الأخبار
أخبار إقليمية
من مقر ما..جعفر الميرغني يؤكد أهمية الحوار الوطنى ويطالب بإشراك الشباب
من مقر ما..جعفر الميرغني يؤكد أهمية الحوار الوطنى ويطالب بإشراك الشباب
من مقر ما..جعفر الميرغني يؤكد أهمية الحوار الوطنى ويطالب بإشراك الشباب


04-23-2014 12:11 AM

الخرطوم (سونا)
قال جعفر الصادق محمد عثمان الميرغني مساعد رئيس الجمهورية إن الأحزاب تخوض الآن معركة "إنقاذ السياسة والوطن معًا، وعليها العمل لاستعادة ثقة المواطن في السياسيين" .
وقال "التنازلات المنطقية في هذا المقام مطلوبة" كما طالب بإلزام الأحزاب كلها بإشراك الشباب بنصاب كبير في تشكيلات الحوار .
وقال "الماضي له دوره وله أثره ولكننا مضطرون للقول إن مرارات الماضي يجب أن لا تنتقل معنا للمرحلة القادمة، أخذنا الدرس والعظات وكفى، ما يهمنا الآن هو بناء المستقبل برجاله .
وأضاف جعفر "لا حل إذا إلا بالحديث عن المستقبل"، كما قال " ان المرأة ومكونات المجتمع يجب أن يكون لها لسان حاضر في هذا الحوار" .
واشار الى إنّ الحوار الوطني له بعده الاجتماعي، وعلى المواطنين أنفسهم إغتنام هذه الفرصة، للتساؤل والمساهمة في "تجديد" العقد الاجتماعي، عن طواعية وإرادة، مؤكدًا أن الفضاء المفتوح لم يترك لأحد أن يخبئ رأيه، كما أنّ الأحزاب السياسية عليها أن تستمع إلى قواعدها .
وقال الميرغني "نحن في الحزب الاتحادي الديمقراطي الأصل، وضمن مبادرة مولانا الميرغني طرحنا رؤيتنا، وقلنا إننا نقبل أي مبادرة فيها سلم، وتفضي إلى تحول ديمقراطي، وهذا الحديث ومنذ فترة نردده مع قواعدنا التي تفاعلت معه بالفكرة والمشاركة، ومجرد طرح الفكرة.. فكرة التعايش والمبادرة للوفاق يخفف الاحتقان، وهو أفضل مئات المرات من أن نؤجج سعير الحرب".
وطالب الميرغني أن يتعاهد الجميع على تجنب سيناريو التأزيم "لأن البلد لم يعد يتحمل أي حرب" ـ بحسبه.
وجدد التأكيد بأن أجواء الحوار الوطني الإيجابية، ستنعكس على علاقات السودان الخارجية، وأوضح قائلاً "إننا لا نستطيع الذهاب لطلب الدعم من المجتمع الدولي والعربي، بينما نحن متشرذمين، لذلك فإن الحوار الوطني هو البوابة، وهو ما بدأنا نحسه بالفعل"؛ وقال بأنّ حزبه تلقى رسائل إيجابية وانطباعات جيدة من الداخل ومن دول ومنظمات معتبرة، ترتكز كلها على الحوار الوطني .


تعليقات 17 | إهداء 0 | زيارات 1369

التعليقات
#982796 [النورس]
0.00/5 (0 صوت)

04-24-2014 02:22 AM
ياجعفر انت السودان ده مساحتو كم ؟
هل يوجد بالسودان نيل ابيض ونيل ازرق ولا في الوان تانية ؟
الاتحاديين ديل طائفة ولا حزب سياسي ؟
شجر الهشاب في الغرب ولا في النيل الازرق ؟
ميناء السودان الرئيسي في كسلا ولا في الفاشر ؟
واخيرا حلايب سودانية ولا مصرية يامساعد رئيس الجمهورية ؟
اها كان عرفت حل السؤال الاخير بس بتنجح في الامتحان وبنرشحك تبقى نائب رئيس الجمهورية عددددددددددددددددددددددددددددديييييييييييييل

[النورس]

#982343 [بت قضيم]
4.50/5 (3 صوت)

04-23-2014 04:31 PM
المحيرني وشاغل بالي الكتكوت كنكنيته واحد من تنابلة الختمية وظيفتوا شبيهة لحامل الجزم يرد على اي تعليق لا يشكر اسيادوا يا ربي راتبوا كم وطبعا شبعان فتة بي توم ولقيمات المغربية بالبن مالي بطنوا وقاعد قصاد الراكوبة لتشكير اسيادو

[بت قضيم]

ردود على بت قضيم
[جدودنا زمان] 04-23-2014 08:59 PM
راتب شنو؟؟؟
صحن فتة بس وينوم على كده
هو يقدر يفتح قدومو يقول راتب... الا يبلعو الجزم الشفتها بهناك
خليه ينطط فينا هنا وجوده ما مقلق...اهو ما بظهر كتير
مرة مرتين في الشهر مع اسياده لما يتحفونا بالدرر السياسية..
لكن هل يقدر ينط نطة واحدة قدام الاسياد...كلا وحاشا
بهناك بيحبا حبيان..


#982273 [ابو ابراهيم]
5.00/5 (2 صوت)

04-23-2014 03:06 PM
ياإ بني لا تتدخل في السياسة وخليك لابد زي السيد الوالد وإياك إياك أن تصدق حكاية إنك مساعد رئيس أو سياسي فلا تخدع نفسك وتأكد أن الشعب السوداني لم ينظر لأي فرد في عائلتك على أنه سياسي حتى المرحوم عمك أحمد لم ينظر له أحد على أنه رأس دولة أو سياسي وهو أيضاَ رحمه الله لم يكن يتدخل في شئون الدولة أو الشئون السياسية.

[ابو ابراهيم]

#982195 [جدودنا زمان]
5.00/5 (2 صوت)

04-23-2014 02:09 PM
ابو الجيم بيتعاطى الامور السياسية كنوع من التغيير وكسر الروتين اليومي ومحاربة ملل الحياة الفارهة الفخيمة...فسيبوه يغير شوية عشان صحته وكده...

[جدودنا زمان]

#982095 [ابوهاني]
5.00/5 (1 صوت)

04-23-2014 12:45 PM
ياخى انت طول عمرك ما جالس في السودان فلماذا الحديث الذي لا أساس له ارجع وعيش زي ما الشعب المغلوب على امره عايش .

[ابوهاني]

#981790 [.Yaseen]
3.00/5 (2 صوت)

04-23-2014 09:51 AM
لماذا الاصرار على تعاطى السياسة؟

الختمية مثلهم مثل التيجانية والبرهانيةوهم ناس الله ...ابعدوا من السياسة لانها لاتلتقى مع

طرقكم الصوفية...و يلاحظ ان هناك ضعف فى الشخصيات القياديةوتستغل من قبل جهات أجنبية

لتحقيق مآربها

[.Yaseen]

ردود على .Yaseen
[Zuelnur] 04-23-2014 12:57 PM
ههههههههههههههه الغشاك منو قال ليك ديل ناس الله, ديل مشعوزين وحرامية حسو انو الدين ما صار يجيب حقو قالو نسرق علني ,
قال ناس الله قال


#981770 [رانيا]
4.00/5 (3 صوت)

04-23-2014 09:43 AM
الذ مافي الأمر عنوان الخبر .. من مقر ما !!

[رانيا]

ردود على رانيا
[من مقر ما..] 04-23-2014 03:48 PM
مالو مكانو بقى مجهول زي الطياره الماليزيه ؟؟


#981769 [جركان فاضى]
5.00/5 (1 صوت)

04-23-2014 09:41 AM
لاحديث الا عن المستقبل؟..ننسى مرارات الماضى؟...وهل انت ياحنكوشة شفت مرارات الماضى؟..هل قتل منكم احد فى نهار رمضان دون محاكمة؟...هل دخل احد افراد بيت الميرغنى فى بيوت الاشباح؟...هل تأثر بيت الميرغنى بالانهيار الاقتصادى التام للبلد؟...هل قتل احد من بيت الميرغنى فى هبة سبتمبر؟...شوف الحنكوشة قاعد فى لندن ويصرف من حكومة الانقاذ ..وقال تعال ننسى الماضى...وننسى المرارات...اى مرارات شفتها يا دنى يا راضع من ثدى الانقاذ الحرام

[جركان فاضى]

#981734 [وحيد]
5.00/5 (2 صوت)

04-23-2014 09:15 AM
اهلاااان ابو هشام الصغير .... وينك يا راجل و ليه ما بتزورنا في وطنك الثاني السودان؟

[وحيد]

#981685 [ودالباوقة]
2.50/5 (2 صوت)

04-23-2014 08:25 AM
يا ولد نحن منتقلين للمرحلة الجاية.
بس انت ما تنتقل معانا وخليك في لندن بتاعتك دي.
شنو ده أصلو..؟
معاهم معاهم.. معانا معانا؟؟
ولد إمعة بجد.

أصلا بشة إختارك مستشار ليه كيف انت؟
إلأ كان واسطة من بابا الحاج لبشة!!

[ودالباوقة]

#981668 [خالد صديق طلحة]
3.75/5 (3 صوت)

04-23-2014 08:05 AM
لاحظتو الزول دا في الصورة دي زي المزنوق كدا!!!! أجري أجري قبل ماتفكوا لينا في الراكوبة دي

[خالد صديق طلحة]

#981619 [hasco]
2.50/5 (2 صوت)

04-23-2014 04:44 AM
بالله شوف ساقية جحا ثيرانا كيف سمان متناطحة

[hasco]

#981613 [المقهورة]
3.00/5 (2 صوت)

04-23-2014 04:00 AM
أخيراً اتكلمت؟ اها فتح الخشم دفعوا ليك فيه كم؟

[المقهورة]

#981562 [النيل أبونا والجنس سوداني]
3.50/5 (2 صوت)

04-23-2014 01:40 AM
وقال "الماضي له دوره وله أثره ولكننا مضطرون للقول إن مرارات الماضي يجب أن لا تنتقل معنا للمرحلة القادمة، أخذنا الدرس والعظات وكفى، ما يهمنا الآن هو بناء المستقبل برجاله .

سبحان من يحيي العظام وهي رميم, جعفورى بقى منظر وخبير إستراتيجى من على البعد.

[النيل أبونا والجنس سوداني]

ردود على النيل أبونا والجنس سوداني
[كنكنيته] 04-23-2014 09:02 AM
اعمل حسابك من البورى

European Union [نهبوك يا وطن] 04-23-2014 06:30 AM
حلااااااتو.
انا داير لي مساعد كلبوووز كده.


#981551 [albrado]
3.50/5 (2 صوت)

04-23-2014 01:22 AM
يعني انت كمان منتقل معنا للمرحلة القادمة ولا شنو بالضبط؟؟؟

يعني بالعربي الفصيح في رقبتنا في رقبتنا ....

اتلهي ونقطنا بسكاتك قرفتونا العيشة

[albrado]

ردود على albrado
[كنكنيته] 04-23-2014 09:01 AM
هههههههه ، نحن ما سعلناك قبل كدى ؟
انت البرادو الشكل القديم والا الجديد ؟


#981532 [ممكن نسمعها منو مباشرة...؟]
3.50/5 (2 صوت)

04-23-2014 12:57 AM
واضح إنو.... المساعد ده.... عينو ليهو..... مساعد خبير وخطير في حكاية التصريحات دي...

يعني الزول ده كان أول ما بقوه مساعد.... ما بعرف يتكلم.... دراب بس...

أسه... ومن فترة كدة.... كلامو بقى مرتب وموزون.... ومعالج بالاوزون...!!

برضو أخير.... من يقعد يجلط لينا.... ويفقع مرارتنا...

[ممكن نسمعها منو مباشرة...؟]

ردود على ممكن نسمعها منو مباشرة...؟
[كنكنيته] 04-23-2014 08:59 AM
25 سنة مرارتك ما اتفقعت !! تتفقع هسى عشان قالواالنصيحه ؟


#981520 [نكس]
3.00/5 (2 صوت)

04-23-2014 12:33 AM
يااخي رؤية شنو العندك - ابواق للنظام -وانشاء الله تجتثون قريبا حكم العائلة المالكة ونسبانهم

عن عبد الله بن مسعود قال:قال رسول الله صلى الله عليه وسلم: « إن الله قسم بينكم أخلاقكم، كما قسم بينكم أرزاقكم، وإن الله يعطي الدنيا من يحب ومن لا يحب، ولا يعطي الدين إلا لمن أحبَّ، فمن أعطاه الله الدين فقد أحبه، والذي نفسي بيده، لا يسلم عَبْدٌّ حتى يُسلِمَ قلبُه ولسانه، ولا يؤمن حتى يأمن جارُه بوائقه » . قالوا:وما بوائقه يا نبي الله؟. قال: « غَشَمُه وظلمه، ولا يكسب عبد مالا من حرام فينفقَ منه فيباركَ له فيه، ولا يتصدقُ به فيقبل منه، ولا يتركه خلف ظهره إلا كان زاده إلى النار، إن الله لا يمحو السيئ بالسيئ، ولكن يمحو السيئ بالحسن، إن الخبيث لا يمحو الخبيث » .

[نكس]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة