الأخبار
أخبار السودان المحلية
الجنيه السوداني يواصل الصمود أمام الدولار والريال السعودي لليوم الثالث على التوالي
الجنيه السوداني يواصل الصمود أمام الدولار والريال السعودي لليوم الثالث على التوالي
الجنيه السوداني يواصل الصمود أمام الدولار والريال السعودي لليوم الثالث على التوالي


04-21-2014 12:55 AM
رغم قلة العملة الصعبة المعروضة في الأسواق وزيادة الطلب عليها لمقابلة الاستيراد ومواجهة تكاليف العلاج بالخارج ومصاريف الطلاب الذين يدرسون بالخارج اضافة الى أن العملة الصعبة أصبحت تحفظ قيمة النقود السودانية ، واصل الجنيه السوداني صموده أمام الدولار لليوم الثالث على التوالي وقال أحد تجار العملة بالخرطوم " للراكوبة " أن السعر ظل ثابتاً من يوم الخميس الماضي وحتى اليوم الأحد وما زال سعر شراء الدولار من التجار يتراوح بين 8900 و 9000 جنيه ، وسعر الريال السعودي يتراوح بين 2300 و 2375 جنيه وذلك حسب الكمية والتاجر.


تعليقات 37 | إهداء 0 | زيارات 19318

التعليقات
#980876 [سامي]
0.00/5 (0 صوت)

04-22-2014 11:13 AM
ياجماعة نحن زمان قرينا فى حساب التلميذ فى المدرسة الاولية ايام البوليس ابورداء والجنيه ابوجمل والقرش زي قعر الكوز ان الجنيه السوداني يساوي 3 دولار ومكتوبة تحفظها زي الرطل = 12 وقية فى الصفحة الاولي . الحل انو تعود المدرسة الاولية والسلم القديم عشان يرجع الجنيه يساوي دولار . فهل من عودة هل ؟

[سامي]

#980766 [nagi]
0.00/5 (0 صوت)

04-22-2014 09:56 AM
الف مبرووووووووووووووووووووووووووووووووووووك للشعب السوداني صمود الجنيه لمدة ثلاثة ايام بلياليها سير ايها الجنيه وعين الله ترعاك ارجو من الاخوة في الراكوبة عمل احتفال ودعوة الرئيس والوزراء لحضور هذا الاحتفال والله يديم الصمود اليوم يومك ايها الجنيه

[nagi]

#980555 [mohamed]
0.00/5 (0 صوت)

04-22-2014 12:50 AM
ياخي ماتكون خيالي الدولار ب 9000 وتقول صامد، طيب دي خطة لقرار جديد بتعويم الجنيه عشان يكون السعر الرسمي ب 8500 وبعد داك السوق الموازي(الأسود) يبقي ب 13000؟؟؟؟؟؟؟؟؟؟؟؟؟؟؟؟؟؟

[mohamed]

#980231 [سلالم]
0.00/5 (0 صوت)

04-21-2014 06:03 PM
سلامات..... اليوم الدولا ب9 جنيه عدييييل كده... المشكلة مافي انو الدولار وصل 9 ولا وصل 50 المهم يكون في ثبات في السعر.... الثبات معناها في نمو اقتصادي والاقتصاد بخير بس المشكلة انو السعر متذبذب.... بالمناسبة التضخم ما مشكلة كبيرة لانو بكون في حركة في السوق.... المشكلة في الكركود الاقتصادي ودي الحاجة البعاني منها الناس الفترة دي....

[سلالم]

ردود على سلالم
[سلالم] 04-21-2014 09:00 PM
لا والله انا ما خريج اقتصاد.... انا خريج هندسة...
بس شبه شغال في السوق..... وبنعاني من ركوووووووود.....

United States [جركان فاضى] 04-21-2014 07:57 PM
ياسلالم...اخشى ما اخشاه ان تكون خريج اقتصاد


#980197 [البعشوم]
0.00/5 (0 صوت)

04-21-2014 05:20 PM
صمود يا ناس الراكوبة يا مستهبلين

[البعشوم]

#979874 [سودانى ممكون]
5.00/5 (3 صوت)

04-21-2014 12:23 PM
ياناس انا مصر انو ما تزعلو مش الدولار انحنا بس راجنو يبقى بى 10 جنيه وبعد كده نشيل الصفر وبى كده يكون الدولار يساوى واحد جنيه اها رايكم شنو؟ مش قلنا ليكم حلها بسيط

[سودانى ممكون]

ردود على سودانى ممكون
European Union [غربه بلا رجعه] 04-21-2014 04:00 PM
لا يا اخونا الجماعة الطيبين ديل طول ماقاعدين الصفر حيتحول لي صفرين يمين الواحد

[أبوالكجص] 04-21-2014 03:54 PM
ههههههههههههههههههههههههههههههههها. بس الأصفار حا تبقى زي واوات الفاتح جبرا.


#979796 [ابو الدفاع]
0.00/5 (0 صوت)

04-21-2014 11:17 AM
للاخ القال له 12 سنة والريال السعودي ما نزل هللة انا اقول ليه ظللت في السعودية 20 سنة والريال ما نزل هللة وعدت الي السودان 2003 وكان سعر علبة الانكور 2 كيلو ونصف 38 ريال وسعر كيلو اللحم 10 ريال كم مثلا كم سعر هذه الآن عشان نعرف ثبات عملتهم فائدتها شنو ؟

[ابو الدفاع]

ردود على ابو الدفاع
United States [افهم] 04-21-2014 01:44 PM
يا اخى المقصود هو سعر الريال امام الدولار او اليورو او الاسترلينى فقد ظل الريال بعون الله ثابتا وقويا امام كافة العملات الاجنبية ل 20عاما وربما اكثر ان الاقتصاد السعودى يعتبر من اقوى اقتصادات الشرق الاوسط والعالم والحمد لله ربنا يزيدهم ويزيدهم لان خيرهم يعم كل بلاد المسلمين اذا انت انسان سطحى يا ابو الدفاع وماك فاهم شىْ فى الاقتصاد .

United States [hulfa] 04-21-2014 01:04 PM
دلوقت سعر علبة الانكور 2.5 كيلو حوالي (70) ريال وكيلو اللحم السواكني (تربية محلية ) حوالي (31) ريال والرز الخمسة كيلو المصري كان قبل 10 سنوات تقريبا حوالي (14) ريال والان حوالي (30) ريال وكل شيئ تضاعف ما عدا البنزين والغاز والخبز


#979795 [ودالامام]
5.00/5 (1 صوت)

04-21-2014 11:15 AM
احى الصمود ده الصمود ولا بلاش

[ودالامام]

#979790 [عبد المنعم احمد]
0.00/5 (0 صوت)

04-21-2014 11:13 AM
قبل سنة بعد ان وافق السودان بمرور بترول الجنوب صحف السودان حملت الدولار على نقالة لغرفة
الانعاش والصحيح الآن الجرايد هي التي ستحمل على نقالة وعدل الى غرفة الانعاش هذا إذا لم تدخل بعد

[عبد المنعم احمد]

#979738 [نورة النور نورين أبو نورة]
4.50/5 (4 صوت)

04-21-2014 10:45 AM
3 أيام بلياليها
كدا ا لصمود ولا بلاش
لحدي ما الحكم يبدأ العد!

[نورة النور نورين أبو نورة]

#979709 [الخطير]
1.00/5 (1 صوت)

04-21-2014 10:32 AM
يا ناس الخرطوم كم الدولار اليوم

[الخطير]

#979675 [حمدي]
4.75/5 (5 صوت)

04-21-2014 10:06 AM
الجنيه السزداني ماشي في الطريق الصحيح ( صمود 3 ابام متتالية ) --- يمكن يبقى زي الريال السعودي -- 45 سنة سعر ثابت امام الدولار -- دولار = 3.75 ريال -- و في امكان السعودية جعل الريال = 5 دولار
الاستقرار الثقة الريادة و الحكم الرشيد .

[حمدي]

#979661 [الليل]
3.00/5 (2 صوت)

04-21-2014 09:54 AM
ما يشيلو ثلاث اصفار من العملة بتاعتنا دي عشان السعر يبقي 9 بس.
ما متعودين ينزلوا السعر بشيل الاصفار لانها ما بتعمل حاجة
بدوها بصفر ثم صفرين باقي التلات اصفار.
السعر بتقص بالصدير مش بالتصفير ربنا يورينا فيكم يوم.

[الليل]

ردود على الليل
European Union [ابو ابراهيم] 04-21-2014 12:09 PM
ما شالوا التلاتة أصفار زمااااان يظهر إنك إنت لسة يا أبو الليل بتقول للجنيه ألف يا حتى ستات الشاى بقولن الكباية بتلاتة جنيه - أعلم يا صديقى أن سعر الدولار تسعة جنيه فقط لا غير ومافي طريقة يشيلوا ولا صفر واحد تاني.


#979636 [جركان فاضى]
3.00/5 (1 صوت)

04-21-2014 09:41 AM
علق احد الاخوة الاقتصاديين امس وقال ان الغرض من الوديعة القطرية هو تمكين النظام من الاقتراض...يعنى هذه الوديعة سوف تولد وديعات...عندها سوف ننقذ الجنيه من الغرق...بس هذه الوديعات بختوها فى ضهر الجيل القادم...الجيل دا ضهرو انسلخ من الشيل الكتير...وكمان الدبر مالى ضهرو...وشكرا الشعب السودانى...البشيل فوق الدبر ما بميل

[جركان فاضى]

#979635 [ابوبكر]
4.66/5 (6 صوت)

04-21-2014 09:41 AM
قالوا لو ما جئنا كان الدولار وصل عشرين جنيه :::: سبحان الله :::: وصل 9000 جنيه

[ابوبكر]

ردود على ابوبكر
[yasir] 04-21-2014 11:18 AM
دخل التاسع ربنا يحلو بالسلامة


#979628 [Quickly]
4.50/5 (4 صوت)

04-21-2014 09:33 AM
المستغرب هو ثبات سعر الجنيه لمدة ثلاثة امام الدولار؟؟؟!!!!!!
لذلك سمي بصمود الجنية !!!!!
هذا الدولار ابصلعةله التحيةو قريباً انشاءالله هو الذي سوف يعجل بأنهيار نظام المؤتمر
قومو نحيي أسود الجبهة الثورية الاشاوس الذين يستنزفون كل يوم وكل ساعة موارد نظام المؤتمر الوثني ودعك من ندوات وهتافات احزاب اليافطات والشعارات والفنتازيا والكهن والدراويش التى لاتسمن ولاتغني من جوع

وبسبب استنزاف الدولار النظام في اسواء حالاته في غرفة الانعاش فبدأو في تنفيذ الخطة ((ب)) كبيرهم وعويرهم البشير اصبح يولول ,,, تعالوا تعالوا حوار حوار وثبة وثبة اندغــام سيرورة
يبدوا ان هذا كله عبارة عن تمثلية كبيرة تمهيداً للهروب الكبير بسلام عندما تدق ساعة الصفر لبنى كوز
فقد تم تهريب 80 مليار دولار من اموال الشعب السوداني الى بنوك ماليزيا ودبي وقطر ,,,, لكنهم واهمـــــووون
جهزوا المشانق للكيزان ومادايرين حوار مع اللصوص النهابين ,,,,, اغلقوا كل الجحور ومنافذ الهرب امام الجرذان القتلة ماعدا منفذ الجنائية الدولية الى لاهاي

[Quickly]

ردود على Quickly
European Union [محمد] 04-21-2014 12:44 PM
علي الجميع الانتباه عند كتابة(ان شاء الله ) لان كلمة انشاء لا تليق في هذا المكان. والإنشاء : الخلق والإيجاد فيشمل إعادة ما كان موجودا وعدم ، فقد سمى الله الإعادة إنشاء في قوله تعالى ثم الله ينشئ النشأة الآخرة فيدخل نساء المؤمنين اللائي كن في الدنيا أزواجا لمن صاروا إلى الجنة ويشمل إيجاد نساء أنفا يخلقن في الجنة لنعيم أهلها.

وانا ان شاء الله لمهتدون


#979593 [عادل]
1.00/5 (1 صوت)

04-21-2014 09:18 AM
لى 12 سنة فى السعودية الريال مانزل هللة امام الدولار

[عادل]

ردود على عادل
United States [كوز كنافه] 04-21-2014 09:20 PM
ولو ابنك جلس خمسون سنه حيكون كدي وياريت سيدنا ابراهيم عليه السلام لو شمل بدعوته من هم خلف البحر المالح لكنت اليوم من اصحاب الريالات السودانيه بس مابتدي حريف واصبر علي الغربه وهذا قدرنا وياريت ينصلح حالنا ونرجع

[الغضنفر] 04-21-2014 11:17 AM
يا أستاذ عادل أنا لي 34 سنة الريال ما نزل هللةامام الدولار


#979582 [A. Rahman]
4.25/5 (5 صوت)

04-21-2014 09:09 AM
دي عملة شنو اللي بيحسبوا ليها صمودها بالأيام؟ سبحان الله

[A. Rahman]

ردود على A. Rahman
United States [الصليحابي] 04-21-2014 10:45 AM
والله صدقت يا اخ ( A.Rahman )دي عملة زبالة، عاملة زي الملاح البايت في سخانة الصيف ، إذا صمد لليوم التالي ولحق وجبة الإفطار ، تشوف الولية فرحانة، وتخت الفطور بدري ، عشان ما يخمر. وهو ما ينطبق على عملتنا البئيسة ، تخيل فرحانين عشان صمدت 3 ايام ، قول ليهم .. روحو بلى تخمكم وتوديكم في ستين ألف داهية يا حرامية يا سراقين يا كضابين يا نهابين يا تجار الدين .


#979574 [مهاجر]
0.00/5 (0 صوت)

04-21-2014 09:02 AM
.

[مهاجر]

#979564 [صمد دهراً... و...؟]
4.25/5 (5 صوت)

04-21-2014 08:55 AM
صمود...؟

غايتو إلا كان قاصدين: الصمود الذي تعقبه الكارثة....

على وزن الهدوء الذي تتلوه العاصفة...

بعدين آخر الزمن.... بنفتخر بصمود الجنيه تلاتة يوم بس...

محن

[صمد دهراً... و...؟]

ردود على صمد دهراً... و...؟
United States [الصليحابي] 04-21-2014 10:49 AM
دي عملة زبالة، عاملة زي الملاح البايت في سخانة الصيف ، إذا صمد لليوم التالي ولحق وجبة الإفطار ، تشوف الولية فرحانة، وتخت الفطور بدري ، عشان ما يخمر. وهو ما ينطبق على عملتنا البئيسة ، تخيل فرحانين عشان صمدت 3 ايام ، قول ليهم .. روحو بلى تخمكم وتوديكم في ستين ألف داهية يا حرامية يا سراقين يا كضابين يا نهابين يا تجار الدين .


#979562 [adam]
4.00/5 (3 صوت)

04-21-2014 08:53 AM
كمحلل اقتصادي الشئ الفهمتو من ارتفاع اسعار الدولار انو كلما سرقوا دولار او نقصوا دولار يرتفع الدولار يعني ذي كل. ما جارك يزيد الحيطه مدماك اعرف أنو جارك خشي جيبو مليون. يعني ذي كلما زاد سعر الشيلة اعرف انو عرس بنت وداد قرب

[adam]

ردود على adam
United States [جركان فاضى] 04-21-2014 09:34 AM
ههههههههها....يا اخى كلما زدنا الحيطة الدولار يمد راسو يتاوق لينا


#979518 [الكينابي]
4.32/5 (5 صوت)

04-21-2014 08:07 AM
اذا دا الصمود جيبو خبير اقتصادي يشرح لنا اﻻنهيار

[الكينابي]

ردود على الكينابي
United States [جركان فاضى] 04-21-2014 09:31 AM
الانهيار؟...طالما فى سد مروى ماتخاف من الانهيار


#979516 [المتجهجه بسبب الانفصال]
4.00/5 (3 صوت)

04-21-2014 08:04 AM
واصل الجنيه السوداني صموده أمام الدولار لليوم الثالث على التوالي وقال أحد بالخرطوم

ثلاثة يوم بس وتسمونه صامد ،، طيب لو صمد سنة كان تقولوا عليهو الجنية رامي لي قدام امام الدولار والريال ،،، الصمود الثلاثة يوم ديل قد يكون بسبب المليون بتاعت حسن محمد مصطفى الفائز بجائزة الحلم جعلت تجار الدولار يصمدوا شوية ثلاثة يوم لغاية ما تدخل،، وقد حدث مثل ذلك عندما اندلعت الاحداث في ولاية الوحدة الغنية بالنفط،، السوق السوداني الموازي حساس جداً جداً حتى أن مؤشرات بورصة الوول ستريت لا تستحمل حساسيته لذلك ليس لنا مؤشرات فيها لأن مؤشرات تجار الدولار في السوق العربي والحكومة مقاييسها دقيقة للغاية ولايمكن التنبؤ بها بنفس الدقة التي لا يمكن ان تتنبأ ارصاداتنا الجوية بالخريف الذي يأتي في كل عام في نفس الفترة ،،،، فهذه الامور تدار بالايدي المتوضئة وقراءة حرز يسن للتثبيت السياسي والاقتصادي والسعر الموازي لكن برضو مع يسن أدوها جكة مع تميم لإحياء الجنيه وهو رميم،،،

[المتجهجه بسبب الانفصال]

#979510 [السودان]
5.00/5 (2 صوت)

04-21-2014 07:33 AM
ما تشيلو هم كل يومين بس وتعدي .. وكمان بشارة حلوة لسة في وديعة السعودية ما جات والاماراتي ؟؟ انشاءالله دولار ح يدوق الدلنجة ,,, ... ما تنسو الرمضان علي ابواب .. كترو في السكر كلام دولار خلو ..

[السودان]

ردود على السودان
United States [الصليحابي] 04-21-2014 10:51 AM
دي عملة زبالة، عاملة زي الملاح البايت في سخانة الصيف ، إذا صمد لليوم التالي ولحق وجبة الإفطار ، تشوف الولية فرحانة، وتخت الفطور بدري ، عشان ما يخمر. وهو ما ينطبق على عملتنا البئيسة ، تخيل فرحانين عشان صمدت 3 ايام ، قول ليهم .. روحو بلى تخمكم وتوديكم في ستين ألف داهية يا حرامية يا سراقين يا كضابين يا نهابين يا تجار الدين .


#979504 [هرقل]
4.00/5 (3 صوت)

04-21-2014 07:12 AM
الله ياخد الكيزان وينتقم للشعب السودانى منهم

[هرقل]

#979500 [ود احمد]
4.82/5 (5 صوت)

04-21-2014 07:02 AM
العملة تصمد. بالانتاج وليس بالهبات وهذا هو الهدوء الذي يسبق العاصفة لو اردنا للجنيه السوداني ان تعود هيبته وصموده
اولا تفكيك هذه الحكومةٌ وتاتي حكومة انتقالية لمدة اربع سنوات لبناء ما دمرته هذه الحكومة في مجال علاقاتنا الخارجية
ثانيا على الحكومة المستقلة وضع دستور ديقراطي للبلاد وقانون انتخابي حر دون تدخلات
ومحاسبة واسترداد المال العام اما اي كلام عن عمليات ذر الرماد في الوجوه فهي محاولات يائسة وفاشلة فلا بد من حل المشكلة من جذورها

[ود احمد]

#979472 [نهبوك يا وطن]
3.50/5 (2 صوت)

04-21-2014 03:45 AM
عملة ولا تصفيات كائس العالم.
شكلو خشيت راكوبةsports بلغلط. صامد على تسعة. امال لمن يولع ويبكي ويسخن و يجوعو و ماكلوبعض يكون كم. اخوانا الاقتصاديين نرجو الافادة. ده صمود fairy ولا وثبة ماقبل الهاوية؟؟

[نهبوك يا وطن]

#979463 [mon]
1.00/5 (1 صوت)

04-21-2014 03:03 AM
صمود خرافي~من خراف وليس خرافة~...

[mon]

#979458 [مصعب]
1.00/5 (1 صوت)

04-21-2014 02:47 AM
اصلي كيف خلي المغتربين يتمتعو ونحن نسف التراب كلو لعبه مرا فوق ومرا تحت السبب ؟؟؟؟

[مصعب]

ردود على مصعب
European Union [عبود الجمر] 04-21-2014 07:45 AM
المغتربين ياعزيزي هم اكثر المكلومين يكدون لالانفسهم بل للاهل والاحباب اصبح المغترب لايامل في شراء بست او قطعة ارض لان الاغتراب ماعاد كسابق عهده


#979445 [جمال بري]
0.00/5 (0 صوت)

04-21-2014 02:16 AM
لو ترك الجنية لوحده دون تكتيك وتخويف واعتقالات للتجار لاصبحت العشرة جنيهات تساوي جنيةواحد

[جمال بري]

#979438 [kamal]
5.00/5 (1 صوت)

04-21-2014 02:04 AM
كتمت

[kamal]

#979429 [طارق البشري]
1.00/5 (1 صوت)

04-21-2014 01:36 AM
عيني بارده عليك ياسودان

[طارق البشري]

ردود على طارق البشري
European Union [داوودي] 04-21-2014 10:39 AM
والله بالشايفو ان بقت حاااره مولعة مافي فايدة .



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية



الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة