الأخبار
أخبار السودان المحلية
قيادي بحزب البشير مهدداًَ : المشروع الاسلامي سيمضي حتي ولو إنشقت أعداد كبيرة وتبقت مجموعة واحدة.
قيادي بحزب البشير مهدداًَ : المشروع الاسلامي سيمضي حتي ولو إنشقت أعداد كبيرة وتبقت مجموعة واحدة.
قيادي بحزب البشير مهدداًَ :  المشروع الاسلامي سيمضي حتي ولو إنشقت أعداد كبيرة وتبقت مجموعة واحدة.


لوح بوظائف لاعضاء حزبه وقال : الحزب يدير 60 الف مؤسسة تحتاج لبشر
04-20-2014 11:16 PM
الراكوبة كشف رئيس القطاع التنظيمي بالمؤتمر الوطني حامد صديق عن إدارة الحزب لـ60 ألف مؤسسة ووجه عضوية الحزب بالإسراع في إكمال مؤتمرات الأساس بدون تجاوزات أو فروقات لتصعيد قيادات مؤهلة.

وقال صديق، فيما يبدو انه إغراءً للعضوية وتلويحاً بأن الحزب مازال يمسك بالوظائف والمغانم وحتي لايبتعدوا عنه مع حالة الإنهيار التي يعاني منها : "هذه الأجهزة تحتاج لبشر".

وتعهد بتطبيق لائحة المحاسبة التي تمت إجازتها مؤخراً، منوهاً إلى أنها تهدف إلى محاربة اللوبي والشلليات داخل الحزب. وقطع بعدم السماح لأي تيار للتغلب على الجماعة وأضاف: "لا مكان لمتفلت أو منفرد داخل حزبنا".

وقلل صديق من الانشقاقات داخل حزبه - في إشارة إلى حركة الإصلاح الآن - وزاد: "سنتجه كلنا إلي الله لتنفيذ البرنامج وإقامة دولة المشروع الحضاري حتى لو أدى ذلك إلى فقدان عدد كبير من عضويتنا ولم يتبقَ منا سوى مجموعة واحدة".

والعبارة الاخيرة مستمدةٌ من شعار الاخوان المسلمين والحركة الاسلامية المشهور "فى سبيل الله قمنا .. نبتغى رفع اللواء .. لا لدنيا قـد عمـلنا، نحن للدين فداء .فليعد للدين مجده فليعد للدين عزه أو ترق منهم دماء او ترق منا دماء أو ترق كل الدماء". ويمثل هذا الشعار المنهج العملي لجماعة الإخوان المسلمين والحركة الاسلامية السودانية التي بدات ممارسة العنف في الجامعات ثم الشوارع وبعد العام 89 إنتقلت بالعنف لكل انحاء السودان بحيث بات شطريه الشمالي والجنوبي من اكبر بؤر التوتر والحروب في العالم فيما اعترفت الجماعة في مناسبات متعددة بفشل مشروعها.

وقال القيادي في المؤتمر الوطني حامد صديق الذي كان يخاطب الرعاة والزراع في اجتماع الأمانة الخاصة بهم الأسبوع الماضي وفقاً لصحيفة (الجريدة) إن "الثورات العربية مجيرة لصالحكم وكل من يبحث عن أعداء يختار الوطني، ومن يبحث عن نموذج ينظر لكم"، حسب زعمه.

وحذر صديق عضوية حزبه من التهاون حتى لا يخدموا أجندة جهات لم يسمها قال إنها تريد تدمير الوطني، مؤكداً أن الحزب الحاكم في روسيا طلب منهم في إحدى زياراته مساعدتهم إلى الدخول لأفريقيا.

ودافع رئيس القطاع التنظيمي عن تجربة الوطني وقال إنه نجح رغم الظروف والعداء الذي تعيشه البلاد في الحفاظ عليها وتقديم عمل إضافي للمواطن. ونفى وجود ضعف تنظيمي بالحزب وأضاف: "لم نجد منطقة نشاطنا فيها مجمد ولكن هناك ضعف في بعض المناطق".

وأشار صديق إلى أن عدد مؤتمرات الأساس لحزبه بلغ 24 ألف مؤتمر أساس ودعا العضوية للإسراع في إكمال تلك المؤتمرات بصورة فاعلة باعتبار أن ما أنجز منها حتى الآن لم يتجاوز الـ8 % فقط.


تعليقات 36 | إهداء 0 | زيارات 5986

التعليقات
#984297 [ود الركابي]
0.00/5 (0 صوت)

04-25-2014 03:54 PM
60 الف مؤسسه .. شغالين شنو مؤسساتكم دي . فيها مصنع حديد وصلب . فيها مصنع ادوية . فيها اي مشاريع مهمة تدخل عملة صعبة للبلد . ما اظن .. مشروعكم الحضاري بلوه واشربوا مويته يا منافقين يوم الحساب كل واحد ياكل ناروا نحن ما محتاجين واسطة من المؤتمر الوطني لدخول الجنة وما في واحد فوضكم بمشروع ولا بطيخ .. منتهي الانانية .. الله لا يوفقكم فاقدين آسر .

[ود الركابي]

#980496 [fm3]
0.00/5 (0 صوت)

04-21-2014 11:21 PM
هذا من صمت هذا الشعب الذى ابى الا ان يصمد لجلاده حتى الممات
عشان كده هم استمروا وهان عليهم ان يصرحوا ويفعلوا
شعب جعان لكنوا جباااااااااااااااااااااااااااااان

[fm3]

#980371 [ود الصبابى]
5.00/5 (1 صوت)

04-21-2014 08:52 PM
هذا الكوز المعتوه المنافق يبدو انه عايش فى كوكب آخر ,
قال مشروع حضاري قال ,,
و مشروعكم الهلامى دة ح يبدأ بتين إن شاء الله ؟؟
لقد مرّت أكثر من خمسة وعشرين (ربع قرن يعنى) و إنتو لسع لم تبدؤ فيه !! أم أنكم بدأتم فيه منذ وصولكم المشئوم فى 1989 ومستمرين فيه حتى اليوم !! والذى ظهرت نتائجه فى فساد الاخلاق وإنتشار الدعارة فى الشقق المفروشة وفى شارع عبيد ختف ,
أم ان نتائجه ظهرت فى الفساد المالى وسرقات المال العام وبناء العمارات والقصور بمال السحت !!
أم ياترى فى الظلم والاستبداد وملء البلاد بالحروب وقتل الابرياء من المدنيين !!
أم ياترى فى قتل المتظاهرين السلميين من الشباب الذين خرجو إحتجاجاً على زيادة الاسعار !!
أم ياترى فى الخيانة العُظمى التى إرتكبتوها فى فصل ثلث البلاد بسكانها !!

أنتم ونظامكم الارهابى لا تعرفون عن الاسلام سوى إسمه , أنتم بعيدون عن الاسلام بُعد السماء عن الارض ,
لعنكم الله فى قبلاته الاربعة يا إرهابيين ياكيزان الشيطان .

[ود الصبابى]

#980314 [سقد]
0.00/5 (0 صوت)

04-21-2014 07:39 PM
الناس ديل والله مجانين يوم يقولوا امريكيا روسيا قددنا عذابها * ويوم يقول ليك روسيا معانا وخجلانين من كلمةالله معانا @اسلام عيب ان تدعوا الاسلام بهذا المنهج النفقاقى (راجع سورة النافقين)

[سقد]

#980216 [سلالم]
5.00/5 (1 صوت)

04-21-2014 05:48 PM
المشروع الحضاري فشل فشل زريع والناس في السودان بقوا ما بتحملوا كلمة دولة اسلامية ولا مشروع اسلامي لان هنالك عيب كبير في التطبيق وبصورة ممنهجة وعن قصد..... وهذه من اساليب الماسونية العالمية التي ينتمي اليها الكثير من الإسلاميين في السودان ..( تكريه الناس في الدين بالدين) ....

[سلالم]

#980202 [nagi]
0.00/5 (0 صوت)

04-21-2014 05:28 PM
مين صديق دا والله نستاهل نحن السودانيين السمحنا للعصابة دي تحكمنا الزمن دا كلوا

[nagi]

#980200 [مظلوم من الكيزان]
0.00/5 (0 صوت)

04-21-2014 05:26 PM
تفو عليكم يا وسخ الارض,لعنكم الله ,كفاكم افتراء على الله كذبا....

[مظلوم من الكيزان]

#980105 [أبوالكجص]
5.00/5 (1 صوت)

04-21-2014 03:35 PM
إقتباس:

وقلل صديق من الانشقاقات داخل حزبه - في إشارة إلى حركة الإصلاح الآن - وزاد: "سنتجه كلنا إلي الله لتنفيذ البرنامج وإقامة دولة المشروع الحضاري حتى لو أدى ذلك إلى فقدان عدد كبير من عضويتنا ولم يتبقَ منا سوى مجموعة واحدة".

صديق يا الإسمك مابشبهك، الله يعلِّقك من عراقيبك أيها المنافق. إنتو لسع عندكم وجوه تتجهون بها إلى الله عشان تنفذوا بيها برنامجكم الذي شبع موت! لو كنتم تحترمون دين الله فعليكم أن تتواروا خجلاً من غضب الله عليكم. أنتم ظللتم تنافقون ربع قرن وتتاجرون بإسم الدين الإسلامي وتعملون على خلاف مايأمر به وينهى عنه حتى كاد هذا الدين السمح العظيم أن ينطق متبرئاً منكم فكيف يوفقكم الله في برنامجكم!!! (قال دولة المشروع الحضاري قال)

[أبوالكجص]

#979989 [الكاهلى]
5.00/5 (1 صوت)

04-21-2014 02:03 PM
فى ميدان رابعة بمصر كان جهابزة الكيزان يههللون ويكبرون بأنهم قد اعدوا
مائة الف شهيد وان مرسى عائد وان الرسول (ص ) قد صلى معهم وان الملائكة تتنزل على
ميدان رابعة ولكن عند حضور الشرطة والجيش هرب كل اصحاب اللحى الكبيرة والكروش
ولم يستشهد منهم احد ولم يعتقل منهم احد لقد هربوا كالجرذان وتركوا الهوام والمقرر بهم
يموتون كالفطائس ويستشقون البمبان ...
وهو نفس السيناريو سيتكرر فى السودان قريبا بس شدو الضراع واقفلوا المنافذ
وحضروا العيدان

[الكاهلى]

#979939 [عوض شـنــان]
5.00/5 (1 صوت)

04-21-2014 01:23 PM
وأين هو هذا المشروع الإسلامي؟ .... كلام خشـم ؟ .... ألا يعلم هذا المعتوه أن ما فعله المؤتمر الوطني بالإسلام كان أبشع ما فعله الصليبيون ؟ .. ألا يعلم هذا المنافق حامد صديق أن سرقات المال العام والدعارة واللواط وفساد الذمم وكثرة المعازف والقيان والمطربين والراقصين لم تزدهر ولم تتفشى إلا في عهد حكم الإخوان المسلمين ؟ يا أخي فعلا اللي اختشوا ماتوا . ولكن ليكم يوم يا كلاب وسنطاردكم فيه في الشوارع والبيوت يا معفنين يا شواذ يا حاقدين يا لصوص يا عديمي الأصل والتربية. يا أولاد الحرام.

[عوض شـنــان]

#979929 [نكس]
4.00/5 (1 صوت)

04-21-2014 01:16 PM
والله نحن شعب مسكين - الزول دا ما بتكلم معانا نحن السودانيين الزمان - الزول دا بتكلم مع سودانيين الانقاذ - ونحن طابور ليس الا - وهو ما كذب صحيح المؤتمر الوطني كحزب عايز يمكن نفسو وافرادو ويسيطر علي مفاصل البلد وينتهي من المعارضة ونظام الادارة الاهلية والقضاء والقوات النظامية الوطنية والنقابات -نجح بصورة ممتازة في استراتيجيتو - ولاي حزب خارج السودان عايز يتمكن ممكن ياخذ التجربة السودانية - ومتوفرة بصورة كورسات صغيرة بالنسبة لرؤساء الاندية والاحياء - الناس مصدقة الشعارات وتجربة الاخوان في مصر خير دليل انو ديل( قوبة) ما بتطلع الا بحلاقة الشعر وتمسح ليها قطران - نحن المعارضة بتعارض من اجل المعارضة رقم الهدف واحد اقتلاع النظام برضو مختلفيين كيف - وشعوب الجوار بتديك الدرس مجان وبرضو بيسقطوا - المسالة مافي زول منهم عايز يخسر - وبتخيل يغير الحكومة باقل خسارة - منتظرين يطلع الشعب والشعب السوداني بقي دعوني اعيش -السوداني لو مات ودخلوه النار بتكون دي مصيبة ما شاف حاجة في الداريين - دا شعب طيب واقرب الشعوب لاصحاب سيدنا النبي واكثرهم محبة له ولكن نحسب المؤتمرجية ابتلاء من الله ولنا الصبر علي الظلم ولنا الله هو مولانا ولا مولا لهم الله ناصرنا ولا ناصر لهم الاسلام ديننا ولا دين لهم -ان الله يعلم ويري فهنيئا لهم بدل السودان اتنيين تاني اذا هم اختارو الهوس الديني والدنيا بعزابنا- فالشعب السوداني اختار الله ورسولة وربح البيع وربح البيع وربح البيع - فهنيا لمن ناضل لحريته - وارجو من التابيعين لهم ممن يظنون خدمة الدين ان يرجعوا الي الله ويشهدوا ان الله هو الواحد الاحد ويستغفرو عسي الله ان يتوب عليهم وان الله يغفر كل شي الا الدين وهم مدينون لهذا الشعب الابي - لكن اخذتهم العزة بالاثم فنسوا الله فانساهم انفسهم - يعني القصة ما قصة شعب سوداني بس قصة عداوة مع الله ورسوله وسوف يرون ثورة الله واخذه - وعلي بقية الشعب السوداني الفضل عليهم بالاستغفار فهؤلاء هم الدجال بعينو - القابض علي دينو كالقابض علي الجمر - اللهم لا تفتنا بفقرنا ولا حاجتنا ولا هواننا علي الناس منك الملجا واليك المصير لا اله الا انت اني كنت من الظالميين

[نكس]

#979902 [منشى]
4.00/5 (1 صوت)

04-21-2014 12:51 PM
مشروعكم يمضى الى اين ؟ الى الله , فذلك هو المستحيل لأن الله طيب و لا يقبل إلا الطيب !! اذا الى اين ؟؟ لم يبقى إلا الى الشيطان ثم الى الهاويه فذلكم هى الوجه التى تسيرون إليه بكل وضوح و لأنكم أرضيتم الشيطان أكثر من أن ترضوا الله عز و جل من سفك دماء بغير وجه حق و قسمتم ارض بمن فيها بظلمكم الى المجهول و سرقتم المال العام و بددتموه فى الحروب و فى شراء الذمم و رشاوى بالمليارات لمنفذين فى الدول الاوربيه و امريكيا و شردتم المئات و قطعتم ارزاقهم و افتريتم على الله بالكذب حتى عليه فماذا ترجون و من ترجون غير شيطانكم الذى تعبدون وهو المال و السلطه . متما انقطع عنكم احداهما فستذهب الثانيه معها و انتم معها.

[منشى]

#979898 [Almo3lim]
4.00/5 (1 صوت)

04-21-2014 12:45 PM
صباح الخير أهلنا في الراكوبة

قريت كم سطر و ما أظن أحتاج أكمل بقية الخبر ..

نقول لهذا الأجوف لن تنال من مؤتمراتك شيئا و طالما قررتم أن تضعوا مبدأ المحاسبة في الاعتبار فلن تجدوا من يتصدر صفوفكم مرة أخرى لأنها لم تكن متاحة أبدا الا للصوص و القتلة ..


قربت و ما عندكم الا المليشيات و المنمتفعين ..

و المثل بيقول (المحرش ما بيقاتل) ..

[Almo3lim]

#979875 [المغترب والمشترق كمان]
0.00/5 (0 صوت)

04-21-2014 12:23 PM
هذا حزب حكومي يسعى الى الحصول على الشعب وليس حزب شعبي يسعى الى الحصول على الحكومة. إتحاد إشتراكي نمرة 2 . إذا فطمته الحكومة سيجف مثل ضفدعة وتتطاير عضويته كاوراق الخريف ويتحول جذعه الى ..........

[المغترب والمشترق كمان]

#979858 [ودالنيل تمساح]
4.00/5 (1 صوت)

04-21-2014 12:14 PM
الواحد كلما يشوف تصريح لواحد من العصابة الحاكمه
يتزكر ان العصابة دى سلطها ربنا للمجتمع السودانى
بدليل الحاكم الجائر ورجال الدين يطبلون وكثرة الفساد
كل دى دليل على غضب الله. ماعلينا الا ان نقول ربنا ارفع عنا هذا البلاء

[ودالنيل تمساح]

#979849 [الكاهلى]
0.00/5 (0 صوت)

04-21-2014 12:09 PM
سبحان الله الاسلام اصبح مشروع يعنى زى مشروع الجزيرة ومشروع كنانة
لعنة الله تغشاكم يا خوارج العصر

[الكاهلى]

#979768 [bander adam]
2.00/5 (1 صوت)

04-21-2014 10:58 AM
هذا الدين الذى ترق عنه كل الدماء هو دين الموتمر الوطنى وليس دين الله

[bander adam]

#979766 [القناص]
0.00/5 (0 صوت)

04-21-2014 10:57 AM
وزاد: "سنتجه كلنا إلي الله لتنفيذ البرنامج وإقامة دولة "المشروع الحضاري"

بل قل المشروع الحِماري

لعنة الله تغشاكم تاني دايرين ترجعوا الى ضلالكم القديم
تغشوا في الشعب المسكين 25 سنة ولسع عندكم نفس للكذب

قال تعالي (وَإِذَا رَأَيْتَهُمْ تُعْجِبُكَ أَجْسَامُهُمْ ۖ وَإِنْ يَقُولُوا تَسْمَعْ لِقَوْلِهِمْ ۖ كَأَنَّهُمْ خُشُبٌ مُسَنَّدَةٌ ۖ يَحْسَبُونَ كُلَّ صَيْحَةٍ عَلَيْهِمْ ۚ هُمُ الْعَدُوُّ فَاحْذَرْهُمْ ۚ قَاتَلَهُمُ اللَّهُ ۖ أَنَّىٰ يُؤْفَكُونَ" (4) المنافقون

وقال تعالى (وَإِذَا قِيلَ لَهُمْ لاَ تُفْسِدُواْ فِي الأَرْضِ قَالُواْ إِنَّمَا نَحْنُ مُصْلِحُونَ (11) أَلا إِنَّهُمْ هُمُ الْمُفْسِدُونَ وَلَـكِن لاَّ يَشْعُرُونَ (12) وَإِذَا قِيلَ لَهُمْ آمِنُواْ كَمَا آمَنَ النَّاسُ قَالُواْ أَنُؤْمِنُ كَمَا آمَنَ السُّفَهَاء أَلا إِنَّهُمْ هُمُ السُّفَهَاء وَلَـكِن لاَّ يَعْلَمُونَ (13)البقرة

[القناص]

#979762 [المشتهى السخينه]
3.50/5 (2 صوت)

04-21-2014 10:55 AM
المؤتمر الوطنى ربه البشير الرئيس الدائم لانه عندما يظهر لهم يقولون الله اكبر .ومنهم من سجد امام سيارته لنيل البركة .ودينهم العملة الصعبة بها يؤمنون ولها يعملون .تعلمنا فى الزمن السابق ان احقر مهنه يمتهنها ( رجل ) ان يعمل قوادا للنساء . وبمرور الزمن ظهرت مهن اخرى احط منها هى عضوية المؤتمر الوطنى والجبهة الاسلاميه وهيئة علماء السودان ..

[المشتهى السخينه]

#979696 [mohamed]
5.00/5 (2 صوت)

04-21-2014 10:22 AM
"فى سبيل الله قمنا .. نبتغى رفع اللواء .. لا لدنيا قـد عمـلنا، نحن للدين فداء .فليعد للدين مجده فليعد للدين عزه أو ترق منهم دماء او ترق منا دماء أو ترق كل الدماء". وفي رواية اخري وهذه هي الحقيقة.(نبتغي رفع البناء.لا لدين قد عملنا,نحن للدنيا فداء) اما عن الدين ارجوكم لا تسيئوا له اكثر مما اسأتم.وتذكروا ايها الكيزان أن المنافقين في الدرك الاسفل من النار,وأسوأ حالا من الكافر الذي قد يهتدي ويؤمن..وان من يتق الله يجعل له مخرجا.ولو كنتم تؤمنون بالله واليوم الاخر والحساب لما فعلتم بالشعب ما فعلتم.والله يمهل ولا يهمل.

[mohamed]

#979685 [الكاهلية]
0.00/5 (0 صوت)

04-21-2014 10:13 AM
هذا الرجل يعترف بفشل مشروعهم وانه سبب ضياع السودان
بل يغض الطرف عن الفساد وكأنه من عند الله
كفر وكذب

[الكاهلية]

#979679 [اشباوي]
4.00/5 (1 صوت)

04-21-2014 10:08 AM
هههههههههههههاااااااااي
غايتو انتو مغفلين ولا نحن الممغفلين
يا حبيب انت بتغش في منو انكشفتو يا نصابين ويا حرامية
قول بكل وضوح وقلة ادب انا داير احمي المال السرقتو من الغلابة
وزيد عليه انحنا قربنا نقع فلازم تقول كلامك داك قال 60 الف مؤسسة
الله يلعن كل من ايدكم ووقف معكم
والحسساب قريب قريب يا منافق يا كذاب

[اشباوي]

#979646 [الكجور الأسود]
4.00/5 (1 صوت)

04-21-2014 09:45 AM
تاااااااني ! وبعد مرور 25 سنة من التوجه الحضاري وحتى التجربة دي ما عايز تتعلم منها؟ وكمان عايز تخالف الجماعة؟

[الكجور الأسود]

#979644 [faris]
0.00/5 (0 صوت)

04-21-2014 09:45 AM
والله ياخ ! محن اين هو المشروع الاسلامي الا اذا كان فاكر اعمال القتل والسلب والنهب من الاسلام هؤلا يسئون على الاسلام لان كل اعمالهم باسم الاسلام. هؤلا اشد خطرا على الاسلام من اعداء الاسلام . لا حولا ولا قوة الا بالله العظيم حسبي الله ونعم الوكيل

[faris]

#979616 [متابع]
5.00/5 (1 صوت)

04-21-2014 09:27 AM
دا كمان ظهر من وين ... بسم الله واعوذ بالله من غضب الله الواحد بعد ما يشبع ويملأ بطنه يقوم يفرر انتو بتعرف دين
ان للحسنة نورا في القلب وضياء في الوجه ومحبة في قلوب الخلق - قيسوا نفسكم على هذا المقياس يا وهم.

[متابع]

#979607 [ابوهاني]
0.00/5 (0 صوت)

04-21-2014 09:24 AM
هذا شخص منافق ولو الانسان بحث عنه سيجده سارق مال الشعب فلهذا يدافع عن نظام فاشل في كل المناحى من اقتصاد وامن وتعليم وصحه وكل ما يهم المواطن المغلوب على امره فشل فشل زريع

[ابوهاني]

#979569 [abdo]
0.00/5 (0 صوت)

04-21-2014 08:58 AM
عن اى اسلام تتحدث ؟؟؟؟؟؟؟؟؟؟؟ وعن اى انجاز ؟؟؟؟؟؟؟؟

[abdo]

#979558 [بتاع بتتييخ]
0.00/5 (0 صوت)

04-21-2014 08:50 AM
مشروع القوادين دا متين بنتهى ؟ بعدين هو لسا ما بدا ؟

[بتاع بتتييخ]

#979524 [تجاني مصطفي]
0.00/5 (0 صوت)

04-21-2014 08:23 AM
مشروع حضاري بتاع ايه .. الا إذا كان النهب واللغف .. واكل اموال الناس بالباطل .. والرشوة والأختلاس واستغلال النفوذ... والتمكين والمحاباة وتشريد الخصوم.. واهلاك الزرع والضرع وبيع اصول الشعب السوداني .. من مشاريع ومصانع وممتلكات .. الا اذا كان كل ذلك هو من متطلبات اقامة المشروع الحضاري اختشي علي دمك ياكلب ..

[تجاني مصطفي]

#979496 [هدهد]
0.00/5 (0 صوت)

04-21-2014 06:42 AM
لعنة الله عليك ايها المنافق سمسار الدين أنتم آخر من يتكلم عن الدين والاخلاق انتم عبارة عن عبيد سلطة وثروة انتم عبيد الدولار اينما كان تاجرتم باسم الدين وخدعتم الناس بكذبكم الموثق والمصور سينمائيا ويكفى فقط فقط برنامجكم الذى يسمى من ساحات الفداء الذى ضللتم به العباد ووأوهمتموهم بالجهاد ودخول الجنة وتزويج الحور العين وقتلتم نفوسا كثيرة فى تلك الايام وبعد نهاية الحرب واستسلامكم لقرنق قلتم عليهم فطايييييس !!!!! عن أى دين تتكلم ايها المنافق انتم أسوأ من الكفار واليهود انتم المنافقين الذين يقذفون فى الدرك الاسفل من النار ويل لكم وويل لكم الدين والاسلام برىء منكم ومن عمائلكم الرزيلة وفسادكم المميت .

[هدهد]

#979489 [مصعب]
0.00/5 (0 صوت)

04-21-2014 06:08 AM
زمان واحده كده طردوه من بيت كعب . قعد يقول بصوت ناعم كرامتي ما بتسمح لي اجي تاني.
اسه الناس دي الربا في السوق العربي رغم انه الية (لاحظ الية دي) الانتهاء منه بالزام نقابة السائقين واصحاب الحافلات بتوفير فكه للكماسره . يعني خدمة السواقين واصحاب الحافلات .
وسؤال بريئ النقابه دي قروشها ملكية منو خاصه انها بقت عندها مبالغ ضخمه في شكل بصات يعني الجنيه البندفع في كل فرده ده قصاد شنو ولو فاضت وبقت مليارات بتكون حقت منو؟؟؟ ح تبقى زي الاقطان ويجي الرئيس البعد لبشير ويقول انا وكيل عنهم ؟؟ ياخي شوف اسيادها منو وهل ح تعود ليهم ارباح لانها شركة مساهمه عامه وليه ما تم ادراجها في سوق الخرطوم وليه ما يكون الادراج اجباري.
قلت لي مشروع حضاري ؟؟ كدي شوفو ناسكم ديل منو فيهم الما بتاع مصلحه .
ناقش اي كوز عن خطأ كبير للانقاذ وواضح ولمن تعصره انت مؤيدهم وليه ما تنتقد الحاجات دي وربنا ح يسالك مفروض تخليهم لو ما بتقدر تغيير عشان الله ما يسالك يقرد عليك (الناقشتهم) انه هو بتاع مصالح بس وما مقتنع .
ياتو حزب بحلف اعضاءه مصحف؟ ومصري الشهداء الفطايس هل ما زالوا فطائس (حسب وجهة نظر الترابي) ام سيعودوا شهداء؟؟؟.

[مصعب]

#979401 [الكد]
5.00/5 (3 صوت)

04-21-2014 12:46 AM
يا زول ..الاسلام دين الرحمة و الأخلاق و العدل ، و انتم ناس ظلم و سرقات انتم لدنياكم تعملون يا مفسدين ، و قسما بالله امثالكم ما فكروا في الدين إلا كأداة لتحقيق مآربهم.. تذكر في حساب في الدنيا يمكن الإفلات منه لكن اين تفرون من الله جبار السموات و الارض؟؟يا هذا اتقي الله اتقي الله.

[الكد]

ردود على الكد
European Union [ابو ادم ابو] 04-21-2014 08:34 AM
يا اخي هذه عين الحقيقة بل اقل من الجرائم التي ارتكبوها نرجو من كل الاخوان امثالك يا شباب علموا اخوانكم ووعوهم وفهموهم ان هؤلاء عصابة مجرمة وانا اقصد بعض اخوانكم الشباب الذين يمتلكون الجلاكسي وليس لهم غير الواتساب والجكسي والكلام الفارغ الوطن في مفترق طرق وعوهم وعوهم وعوهم الواحد منهم لا يعرف كابول ام دير الزور ام اكلاهوما هي واشنطون دي سي


#979387 [AburishA]
5.00/5 (4 صوت)

04-21-2014 12:18 AM
وإقامة دولة المشروع الحضاري حتى لو أدى ذلك إلى فقدان عدد كبير من عضويتنا

** الجملة الصحيحة..قل حتى لو أدى ذلك لفقدان (السودان).. باعتبار ما سيكون..
** ان المشروع الحضاري المزعوم.. ليس له لون ولا طعم ولا رائحة.. ان جميع الذين انسلخوا عن المؤتمر الوطني اعترفوا بأن لا احد يعرف تحديدا ماذا يعني (المشروع الحضاري)
** معناها تعبير هلامي يخموا بيهو الجماعة اياهم....

*** دينيا.. النظام ابعد ما يكون عن شرع الله قولا وفعلا وتطبيقا...
*** دنيويا.. لا أكلنا مما نزرع.. لا لبسنا مما نصنع...

والله مشروعكم الحضاري ده الا لو القتل والنهب والاغتصاب وحرق القرى الذي نراه في دارفور وكردفان والنيل الازرق..وقتل المتظاهرين السلميين.. والفساد والمحسوبية...وما يعف اللسان عن ذكره..

[AburishA]

#979381 [haitham]
0.00/5 (0 صوت)

04-21-2014 12:12 AM
اختشى على دمك يافاشل .

[haitham]

#979377 [A. Rahman]
5.00/5 (2 صوت)

04-21-2014 12:10 AM
و الله ما يمشي اي حتى يا ابن الصرمة، بعدين هو اسمه المشروع الاسلاموي، او مشروع المتاسلمين من اللصوص الذي يذخر بهم المؤتمر الوثني.

[A. Rahman]

#979355 [عصمتووف]
0.00/5 (0 صوت)

04-20-2014 11:43 PM
60 الف مؤسسة والدولة تسال عن الحصار والمقاطعة الدولية


والعبارة الاخيرة مستمدةٌ من شعار الاخوان المسلمين والحركة الاسلامية المشهور "فى سبيل الله (نهبنا ).. نبتغى رفع (العوام) .. لدنيا قـد عمـلنا، نحن ((للمال خدام)) فداء .فليعد (((للنهب)))مجده فليعد (((للاغتصاب))) عزه أو ترق منهم دماء او ترق منا دماء أو ترق كل الدماء
برضو كده ي اشقياء الاولين

[عصمتووف]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة