الأخبار
أخبار إقليمية
وزير العدل يتدخل في بلاغ فتاة تعرضت للضرب
وزير العدل يتدخل في بلاغ فتاة تعرضت للضرب
وزير العدل يتدخل في بلاغ فتاة تعرضت للضرب


04-23-2014 10:49 AM
الخرطوم: عازة أبوعوف
كشف المحامي نبيل أديب عن تدخل وزير العدل في بلاغ فتاة تعرضت للضرب والانتهاكات أثناء أحداث سبتمبر بعد رفض النيابة فتح البلاغ.
وانتقد أديب بطء إجراءات رفع الحصانة عن النظاميين المتورطين في أحداث سبتمبر وحث الحكومة على الإسراع في إجراءات المحاكمات الخاصة وإثبات جديتها في تهيئة مناخ الحريات وشدد على تقديم المتهمين.

الجريدة


تعليقات 8 | إهداء 0 | زيارات 7567

التعليقات
#982584 [احمد الكاس]
3.00/5 (2 صوت)

04-23-2014 08:56 PM
مسطول ...سألوهو عن
حالة السودان .. سحب نفس
من
سجارته .. وحك رأسه. ثم ..
قال ....
والله السودان زي البص لما
اﻻنجليز طلعوا سلموه
لينا
جديد لنج بعدهم جاء
اﻻزهري وعبدالله خليل
دعكوه
شوية ..
وجاء عبود دشدشه شوية
وجات اﻻحزاب ما ساقتو
كتير ...
نط فيه نميري اداه قلبة
قلبتين وكسر قزازه
وعطلو
من الحركة ..
وجات اﻻحزاب وقفتو علي
عجل الحديد لحدي ماجات
اﻻنقاذ ..
فسمكرت البص وعملت ليه
صيانة
وضربته بوهية لحدي ما
بقي جاهز
للسواقة ...
ركب عمك البشير ودق بيه
خلف ....... لي يوم
الليلة
البص ماشى خلف ...... تانى
ما قدر يعشقو لي
قدام

[احمد الكاس]

#982382 [Anonymous]
0.00/5 (0 صوت)

04-23-2014 05:09 PM
هوي يا ناس التحيه للسيد الوزير
ده تشكرو براك لانك جاهل و ما عارف حقوقك بل ما عارف اي حاجه, لعلمك دي ما قضيه تستدعي تدخل وزير عدل بحالو عارف ليه؟
لأنو اساسا لو في عدل قضيه زي دي بحلها اصغر قاضي. انما لأنو مافيش عدل علي الاطلاق عشان كده ما يحلوها الا ناس كباااااار خالص خالص.
قال من لا يشكر الناس لا يشكر الله. سبحان الله و الله فعلا كما تكونوا يولي عليكم الجهلا الزيك ديل هم البجيبو لينا اشكال ناس البشير و نافع و بقية الهمباته عشان يحكمو البلد. بعدين وضاعة تفكيرك و فهمك للحل (عالي المستوي) ده يدل علي انك من ناس الضهور و الواسطات و حياتك كلها معتمده علي المجاملات و كسير التلج. ياخي ده ابسط حق لأي مواطن لكن الناس فسدت و بقت ما بتعيش الا باسلوب المؤتمر الوطني و شغلة النسنسه و الدهنسه. الناس بقت ما بتمشي الا بالجزمه و الاساليب الغير محترمه. بقينا ما بنحترم نفسنا عشان كده عمر البشير شكلو حيفوت مواعيد بله الغايب لي غاااادي.
السودانيين في حوجه لدروس مكثفه في القانون و الحقوق و معرفة الواجبات و المستحقات لأنو طالما عايشين بجهلنا ده مشكلتنا حتستمر الي ما بعد عهد البشير. المؤتمر الوطني الظاهر عليهو ما حاكمنا بالقوه لكن باستغلال جهلنا بابسط حقوقنا.
قال من لا يشكر الناس لا يشكر الله، القال ليك منو؟؟

[Anonymous]

#982333 [بتاع بتتييخ]
0.00/5 (0 صوت)

04-23-2014 04:21 PM
ازا كان من زمان ماف اي عدل كان مشيت تشتكى في اقرب مركز شرطة حلك لما يشوفو مشكلتك والم تقش الشنب والله ما تمليك اي اجراء ........
كان الغيامة قامت من السودان اصلو ما بستغرب حيث البلد دي بتتمتع بالمركز الاول في الفساد

[بتاع بتتييخ]

#982227 [sudani]
0.00/5 (0 صوت)

04-23-2014 02:33 PM
وكييييييييييييييييف
ما دام الرئيس اوقف حكم دجال الدويم
و وزير العدل يرفض فتح بلاغ مظلوم
وزير شبه رئيسه
اما قصة العدل ههههههههههههههه؟؟؟؟؟؟؟؟؟؟؟؟؟؟؟؟

[sudani]

#982186 [عبدالرحمن صالح]
0.00/5 (0 صوت)

04-23-2014 02:00 PM
التحية للسيد\وزير العدل لما قام به من تدخل فى امر هذه الفتاة فهذا شيء جميل ونشكره عليه.فمن لايشكر الناس لا يشكر الله:

[عبدالرحمن صالح]

#982160 [usama]
0.00/5 (0 صوت)

04-23-2014 01:44 PM
هسي الصورة دي ما معبرة عن الناس الطلعت تطالب بالحرية ...بالجد الحكومة استعملت القتل لوقف المظاهرات...

[usama]

#982004 [بت قضيم]
5.00/5 (1 صوت)

04-23-2014 11:55 AM
انتو عاوزين تقطعوا عيشوا ولا شنو لو رفع الحصانة من الجماعة ديل بكرة يطلعوه عدل ومساواة ولا جبهة ثورية الشغلانة بايظة بايظة والقلتوا دا هو ما بقدر عليهو لانها اكبر من مقاسو

[بت قضيم]

#981990 [osman]
5.00/5 (1 صوت)

04-23-2014 11:48 AM
أصلا ليس هناك عدل لتكون له وزارة !!
هؤلاء داسوا على كل القيّم الإنسانية , استرخرصوا كرامتنا واستمرأوا قتل الشرفاء !!

[osman]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية



الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة