و المريخ اين الادارات و وزارة الشباب او حتي ديوان الزكاه لان معتز قدم للكره السودانيه و خاصه نادي الهلال فارحموا معتز لانه كان كبير

[ابومروه]

#977727 [قلام]
0.00/5 (0 صوت)

04-19-2014 01:34 PM
وين اخوه لاعب المريخ مرتضى كبير ما يساعدو

اتذكر ان المريخ سجله من هلال كادوقلي ب 600 مليون جنيه

[قلام]

ردود على قلام
European Union [ابو هنيدة] 04-19-2014 06:00 PM
فرحكم سنوات بالإنتصارات ما قادرين تسددوا ليه مبلغ بسيط زى دا ؟
كلمو أخو البشير من قروش الشعب المسكين يخارجوه من السجن .


#977689 [احمدابوالحيا]
0.00/5 (0 صوت)

04-19-2014 01:02 PM
اتساءل بكل اسف عن الوسط الرياضي والاهله بتلتحديد اعانك الله كابتن مهتز وربما يفك كربتك

[احمدابوالحيا]

#977643 [مواطن]
0.00/5 (0 صوت)

04-19-2014 12:29 PM
أندية القمة هذه ما فيها أي فايدة ، اضرب مثالا بنادي برشلونة هذا النادي العريق يفرض ض مبلغا ماليا على اللعيبة ليعود عائدها لقدامي انظروا إلى هذا التكافل والتراحم للأسف نحن المسلمين ليست لدينا هذه المبادرات ارحموا من في الارض يرحمكم من في السماء ، يا إدارة الهلال تحركوا لانقاذ اللاعب معتز كبير.

[مواطن]

#977635 [صالح سراج]
3.00/5 (1 صوت)

04-19-2014 12:22 PM
القانون هو القانون لا يعرف الكبير ولاالصغير ولا الازرق ولا الاحمر

[صالح سراج]

#977572 [ود النور]
5.00/5 (1 صوت)

04-19-2014 11:27 AM
ابحثوا عن فك كربته لااساءته ارحمو عزيز قوما زل - نتمني من كل الشرفاء فتح حساب للتبرع له

[ود النور]

#977538 [ود أبشر]
0.00/5 (0 صوت)

04-19-2014 10:47 AM
هذا هو السودان....


بلد كل الممكن...
وكل المستحيل...

[ود أبشر]

#977518 [سوداني]
5.00/5 (1 صوت)

04-19-2014 10:28 AM
القانون لا يحمي المغفلين .
المبالغ التي سجن بسببها هي مبالغ اشخاص اخرين وقد يكونون اكثر حوجة لها من معتز كبير وجمعوها بعد ان ذاقوا طعم الدم وياتي معتز كبير ويضيعها بسبب اهماله او جهله . لا كبير على القانون وعليه أن يتحمل ناتج اخطائه وإلا فلا داعي لقانون نحتكم اليه .

[سوداني]

ردود على سوداني
[سالم عبد الله] 04-19-2014 01:37 PM
أيوه أتفق معاك , يعني شنو عشان كان نجم نساعدو . الشغل مسئولية و أغلب بتاعين الدافوري ديل ما مسئولين وزي ما حصد الفلوس زمان خلي يتحمل الحبس الآن . بلد هايصة

زول هلفوت دخل الجيش بقى ضابط نزل تقاعد ما عندو خبرة في العمل المدني كل خبرته يكتل في الناس يصرف قروش مهوووولة ويفتح شركة ويلمو فيهو الجماعة يلهفوه يجي يتباكي وتقولو ساعدوه .
واحد بتاع دافوري ما عندو فهم غير الشليت البخليهو يفتح شركة مقاولات شنو ! و كمان يفوض الجماعة ! خليهو يرجع يلعب تاني وألا هلس بالقروش وبقى راكوبة . الشغل بتاع المدنيين ده لا ناس الجيش و لاناس الدافوري بنفعو فيهو ولابنساعدهم . خلو الهلال يحل مشكلته .


#977513 [فتية لوفر]
4.50/5 (2 صوت)

04-19-2014 10:26 AM
القانون لا يحمي المغفلون.....

[فتية لوفر]

ردود على فتية لوفر
United States [البعشوم] 04-19-2014 12:17 PM
"مغفلين" يا مغفل


#977478 [جركان فاضى]
5.00/5 (2 صوت)

04-19-2014 09:55 AM
نرجو من نادينا العريق ..نادى المريخ فتح باب التبرعات لهذا اللاعب الخلوق...نحن جماهير المريخ نتضامن معه فى محنته

[جركان فاضى]

ردود على جركان فاضى
European Union [فركتو] 04-19-2014 03:38 PM
وانا معك لكن ناس الهلال ديل ما منهم فايدة عاملين زي المؤتمر الوطني

European Union [فركتو] 04-19-2014 03:35 PM
وانا معك

United States [ودالبلد] 04-19-2014 02:37 PM
كبير ايه وعريق ايه؟ الحصحيصا نفر


#977461 [برتقال ابو صرة]
5.00/5 (1 صوت)

04-19-2014 09:45 AM
فاشل فى الكورة
وكمان فى التجارة
وكمان فى المقاولات العامة

[برتقال ابو صرة]

#977434 [حاج ابكر]
5.00/5 (1 صوت)

04-19-2014 09:18 AM
مثلما للكوره مهارات للسوق ايضا مهارات
معتز حريف و و هداف لكن غير مؤهل اداريا للمشروعات التجاريه
انا متاكد معتز فى اقل من شهر حيحل المشكله لكن تبقى المشكله فى المعاونون الادريون الذين يعملون معه لانهم بصراحه كده ديل مواسير

[حاج ابكر]

#977395 [طارق سيد]
5.00/5 (2 صوت)

04-19-2014 08:20 AM
فك الله كربته معتز كان لاعب كبير
لكن المعروف أنو الواحد بعمل بزنس في مجال قريب من تخصصة أو يكون خبير في الادارة عشان يقدر يدير المهندسين في شركة المقاولات بشكل محترف.

[طارق سيد]

ردود على طارق سيد
[علي حامد] 04-19-2014 01:40 PM
يعني مثلا كان مفروض يعمل مكتب تجاري يقعد يضقل فيهو بالكورة و يبيع التضقيلة بي خمسة جنية . ياخ بتاع الكورة وبتاع الجيش بعد يخلو الشغلة دي مافي حل غير يلزمو الجابرة لأنهم أبلد 2 في البزنس .



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة