الأخبار
أخبار إقليمية
مكافحة المخدرات اللبنانية أبلغت نظيرتها السودانية - شاهد صور من شحنة حبوب الكبتاجون المخدرة
مكافحة المخدرات اللبنانية أبلغت نظيرتها السودانية - شاهد صور من شحنة حبوب الكبتاجون المخدرة
مكافحة المخدرات اللبنانية أبلغت نظيرتها السودانية - شاهد صور من شحنة حبوب الكبتاجون المخدرة


04-23-2014 10:11 PM

الخرطوم (سونا) - كشف اللواء شرطة المكي محمد المكي مدير الإدارة العامة لمكافحة المخدرات عن ضبط 46 جوال زنة 50 كيلو معباة بحبوب الكبتاجون المخدرة بميناء بورتسودان.
وذكر اللواء شرطة المكي في تصريحات صحفية اليوم انه وحسب التنسيق الذي يتم بين السودان والدول العربية وصلت معلومات بتاريخ 17-4 -2014م من وحدة مكافحة المخدرات بلبنان عن تحرك باخرة قادمة من اليونان عبر لبنان متجهة الي السودان وتم ابتعاث صورة من بوليصة الشحن وارقام الحاويات الخمسة زنة الف و124 جوال كبير وتعاملت وحدة مكافحة المخدرات مع المعلومة بجدية .
وقال مدير الإدارة العامة لمكافحة المخدرات " انه وبمراجعة المعلومات اتضح ان الشركة المستوردة لهذة الشحنة مسجلة بأسماء اربعة اشخاص وبالبحث عن مقر الشركة لم نجد لها مقرا وان الهواتف المدونة لدى المسجل التجاري خارجة عن الخدمة منذ فترة طويلة وبالفعل ومن خلال المتابعة وبالتنسيق مع ادارة الجمارك تاكدنا من ووصل الحاويات وانتظرنا لحين ظهور جهة تتقدم بتخليص الحاويات وتقدم مندوبين من قبل الشركة لاستلام البضاعة وبدات عمليات تخليص البضاعة وبالكشف عن الحاويات اتضح انه وفي داخل واحدة من تلك الحاويات تم تعبئه 46 جوال صغيرداخل الجولات الكبيرة بكميات من حبوب الكبتاجون بما يعادل 13 مليون و552 الف و450 حبة .
وحسب راي اللواء المكي بان هذه الكمية قصد منها عبور السودان لدول أخري وهي غير مستخدمة في السودان لغلاء ثمنها مشيرا الي ان الكشف عن هذه الكمية ومنع تسربها الي الاسواق في حد ذاته يعتبر انجاز مؤكدا انه قد تم فتح بلاغ بالرقم 42 بشرطة ديم موسي ببورتسودان ولازالت التحريات جارية للكشف عن ملابسات هذه الجريمة .

image

image

image

image


تعليقات 58 | إهداء 0 | زيارات 20156

التعليقات
#991554 [الزبيرعمر/قانوني]
0.00/5 (0 صوت)

05-02-2014 01:35 PM
ايها الاخوة والاخوات من بلدي السودان وطني الحبيب ها اناارسل لكم التحية الاوهي السلام عليكم وحمةاللة وبركاتة انا اخوكم /الزبيرعمردفع اللة علي /اولا/اناخريج جامعةالقران الكريم والعلوم الاسلامية/كلية الشريعةوالقانون/من حفظةالقران الكريم ولا ازكي نفسي علي احدوهواعلم بمن اتقي/ماشهدتة داخل الشرطة في العاصمةسب للديانة الحبوب المستوردة دي من الشوالات دي ان الشوالات شوالات خيش والخيش شوالات سودانية حتي خياط الشوال خياطةسودانية بالمسلة وكلنا ابناءمزارعية وبنعرف خياط الشوال بتاع الذرة/ثانيا/الحبوب عندالشرطة بسموها الخرشة وعنهم شعار بقول ليك يازول انت مخروش/اميةالشرطة لعددمن الشهورداخل مؤسساتهم الافرادمن رتبة عريف وتحت نائمون عن الصلاة والكلام في الموبايل مع اعراض الناس حتي واحدبقول لواحدمن افرادالشرطةوهم شرطيين سويا يابتاع الكبابي معناهابتشرب عرقي/شوفواشرطتنا/واللةالناس لمن دارفور كتمت ماتوموت لية لنهم ماواعينelzobeir omerاسمي في الفيس بوك

[الزبيرعمر/قانوني]

#983996 [التاج محمد احمد]
0.00/5 (0 صوت)

04-25-2014 03:56 AM
والله وانا احلف علي الغيب انها لم تكن الاولي لهذا الهرب والدليل
انه دخل كميه من قبل انه لا يمكن ان يغامر تاجر مخدرات بكل هذه
الكميه من اول مره هو دخل قبل كدا واطمئن عشان كدا زود الكميه
ولازم يكون معه شركاء

[التاج محمد احمد]

#983929 [ddt]
4.00/5 (1 صوت)

04-25-2014 12:56 AM
حرمتو الشعب من النسيان ماعلينا لو الجمارك الكلو همها تمص دم المغتربين مص وتقرمش عضامو وتخليه يكره اليوم السموهو فيه سوداني ماعلينا الجمارك الشغله جاته مكمبله من لبنان مافيها فلاحه ولازكاء ولا اجنهاد طيب الاجتهاد الحقيقي لو ناس الجمارك بمعاونت الشرطه والامن ضبطو الاشخاص الوري القصه دي ودي قصه واضح انها قصه من قصص المخابرات اللعب ده اكبر من لعب زول واحد او جهه الله اعلم جهه مصلحته تخدر الشباب عشان ينسو همومم واخفاقات حكومتنا وعدم الزواج والفشل فى ان يعيش الانسان كبني ادم او واحد من اولاد المسئولين حبه يكرم اصحابه ماعلينا الموضوع ده بي كبرو ده وراه قصه السيناريو الاول انو اللبنانين بنفسهم عندهم حاجه دايرنها تمر واكيد حاجه كبيره وهسي بتكون عدت او اذا افترضنا عملية تهريب كبيره لدول الجوار حسب الكلام الحبوب دي ماف متناول المساكين ونحن شعب مساكين للنخاع دول الجوار منو ليبيا دوله تعيش الفوضه ولكن بالبحر اقربلهم من الصحراء لو قلنا مصر ممكن لانو من مصلحة السيسي يقلب مصر ليله حمره برقاصاته النظم الاسلاميه الانا شايفه دي برضو مابعيد عليها تلعب بالكرت ده المهم ده شغل مخطط بدقه اكبر من مجرد اتصال من اللبنانيه للضكر السوداني
بالنسبه لانجازات الشرطه السودانيه فهيا واضحه ونجدها فى فتح المجال امام تجار البانقو اسهل شيء ان تحصل علي البنقو فى الشارع اي والله العظيم فى الشارع وعلي عينك ياتاجر وبحماية منو الحدق يفهم
السؤال الذي يطرح نفسه لمصلحة منو تدمير الشباب السوداني وتغييب عقله من لم يغيب عقله بالحركات الاسلاميه يغيب بالمخدرات والمصيبه الاكبر انو اولادم هم البتعاطو جمبا الي جمب مع فقراء الشباب الاول احبطه الكزب واولاد الشيوخ احبطهم ايضا كزب ابائهم وقدواتهم ماعلينا معروف عن جمارك الخرطوم انها شرسه فى التعامل مع التلفزيونات والشاشات ارحمونا شويه خلونا نشوف معاكم حبه بالمناسبه القروش المنهوبه رجعت الخزينه ولا لسا وهل حايتحاسبو هائولاء الزين يعملو فى مكتب الوالي سمعنا ناس الاقطان قاضيهم قال الضمير ويوم القيامه ؟ يوم القيامه ماتستعجلو عليه جاي مابعيد والشماسي البرضع فى شطر امو بيد وماسك الس بيد يوم القيامه بتلقوهو واقف داير حقو بس القاضي اليوم داك مامؤتمر وطني شدو حيلكم شيلتكم تقيله قدام من لايغفل ولاينام امام من يمهل ولايهمل
ياناس الحركه خفو شويه الدنيا براها سخانه

[ddt]

ردود على ddt
United States [hassan] 04-25-2014 11:40 PM
المستفيد من دخول المخدرات الحكومة ولا شك في زلك


#983900 [ود الفاضل]
4.00/5 (1 صوت)

04-25-2014 12:03 AM
بلا لف ولا دوران وتعتيم واثارة الغبار على الحقيقة ، هذه الكمية الضخمة من هذا المخدر لايمكن يتم شحنها من دولة اوربية الا بشروط التجارة الخارجية الدولية كاملة حتى وان استطاعت العصابات المنظمة اخفاء حقيقة البضاعة ، واهمها فتح الاعتمادات المالية من بنوك الدولة التي سيتم فيها فسح البضاعة او عبر بنوك وسيطة مراسلة تتعامل مع بنوك الدولة التي سيتم افراغ البضاعة فى موانيها ، ولا يعقل كما قال ضابط الجمارك هذه البضاعة كانت فى طريقها الى دول اخرى ، هذا كلام ناس عساكر ساكت لايعرفون تلت التلاتة كم فى موضوع التجارة الخارجية ، ونحن ماهلكنا وضيع بلدنا الا العساكر ... مخدرات بهذا الحجم لايمكن يتم دفع قيمتها من قبل تجار الشنطة , وانما يتم سداد قيمتها عن طريق البنوك الضامنة للسداد بين المشتري والبائع ، ولهذا فمن خلال المستندات يمكن التعرف على تفاصيل كل مراحل العملية ، ولكن هل فى الامكان فى زمان حكومة الفساد كشف هذه العصابة وتعريتها للشعب ( لانه لايمكن ان يتجرأ تاجر عادي مهما كان مركزه المالي من ادخال مخدرات بهذه الكمية مالم يكن له سند من الجماعة النافذين داخل الدولة ) لا اعتقد كشف المجرمين فى الداخل لان الموضوع سيجر عدد كبير من القطيع .. وفى كل الاحوال هذه المخدرات قد يكون المقصود بها تدمير عقول الشباب فى بلادي المنكوبة اكثر مما هي مدمرة اصلا لان الشباب هم وقود الثورات فى كل الدنيا فاذا تم تدمير هم بالمخدرات عندها سيخلو الجو لدجاج الانقاذ ان يهنئوا بالبقاء فى حكم البلاد الى الابد.. وللاسف الشديد اصبح كل انواع الفساد والافساد فى السودان شيئ طبيعي قبل يومين تداولت وسائل الاعلام المقروءة والمرئية حسين خوجلي كمثال موضوع الاختلاسات الضخمةفى مكتب والي الخرطوم وهي بالمليارات ،هذه العملية ابتلعها الشارع كما يبتلع حبة الاسبرين وكان شيئا لم يكن..... للاسف نحن علقنا كثيرا على صفحات منبر الراكوبة الحر وقلنا السودان الذي عرفناه زمان فى شبابنا مات مقتولا مذبوحا وقد مثلت بجثته حكومة البشير .. اما السودان الموجود الان لولا خوف الملامة لاتفقنا مع الكاتب العجوز المخضرم محمد حسنين هيكل ، فى عبارته التي اثارتنا جميعا ورددنا الصاع صاعين له بسببها ،( السودان اصبح فقط مساحة جغرافية ) وذلك على الرغم من اختلاف النويا بيننا وبين المصري العجوز .. ولكن العبارة تحمل فى مضمونها كثيرا من الحقيقة اذا طبقناها على الوضع المذل والمهين الذي ارتضاه الشعب بحكم ناس الجبهة حتى وصلنا لهذا الدرك السحيق من الموبقات ... ونهار امس السيد الخبير الوطني ربيع عبدالعاطي فى تبريره لفسادهم بعبارة اهان فيها كل شعب السودان حيث اورد معنى الحديث النبوي ( كيفما تكونوا يولى عليكم ) يعني الشعب كله حرامية ولذلك فهم اذا كانوا حراميةوسراقين ونهابين ذلك شيئ طبيعي لانهم من نفس الطينةوالعجينه .. وياحليل السودان الكان زمان ....

[ود الفاضل]

ردود على ود الفاضل
European Union [SESE] 04-25-2014 03:14 AM
اخي ود الفاضل تحليلك هو عين الصواب لأن بضاعة بهذه الكمية وان كانت غير مشروعة فلابد ان تكون قد خضعت في عملية التداول بالبيع والشراء الى ما تخضع له الصفقات المشروعة في التجارة بين الدول يعني هناك بائع ومشتري وهناك اعتمادات بنكية وتحويل اموال يعني وجود بنك فيه حساب للمشتري ووجود بنك آخر فيه حساب للبائع وتلك البنوك مرخص لها بالعمل وهناك شروط تسليم واستلام وشحن وتفريغ وميناء صادر وميناء وارد وشركة ناقلة وسلطات جمركية في البلدين تتعامل بموجب اوراق رسمية وبما ان السودان دولة مختطفة يمكن تسخيرها في شغل من هذا القبيل وكما نعلم فإن جماعة الاخوان اصبحت مطاردة منبوذة من دول المنطقة والسودان تحت ادارتها فلا بد ان تتمحور فيه وتبدأ منه ادارة عملياتها المشروعة وغير المشروعة.

وبما ان السودان يجاور دول الخليج الغنية فهي تمثل السوق الامثل من حيث القوة الشرائية وهي ببساطة يمكنها استهلاك هذه الكمية مهما غلا ثمنها تماما كما تفعل طالبان في تجارة الحشيش وتصديره للدول الغربية اولا بهدف جلب المال لتمويل الحركة ثم ثانيا تدمير تلك الدول المعادية من الداخل بنشر المخدرات فيها بغرض القضاء على الشباب فيها وبما ان جماعة الاخوان تتعرض لحملة شرسة من دول الخليج إلا قطر فهي بلا شك تريد استهدافها بتلك البلوى العظيمة......

المهم في الموضوع يجب ان ألا يكون السودان وحده هو المتصرف في تلك الشحنة اذ لا ضمان لابادتها كاملة والمطوب اشراف دولي على عملية الابادة ودول الخليج يجب ان تكون من ضمن الدول المشاركة في العملية وهي لديها كل الامكانيات اللازمة لإبادة الشحنة دون تهريب حبة واحدة الى المستهلك ومن الافضل ابادة الشحنة بطريقة علمية لأنها تعتبر من ضمن ملوثات البيئة حيث لا يمكن حرقها في الهواء الطلق او (موصها) في الماء لما تسببه من اثار سالبة على الحياة البحرية.....

يجب ان يكون العالم على اطلاع بمجريات التصرف في الشحنة حتى لا تختفي غدا بقدرة قادر.....

كسرة- سمعت ان هناك اقتراحا من بعض الدول يوصي بترحيل جماعة الاخوان من كل دول المنطقة وتجميعهم في السودان.....


#983869 [سودانى]
3.00/5 (1 صوت)

04-24-2014 11:16 PM
بكرة تقرو فى الجرائد انو الحبوب المخدرة عبارة عن حبوب تسمين للابقار

[سودانى]

#983847 [AburishA]
5.00/5 (1 صوت)

04-24-2014 10:44 PM
الكبتاجون او فينيثايلين هو أحد مشتقات مادة الامفيتامين، وهذه مادة كيميائية منشطة، ترفع المزاج وتقلل الحاجة إلى النوم وكذلك تقلل الشهية للاكل كما ان الاستخدام المنتظم للكبتاجون بهدف الجنس (إطالة مدة الجماع)تؤدى بعد فترة وجيزة لمشاكل مزمنة بالجهاز التناسلى ومن ثم الضعف الجنسى .
تاريخ الكبتاجون ..أول ما صنعت في اليابان سنة 1919م بواسطة الكيميائي أوقاتا. واستخدم لحوالي 25 عاما، باعتباره بديلا أكثر اعتدالا لأمفيتامين.كان يستخدم في تطبيقات كعلاج للأطفال "قصور الانتباه وفرط الحركة"، وكما شائع أستعماله لمرض ناركوليبسي (حالة الخدار) أو مضاد للاكتئاب.وثمة مميزات يمتاز به الكبتاجون حيث أنه لا يميل إلى زيادة ضغط الدم على مدى نفس الأمفيتامين ولذا يمكن أن يستخدم الكبتاجون مع المرضى الذين يعانون من ظروف القلب والأوعية الدموية

اعتبر الكبتاجون ذو آثار جانبية أقل من المنشطات الأخرى، وقد أصبح غير قانوني في معظم البلدان منذ عام 1986 بعد أن ادرجته منظمة الصحة العالمية كـأحد الممنوعات وأكثر المؤثرات على العقل، على الرغم من أن المعدل الفعلي لتعاطي كبتاجون كان منخفضة جدا.(منقول للفائدة العامة)..

[AburishA]

ردود على AburishA
[the same] 04-25-2014 09:00 AM
مشكور جداً.
كنت محتاج لمثل هذه المعلومات...


#983839 [ابراهيم]
3.00/5 (1 صوت)

04-24-2014 10:35 PM
قالو ماشة لي دول الجوار لانها غالية والله دة لو ما عرفوها نلقاها مكومة كيمان في سوق ستة

[ابراهيم]

ردود على ابراهيم
European Union [ود بلد] 04-25-2014 06:34 AM
اخونا ابراهيم هذه البضاعه لاتشبه السودانيين وسوق سته خليهو للبطاطين والاغاثات
عموما مثل هذه الانواع من المخدرات الصناعيه ملكفه جداا ..احنا بتوع الطبيعه بانجو وفاطمه شاش هههههه


#983702 [قطع]
0.00/5 (0 صوت)

04-24-2014 07:09 PM
الشوالات دي والله لو جبتوا شيوخ الطرق الصوفيه اليقولوا نعرف عدد الرمل في الصحرا وعدد النجوم
لو جبتهم وقلت ليهم كم حبه كبتاجون يقولوا ليك والله ما عارفين

[قطع]

#983692 [قطع]
3.00/5 (1 صوت)

04-24-2014 07:02 PM
عاين الحبوب مشتته كيف ويقولوا ليك عددا كدا ....
انتو كيف عرفتوا عددا طالما اي واحد فيكم اخد ليو خمشه يد وملئ بيها جيبو
ما زي التسالي والا حب العيش منو يعرف انو نقص .

[قطع]

ردود على قطع
[قطع] 04-25-2014 06:45 PM
كيف تحسب الوزن الوزن في شوال وااااحد
هو كل الشوالات واحد ؟؟
بعدين قول عديت الشوال الواحد ...
هو الشوال الواحد هين لمن تعدو ؟؟؟
ده اذا الشوالات ذاتوا ما انسرقوا من الجماعةممكم تتحصل
علي عدد تقريبي لكن تقول لي بالضبط دي بالغط فيها .
الحبوب دي مابقدروا يحسبوها لانها كتيره زي امثالك الجهله دي مابنقدر نحسبهم

European Union [ود بلد] 04-25-2014 06:28 PM
انت ارحم بس برضو متخلف علي قولتك ههههه انت حتعد حبوب شوال كامل !!؟ يكفي ان تاخد عينه صغيره نص كيلو مثلا وتحسبها وتطبق النسبه في الوزن الكلي للشوال

[the same] 04-25-2014 09:05 AM
يا ود الدلنج براحة على الراجل...
بعدين مافي داعي للوصف بالألفاظ المسيئة في نقاش زي دة.
و صحيح لا يمكن إعطاء رقم مؤكد لشحنة زي دي، و طريقة حسابك غير منطقية (في زول بيعد ليهو شوال حبوب؟؟؟)
قول ممكن يأخدو وزن الشوال الفاضي، و يحسبو عدد الشوالات و يخصموهو من الشحنة يطلع ليك رقم تقريبي لعدد الحبوب.

European Union [ود الدلنج] 04-25-2014 12:29 AM
يا متخلف يكفي أن تعد البوب في جوال واحد وتزنه بميزان دقيق ، وعليه تكتفي بوزن بقية الأكياس لتحدد كمية الحبوب الكلية بضرب العدد في الجوال الواحد ( حسب الوزن) في العدد الكلي للجوالات)


#983662 [تربال]
4.00/5 (3 صوت)

04-24-2014 06:38 PM
قال تم فتح بلاغ في شرطة ديم موسى ،، ياخي قسم ديم موسى دا مافيه غير عسكري واحد وانا بعرفوا كويس معظم بلاغاته خمور وسكرانين وضربني وضربته، ليه مايفتحوا البلاغ في قسم شرطة الاوسط اكبر قسم شرطه بولاية البحر الاحمر وفيه ضباط ؟؟ الحكاية فيها لعبة كبيرة.

[تربال]

#983633 [ابو الكل]
5.00/5 (1 صوت)

04-24-2014 06:08 PM
والله عيب الكلام اللي بيتكتب عن ناس الجمارك ده انا ما منهم ولا بيهمني امرهم كجهه رسمية بس البيخلي لبنان تكون احسن مننا شنو يعني لبنان دي من قمنا عرفنا انها في حروب مستمرة حتجيب التطور من وين ؟؟؟؟ ياخي نظرة الدونية للسودان ولنفسك ولسلطاتك دي عيب تجي مننا احنا كفاية انها بتجي من الدول الذكرتوها دي ولعلمكم ولا دوله فيهم بتديكم لا لبنان ولا غزة ولا بطيخ اي احترام او اضع في اعتبار الزمن ده الناس بتحترم القوي

[ابو الكل]

#983572 [SESE]
4.50/5 (5 صوت)

04-24-2014 04:49 PM
الشحنة تخص جماعة الاخوان في مصر والسودان اذ ليس لهم مصادر تمويل في الوقت الحاضر إلا التجارة بالممنوعات وكما قال ميكافيللي (الغاية تبرر الوسيلة) وقالت جماعة الاخوان (اذا اتاك المال اتتك السياسة منقادة طائعة مطيعة تجرجر اذيالها) ثم خلطوا بين الفلسفتين وخرجوا بالتركيبة العجيبة التي غسلت ادمغة الشعوب حتى انها لم تعد تفرق بين الوطن والدين وحق المواطنة وعبادة رب العالمين في ما يشبه الاصابة اللوثة العقلية.......

[SESE]

#983527 [ابو سكسك]
5.00/5 (3 صوت)

04-24-2014 03:56 PM
اقتباس: "مكافحة المخدرات اللبنانية أبلغت نظيرتها السودانية - شاهد صور من شحنة حبوب الكبتاجون المخدر"

طالما السفينة مرت بالموانيء اللبنانية، وكانت لديها معلومات كافية بحمولتها، لماذا لم تقم بضبط الشحنة؟
ارجو ان لا تكون هذه العملية تمويه لعملية اخرى اكبر واخطر منها تمت أو ستتم عبر نفس الميناء أو عبر مكان اخر. مثل هذه العمليات عادة ما يتم وضع طعم ينشغل به رجال الجمارك بينما يتم تمرير اشياء اخرى اكثر خطورة، فبينما رجال الجمارك مركّزون ومشغولون بكل حواسهم بالمعلومات الواردة عن الشحنة، تتم عملية اخرى بالتزامن أو قُبيل أو بُعيد عملية التمويه. اعتقد ان مثل هذه الامور لا تفوت على سلطات الجمارك وانهم يضعونها في الاعتبار.

[ابو سكسك]

ردود على ابو سكسك
United States [ود كترينا] 04-24-2014 11:17 PM
***السفينة حينما وصلت لبنان لم تكن تحمل المخدرات...المخدرات تم شحنها من اليونان...وعلمت السلطات اللبنانية بواسطة عملائها فى لبنان بذلك...ولما كانت الوجهة التالية للسفينة بورتسودان قام اللبناميون بابلاغ الجمارك السودانية


#983486 [المتغرب الأبدي]
0.00/5 (0 صوت)

04-24-2014 03:14 PM
الشحنة تحتوي على 350 كيلو هيروين و20 مليون حبوب هلوسة وفياغرا وحوالي 2 طن أدوية وعقاقير مخدرة ..
تابعوا الخبر بالفضائية السودانية ..

[المتغرب الأبدي]

#983477 [سامى]
5.00/5 (2 صوت)

04-24-2014 03:02 PM
والله نحن بنعرف عن اى شرطة فى الدنيا انها حاذقةوعندها القبض وكشف الجريمة بكل ابعادها لكى لاتتكرر اهم من القبض على بضع جوالات لكن ولشئ فى نفس يعقوب شرطتنا قبضت المخدرات دى فى الميناء قبل ان تصل لصاحب الشان وكانت حتصله اكيد وتعرف ابعاد هذه الجريمة وتحل حل جزرى بمعرفة المصدر والمورد واين ستذهب لكن كده بيشككونا فيهم وفى القضية كلها واكيد يا ماكميات دخلت

[سامى]

ردود على سامى
United States [kamal] 04-24-2014 03:37 PM
وراء الاكمة ما وراءها.او كماقيل اتلمثل.


#983324 [كرم]
0.00/5 (0 صوت)

04-24-2014 12:51 PM
عايرة وأدوها سوط

[كرم]

#983322 [ALI HAMID]
0.00/5 (0 صوت)

04-24-2014 12:48 PM
العمليه هذه ليست بهذه السهوله التى تم التصريح بها فالأمر أظنه والله أعلم أنه أكبر بكثير إنها سادتى لعبه يتداخل فيها السياسي والاعلام ومن ثم الخداع ولفك هذا اللغز أبحثوا عن ما هي مصلحه لبنان فى إبلاغ السودان بهذا الأمر؟ ألهذه الدرجه لبنان دوله تحترم التنسيق مع السودان ؟ السياسه اللبنانيه سادتى تجاه السودان كالسياسه المصريه قلبا وقالبا قائمه على الفذلكه و الأنانيه والخداع وفي وجهه نظري أخشي أن يكون وراء الأمر ما بعده من تنسيق عالى بين عصابات إستخباراتيه تحت نظر الدولتين آنفتى الذكر والهدف هو الهياج الذي تراه كل عين بصيره في أوساط شبابنا وشاباتنا اليوم ولو كنت محققا في هذه الجريمه ولتي قد تكون ماتت لحظه إنتهاي من كتابه هذه الملاحظه لما تعاطيت مع الجانب لجناي فقط

[ALI HAMID]

#983319 [محتار]
5.00/5 (1 صوت)

04-24-2014 12:44 PM
اكيد طبعا الشخص المهرب الحاويات دي ليه ضلع في الحكومه إذا ما كان كده زمان كان كشفوه . مافي واحد عاقل كده يقدر يتجرأ ويهرب كمية قدر دي إلا اذا كان مؤتمر وطني

[محتار]

#983307 [ابو محمد]
0.00/5 (0 صوت)

04-24-2014 12:39 PM
احب تنبيه الساده القراء بان هذه الشبكة تعمل علي تصدير هذا الحبوب الي دول الجوار

وقد يقابلك واحد بمطار الخرطوم ويطلب منك ايصال هذا الدواء لفلان بجده او الرياض او اي مدينه اخري... مستقلين جهل الناس بهذه الحبوب وسزاجتهم احيانا...

لذا وجب التنبيه .....

[ابو محمد]

ردود على ابو محمد
United States [كوشن تود] 04-24-2014 06:19 PM
الله يفتح عليك يا أبو محمد


#983268 [abbadi]
0.00/5 (0 صوت)

04-24-2014 12:12 PM
الكابتجون بسوى بيها شنو
نورا يا جماعة الخير
والله جنس محنن ما سمعنا بيها قبل كدي

[abbadi]

ردود على abbadi
[وطنى] 04-24-2014 02:15 PM
بسم الله الرحمن الرحيم


لماذا السودان واهل السودان ؟؟؟؟

لماذا تدمير السودان ؟؟؟

كيف تخرج كمية مدمرة من جمارك وكاميرات اغنى دولة

فى العالم ؟؟؟؟

هل يعقل ان تخرج خمســـــة حاويات مدمره من وسط

كلاب بوليسية وانظار رجال امن وموظفيين وبوابيين ؟؟؟

هل وصل بالانسان ان يدمر شعب كامل ويقفد كل الشعب

عقله ؟ ليقفد الوالد ولده ويقفد الولد والده وتفقد الام

ابنها وتفقد الابنه امها ؟؟؟

اكتب ولا اعرف ماذا اكتب من الدهشه والذهول ياريد كنت

كنت مته قبل ان اشوف هذا اليوم الذى اعرف فيه ان يوجد

من يدمر اولادنا وبناتنا اللذان تعبنا وسهرنا فيه سنيين

عمرنا .. لنفقدهم فى ايام ..

متى يعى اولادنا فى السودان خطورة الموقف متى متى متى ؟؟

والله والله والله انى حزين حزن شديد ..كيف نامن على اولادنا

اذا ترسل له كميات اكبر من ما يزرع فى دول المخدرات

هذه رسالة الى المعارضين والمتمردين انتم اوصلتم السودان

الى ماوصل اليه انتم سبب تدمير اولاد السودان ..

على وزارة الخارجية ان ترسل استيطاح من الدولة القادمة منها

المخدرات كيف تخرج خمسة حاويات لتدمير السودان ..

خمسة حاويات اكبر شحنة للتدمير للبشير ليشهد التاريخ

يعاقب فى الدولة كل من مرت عليه الحاويات ..

يحفز من اكتشف الشحنة بى 10 مليون دولار حتى لو يباع

جزء من المخدرات ( صيغة مبالغة ) بمعنى يستاهل ان

يحفز من قبض الشحنة .. لانه راجل ويحب السودان ويخاف اولاده

والله حتى لو تاخذوا من تجديد جوازاتنا


وطنـــــــــــــــــــــــــى


#983234 [كتمت]
5.00/5 (1 صوت)

04-24-2014 11:43 AM
هذه الكمية الضبطت طيب الكميات المرت كم وين راحت سوال مهم لحكومة البشكير

[كتمت]

ردود على كتمت
[شقيق الله] 04-24-2014 01:19 PM
الكميات المرت راحت لقطاع غره حيث يستقر ويحكم ناس حماس عليهم لعنه الله.

[سليمان الحاج] 04-24-2014 12:54 PM
التحيةللشرطة السودانية ... والمسؤلية لنا جميعا وليس الخكومة فقط .................بنحبك يا سودانا


#983198 [الغلبان]
0.00/5 (0 صوت)

04-24-2014 11:25 AM
وحسب راي اللواء المكي بان هذه الكمية قصد منها عبور السودان لدول أخري وهي غير مستخدمة في السودان لغلاء ثمنها مشيرا الي ان الكشف عن هذه الكمية ومنع تسربها الي الاسواق في حد ذاته يعتبر انجاز مؤكدا انه قد تم فتح بلاغ بالرقم 42 بشرطة ديم موسي ببورتسودان ولازالت التحريات جارية للكشف عن ملابسات هذه الجريمة . ليس هناك من شي بس تصريح عجب ؟؟؟!!!!

[الغلبان]

ردود على الغلبان
European Union [ود عبدالله] 04-28-2014 04:01 PM
هذه الشحنة مستورة بانها علف (ذرة)فيعني ان المستورد معروف فوجدتم رقم الهاتف اين اسم صاحب الهاتف ولو كان مغلقا منذ سنوات وفتح اعتماد استيراد هل يعقل ان البنك لا يملك بيانات عن المستورد واذا كانت مارة عبر الاراضي السودانية فهناك الكثير من الوارد معروف صاحبه وعلى السلطات ان تذكر الاسماء التي تحمل تلك الجوالات ولا الحكاية تطلع زي الملايين التي قبضت فيي دبي واستخرجت شهادات من بنوك الدولة والكثير الكثير وارفعوا ايديكم الى السماء بان يكف بصر المتسبب في تدمير هذه البلاد ويشل يده ويحطم داره عليه

United States [ابوايمن الحلاوى] 04-24-2014 01:17 PM
ياحبيبنا الغلبان ، يمين الله لو على جماعتك وجماركك كانت مرت مرور الكرام كما مرت شحنات سابقه معلومه ومتروكه!! وعليه المعلومه كامله بما تحوى كل الدلايل الموثقه من ارقام شحن للحاويات وحتى صورةالبوليصه(BILL OF LADING) تم ارسالها من السلطات اللبنانيه .. وبعد كل هذه المعلومات أنا ممكن اضع يدى على هذه الممنوعات....


#983168 [fm3]
5.00/5 (3 صوت)

04-24-2014 11:04 AM
ح تطلع وتتوزع الجابا ده زول نافذ كوز ماسونى وبنك من البنوك هم من مول الشحنه والما عاجبوا يقول بقم
شعب جعان لكنوا جباااااان

[fm3]

#983167 [موسى محمد]
5.00/5 (3 صوت)

04-24-2014 11:04 AM
الشركة الموردة لهذه البلاوي هي شركة الحلول المتكاملة.

[موسى محمد]

ردود على موسى محمد
[نهبوك يا وطن] 04-25-2014 02:19 AM
الي هيا بتاعت شتو و منو ؟؟


#983152 [ابوغتاته]
5.00/5 (3 صوت)

04-24-2014 10:53 AM
عادى بكره , يفكوهم بعفو رئاسى !!!

[ابوغتاته]

ردود على ابوغتاته
[نهبوك يا وطن] 04-25-2014 02:07 AM
ما تستغرب. الوسخ وسخ. و تجارة المخدرات معروفة من قديم الزمان.

United States [محمد حسن أحمد] 04-24-2014 11:58 AM
الخاذوق ما تكون هي حقت الرئاسة جايباها تتاجر فيها بعد ما تدهورت الحالة الاقتصادية وفقدت بترول الجنوب


#983119 [ابو طارق]
5.00/5 (5 صوت)

04-24-2014 10:33 AM
والله لو لا عناية الله واخوتنا فى لبنان الاتى

1- اولا لما انتبهتوا ليها ولا مسكتوا اصحابها

2- لو جاكم مندوب الشركه وشايل ورقه مكتوب عليها بندول او حبوب ملاريكس لما انتبهتوا

3-خذوا دورات عاليه فى انواع المخدرات

بكره تجيكم شحنه تانيه وليست عبر لبنان

ما هو الحل - 100 مليون جنيه وتعبر لاراضى السودان والحمدلله لا زال واسعا
غجررررررررررررررررررررررررررررر

[ابو طارق]

#983101 [رانيا]
5.00/5 (3 صوت)

04-24-2014 10:22 AM
وحسه بعد ده كله ناويين ( يكبوها ) وللاّ ؟!!!

[رانيا]

ردود على رانيا
European Union [الهادي كلين] 04-24-2014 02:50 PM
انت ماشفتى الاصفار دى يارانيا ، يكبوها وين ، وبعدين قال ليك الكابتجون ده حبة منه تخليك تشوفى الحاج يوسف زى لاس فيغاس ههههههه


#983100 [كاشتا]
5.00/5 (4 صوت)

04-24-2014 10:21 AM
كل الشكر والتقدير لمكافحة المخدرات في لبنان ... وناس السودان لقوها باردة وعاملين فيها بطلولة ...
ربنا يحفظنا من كل سوء

[كاشتا]

#983088 [سندباد]
4.63/5 (4 صوت)

04-24-2014 10:16 AM
لابد أن من أتى بهذه المخدرات مورد معروف ،وسلطات الجمارك تعلم الموردين كما يعلم المرء ابناءه
ولابد أن هذه المخدرات تم اخفاءها وسط محاصيل كالفاصوليا او الذرة الشامية ،فمن هو المورد ومن المسئول اذا صح هذا الخبر ؟
في كل الدول عندما يتم ضبط ممنوعات كهذه يتم عرضها مع اصحابها في الشاشات فلماذا لم يتم ذلك هنا!!
قالوافي الصحف أن هذه الحبوب اتت من دبي ! تصوروا
قبل فترة انتشرت شاتعات كثيرة عن آل سعود (السعودية) والآن (الامارات) تجد حظها أيضا ، أحسب أن الامر برمته مكائد سياسية ضد دولة الامارات وتعلمون لماذا
ربما غدا سنسمع بشحنة سلاح تم ضبطها قادمة من مصر
لو قالوا أن هذه المخدرات أتية من ايران او الصين لصدقت الخبر ، ببساطة لأن هاتان الدولتان تعتبران من أكبر مراكز تجارة المخدرات في الشرق الى جانب افغانستان
يابشر اعلموا أن سلع الصين المزيفة تقتلنا اكثر من المخدرات
مثل الاواني البلاستكية المسرطنة
وقطع غيار السيارات المضروبة التي تتسبب في الحوادث وموت الناس
والمعلبات الفاسدة
والكريمات والعطور المغشوشة وهلم جرا
اخيرا:
اعرضوا علينا وجوه اصحاب شحنة المخدرات ،مع تلاوة اعترافات (عشان امرق كضاب ) !

[سندباد]

#983076 [الزول]
4.00/5 (1 صوت)

04-24-2014 10:10 AM
لا بدأن يعرف الشعب السودانى هذه الشبكة ولا عذر للحكومة فى ذلك ومن خلال المندوبين الذين تقدموا لأستلام هذه الشحنة يمكن معرفة هذه الشبكة وللعلم اذا لم يذكر أعضاء هذه الشبكة فنحن كشعب نتهم الحزب الحاكم ( المؤتمر الوطنى ) وأن هذه العصابة هى التى سرقت أموال الشعب السودانى .

[الزول]

#983060 [سودانية]
0.00/5 (0 صوت)

04-24-2014 10:00 AM
>>ربنا يحمى السودان والسودانيون ويقوى رجال الامن ومكافحة التهريب والمخدرات نتمنى من الدولة من دعم رجال المكافحة لان البلد مفتوحة على 8 دولة والحدود مفتوحة واحنا طيبين شديد بنستقبل الغرباء بترحاب وطيبة نفس وليس كل الغرباء ضيوف منهم المخرب والارهابى زمنهم منيدهل متسلل بطرق غير رسمية ومابنسال عن هويتهم كما بنتعامل فى الخارج والمخدرات المقبوضة جاءت بالميناء الجنوبى على عينك ياتجار وما خفى اعظم ...

[سودانية]

#983053 [اباذر الكاهلى]
5.00/5 (1 صوت)

04-24-2014 09:57 AM
حسبى الله ونعم الوكيل

[اباذر الكاهلى]

#983036 [mmm]
4.50/5 (4 صوت)

04-24-2014 09:50 AM
يعني لو ما اللبنانيين كان
بلعنا ناشف........

[mmm]

ردود على mmm
[ودالباشا] 04-25-2014 05:53 AM
من زمااااان مبلوع

European Union [اللحوي] 04-24-2014 02:11 PM
ما تقولها عديل: (م)سطول - (م)دمن - (م)خدرات


#983007 [ودالجمالاب]
5.00/5 (4 صوت)

04-24-2014 09:31 AM
برضو ح تتوزع في السودان بعد مسكوها واكيد الشخص الشاحنها دا عندو زول في المينا من ناس الانقاذ الحرامية

[ودالجمالاب]

ردود على ودالجمالاب
[mmm] 04-26-2014 09:23 AM
[ودالباشا]
ياباشا.....

الاجابة الصحيحة (م.مغترب- م.مظلوم - م.مقهور)
اديك النجيطة لولا رسالة اللبناني عبر الوتساب (ركز على كلمت الوتساب دي)
لكانت الشوالات في امان
داخل الخرطوم....

فساد - فات حدود المعقول....


#982974 [ساهر]
5.00/5 (2 صوت)

04-24-2014 09:12 AM
تتميز السلطات الشرطية والأمنية السودانية بنوع من التراخي (A bit of slack) يغري الكثيرين من خارج السودان على المغامرة التي يحسبون أن رابحة. في كافة التقارير التي تصدرها المنظمات العالمية المعنية بمكافحة المخدات كانت شمال أفريقيا تحتل المرتبة الأولى في التهريب، ولم يرد ذكر اسم السودان في أي تقرير من تلك التقارير. القادمون من السودان في اي مطار من المطارات الإقليمية والدولية يمرون مرورا سريعاً، لأن السودان معلوم للكافة (خال تماماً من المواد المخدرة والمفترة). أما والحال كذلك، فسوف يتعرض المسافر السوداني مستقبلاً لمزيد من الفحص والتدقيق قبل السماح له بالمغادرة. نهيب بشرطة السودان، الضرب بيد من حديد على كل من تسول له نفسه التلاعب بأمن وسلامة المواطن السوداني. يا شرطة السودان، الحرص، الحرص، قبل أن يعلن رسمياً كدولة عبور للمخدرات وعندها سوف يعاني المسافر السوداني كل الويل والعذاب.

[ساهر]

#982966 [ابو خالد الدمام]
5.00/5 (2 صوت)

04-24-2014 09:07 AM
البرلمان قال ستة وثلاثون وزيرا اتحاديا شاركوا في ادخال نفايات الكترونية ما سألت عنهم ليه؟ بس انتو يا ناس الجمارك شوفتوا الحبوب دي؟ النفايات الالكترونية دخلت من وين؟ جميع الحاويات دخلت عبر جمارك بورتسودان اين الشفافية ياناس الجمارك قاتلكم الله أنّا تؤفكون

[ابو خالد الدمام]

#982962 [أيام لها إيقاع]
5.00/5 (1 صوت)

04-24-2014 09:05 AM
الكوبتاغون مننشط و ليس للهلوسة،، والإنسان السوداني حيلو مهدود ، و لا يحتاج يسهر و يواصل الليل بالنهار بدون أي أسباب مثل الشعوب المرفهة ،،

[أيام لها إيقاع]

#982960 [خالد]
5.00/5 (1 صوت)

04-24-2014 09:02 AM
من يهن يسهل الهوان عليه ف الحكومه هوينه لذالك تتكالب عليهاكل مجرمي الدنياومن ماظهر البترول ولحدى الان كل الناس المثتثمرين الجو السودان حراميه حراميه استقلو طططططططططيبه اهل السودان وضعف اداره الكيزان وسؤ اخلاقهم وضعف انفسهم فى سرقه السودان والكيزان ماقصروفى السرقه وعملو ب المثل السودانى دار ابوك اكان خربت شيل ليك منهاشليه فعاثوفى الارض خربا

[خالد]

#982950 [ود نقد]
5.00/5 (1 صوت)

04-24-2014 08:55 AM
التحية لادارة المخدرات على ضبط هذا الكم الهائل من السموم...ولكن تظل العلة موجودة...وتطرا على السطح عدة تساؤلات....من هم او هو صاحب هذه الشحنة!!! واذا كانت ارقام الهواتف وهمية والعناوين وهمية من هو صاحب الشركة فى سجلات مسجل الشركات!!!! لا توجد شركة مسجلة بدون بيانات رئيس واعضاء مجلس الادارة....ما حجم مشكلة انتشار المخدرات فى السودان اذا علمنا انها وصلت لمستوى المدارس!!!!!هل الادارة العامة لمكافحة المخدرات تملك الامكانيات الكافية لمتابعة هذه المشكلة عبر منافذ السودان المتعدة وداخل السودان!!!!! ام ان ان الحكومة لا يهمها صحة الشعب وانما حماية سلطتها!!!! لماذا كانت ردة الفعل لا تساوى حجم المشكلة!!!!! اصبح السودان دولة عبور لتجارة المخدرات لان بعض الدول احكمت السيطرة على منافذ دخولها لاراضيها...ماذا فعلت الجهات المختصة!!!! خصوصا بعد ان صار السودانيون مصدرا للشكوك كما حدث لحالة الشابين الذين تم اعتقالهما بالسعودية وهم يحملون طرودا بها مخدرات دون علمهم ونتيجة طيبتنا الزائدة حتى درجة الاستغفال...وهل توصلت السلطات لتجار المخدرات فى الحالة الاخيرة حيث ان المرسل احد العاملين بمطار الخرطوم!!!!هل !!وهل !! هل!!!! اسئلة كثيرة تحتاج للاجابة..نتمنى على الراكوبة متابعة الملف لخطورته.....

[ود نقد]

#982933 [محموم جدا]
5.00/5 (5 صوت)

04-24-2014 08:42 AM
في تصريحات صحفية اليوم انه وحسب التنسيق الذي يتم بين السودان والدول العربية وصلت معلومات بتاريخ 17-4 -2014م من وحدة مكافحة المخدرات بلبنان عن تحرك باخرة قادمة من اليونان عبر لبنان متجهة الي السودان وتم ابتعاث صورة من بوليصة الشحن وارقام الحاويات الخمسة زنة الف و124 جوال كبير وتعاملت وحدة مكافحة المخدرات مع المعلومة بجدية..

ما في داعي يا سعادة اللواء بكشف عمليات التعاون مع من و عبور الشحنة و عن طريق لبنان و غيرها من المعلومات دي خاصة فيكم و الكشف عنها قد يؤدي الى تغيير التاكتيكات و تبقوا وحيدين في الساحة أمام هذه العصابات العالمية .. السرية ثم لسرية و لا داعي لنشر الغسيل في مثل هذه العمليات PROFESSIONALISM ثمال PROFESSIONALISM !!!!

[محموم جدا]

ردود على محموم جدا
[ابوخلف] 04-25-2014 12:42 AM
كلامك صاح يامحموم وفي موقع اخر صرح بان شرطه المخدرات اللبنانيه اتصلت عليهم واخطرتهم بالشحنه وزكر اسم العقيد اللبناني باسمه .. مما يعد تصريحا لايجب ان يصرح به ومن المؤكد كشف اسم العقيد يسبب إشكالات له مع عصابات المخدرات.. وسوف تغض النظر عن اي بلاوي اخري تشحن لنا........ فعلا عدم مهنيه قاتل

[أرسطو] 04-24-2014 02:35 PM
لك التحية والتقدير على هذا الفهم المتقدم و العقلية المهنية التصرف الاحترافى Professionalism - و هذا اللواء عسكرى جربندى و زول سوق سكت - و لك الله يا سودان .

United States [أيام لها إيقاع] 04-24-2014 11:03 AM
و الله احترمتك جداً يا محموم جداً على تعليقك الراقي ، و بعدين لواء بتاع شنو الدايرو يفهم ليك ،، لواء معفن و كوز زي دة لو مشى في السوق العربي ينشلوهو و ينشلو دبابيرو ،، ديل صعاليك ساكت لبسو لبس الشرطة
،،


#982924 [abubaker]
5.00/5 (1 صوت)

04-24-2014 08:32 AM
عظيم ياوالي لكن قلت مصدرة الي دولة خارج السودان لان سعرها غالي طيب لوكان سعرها رخيص كان ادخلت السودان (بالله عليك البسمع بموظفين الخضر الوالي ما ببلع كل هذه الكمية ) حاول انت و اصحاب من الرتب العالية اقبضو علي اولاد الخضر وما شابهم شوف تاني تدخل حبة السودان )

[abubaker]

#982910 [سوداني]
5.00/5 (2 صوت)

04-24-2014 08:20 AM
هذه المخدرات مصدرها ايران وحزب الله وحماس كل مصائب وبلاوي السودان من هؤلاء بسسب الحكومة التي فتحت ابوابها لهم فهم يسعون في الارض فسادا كما هو الحاصل في غرب افريقيا من حزب الله وايران حسبي الله زنعم الوكيل حمى الله اهل السودان ويجعل كيدهم في نحرهم

[سوداني]

ردود على سوداني
[زول ساكت] 04-24-2014 02:50 PM
ويبدو انك شيعي بامتياز يا عمر عبد االهادي عثمان!!!

[عمر عبد االهادي عثمان] 04-24-2014 11:47 AM
يبدو انك وهاابي بامتيااز


#982884 [Heron]
5.00/5 (3 صوت)

04-24-2014 07:48 AM
يجب معرفة المتورطين واعدامهم علانية حتى يتعظ من تسول له نفسه بالمساس بامن هذا البلد.

[Heron]

ردود على Heron
European Union [اللحوي] 04-24-2014 02:32 PM
مين يعدم مين ... ؟؟؟؟
لما أصدرت الحكومة قانون بإعدام كل من يستخدم مادة برومات البوتاسيوم في الخبز والتي تسبب السرطان والعياذ بالله. تم القبض على صاحب مخبز وهو متلبس بمزج المادة مع العجين والذي ألقى القبض عليه شرطي. وبعدها بأقل من إسبوع سمعنا بصاحبنا فاتح ليهو مخبز جديد في حي آخر.

وقصة أخرى حدثت في الثورة أدرمان وهو صاحب عربة بوكس وكان مارا داخل الأحياء وعندما رأى سيارة النجدة زاد سرعته وهنا شكت الشرطة في أمره وطاردته ووجدت عنده كلاب مذبوحة ومسلوخة(لحم) ... !!! وفي المحكمة لقنه محاميه أن يقول للقاضي بأنه ينوى عمل جلود هذه الكلاب بناقز (جمع بنقز إيقاعات) ... !!! يا أخي رجال القانون يساعدون على الجريمة.
وتاني مين يعدم مين ؟؟؟؟؟


#982852 [kabashor]
5.00/5 (2 صوت)

04-24-2014 06:42 AM
ممكن تتباع عادي في سوق ليبيا فاصوليا .

[kabashor]

#982851 [ركابي]
5.00/5 (1 صوت)

04-24-2014 06:41 AM
غايتو دي لو انتشرت في البلد حتكون في جنس حالات psychosis واصلا الناس بقت عندها خلل في التفكير المنطقي ...............الله يستر ونكون فعلا دولة معبر

[ركابي]

#982840 [عطا اللة]
5.00/5 (5 صوت)

04-24-2014 06:10 AM
هذه الحبوب استعملها شباب ليبيا فساعدهم على التخلص من القذافى

[عطا اللة]

ردود على عطا اللة
[نهبوك يا وطن] 04-25-2014 02:18 AM
بل ياعزيزي هي وقوود جنود هتلر. و بعد ان تبنت سوريا مصانع الانتاج تبنيا من بلغاريا قبل ما تتحول سوريا للجوطة دي. من سنييين. قد تكون هي ايضا سبب العنف الغير مبرر و العشوائية الحياوانية الحاصلة اليوم في سوريا.. اصبح الكبتجون ازمة السلطات في المنطقة خصوصا الخليج.


#982818 [وليد]
5.00/5 (4 صوت)

04-24-2014 04:23 AM
طبعا ده مكسب حنيييين للضباط العندهم مزارع بنقو وشغالين يبيعوا لشبابنا وتصدير تقيييل!
يلا جاتكم من اللبنانيين الما صادروا الحاويات لمن كانت عندهم!!!!!!!!بالمره كان يبعتوا ليكم كم جكساية!!!!!شايفين عمكم المتجنصص في الصورة الأخيرة الرافع رجلينو فوق شوالين ده اسمو "ديل تبعي ياسعادة! مافي زول يقرب منهم"!!!!!
عموما لو بالجد الناس دي قلبها على البلد وشبابها وبهمها سمعة المكافحة كان عدييييل جابو الكلام ده في التلفزيون الرسمي بالصوت والصورة وكان طلع لينا سعادة اللواء مكي ده من الميناء واتكلم عن العملية،مش بعد ماضرب ليه شيه بالدكوة طالع لينا من جحر شيشة ظريفة يبعت تصريحات لسونا!!!!

ياخ معقولة يامكي الحنك البيش ده حنك بيهو ناس مرررريله وما عايشة الواقع المدمر.

[وليد]

#982815 [معاوية]
5.00/5 (1 صوت)

04-24-2014 04:04 AM
good job

[معاوية]

#982801 [واحد زهجان من ...]
5.00/5 (3 صوت)

04-24-2014 02:36 AM
وحسب راي اللواء المكي بان هذه الكمية قصد منها "عبور السودان لدول أخري" وهي غير مستخدمة في السودان لغلاء ثمنها مشيرا الي ان الكشف عن هذه الكمية "ومنع تسربها الي الاسواق" في حد ذاته يعتبر انجاز .
اولا هذا ليس انجاز بالمعنى المفهوم حيث ان المعلومة كانت جاهزة من جهات خارجية
ثانيا التصريح بأن هذه المواد عابرة للسودان توحي بمبررات لتخفيف العقوبة وفي نفس الوقت التصريح يناقض نفسه (تسريبها للاسواق)
ثالثا في مثل هذه الحالات يتم القبض على المواد في مستودعات الشركة بعد انهاء اجراءات الجمارك العادية وخروجها من الدائرة الجمركية بصورة طبيعية ومتابعتها متابعة دقيقة لاثبات التهمة بالبينة الواضحة حيث ان القبض عليها داخل الدائرة الجمركية تترتب عليها ثغرات قانونية وبالتالي الافلات من العقاب
رابعا اعتقد اصحاب البضاعة من ذوي النفوذ وهذا الاعتقاد بناء على هذا التصريح الذي لم يشير على نوع العقوبات التي قد يواجهها هؤلاء المجرمين والتي قد تصل الى عقوبة الاعدام لكبر حجم المخدرات
الانجاز الحقيقي هو اعدام هؤلاء المجرمين هذا ان كان هناك قانون في الاصل حيث تعودنا على تباين الاحكام في القضايا المتشابهة والكل يحكم حسب ظروفه او بتأثيرات خارجية كما صرح وزير العدل من قبل

[واحد زهجان من ...]

ردود على واحد زهجان من ...
[انا مازهجان] 04-24-2014 12:59 PM
الكميات التي يتم ضبتها تمثل فقط 30% من الكميات التي تتسرب من اكفاء شرطة جمارك سؤال كم نسبة الترب في السودان


#982750 [sudani]
5.00/5 (1 صوت)

04-24-2014 12:32 AM
المندوبين منو الوكلهم يستلموا يجيبو موكلهم و فورا عشان تنكشف الشبكة م

[sudani]

#982740 [محمد الزين محمد]
5.00/5 (1 صوت)

04-24-2014 12:21 AM
الله يحفظ ما تبقى من شباب السودان

[محمد الزين محمد]

#982717 [ساب البلد]
5.00/5 (1 صوت)

04-23-2014 11:47 PM
********* الشعب مكبوت ****** كمان جايبين ليهو (كبتة) زيادة ***** كبتة اسم الدلع ل كبتاجون *******

[ساب البلد]

ردود على ساب البلد
European Union [ساب البلد] 04-24-2014 07:39 PM
******** هههههههههه يا "اختي" نحنا مزهزهين من غير حبوب ****** تسلمي كتير ******

United States [رانيا] 04-24-2014 10:19 AM
لو ما كان دمك خفيف من أول كان نقول (زهزهت) بحبة منها !


#982677 [الانهيار]
3.00/5 (2 صوت)

04-23-2014 10:44 PM
كسير تلج للسعودية

[الانهيار]

ردود على الانهيار
European Union [sudani] 04-24-2014 12:36 AM
ايه كسير ثلج للسعودية؟ ده الكلام المودي السودان تحت ده السودان وليست الانقاذ ولعلمك هنالك تعاون امني في هذا المجال


#982676 [بت قضيم]
4.75/5 (3 صوت)

04-23-2014 10:44 PM
السودان مستودع نفايات ااكترونية ونفايات كيزانية ومعبر حبوب هلوسة ومنبع الفساد والمفسدين وابك يا بلدي الحبيب

[بت قضيم]

ردود على بت قضيم
United States [kamal.mohideen] 04-24-2014 11:57 AM
الانسان في السودان اقل ماتملك الدولة


#982675 [Almo3lim]
5.00/5 (8 صوت)

04-23-2014 10:43 PM
13 مليون و552 الف و450 حبة . القيمة بالجنيه بواقع الحبة 40 جنيه بالجديد شوف تطلع كم؟؟

و إذا علمنا بأن الكابتاجون المتداول في اسواق المخدرات حاليا مغشوش بمادة الإفيدرين الموقوفة دوليا لأنها تسبب أعراض ذهانية ..

نتشائل كم حالة ذهان سينتج عن استخدام هذه الشحنة و أيضا كم جريمة قتل أو عنف أو أغتصاب !! ..

المصيبة أن تقارير المخدرات عالميا تقول بأن ما يتم ضبطه في اي بلد في سنة معينة يمثل فقط ربع(1/4) الكمية التي لم يتم ضبطها بمعني 3/4 نجح المهربون في تمريرها عبر المنافذ جمرك أو خلافه ..

كل واحد يحرص على عياله في موضوع المخدرات و في أحسن الدول المستقرة التي تحترم مواطنيها تنتشر المخدرات وسط الشباب (تأثير الأصدقاء) و الانتباه مطلوب و بشدة سواء كانت الحكومة من الشياطين أو من الصحابة ..

انتبهوا لأبنائكم لأنو النوع هذا من المخدرات يسبب ذهان شيبه تماما مرض الشيزوفرينا و الوقوع فيه سهل بحجة انه زي البنادول و بيساعد على الحفظ و يجدد الطاقة ..

لا حظت أيضا سوء أستخدام البنادول بين الطلاب في السودان أولاد و بنات و معروف أن البنادول يسبب الفشل الكبدي أذا أستخدم بجرعات كبيرة ..

مكافحة المخدرات مسئولية الأسرة و المجتمع قبل أن تكون مسئولية الدولة ..

[Almo3lim]

ردود على Almo3lim
[النية صافية] 04-25-2014 02:11 AM
الحبة ب30 ج و الاربعة ب 100. متوفرة و متداولة. الشرطي يعلم ان الشباب بدا يلجا لعقاقير ارخص و اخطر و في بعض الاحيان خليط ادوية و ده شي خطيير للغاية.
اللهم احفظ سودانااااااااا

European Union [Sifo] 04-24-2014 01:28 AM
لك الشكرا ايها المعلم



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة