الأخبار
أخبار السودان المحلية
كمال الجزولي لمحامي فاطمة الصادق: ايوه إنت قليل أدب
كمال الجزولي لمحامي فاطمة الصادق: ايوه إنت قليل أدب
كمال الجزولي لمحامي فاطمة الصادق: ايوه إنت قليل أدب


04-20-2014 10:43 PM
الراكوبة الخرطوم: صديق ودأحمد

بحنكة عالية استطاع قاضي محكمة الملكية الفكرية مولانا صلاح سعيد فض الاشتباك بين المحاميين كمال الجزولي وكمال الآخر محامي فاطمة الصادق، وذلك في الجلسة التي تمت اليوم في القضية التي رفعتها فاطمة الصادق ضد عثمان شبونة واتهامه بإشانة سمعتها في مقال بعنوان: اشفقوا على الشيخة فاطمة. وكان محامي الشاكية قد وقع في عدة أسئلة خاطئة اعترض عليها الجزولي واعترضت عليها المحكمة ايضاً ومنها سؤال محامي الشاكية للمتحري: هل تأكدت بأي طريقة أرسل مقال المتهم، أقصد هل عن طريق النت أم الموبايل؟! وكان السؤال الآخر للمتحري: هل تأكدتم من أن أي جهة مثل هيئة الاتصالات بأن المتهم هو من أرسل المقال؟! وقد أوقفه القاضي معترضاً على السؤال وانه ليس من شأنه. وقد أثار سؤال محامي الشاكية الذي جمع بين "النت والموبايل" أثار ابتسامات من في القاعة وأثار سخرية الجزولي ووجه له نقداً لاذعاً قائلاً بأن أسلوب هذا المحامي لا يرقى لمستوى المبتدئين، مما أثار حمية محامي الشاكية ووصف أسلوب كمال الجزولي بالمستفز.. وكرر الجزولي في وجهه: إنت زول قليل أدب عندما حاول محامي الشاكية التحدث بأسلوب "عسكري" وعنجهي.. وقال محامي الشاكية موجهاً السؤال لكمال الجزولي: أنا زول قليل أدب..؟ فرد الجزولي: ايوه انت قليل ادب.. وتدخل القاضي وفض الجلسة للحظات بسبب الجو المشحون، وعندما انعقدت المحكمة من جديد قدم محامي الشاكية اعتذاره للمحكمة وفي نهاية الجلسة لحق بكمال الجزولي ورفع يديه معزياً في الفقيد الكبير محجوب شريف الذي أنكر هذا المحامي في الجلسة الماضية صلته بالجزولي حينما ذكر شبونة للمحكمة بأن الجزولي غاب عن تلك الجلسة بسبب رحيل شاعر الشعب.
هذا وقد تحدد يوم 4 مايو الساعة الواحدة والنصف موعداً للجلسة السادسة.
الجدير بالذكر أن هيئة دفاع شبونة تعمل في هذه القضية دون طلب أي اتعاب من "المتهم" مما أوجد صدىً طيباً لدى كثير من الجهات ومنها شبكة الصحفيين السودانيين وتساءل البعض شبونة عن موقع اتحاد الصحفيين من هذه القضية!!!
وكان أن بعض الشهود قد حضروا للشهادة لصالح شبونة وشكرتهم هيئة الدفاع وطلبت منهم البقاء خارج قاعة المحكمة.


تعليقات 19 | إهداء 0 | زيارات 19644

التعليقات
#980135 [ابو عمار]
1.00/5 (2 صوت)

04-21-2014 04:22 PM
والله ياجماعه ولاكتر من عشره مرات لا افهم شيئا .؛!.!؟ انتو الصحفيين ديل خريجين وين ؟؟ سرد ركيك واختفاء الوقائع الكامله واستغرب الردود علي الموضوع ؟؟

[ابو عمار]

#980088 [ali mohmed ali]
1.75/5 (3 صوت)

04-21-2014 03:25 PM
هده الصحفية قالت أن فى كل بيت سودانى
هنالك زانى ... ونسألها عن بيتها هى بأن
تخبرنا عن الزانى فيه فان أخبرت به فانها
صادقة ..

[ali mohmed ali]

#980072 [حرامى السفنجات]
1.00/5 (2 صوت)

04-21-2014 03:08 PM
يا اخوانا كفايه على الحرمه خلاص هرمنا

[حرامى السفنجات]

#979997 [نكس]
1.00/5 (2 صوت)

04-21-2014 02:09 PM
في كل بيت سوداني في زاني - الكلام دا من صحفية يعني شنو بترمي لشنو - الشعب السوداني الفضل دا المفروض يسكر ديمة - ويمشي بالمقلوب وما يصحا - والزانيين ديل عملوا ليك اعترافات صحفية ولا شنو - الزنا طبيعة بشرية وبتهذب بالزواج وبتكثر في حالات الاكتئاب والقهر الاقتصادي ذي العندنا دا عشان كدا الفقراء اكثر انجابا للاطفال -وفي زنا معروف دا البتتكلمي عنو دا ودا موجود منذ الخليقة وزمن الصحابة - وفي زنا الترف ودا زي العند الغربيين وفي الزنا المعنوي ودا زي البتعملوا الانقاذ في الشعب السوداني

[نكس]

#979966 [منذر]
0.00/5 (0 صوت)

04-21-2014 01:44 PM
ياجاهل الاستاذ كمال الجزولى قامة واشرف منك ومن باقى اللصوص المعاك ,,,قال لكل منكسر ذليل

[منذر]

ردود على منذر
[ساب البلد] 04-21-2014 06:07 PM
******** اقرا الخبر تاني ************


#979883 [دنقر شيل]
0.00/5 (0 صوت)

04-21-2014 12:28 PM
انتوا يا اخوانا كلام فاطمة ده الغلط فيهو شنو !!!!!

[دنقر شيل]

ردود على دنقر شيل
[ساري الليل] 04-22-2014 09:45 AM
عشان إنت (مدنقر) أصلا ما حتعرف!!!!


#979794 [يوسف ادم]
5.00/5 (1 صوت)

04-21-2014 11:15 AM
اذا كانت شاش علي حق فالقانون ياخذ مجراه وتنال حقوقها كاملة والعكس اذا كان شبونة له حق ايضا يناله و حتي يقول القضا كلمته علي اتحاد الصحفين ايجاد حل بديل وفي راي ان كمال الجزولي لا يحق له شتم المحامي او استصغاره هو نفسه اذا تم وصفه بذلك لن يقبل وبدروي اعتبرها تكبر واستفزاز وكان علي القاضي ايقافه ولكن...................................

[يوسف ادم]

#979763 [صحفي]
5.00/5 (3 صوت)

04-21-2014 10:56 AM
الصحفية من جماعة البلدوزر بتاع الشرق الذي تم قبضه في نهار رمضان بشقة في وضع مخل بالاداب

[صحفي]

ردود على صحفي
United States [ود الماحي] 04-21-2014 11:09 AM
مآآآآآآآآآآآآآآآآآآآآآآآآآآآآآآآآآآآآآآ بصقد
ياخوي إت متأكد؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لكن بيني وبين زولة سريييييييييييييييييييير بس


#979653 [أبوقرجة]
0.00/5 (0 صوت)

04-21-2014 09:48 AM
أنا بقترح على الراكوبة تجيب لينا أوراق القضيه دي علشان ندرسها .. لاني ما فهمت حاجه ... الحاصل شنو هو ...........

[أبوقرجة]

#979571 [وحيد]
5.00/5 (1 صوت)

04-21-2014 09:00 AM
واضح ان محامي فتاة الانقاذ مدعية الصحافة هو من حزب اللصوص و كادر امني و كغيره من اتباع حزب ابليس فانه لم ينل اي تربية

[وحيد]

ردود على وحيد
United States [عدو الكيزان النازي] 04-21-2014 05:41 PM
الاخ وحيد .... كلامك صحيح 100%

الاخ ابو الجنيد .... يا عزيزي لو البلد فيها قانون فالست فطومة هانم يجب ان تجلد حدا ... لانها قذفت شعب باكمله ... واين كان هذا القضاء عندما نشرت هذه الصحفية (مجازاً) هرطقتها التي زادت من غبن هذا الشعب الطيب

اما يكفي ما تفعله حكومتها من فساد ودمار وقتل ... الا توجد ضوابط لهذه الصحافة

ماذا لو كانت هذه الاهانات التي تكرمت بها علينا الست فطومة موجهة نحو احد افراد حزب الشيطان

يعني يتشتم الشعب كلو ما مشكلة ... يتشتم كوز تقوم الدنيا وتقعد

ليس المحامي قليل ادب فحسب ... بل كل من لم يقف ضد هذه المعتوهة ومحاميها الابله وحزبها الشيطاني هو قليل ادب

المشكلة يا عزيزي هي دفاعه عن هذه الساقطة

[ابوالجنيد] 04-21-2014 02:58 PM
ياوحيد انت اعمتك السياسة من خلال المقال يتضح ان كاتبة له نزعة قبيلية اوله عداء سافر مع الشاكية لان اللغة التي كتب بها لاترقي انه صحفي فاطمة اشتكت لدي الجهات العدلية والمتهم مثل امام المحكمة اذا كان هنالك اخطا في الاسئلة فالمحكمة هي التي تحدد هل السؤال منتج في القضية ام لا ومن حق الشاكية تكليف محام ومن حق المتهم تكليف محام وكل حسب امكانيات القانونية وذا حصل اي شئ داخل المحكمة اولي به المحكمة وشطارة المحامي في توصيل قضية موكلة للمحكمة بشكل يضمن نجاحها وليس الشتم كان العيب علي المحامي الذي يشتم زميلة امام المحمة والشي العرفته محامي الشاكية تقدم بالاعتزار لدي المحكمة ولذمبلة كمال الجزولي وعزاه في الفقيد شنو المشكلة


#979519 [البدرابى]
4.50/5 (2 صوت)

04-21-2014 08:11 AM
وأنت ماذا فى بيتك أيتها الفاطمه والأسم سالم أكاد أجزم أن الأصناف الأربعة يسرحون ويمرحون فى بيتكم أوليس بيت سودانى وأنتى من عممتى !!!

[البدرابى]

#979482 [Lubna]
3.00/5 (1 صوت)

04-21-2014 05:02 AM
دعا لم ة أقرئ خبر وألقي مل المعلومات كاملة مش مسك الموضوع من النص للمعارف المحكمة عن شنو!! اسع عاوزه أقرئ الموضوع المتبع شيبونه! مشكور للمحرر

[Lubna]

ردود على Lubna
[ليكم يوم] 04-21-2014 09:29 AM
يا اختي براحة براحه

ورينا انت بتقولي في شمو


#979455 [جمال بري]
2.50/5 (3 صوت)

04-21-2014 02:33 AM
والله ان يساري لكني اقول الحق ان محامي فاطمة جاهل ولكن كمال بطبعة مستفز وحاسي بنفسة اكبر من الاخرين وغير مريح ويحب المال مثلة ومثل أي محامي في السوق العربي وتشك ان هذا الرجل هو نفسة الذي يتكلم في الادب والشعر وعن الضعفاء والمحتاجين

[جمال بري]

ردود على جمال بري
European Union [هجو نصر] 04-21-2014 10:48 AM
اكتب (نفسه ومثله وبنفسه) صاح وبعدين تعال اتفاصح


#979452 [sudani]
5.00/5 (2 صوت)

04-21-2014 02:25 AM
سبحان الله منو فاطمة الصادق الت تسيئ لكافة اهل السودان ولازالت تتبجح يالسخرية الزمن لانو الشعب السوداني اصبح هين حتي تدوس كرامته مثل فاطمة يجب ان نقف في وجهها وبكل السبل الحضارية مقاطعة اي صحيفة تكتب بها حرف ومقاطعة قناة النيلين حتي تعرف اي جرم ارتكبت وتعتذر لكافة اهل السودان وبالطريقة التي ترضيهم *

[sudani]

#979434 [ككك]
0.00/5 (0 صوت)

04-21-2014 01:57 AM
يا عنقالى الزول دا محترم!!؟

[ككك]

#979414 [انصاري]
3.00/5 (5 صوت)

04-21-2014 01:03 AM
هو لو ما "قليل أدب" .. كان بدافع عن قلة الأدب .. !!؟؟ ...

(إن الطيور على أشكالها تقع!). قليل أدب وبليد كمان..!!

[انصاري]

#979379 [nagatabuzaid]
5.00/5 (6 صوت)

04-21-2014 12:12 AM
فى زول نصييييييييييييييح يدافع عن فاطمة المسيئة للشعب السودانى عدوة الشعب
الاستاذ شبونة مثلنا نحن الشعب له تحايا وسلام بلا عدد وايضا لهيئة دفاعه لانهم
هيئة دفاع الشعب

[nagatabuzaid]

#979378 [ود السودان]
4.88/5 (5 صوت)

04-21-2014 12:12 AM
ما يحيرنى فعلا هذا الاستهداف المفضوح للاستاذ عثمان شبونة واستخدام ورقة فاطمة الصادق

بعد ان حاصروه فى راتبه ومستحقاته فارادوا ان يسلطوا فاطمة الصادق وليس غريب ان فاطمة

تحظى بعناية خاصة من محمدحاتم مدير عام التلفزيون وشريكة خالد الاعيسر والغريب فى الامر

ان تحمى الدولة هذا التحالف وتقدم له المليارات ليبث الدورى كلما اوقفة الاتحاد

صراحة قنعنا من خير فى هذه البلد هذه المليارات اولى بها المرضى والمحتاجين والفقراء


لماذا تدفعوها لهذا التحالف رغم المعلومات التى عندكم يا حكومة

[ود السودان]

#979354 [عصام النويري]
5.00/5 (5 صوت)

04-20-2014 11:41 PM
كمال الجزولي قامة ينحني لها كل أصيل إلا من أبى!!!!

[عصام النويري]

ردود على عصام النويري
European Union [ابوريدة] 04-21-2014 08:18 AM
لو كان قامة فعلا ما كان وجه اساءة لزميل له في قاعة محكمة .... كلهم ما محترمين والقاضي ذاته ما محترم لانه دي اساءة له كرئيس للمحكمة ...

[امدرمان زمان] 04-21-2014 04:54 AM
لعلك تقصد كل منكسر ذليل



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة