الأخبار
أخبار إقليمية
حزمة من القرارات لتلافي سلبيات الخريف بمحلية الخرطوم
حزمة من القرارات لتلافي سلبيات الخريف بمحلية الخرطوم
حزمة من القرارات لتلافي سلبيات الخريف بمحلية الخرطوم


04-21-2014 11:41 AM

الخرطوم
أصدر مجلس حكومة محلية الخرطوم برئاسة معتمد المحلية اللواء عمر نمر بحضور نواب المحلية بالهيئة التشريعية القومية والمجلس التشريعي الولائي، أصدر حزمة من القرارات لتجويد الخدمات والاستعداد لفصل الخريف.
ووقف الاجتماع على استعدادات فصل الخريف وتلافي أوجه القصور التي واجهت العمل العام السابق، حيث بلغ المستهدف من إنشاء المصارف الجديدة (10) آلاف متر طولي فضلاً عن العبارات والآبار في المناطق المنخفضة.
ووجه الاجتماع بإحالة إنفاذ خطة الخريف للعام الجاري لرؤساء الوحدات الإدارية وتخويل المزيد من السلطات التنفيذية لرؤساء الوحدات مشدداً على عمل إدارة المخالفات طوال الـ(24) ساعة لإزالة جميع المخالفات في الأسواق والمواقف العامة، كاشفاً عن فتح بلاغات تجاه مواطنين وبعض الجهات تقوم بتوصيل شبكات الصرف الصحي في مصارف الأمطار.

الجريدة


تعليقات 8 | إهداء 0 | زيارات 1901

التعليقات
#981240 [عمرابي]
0.00/5 (0 صوت)

04-22-2014 03:56 PM
عتبت على صديق كونه رزق بطفل ولم يخطرنا .. فإعتذر بـ (والله معليش الولادة جاتنا فجأة) .. وعنصر المفاجأة إنو المدام ما كانت حامل 9 شهور ..

دحين الفصاحة دي بنسمع فيها كل سنة .. وبرضو بنغرق وواطاتنا بتصبح .. والغريب إنو موسم المطر في السودان بجينا بدون مواعيد (فجأة يعني) .. هو بس كان شطبوا لينا شهر 7 والخريف دا .. ما بتجينا عوجة ..

قوم قامة عليك صاقعة في خريف في زيفة في أم بدة .. إنت والوالي بتاعك .. ووالي الوالي زاتو ..

[عمرابي]

#980089 [اب دقن]
0.00/5 (0 صوت)

04-21-2014 03:25 PM
لا يسعني في هذه اللحظه والبلاد تمر بعواصف الفساد منذ ربع قرن من الزمان إلا ان أقول لهم كلمه من حرفين.... "طز" .

[اب دقن]

#980081 [الدبيب]
0.00/5 (0 صوت)

04-21-2014 03:16 PM
برضو ح يفاجئنا ويكون فوق المستطاع مثل كل مرة يفاجئنا تقول حرامى والله الحل موجود وساهل جدا مرة كان معاى واحد انجليزى فى وسط الخرطوم فى كوارث 88 واستغرب على عدم التصريف والنيل على بعد 300 متر من سنتر الخرطوم وطرح لى حلول منطقية ولكن كل المهندسين الدارسين مدنية لا يعلمون اين يوجد الحل لانهم غير مؤهلين

[الدبيب]

#980067 [كاسترو عـبدالحـميد]
0.00/5 (0 صوت)

04-21-2014 03:05 PM
يجـب ازالة كل الأتـربة ومخلفات البناء والطـوب من الشوارع وذلك بتـسـيير التراكتورات تجوب الشوارع لأزالتها وتحـرير مخالفات لأصـحابها.

[كاسترو عـبدالحـميد]

#980041 [ودالنيل تمساح]
0.00/5 (0 صوت)

04-21-2014 02:42 PM
ده نوع جديد من ضرب ميزانية الدوله
قصة الخريف وماالخريف دى عايزه حاجه واحده
واساسيه هى انشاء مجارى صرف صحى بطريقة امينه وانسانيه خالصه
لكن اتعودنا على نهب ولهف اموال الدوله
بكره حتكون ميزانية الاستعدادات كم مليار جنيه
ويكون العمل على هامش المجارى بميزانية كم الف جنيه وطبعا الفواتير بمليارات .
والمطر لمن ينزل وتحصل السيول لا قدرالله يقولوا لينا دى ابتلاات والناس يصبروا عليها
او ده امتحان والناس تصبر
وهو الصاح ان الاستعدادات كانت جبانه جدا لو كشحت جك مويه ساى يسبب سيول
عارف كان اقول كوز مويه. بس لاننا كرهنا الكيزان حتى الوصف بيهم بقى لينا زى عمايلهم
نقول ليك كفايه كذب على الناس.

[ودالنيل تمساح]

#979941 [دافور كادقلى]
0.00/5 (0 صوت)

04-21-2014 01:25 PM
قوم بلا بطيخ معاك.

[دافور كادقلى]

#979915 [يا داب انا جيت]
0.00/5 (0 صوت)

04-21-2014 01:03 PM
حا تعملو شنو يعني كذب في كذب كل سنه حانعمل وما شايفين اي عمل غير تشحدو في المنظمات باسم المتضررين وتبيعو الخيم والمواد الغذائية الجابتا الدول للمساعده للمساكين

[يا داب انا جيت]

#979905 [جنرال زمان]
0.00/5 (0 صوت)

04-21-2014 12:52 PM
(حيث بلغ المستهدف من إنشاء المصارف الجديدة (10) آلاف متر طولي فضلاً عن العبارات والآبار في المناطق المنخفضة) هاهاهاها .... هو الخريف باقي ليه كم يا لواء عمر نمر؟ وبرضه نحيا إنشاء الله ونشوف يا عمر بيه الخرطوم غرقانة في شبر موية!!!!! هو إنتوا فاضين من ال..........

[جنرال زمان]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة