الأخبار
أخبار سياسية
15 مليون جنيه فطور أسبوعي لوالي الجزيرة
15 مليون جنيه فطور أسبوعي لوالي الجزيرة
 15 مليون جنيه فطور أسبوعي لوالي الجزيرة


04-19-2014 08:17 PM

مدنى محمد عبد الله
كشف قيادي بأمانة حكومة الجزيرة بأن البروف/ الزبير بشير طه والي ولاية الجزيرة درج منذ توليه الحكم بالولاية في العام 2009م أن يقيم إفطاراً يومي الاثنين والخميس من كل أسبوع بواقع اليوم سبعة مليون ونصف جنيه بمباني الحركة الإسلامية بمدني وظلت أمانة الحكومة تقوم بسداد ذلك المبلغ لمتعهد خدمات الإفطار الذي يحضره عدد كبير من الدستوريين والتنفيذيين والسياسيين وقيادات الخدمة المدنية بالولاية وأن 95% من الذين يحضرون للإفطار في أيام الاثنين والخميس من كل أسبوع لا علاقة لهم بالصيام - إنما كنوع من المجاملة والظهور أمام الوالي وأن صرف ذلك المبلغ هو إهداراً لمال إنسان الجزيرة الذي يعاني من تدهور في مجالات الصحة والتعليم والمياه والخدمات الأساسية.


تعليقات 70 | إهداء 0 | زيارات 14968

صفحة 1 من 212>
التعليقات
#979799 [خالد]
0.00/5 (0 صوت)

04-21-2014 11:18 AM
الزبير بشير طه ما بخاف الله زي باقي الجماعة ياكلوا بالحرام ويحجو بالحرام وكل لحم نبت من حرام النار اولى به ا ب ت ث دين
صايمين ليها شنو هو الله يقبل منكم المسألة تكون لا صيام لا يحزنون لمة واكل
بعدين العايز يعمل عمل لرب العالمين بينه وبين نفسه لمه وصرف من مال الدولة السايب تقول الواحد ورث من ابوه - والظاهر لو المال ماله ما يصرفه بالشكل ده لاقيها سايبة .

عايزين واحد من حكومة الجزيرة يرد الاتهامات دي والصورة دي كان ما يكون اكل معاهم

[خالد]

#979586 [ليكم يوم]
0.00/5 (0 صوت)

04-21-2014 09:11 AM
ياربي تكون بالجنيه القديم
لأنها لو بالجديد حا نضيف عقوبة شق كروش الوالي والسواحيت المعاهو ديل بجانب عقوبة حشر العيدان

في أسفل ظهور الكيوان

[ليكم يوم]

#979271 [الطاهر]
0.00/5 (0 صوت)

04-20-2014 09:29 PM
جميييييييييييييييييييييل جدا، دا معناهو والي منافق ومرائي وحرامي كمان، وضحت لكن !!!!
"كشف قيادي بأمانة حكومة الجزيرة" دا ساكت من 2009 ليه لحدي حسي ؟؟؟؟؟؟؟؟؟؟؟؟؟؟؟؟؟؟؟؟؟؟
ماتخمونا ساي؟؟؟ المسالة صراع كيزاني في بعضهم، وكلهم في الاخر لصـــــــــــــــــــــوص

[الطاهر]

#979240 [الغالي تمر السوق]
0.00/5 (0 صوت)

04-20-2014 08:52 PM
و الله انا ما عارف الاخوة المعلقين ليه ما راضين عن هذا المبلغ انا من افراد الشعب السوداني و انا موافق على هذا المبلغ ,,, يعني واحد مجاهد في هجليج لماذا لا نوافق على افطاره ؟؟؟ يعني واحد عائلته ساكن بالمجان في بيت الجامعة لا نقوم بتكريمه ؟؟؟ يعني والي شاطر و ماهر في الفشل و يقوم بتعيين معتمد الكاملين و معروف انه ضبط في وضع غير اخلاقي و ما بقدر اشرح اكثر من كده ,,, يعني يا جماعة والى طريق ( التي ابوعشر ) جمع له التمويل اكثر من مره و تم ابتلاعه و لا نقوم بتكريمه ؟؟؟,,, والي يتم ابلاغه بفساد حاشيته و يقوم بترقيتهم كما فعل مع معتمد ام القرى و معتمد الكاملين و لا نقوم بتكريمه ؟؟؟ و بعدين كل هذه الامور لله و لا للسلطة و لا للجاه ....

[الغالي تمر السوق]

#979212 [يسرى البركاوى]
5.00/5 (1 صوت)

04-20-2014 07:59 PM
الشغله دى من زول اسموا ازهرى محمود يشغل عدد من المناصب هو رئيس الحركة الاسﻷمية بالجزيره ومدير جهاز المغتربين بمدنى ومدير معهد البحوث والدراسات الاجتناعيه(جهاز امن الكيزان بمدنى) هذا المدعو اصﻷ من الابيض وكان معلم بدوله اليمن....وبعد رجع مسكوه تلك المناصب من عام2010م وهو الان لديه منزل من طابقين بمدنى وعربات يتم تاجيرها لمؤسسات الحكومه وهو صاحب مطعم سمكمك بمدنى وزوج ابنه لابنت شقيق معتمد مدنى.....فى تلك المؤسسات لديه فساد يزكم اﻷنوف

[يسرى البركاوى]

#979080 [sudani]
5.00/5 (1 صوت)

04-20-2014 05:40 PM
فطرهم من جيبك لو بتنشد الاجر ليست من المال العام اتقوا الله حسبنا الله ونعم الوكيل

[sudani]

#979005 [جدودنا زمان]
5.00/5 (1 صوت)

04-20-2014 04:29 PM
بخصوص الصورة أعلى الخبر

يا جماعة مش نحن كمسلمين منهيين عن اننا ناكل باليد اليسرى
وان يكون الاكل باليد ولا كيف الكلام ده

[جدودنا زمان]

ردود على جدودنا زمان
[رانيا] 04-20-2014 07:12 PM
لو لقوا ياكلوا برجلهم كانوا عملوها


#978988 [المهندس سلمان إسماعيل بخيت على]
5.00/5 (1 صوت)

04-20-2014 04:11 PM
يا جماعة المبلغ دا مو كتير لو كان الوالى دى كل يوم بيتزوج بت من بنات الجزيرة ودا فطور عريس معقول يعنى 15 مليون جنيه على سبعة حوالى 2 مليون وشوية مو كتيرة خاصة وأن البروف رجل دين وزاهد لك دى عاداتنا وفطور العريس لازم يكون مدنكل - يدنكلكم الخراب اليخربكم يا الكيزان - إنتو بعدين شعب السودان دى يسوى فيكم السواه شعب رومانيا فى شاوسيكى أم شعب ليبيا فى القذافى - أحسن ليكم تختاروا الحصل للقذافى بس العود مايتنضف وبى فروعه وشوكه لامن يمرق بالخشم
قال 15 مليون فطور فى الإسبوع 60 مليون فى الشهر 820 مليون فطور فى السنة هو مشروع الجزيرة إدمر مما فى ما من اللهطى دا - لا وكمان يلبس عسكرى وعامل فيها مجاهد ويمشى يجاهد بالكاميرا مع الموصورين هو فى مراسل عسكرى سودانى واحد صور ليهو معركة حقيقية وقتل وموت - نحن مما الله خلقنا لا شفنا موت لاقتل فى الجنوب ولا فى دارفور - كله مغطى - إلا جهاد تكبير بتاع ناس بروف الزبير

[المهندس سلمان إسماعيل بخيت على]

#978922 [زول ساكت]
0.00/5 (0 صوت)

04-20-2014 03:12 PM
انتو ياناس قايلين سياسة التمكين دي في الوظايف بس؟؟ سياسة التمكين دي فهم عام ومافي كوز بيشيل قروش وبكون شايف نفسو حرامي الناس دي ورثت البلد والله مكنهم منها وبتعاملوا معاها باعتبارها ملك حر مش الله مكنم منها؟؟؟

[زول ساكت]

#978893 [أبو الكلس]
5.00/5 (1 صوت)

04-20-2014 02:41 PM
هههههههههههه انتو بتصدقو انو زي ديل بصوموا ؟؟

وانا أظن وليس كل اظن إثم كما يقول الاستاذ الفاتح جبرة

انو المحل البورد ليهم الطعام ده تاب للوالي .

[أبو الكلس]

#978830 [محسن ابوحراز]
5.00/5 (1 صوت)

04-20-2014 01:59 PM
أذكر ركبت ليا مع سواق تكسي في مدني اختلفنا في سعر المشوار علي 2 جنيه قال لي عندى 4 بنات في الجامعة و3 في الأساس قلت ليهو طيب عايش كيف قال لي الفطور دكوة والغداء دكوة والعشاء دكوة حسبي الله فيكم يا أكلي مال الشعب

[محسن ابوحراز]

#978778 [ابوايمن الحلاوى]
3.00/5 (1 صوت)

04-20-2014 01:16 PM
بس يا جماعة الخير ويا أيها الشعب السودانى الذى اصبح يثكل نفسه ، وبنفسه تنهمر دموعه ويواسى جراحه .. شعب اتخمته فساد الانقاذ واصابه الوهن والعجز كمن الاسد الجريح الذى اضحى قابعا وينزوى من ظل الى اخر واجمل الغزلان تمر من امامه وهو عاجز كليا على الاسترزاق لاشباع بطنه ،، ومن حوله الضباع والنمور والتماسيح تتلذذ بما تصطاد وتراها متخمة البطون كمن كلاب الانقاذ !ّ! وذات نفسى فاننى لا ألوم اى مؤتمر وطنى فى ما يلهط بالليل والنهار وان يسرق الضحى الاعلى وأن يتنعم هو وأهله بما يصلون اليه !! ولم لا؟؟؟ نحن شعب ارتضينا بهم واقتنعنا بحكمهم ولم نشعرهم باننا كارهون لهم وفى حسبانهم احببناهم فى الدين والدنيا !! وعليه سيقبعون على صدورنا الى ان يرحلوا لحالهم وكذب من يراهن على دفعهم بالرحيل !! ويال حليل جيل البطولات عندما يلتقى بجيل التضحيات !! وحاليا دون الثلاثين من العمر هم عماد الدول وفى بلادى تعال شوف العجب والعجاب فى جيل الانقاذ تشوف عماد تقول نعمات ولافرق بين ....و.... الا بال...... وكفى .. ا

[ابوايمن الحلاوى]

#978774 [kokab]
5.00/5 (1 صوت)

04-20-2014 01:13 PM
اذا صح ما ذكر في المقال فعلي هؤلاء الناس ان يتوبوا الي الله و يسالوه المغفرة فالمنافقون في الدرك الاسفل من النار. هؤلاء لا يمتون الي الاسلام بشئ بل يتاجرون به.

[kokab]

#978684 [محمد احمد صباح الخير]
5.00/5 (2 صوت)

04-20-2014 12:05 PM
صيام جماعى كل يوم خميس واثنين سنة حميدة ولكن يجب واكرر يجب ولا اقول (يستحب ) ان ياتى كل بصينته ( فول - قراصة -بليلة- تمر ) حتى يكتمل الاجر اما ان يدفع الفطور من المال العام ده ما صيام ولا اعتقد انه يرجى منه وجه الله تعالى ابدا نحن لا نتدخل فى نوايا الاخرين والله وحده حسيبهم ولكن الحس الدينى والورع والطمع فى رضاء الله وقبول الاعمال يجعل الانسان متحسسا من اى مليم من المال العام او مال الاخرين يدخل بطنه بعد صيام يوم ناهيك عن الملايين

[محمد احمد صباح الخير]

#978681 [ود احمد]
5.00/5 (3 صوت)

04-20-2014 12:03 PM
انا مستغرب من هذا الشخص
اولا زوجته وعياله في بيت جامعة الخرطوم ولم يقم باخلائه
ثانيا هوجالس في بيت الضيافة التابع لحكومة ولاية الجزير
ثالثا هو سقط في دائرنه في الانتخابات السابقة ونريد ان نسأل ماذا قدم لمدني واهم انجاز له تم تدمير مشروع الجزيرة في عهده
وبعدين هم يصوموا اثنين وخميس ويفطروا باموال الشعب
ماكله حرام ومطعمه حرام وتسألون لماذا السودان لم يتفدم خطوة للامام
الله اكبر هي لله هي لله

[ود احمد]

#978646 [ابومحمد]
5.00/5 (1 صوت)

04-20-2014 11:41 AM
لا حول ولا قوة الا بالله اللكثير من ابناء الولاية
لا يجدون قوت يومهم والوالي ورفاقه يصرفون
\15 مليون جنيه اسبوعيا لافطار بزخي اين الراعي المسؤل عن رعيته
خاف الله يا والي انت رفاقك وستاسلون عما تعملون
ولاية ابنائها يتضورون جوعا ويموتا مرضا
شوارع تعج بالحفر والمطبات وبيئة تزهر بالناموس والعوض والذباب
خريف يعطل الحياة في الولاية لعدم وجود
صرف ومصارف للمياة

[ابومحمد]

ردود على ابومحمد
[بركة البركة] 04-20-2014 12:45 PM
طيب الوالي ده راتبه حيكون كم - ولا مافي راتب فقط ميزانية مفتوحة.


#978645 [kamuzu]
5.00/5 (2 صوت)

04-20-2014 11:40 AM
الم ير هذا الافاك اهلنا الطيبين ساكني الجوانب لشارع الخرطوم مدني وكيف يقدمون الافطار للصائمين في رمضان من حر مالهم هنيئا مريئا وبكل صفات النخوة التي جبل عليها هؤلاء القوم الطيبون
الا ما اكرمكم اهلي بقري الجزيرة الطيبة وبئسا لهذا الذي ولي امركم وبئسا ايضا لمن ولاه..

[kamuzu]

ردود على kamuzu
United States [جدودنا زمان] 04-20-2014 04:25 PM
فعلا اخوي
انا يوم شفت المنظر ده بكيت والله
الاذان بيأذن وهم بيوقفو فينا ويأشروا
من بعيد عشان ننزل نفطر
جابوا لينا كل شي لحدي عندنا في العربية
وكانو بجرو هنا وهناك عشان يفطرو كل العربات
الوقفوها
يااااارب تكون في ميزان حسناتهم
وبعدها واصلنا مشوارنا
يا سلام على اهل الجزيرة ويا سلام على سوداننا الجميل بى ناسو


#978564 [رانيا]
5.00/5 (4 صوت)

04-20-2014 10:32 AM
ده ولا فطور (العريس)البيودوه أهل العروس !!

[رانيا]

ردود على رانيا
[خالد] 04-21-2014 11:23 AM
يار انيا ازيدك علم نسيب الوالي خريج جديد تزوج بنت الوالي بقدرة قادرة الليلة عمارة ثلاثة طوابق بالخرطوم تقولي في فطور العريس

European Union [ساب البلد] 04-20-2014 03:56 PM
******** هههههههههه العرس اليومين ديل بي شيلتو و حفلتو ما بيكلف ال 7 مليون و نص بالقديم طبعا ****** عاطر التحايا *********


#978559 [محسن ابوحراز]
5.00/5 (3 صوت)

04-20-2014 10:29 AM
ياجماعة اقول ليكم سر المتعهد الرسمي لهؤلاء الحثالة هو محل النيل للمناسبات

[محسن ابوحراز]

#978547 [زول سوداني]
5.00/5 (2 صوت)

04-20-2014 10:19 AM
يجب عليه أن يتذكر قصة أمير المؤمنين عمر رضي الله عنه عندما جأءه أحد ولاته في الليل ،فأشعل سراجا للإضاءة ، وبدأ يسأل في واليه عن أحوال المسلمين ، فعندما انتهى من سؤال واليه عن الرعية ، قام رضى الله عنه بإطفاء السراج الذي أوقده، فتعجب الوالي ،وسأل أمير المومنين قائلا: لما أطفأت السراج يا أمير الؤمنين؟ فرد قائلا: هذا السراج من أموال المسلمين أشعلته كي أسال عن أحوالهم وعندما انتهيت عن سؤالك عنهم أطفيته لأنه من أموالهم!!!!!!!!!!!!!!!
ربنا رحماك بنا يا أرحم الراحمين

[زول سوداني]

#978545 [اين انت من عمر بن عبد العزيز يا بروف]
0.00/5 (0 صوت)

04-20-2014 10:18 AM
الغايه نبيلة والتنفيذ غبى لا يليق ببروفسير ووالى . اكل مال المسملون بالباطل . اين انتم من عمر بن عبد العزيز حين إستقبل احد ولاته وظل يسئله عن حال الرعية وسراجه موقد . وبعد ذلك قام بإطفائه حين بدأ يسئله عن حالته الخاصه واعتزرله عن ذلك بقوله ان زيت السراج من مال المسلمين ولا يحق ان نوقده ونحن نتحدث عن اشياء خاصه.
كان على الوالى ان يأمر كل مشارك ان يجلب افطارا من بيته ويبدأ هو بذلك . حتى لا يفسد صيامه ويبدد مال المسلمين في بطون من لا يسحقونها

[اين انت من عمر بن عبد العزيز يا بروف]

#978542 [محسن ابوحراز]
5.00/5 (1 صوت)

04-20-2014 10:14 AM
الملاحظ بيأكلو بشراهة بأيديهم الأتنين ولكن يأكلون في بطونهم نارا وسوف يصلون سعيرا اللهم عليك بالمؤتمر الوثني اللهم فرق جمعهم وأكسر شوكتهم وافضحهم ايما حلوا اللهم أرنا فيهم عجائب قدرتك باعزيز ياجبار

[محسن ابوحراز]

#978536 [الحقيقة المرة]
5.00/5 (1 صوت)

04-20-2014 10:07 AM
مجرد سؤال ... لو كل شهر تم إعادة تأهيل مركزين صحيين (2) بواقع 30 مليون لكل مركز والشهر الثاني إعادة تأهيل مدرستين برضو 30 مليون لكل مدرسة يعني خلال الخمسة سنوات كان تم تأهيل 60 مركز صحي و 60 مدرسة ... أيهم أفيد للمواطن المغلوب علي أمرة أن يفطر الوالي وزمرة الحرامية معه أم توفير المراكز الصحية والمدارس للمواطنين ؟
ان شاء الله تأكلو السم الهاري يهري بطونكم ويسلكم الآخرة ترانزيت .... أعوذ بالله منكم ومن أفعالكم التي يستحي منها حتي إبليس ....

[الحقيقة المرة]

#978533 [بتاع بتتييخ]
0.00/5 (0 صوت)

04-20-2014 10:06 AM
عاين العربي الجيعان دا بياكل بكلتا يداه شكلو في بانقا كان في مجاعة .....

[بتاع بتتييخ]

ردود على بتاع بتتييخ
United States [كومبارس] 04-20-2014 08:48 PM
كلما امر علي تعليقاتك ازدات يقين بانك بطيخة قرعة ولاقة ...عربي شنو !! شكلك جايي من ام نخسو!


#978511 [murmoly]
5.00/5 (1 صوت)

04-20-2014 09:54 AM
الله يرحمك يا عبد الرحيم محمود ، اشهد الله أنه كان بشيل فطورو معاو من البيت، ( ساندويتش فقط) و ما اكل على حساب الحكومة يوم واحد اللهم إلا في مناسبة رسمية أو على شرف زائر رسمي ، أما في رمضان و غير ه كانت كل عوازيمو في بيتو و من جيبو الخـــــــــــــــــــــــــــاص ، أي و الله من حيبو الخاص ، كم كنت عفيفا

[murmoly]

#978502 [الحجاج]
5.00/5 (1 صوت)

04-20-2014 09:42 AM
يا اهلنا اسمعوا هذه القصة من واقع عشته بنفسي واشهد الله عليه يوم القيامة : كنت اعمل سكرتيرا لوزير كبير من العائلة المالكة ابن الملك عبدالعزيز - عملت معه اكثر 17 عاما في مكتبه الخاص طيلة تلك السنوات اشهد الله بفطر من جيبه الخاص ويفطر كل من معه من جيبه الخاص حتى انه بيدفع مصروفات تلفونه الخاص من جيبه مربي كل شيء يخطر يخطر ببالك في مزرعته حتى الحليب ما بشتريه من مزرعته باختصار كل اكله من جيبه الخاص ، ولا دخل له باموال دولته واشهد الله على ذلك يوم التلاق :

شوف يا الزبير انت تفطر وتاكل على حساب السودان وتدعون انكم عادلين انتم وحكومتكم اسوأ حكومة مرت على السودان حرام عليكم فاكرين ان الامور ستستمر على هذا المنوال كلا وحاشا والله اجي يوم تقبر فيه وتكون كانك لم تأت لهذه الدنيا من قبل شوفوا يا حكومة الانقاذ هذا الوزير وقارنوه بحالك المزرية هذه فمتى تعدلوا لهذا الشعب المغلوب على امره وباي حق تأكل وتأكل غيرك على حساب الدولة آلا تخاف الله وفي اي فقه قرأته ، حسابكم موجود يوم التلاق عند الله مأمول .

[الحجاج]

#978490 [Kamal Mustafa]
5.00/5 (2 صوت)

04-20-2014 09:32 AM
يفطروا السم الهاري انشاء الله ومطلوب حصر فواتير ذلك المتعهد منذ البدايه وعذا البروفيسور المتأسلم يرسل للسجن لحين السداد كما يفعلون بالغلابه من البشر بعد أن نصب عليهم ابالسة النظام
ووروطهم في الديون لبيع ممتلكاتهم بابخس الاثمان دون حضورهم

[Kamal Mustafa]

#978467 [المشروع]
5.00/5 (1 صوت)

04-20-2014 09:21 AM
لا حول ولا قوة الا بالله العلى العظيم اللهم اني اسألك ان تأخذ بحق الفقراء والمساكين والذين لا يجدون الا جهدهم من هؤلاء القوم اللهم انت العدل وانت الحق وان انات الفقراء واليتامي والثكالي والمساكين الذين لا يجدون قيمة البنسلين وحبات الاسبرين فخذ حقهم من هؤلاء القوم من بطونهم وكروشهم
اللهم انك اتيت هؤلاء القوم مالا وسلطة ففسدوا وطغوا وتمكنوا وتجبروا باسم دينك وفرزعوا البلاد وشتتوا العباد باسمك اللهم اني اسالك يا الله يا غالب على امره يا من تقول للشئ كن فيكون فاطمس على قلوبهم وخذهم اخذ عزيز مقتدر
آمين يا رب العالمين

[المشروع]

#978464 [اباذر الكاهلى]
0.00/5 (0 صوت)

04-20-2014 09:18 AM
وتصدق للان كهرباء ما عندنا ومواعيدو معنا مواعيد عرقوب ،، سامحه الله والله الدمار فى الجزيرة دا الحاصل الان مسؤول منه هو ، قال صيام كدى شرب ناسك موية واديهم كهرباء وصحة

[اباذر الكاهلى]

#978449 [وحيد]
5.00/5 (3 صوت)

04-20-2014 09:07 AM
يفطروا بالسم ان شاء الله ، الرياء و النفاق و استغلال الدين، ما يجيب مرتو و اولاده و يفضي بيت الجامعة و لو فيهو رجالة يعمل الفطور في بيته و من جيبه...
راجل مرتو ما قادر يحكمها جايبنو والي ... يولولن ايامه

[وحيد]

#978427 [الجاب ضقﻼ يتلولح]
4.50/5 (2 صوت)

04-20-2014 08:43 AM
حالتو دي قال ذاهد
طيب لو ما كان ذاهد
عليك الله تعال اكنا نحنا
7 مليون يا مفتري لﻼفطار في اﻻسبوع الواحد
هسع ما اخير تفطر

[الجاب ضقﻼ يتلولح]

#978415 [ابومروه]
5.00/5 (1 صوت)

04-20-2014 08:28 AM
يستاهل البروف المجاهد فقد نهض بالجزيره و مشروعها القومي يعني ايه ستين مليون في شهر لافطار فيه احياء للسنه و الجزيره ماليتها راكزه و تتاثر بمثل هذه المبالغ فقبل فتره راحت اربعه مليار تخص ام بارونه ولم نتاثر بها و يعني سعر قطعة ارض في دريم بتمشي الحال و وزير ماليتكم من اهل الجنه قالو اخوه شهيد و بعدين الزبير عذابي اولاده ساكنين في الخرطوم وفي بيت الجامعه سمعت انهم طردوهم منو

[ابومروه]

#978411 [معاويــــــــــــــــــــــــــــــــــة]
0.00/5 (0 صوت)

04-20-2014 08:22 AM
تفو عليهم تجار دين واقتصاد باسم الدين

[معاويــــــــــــــــــــــــــــــــــة]

#978402 [محمد]
0.00/5 (0 صوت)

04-20-2014 08:10 AM
الوسخان اللهفان دا بياكل السحت بالشمال ليه هو حرام وتكلو بى طريقة حرام ؟ مابتعرفو شى إسمو أداب الإسلام ياكيزان يا زبالة ؟

[محمد]

#978352 [آدم القوي]
0.00/5 (0 صوت)

04-20-2014 04:44 AM
الخبر مضلل، فطور الوالي يعني الفطرر في بيتو، اما الإفطار الجماعي دة شيئ آخر سياسة دولة و توجهه حكومة اما بخصوص الحضور صايمين او جالدين دي حاجة ما بنهم و بين ربهم.

[آدم القوي]

#978331 [ساب البلد]
5.00/5 (1 صوت)

04-20-2014 03:09 AM
********* رمضان قرب ******** اذا 7 مليون ونص للتطوع يعني رمضان الفرض ح يكون بكم ؟؟؟ *****

[ساب البلد]

ردود على ساب البلد
[ودالناموسيه الغرباوى] 04-20-2014 04:00 PM
ياساب البلد (( فهم السؤال نصف الاجابة )) ماهو اساس الموضوع ياامى عشان تتحدث عن القتل والدمار ؟
ومامعنى الجملة التى انت كاتبها لنا ياشاطر؟ ممكن تشرحها والقصد منها
ثم من هم اصلا المعارضة والحركات المسلحة ؟
اتعرف شخص يقال له الصادق المهدى ؟ ماذا كان يعمل ؟ واين موقعة من المعارضة والحركات المسلحة؟
من هو منى اركو مناوى ؟ واين موقعة سابقا فى الحكومة الحالية؟ والى من ينتمى الحركات ام المعارضة ؟
اجب على هذه الاسئلة المطروحة وسوف تجد مكانتك الحقيقية من الاعراب
وتقبل انتقادنا لك بروح رحب


#978310 [جمال بري]
5.00/5 (2 صوت)

04-20-2014 02:08 AM
صفار وصفاء البشرة دي جات كييف .... ما هو بلفيتامينات دي

[جمال بري]

ردود على جمال بري
[رانيا] 04-20-2014 10:33 AM
هههههه لا لا دي من أعماله " الصالحة" .


#978309 [ابو علي]
1.50/5 (4 صوت)

04-20-2014 02:06 AM
العنوان بيقول فطور الوالي براهو ... و باقي الخبر بقول في شلة ما معروف فيها كم نفر
المسألة عادية جدا .. اتفه مناسبة في الخرطوم بتكلف اكتر من السبعة مليون و نص دي
على فكرة انا لا لي في السياسة لا من قريب و لا من بعيد بس خشيت اشوف الوالي ده بياكل شنو ب 15 مليون

[ابو علي]

ردود على ابو علي
[المتغرب الأبدي] 04-20-2014 09:10 AM
مسألة عادية كيف ؟؟
من الذي يدفع هذه المبالغ (15 مليون كل اسبوع ؟؟؟)
الحكومة هي التي تدفع والشعب كله رابط الأحزمة على البطون ..

حتى لو كان الوالي هو الذي يدفع فإننا نسأل : من أين له هذا ..؟؟؟

United States [علوب] 04-20-2014 08:06 AM
يا ابو علي يظهر إنك ما استوعبت المعنى اللغوي من العنوان ، فطور الوالي يعني تكلفة الفطور الذي يتكفل الوالي بدفعه من أموال الدولة ... حتى اللغة ما بتفهموها يا ناس (ما لي في السياسة) ... ما قلت لينا رايك في اللغف الحاصل ده ، كروش ما بتشبع من السحت ...

European Union [النيل أبونا والجنس سوداني] 04-20-2014 04:09 AM
الأخ ابو علي :

قبل حوالى شهرين فقط تم إستجواب وزيرة بريطانية فى البرلمان البريطانى بسسب ظهور قيمة الواقى الذكرى فى فاتورة حساب الفندق الذى نزلت فيه وكانت فى مهمة رسمية .لأنه هذا مال عام ولايجب لى إى شخص مهما كان منصبة أن ياخذ مليم واحد بدون حق.
لو أنت شايف اتفه مناسبة في الخرطوم بتكلف اكتر من السبعة مليون والوالى الضلالى بيفطر بى 15 مليون عادية جدا نحن ما عندنا معاك ولا مع الوالى إى خلاف بس يدفعها من حر ماله ما من تعب الغلابة .

European Union [مستغرب] 04-20-2014 04:07 AM
يعني أنت سوداني سلبي لا رأي ولا موقف لك أنت وأمثالك من الواقفين علي الرصيف لا يفعلون أي شئ ولا {اي لهم ( وهم للأسف غالبية) هم السبب في تأخر السودان- قال أنا ما سياسي قال!!!!!!! يجب أن تكون سياسي لأن السياسة هي ضرورة من ضرورات الحياة

[ساب البلد] 04-20-2014 02:50 AM
****** لو 100 مليون من قروشو ولا قروش ابوهو ما مشكلة **** المشلكة دي مال عام محتاجه ليه المستشفيات و المدارس .... الخ ***** يعني الشهر ب 30 مليون مليار بالقديم و السنة 360 مليون يعني من 2009 ل 2014 5 سنين في 360 = مليار وثمانمية 1800 المبلغ لو استثمرهو في الصحة ولا مشروع الجزيرة كان عمل شنو ؟؟؟ *******


#978298 [اوبرا]
0.00/5 (0 صوت)

04-20-2014 01:44 AM
صيام الضب البلقاهو كلو جب ..................؟؟

[اوبرا]

#978281 [ياسرالرميلى]
5.00/5 (2 صوت)

04-20-2014 01:14 AM
طبعا ياجماعه ماتستغربوا لو قلت ليكم ان رئيس الحركه اللااسلاميه بولايه الجزيره ازهرى محمود دى كرشوا براها بتشيل فطور بالسبعه مليون...بقول سواقوا لما يتغدى بشيل حوالى سبعه دجاج مشوى معاه فى العربيه ولما يصل ألبيت بكونوا سته فقط فى صندوق للقزقزه فى الطريق...يعلم بان فى عهد هذا الاشعب الاكول الصرف مركز على الطعام فقط.....وللحقيقه رئيس الحركة السابق الفاتح حسين كان الافطار عباره عن لقمه وبليله فقط.....

[ياسرالرميلى]

ردود على ياسرالرميلى
United States [ابومروه] 04-20-2014 08:31 AM
يا اخونا ياسر ما تشكر فيهم واحد الفاتح حسين و غيرو ديل ذي بعض


#978247 [سادومبا]
4.25/5 (3 صوت)

04-20-2014 12:27 AM
شيخ الزبير ، يعني عايز تصوم وتشيل الأجر وتفطر على حساب خزينة الدولة .. في أي مذهب قرأت هذه الفتوى ؟؟؟
ام هي فتوى ( انو البلد كلها باتت غنيمة لكم) كما هي أدبيات حركتكم ؟؟

[سادومبا]

ردود على سادومبا
European Union [اوبرا] 04-20-2014 01:45 AM
صيام الضب البلقاهو كلو جب ..................؟؟


#978236 [النفاج]
5.00/5 (5 صوت)

04-20-2014 12:13 AM
يا سلاااااام : بتصوم يومين في الاسبوع
بس ما تنسانا من صالح الدعوات يا مولانا
ربنا يوفقنا ونركب ليك عود يليق بمكانتك .
خمستاشر مليون يا تافهين _ تاكلوا البلقم اليعوج خشمكم

[النفاج]

ردود على النفاج
United States [أبو أهل الكيزان] 04-20-2014 07:23 AM
" بس ما تنسانا من صالح الدعوات يا مولانا*ربنا يوفقنا ونركب ليك عود يليق بمكانتك*"
ههههههههههه
آآمين
عود لأسلوب كيف؟


#978234 [ودالناموسيه الغرباوى]
5.00/5 (1 صوت)

04-20-2014 12:12 AM
متخصصين فى نشر سلبيات الحكومة فقط - اين الايجابيات ؟ ولماذا لم تنشروا سلبية واحده فقط للمارضة الداخلية والحركات المسلحة والاحزاب الاخرى ؟ اليس لديهم سلبيات ؟ لم اقرء يوما انتقاد موجه للاحزاب ولا الحركات المسلحة رغم ان سلبياتهم اكثر من ايجابياتهم
وهل المؤتمر الوطنى هو الزى تسيد على الحكم منزو ولادة دولة السودان ؟ كل الاحزاب والحركات الموجوده الان فى الساحة السودانية كان لهم نصيب قبل الانقاذ فى حكم السودان الا قليل منهم وحتى القليل شارك فى الحكم فى زمن الحكومات السابقة او عهد الانقاذ
واذا عدنا بهؤلا للوراء نجد مالايحمد من ملفات سلبياتهم وهاهم اليوم يتحدثون عن زملاء كانوا معهم يحصدون من زرع واحد
هذه هى صفاتنا- فى كرسى السلطة لا يخدم الا مصلحتة الخاصة وعندما ينزع الشطر من فمه ويفطم يدعى لنا انه من اولياء الله الصالحين فى عهده وزى ماقالوا اهلنا (( الجمل مابشوف عوجة رقبته ))لكن نحن من يرى عوجة رقبتك عندما كنت مسؤلا ولاحديث لهم الا وفى اخوتهم ورفقاء دربهم عندما كانوا يتناولون الوجبات الدسمة من طبق واحد .

[ودالناموسيه الغرباوى]

ردود على ودالناموسيه الغرباوى
[خالد] 04-21-2014 11:20 AM
ود الناموسة فعلا انت ناموسة ود ناموسة انت تعلمت وين الذي تكتب هاكذا فعلا فاقد تربوي او امنجي رخيص

European Union [ساب البلد] 04-20-2014 02:56 AM
******** يا "ود الناموسية" المعارضة ما اكلت مال عام ولا سرقت ولا دمرت ولا قتلت ***** انت عايز ناسك ديل يسرقوا الشعب و كمان الشعب يسكت ما يتكلم ؟؟؟ ****** حاول اجتهد في الاملاء شوية لانو ما عندك سطر واحد كاتبو صح *********


#978211 [انصاري]
5.00/5 (1 صوت)

04-19-2014 11:41 PM
" فطور .. دستوري .." مش صايم أثناء الخدمة وبسببها!!؟؟ .. يبقي صيام رسمي .. على (الشعب) تسديد .. فاتورة.. فطور الوالي المجاهد ..!!؟؟ ـ و(الإنتظار لأكل الفضلة).. ونيل البركة!!؟؟ (والعاقبة عندكم .. في المسرات) ..!!؟

[انصاري]

#978196 [دردوق]
5.00/5 (1 صوت)

04-19-2014 11:25 PM
ههههههههههه دا كلو فطور بس ! هههههههههههه

[دردوق]

ردود على دردوق
European Union [اوبرا] 04-20-2014 01:45 AM
صيام الضب البلقاهو كلو جب ..................؟؟


#978194 [ياسر عبد الوهاب]
4.50/5 (2 صوت)

04-19-2014 11:23 PM
يا اخوانا الظافر قال انو الزول بس بياكل زبادي... يالزبادي يكون بقي غالي يا المتعهد ده بليد في الحساب...شويه.. ما كتير ما تعصرو عليهو..

[ياسر عبد الوهاب]

#978193 [ابوجلاجل]
5.00/5 (1 صوت)

04-19-2014 11:22 PM
4‏*15000=60000 60000*12=720000وقد تم إنتخابه منذ عام2009 اذا تكلفة الافطار الجماعي خلال خمس سنوات هو 720000*5=3600000 مبلغ وقدره ثلاثه مليار وستمائه مليون جنيه لاغير. وهذه كفيله بإعادة صيانة الخزانات والترع ونظافتها.

[ابوجلاجل]

ردود على ابوجلاجل
United States [ساب البلد] 04-20-2014 03:04 AM
********* دي ميزانية دولة بحالها **** الله لا كسبهم بركة **** ان شاء الله بامراض مزمنة *****


#978185 [moy ako]
0.00/5 (0 صوت)

04-19-2014 11:10 PM
سؤال خارج السياق.. البروفيه بتاعت الزبير دي اخد من قبل الانقاذ ولابعدها؟

[moy ako]

ردود على moy ako
[بت الخرطوم] 04-20-2014 02:58 PM
البروفية دى أخدها مع بداية بدعة أفطار الاثنين والخميس من خزينة بيت المال الخاص بولاية الجزيرة بس أنا المحيرنى الزول دا الظافر ما كتب عن نزاهتو وتخشفه واعتماده على العدس والزبادى فى وجباته اليومية وقال فيه ما لم يقله مالك فى الخمر والله خلاص الصبر غلبنا


#978182 [سودانى أصيل]
5.00/5 (1 صوت)

04-19-2014 11:07 PM
إنى ذهبت يوما لسوق الكلاكلة القبة باكرا كى أشترى سمكا لشهية فى نفسى يعنى الوقت باكر جدا لم أجد سمكا أبدا أستغربت إنى أتيت باكرا ولم أجد سمكة واحدة فسألت أصحاب الطبالى بياعى السمك أين الاسماك قالو لى إنظر الى هناك فى جانب من السوق رأيت أكوام كبيرة من السمك قلت ماهذا قالو لى بالحرف الواحد كل سمك السوق اليوم حجزه المحلية محلية الكلاكلة حجزت كل سمك السوق لا أحد أشترى سمكة واحدة رجعت خفى حنين ألحس الثرى والكوع أمنية لم يتم لى بالتوفيق بشراء السمك فى ذلك اليوم كرهت حياتى واليوم الذى أتى بمحليات فى الاحياء يضيقو الناس عيشتهم وبمال الجبايات والنفايات وستات الشاى وأولاد الورنيش وبياعى الليمون مفترشى الارض فى نهار الشمس الحار يأكلو هؤلاء الذئاب المفترسة أموالهم بالباطل..

[سودانى أصيل]

#978181 [طارق الباز]
3.00/5 (2 صوت)

04-19-2014 11:07 PM
ما حسبتو الغدا والعشا والتحلية, والله بالطريقه دى الجزيرة ما ح نلاقى فيها جداده ولا خروف حايمين فى الشارع

[طارق الباز]

#978178 [طارق الباز]
4.88/5 (4 صوت)

04-19-2014 10:58 PM
ما حسبتو الغدا والعشا والتحلية, والله بالطريقه دى الجزيرة ما ح نلاقى فيها جداده ولا خروف حايمين فى الشارع

[طارق الباز]

#978174 [المتجهجه بسبب الانفصال]
4.00/5 (2 صوت)

04-19-2014 10:52 PM
والصيام لزوموا شنو ،، وزع القروش للناس البجو يفطروا ديل وكفى الله السودانيين شر الاستفزاز والموضوع يكون خفيف على المعدة غير المؤتمرجية التي كادت مرارتها تنفجر من الغيظ ،،

[المتجهجه بسبب الانفصال]

#978173 [القعقاع الفي القاع]
4.63/5 (4 صوت)

04-19-2014 10:49 PM
ياكل السم هذا الكلب الإسلاموي

[القعقاع الفي القاع]

#978171 [zangazanga]
4.75/5 (4 صوت)

04-19-2014 10:47 PM
تأكلكم نار جهنم إنشاء الله دى أرزاق الايتام والارامل والفقراء والمساكين يهبرو فيه هبر على كيفك تصهر بها بطونهم النار البشير وجماعتو كيف يسمح ضميرهم أكل أموال الايتام الرئيس الامريكى بارك أوباما عزم عشاء لرئيس روسيا زائر لأمريكا فى مطعم أكلو همبيرقر ودفع قيمة العشاء من جيبو الخاص مابال عمر البشير حاكم دولة الاسلام وأمين ماله لم يتذكر أو يقراء البشير يوما سيرة عمر الفاروق كيف كان فى بيت مال المسلمين . عمر الفاروق يجوع والمال أمامه ليشبع المساكين والفقراء عمر البشير يشبع هو والفقراء والمساكين من الشعب هم جوعانين سبحان الله .

[zangazanga]

#978144 [AburishA]
5.00/5 (2 صوت)

04-19-2014 10:27 PM
** طيب في الشهر نضرب ال 15 في 4 تساوي لينا 60 مليون
** ال 60 مليون نضربها في 12 شهر = 720 مليون في السنة الواحدة..
** طيب من 2009 يعني نقول بالميت 5 سنوات في 720 مليون تساوي كم يا ناس الرياضيات !!!

[AburishA]

#978142 [دا كلام ما صاااااح]
5.00/5 (4 صوت)

04-19-2014 10:24 PM
15 مليون فى الإسبوع .. يعنى 60 مليون فى الشهر .. يعنى 720 مليون فى السنة
من عام 2009 .. يعنى 5 سنوات .. 720 ضرب 5 سنوات .. الكتراااااااااااابة

يا ربى المتعهد دا ببقى ليهو شنو؟؟
واللا نصيبه منها كم؟؟
واللا هى التكلفة الحقيقية كم؟؟


اها الشعب الصايم طبيعى دا ما عنده افطار؟؟




نعوذ بالله من بطن لايشبع

[دا كلام ما صاااااح]

#978141 [ابو حمدي]
4.88/5 (4 صوت)

04-19-2014 10:23 PM
دين غريب لم نعهده عن رسولنا الكريم ,,15 مليون فطور وهناك امراءة مسنة تحمل روشتة دواء تمد يدها للناس يامحسنين من مرض الم بها ماذا سيقول البروف لله يوم الحساب في امر هذه المسنة

[ابو حمدي]

#978139 [بجاوي]
5.00/5 (4 صوت)

04-19-2014 10:22 PM
الفول ماله بقي غالي كده

[بجاوي]

#978126 [نكس]
4.88/5 (4 صوت)

04-19-2014 10:13 PM
والله صيامو دا انا ما بقبلو منو - معقولة يصوم لله ويفطر بالمال العام - والله ديل بني اسرائيل ما لحقوهم -علي الاقل طلبو مائدة من السماء - يعني الله اداهم - في فتوة من مجمع نكس بتقول اذا اجبرت ان تسلم علي كوز فيجب ان تغسل يديك 7 مرات بالتراب - ولو سلم عليك والي اغتسل غسل الجنابة عدييييييييييل

[نكس]

#978120 [Ahmed Elradi]
4.88/5 (4 صوت)

04-19-2014 09:54 PM
والي الخرطوم فطوروا بي كم ياربي؟؟

[Ahmed Elradi]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة