الأخبار
أخبار إقليمية
نائب البشير : ضمانات كافية لعقار وعرمان للانخراط في وثبة البشير
نائب البشير : ضمانات كافية لعقار وعرمان للانخراط في وثبة البشير



04-19-2014 07:37 PM

الخرطوم - رئيس التحرير
جدَّدت الحكومة دعوتها للحركات المُسلحة للحاق بالحوار الوطني، وأكدت توفير ضمانات كافية، لرئيس الجبهة الثورية، مالك عقار، وأمين عام الحركة الشعبية قطاع الشمال، ياسر عرمان، حال رغبتهما في الانخراط في العملية السلمية.
وقال حسبو محمد عبد الرحمن، نائب رئيس الجمهورية، إن الحكومة تسعى لإقرار سلام عادل عبر الحوار، بإرادة وطنية وسياسية شاملة، باعتباره الوسيلة الأنجع لحل كافة مشاكل السودان، ونوَّه إلى أن المؤتمر الوطني أفلح في نقل ثقل الحوار الوطني إلى الداخل، وانخرط في حيثياته دون ضغوط خارجية، ونوَّه حسبو إلى حرصهم على إشراك كافة القوى السياسية، والحركات المسلحة، ومنظمات المجتمع المدني، والشباب والمرأة والطلاب.
وشدَّد نائب الرئيس، على أن المؤتمر الوطني، جاد في عملية الحوار، وأقبل عليه بقناعة كاملة، برؤيتين أولاهما داخلية لإصلاح الحزب، وأخرى لإصلاح الدولة، وأشار إلى أن الصحافة ينتظرها دور وطني، لإشراك كافة فئات المجتمع في الحوار الوطني، تفادياً لحصره في النخب والقوى السياسية.

اليوم التالي


تعليقات 8 | إهداء 0 | زيارات 2392

التعليقات
#979682 [متابع]
0.00/5 (0 صوت)

04-21-2014 10:09 AM
خلينا نحن عليك الله يا حسبو انتي مصدق كلامك ده؟ عليك الله يا حسبو انت اصلا بتصدق الناس المعاك ديل خلينا نحن؟

[متابع]

#978223 [انصاري]
5.00/5 (2 صوت)

04-20-2014 12:00 AM
الزول دة عبيط .. ولا أصلو كدة .. ما المحكمة حكمت .. تاني شنو الهضربة..!!" السفاح دة قعد يلم ناسوا ديل من ياتو زبالة"..

كدي حل مشكلة أهلك .. وعاين "يتيوب" (الترابي .. ينصح البشير) .. بعدين ,,نشوف عبطك دة..!!؟ يا أبو هبلو..

[انصاري]

#978188 [منشى]
5.00/5 (2 صوت)

04-19-2014 11:15 PM
بالله .. ضمانات قال ... ناس حكمتم عليهم بالاعدام و الآن تحاصرون مداخل كاودا بالصواريخ و ارطال من المعدات العسكريه و تعلنون عن بدأ الصيف الحار و هنا تقولوا ليكم ضمانات عندنا يا قادة الجبهه عشان تجو الخرطوم و تتحاوروا معنا ... و الله انتم اصبحتم حاله غريبه يجب تدراستها فى الشئون البشريه , دى طفره غريبه فى مفهوم التفكير البشرى .

[منشى]

#978127 [nagatabuzaid]
5.00/5 (1 صوت)

04-19-2014 10:14 PM
يا جماعة ادونا عقلنا الجماعة ديل حكمتوا عليهم بالاعدام والحكم انتشر عم البدو والحضر
اها كيف ينخرطوا فى الوثبة البشيرية ده عبط ولا جنون ولا استهبال ؟ ما تحترموا عقولنا احترموا عقولكم انتوا فى بت ام روحكم داهية تخدكم

[nagatabuzaid]

#978114 [الحذر ثم الحذر]
5.00/5 (1 صوت)

04-19-2014 09:51 PM
الحذر ثم الحذر يا استاذ ياسر عرمان والله يكفيك شر هذه العصابة الباغية
لا تأمن لهم فهم ماكرون ولا يريدون لك خيرا
إمضي في نضالك ولا تلتفت الى هؤلاء السفهاء الذين خربوا ودمروا الوطن
ونهبوا كل خيراته بإسم الدين قاتلهم الله أنا يؤفكون.

[الحذر ثم الحذر]

#978110 [أبوعلي]
0.00/5 (0 صوت)

04-19-2014 09:45 PM
توفير ضمانات كافية يا روحي!
هو دي فيها مغالطة؟ فأنتم أهل الصدق والوفاء وصون العهود
مشهود لكم بالطهر والنزاهة واحترام الغير والترفّع عن الأذى
بس ما حددتم فنادق الضيافة لقادة الثوريّة ويفضل أن تكون قرب المقابر

[أبوعلي]

#978109 [AburishA]
3.50/5 (2 صوت)

04-19-2014 09:43 PM
والله كلام.. لعب عيال..
**انتو مش حكمتوا على الجماعة ديل بالاعدام غيابيا!! تاني ضمانات شنو الـ بتتكلم عنها..
** هو اصلا لو بضمانات او بدون ضمانات البصدقكم منو !!

أنا بديك يا حسبو تلاتة اقتراحات...
1) اسقاط حكم الاعدام (المهزلة)على جميع المدانين في تلك المسرحية والعقوبات الاخرى..
2) اعلان الوقف الفوري لاطلاق النار....
3) حضورهم للحوار بصحبة 10% فقط من قوات الجبهة الثورية..بكلاشات بس وهي كافية (تجيب خبركم)..

[AburishA]

#978028 [سقد]
0.00/5 (0 صوت)

04-19-2014 08:04 PM
ده جااىواقع من وين انت محرش على اهلك واصلا لاتسوى شئ وانا ذى الشايفك فى المنطقة انت مكنيكى كلامى ده كان صاح ارجع لشغلتك الشريفة وسيب الدهنسة على حساب دماء الابرياء

[سقد]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية



الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة