الأخبار
أخبار السودان المحلية
اشتباك بالأيدي وتهديد بالقتل داخل مكتب معتمد محلية ام بدة
اشتباك بالأيدي وتهديد بالقتل داخل مكتب معتمد محلية ام بدة
اشتباك بالأيدي وتهديد بالقتل داخل مكتب معتمد محلية ام بدة
الصورة لمعتمد ام بدة عبداللطيف فضيلي


بسبب الاختلاف علي تقسيم فوائد بيع قطع تجارية بسوق ليبيا
04-22-2014 01:49 PM
الراكوبة: الخرطوم

علمت (الراكوبة) ان اشتباكاً بالأيدي صحبه تهديد ووعيد بالتصفية الجسدية وقع صباح أمس بين عدد من الموظفين والتجار والسماسرة داخل مكتب معتمد محلية ام بدة (عبداللطيف فضيلي) اثناء اجتماع المعتمد بالمذكورين للتفاكر في كيفية توزيع مبلغ ملياري عائد بيع عدد من القطع التجارية بسوق ليبيا ضمنها موقف بحري بالسوق.

وقال المصدر أن السماسرة طالبوا بنسبة أعلى من الموظفين ولكن عدد من التجار المتعاونين مع المحلية طالبوا أيضاً بنصيب في المبلغ مما جعل السماسرة يشتبكون معهم بالأيدي بحضور المعتمد الذي فشل في فضل الأشتباك الذي أعقبته تهديدات بالتصفية الجسدية بين الطرفين.

الجدير بالذكر أن معتمد ام بدة ضابط برتبة مقدم في جهاز الأمن والمخابرات الوطني قد قام بالكثير من الصفقات المشبوهة منذ توليه المنصب العام الماضي كان أخرها صفقة بيع أكثر من 118 محل تجاري بسوق ليبيا بعائد بلغ ثلاثمائة مليار جنيه.


تعليقات 13 | إهداء 0 | زيارات 9350

التعليقات
#981891 [Kamal Mustafa]
4.00/5 (1 صوت)

04-23-2014 10:52 AM
اذا تخاصم اللصان ظهر المسروق وهو الشعب السوداني الذي تحكم فيه البشير ومدعي الاسلام والعسكريين والويل لهم فلكل ليل بهيم صبح مشرقا لن يطول انتظاره باذن الله

[Kamal Mustafa]

#981846 [الوحيد الذي يفهم؟؟]
0.00/5 (0 صوت)

04-23-2014 10:22 AM
حقيقة اتعجب واندهش تماماً لقوة عينهم والجبن الذ يمارس من قبلنا.. يسرقون مال الشعب ويتناحرون في القسمة.. ونحن فقط نعلق!!!!! ما الذي يمكن أن يتم سرقته بعد المال والشرف والعادات السمحة التي إندثرت بأمر الكيزان.. ماذا ننتظر أن نفقد حتى نسعى لإقتلاع حقوقنا؟؟؟

[الوحيد الذي يفهم؟؟]

#981496 [nagatabuzaid]
3.00/5 (2 صوت)

04-22-2014 11:38 PM
كنا بنقراء قصص منها على بابا والاربعين حرامى اها فى زمننا ده اصبحت قصص الانقاذ والمليارحرامى افتح يا سمس نحن التجار

[nagatabuzaid]

#981487 [القعقاع الفي القاع]
4.50/5 (2 صوت)

04-22-2014 11:17 PM
كيدهم في نحرهم و مصيبتهم في دينهم

[القعقاع الفي القاع]

#981463 [شليل وين راح]
5.00/5 (1 صوت)

04-22-2014 10:04 PM
الهم اجعل كيدهم في نحرهم لا حول ولا قوة الا بالله

[شليل وين راح]

ردود على شليل وين راح
[nagatabuzaid] 04-22-2014 11:30 PM
اميييييين


#981456 [7583koj]
5.00/5 (1 صوت)

04-22-2014 09:50 PM
هوووووووووووووووي يا اخوانا انتو نسيتو ميدان امبده الراشدين مربع عثمان الباعوهو لي العميد شرطه الحاج مكي (مالك مدارس الفاروق)استثمار خاص في متنفس الاحياءمدارس خاصه بالشي الفلاني ونحن سكان الحي ده نستفيد شنو كلمو المعتمد ده انشاءالله يقبلو لينا عدد من ابناء الفقراء الفي الحي مجاننا ونكون استفدنا معاهم بدل يمشو ويضاربو في المكاتب

[7583koj]

ردود على 7583koj
[nagatabuzaid] 04-22-2014 11:32 PM
انتوا قاعدين تسووووا شنو فى ناس اعتصموا فى الميادين ومنعوا بيعها خاصة النساء


#981399 [تلاال]
5.00/5 (1 صوت)

04-22-2014 07:29 PM
عبداللطيف فضيلي ليس ضلبط بلامن وانما كان منسق بالخدمة الزطنيه الاتحاديه نائب منسق الاستخبارات سابقا وهو زول ضعيف الشخصيه بس تمساح وهو جزء منشلت الدناقه والمحس الذين يعملون لاهاليهم وخدمة المؤتمر الوطنيه لمناطقهم بحكموا السودان ومسخرين قروشوا لاهلهم ودا كلام من زول عارف اسرارهم ومسنود من بلال امين الععبئه بالمؤتمر الوطنيه العنصري الكبير

[تلاال]

ردود على تلاال
European Union [البيان الواضح] 04-23-2014 10:58 AM
انت نائم وين ؟ والاستخبارات شنو والأمن شنو ما كلهم شيء واحد ، ثم عبداللطيف عبدالله فضيلي ليس دنقلاوي ولا محسي ، بل هو كباشي من كبابيش منطقةالسليم شرق دنقلا ، تربى في أمبدة مع أخوه ابن أمه العسكري في الجيش عطا جانقي الذي يسكن أمبدة الحارة العاشرة .


#981183 [usama]
3.00/5 (2 صوت)

04-22-2014 03:02 PM
اذا اختلف اللصان ظهر المسروق

[usama]

ردود على usama
United States [جركان فاضى] 04-22-2014 07:18 PM
يا اخى ديل اكتر من لصين...ديل اربعة...المعتمد والموظفين والتجار والسماسرة


#981179 [مهاجر]
1.00/5 (1 صوت)

04-22-2014 03:01 PM
هذا زمانك يامهازل فأمرحي .

[مهاجر]

#981166 [mohamedIbrahim]
3.00/5 (2 صوت)

04-22-2014 02:49 PM
الحكايه اصلا المعتمد ده جابوه عشان يصفي امدرمان كله ببيعات كده لناس معروفين الايام الجايه هتجي بيعه مساجد كمان

[mohamedIbrahim]

#981156 [هبار شروك الليل]
4.63/5 (4 صوت)

04-22-2014 02:44 PM
ههههههه شلعوها خلاص !! كل زول بقي في كومو لك الله ياوطني

[هبار شروك الليل]

#981134 [الولايات المتحدة السودانية]
4.69/5 (5 صوت)

04-22-2014 02:24 PM
الغريبة إنه مال مسروق !! والمال المسروق يعتبر مستلمه مشاركاً في الجريمة !!
نصيحة يا جنجويد السوق أهدأوا قليلاً ,, كلو حانرجعه وعقودكم دى (موصوها وأشربوها كما قال عمر البشير المطلوب لدى الجنائية )
أى مستفيد من الأوضاع الحالية المنفلتة (نهب وسرقة وسوء استغلال للسلطة ) لابد أن يحاكم لتعديه على أملاك الدولة )
وغداً لناظرهـ قريب ,, وسوف تصفو الليالي بعد كدرتها ,, وكل دور إذا ماتم ينقلب ..

[الولايات المتحدة السودانية]

ردود على الولايات المتحدة السودانية
[الغضنفر] 04-22-2014 04:25 PM
ياomo
كيف عرفت أنو ( الولايات المتحدة السودانية ) دا قاعد بره؟؟؟
قول بسم الله .. الراجل ما قال الولايات المتحدة الأمريكية. شكلك استعجلت شوية.

[omo] 04-22-2014 03:36 PM
قاعد بره السودان وبتحلم ولا شنو ومتين ان شاءالله حاترجعوا الحاجات دي وكيف وانتو بره البلد ياخي ما تسيبك من الهذيان البتسوي فيهو ده والفيكم اتعرفت ناس بياعين كلام وبس


#981092 [بت قضيم]
4.00/5 (3 صوت)

04-22-2014 01:58 PM
منهم لله حرامية وعينم قوية

[بت قضيم]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة